കേരളത്തിലെ നിങ്ങളുടെ വീടിനും ഓഫീസിനുമുള്ള മികച്ച ഇൻഡോർ സസ്യങ്ങൾ
കേരളത്തിലെ നിങ്ങളുടെ വീടിനും ഓഫീസിനും പറ്റിയ ഇൻഡോർ സസ്യങ്ങൾ നിരവധിയുണ്ട്. പ്രധാനമായും ഇൻഡോർ സസ്യങ്ങൾ അലങ്കാര ആവശ്യത്തിനാണ് വീടുകളിലും ഓഫീസുകളിലും വളർത്താറുള്ളത്.
വീടുകളും ഓഫീസുകളും മനോഹരമാക്കിവെക്കുക എന്നതിലുപരി വായു ശുദ്ധീകരണത്തിലും ഇൻഡോർ സസ്യങ്ങൾ വലിയ പങ്കുവഹിക്കുന്നുണ്ട്. കുറഞ്ഞ സൂര്യപ്രകാശം,മണ്ണ്,ജലം എന്നിവയാണ് ഇൻഡോർ സസ്യങ്ങളുടെ വളർച്ചയ്ക്ക് പ്രധാനമായും ആവശ്യമായി വരുന്നത്.
അതുകൊണ്ടുതന്നെ അവ എളുപ്പത്തിൽ വളർത്തിയെടുക്കാനും പരിപാലിക്കാനും സാധിക്കുന്നു. ഇൻഡോർ സസ്യങ്ങൾ മുറികളിൽ വെക്കുന്നത് മനുഷ്യൻ പുറത്തു വിടുന്ന കാർബൺ ഡൈ ഓക്സൈഡ് വലിച്ചെടുത്ത് മുറികളിൽ ഓക്സിജന്റെ അളവ് വർദ്ധിപ്പിക്കുന്നതിനും വലിയ പങ്കുവഹിക്കുന്നു.
കേരളത്തിൽ എളുപ്പത്തിൽ വളർത്തിയെടുക്കാവുന്ന ഇൻഡോർ സസ്യങ്ങൾ
- മണി പ്ലാന്റ്
- സ്നേക്ക് പ്ലാന്റ്
- പീസ് ലില്ലി പ്ലാന്റ്
- ബ്രോക്കൻ ഹാർട്ട് പ്ലാന്റ്
- സ്പൈഡർ പ്ലാന്റ്
- കറ്റാർവാഴ
- ആന്തൂറിയം
- ഓർക്കിഡ്
- ലക്കി ബാംബൂ പ്ലാന്റ്
- റബ്ബർ പ്ലാന്റ്
- ഇംഗ്ലീഷ് ഐവി
- ഇഞ്ച് പ്ലാന്റ്
- പീകോക്ക് പ്ലാന്റ്
- ഹൈഡ്രാഞ്ചസ്
- ടർട്ടിൽ വൈൻ
1. മണി പ്ലാന്റ്
കേരളത്തിലെ വീടുകളിലും ഓഫീസുകളിലും കൂടുതലായും കണ്ടുവരുന്ന ഇൻഡോർ പ്ലാന്റ് ആണ് മണി പ്ലാന്റ്. കുറഞ്ഞ ചിലവിൽ വീടുകളെയും ഓഫീസുകളെയും മനോഹരമാക്കി മാറ്റുന്നതിൽ മണി പ്ലാന്റ് വഹിക്കുന്ന പങ്ക് വളരെ വലുത് തന്നെയാണ്.
ഹാങ്ങിങ് പോട്ടുകളിലോ, ചെറിയ ചെടിച്ചട്ടികളിലോ മണി പ്ലാന്റ് എളുപ്പത്തിൽ വളർത്തിയെടുക്കാം. സാധാരണയായി തണ്ട് മുറിച്ചു നട്ടാണ് മണി പ്ലാന്റുകൾ വളർത്തിയെടുക്കാറ്.
അരേഷ്യയ (Araceae) കുടുംബത്തിൽ ഉൾപ്പെട്ട ഒരു വള്ളിച്ചെടിയാണ് മണിപ്ലാന്റ്. ഡെവിൾസ് വൈൻ, ഡെവിൾസ് ഐവി, ഗോൾഡൻ പോത്തോസ്, ഹണ്ടേർസ് റോബ് തുടങ്ങിയ പേരുകളിൽ അറിയപ്പെടുന്ന ഈ സസ്യം ഇന്ത്യ, ബംഗ്ലാദേശ്, നേപ്പാൾ തുടങ്ങിയ രാജ്യങ്ങളിൽ മണി പ്ലാന്റ് എന്ന പേരിലാണ് അറിയപ്പെടുന്നത്.
ഈ ചെടി, ഭാഗ്യം കൊണ്ടുവരുമെന്ന് വിശ്വാസിക്കുന്നതുകൊണ്ടാണ് മണി പ്ലാന്റ് എന്ന പേരിൽ അറിയപ്പെടുന്നത്.
2. സ്നേക്ക് പ്ലാന്റ്
കുറഞ്ഞ ചിലവിൽ നിങ്ങളുടെ വീടിനെയും ഓഫീസിനെയും മനോഹരമാക്കാൻ ആണ് നിങ്ങൾ ആഗ്രഹിക്കുന്നതെങ്കിൽ സ്നേക്ക് പ്ലാൻ വളർത്തിയെടുക്കുന്നതിലൂടെ നിങ്ങൾക്ക് അതിന് സാധിക്കും എന്നതിൽ സംശയമില്ല.
Dracaena trifasciata എന്ന ശാസ്ത്രീയ നാമത്തിൽ അറിയപ്പെടുന്ന ഈ ചെടി സാധാരണയായി പാമ്പ് ചെടി എന്നറിയപ്പെടുന്നു. പച്ചയും മഞ്ഞയും കലർന്ന നീളമേറിയ ഇലകളാണ് ഈ ചെടിക്ക് ഉള്ളത്.
തിളക്കമുള്ള മഞ്ഞയുടെ ഹൈലൈറ്റുകൾ ഉള്ളതിനാൽ ആകർഷകമായ ഇൻഡോർ പ്ലാന്റ്ആയി സ്നേക്ക് പ്ലാന്റിനെ നമുക്ക് വീടുകളിൽ വളർത്താം. ആഴ്ചകളോളം വെള്ളമില്ലാതെ പോകാം എന്ന പ്രത്യേകത കൂടി ഈ സസ്യത്തിനുണ്ട് അതുകൊണ്ട് തന്നെ കൂടുതൽ ശ്രദ്ധ ആവശ്യമില്ലാത്ത സസ്യമാണിത്.
3. പീസ് ലില്ലി പ്ലാന്റ്
തൂവെള്ളപ്പൂക്കളുള്ള മനോഹരമായ ഒരു ഇൻഡോർ പ്ലാന്റ് ആണ് ലില്ലിച്ചെടി. പീസ് ലില്ലി എന്നാണ് ഈ ചെടിയെ വിളിക്കുന്നത്. വീട്ടിനകത്ത് സമാധാനം നിറയ്ക്കാനും പോസിറ്റീവ് ഊര്ജ്ജം തരാനും ഈ ചെടിക്ക് കഴിയുമെന്ന് വിദേശികള് വിശ്വസിക്കുന്നു.
ചേമ്പിന്റെ വര്ഗത്തില്പ്പെട്ട ഈ ചെടി ഓഫീസുകളിലും വീടുകളിലും ഇന്ഡോര് പ്ലാന്റ് ആയി വളര്ത്താന് യോജിച്ചതാണ്.കടുംപച്ചനിറത്തിലുള്ള ഇലകളാണ് ഈ ചെടിക്ക് ഉള്ളത്.
വീട്ടിനകത്ത് വെക്കുമ്പോള് ആവശ്യത്തില്ക്കൂടുതല് നനയ്ക്കേണ്ട ആവശ്യമില്ല. ആഴ്ചയില് ഒന്നോ രണ്ടോ തവണ മാത്രം നനച്ചാല് മതി. സൂര്യപ്രകാശം ഇല്ലാത്ത മുറികളില് വളര്ത്താന് പറ്റുന്ന ചെടിയാണിത്.
അശുദ്ധവായു ശുദ്ധീകരിക്കാന് കഴിവുള്ള സസ്യമാണിത്. കിടപ്പുമുറിയുടെ ഒരു മൂലയില് വളര്ത്തിയാല് നല്ല ഉറക്കം പ്രദാനം ചെയ്യാനും ഈ ചെടിക്ക് കഴിയുമത്രെ.
രാത്രിയിലും ഓക്സിജന് പുറത്തുവിടാന് കഴിയും എന്ന പ്രത്യേകത ഈ സസ്യത്തിനുണ്ട്.വളരാന് അനുകൂലമായ സാഹചര്യങ്ങള് ഒരുക്കിയാല് ആരോഗ്യത്തോടെ വളര്ന്ന് പൂക്കളുണ്ടാകും.
ഈ ചെടി വളര്ത്തുന്നവര് ആവശ്യത്തില്ക്കൂടുതല് വെള്ളം നല്കുന്നതിനാലാണ് ചെടി നശിച്ചുപോകുന്നത്. ചട്ടിയിലെ മണ്ണിന്റെ മുകള്ഭാഗം തൊട്ടുനോക്കി ഈര്പ്പമില്ലെന്ന് ഉറപ്പുവരുത്തിയാല് മാത്രം വെള്ളം ഒഴിച്ചുകൊടുക്കാം.
അതുപോലെ വളപ്രയോഗവും ശ്രദ്ധിക്കണം. മിതമായ രീതിയില് വര്ഷത്തില് ഒന്നോ രണ്ടോ പ്രാവശ്യം മാത്രമേ വളപ്രയോഗം നടത്താവൂ. പാത്രത്തില് നിന്നും പുറത്തേക്ക് വളരാന് തുടങ്ങിയാല് പോട്ടിങ്ങ് മിശ്രിതം മാറ്റി നിറച്ച് വീണ്ടും നടാവുന്നതാണ്.
അങ്ങനെ മാറ്റുമ്പോള് ആദ്യം നടാനുപയോഗിച്ച പാത്രത്തേക്കാള് രണ്ട് ഇഞ്ച് വലിയ പാത്രത്തിലേക്കാണ് മാറ്റി നടേണ്ടത്.ഉപയോഗ ശൂന്യമായ ചില്ലുപാത്രങ്ങളിലും പീസ് ലില്ലി വളര്ത്താം. രണ്ട് ഇഞ്ച് ആഴത്തില് വെള്ളം നിറയ്ക്കാന് കഴിവുള്ള കുപ്പി ഉപയോഗിക്കാവുന്നതാണ്.
പാത്രത്തില് ശുദ്ധജലം നിറച്ച് ഇലകളില് മുട്ടാതെ തണ്ടു മാത്രം മുങ്ങിനില്ക്കുന്ന രീതിയില് ചെടി വളര്ത്താം. പീസ് ലില്ലിയുടെ വേര് നന്നായി കഴുകി വൃത്തിയാക്കി ചില്ലുപാത്രത്തിലെ വെള്ളത്തിലേക്ക് ഇറക്കിവെച്ച് വെള്ളാരംകല്ലുകള് ഇട്ടുകൊടുത്ത് ചെടിക്ക് ബലം നല്കാം.
4. ബ്രോക്കൻ ഹാർട്ട് പ്ലാന്റ്
ഏറ്റവും ജനപ്രീതിയാർജ്ജിച്ച വീട്ടുചെടികളിലൊന്നായ ഇൻഡോർ പ്ലാന്റ് ആണ് ബ്രോക്കൻ ഹാർട്ട് പ്ലാന്റ്.ഹൃദയാകൃതിയിലുള്ള ഇലകളോട് കൂടി എളുപ്പത്തിൽ വളരുന്ന ഈ ചെടി ജനക്കൂട്ടത്തിന്റെ പ്രിയപ്പെട്ടതാണ്.
എല്ലാ ഇടങ്ങളെയും മനോഹരമാക്കി മാറ്റാൻ കഴിയുന്ന ഒരു സസ്യം കൂടിയാണിത്. അതിലോലമായ വള്ളികളാൽ വേഗത്തിൽ വളരാൻ കഴിയും എന്നത് ഈ സസ്യത്തിന്റെ പ്രത്യേകതയാണ്.
5. സ്പൈഡർ പ്ലാന്റ്
നമ്മുടെ ആരോഗ്യത്തിനും വീട്ടില് പോസിറ്റീവ് ഊര്ജ്ജം നിറക്കുന്നതിനും സഹായിക്കുന്നു ചില ചെടികളുണ്ട്. അതില് ഒന്നാണ് സ്പൈഡര് പ്ലാന്റ്.സ്പൈഡര് പ്ലാന്റ് മനോഹരമായ ഒരു ഇന്ഡോര് പ്ലാന്റാണ്,
ഉഷ്ണമേഖലാ, പ്രദേശങ്ങളില് നിന്നുള്ളതാണ് ഈ ചെടി.സ്പൈഡര് വല പോലെ ഉള്ളത് കൊണ്ടാണ് ഈ ചെടിയെ സ്പൈഡര് പ്ലാന്റ് എന്ന് പറയുന്നത്. ഇതിന്റെ ഇലകള് നേര്ത്തതാണ്, വെള്ളയും പച്ചയും കലര്ന്ന നിറങ്ങളും ഇതിലുണ്ട്.
സ്പൈഡര് പ്ലാന്റിന് ധാരാളം ആരോഗ്യ ഗുണങ്ങളുണ്ട്. നിങ്ങളുടെ വീടിനുള്ളില് ഈ പ്ലാന്റ് വെക്കുന്നതിലൂടെ എന്തൊക്കെ ആരോഗ്യ ഗുണങ്ങള് നിങ്ങള്ക്ക് നല്കുന്നുണ്ട് എന്ന് നമുക്ക് നോക്കാവുന്നതാണ്.
സ്പൈഡര് പ്ലാന്റ് വീടിനുള്ളിലെ ഏറ്റവും മികച്ച വായു ശുദ്ധീകരണ സസ്യങ്ങളില് ഒന്നാണെന്നതാണ് സത്യം. നിങ്ങളുടെ വീട്ടില് ഒരു സ്പൈഡര് പ്ലാന്റ് സ്ഥാപിക്കുന്നത് ടോലുയിന്, കാര്ബണ് മോണോക്സൈഡ്, സൈലീന്, ഫോര്മാല്ഡിഹൈഡ് തുടങ്ങിയ വായുവിലെ ദോഷകരമായ രാസവസ്തുക്കള് നീക്കം ചെയ്യാന് സഹായിക്കും.
6. കറ്റാർവാഴ
അസ്ഫോഡെലേഷ്യേ കുടുംബത്തിൽ പെട്ട ഒരു ചെടിയാണ് കറ്റാർവാഴ . പേരിൽ സാമ്യമുണ്ടെങ്കിലും വാഴയുമായി ഇതിന് യാതൊരു ബന്ധവുമില്ല. വളരെയധികം ഔഷധഗുണമുള്ള ചെടിയാണ് ഇത്.
ആയുർവേദത്തിലും ഹോമിയോപ്പതിയിലും കറ്റാർ വാഴ ഔഷധമായി ഉപയോഗിക്കുന്നുണ്ട് . ത്വക്ക് രോഗങ്ങൾക്കുള്ള നല്ല പ്രതിവിധിയാണ് ഇത്. തണ്ടില്ലാത്തതോ ചെറിയ തണ്ടോടുകൂടിയതോ ആയ ഇത് 80-100 സെ.മീ ഉയരത്തിൽ വളരുന്നു.
ഇലകൾ ജലാംശം നിറഞ്ഞ് വീർത്തവയാണ്. ഇലകളുടെ അരികിൽ മുള്ളുകൾ ഒരു ദിശയിലേക്ക് അടുക്കി വച്ചപോലെ കാണപ്പെടുന്നു. ഒരുപാട് ഔഷധഗുണങ്ങളുള്ള ഈ സസ്യം വീടുകളിലും ഓഫീസുകളിലും ഒരു ഇൻഡോർ പ്ലാന്റ് ആയി ഉപയോഗിക്കാവുന്നതാണ്.
7. ആന്തൂറിയം
അരേസി (Araceae) സസ്യകുടുംബത്തിൽ ഉൾപ്പെടുന്ന ആയിരത്തോളം സ്പീഷീസുകൾ ഉള്ള പുഷ്പിക്കുന്ന സസ്യ വർഗ്ഗം ആണ് ആന്തൂറിയം. ഇതിന്റെ ഉദ്ഭവം കോസ്റ്റാറിക്ക ആണെന്ന് പറയപ്പെടുന്നു.
പൂവിന്റെ ആകൃതി കണക്കിലെടുത്ത് ഇവയെ ഫ്ലെമിങ്കോ ഫ്ലവർ ബോയ് ഫ്ലവർ,എന്നും വിളിക്കാറുണ്ട്.വലിയ ഇലകളോടു കൂടിയ ആന്തൂറിയം പല നിറങ്ങളിൽ ഉള്ള പൂക്കൾ ഉണ്ടാവുന്നവയാണ്.
പൂക്കൾ തടിച്ച മാംസളമായ തണ്ടുകളിൽ ഉണ്ടാവുന്നു. “ആന്തൂറിയം ആൻഡ്രിയേനം” എന്ന ഇനത്തിന് കടും ചുവപ്പ് നിറമുള്ള പൂക്കളാണ്. വെള്ള നിറത്തിലുള്ള ആന്തൂറിയവും കാണാറുണ്ട്.
പല ആകൃതിയിലുള്ള പൂക്കൾ കാണപ്പെടുന്നു. ഇരുനിറങ്ങൾ കലർന്ന പൂക്കളും ചില സസ്യങ്ങളിൽ കാണാറുണ്ട്.മിക്കപ്പോഴും നിത്യഹരിതമായി കാണുന്ന ഇവയ്ക്ക്, ഇളം ചൂട്, ഉയർന്ന ആർദ്രത, തണൽ, കൂടെക്കൂടെയുള്ള ജലസേചനം എന്നിവ ആവശ്യമാണ്.
മിതമായ കാലാവസ്ഥയിലാണ് ഈ ചെടി നന്നായി വളരുന്നത്. അതുകൊണ്ടുതന്നെ വീടുകളിലും ഓഫീസുകളിലും ഒരു ഇൻഡോർ പ്ലാന്റ് ആയി ആന്തൂറിയം വളർത്താം.
വേരുകൾ നീളത്തിൽ താഴേക്ക് വളർന്ന് തറയിലേക്കിറങ്ങുന്നതിനാൽ ഇവ മഴക്കാടുകളിൽ മുകളിലായി വളരുവാൻ സഹായകമാകുന്നു. ചിലയിനങ്ങൾ പാറകളിലും ഇവയെ കാണപ്പെടുന്നു. അന്തൂറിയം വ്യവസായിക അടിസ്ഥാനത്തിൽ കൃത്രിമ തോട്ടങ്ങളിൽ വളർത്തുന്നുണ്ട്.
8. ഓർക്കിഡ്
ഓർക്കിഡേസിയ കുടുംബത്തിൽ പെട്ടതാണ് ഓർക്കിഡ്. മരവാഴ എന്ന് മലയാളത്തിൽ പേരുള്ള ഓർക്കിഡ് ഒരു അധിസസ്യമാണ്. 800 ജനുസ്സുകൾ ഉള്ള ഓർക്കിഡ് ഏഷ്യ,ദക്ഷിണ അമേരിക്ക മുതലായ സ്ഥലങ്ങളിൽ കണ്ട് വരുന്നു.
പുഷ്പിക്കുന്ന സസ്യങ്ങളിൽ ഏറ്റവും വലിയ കുടുംബം ഓർക്കിഡിന്റേതായി കരുതപ്പെടുന്നു.സുഗന്ധ വിളയായ വാനില ഈ കുടുംബത്തിലെ ഒരംഗമാണ്. പല നിറങ്ങളിലും ആകൃതിയിലും കാണപ്പെടുന്ന ഇതിന്റെ പൂക്കൾ മനോഹരവും, താരതമ്യേന കൂടുതൽ ദിവസം കൊഴിയാതെ നിൽക്കുന്നതുമാണ്.
ഇക്കാരണങ്ങളാൽ ലോകമെമ്പാടുമുള്ള പുഷ്പ പ്രേമികളുടെയിടയിൽ ഏറ്റവും സ്വീകാര്യതയുള്ള ചെടികളിലെ പ്രമുഖ സ്ഥാനം തന്നെ ഓർക്കിഡിനുണ്ട്. അതുകൊണ്ടുതന്നെ ഒരു മികച്ച ഇൻഡോർ പ്ലാന്റ് ആയി വീടുകളിലും ഓഫീസുകളിലും ഓർക്കിഡിനെ നമുക്ക് വളർത്തിയെടുക്കാം.
9. ലക്കി ബാംബൂ
ചെറിയ പരിപാലനത്തിലൂടെ വളരെ വേഗത്തിൽ വളർത്തിയെടുക്കാവുന്ന ചെടിയാണ് ലക്കി ബാംബൂ.ആഫ്രിക്കയിലെ കാമറൂണാണ് ഈ ചെടിയുടെ സ്വദേശം.
ഇളം പച്ച നിറത്തിലുള്ള തണ്ടുകളും ഇലകളുമാണ് ഈ ചെടിക്ക് ഉള്ളത്.കുറ്റിചെടിയായാണ് ഈ ചെടി വളരുന്നത്.ഇവയ്ക്ക് 1.5 മീറ്റർ (5അടി) വരെ ഉയരം വെക്കും. ജലാംശം അധികമുള്ള ചുറ്റുപാടാണ് ഈ സസ്യത്തിന്റെ വളർച്ചയ്ക്ക് അനുയോജ്യം.
സൂര്യപ്രകാശം നേരിട്ട് ലഭിക്കുന്ന സ്ഥലങ്ങളിൽ ഈ സസ്യം വളർത്തിയെടുക്കുന്നത് പ്രയാസകരമാണ്.ചൈനീസ് ആചാരപ്രകാരം ലക്കി ബാംബൂ വീടുകളിലും ഓഫീസുകളിലും വളർത്തുന്നതിലൂടെ സാമ്പത്തിക നേട്ടങ്ങൾ, ഭാഗ്യം, ഐശ്വര്യം എന്നിവ ഉണ്ടാവുമെന്ന് വിശ്വസിക്കാറുണ്ട്.
ലക്കി ബാംബൂ തണ്ട് മുറിച്ചു നട്ട് ജലത്തിലും വളർത്താറുണ്ട്. ജലത്തിൽ വളർത്തുന്ന ലക്കിബാംബൂവിന്റെ വെള്ളം രണ്ടാഴ്ചയ്ക്ക് ശേഷം മാറ്റേണ്ടത് അത്യാവശ്യമാണ്.ഓക്സിജന് അളവ് ക്രമീകരിക്കാനും അലങ്കാരത്തിനുമായി ഈ ചെടി അക്വാറിയങ്ങളിലും വളർത്തിയെടുക്കാം.
10. റബ്ബർ പ്ലാന്റ്
വളരെ ആകർഷകമായ രീതിയിൽ ഓഫീസുകളിലും വീടുകളിലും വളർത്തിയെടുക്കാവുന്ന ഒരു ഇൻഡോർ പ്ലാന്റ് ആണ് റബ്ബർ പ്ലാന്റ്. പേരിലുള്ള സാമ്യം അല്ലാതെ റബ്ബറുമായി ഈ ചെടിക്ക് യാതൊരു ബന്ധവുമില്ല.
പൂക്കളില്ലാത്ത ഈ ചെടിയിൽ പുതിയ ഇലകൾ ഉണ്ടാവുന്ന സമയത്ത് ചുവപ്പ് കലർന്ന നിറത്തിൽ പൂക്കളുമായി സാമ്യമുള്ള ഇലകൾ വളർന്നു വരാറുണ്ട്. ചുവപ്പ് കലർന്ന നിറമായതിനാൽ പലരും ഇതിനെ പൂക്കൾ ആണെന്ന് തെറ്റിദ്ധരിക്കാറുണ്ട്.
പ്രകാശം ലഭിക്കുന്ന സ്ഥലങ്ങളിലാണ് റബ്ബർ പ്ലാന്റ് വളർത്തേണ്ടത്. ജനലുകളുടെ അടുത്ത് ചെടിച്ചട്ടികളിൽ ആയി ഇവ വളർത്തിയെടുക്കാം.
11. ഇംഗ്ലീഷ് ഐവി
അലങ്കാര സസ്യം എന്ന നിലയിൽ വീടുകളിലും ഓഫീസുകളിലും ധാരാളമായി കണ്ടുവരുന്ന ഒരു സസ്യമാണ് ഇംഗ്ലീഷ് ഐവി. ഹെഡോറ ഹെലിക്സ് എന്ന പേരിലും ഈ സസ്യം അറിയപ്പെടുന്നു.
പടർന്നു കയറുന്ന വള്ളികളായാണ് ഈ സസ്യം വളരുന്നത്. ഈ സസ്യത്തിന് വളർച്ചയുടെ ആദ്യഘട്ടങ്ങളിൽ വള്ളികളിലായി ധാരാളം ചെറിയ വേരുകൾ കാണപ്പെടുന്നു.
ഇത് ഭിത്തികളിൽ പടർന്നു കയറാനും മറ്റും സസ്യത്തിന് സഹായകമാകുന്നു. പൂർണ്ണവളർച്ചയെത്തിയ ഐവി ചെടിയിൽ ചെറിയ വേരുകൾ കാണാറില്ല. വളർന്നു വരുമ്പോൾ ഇളം പച്ച നിറത്തിലുള്ള ഇവയുടെ ഇലകൾ പിന്നീട് കടും പച്ച നിറത്തിൽ ആയി മാറാറുണ്ട്.
ഹാങ്ങിങ് പോട്ടുകളിലും ചുവരുകളിൽ പടർന്നുകയറുന്ന വിധത്തിലും ഇവയെ നമുക്ക് വളർത്തിയെടുക്കാം. തുടക്കത്തിൽ നല്ല രീതിയിലുള്ള പരിചരണം കൊടുത്തു കഴിഞ്ഞാൽ വളരെ ആകർഷകമായ രീതിയിൽ ഈ ചെടിയെ നമുക്ക് വളർത്തിയെടുക്കാം.
12. സിൽവർ ഇഞ്ച് പ്ലാന്റ്
സിൽവർ ഇഞ്ച് പ്ലാന്റ് വളരെ ആകർഷകമായ രീതിയിൽ ഉള്ള ഒരു ഇൻഡോർ പ്ലാന്റ് ആണ്. സീബ്ര പാറ്റേണുകളിൽ കാണുന്ന ഇലകളാണ് ഈ ചെടിയെ മറ്റുള്ള ചെടികളിൽ നിന്നും വ്യത്യസ്തമാക്കുന്നത്.
ഈർപ്പം നിറഞ്ഞ സ്ഥലങ്ങളിൽ ഈ സസ്യത്തെ എളുപ്പത്തിൽ വളർത്തിയെടുക്കാം. ഈ സസ്യത്തിന്റെ വളർച്ചയ്ക്ക് ധാരാളം വെള്ളം ആവശ്യമാണ്.
നാലു മുതൽ 10 സെന്റീമീറ്റർ വരെ ഈ സസ്യത്തിന് ഇലകൾ വളരാറുണ്ട്. വള്ളികൾ ആയി വളരുന്ന ഈ ചെടിയുടെ കാണ്ഡത്തിൽ ധാരാളം വേരുകൾ കാണപ്പെടുന്നു. വെള്ള നിറത്തിലുള്ള ചെറിയ പൂക്കൾ ഈ സസ്യത്തിൽ കാണാറുണ്ട്.
13. പീകോക്ക് പ്ലാന്റ്
വായു ശുദ്ധീകരണത്തിൽ വലിയ പങ്കുവഹിക്കുന്ന ഒരു ചെടിയാണ് പീകോക്ക് പ്ലാന്റ്. വലിയ ഇലകളും ഇലകൾക്ക് മീതെ പിങ്ക് കലർന്ന വെള്ള വരകളോടുകൂടിയ പാറ്റേണുകൾ നിറഞ്ഞവയാണ് ഈ ചെടിയുടെ ഇലകൾ.
കുറഞ്ഞ പ്രകാശത്തിൽ വളരുന്നവയാണ് ഈ ചെടി. പൂക്കൾ ഒന്നുമില്ലാത്ത ഈ ചെടിയുടെ പ്രത്യേകത അതിന്റെ ഇലകൾ തന്നെയാണ്. അന്തരീക്ഷത്തിലെ വിഷാംശം നിറഞ്ഞ ഈർപ്പം വലിച്ചെടുത്ത് വായു സ്വാഭാവികമായി ശുദ്ധീകരിക്കാൻ ഈ ചെടിക്ക് കഴിയുന്നു.
ഈ ചെടിയുടെ വളർച്ചയ്ക്ക് അധികം ഈർപ്പമോ പ്രകാശമോ ആവശ്യമായി വരുന്നില്ല. അതുകൊണ്ട് തന്നെ വളരെ എളുപ്പത്തിൽ വീടുകളിലും ഓഫീസുകളിലും ഈ ചെടിയെ വളർത്തിയെടുക്കാം.
കേരളത്തിൽ വളർത്തിയെടുക്കാവുന്ന ഇൻഡോർ പ്ലാന്റ്സുകളുടെ പ്രത്യേകതകൾ
കേരളത്തിൽ വളർത്തിയെടുക്കുന്ന ഇൻഡോർ പ്ലാന്റുകൾ നിരവധി ഉണ്ടെന്ന് നമുക്ക് മനസ്സിലാക്കാം. കുറഞ്ഞ രീതിയിലുള്ള പരിപാലനം , വളപ്രയോഗം, ആകർഷകമായ രീതിയിൽ ഉള്ള ഇലകളും പൂക്കളും തുടങ്ങിയ നിരവധി പ്രത്യേകതകൾ ഇൻഡോർ പ്ലാൻസിന് ഉണ്ട്.
കേരളത്തിലെ കാലാവസ്ഥയ്ക്ക് അനുയോജ്യമായവയാണ് മുകളിൽ നൽകിയിരിക്കുന്ന ഓരോ ഇൻഡോർ പ്ലാൻസുകളും. കുറഞ്ഞ രീതിയിലുള്ള പരിപാലനം എന്നതുകൊണ്ടുതന്നെ കേരളത്തിലെ വീടുകളിലും ഓഫീസുകളിലും ഇൻഡോർ പ്ലാന്റ്കൾ മികച്ച രീതിയിൽ വളർത്തിയെടുക്കാവുന്നവയാണ്.
continue reading.
എന്താണ് അക്വാപോണിക്സ്?
അക്വാകൾച്ചർ എന്നാൽ നിയന്ത്രിത അന്തരീക്ഷത്തിൽ മത്സ്യം വളർത്തൽ. പോണിക്സ് എന്ന ലാറ്റിൻ വാക്കിന്റെ അർത്ഥം ജോലി എന്നാണ്.മണ്ണില്ലാത്ത മാധ്യമങ്ങളിൽ വളരുന്ന മത്സ്യം അമോണിയയെ തിന്നുകയും ഉൽപ്പാദിപ്പിക്കുകയും ചെയ്യുന്നു. ഗുണം ചെയ്യുന്ന ബാക്ടീരിയകൾ അമോണിയയെ പോഷകങ്ങളാക്കി മാറ്റുന്നു, സസ്യങ്ങൾ ഈ പോഷകങ്ങളെ ആഗിരണം ചെയ്യുന്നു. അക്വാപോണിക്സ് ഈ വാക്കിന്റെ 'പോണിക്സ്' എന്ന ഭാഗം മണ്ണ്കുറഞ്ഞ മീഡിയ ഉപയോഗിച്ച് വെള്ളത്തിൽ വളരുന്ന സസ്യങ്ങളെ തിരിച്ചറിയുന്നു . ഹൈഡ്രോപോണിക്സ് അതിന്റെ ഗുണദോഷങ്ങളുള്ള അറിവോടെ വളരുന്ന രീതിയാണ്. (പിന്നീട് ചർച്ചചെയ്യും). അക്ഷരാർത്ഥത്തിൽ പറഞ്ഞാൽ, അക്വാപോണിക്സ് എന്നാൽ മത്സ്യത്തെ പ്രവർത്തനക്ഷമമാക്കുന്നു. ആ മത്സ്യങ്ങൾ ചെയ്യുന്ന ജോലിയാണ് (അവശിഷ്ടങ്ങൾ തിന്നുകയും ഉൽപ്പാദിപ്പിക്കുകയും ചെയ്യുന്നത്), അവ ചെടികൾ വളർത്തുന്നതിനുള്ള മികച്ച വളമാണ്,. മനുഷ്യനും , മത്സ്യവും ജോലിയിൽ പ്രവേശിക്കുമ്പോൾ ധാരാളം ചെടികൾ വളർത്താൻ കഴിയും.ജലം, ജലജീവികൾ, ബാക്ടീരിയകൾ, പോഷകങ്ങളുടെ ചലനാത്മകത, ഓവുചാലുകളിൽ ഒന്നിച്ച് വളരുന്ന സസ്യങ്ങൾ എന്നിവ തമ്മിലുള്ള ബന്ധത്തെയാണ് അക്വാപോണിക്സ് പ്രതിനിധീകരിക്കുന്നത്. ലോകം പ്രകൃതിയിൽ നിന്നുള്ള സൂചനകൾ സ്വീകരിച്ചുകൊണ്ട്, അക്വാപോണിക്സ് ഈ വ്യക്തിഗത ഘടകങ്ങളെ ജൈവ സംയോജനത്തിന്റെ ശക്തി പ്രയോജനപ്പെടുത്തുന്നു: മത്സ്യത്തിൽ നിന്നുള്ള മാലിന്യ ഉപോൽപ്പന്നങ്ങൾ ബാക്ടീരിയകൾക്ക് ഭക്ഷണമായി മാറ്റി, സസ്യങ്ങൾക്ക് അനുയോജ്യമായ വളമാക്കി മാറ്റുന്നു. മത്സ്യത്തിന് ശുദ്ധവും സുരക്ഷിതവുമായ രൂപത്തിൽ വെള്ളം എല്ലാ ജല ആവാസവ്യവസ്ഥയിലും പ്രകൃതി മാതാവ് ചെയ്യുന്നതുപോലെ, അക്വാകൾച്ചറും ഹൈഡ്രോപോണിക് സംവിധാനങ്ങളും സംയോജിപ്പിക്കുന്നു , അക്വാപോണിക്സ് അവയുടെ ഗുണങ്ങൾ മുതലെടുക്കുകയും ഓരോന്നിന്റെയും പോരായ്മകൾ ഇല്ലാതാക്കുകയും ചെയ്യുന്നു. അക്വാപോണിക്സിന്റെ ഏറ്റവും നല്ല കാര്യം, അത് പ്രകൃതിദത്തമായ ഒരു ആവാസവ്യവസ്ഥയെ അനുകരിക്കുന്നു എന്നതാണ്. അക്വാപോണിക്സ് -ജലം, ജലജീവികൾ, ബാക്ടീരിയകൾ, പോഷകങ്ങളുടെ ചലനാത്മകത, ലോകമെമ്പാടുമുള്ള ജലപാതകളിൽ ഒരുമിച്ച് വളരുന്ന സസ്യങ്ങൾ എന്നിവ തമ്മിലുള്ള ബന്ധത്തെ പ്രതിനിധീകരിക്കുന്നു. ഈ വ്യക്തിഗത ഘടകങ്ങൾ ജൈവ സംയോജനം, മത്സ്യത്തിൽ നിന്നുള്ള മാലിന്യ ഉപോൽപ്പന്നങ്ങൾ ബാക്ടീരിയയ്ക്കുള്ള ഭക്ഷണമായി മാറ്റി, സസ്യങ്ങൾക്ക് അനുയോജ്യമായ വളമാക്കി മാറ്റുക, ആ സസ്യങ്ങൾ വെള്ളം ശുദ്ധവും സുരക്ഷിതവുമായ രൂപത്തിൽ മത്സ്യത്തിന് തിരികെ നൽകുന്നു. അക്വാകൾച്ചറും ഹൈഡ്രോപോണിക് സംവിധാനങ്ങളും സംയോജിപ്പിക്കുന്നതിൽ പ്രകൃതി എല്ലാ ജലജീവി ആവാസവ്യവസ്ഥയിലും പ്രവർത്തിക്കുന്നു, അക്വാപോണിക്സ് അവയുടെ ഗുണങ്ങളെ മുതലെടുക്കുകയും ഓരോന്നിന്റെയും പോരായ്മകൾ ഇല്ലാതാക്കുകയും ചെയ്യുന്നു. ## അക്വാപോണിക്സ് vs ഹൈഡ്രോപോണിക്സ്  അക്വാപോണിക്സിൽ ഒരേ പരിതസ്ഥിതിയിൽ മത്സ്യങ്ങളെയും ചെടികളെയും ഒരുമിച്ച് വളർത്തുന്നത് ഉൾപ്പെടുന്നു, ഇത് സുസ്ഥിരമായ ഒരു പ്രക്രിയയായി കണക്കാക്കപ്പെടുന്നു, മറുവശത്ത്, ഹൈഡ്രോപോണിക്സ് ഒരു പൂന്തോട്ടപരിപാലന രീതിയാണ്, അത് മണ്ണിന്റെ ഉപയോഗമില്ലാതെ സസ്യങ്ങളെ വളർത്താൻ അനുവദിക്കുന്ന ഒരു ഉദ്യാന രീതിയാണ് അക്വാപോണിക്സിൽ വളരുന്ന മത്സ്യങ്ങളും ഉൾപ്പെടുന്നു. ഒരേ പരിതസ്ഥിതിയിൽ സസ്യങ്ങൾ ഒരുമിച്ച്, ഇത് സുസ്ഥിരമായ പ്രക്രിയയായി കണക്കാക്കപ്പെടുന്നു, മറുവശത്ത്, മണ്ണ് ഉപയോഗിക്കാതെ ചെടികൾ വളർത്താൻ അനുവദിക്കുന്ന ഒരു പൂന്തോട്ടപരിപാലന രീതിയാണ് ഹൈഡ്രോപോണിക്സ്. ഈ രണ്ട് രീതികളും പ്രയോഗത്തെ ആശ്രയിച്ച് ഫലപ്രദവും പ്രയോജനകരവുമാണ്.എന്നിരുന്നാലും ചില സസ്യങ്ങൾ രണ്ടിൽ ഏത് രീതിയിൽ ആയാലും ശക്തമായി വളരും.. ## ഒരു അക്വാപോണിക് സിസ്റ്റം സജ്ജീകരിക്കൽ ഒരു അക്വാപോണിക്സ് സിസ്റ്റം സജ്ജീകരിക്കുന്നതിന് ചില വ്യത്യസ്ത വഴികളുണ്ട്: ഏറ്റവും സാധാരണമായവ ഇവയാണ്: ### ഡീപ് വാട്ടർ കൾച്ചർ സെറ്റ് അപ്പ്, റാഫ്റ്റ് അധിഷ്ഠിത ഗ്രോവിങ് എന്നും അറിയപ്പെടുന്ന ആഴത്തിലുള്ള ജല സംസ്ക്കാര സംവിധാനം, ഫ്ലോട്ടിംഗ് ഫോം റാഫ്റ്റ് ഉപയോഗിക്കുന്നു. വലിയ വാണിജ്യ സജ്ജീകരണങ്ങളിൽ സാധാരണയായി ഉപയോഗിക്കുന്നത് ചെടികളുടെ വേരുകൾ വെള്ളത്തിലേക്ക് വീഴാനും വെള്ളം ഒഴുകുന്ന ചാനലിൽ നിന്ന് നേരിട്ട് പോഷകങ്ങൾ വലിച്ചെടുക്കാനും ഇത് അനുവദിക്കുന്നു, മത്സ്യം താമസിക്കുന്ന ടാങ്കിൽ നിന്ന് വെള്ളം വലിച്ചെടുക്കുകയും നീക്കം ചെയ്യാൻ ഫിൽട്ടർ ചെയ്യുകയും ചെയ്യും ### ന്യൂട്രിയന്റ് ഫിലിം സെറ്റ് അപ്പ് ഈ രീതിയിൽ മത്സ്യ ടാങ്കിൽ നിന്ന് പിവിസി പോലുള്ള ഇടുങ്ങിയ, സിലിണ്ടർ ട്യൂബിലൂടെ വെള്ളം വലിച്ചെടുക്കുന്നത് ഉൾപ്പെടുന്നു, അതിൽ മുകളിലേക്ക് തുളകൾ തുരന്നിരിക്കുന്നു, വേരുകൾ വെള്ളത്തിൽ നിന്ന് പോഷകങ്ങൾ വലിച്ചെടുക്കുന്ന ദ്വാരങ്ങളിലൂടെ തൂങ്ങിക്കിടക്കുന്നു. അധികം ഗ്രൗണ്ട് സ്പേസ് ഇല്ലാത്ത പ്രദേശങ്ങൾക്കായി പ്രവർത്തിക്കുന്നു, കാരണം ഇത് ചുവരുകൾക്ക് കുറുകെ ഓടുകയോ സീലിംഗിൽ തൂക്കിയിടുകയോ ചെയ്യാം, തിരശ്ചീനമായോ ലംബമായോ ഇത് സജ്ജീകരിക്കാം, കൂടാതെ ഇത് വലിയ വളർച്ച ഇല്ലാത്ത ചെടികൾക്ക് നല്ല പിന്തുണ നൽകുന്നു. ### മീഡിയ ബെഡ് സെറ്റ് അപ്പ് ഈ സംവിധാനത്തിൽ, കളിമൺ ഉരുളൻ കല്ലുകൾ പോലെയുള്ള ഒരു പ്രത്യേക തരം മീഡിയയിലാണ് ചെടികൾ വളർത്തുന്നത്, മീഡിയ ബെഡ് സാധാരണയായി മത്സ്യ ടാങ്കിന് മുകളിലോ തൊട്ടടുത്തോ ഇരിക്കും, ഒരു പമ്പ് ടാങ്കിൽ നിന്ന് വെള്ളം വലിച്ചെടുക്കുന്നു, തുടർന്ന് അത് കടന്നുപോകുന്നു. മീഡിയ ബെഡ്, പൂർണ്ണമായും ഫിൽട്ടർ ചെയ്ത മത്സ്യത്തിലേക്ക് തിരികെ നൽകുന്നതിനുമുമ്പ് സസ്യങ്ങളെ വെള്ളത്തിൽ നിന്ന് പോഷകങ്ങൾ വലിച്ചെടുക്കാൻ അനുവദിക്കുന്നു, ഇത് ഒരുപക്ഷേ ഗാർഹിക കർഷകർക്ക് ഏറ്റവും എളുപ്പവും സാധാരണയായി ഉപയോഗിക്കുന്നതുമായ സാങ്കേതികതയാണ്. `_BANNER_` ### അറ്റകുറ്റപ്പണിയുടെ ലാളിത്യം ഒരു അക്വാപോണിക്സ് സിസ്റ്റത്തിന് വളരെ കുറച്ച് അറ്റകുറ്റപ്പണികൾ മാത്രമേ ആവശ്യമുള്ളൂ മറുവശത്ത്, ഒരു ഹൈഡ്രോപോണിക് സിസ്റ്റത്തിലെ ജലത്തിന്റെ വൈദ്യുതചാലകത ദിവസവും പരിശോധിക്കേണ്ടതുണ്ട്, കാരണം അക്വാപോണിക്സ് സിസ്റ്റത്തിൽ സംഭവിക്കുന്ന സ്വാഭാവിക വളർച്ചാ ആവാസവ്യവസ്ഥയായ ജലം രസതന്ത്രം താരതമ്യേന സ്ഥിരമായിരിക്കും. വെള്ളത്തിലെ അമ്മോണിയ യുടെ അളവും, ph ലെവലും ആഴ്ചയിൽ ഒരിക്കൽ പരിശോധിക്കണം.. കൂടാതെ നൈട്രേറ്റ് ന്റെ അംശം മാസത്തിൽ ഒരു തവണ പരിശോധിക്കണം. ## ഇന്ത്യയിൽ/കേരളത്തിലെ അക്വാപോണിക് ഫാമിംഗ്  ഇന്ത്യയിൽ ജൈവ ഉൽപന്ന വിപണി ശക്തമായി വികസിച്ചുകൊണ്ടിരിക്കുന്നു, ഉപഭോക്തൃ അവബോധവും ഓർഗാനിക് ഉൽപന്നങ്ങളെക്കുറിച്ചും അതിന്റെ നേട്ടങ്ങളെക്കുറിച്ചും അറിവ് വർദ്ധിക്കുകയും ചെയ്യുന്നു. “അക്വാപോണിക്സ് തീർച്ചയായും ഇതിന്റെ ഫലമായി പ്രയോജനം നേടാൻ പോകുന്നു, അടുത്ത 2-3 വർഷത്തിനുള്ളിൽ ജൈവ ഉൽപന്നങ്ങളുടെ ആവശ്യകതയിൽ ഇരട്ടി വർദ്ധനവ് പ്രതീക്ഷിക്കുന്നു. കേരളത്തിലെ കൊച്ചിക്കടുത്തുള്ള ഒരു ചെറിയ തീരദേശ ഗ്രാമമാണ് ചെറായി, 2016 മുതൽ, ഇന്ത്യയിലെ ആദ്യത്തെ അക്വാപോണിക്സ് ഗ്രാമം എന്ന വിശേഷണം ചെറായിക്ക് സ്വന്തമാണ്. എന്നിരുന്നാലും, കേരള വിപണിയിൽ എല്ലായ്പ്പോഴും മത്സ്യോത്പന്നങ്ങൾക്ക് ഉയർന്ന ഡിമാൻഡുണ്ട്, ഉൽപന്നങ്ങൾ നടാൻ വരുമ്പോൾ, ഉയർന്ന നിക്ഷേപത്തിനായി കൃഷി ചെയ്യാവുന്ന പച്ചക്കറികളേയും പച്ചിലകളേയും കുറിച്ച് വിപണി പഠനം നടത്തണം, തക്കാളി വഴുതന പോലുള്ള സാധാരണ പച്ചക്കറികൾ കൃഷി ചെയ്യരുതെന്ന് നിർദ്ദേശിക്കുന്നു, കാരണം അവ വിപണിയിൽ സുലഭമായി, കുറഞ്ഞ വിലയിൽ ലഭ്യമാണ്. ഉയർന്ന വിലയ്ക്ക് വിൽക്കുന്ന വിദേശ പച്ചക്കറികളുടെ വിപണി പഠിക്കുക. അങ്ങനെ യുള്ള പച്ചക്കറികൾ ഉൽപാദിപ്പിച്ചു കൂടതൽ ലാഭം നേടുന്നതിന് ഈ രീതി സഹായകമാക്കും ## അക്വാപോണിക്സിനുള്ള ഏറ്റവും നല്ല മത്സ്യം തിലാപ്പിയയാണ് അക്വാപോണിക്സിൽ വളർത്താൻ ഏറ്റവും നല്ല മത്സ്യം, കാരണം അവയ്ക്ക് ചുറ്റുപാടുമായി പൊരുത്തപ്പെടാനും അനുയോജ്യമായ ജലസാഹചര്യങ്ങളെ ചെറുക്കാനും കഴിയും, അവയ്ക്ക് നിരവധി രോഗകാരികളോടും പരാന്നഭോജികളോടും ഒപ്പം സമ്മർദ്ദം കൈകാര്യം ചെയ്യാനും പ്രതിരോധിക്കും 19-Mar-2022Lava Rock ലാവ പാറകൾ പല അക്വാപോണിക്സ് കർഷകരും ഗ്രോ മീഡിയയായി വ്യാപകമായി ഉപയോഗിക്കുന്നു, കാരണം അവ ഭാരം കുറഞ്ഞതും ധാരാളം ഉപരിതല വിസ്തീർണ്ണമുള്ളതുമാണ് ലാവ പാറകൾ സാധാരണയായി പിഎച്ച് ന്യൂട്രൽ, സുഷിരങ്ങൾ, കൂടാതെ സിസ്റ്റത്തിന് നല്ല ഡ്രെയിനേജും വായുസഞ്ചാരവും നൽകുന്നു. ## അക്വാപോണിക്സ് മാർക്കറ്റ്  ഇത്തരം പ്രവണതകൾ കാരണം, ഈ ബിസിനസ് ഇന്റലിജൻസ് റിപ്പോർട്ടിന്റെ കണ്ടെത്തലുകൾ പ്രകാരം, ആഗോള അക്വാപോണിക്സ് മാർക്കറ്റ് വലുപ്പം 2020-ലെ കണക്കനുസരിച്ച് $580 മില്യൺ - $630 മില്യൺ ആണ്. 2025-ൽ അക്വാപോണിക്സ് കൾച്ചറിൽ നിന്ന് ലഭിക്കുന്ന ജൈവ ഉൽപന്നങ്ങൾ കീടനാശിനികളിൽ നിന്നും രാസവളങ്ങളിൽ നിന്നും മുക്തമാണ്, ലോക ബാങ്കിന്റെ രാസവള വില സൂചിക 2020 ൽ 9% വർധിച്ചു, 2025 ൽ മത്സ്യമാലിന്യം 2% വർദ്ധിക്കുമെന്ന് പ്രതീക്ഷിക്കുന്നു. ജല ലായകത്തിനുള്ളിൽ വളരുന്നതിനാൽ രാസവളങ്ങളുടെ ചെലവ് തടയുന്നു, ഈ പ്രക്രിയ മുഴുവൻ വിലകൂടിയ കാർഷിക ഉപകരണങ്ങൾ, കാർഷിക യന്ത്രങ്ങൾ, വളങ്ങൾ എന്നിവയുടെ ജോലിയിൽ നിന്ന് വിട്ടുനിൽക്കുന്നു, ഈ സ്വഭാവസവിശേഷതകൾ അക്വാപോണിക്സ് വിപണിയെ ഉയർന്ന ലാഭകരമാക്കുന്നു, കാരണം അത് വാഗ്ദാനം ചെയ്യുന്ന സാമ്പത്തിക കാര്യക്ഷമതയും പരിസ്ഥിതി സുസ്ഥിരതയും. ## അക്വാപോണിക്സ് കൃഷി ലാഭകരമാണോ ഒരു റസ്റ്റോറന്റ് നടത്തുന്നതിൽ ലാഭമുണ്ടോ? ശരിയായി ആശ്രയിച്ചിരിക്കുന്നു? അക്വാപോണിക്സും ഒരുപാട് ഘടകങ്ങളെ ആശ്രയിച്ചിരിക്കുന്നു, 100% ഉറപ്പ് നൽകുന്ന ആരെങ്കിലും നിങ്ങളെ ഒരു സവാരിക്ക് കൊണ്ടുപോകുന്നു, ഇത് ഒരു ഉറപ്പല്ല, മറ്റേതൊരു ബിസിനസ്സിനെയും പോലെ, ശരിയായി ചെയ്താൽ ഇത് വളരെ ലാഭകരമായ ബിസിനസ്സ് ആയിരിക്കും, ഫാമുകൾ അടയ്ക്കുന്നത് ഞങ്ങൾ കണ്ടിട്ടുണ്ട്. വാതിലുകൾ മാത്രമല്ല ചെറിയ ഫാമുകളും വലിയ ഫാമുകളിലേക്ക് വികസിക്കുന്നു ## ഒരു അക്വാപോണിക് സിസ്റ്റം നിർമ്മിക്കുന്നതിനുള്ള ചെലവ്  കൃത്യമായി പറഞ്ഞാൽ, ഇന്ത്യൻ വിപണിയെക്കുറിച്ച് പറയുമ്പോൾ, ഇത് വില സെൻസിറ്റീവ് മാർക്കറ്റാണ്, ഫൈബർഗ്ലാസ് ടാങ്കുകൾ പോലുള്ള വിലകൂടിയ വസ്തുക്കൾ ഉപയോഗിച്ച് കുറച്ച് വിദേശ കൺസൾട്ടൻറുകൾ ഇവിടെ ഫാമുകൾ സ്ഥാപിക്കുന്നത് ഞങ്ങൾ കാണുന്നു. ഓട്ടോമേറ്റഡ് ഹരിതഗൃഹങ്ങൾ, സോളാർ പാനലുകൾ, ഫാം പണിയുന്നതിനുള്ള ഈ അധികങ്ങൾ എന്നിവയെല്ലാം 1 ഏക്കർ ഫാമിന്റെ കാപെക്സ് 3 കോടി മുതൽ 5 കോടി രൂപ വരെയാക്കി മാറ്റുന്നു, ഇപ്പോൾ നാമെല്ലാവരും ശുദ്ധമായ ഊർജത്തിനായി തയ്യാറെടുക്കുന്നുണ്ടെങ്കിലും വാണിജ്യപരമായ അർത്ഥമില്ല. 8 രൂപ മുതൽ 4 രൂപ വരെ ഇന്ത്യൻ സർക്കാർ സബ്സിഡി നൽകിയതിനാൽ കൃഷിക്ക് സോളാർ ഉപയോഗിക്കാൻ സോളാറിന് പൊതുവെ 8 മുതൽ 10 വർഷം വരെ ROI സമയമുണ്ട്, അതേസമയം വൈദ്യുതി ചെലവ് യൂണിറ്റിന് 8 രൂപയായി കണക്കാക്കുമ്പോൾ, ഇപ്പോൾ പരിഗണിക്കുമ്പോൾ സബ്സിഡിയുള്ള വില യൂണിറ്റിന് 4 രൂപ, സോളാർ യൂണിറ്റിനുള്ള ROI 16 മുതൽ 20 വർഷം വരെ എടുക്കും, അതിനാൽ വാണിജ്യപരമായ അർത്ഥമില്ല, കൂടാതെ കാപെക്സിന്റെ പോയിന്റിലേക്ക് മടങ്ങുമ്പോൾ, ഇന്ത്യയിൽ നിങ്ങൾക്ക് ഒരു ചീര 100 രൂപയിൽ കൂടാത്ത വിലയ്ക്ക് വിൽക്കാം. കിലോ മൊത്തക്കച്ചവടത്തിൽ, യുഎസ്എയിൽ ഇത് വളരെ ഉയർന്ന വിലയ്ക്ക് വിൽക്കുന്നു, അതിനാൽ ഒരു ഏക്കർ ഫാം സ്ഥാപിക്കുന്നതിന് നിങ്ങൾ 1 5 കോടിയിൽ കൂടുതൽ ചെലവഴിക്കുകയാണെങ്കിൽ, ഫാം സജ്ജീകരിക്കുന്നതിന് നിങ്ങൾ എത്രമാത്രം ചെലവഴിക്കുന്നു എന്ന കാര്യത്തിൽ നിങ്ങൾ ജാഗ്രത പാലിക്കണം. , ഇത് വളരെ ലാഭകരമായ ഒരു ബിസിനസ്സ് അല്ല, ഇന്ത്യയിൽ ഫാൻസി ഹൈടെക് ഓട്ടോമേറ്റഡ് റോബോട്ടിക് AI & ML അടിസ്ഥാനമാക്കിയുള്ള ഹരിതഗൃഹങ്ങൾ സ്ഥാപിക്കേണ്ട ആവശ്യമില്ല, ഇന്ത്യയിലെ തൊഴിൽ ചെലവേറിയതല്ല, നിങ്ങൾ ശ്രദ്ധിച്ചാൽ ഒരു തൊഴിലാളിക്ക് ഇതെല്ലാം കൈകാര്യം ചെയ്യാൻ കഴിയും. അതിൽ നിങ്ങളുടെ ഫാം ശരിയായ രീതിയിൽ രൂപകൽപ്പന ചെയ്തിരിക്കുന്നുവെന്ന് ഉറപ്പാക്കുക, നിങ്ങൾക്ക് മത്സ്യത്തിന്റെയും ചെടികളുടെയും വാണിജ്യ ഉൽപ്പാദനം നേടാൻ കഴിയും, തീർച്ചയായും, കൃത്യമായി എന്താണ് വളർത്തേണ്ടതെന്നും എവിടെ വിൽക്കണമെന്നും നിങ്ങൾക്കറിയാമെങ്കിൽ, നിങ്ങൾ ഉണ്ടാക്കാൻ നല്ല സാധ്യതയുണ്ട്. ലാഭം എടുത്തു പറയേണ്ട ഒരു കാര്യം കൂടിയുണ്ട്, ഒരേക്കർ ഫാമിൽ നിങ്ങൾ യോഗ്യനാകും വിവിധ സ്കീമുകൾക്ക് കീഴിൽ ഇന്ത്യൻ സർക്കാരിൽ നിന്ന് ഏകദേശം 40 മുതൽ 50 ലക്ഷം വരെ സബ്സിഡി ലഭിക്കുന്നതാണ്…
കേരളത്തിനായുള്ള മികച്ച 10 ബിസിനസ്സ് ആശയങ്ങൾ
ഒരു ബിസിനസ്സ് നടത്താൻ അതിയായ അധ്വാനവും കാര്യക്ഷമതയും ആവശ്യമാണ്. ഇതെല്ലാം തുടങ്ങുന്നത് ഒരു ആശയത്തിൽ നിന്നുമായിരിക്കും. ആ ആശയത്തിൽ അടിയുറച്ച് വിശ്വസിക്കുന്നത് ആ ആശയത്തോടുള്ള ഇഷ്ടം കൊണ്ടുകൂടിയാവും. എന്നാൽ പലരുടെയും കയ്യിൽ ഒരു ബിസിനസ്സ് തുടങ്ങാനുള്ള മൂലധനവും മനസാന്നിധ്യവും ഉണ്ടാകും, പക്ഷേ ആശയങ്ങൾ കുറവായിരിക്കും. കേരളം എന്ന സംസ്ഥാനത്തിൽ നിരവധി ബിസിനസ്സ് സാധ്യതകൾ ഉണ്ട്. കേരളത്തിനായുള്ള ബിസിനസ്സ് ആശയങ്ങൾ തിരയുമ്പോൾ, ഇവിടെ ലഭിക്കുന്ന അസംസ്കൃത വസ്തുക്കൾ കൂടുതൽ ഉപയോഗിക്കാൻ ശ്രമിക്കണമല്ലോ. അത് തന്നെയാവും ലാഭകരവും.എങ്കിലേ അത് കേരളത്തിൻ്റേതെന്ന് പറയാവുന്ന ബിസിനസ്സ് ആവുകയുള്ളൂ. അത്തരത്തിലുള്ള മികച്ച 10 ആശയങ്ങളാണ് ചുവടെ ചേർക്കുന്നത്. ## ഗൃഹാലങ്കാര ബിസിനസ്സ്  ഏറ്റവും വലിയ തോതിൽ വളർന്നുകൊണ്ടിരിക്കുന്ന ബിസിനസ്സാണ് ഗൃഹാലങ്കാര ബിസിനസ്സ്. ഗൃഹം അലങ്കരിക്കാനും മോടി കൂട്ടാനും എല്ലാവർക്കും കൂടുതൽ ഉത്സാഹമാണ് ഇപ്പോൾ. ഒരു വീടിൻ്റെ ഇൻ്റീരിയർ ഡിസൈനിങ്ങിൻ്റെ കൂടെ തന്നെ പ്രാധാന്യത്തോടെ ചെയ്യുന്നതാണ് ഗൃഹത്തിലെ മറ്റ് പല അലങ്കാര പണികളും. വാൾ ആർട്ടുകൾ, ഡിസൈനിംഗ് അക്സസറികൾ, ഡിസൈനർ പൂചട്ടി, തുടങ്ങി മെഴുകുതിരികൾ വരെ ഗൃഹാലങ്കാര വസ്തുക്കളിൽ പെടുന്നു. ഇതിൽ കേരളത്തിൻ്റേതായ തനത് കാര്യങ്ങൾ മാത്രം ഉപയോഗിച്ച് നിർമ്മിച്ചാൽ അത് കേരളത്തിൻ്റെ സ്വന്തം ഗൃഹാലങ്കാര ബിസിനസ്സായി മാറും. കേരളത്തിൽ സുലഭമായി ലഭിക്കുന്ന കാര്യമാണ് തേങ്ങയും ചകിരിയുമൊക്കെ. ഇതൊക്കെ വച്ച് നിരവധി അലങ്കാര വസ്തുക്കൾ ഉണ്ടാക്കാൻ സാധിക്കും.ചിരട്ട വച്ച് തന്നെ ചായ പാത്രം, കളിപ്പാട്ടങ്ങൾ, ചിരട്ടയിലെ മെഴുകുതിരി, റാന്തൽ വിളക്ക്, ശിൽപങ്ങൾ അങ്ങനെ അനവധി അലങ്കാര സാധനങ്ങൾ ഉണ്ടാക്കാൻ സാധിക്കും. അത് ഉണ്ടാക്കാനും വിൽക്കാനുമുള്ള കഴിവുണ്ടെങ്കിൽ മികച്ച ബിസിനസായി വളർത്താവുന്ന ഒന്നാണിത്. നേരിട്ടുള്ള വിൽപ്പനയുടെ കൂടെ തന്നെ ഇ-കൊമേഴ്സ് രീതിയിൽ ഓൺലൈനിലൂടെയും ചിരട്ടയിൽ തീർത്ത അലങ്കാര സാധനങ്ങൾ വിൽക്കാൻ സാധിക്കും. ## ഗ്ലാമ്പിങ്  ഗ്ലാമർ ആയിട്ടുള്ള ക്യാമ്പിങ്ങിൻ്റെ ചുരുക്കപ്പേരാണ് ഗ്ലാമ്പിങ്. കുറച്ചുകൂടി സുരക്ഷിതത്വവും എന്നാൽ ആഡംബരപൂർണ്ണമായ ക്യാമ്പിംഗ് അനുഭവം നൽകുന്നതാണ് ഗ്ലാമ്പിങ്.കേരളത്തിൻ്റെ പ്രകൃതി ഭംഗിയെയും ടൂറിസം സാധ്യതകളെയും ഉപയോഗപ്പെടുത്തുന്ന ഒരു ബിസിനസ്സ് ആശയമാണ് ഗ്ലാമ്പിങ് എന്നത്. കേരളത്തിലെ പശ്ചിമട്ട ഘട്ടത്തിലെ കുന്നുകൾ പ്രകൃതി മനോഹരങ്ങളാണ്. അവിടേക്ക് കൂടുതൽ സഞ്ചാരികളും എത്തിക്കൊണ്ടിരിക്കുന്നു. ഈ അവസരം മുതലാക്കാൻ കഴിഞ്ഞാൽ ഗ്ലാമ്പിങ് എന്ന ബിസിനസ്സ് തഴച്ചു വളരുക തന്നെ ചെയ്യും. കൂടുതലും കുടുംബങ്ങൾ ഇത്തരം കുന്നുകളിൽ ട്രെക്ക് ചെയ്ത് വന്ന് അവിടെ ടെൻ്റിൽ സ്റ്റേ ചെയ്യാനൊന്നും താല്പര്യപ്പെടുന്നില്ല. അതിനു ഒരേയൊരു കാരണം സുരക്ഷിതമാണോ എന്ന പേടി മാത്രമാണ്. അത് മാറ്റാൻ സാധിച്ചാൽ ഇപ്പോൾ യുവാക്കൾ വരുന്നതുപോലെ തന്നെ കുടുംബങ്ങളും ഗ്ലാമ്പിങ് എന്ന ആശയത്തിൽ ആകൃഷ്ടരായി വന്നുചേരും. ആ ഒരു സംസ്കാരം വളർത്തിയെടുക്കുക എന്നതാണ് ഈ ബിസിനസ്സിൻ്റെ വിജയം. കൂടാതെ വിശേഷപ്പെട്ട ദിനങ്ങൾ ആഘോഷിക്കാനും പാകത്തിനുള്ള ടെൻ്റുകളും സജീകരിച്ചാൽ ഗ്ലാമ്പിങ് കൂടുതൽ രസകരമാകും. ## വെള്ളം വിൽക്കാം  കഴിഞ്ഞ തലമുറയിലെ മനുഷ്യർ ഒരിക്കൽപോലും വിചാരിച്ചുകാണില്ല, വെള്ളം വാങ്ങാൻ കിട്ടുന്ന ഒരു അവസ്ഥ വരുമെന്ന്. അത്രയ്ക്കും ആവശ്യം ജലത്തിന് വരികയും എന്നാൽ ജല ദൗർലഭ്യം കൂടി കൂടി വരികയും ചെയ്യുന്നു. അതേ സമയം തന്നെ ഏറ്റവും കൂടുതൽ മഴ കിട്ടുന്ന സ്ഥലങ്ങളിൽ ഒന്നാണ് കേരളം. കേരളത്തിൽ പ്രതിവർഷം ശരാശരി 3107 മില്ലിമീറ്റർ മഴ ലഭിക്കുന്നു. ഇന്ത്യയുടെ ശരാശരി കണക്ക് 1197 മില്ലിമീറ്റർ ആയിരിക്കെ ആണ് ഇത്. മുകളിൽ പറഞ്ഞ രണ്ടു കാര്യങ്ങളെയും കൂട്ടി വായിക്കുമ്പോൾ ഒരു ബിസിനസ്സ് ആശയം ഉരുത്തിരിഞ്ഞു വരുന്നില്ലേ. അതെ, നമ്മൾ ഒഴുക്കികളയുന്ന മഴവെള്ളം സംഭരിച്ചാൽ അതിൽ നിന്നും ബോട്ടിലിൽ വിൽക്കുന്ന വെള്ളം ഉണ്ടാകുന്ന ബിസിനസ്സ് മാതൃക രൂപീകരിക്കാവുന്നതെയുള്ളു. ഓരോ വീട്ടുകാർക്കുപോലും ഈ ബിസിനസ്സ് തുടങ്ങാവുന്നതാണ്. അതുവഴി ഇപ്പോഴുള്ള ജല ദൗർലഭ്യം കുറയുകയും കൂടാതെ വെള്ളത്തിനു വിപണിയിലുള്ള വില കുറയുകയും ചെയ്യും. ## പഴങ്ങൾ കൊണ്ട് ബിസിനസ്സ്  കേരളത്തിൽ സുലഭമായി വളരുന്ന ഫലങ്ങളാണ് ചക്കയും മാങ്ങയും. അതിൻ്റെ കാലം അനുസരിച്ച് കിട്ടികൊണ്ടിരിക്കുന്ന പഴങ്ങളാണ്. ഇവയിൽ തന്നെ ഒരു ബിസിനസ്സ് മോഡൽ ഉണ്ടാക്കാമല്ലോ. ചക്കയും മാങ്ങയും വിൽക്കുന്ന കാര്യമല്ല പറയുന്നത്. അതിൻ്റെ വിവിധ രൂപഭാവങ്ങൾ മാറ്റിയും വിൽക്കാം. ചക്ക കൊണ്ട് ചക്ക ചിപ്സ്, ചക്കക്കുരുപ്പൊടി, ചക്കവരട്ടി, ചക്ക അച്ചാർ, ചക്ക ജാം, ചക്ക സ്ക്വാഷ്, ചക്ക ഐസ്ക്രീം ഒക്കെ ഉണ്ടാക്കാവുന്നതാണ്. ഇത് ഒരു ബിസിനസ്സ് ആക്കി തുടങ്ങാവുന്നതാണ്. ഇതുപോലെതന്നെയാണ് മാങ്ങയുടെ കാര്യവും. കായയെയും പഴത്തിനെയും കായ വറുത്തതിനെയൊന്നും മറക്കുന്നില്ല. ഇവയൊക്കെ ബേക്കറികൾ വഴിയുള്ള വിൽപ്പനയും അല്ലെങ്കിൽ ഇ-കൊമേഴ്സ് രീതിയിൽ ഓൺലൈൻ വഴിയും വിൽക്കാവുന്നതാണ്. കേരളത്തിൽ സുലഭമായ എന്നാൽ പഴായി പോകുന്ന ഇത്തരം പഴവർഗങ്ങൾ വച്ച് ബിസിനസ്സ് പടുത്തുയർത്താം. ## കുഞ്ഞ് കൃഷികൾ ബിസിനസ്സ് ആക്കാം  കൊറോണയുടെ ലോക്ക്ഡൗൺ കാലത്ത് എല്ലാവരും പലതരം പരീക്ഷണങ്ങളിൽ ആയിരുന്നു. അവയിൽ ഒന്നാണ് മൈക്രോ ഗ്രീൻ കൃഷി. വിത്ത് മുളപ്പിച്ച് വെള്ളം മാത്രം കൊടുത്തു ചെടിയെ വളർത്തിയെടുക്കുന്ന രീതിയാണ് മൈക്രോ ഗ്രീൻ എന്നു പറയുന്നത്. ഇതു എല്ലാവരും വീട്ടാവശ്യങ്ങൾക്കായി ഉപയോഗിച്ചിരുന്നു. ഇത്തരം ചെറു കൃഷികൾ വലിയ തോതിൽ ചെയ്തു ഒരു ബിസിനസ്സ് ആക്കിയെടുക്കാവുന്നതാണ്. അടുത്തുള്ള സൂപ്പർ മാർക്കറ്റുകളിലും മറ്റും ഇത് വിൽക്കുകയും ചെയ്യാം. ഇതേ രീതിയിൽ തന്നെ ചെയ്യാവുന്ന മറ്റൊരു കൃഷിയാണ് കൂൺ കൃഷി. കൂൺ കൃഷി തുടങ്ങാൻ ഒരു വീട് തന്നെ ധാരാളം. മറ്റൊരു കൃഷി മീൻ കൃഷിയാണ്. കേരളത്തിൽ മീനിന് ആവശ്യക്കാർ ഏറെയാണ്.അതുകൊണ്ട് തന്നെ മീൻ കൃഷി ലാഭകരമാവുകയും ചെയ്യും. കൃഷിയെ തന്നെ ബിസിനസ്സ് ആക്കിയെടുക്കുന്നത് ആൾക്കാർക്ക് കൃഷിയിലേക്ക് വരാനുള്ള പ്രചോദനം ആവുകയും ചെയ്യും. ## വളർത്തുമൃഗങ്ങൾക്കുള്ള സ്ഥാപനം  ഓമന മൃഗങ്ങളെ വളർത്തുന്നവരുടെ എണ്ണം ഇപ്പോൾ കേരളത്തിൽ കൂടി വരുന്നു. എന്നാൽ ഇവയെ പരിപാലിക്കാൻ വേണ്ടിയുള്ള സംവിധാനങ്ങൾ കേരളത്തിൽ കുറവാണ്. വളർത്തുമൃഗങ്ങളെ വളർത്തുന്നവർ അവരെ തങ്ങളുടെ സ്വന്തം കുഞ്ഞിനെപ്പോലെയാണ് കണക്കാക്കുന്നത്. അതുകൊണ്ട് തന്നെ അവയ്ക്ക് വേണ്ടിയുള്ള ഒരു ബിസിനസ്സ് ആരംഭിക്കുമ്പോൾ കൂടുതൽ പിന്തുണയും കിട്ടും. വളർത്തു മൃഗങ്ങൾക്ക് എന്തൊക്കെ ആവശ്യങ്ങൾ ഉണ്ടോ അതൊക്കെ നിറവേറ്റുന്ന സേവനങ്ങൾ ആ സ്ഥാപനത്തിൽ കൊടുക്കാം. തൻ്റെ അരുമ മൃഗങ്ങളെ ആക്കി പോകാവുന്ന പെറ്റ് ഡേ കെയർ സെൻ്റർ, അവയുടെ സൗന്ദര്യ സംരക്ഷണത്തിനായി പെറ്റ് മാനിക്യൂർ, ഭക്ഷണ വിഭവങ്ങൾക്കായി പെറ്റ് ബേക്കറി, അവയ്ക്ക് വേണ്ടിയുള്ള കളിപ്പാട്ടങ്ങൾ, വസ്ത്രങ്ങൾ… അങ്ങനെ പലതരം ആവശ്യങ്ങൾക്കായി ഒരു ബിസിനസ്സ് തുടങ്ങാവുന്നതാണ്. കേരളത്തിൽ ഇത്തരം ബിസിനസുകൾ ഇപ്പോൾ കുറവായതുകൊണ്ട് ഇതൊരു പുതിയ തുടക്കമാവും. ## വിർജിൻ വെളിച്ചെണ്ണ ബിസിനസ്സ്  തേങ്ങയുടെ പാലിൽ നിന്നും ഉണ്ടാക്കിയെടുക്കുന്ന വെളിച്ചെണ്ണയെയാണ് വിർജിൻ വെളിച്ചെണ്ണ അഥവാ ഉരുക്ക് വെളിച്ചെണ്ണ എന്ന് വിളിക്കുന്നത്. തേങ്ങകൾ സുലഭമായി ലഭിക്കുന്ന കേരളത്തിൽ ഉരുക്ക് വെളിച്ചെണ്ണയുടെ ഒരു ബിസിനസ്സ് തുടങ്ങുമ്പോൾ അസംസ്കൃത വസ്തുവിന് വേണ്ടിയുള്ള തിരച്ചിൽ കുറയ്ക്കാമല്ലോ. ഔഷധം എന്ന നിലയിലാണ് ഉരുക്ക് വെളിച്ചെണ്ണ വിപണിയിൽ പ്രിയമേറുന്നത്. ഓർമ്മ ശക്തി വർധിപ്പിക്കാൻ, തൈറോയ്ഡ് പ്രശ്നങ്ങൾ പരിഹരിക്കാൻ, വായുടെ ആരോഗ്യം നിലനിർത്താൻ, പൈൽസും അപസമാരത്തിവും ഒക്കെ മാറാൻ ഉരുക്ക് വെളിച്ചെണ്ണ എന്ന ഔഷധം ഉത്തമമാണ്. ലിറ്ററിന് 1200 രൂപ മുതൽ 2500 രൂപ വരെയാണ് ഇതിന് വിപണി വില. ചെറിയ മുതൽ മുടക്കിൽ വലിയ ലാഭം ഉണ്ടാക്കാവുന്ന ബിസിനസ്സ് ആണ് വിർജിൻ വെളിച്ചെണ്ണയുടെ ബിസിനസ്സ്. കേരളത്തിൻ്റെ തനതായ നാളികേരത്തിൽ നിന്നും ആരോഗ്യ സമ്പുഷ്ടമായ ഒരു ബിസിനസ്സ് മാതൃക എന്തുകൊണ്ടും ആൾക്കാർ സ്വീകരിക്കും. ## കളയാതെ എടുത്ത് ബിസിനസ്സ് ചെയ്യാം  നമ്മൾ വീട്ടിൽ നിന്നും മാറ്റി വയ്ക്കുന്ന സാധനങ്ങൾ വിപണിയിൽ വലിയ വിലയാണ് എന്ന് കേട്ടാൽ ഞെട്ടില്ലേ. എങ്കിൽ ഞെട്ടാൻ തയ്യാറായിക്കോളൂ. 1 കിലോ ചാരത്തിന് ആമസോണിൽ 200 രൂപയ്ക്ക് മുകളിലാണ് വില. 4 കിലോ ചിരട്ടയ്ക്ക് 400 രൂപയാണ് വില. 1 കിലോ ചകിരിയ്ക്ക് 90 രൂപയാണ്.ഇവയെല്ലാം നമ്മുടെ വീട്ടിൽ കിട്ടുന്ന സാധനങ്ങൾ ആണ്. നമ്മൾ വെറുതെ കളയുന്ന സാധനങ്ങൾ. ഇതിൽ ഒരു ബിസിനസ്സ് തുടങ്ങാമല്ലോ. ഓരോ വീട്ടിൽ നിന്നും ഇത്തരം കാര്യങ്ങൾ ശേഖരിച്ച് അതിൻ്റേതായ രീതിയിൽ വിപണിയിലോ അല്ലെങ്കിൽ ഓൺലൈൻ വിപണിയിലോ വിൽക്കാവുന്നതാണ്. ശേഖരിക്കാനും അത് ഒരുക്കാനും മാത്രമുള്ള പണിയേ വരുന്നുള്ളൂ. ## പഴയ തുണികൾ കൊണ്ടും ബിസിനസ്സ്  നമ്മുടെ ഒക്കെ വീടുകളിൽ കുട്ടികൾ ധരിച്ച ഉടുപ്പ്, പാവാട, ഷർട്ട്, മറ്റ് തുണിത്തരങ്ങൾ ഒക്കെ മോശമാവും മുൻപേ ഉപേക്ഷിക്കാറുണ്ട്. ഒന്നുങ്കിൽ അത് കുട്ടിക്ക് വേണ്ട എന്ന് പറയുന്നതുകൊണ്ട്, അല്ലെങ്കിൽ കുട്ടിയുടെ വളർച്ച വേഗത്തിൽ ആവുന്നതുകൊണ്ട്. രണ്ടായാലും ആ വസ്ത്രം ഉപയോഗിക്കാതെ കത്തിച്ചു കളയുകയായിരിക്കും പതിവ്. എന്നാൽ അത് മറ്റൊരാൾക്ക് ഗുണമാവുന്ന കാര്യം ആലോചിച്ചു നോക്കു. അതെ, പഴയ തുണികൾ കൊണ്ട് ഒരു ബിസിനസ്സ്. എല്ലാവരും പുതിയ തുണിത്തരങ്ങൾ ആണ് വാങ്ങുന്നത്.എന്നാൽ പഴയ തുണികൾ പകുതി വിലയ്ക്ക് കിട്ടിയാലോ. അതും ലാഭം തന്നെ. പഴയ തുണികൾ വീടുകളിൽ നിന്നും ശേഖരിച്ച് അതിൽ കേടുകൾ ഉണ്ടെങ്കിൽ അത് പരിഹരിച്ച് വിൽക്കാം. റിഫർബിഷ്ട് ഫോണുകളുടെ വിപണി പോലെ, സെക്കൻഡ് ഹാൻഡ് പുസ്തകങ്ങളുടെ വിപണി പോലെ സെക്കൻഡ് ഹാൻഡ് തുണിത്തരങ്ങൾ. കുട്ടികളുടെ തുണികൾ മാത്രമാക്കേണ്ട, കല്യാണത്തിന് വാങ്ങുന്ന ഷർവാണി, ലെഹംഗ പോലുള്ള തുണിത്തരങ്ങളും പിന്നീട് ഉപയോഗിക്കാത്ത ഏത് തുണിത്തരവും ഇത്തരം വിപണിയിൽ വിൽക്കാവുന്നതാണ്. അത് വഴി കുമിഞ്ഞു കൂടുന്ന വസ്ത്ര മാലിന്യങ്ങളും കുറയ്ക്കാവുന്നതാണ്. ## കേരളം പുനസൃഷ്ടിക്കാം  വടക്കേ ഇന്ത്യയിൽ പോയാൽ അവിടെ ചില ഫാമുകൾ കാണാം. വെറും ഫാമുകൾ അല്ല, ഒരു ബിസിനസ്സ് മോഡൽ പോലെ ഉണ്ടാക്കിയെടുത്ത ഫാം ആണ്. ആ ഫാമിൽ അവിടത്തെ ഗ്രാമങ്ങളുടെ ചെറിയ പതിപ്പുണ്ടാകും, വളർത്തു മൃഗങ്ങൾ ഉണ്ടാകും, കൃഷി ഉണ്ടാകും. ഇതൊക്കെ കാണുന്നതിനുമൊപ്പം കുട്ടികൾക്ക് കളിക്കാനും, മൺ പാത്രങ്ങൾ നിർമ്മിക്കാനും, വിവിധ തരത്തിലുള്ള ഭക്ഷണം കഴിക്കാനും സൗകര്യമുണ്ട്. ഇത് നമുക്ക് കേരളത്തിലും ചെയ്യാവുന്നതാണ്. വിദേശികൾക്ക് മാത്രമല്ല, കേരളീയർക്കും വിശേഷ ദിവസങ്ങളിൽ കുടുംബങ്ങളുടെ ഒപ്പം ഒരുദിവസം ഒന്നു കൂടാൻ നല്ല സ്ഥലമായി മാറുകയും ചെയ്യും. ഇവിടേക്ക് കയറാനുള്ള പാസ്സിലൂടെ ബിസിനസ്സ് നടത്തുകയും ചെയ്യാം. യുവതലമുറയിൽ പെട്ട പലരും പഴയ കേരള ജീവിതങ്ങളോ കൃഷി രീതികളോ കണ്ടിട്ടുണ്ടാകില്ല. അവർക്കും അതൊരു പുതിയ അനുഭവം നൽകും. ഇതിൽ ആയുർവേദവും യോഗയും കേരളത്തിൻ്റെ എല്ലാം ഉൾപ്പെടുത്തുകയും അതിൻ്റെ നല്ല വശങ്ങൾ പരിചയപ്പെടുത്തുകയുമാവാം. ഈ മികച്ച 10 ആശയങ്ങളിൽ നിന്ന് നിങ്ങൾക്കും ഒന്ന് തിരഞ്ഞെടുത്ത് ഒരു ബിസിനസ്സ് തുടങ്ങാം. കേരളത്തിനായുള്ള ബിസിനസ്സ്.
കേരളത്തിൽ അന്യം നിന്ന് പോയിരിക്കുന്ന കലകൾ
കലകളുടെ നാടാണ് കേരളം എന്നൊരു വിശേഷണം കേരളത്തിനുണ്ട് എന്നാൽ ഇന്ന് കേരളീയ കലകൾ ഇല്ലാതായിക്കൊണ്ടിരിക്കുകയാണ്, അല്ലെങ്കിൽ മരിച്ചുകൊണ്ടിരിക്കുകയാണെന്ന് നമുക്ക് പറയാം. വിദേശികളെ പോലും ആകർഷിപ്പിക്കുന്ന തരത്തിൽ അത്രയും പ്രാധാന്യവും പ്രസക്തിയുമുള്ള കലാരൂപങ്ങൾ ആയിരുന്നു കേരളത്തിൽ ഉണ്ടായിരുന്നത് എന്നാൽ കാലം മാറിക്കൊണ്ടിരിക്കുന്ന ഈ സാഹചര്യത്തിൽ കലാരൂപങ്ങളെ പോലും നമ്മൾ മറന്നിരിക്കുന്നു. കലകളാൽ സമ്പുഷ്ടമായ കേരളത്തിൽ നിരവധി അനവധി കലകളുണ്ട്.വടക്കൻ മലബാറിലെ തെയ്യം, തെക്കൻ മലബാറിലെ തിറയാട്ടം മധ്യതിരുവിതാംകൂറിലെ പടയണി ഇവയൊക്കെ കേരളത്തിലെ തനത് കലകളാണ്. ആചാരങ്ങളുടെയും അനുഷ്ഠാനങ്ങളുടെയും ഭാഗമായി വീടുകളിലും അമ്പലങ്ങളിലും ഈ കലാരൂപങ്ങൾ നടത്തി വരാറുണ്ടായിരുന്നു. എന്നാൽ ഇന്ന് ഇവയെല്ലാം അന്യം നിന്ന് പോയിക്കൊണ്ടിരിക്കുകയാണ്. കേരളീയ കലകൾ എന്നത് കേവലം വിനോദത്തിനുപരി കേരളീയ മൂല്യങ്ങൾ ഉയർത്തിപ്പിടിക്കുന്നതിൽ വലിയ പങ്കുവഹിക്കുന്നുണ്ട്. ഹിന്ദു കലാരൂപങ്ങൾ, മുസ്ലിം കലാരൂപങ്ങൾ, ക്രിസ്ത്യൻ കലാരൂപങ്ങൾ തുടങ്ങി ഓരോ മതവിഭാഗത്തിനും അവരുടേതായ തനത് കലാരൂപങ്ങൾ ഉണ്ട്. ഇവരുടെ ആചാരങ്ങളിലും ആഘോഷങ്ങളിലും ഈ കലാരൂപങ്ങൾ നടത്തി വന്നിരുന്നു. സംഘമായും ഒറ്റയ്ക്കും കലാരൂപങ്ങൾ ചെയ്തു കാണാറുണ്ട്. അനുഷ്ഠാനപരമായി ആരംഭിച്ച കലാരൂപങ്ങൾ പിന്നീട് പ്രദർശനമായും നടത്തപ്പെടാറുണ്ട്. ദൃശ്യകല, പ്രകടന കല എന്നിങ്ങനെ പ്രധാനമായും കലകളെ രണ്ടായി തിരിക്കാം. ## കേരളത്തിന്റെ തനത് കലാരൂപങ്ങൾ  കേരളത്തിന്റെ ആചാരങ്ങളും അനുഷ്ഠാനങ്ങളും എടുത്തു കാണിക്കുന്ന വിധത്തിലുള്ള തനത് കലാരൂപങ്ങൾ കേരളത്തിലുണ്ട്. കേരളത്തിൽ ആവിർഭവിച്ച് മറ്റ് സംസ്ഥാനങ്ങളിൽ പോലും അരങ്ങേറുന്ന നിരവധി കലകൾ നമുക്ക് കാണാം. കേരളീയ കലകളെ ദൃശ്യ കലകൾ, നൃത്ത കലകൾ, ക്ഷേത്ര കലകൾ തുടങ്ങയാവയാക്കി തരംതിരിക്കാം. കഥകളി, മോഹിനിയാട്ടം, കൃഷ്ണനാട്ടം,കേരളനടനം, ചാക്യാർകൂത്ത് പടയണി,തെയ്യം, പഞ്ചവാദ്യം, തുള്ളൽ, തിറ,തീയാട്ടം,ഗരുഡൻ തൂക്കം,പൂരക്കളി,മുടിയേറ്റ്,കളരി, കുമ്മാട്ടി കളി, കൂടിയാട്ടം, പരിച കളി,സർപ്പം തുള്ളൽ, പുള്ളുവൻ പാട്ട്,കതിരുകാള നൃത്തം,പൂതനും തിറയും,പൊറാട്ട്,കാക്കാരിശ്ശി നാടകം,ഒപ്പന, മാപ്പിളപ്പാട്ട്, ദഫ് മുട്ട്, കളമെഴുത്ത്,അറബനമുട്ട്,വട്ടപ്പാട്ട്,കോൽക്കളി, മാർഗ്ഗംകളി, ചവിട്ടുനാടകം, എന്നിവ കേരളത്തിന്റെ തനത് കലാരൂപങ്ങളാണ്. എന്നാൽ ഇവയെല്ലാം അന്യം നിന്ന് പോയിക്കൊണ്ടിരിക്കുകയാണ്. കേരളീയന് കലാരൂപങ്ങളോടുള്ള അടുപ്പം ഇല്ലാതായത് തന്നെയാണ് ഈ കലകൾ ഇന്ന് അന്യം നിന്നു പോവാൻ കാരണം. ## കേരളത്തിൽ ഇന്ന് അന്യം നിന്നു പോകുന്ന കലാരൂപങ്ങൾ ഏതൊക്കെയെന്ന് നോക്കാം ### പൂരക്കളി  വടക്കേ മലബാറിൽ പ്രത്യേകിച്ച് കണ്ണൂർ,കാസറഗോഡ് ജില്ലകളിൽ ഭഗവതി കാവുകളിൽ നടത്തപ്പെടുന്ന അനുഷ്ഠാന കലാവിശേഷമാണ് പൂരക്കളി. എന്നാൽ ഇന്ന് പൂരക്കളി എന്നത് കലോത്സവ വേദികളിൽ മാത്രം ഒതുങ്ങി നിൽക്കുന്ന ഒന്നായി മാറിയിരിക്കുന്നു. കലോത്സവ വേദികളിൽ പോലും വിരളമായി മാത്രമാണ് ഈ ഒരു കലാരൂപത്തെ കാണാറുള്ളത്. അതുകൊണ്ടുതന്നെ ഈയൊരു കലാരൂപം നശിച്ചുകൊണ്ടിരിക്കുകയാണെന്ന് മനസ്സിലാക്കാം. കുട്ടികൾ മുതൽ വൃദ്ധന്മാർ വരെ പങ്കെടുക്കുന്ന ഈ ഒരു കലാരൂപം ഇന്ന് എവിടെയും കാണാനില്ല. സംഘകാലത്തെ മതങ്ങളുടെ പാരമ്പര്യം വിളിച്ചോതുന്ന ഒരു കല കൂടിയായിരുന്നു ഇത്. ### കോലംതുള്ളൽ  കേരളത്തിലെ ക്ഷേത്രങ്ങളിൽ കണ്ടുവരുന്ന ഒരു കലാരൂപമാണ് കോലംതുള്ളൽ.കമുങ്ങിൻ പാള ചെത്തിയെടുത്ത് അതിൽ കോലങ്ങൾ വരച്ച് അരിക്കുകളിൽ ഈർക്കിൽ കുത്തി വെച്ചാണ് കോലം തുള്ളലിൽ വേണ്ട വേഷവിധാനം ഒരുക്കുന്നത്. ക്ഷേത്രങ്ങളിൽ കണ്ടുവരുന്ന ഈ ഒരു കലാരൂപം ഇന്ന് നമുക്ക് കാണാൻ സാധിക്കുന്നില്ല. ഈ ഒരു കലാരൂപത്തിന്റെ അടയാളങ്ങൾ തീർത്തും ഇല്ലാതായെന്ന് തന്നെ നമുക്ക് പറയാം. ### കളം എഴുത്ത്  കേരളത്തിലെ ദൃശ്യ കലകളിൽ അന്യം നിന്നുകൊണ്ടിരിക്കുന്ന ഒരു കലാരൂപമാണ് കളം എഴുത്ത്. പ്രകൃതിയിൽ നിന്ന് ലഭിക്കുന്ന വസ്തുക്കൾ വ്യത്യസ്ത നിറങ്ങൾ തയ്യാറാക്കി അവ പൊടിയായി മാറ്റി ഭംഗിയായി വരയ്ക്കുകയാണ് കളമെഴുത്ത് എന്ന കലാരൂപത്തിൽ ചെയ്യുന്നത്. ### കുംഭ പാട്ട് പ്രകൃതിയിലെ ഭാവങ്ങളെ വർണ്ണിച്ച് പ്രകൃതി ശക്തികളെ തൃപ്തിപ്പെടുത്തി പ്രകൃതിക്ഷോഭം ഇല്ലാതാക്കുന്നു എന്ന ഒരു ആശയത്തിൽ ആവിർഭവിച്ച ഒരു കലാരൂപമാണ് കുംഭ പാട്ട്. എന്നാൽ വിരളമായി മാത്രമേ കാണാറുള്ളൂ. ### സർപ്പം തുള്ളൽ  കേരളത്തിന്റെ ഒരു പരമ്പരാഗത കലാരൂപമാണ് സർപ്പം തുള്ളൽ. നാഗം പാട്ട് എന്ന പേരും ഈയൊരു കലാരൂപത്തിനുണ്ട്. പരമ്പരാഗത കലാരൂപമായ സർപ്പം തുള്ളൽ നടത്തിവരുന്നത് പുള്ളുവർ എന്ന സമുദായക്കാരാണ്.സർപ്പക്കാവുകളിലാണ് ഇത് നടത്താറുള്ളത്. സർപ്പങ്ങളെ പ്രീതിപ്പെടുത്തുക എന്ന ഉദ്ദേശത്തോടുകൂടിയാണ് ഇവ സർപ്പക്കാവുകളിൽ അരങ്ങേറുന്നത്. വീടുകളിലും കാണാറുണ്ട്. 41 ദിവസം വരെ അരങ്ങേറുന്ന ഈ ഒരു കലാരൂപം ഇന്ന് കേരളത്തിൽ കാണുന്നില്ല. പുള്ളോർക്കുടം, വീണ, ഇലത്താളം, എന്നിവ ഉപയോഗിച്ചായിരുന്നു പുള്ളുവർ നാഗസ്തുതികൾ പാടിയിരുന്നത്. നാഗ സ്തുതിക്കനുസരിച്ചു സ്ത്രീകൾ അതിന്റെ താളത്തിനനുസരിച്ച് നൃത്തം ചെയ്യാറുമുണ്ട്.പാരമ്പര്യമായി കൈമാറി വന്നിരുന്ന ഈയൊരു കലാരൂപം ഏറ്റെടുക്കാൻ ആളുകൾ ഇല്ലാതായതോടെ ഇന്ന് അന്യം നിന്ന് പൊയ്ക്കൊണ്ടിരിക്കുന്നത് . `_BANNER_` ### കതിരുകാള നൃത്തം നെൽകൃഷിക്കാർക്കിടയിൽ കണ്ടുവരുന്ന ഒരു കാർഷിക നൃത്തമാണ് കതിരുകാള നൃത്തം. നെൽക്കതിർ കൊണ്ട് കാളയെ ഉണ്ടാക്കി വാദ്യഘോഷത്തോടെ എഴുന്നള്ളിക്കുകയാണ് ഈ കലാരൂപത്തിൽ ചെയ്യുന്നത്.എന്നാൽ ഈ കലാരൂപം ഇന്ന് നമുക്ക് കാണാൻ സാധിക്കുകയില്ല.തികച്ചും അന്യം നിന്നുപോയ ഒരു കലാരൂപമാണ് ഇത് ### പുള്ളുവൻ പാട്ട്.  നാടൻപാട്ട് സംസ്കാരത്തിൽ നേരിട്ട് നിൽക്കുന്ന ഒരു സംഗീത ശാഖയാണ് പുള്ളുവൻ പാട്ട്. കേരളത്തിന്റെ തനതു പാരമ്പര്യത്തിന്റെയും പ്രാചീനതയുടെയും പാരമ്പര്യം വിളിച്ചോതുന്ന ഒന്നുകൂടിയായിരുന്നു പുള്ളുവൻ പാട്ട്. കേരളത്തിലെ ഹൈന്ദവ ജനതയുടെ ജീവിതാചാര അനുഷ്ഠാന സംസ്കാരങ്ങളുമായി പുള്ളുവൻ പാട്ടിന് അഭേദ്യമായ ബന്ധമുണ്ട്. ക്ഷേത്രങ്ങളിലും വീടുകളിലും കണ്ടുവരുന്ന ഈ ഒരു കലാരൂപം വിരളമായി മാത്രമേ ഇന്ന് കണ്ടുവരുന്നുള്ളൂ. ### പൊറാട്ട് നാടകം കൊയ്ത്ത് കഴിഞ്ഞ പാടങ്ങളിൽ അരങ്ങേറുന്ന കേരളത്തിലെ ഒരു കലാരൂപം ആയിരുന്നു പൊറാട്ട് നാടകം. പാലക്കാട് ജില്ലയിലാണ് ഇത് സാധാരണയായി കണ്ടുവരാറുള്ളത്. നിത്യ ജീവിതത്തിൽ നടക്കുന്ന സംഭവവികാസങ്ങൾ കൂട്ടിച്ചേർത്ത് അവതരിപ്പിക്കുന്ന ഒരു കലാരൂപം കൂടിയാണിത്.പുരുഷന്മാർ അവതരിപ്പിക്കുന്ന ഈ ഒരു കലാരൂപത്തിൽ സ്ത്രീ കഥാപാത്രങ്ങളും ഉണ്ടായിരിക്കും. സ്ത്രീ കഥാപാത്രങ്ങളുടെ വേഷവിധാനത്തോട് കൂടി പുരുഷന്മാർ തന്നെയാണ് സ്ത്രീ കഥാപാത്രങ്ങളെ അവതരിപ്പിക്കുക. പാണന്മാർ എന്ന സമുദായത്തിലെ അംഗങ്ങളായിരുന്നു ഈ ഒരു കലാരൂപം പ്രധാനമായും അവതരിപ്പിച്ചിരുന്നത്. ഈയൊരു കലാരൂപത്തിന്റെ പശ്ചാത്തല സംഗീതത്തിനായി മൃദംഗം, ചെണ്ട ഇലത്താളം, എന്നിവ ഉപയോഗിക്കാറുണ്ട്.ഓരോ സമുദായത്തിന്റെയും ജീവിതരീതികൾ ഫലിത രൂപത്തിൽ അവതരിപ്പിക്കുകയാണ് ഈയൊരു കലാരൂപത്തിൽ ചെയ്യുന്നത്. നൃത്തം,നർമ്മഭാഷണം,ആസ്വാദ്യകരമായ പാട്ടുകൾ,എന്നിവ ഈ ഒരു കലാരൂപത്തിന്റെ ഭാഗങ്ങളാണ്. എന്നാൽ ഈ ഒരു കലാരൂപം അവതരിപ്പിക്കാൻ ആളുകൾ ഇല്ലാതായതോടെ കേരളീയരുടെ മനസ്സിൽ നിന്നും ഈയൊരു കലാരൂപം മാഞ്ഞു പോയിക്കൊണ്ടിരിക്കുകയാണ്. ### കാക്കാരിശ്ശി നാടകം.  പരമ്പരാഗത രീതിയിൽ അവതരിപ്പിക്കുന്ന ഒരു കേരളീയ കലാരൂപമാണ് കാക്കാരിശ്ശി നാടകം. നാടോടികളായ കാക്കലന്മാരായിരുന്നു ഇത് അവതരിപ്പിച്ചിരുന്നത്. പാണന്മാർ, ഈഴവർ, കുറവർ, എന്നിവരും ഈയൊരു കലാരൂപം അവതരിപ്പിക്കാറുണ്ട്. പുരാണ കഥാപാത്രങ്ങളായ ശിവൻ, പാർവതി, എന്നിവരെ കഥാപാത്രങ്ങൾ ആക്കിയാണ് ഈ നാടകം അരങ്ങേറാറുള്ളത്. മനുഷ്യന്റെ വിഷമതകൾ കഷ്ടപ്പാടുകൾ എന്നിവ മുഖ്യപ്രമേയം ആക്കിയാണ് നാടകത്തിന്റെ കഥ മുന്നോട്ട് പോകുന്നത്. ഈയൊരു കലാരൂപം അവതരിപ്പിക്കുവാൻ ആളുകൾ ഇല്ലാതായതോടെ നശിച്ചുകൊണ്ടിരിക്കുകയാണ്. കുറച്ചു വർഷങ്ങൾക്കുശേഷം ഈ കലാരൂപത്തെ പൂർണ്ണമായും കാണാൻ കഴിയാത്ത സ്ഥിതിയിലാവും എന്നതിൽ സംശയമില്ല; പരമ്പരാഗതമായി കൈമാറി വന്ന ഈ ഒരു കലാരൂപം ആരും തന്നെ ഏറ്റെടുക്കാനില്ല എന്നത് തന്നെയാണ് ഇതിന് കാരണം. ### ദഫ് മുട്ട്  കേരളത്തിലെ ഇസ്ലാം മത വിശ്വാസികളുടെ ഇടയിൽ പ്രചാരമുള്ള ഒരു കലാരൂപമാണ് ദഫ് മുട്ട്. അറബനമുട്ട് എന്ന ഒരു പേരുകൂടി ഈ ഒരു കലാരൂപത്തിന് ഉണ്ട്.ഇസ്ലാം മതവിഭാഗത്തിലെ എല്ലാ ആഘോഷവേളകളിലും നടത്തിവരുന്ന ഒരു കലാരൂപം ആയിരുന്നു ഇത്. എന്നാൽ ഇന്ന് കലോത്സവവേദികളിൽ മാത്രമായി ചുരുങ്ങി കൊണ്ടിരിക്കുകയാണ് ഈയൊരു കലാരൂപം. വൃത്താകൃതിയിലുള്ള ഒരു മരക്കുറ്റിയിൽ മൃഗങ്ങളുടെ കട്ടിയുള്ള തോലുകൾ വലിച്ചുകെട്ടി ശബ്ദം വരുന്ന വിധത്തിൽ നിർമ്മിക്കുന്ന ഒന്നാണ് ദഫുകൾ. ഈ ദഫുകളാണ് ദഫ് മുട്ടിന് ഉപയോഗിക്കാറ്. ദഫുകൾ മുട്ടുകയും അതിന്റെ കൂടെ പാട്ടുകൾ പാടി വൃത്തത്തിൽ നിന്ന് പ്രത്യേക ചലനത്തോടെ നൃത്തം ചെയ്തു കൊണ്ടാണ് ഈയൊരു കലാരൂപം അരങ്ങേറാറുള്ളത്. എന്നാൽ ഇന്ന് ഈ ഒരു കലാരൂപം മുസ്ലിം ആഘോഷവേളകളിൽ ഒന്നും കാണാറില്ല. ### വട്ടപ്പാട്ട് മുസ്ലിം മത വിഭാഗത്തിലെ ഒപ്പന എന്ന കലാരൂപവുമായി ഏറെ സാമ്യമുള്ള ഒരു കലാരൂപമാണ് വട്ടപ്പാട്ട്.ഒപ്പനയ്ക്ക് സ്ത്രീകൾ നൃത്തം ചെയ്യുമ്പോൾ വട്ടപ്പാട്ടിൽ പുരുഷന്മാരാണ് നൃത്തം ചെയ്യുന്നത്. മുസ്ലിം മത വിഭാഗത്തിലെ ആഘോഷങ്ങളിലാണ് വട്ട പാട്ട് കാണാറുള്ളത്. കലോത്സവ വേദികളിൽ ഒരു മത്സരയിനമായി ഈ കലാരൂപം കാണാറുണ്ട്. എന്നാൽ ഇന്ന് വട്ട പാട്ട് എന്ന കലാരൂപത്തിന്റെ പ്രചാരം കുറഞ്ഞു വരുന്നതായി കാണാം. ### പരിചമുട്ടുകളി  കേരളത്തിൽ ഏറെ പ്രചാരത്തിൽ ഉണ്ടായിരുന്ന ഒരു ആയോധനകലയായിരുന്നു പരിചമുട്ടുകളി. പത്തോ പന്ത്രണ്ടോ പുരുഷന്മാർ അടങ്ങിയ സംഘം ആയാണ് ഈ കളി അവതരിപ്പിക്കുന്നത്. കളരിയാശാൻ ചെല്ലുന്ന പാട്ടിന്റെ താളത്തിൽ പരിച കയ്യിലേന്തി നൃത്തം ചവിട്ടുകയാണ് ഈ കലാരൂപത്തിൽ ചെയ്യുന്നത്.ഈ കലാരൂപത്തിലൂടെ പരിചമുട്ട് കളിയുടെയും കളരിപ്പയറ്റിയും ദൃശ്യരൂപം നമുക്ക് കാണാൻ സാധിക്കും. ക്രൈസ്തവരുടെ വിവാഹാഘോഷങ്ങൾ, പള്ളിപ്പെരുന്നാൾ, എന്നീ ആഘോഷവേളകളിലായിരുന്നു പരിച മുട്ടുകളി അരങ്ങേറാറുണ്ടായിരുന്നത്. ക്രൈസ്തവരുടെ ഇടയിൽ മാത്രമല്ല ഹൈന്ദവ മുസ്ലിം വിഭാഗങ്ങളുടെ ഇടയിലും പരിചയമുട്ട് കളി കാണാൻ സാധിക്കും.എന്നാൽ ഇന്ന് പരിചമുട്ടുകളി കാണാൻ സാധിക്കുന്നില്ല. അതുകൊണ്ടുതന്നെ കേരളത്തിൽ അന്യം നിൽക്കുന്ന ഒരു കലാരൂപമായി പരിചമുട്ടുകളിയെ നമുക്ക് കണക്കാക്കാം. ### കുറത്തിയാട്ടം കേരളത്തിലെ ഒരു ഗ്രാമീണ കലാരൂപമാണ് കുറത്തിയാട്ടം. തൃശ്ശൂർ പൂരം കാണാൻ ചെന്ന കുറവനും കുറത്തിയും കാണാതാവുന്നതുമായി ബന്ധപ്പെട്ട കഥയാണ് കുറത്തിയാട്ടത്തിൽ ഉള്ളത്. കുറത്തി,കുറവൻ, മുത്തിയമ്മ എന്നീ കഥാപാത്രങ്ങളാണ് ഇതിൽ പ്രധാനമായി ഉള്ളത്. വേദികളിൽ അരങ്ങേറിയിരുന്ന ഈ ഒരു കലാരൂപം ഇന്ന് നമുക്ക് കാണാൻ സാധിക്കുന്നില്ല. ഈ ഒരു കലാരൂപം കേരളത്തിൽനിന്നും പൂർണ്ണമായും ഇല്ലാതായി എന്ന് നമുക്ക് കണക്കാക്കാം. എല്ലാ മതവിഭാഗങ്ങളിലും ജാതിമതഭേദമെന്യേ അരങ്ങേറിയിരുന്ന ഒരു കലാരൂപം കൂടിയായിരുന്നു ഇത്. ## കേരളത്തിൽ പ്രചാരത്തിലുണ്ടായിരുന്ന കലാരൂപങ്ങൾ അന്യം നിന്ന് പോവാനുള്ള കാരണങ്ങൾ വിദേശികളും അന്യസംസ്ഥാനക്കാരും ഏറെ കൗതുകത്തോടെ നോക്കിനിൽക്കുകയും ആസ്വദിക്കുകയും ചെയ്യുന്ന ഒരുപാട് കലാരൂപങ്ങൾ ഉണ്ടായിരുന്നു കേരളത്തിൽ. എന്നാൽ ഇന്ന് അവയിൽ ഒട്ടുമിക്ക കലാരൂപങ്ങളും ഇല്ലാതായിക്കൊണ്ടിരിക്കുകയാണ്. അതിന്റെ പ്രധാന കാരണം കലയെ സ്നേഹിക്കുന്ന കലാകാരന്മാർ കുറഞ്ഞുവരുന്നു എന്നത് തന്നെയാണ്. തിരക്കുപിടിച്ച ജീവിതത്തിൽ പണത്തിന് പിറകെ നെട്ടോട്ടം ഓടുമ്പോൾ കലയെയും ആചാരങ്ങളെയും അനുഷ്ഠാനങ്ങളെയും നാം മറക്കുന്നു. ഓരോ കലാരൂപങ്ങളും ആസ്വാദനം, വിനോദം എന്നതിലുപരി കേരളത്തിന്റെ ആചാര അനുഷ്ഠാനങ്ങൾ വിളിച്ചോതുന്നതിൽ വലിയ പങ്കുവഹിക്കുന്നുണ്ട്. പാരമ്പര്യമായി കൈമാറി വന്ന ചില കലാരൂപങ്ങൾ ഏറ്റെടുക്കാൻ ആളില്ലാതായതും കലാരൂപങ്ങളുടെ പ്രാധാന്യം ജനങ്ങൾക്കിടയിൽ കുറഞ്ഞു വരാൻ കാരണമായിട്ടുണ്ട്. ക്ഷേത്രങ്ങളിലും മറ്റും നടത്തിവരാറുള്ള ക്ഷേത്ര കലകളും ഇതിന് ഉദാഹരണം തന്നെയാണ്. കലകൾക്ക് വേണ്ടത്ര പ്രാധാന്യം കൊടുക്കാതെ കലോത്സവ വേദികളിൽമാത്രം ഒതുങ്ങി പോവുകയും ചെയ്യുന്നുണ്ട്. കലോത്സവ വേദികളിൽ മാത്രം ഒതുങ്ങി നിൽക്കുന്ന ഒന്നാണ് കലാരൂപം എന്നൊരു മിഥ്യാധാരണ കൂടി കലകളുടെ പ്രചാരം കുറഞ്ഞുവരുന്നതിന് കാരണമായിട്ടുണ്ട്.മനുഷ്യനോളം പ്രായം ചെന്ന പ്രാചീന കലകൾ മുതൽ അനുഷ്ഠാനകലകൾ വരെ ഇന്ന് ഇല്ലാതായിക്കൊണ്ടിരിക്കുകയാണ്. കല എന്നത് സമുദായത്തിന്റെയും മതത്തിന്റെയോ ചിറകുകളിൽ ഒതുങ്ങേണ്ടതല്ല. മനുഷ്യൻ ഉള്ളിടത്തോളം കല ഉണ്ടാവണം.
കേരളത്തിലെ കരകൗശല നിർമാണങ്ങൾ
ദൈവത്തിന്റെ സ്വന്തം നാടായ കേരളം അതിന്റെ സാംസ്കാരിക പൈതൃകത്തിന്റെ ഭാഗമായ കരകൗശല വസ്തുക്കളുടെ സമ്പന്നമായ പാരമ്പര്യത്തിനും പേരുകേട്ടതാണ്. അതിന്റെ അതുല്യമായ കലകളും കരകൗശലങ്ങളും ഏതൊരു കലാകാരനും അഭിമാനാർഹമാണ് . കേരളത്തിലെ കരകൗശലത്തൊഴിലാളികൾ ദൈവങ്ങളുടെ ശില്പിയായ വിശ്വകർമ്മ യിൽ നിന്ന് അവരുടെ വംശപരമ്പരയെ കണ്ടെത്തുന്നു എന്നാണ് പറയപ്പെടുന്നത്. കരകൗശല വസ്തുക്കളിൽ ബെൽ മെറ്റൽ കാസ്റ്റ് ശിൽപങ്ങളും മൺപാത്ര വസ്തുക്കളും മരം, കയർ ഉൽപ്പന്നങ്ങൾ, ചുവർചിത്രങ്ങൾ എന്നിവ ഉൾപ്പെടുന്നു. ഇവ ഉപയോഗപ്രദവും അലങ്കാര വസ്തുക്കളും പൂർണ്ണമായും ഒരാളുടെ കൈകൊണ്ടോ അല്ലെങ്കിൽ കത്രിക, കൊത്തുപണി ഉപകരണങ്ങൾ പോലെയുള്ള ലളിതവും , അല്ലാത്തതുമായ അനുബന്ധ ഉപകരണങ്ങൾ ഉപയോഗിച്ചും നിർമ്മിക്കുന്ന വൈവിധ്യമാർന്ന ഏതെങ്കിലും തരത്തിലുള്ള ജോലിയാണ് കരകൗശല നിർമ്മാണങ്ങൾ എന്ന് പറയാം . തുണിത്തരങ്ങളുമായുള്ള ജോലികൾ ഉൾപ്പെടെ, സ്വന്തം കൈകളും വൈദഗ്ധ്യവും ഉപയോഗിച്ച് സാധനങ്ങൾ നിർമ്മിക്കുന്നതുമായി ബന്ധപ്പെട്ട വിപുലമായതും ക്രിയാത്മകമായതും ആയ ഡിസൈൻ പ്രവർത്തനങ്ങളും ഇതിൽ ഉൾപ്പെടുന്നു. വളരെ അധികം കാഴ്ച്ചക്കാരെ ആകർഷിക്കാൻ കഴിവുള്ളവയാണ് കരകൗശല വസ്തുക്കൾ .ഇവ പ്രതേകിച്ചും സ്വദേശീയരെ പോലെ തന്നെ വിദേശീയർക്കും വളരെയധികം പ്രിയമുള്ളവയാണ് . കുട്ടികാലം മുതൽ നമ്മളേവരേയും ഇവ ആകർഷിക്കുന്നത് അവയുടെ നിറത്തിലും ആകൃതിയിലും ഉള്ള നിർമ്മാണ രീതികളാവാം . ജന്മസിദ്ധമായ കഴിവുകൾ ഉള്ളവർക്ക് ഈ ജോലികളിൽ കഴിവുകൾ തെളിയിക്കാൻ കഴിയും. ജന്മനാൽ ശാരീരിക വൈകല്യങ്ങൾ ഉള്ള ആളുകളെ പരിശീലിപ്പിക്കുന്ന സ്ഥാപനങ്ങളും ഇന്ന് നമ്മുടെ നാട്ടിൽ നിലവിൽ ഉണ്ട് .അവർക്കു കരകൗശലവസ്തുക്കൾ ഉണ്ടാക്കി വിൽക്കുന്നത് ഒരു ചെറിയ വരുമാനം തന്നെയാണ് . ഇങ്ങനെ ഉള്ള പ്രവർത്തനങ്ങളിൽ ഏർപ്പെട്ട ഒരുപാട് ആളുകൾ നമുക്കിടയിൽ തന്നെ ഉണ്ട് . കേരളത്തിൻറെ കരകൗശല മികവ് സംരക്ഷിക്കുക, പ്രോത്സാഹിപ്പിക്കുക എന്നതാവണം ഓരോ കേരളീയൻറെയും പ്രധാന ലക്ഷ്യം. യഥാർത്ഥവും പരമ്പരാഗതവും ആധുനീകവുമായ കലകളുടെയും കരകൗശല വസ്തുക്കളുടെയും വൈവിധ്യമാർന്നതുമായ ഇനങ്ങൾ കേരള തനിമയോടു കൂടി നമ്മുടെ വിപണിയിലും അന്ന്യ സംസ്ഥാനങ്ങളിലും ഇതിൻറെ പ്രസക്തി വ്യാപിപ്പിക്കണം . ## കേരള ഗവൺമെൻറ്റിൻറെ കീഴിൽ പ്രവർത്തിക്കുന്ന കരകൗശല വിപണന സ്ഥാപനങ്ങളെ കുറിച്ച് അറിയാം  കൈരളി ഹാൻഡിക്രഫ്ട്സ് കരകൗശല വികസന കോർപ്പറേഷൻ ഓഫ് കേരള ലിമിറ്റഡ്, ഒരു കേരള ഗവൺമെൻറ്റിൻറെ സ്ഥാപനമാണ് . ഒരുപാട് കരകൗശല വസ്തുക്കളുടെ വിപണനങ്ങൾക്കു ഇതിലൂടെ കഴിയുന്നുണ്ട് .ഇതിനായി ഒരു വെബ്സൈറ്റ് തന്നെ നിലവിൽ ഉണ്ട് (www.handicrafts.kerala.gov.in). തേക്കിലും ,റോസ് വുഡിലും ,ചന്ദനത്തിലും മറ്റു പലതരം മരങ്ങളിലും നിർമ്മിച്ച വിവിധ ഇനം വസ്തുക്കൾ ഈ വെബ് സൈറ്റിൽ കൂടി വാങ്ങുവാനും വിൽക്കുവാനും സാധിക്കും കൂടാതെ മെറ്റലിലും ,ചെമ്പുകൊണ്ടുള്ളതും ,ബാംബൂ ഉത്പന്നങ്ങളും ഇതിൽ വിൽപനക്കായി നിലവിൽ ഉണ്ട്. ഈ സ്ഥാപനം കേരളത്തിൻറെ തലസ്ഥാന നഗരമായ തിരുവനന്തപുരത്താണ് സ്ഥിതിചെയ്തു വരുന്നത്. - SMSM ഇൻസ്റ്റിറ്റ്യൂട്ട് ,പ്രസ്സ് ക്ലബ് ,പുത്തൻചന്തയ് ,തിരുവനന്തപുരം - കൈരളി സ്റ്റാചു - കൈരളി ടെക്നോപാർക് - കൈരളിഫോർട്ട് പോലീസ് സ്റ്റേഷന് സമീപം,അട്ടക്കുളങ്ങര, തിരുവനന്തപുരം. - കൈരളി കൊല്ലം - കൈരളി തിരുവല്ല - കൈരളി കോട്ടയം - കൈരളി എറണാംകുളം - കൈരളി ഫോർട്ട് കൊച്ചി - കൈരളി തൃശ്ശൂർ - കൈരളി കോഴിക്കോട് - കൈരളി കണ്ണൂർ - കൈരളി കോയമ്പത്തൂർ - കൈരളി ഊട്ടി - കൈരളി ചെന്നൈ - കൈരളി ബാംഗ്ലൂർ - കൈരളി നവി മുംബൈ - കൈരളി ന്യൂ ഡെൽഹി - കോമൺ ഫെസിലിറ്റി സെന്റർ (CFC)ഫോർട്ട് പോലീസ് സ്റ്റേഷന് സമീപം,അട്ടക്കുളങ്ങര,തിരുവനന്തപുരം. മുകളിൽ പറഞ്ഞ സ്ഥാപനങ്ങൾ കേരള ഗവൺമെറ്റ്ൻറെ അനുമതിയോടെ പ്രവർത്തിക്കുന്ന സ്ഥാപനങ്ങൾ ആണ്. കേരളത്തിലെ കരകൗശല വസ്തുക്കളുടെ വിപണനത്തിൽ കേരളം എത്രത്തോളം ശ്രെദ്ധചെലുത്തുന്നു എന്നത് നമ്മുക്കിതിൽ നിന്നും മനസിലാക്കാവുന്നതാണ്. ## കരകൗശല വസ്തുക്കൾ നിർമിക്കുന്നതിനു എന്തൊക്കെ വസ്തുക്കൾ ഉപയോഗിക്കുന്നു എന്നറിയാം  കേരളീയ കരകൗശല വസ്തുക്കളിൽ പ്രധാനമായവ പിച്ചള, മണി ലോഹം, കയർ, ചൂരൽ ഉൽപന്നങ്ങൾ, ആനക്കൊമ്പുകൾ, ലാക്വർ വെയർ, ചന്ദനത്തിന്റെ കൊത്തുപണികൾ, തുണിത്തരങ്ങൾ, മരംകൊണ്ടുള്ള കളിപ്പാട്ടങ്ങൾ, കഥകളി മുഖംമൂടികൾ, മരം കൊത്തുപണികൾ തുടങ്ങിയവയാണ്. ഇതിന്റെ ആകർഷണീയതയാണ് അന്ന്യ സംസ്ഥനങ്ങളിലും കേരള കരകൗശല വസ്തുക്കൾ പ്രസിദ്ധമായത് .ഇവയുടെ നിർമാണത്തിന് ഉപയോഗിക്കുന്നത് ഒരിക്കലും നശിക്കാത്ത വസ്തുക്കളാണ്. .വീടുകൾ മോടിപിടിപ്പിക്കാനും ,മ്യൂസിയം ,അങ്ങനെ ഒരുപാട് സ്ഥലങ്ങളിൽ അലങ്കാര വസ്തുക്കളായും നമുക്ക് ഇവയൊക്കെ വക്കാൻകഴിയും. `_BANNER_` ## കേരളത്തിലെ സാധാരണയായി നിർമ്മിക്കുന്ന കരകൗശല വസ്തുക്കൾ ഏതൊക്കെ എന്ന് താഴെ കൊടുത്തിരിക്കുന്നു - ബാഗ് പ്രിൻറ്റുകൾ - ബാനർ നിർമ്മാണം. - ബാത്തിക്. - കാലിഗ്രാഫി. - ക്യാൻവാസ് വർക്ക്. - ക്രോസ്-സ്റ്റിച്ച്. - ക്രോച്ചെറ്റ്. - ഡാർനിംഗ് ## പരമ്പരാഗതമായ കരകൗശല വസ്തുക്കൾ - ആനക്കൊമ്പ് കൊണ്ടുള്ള കരകൗശലവസ്തുക്കൾ - തെങ്ങിൻ തോട് കൊണ്ടുള്ള കരകൗശല വസ്തുക്കൾ - സ്ക്രൂ പൈൻ ഉൽപ്പന്നങ്ങൾ - വാഴനാരിന്റെ കരകൗശല വസ്തുക്കൾ - കഥകളി പേപ്പിയർ-മാഷെ മാസ്കുകൾ ## കേരളത്തിലെ കരകൗശല വ്യവസായത്തിന്റെ പ്രത്യേകതകൾ  കേരളത്തിൽ ഏകദേശം 1.7 ലക്ഷം കരകൗശല വിദഗ്ധർ ഈ മേഖലയിൽ സജീവമായ പ്രവർത്തനങ്ങളിൽ ഏർപ്പെട്ടിരിക്കുന്നതായി കണക്കാക്കപ്പെടുന്നു. കേരളത്തിൽ 32 വ്യത്യസ്ത കരകൗശല വസ്തുക്കളുണ്ട്, അവയിൽ ആനക്കൊമ്പ് കൊത്തുപണി, മരവും കൊമ്പും കൊത്തുപണി, ബെൽ മെറ്റൽ കാസ്റ്റിംഗ് ഹാൻഡ് എംബ്രോയട്ടറി, ചിരട്ടകകൾ കൊണ്ടുള്ള കൊത്തുപണി എന്നിവ പ്രധാന വാണിജ്യ ഇനങ്ങളായി കണക്കാക്കപ്പെടുന്നു. ## കരകൗശല വസ്തുക്കൾക്ക് പേരുകേട്ട രാജ്യങ്ങൾ കരകൗശലത്തിന്റെ പരമ്പരാഗത രൂപങ്ങൾ ഇന്ത്യയിലെ മധ്യപ്രദേശ്, രാജസ്ഥാൻ, ഗുജറാത്ത് മുതലായ രാജ്യങ്ങളിൽ കാണപ്പെടുന്നു എന്നാണ് അറിയപ്പെടുന്നത് . ## കേരളത്തിലെ വ്യത്യസ്ത ലോഹ കരകൗശല വസ്തുക്കൾ എന്തൊക്കെയാണ് എന്ന് നോക്കാം ബെൽ മെറ്റൽ ക്രാഫ്റ്റ് കേരളത്തിലെ ഒരു പ്രധാന കലയാണ് എന്ന് പറയാം . അതിമനോഹരമായി കൊത്തിയെടുത്ത വിഗ്രഹങ്ങൾ, ആചാരപ്രകാരമുള്ള ക്ഷേത്രവിളക്കുകൾ, പള്ളിമണികൾ, ഭസ്മക്കട്ടകൾ, പഴ പാത്രങ്ങൾ, പാചക പാത്രങ്ങൾ, രത്നപ്പെട്ടികൾ, ഭരണികൾ , എണ്ണ വിളക്കുകൾ, മേശകൾ എന്നിവ കേരളത്തിലെ പ്രശസ്തമായ ബെൽ മെറ്റൽ ഉൽപ്പന്നങ്ങളിൽ ഉൾപ്പെടുന്നു. ## കേരളത്തെ പ്രശസ്തമാക്കിയ കരകൗശല വസ്തുക്കൾ ഏതൊക്കെയെന്നു നോക്കാം ### ചുമർ ചിത്രകലകൾ (Mural paintings) പണ്ടുകാലങ്ങളിൽ ക്ഷേത്രങ്ങളുടെയും പള്ളികളുടെയും ചുവരുകളിൽ വരച്ചിരിക്കുന്ന ഹിന്ദു പുരാണങ്ങളുടെയും ഐതിഹ്യങ്ങളുടെയും ചിത്രമാണ് കേരളത്തിലെ ചുവർ ചിത്രകലകൾ. ഈ കലയുടെ ചരിത്രം CE 9 മുതൽ 12 വരെ നൂറ്റാണ്ടുകൾക്കിടയിലാണ്. പച്ചക്കറി, ധാതുക്കൾ എന്നിവയിൽ നിന്നുമാണ് ഇവക്കു വേണ്ട നിറങ്ങൾ തയ്യാറാക്കിയിരുന്നത്. ### തെങ്ങിൻ തോട് കൊണ്ടുള്ള കരകൗശല വസ്തുക്കൾ നാളികേരം ഉൽപ്പാദിപ്പിക്കുന്ന സംസ്ഥാനങ്ങളിലൊന്നാണ് കേരളം . കേരളത്തിലെ നാളികേര കരകൗശല വസ്തുക്കളും സാധാരണവും പ്രസിദ്ധവുമാണ് . തെങ്ങിൻ തോട് കൊണ്ട് നൂതനവും മനോഹരവുമായ കരകൗശല വസ്തുക്കളാണ് കേരളത്തിലെ കലാകാരന്മാർ ഒരുക്കിയിരിക്കുന്നത്. പാത്രങ്ങൾ,ചായപ്പൊടികൾ, കളിപ്പാട്ടങ്ങൾ എന്നിവയാണ് കൂടുതലും ഏവരെയും ആകർഷിക്കപ്പെടുന്നതും. ### കയറും ചൂരലും കൊണ്ടുള്ള വസ്തുക്കൾ മനോഹരവും ഉപയോഗപ്രദവുമായ കയർ, ചൂരൽ ഉൽപ്പന്നങ്ങൾ ഉൽപ്പാദിപ്പിക്കുന്നതിന് പേരുകേട്ട കേരളത്തിലെ രണ്ട് നഗരങ്ങളാണ് കൊല്ലവും ,കോഴിക്കോടും . നാളികേരത്തിന്റെ തൊണ്ടയിൽ നിന്ന് വേർതിരിച്ചെടുക്കുന്ന കയർ പ്രകൃതിദത്തവും പരിസ്ഥിതി സൗഹൃദവുമായ ഒരു വസ്തുവാണ് . ഫ്ലോർ മാറ്റുകൾ, മെത്തകൾ എന്നിവ നിർമ്മിക്കാനും ഇവ ഉപയോഗിക്കാം . ### സ്ക്രൂ പൈൻ ഉൽപ്പന്നങ്ങൾ സ്ക്രൂ പൈൻ നെയ്ത്ത് കേരളത്തിലെ ഒരു പുരാതന കരകൗശലമാണ്. ഈ കല 800 വർഷം മുൻ പുള്ളതാണ് . സ്ക്രൂ പൈൻ ചെടിയുടെ ഇലകൾ ഉപയോഗിച്ച് വിവിധ തരം മാറ്റുകൾ, ബാഗുകൾ, ചുവരിൽ തൂക്കിയിടുന്ന അലങ്കാര വസ്തുക്കൾ എന്നിവയും നിർമ്മിക്കാം. ### തടികൊണ്ടുള്ള കരകൗശല വസ്തുക്കൾ കേരളത്തിൻറ്റെ പരമ്പരാഗത ഉത്സവം ഓണമാണ്, കരകൗശല വിദഗ്ധർ പ്രതീകാത്മക ബോട്ടുകളുടെ നിർമ്മാണം മരങ്ങൾ ഉപയോഗിച്ചുകൊണ്ടാണ് .അതുപോലെ മരം ഉപയോഗിച്ചുകൊണ്ട് ഒരുപ്പാട് വസ്തുക്കൾ ഇന്നും നമ്മൾ നിർമ്മി ച്ചുപോരുന്നു ### കഥകളി മുഖംമൂടികൾ കലയിലും സംസ്കാരത്തിലും സമ്പന്നമാണ് കേരളം. കഥകളിയാണ് ഇവിടുത്തെ പരമ്പരാഗത നൃത്തരൂപം എന്ന് പറയാം . നൃത്തം, നാടകം, സംഗീതം എന്നിവയുടെ മിശ്രിതമാണ് നൃത്തം. നീണ്ട മുടി, ശിരോവസ്ത്രം, പരമ്പരാഗത ആഭരണങ്ങൾ എന്നിവയുമായി നൃത്തത്തിന് തയ്യാറാകാൻ 4 മണിക്കൂറിലധികം എടുക്കും. കഥകളി മാസ്കുകളും സ്വന്തമായി നിർമ്മിക്കാം എന്നതാണ് ഇതിൻറെ പ്രതേകത . ### ബനാന ഫൈബർ ഉൽപ്പന്നങ്ങൾ രുചികരവും ക്രിസ്പിയുമായ ബനാന ചിപ്സ്സിന് മാത്രമല്ല, മരത്തിൽ നിന്ന് ലഭിക്കുന്ന വാഴനാരിൽ നിന്നുo കരകൗശല ഉൽപ്പന്നങ്ങൾ നിർമ്മിക്കുന്നതിലും കേരളം വളരെ പ്രസിദ്ധമാണ്. വാഴയിൽ നിന്നും നമുക്കു അവയുടെ നാരുകൾ വേർതിരിച്ചു എടുക്കാവുന്നതാണ് അതുപയോഗിച്ചും നമുക്ക് പല വസ്തുക്കളും നിർമ്മിക്കാം . ഇവ പരിസ്ഥിതി സൗഹൃദ ഉൽപ്പന്നങ്ങളാണ്, ടേബിൾ മാറ്റുകൾ, ബാഗുകൾ, ചുമർ അലങ്കാര വസ്തുക്കൾ മുതൽ സാരി വരെ നമുക്ക് നിർമ്മിക്കാം. ## കേരളത്തിലെ കരകൗശല നിർമാണത്തിൽ പ്രസിദ്ധമായ ചില സ്ഥലങ്ങളെ പരിചയപ്പെടാം  ### കേരള ആർട്സ് & ക്രാഫ്റ്റ് വില്ലേജ്, വെള്ളാർ ഊരാളുങ്കൽ ലേബർ കോൺട്രാക്ട് കോ-ഓപ്പറേറ്റീവ് സൊസൈറ്റി ലിമിറ്റഡ് (യുഎൽസിസിഎസ് ലിമിറ്റഡ്) രൂപകല്പന ചെയ്ത് നടപ്പിലാക്കിയ തിരുവനന്തപുരത്തെ വെള്ളാറിലെ ആർട്സ് ആൻഡ് ക്രാഫ്റ്റ്സ് ഗ്രാമം കരകൗശല വസ്തുക്കൾ പ്രദർശിപ്പിക്കാറുണ്ട്. ### സർഗാലയ കലാ കരകൗശല ഗ്രാമം കേരള സർക്കാരിന്റെ ടൂറിസം വകുപ്പിന്റെ സംരംഭമായ സർഗാലയ , കേരള കലാ കരകൗശല ഗ്രാമം എന്ന പേരിൽ പ്രശസ്തമാണ്. ### പാക്കിൽ ട്രേഡ് കോട്ടയത്തെ പക്കിൽ ഗ്രാമം ധർമ്മശാസ്താ ക്ഷേത്രത്തിനും ക്ഷേത്ര പരിസരത്ത് നടക്കുന്ന വാർഷിക വ്യാപാരമേളയ്ക്കും പേരുകേട്ടതാണ്. ### കാഞ്ഞിരോട് വീവേഴ്സ് കോ-ഓപ്പറേറ്റീവ് സൊസൈറ്റി, കണ്ണൂർ കണ്ണൂർ ജില്ലയിൽ നിന്ന് 15 കിലോമീറ്റർ കിഴക്കായി സ്ഥിതി ചെയ്യുന്ന കേരളത്തിലെ നെയ്ത്തുപാരമ്പര്യത്തിന് പേരുകേട്ട സ്ഥലമാണ് കഞ്ഞിരോട് വീവേഴ്സ് കോ-ഓപ്പറേറ്റീവ് സൊസൈറ്റി ലിമിറ്റഡ്. ### മാന്നാർ - ആലപ്പുഴ നഗരത്തിനടുത്തുള്ള ബെൽ മെറ്റൽ നഗരം കേരളത്തിലെ ആലപ്പുഴ ജില്ലയിലെ മാവേലിക്കരയ്ക്കും തിരുവല്ലയ്ക്കും ഇടയിലുള്ള കരകൗശല നിർമാണത്തിലെ ഒരു പ്രധാന ബിസിനസ്സ് നഗരമാണ് മാന്നാർ. ### ബേപ്പൂർ ഉരു - പരമ്പരാഗത അറേബ്യൻ വ്യാപാര കപ്പൽ കഴിഞ്ഞ 1500 വർഷങ്ങളായി ഈ തീരങ്ങളിൽ ജീവിതത്തിന്റെ തുടിപ്പുള്ള ഒരു സംസ്കാരമായ കേരളത്തിന്റെ പരമ്പരാഗത കപ്പൽ നിർമ്മാണ സംസ്കാരവുമായി ബേപ്പൂർ ഉരു ബന്ധപ്പെട്ടിരിക്കുന്നു. ### ആറന്മുള കണ്ണാടി വൈദിക യുഗം മുതലുള്ള കലയുടെയും കരകൗശലത്തിന്റെയും ഒരു വിസ്മയം, ആറന്മുള കണ്ണാടി (മലയാളത്തിന്റെ 'കണ്ണാടി') ലോഹത്തിന്റെ ആദരവ് നേടിയെടുത്ത ഒരു പുരാവസ്തുവാണ് ഇത്. ### കേരളത്തിലെ തനത് കുത്താമ്പുള്ളി കൈത്തറി തൃശ്ശൂരിലെ തിരുവില്വാമല പഞ്ചായത്തിലെ കുത്താമ്പുള്ളി ഗ്രാമം കൈകൊണ്ട് നെയ്തെടുത്ത കസവു തുണിത്തരങ്ങൾക്ക്, പ്രത്യേകിച്ച് സാരികളുടെ പേരിൽ ലോകപ്രശസ്തമാണ് ഈ ഗ്രാമം. ### ചേർപ്പിലെ മരം കൊണ്ടുള്ള ആനകൾ മരത്തിൽ കൊത്തിയ ആനകൾക്ക് പേരുകേട്ടതാണ് തൃശ്ശൂരിലെ ഒരു ഗ്രാമമായ ചേർപ്പ്. തേക്ക് അല്ലെങ്കിൽ റോസ് വുഡ് ഉപയോഗിച്ചാണ് ഈ മോഡലുകൾ നിർമ്മിക്കുന്നത്. ### ഉറവ്, മുള സംസ്കരണ കേന്ദ്രം, സ്ഥാപനങ്ങൾ, വയനാട്, ജില്ല, കേരളം വയനാട്ടിലെ കൽപ്പറ്റയിലെ തൃക്കൈപ്പറ്റ വില്ലേജിലെ ലാഭേച്ഛയില്ലാതെ പ്രവർത്തിക്കുന്ന സംഘടനയാണ് ഉറവ്. ഈ മുള സംസ്കരണം, പരിശീലനം, ഡിസൈൻ സെൻറ്റർ എന്നിവ എല്ലാം വികസനം ലക്ഷ്യമിടുന്നു. ## ഇന്ത്യൻ കരകൗശല വസ്തുക്കൾ ഏറ്റവും കൂടുതൽ വാങ്ങുന്ന രാജ്യമേതാണെന്നു നോക്കാം. ഇന്ത്യയുടെ മൊത്തം കരകൗശല കയറ്റുമതിയിൽ ഏകദേശം 28 ശതമാനം കയറ്റി അയക്കുന്നത് യു.എസ്.എ യിലേക്കാണ് , തുടർന്ന് യു എ ഇ (11 ശതമാനം), ജർമ്മനി (അഞ്ച് ശതമാനം), യുകെ (അഞ്ച് ശതമാനം), ലാറ്റിൻ അമേരിക്കൻ രാജ്യങ്ങൾ (അഞ്ച് ശതമാനം) കരകൗശല വസ്തുക്കൾ ഇറക്കുമതി ചെയ്യാറുണ്ട്.വിദേശീയർക്ക് ഏറെ പ്രിയമുള്ളതാണ് കേരളത്തിലെ കരകൗശല വസ്തുക്കൾ.