നേരത്തെയുള്ള റിട്ടയര്‍മെന്‍റ് എങ്ങനെ പ്ലാന്‍ ചെയ്യാം?

മഴക്കാലത്ത് തൊടികളിൽ പൊടിച്ച് വളർന്ന് നിൽക്കാറുള്ള കൂണുകളെ കണ്ടിട്ടില്ലേ നിങ്ങൾ? എത്ര പേർ അത് പറിച്ചു കറിവച്ചു കഴിച്ചിട്ടുണ്ട്? കൂൺ വിഭവങ്ങൾ കഴിച്ചവർ വീണ്ടും വീണ്ടും കഴിക്കാൻ ആഗ്രഹിക്കും. സസ്യാഹാരികൾക്കിടയിലെ മാം കൂണ്. കൂണിന് വേണ്ടി മഴക്കാലം വരെ കാത്തിരിക്കുന്ന പതിവ് മലയാളികൾ ഇപ്പൊ തെറ്റിച്ച് തുടങ്ങി. സ്വന്തമായി കൂൺ കൃഷി ചെയ്യാനും അതിൽ വലിയ ലാഭങ്ങൾ വരെ ഉണ്ടാക്കാനും തുടങ്ങിയിരിക്കുന്നു. നമുക്ക് ആദ്യം കൂണിനെക്കുറിച്ച് കുറച്ചു കാര്യങ്ങളും അറിഞ്ഞിരിക്കാം. ## കൂണിനെക്കുറിച്ച്  കൂൺ എന്നത് ഒരു സസ്യമല്ല, അതൊരു ഫംഗസ്സാണ്. അതെ, നനവുള്ള പ്രദേശങ്ങളിൽ കണ്ടുവരുന്ന പൂപ്പൽ വിഭാഗത്തിലെ ഒരു കണ്ണിയാണ് കൂൺ. ഹരിതകം ഇല്ലാത്തതിനാലാണ് കൂണിനെ സസ്യമായി പരിഗണിക്കാത്തത്. ഉണങ്ങിയ മരങ്ങളുടെ മുകളിലോ ചതുപ്പ് പ്രദേശങ്ങളിലോ ഒക്കെ കുടയുടെ ആകൃതിയിൽ വളരുന്ന പൂപ്പലാണ് കൂൺ. കൂണുകൾ അങ്ങനെ കുറെ നാള് വളർന്ന് നിൽക്കുന്നവയല്ല. പെട്ടെന്ന് തന്നെ കേടായിപോകുന്നതാണ്. കൂണുകളിൽ ആഹാരയോഗ്യവും വിഷമുള്ളവയും ഉണ്ട്. കൂണുകൾ പലതരത്തിലാണ് കാണപ്പെടുന്നത്. ലോകത്ത് ഏകദേശം 45000 തരത്തിലുള്ള കൂണുകൾ ഉണ്ടെങ്കിലും അവയിൽ ഭക്ഷ്യയോഗ്യമായത് വെറും രണ്ടായിരത്തോളമേ ഉണ്ടാകൂ. അതിൽ തന്നെ 20-25 തരത്തിലുള്ള കൂണുകൾ മാത്രമേ വാണിജ്യാടിസ്ഥാനത്തിൽ കൃഷി ചെയ്യുന്നുള്ളൂ. ## കൂൺ ഉത്പാദനം  കുറഞ്ഞ നിക്ഷേപത്തിലും കുറഞ്ഞ സ്ഥലത്തും ആർക്കും ആരംഭിക്കാൻ കഴിയുന്ന ഏറ്റവും ലാഭകരമായ കാർഷിക ബിസിനസ്സാണ് കൂൺ കൃഷി. ഇന്ത്യയിലെ കൂൺ കൃഷി നിരവധി ആളുകളുടെ ഒരു ബദൽ വരുമാന മാർഗ്ഗമായി ക്രമേണ വളരുകയാണ്, കേരളത്തിലും ആ പ്രവണത കണ്ടുവരുന്നു. ഭാരതത്തിൽ വ്യാവസായികമായി കൂൺ കൃഷി ആദ്യം തുടങ്ങിയത് 1992-ൽ ഹിമാചൽ പ്രദേശിലാണ്. ഇപ്പോൾ ജമ്മു കശ്മീരിലും, ഉത്തർ പ്രദേശിലും, കേരളത്തിലും നല്ല രീതിയിൽ കൂൺ കൃഷി നടത്തി വരുന്നു. ലോകത്ത് വിവിധ തരത്തിലുള്ള കൂണുകൾ ഉണ്ട്. ചിപ്പി കൂൺ, പാൽ കൂൺ, വൈക്കോൽ കൂൺ, ബട്ടൺ കൂൺ, ഷിറ്റേക്ക് മഷ്റൂം, വിന്‍റര്‍ മഷ്റൂം, കോപ്രിനസ് മഷ്റൂം, നമേകോ മഷ്റൂം, ഗാര്‍ഡന്‍ ജയൻ്റ്, സില്‍വര്‍ ഇയര്‍ കൂൺ എന്നിവയാണ് അവയിൽ ചിലത്. ലോകത്തില്‍ മൊത്തം ഉത്പാദിപ്പിക്കുന്ന കൂണ്‍ ഇനങ്ങളില്‍ ഒന്നാം സ്ഥാനം വൈറ്റ് ബട്ടൺ കൂണിനും രണ്ടാം സ്ഥാനം ചിപ്പിക്കൂണിനുമാണ്. കേരളത്തിൽ കൂടുതലായി കണ്ടുവരുന്നത് ചിപ്പി കൂൺ, പാൽ കൂൺ, വൈക്കോൽ കൂൺ, ബട്ടൺ കൂൺ എന്നീ തരങ്ങളാണ്. `_BANNER_` ബട്ടൺ കൂൺ കേരളത്തിൽ കൃഷി ചെയ്യണമെങ്കിൽ ചൂട് ക്രമീകരിച്ചു 14-15 സെൽഷ്യസ് ആയി നിർത്തേണ്ടി വരും. അതുകൊണ്ട് തന്നെ ഉത്പാദന ചിലവ് കൂടുതലാണ്. വലിയ കമ്പനികൾ മാത്രമേ കേരളത്തിൽ ബട്ടൺ കൂൺ ഉത്പാദിപ്പിക്കുന്നുള്ളൂ. ### ചിപ്പി കൂൺ കേരളത്തിൻ്റെ കാലാവസ്ഥയിൽ കൂടുതലും കൃഷി ചെയ്യാനായിട്ട് അനുയോജ്യമായതാണ് ചിപ്പി കൂൺ. ഇത് 25 ഡിഗ്രി മുതൽ 35 ഡിഗ്രി വരെയുള്ള ഊഷ്മാവിലാണ് വളരുന്നത്. ഭക്ഷ്യയോഗ്യമായ ഈ കൂൺ ശരീരത്തിന് വളരെ ഗുണം ചെയ്യുകയും മാരകമായ രാസവസ്തുക്കളെ തകർക്കുകയും ചെയ്യുന്നു. ഭൂമിയിലെ ഏറ്റവും വൈവിധ്യമാർന്ന കൂണുകളിൽ ഒന്നാണ് ചിപ്പി കൂൺ. ചിപ്പി കൂൺ എളുപ്പത്തിൽ കൃഷി ചെയ്യാം.ചിപ്പികൂണിൻ്റെ മുൻ നിര ഇനമായ ഗാനോഡെർമ ലൂസിഡിയം കൂൺ വളരാൻ ഏകദേശം 100 ദിവസമെടുക്കും. ഇവ ആന്റിഓക്‌സിഡന്റ് ഗുണങ്ങൾക്ക് പേരുകേട്ടതാണ്. ### പാൽ കൂൺ ഉഷ്ണമേഖല പ്രദേശങ്ങളിൽ മാത്രം വളരുന്ന ഇനമാണ് പാൽ കൂൺ. ഇന്ത്യയിലെ ചൂടുള്ള ഈർപ്പമുള്ള കാലാവസ്ഥയിൽ തദ്ദേശീയവും കൃഷി ചെയ്യുന്നതുമായ ഒരേയൊരു കൂൺ ഇനമാണ് പാൽ കൂൺ. പാലിൻ്റെ വെളുത്ത നിറമായതുകൊണ്ടാണ് ഈ കൂണിന് പാൽ കൂൺ എന്ന പേര് വിളിക്കുന്നത്. പാൽ കൂണുകൾ പോഷകങ്ങളാൽ സമ്പന്നമാണ്, നല്ല സെൽഫ് ലൈഫും ഉണ്ട്. കുറഞ്ഞ ചെലവിൽ വളർത്താൻ പറ്റുന്ന ഇനങ്ങളിൽ ഒന്നാണിത്. കൂടാതെ വലുപ്പത്തിൽ വലുതും. ### വൈക്കോൽ കൂൺ രുചി, മണം, സ്വാദിഷ്ടത, പോഷകങ്ങൾ എന്നിവയുടെ കൂട്ടമാണ് വൈക്കോൽ കൂൺ. അതുകൊണ്ട് തന്നെ വെളുത്ത ബട്ടൺ കൂണുകൾക്ക് തുല്ല്യം തന്നെയാണ് വൈക്കോൽ കൂൺ. ഉഷ്ണമേഖലാ വൈക്കോൽ കൂൺ എല്ലാ സീസണുകൾക്കും അനുയോജ്യമാണ്. എന്നാൽ വളരെ കുറഞ്ഞ വിളവും വളരെ കുറഞ്ഞ സെൽഫ് ലൈഫ് കാരണം വാണിജ്യപരമായി ഇത് ആകർഷകമല്ല. പക്ഷേ, ഒരു അടുക്കളത്തോട്ട വിള എന്ന നിലയിൽ ഇത് വളരെ രുചികരവും പോഷകപ്രദവുമാണ്. ## കൂണിൻ്റെ ഗുണങ്ങൾ  ഭൂരിഭാഗവും വെള്ളം കൊണ്ട് നിറഞ്ഞ ഭക്ഷ്യയോഗ്യമായ പൂപ്പലാണ് കൂൺ. വിറ്റാമിനുകൾ, ധാതുക്കൾ, പ്രോട്ടീൻ, ഫോളിക് ആസിഡ്, അയേൺ എന്നിവയ്ക്കും മറ്റും ഒരു മികച്ച ഉറവിടം കൂടിയാണ് കൂൺ. മാംസങ്ങളിലെ പ്രോട്ടീനെ അപേക്ഷിച്ച് കൂണിലെ പ്രോട്ടീൻ ഗുണത്തിൽ നല്ലതായി നിൽക്കുന്നു. കൊഴുപ്പ് കുറവുള്ള പോഷകാഹാരത്തിന്റെ സമ്പന്നമായ ഉറവിടമാണ് കൂണുകൾ. അതുകൊണ്ട് തന്നെ, ഹൃദയാരോഗ്യത്തിനും രോഗപ്രതിരോധ ശക്തി വർധിപ്പിക്കുന്നതിനും കൂണുകൾ നല്ലതാണ്. കൂണിന് ക്യാൻസർ, ട്യൂമർ, കൊളസ്ട്രോൾ, രക്തസമ്മർദം മുതലായ രോഗങ്ങളെ നിയന്ത്രിക്കുന്നതിനുള്ള കഴിവുണ്ട്. കൂൺ ഒരു ഔഷധം കൂടിയാണ്. വൃണം ചൊറി എന്നിവയിൽ കൂൺ ഒണക്കി പൊടിച്ചത് വിതറിയാൽ പെട്ടെന്ന് ഉണങ്ങും. ഹോമിയോ മരുന്നുകളിലും ചില പ്രത്യേകതരം കൂണുകൾ ഉപയോഗിക്കുന്നുണ്ട്. ഇത്രയും പോഷക സമൃദ്ധമായതും ഔഷധ മൂല്യമുള്ളതുമായ കൂൺ പക്ഷേ വിലയിൽ മുന്തിയത് ആയതുകൊണ്ട് പലരും വാങ്ങാൻ മടിക്കുന്നു. സാധാരണ കൂണിന് വിപണിയിൽ കിലോയ്ക്ക് 300-350 രൂപയാണ് വില. എന്നാൽ എളുപ്പത്തിൽ വീട്ടിലുണ്ടാക്കാവുന്ന വിളയാണ് കൂൺ എന്നത് അറിഞ്ഞിരിക്കണം. ## കൂൺ കൃഷി എങ്ങനെ ചെയ്യാം  കൂണിൻ്റെ ഗുണങ്ങളും ഔഷധ പ്രാധാന്യവും കണക്കിലെടുത്തും ദൗർലഭ്യം മൂലവും ഇപ്പോൾ വാണിജ്യപരമായുള്ള കൂണിൻ്റെ കൃഷി കൂടി കൂടി വരുന്നുണ്ട്. ഈയിടെയായി കേരളത്തിൽ കൂടുതലായി കൂൺ കൃഷിക്കാരുടെ എണ്ണം കൂടിയിട്ടുണ്ട്. വീടുകളിൽ വരെ കൂൺ കൃഷി തുടങ്ങാം എന്നത് വീട്ടമ്മമാരെ കൂടി ഇതിലേക്ക് ആകർഷിക്കുന്നുണ്ട്. കേരളത്തിൽ കൂൺ കൃഷി ഒരു ഹോബിയിൽ നിന്ന് ഒരു മിനി വ്യവസായമായി വളർന്ന് കഴിഞ്ഞു. സ്ഥിരോത്സാഹവും കഷമയും ബുദ്ധിപരമായ നിരീക്ഷണ പാടവവും കൂടാതെ ട്രെയിനിങ്ങും പ്രവർത്തി പരിചയവും ഒക്കെ വേണ്ട തൊഴിലാണ് കൂൺ കൃഷി. എന്നാൽ മറ്റേതൊരു ജോലിയെയും പോലെ മികച്ച വരുമാനം നല്‍കുന്ന കൃഷിയാണ് കൂണ്‍ കൃഷി. ### 1. സ്ഥലം കൂൺ കൃഷിക്ക് ആദ്യം കണ്ടെത്തേണ്ടത് അനുയോജ്യമായ സ്ഥലമാണ്. സൂര്യപ്രകാശം കുറവുള്ളതും ചൂട് കുറഞ്ഞതും ഈർപ്പമുള്ള അന്തരീക്ഷമുള്ളതും വായുസഞ്ചാരമുള്ളതുമായ സ്ഥലം വേണം തിരഞ്ഞെടുക്കാൻ. ഗാർഹിക ആവശ്യത്തിനായി കൂൺ കൃഷി നടത്തുകയാണെങ്കിൽ സ്വന്തം വീട്ടിൽ തന്നെ അതിനുള്ള അന്തരീക്ഷം ഒരുക്കാവുന്നതാണ്. വാണിജ്യപരമായ ഉത്പാദനത്തിന് ഇത്തരം കാര്യങ്ങൾ ഒത്തുചേർന്നു വരുന്ന ഒരു ശാല നിർമ്മിക്കേണ്ടി വരും. ### 2. കൂൺ വിത്ത് കൂൺ കൃഷി തുടങ്ങാൻ നല്ല സപോ വേണം. കൂൺ കൃഷി ചെയ്യാൻ ആവശ്യമായ വിത്തിനെയാണ് സ്‌പോ എന്ന് വിളിക്കുന്നത്. അറിവും പരിചയവും വിശ്വാസയോഗ്യവുമായ സ്ഥലത്ത് നിന്ന് സ്പോ വാങ്ങാൻ ശ്രദ്ധിക്കണം. ### 3. തടമൊരുക്കാൻ മാധ്യമങ്ങൾ അടുത്തതായി കൂൺ കൃഷിക്ക് വേണ്ടത് അനുയോജ്യമായ തടം ആണ്. കൂണിനു അനുയോജ്യമായി വളർത്താൻ ഉപയോഗിക്കുന്ന പ്രതലത്തെ (തടത്തെ) കൂൺ ബെഡ് എന്ന് വിളിക്കുന്നു. കൂൺ ബെഡ് ഒരുക്കാനായി പല തരം മാധ്യമങ്ങൾ ഉപയോഗിക്കാം. വൈക്കോൽ, ഉണങ്ങിയ അടയ്ക്കാത്തോട്, തെങ്ങിൻ്റെ കൊതുമ്പു, ഓല മടൽ, ഉണങ്ങിയ കൈതപുല്ല്, വാഴത്തട, അറക്കപ്പൊടി അങ്ങനെ പലതും. എന്നാൽ കൂടുതലായി ഉപയോഗിക്കുന്നത് വൈക്കോൽ ആണ്. ആദായകരമായ വിളവ് ലഭിക്കണമെങ്കിൽ ഒരുവർഷത്തിൽ കൂടുതൽ പഴക്കമില്ലാത്ത വൈക്കോൽ എടുക്കുന്നതായിരിക്കും ഉത്തമം. ### 4. അണുനശീകരണം ബെഡിനായി തിരഞ്ഞെടുക്കുന്ന വൈക്കോൽ അണുനശീകരണം ചെയ്യണം. അതിനായി വൈക്കോൽ ഏകദേശം 12-14 മണിക്കൂർ വരെ ശുദ്ധമായ വെള്ളത്തിൽ കുതിർക്കണം. മണിക്കൂറുകൾ കഴിഞ്ഞ് വെള്ളത്തിൽ നിന്നും എടുത്ത് പുഴുങ്ങാനായി വയ്ക്കണം. വെള്ളത്തിലോ ആവിയിലോ ഇട്ടു വൈക്കോൽ പുഴുങ്ങാവുന്നതാണ്. ഏകദേശം 45 മിനിറ്റ് കഴിയുമ്പോൾ വയ്ക്കോൽ എടുത്ത് അധിക ജലം പോകുന്നതിനും തണുക്കുന്നതിനുമായി എടുത്ത് മാറ്റി വയ്ക്കാം. കൂൺ വിത്ത് വിതറുന്ന സ്ഥലം അനുനശീകരണം ചെയ്യാൻ ആണ് ഇതൊക്കെ ചെയ്യുന്നത്. ### 5. ബെഡ് തയ്യാറാക്കൽ നല്ല കട്ടിയുള്ള പ്ലാസ്റ്റിക് കവർ ആണ് കൂൺ ബെഡ് തയ്യാറാക്കാൻ ഉത്തമം. അത് സുതാര്യമാണെങ്കിൽ കൂൺ വളരുന്നത് എളുപ്പം കാണാനും കഴിയും. തിളപ്പിച്ച് ഉണക്കി അണുരഹിതമാക്കി വച്ചിരിക്കുന്ന വൈക്കോൽ എടുത്ത് പ്ലാസ്റ്റിക്ക് കവറിൻ്റെ അടിഭാഗത്ത് വയ്ക്കുക. അതിനു വശങ്ങളിലായി കൂൺ വിത്തുകൾ വിതറാവുന്നതാണ്. അതിനു മുകളിൽ അട്ടിയട്ടിയായി വൈക്കോലും കൂൺ വിത്തും കൊണ്ട് നിറയ്ക്കാം. അതുകഴിഞ്ഞ് പ്ലാസ്റ്റിക്ക് കവർ മുകളിൽ നിന്നും ഒരു ചരട് ഉപയോഗിച്ച് കെട്ടിവയ്ക്കാം. കവറിൻ്റെ എല്ലാ വശങ്ങളിലും ചെറു സുഷിരങ്ങൾ ഇടാം. ഇങ്ങനെ ഉണ്ടാക്കിയെടുത്ത കാര്യത്തെയാണ് കൂൺ ബെഡ് അഥവാ കൂൺ തടം എന്ന് പറയുന്നത്. ബെഡ് തയ്യാറാക്കുന്നതിന് മുൻപ് ഇതിന് ഉപയോഗിക്കുന്ന എല്ലാ സാധനങ്ങളും കൈകളും ഡെറ്റോൾ ഉപയോഗിച്ചു കഴുകണം. തയ്യാറാക്കിയ ബെഡുകൾ സൂര്യപ്രകാശം ഏൽക്കാത്ത സ്ഥലത്ത് വയ്ക്കുക. ### 6. വിളവെടുപ്പ് അങ്ങനെ വച്ചിരിക്കുന്ന കൂൺ വീടുകളിൽ ഏകദേശം 10 ദിവസം കഴിയുമ്പോൾ ചെറുതായി കൂൺ വളരുന്നത് കാണാനാകും. രണ്ടു ദിവസം കൂടി കഴിഞ്ഞാൽ കൂൺ മുളകൾ പുറത്തേക്ക് വളർന്ന് തുടങ്ങും. ഈ അവസ്ഥയിൽ പ്ലാസ്റ്റിക്ക് കവർ കീറി കൂൺ ബെഡ് പുറത്തെടുക്കാവുന്നതാണ്. കൂൺ ബെഡ് പുറത്തെടുത്ത് അടുത്ത ദിവസം മുതൽ ഈർപ്പം നിലനിർത്താനുള്ള വെള്ളം തളിച്ച് കൊടുക്കണം. 2-4 ദിനങ്ങൾക്കുള്ളിൽ കൂൺ പൊട്ടി മുളച്ച് വിളവെടുപ്പിനുള്ള പാകമായിട്ടുണ്ടാകും. അപ്പോൾ വിളവെടുക്കാം. വിളവെടുപ്പ് കഴിഞ്ഞാലും കുറച്ചു വെള്ളം തളിച്ച് കൊടുക്കുക. അങ്ങനെ ചെയ്താൽ അടുത്ത രണ്ടാഴ്ചകളിലായി വീണ്ടും വിളവെടുപ്പ് നടത്താവുന്നതാണ്. വിളവെടുപ്പ് കഴിഞ്ഞുള്ള ബെഡ് ഒന്നുങ്കിൽ കത്തിച്ചു കളയാം അല്ലെങ്കിൽ മണ്ണിര കമ്പോസ്റ്റ് പോലുള്ള കാര്യങ്ങൾ ഉണ്ടാക്കാൻ എടുക്കാം. ## കൂൺ കൃഷി എങ്ങനെ പഠിക്കാം  വളരെ എളുപ്പത്തിൽ ചെയ്യാവുന്ന കൃഷിയാണ് കൂൺ കൃഷി. പക്ഷേ വിദഗ്ദ്ധരുടെ ഉപദേശമോ കൃത്യമായ ട്രെയിനിങ്ങോ ഇല്ലാതെ ചെയ്താൽ നഷ്ടമാകാനും സാധ്യതയുണ്ട്. അതുകൊണ്ട് തന്നെ വീട്ടിലെ ആവശ്യങ്ങൾക്ക് വേണ്ടി മാത്രമായി കൂൺ കൃഷി തുടങ്ങുന്നതാണ് ഉത്തമം. ചെറിയ തോതിൽ തുടങ്ങി പിന്നീട് അതൊരു വ്യവസായമായി മാറ്റാം. നമ്മുടെ നാട്ടിലെ കാർഷിക സർവകലാശാല ഗവേഷണ കേന്ദ്രങ്ങളിൽ നിന്നും കൃഷി വിജ്ഞാന കേന്ദ്രങ്ങളിൽ നിന്നും കൂൺ കൃഷി രീതികളെക്കുറിച്ചും വിത്ത് ഉത്പാദിപ്പിക്കുന്നതിനെക്കുറിച്ചും ഉള്ള പരിശീലനം ലഭിക്കുന്നതാണ്. പലരും യൂട്യൂബിലൂടെയും കൃഷി പഠിക്കുന്നുണ്ട്. ## കൂൺ കൃഷി കൊണ്ട് മറ്റ് സംരംഭങ്ങൾ  കൂൺ കൃഷി ചെയ്യുന്നതിൻ്റെ കൂടെത്തന്നെ അതിനോടനുബന്ധിച്ച മറ്റു വ്യവസായങ്ങളും തുടങ്ങാവുന്നതാണ്. കൂൺ കൊണ്ടുണ്ടാക്കുന്ന വിഭവങ്ങൾക്ക് ആവശ്യക്കാർ ഏറെയാണ്. വിഭവങ്ങൾക്ക് വേണ്ടിയുള്ള കൂൺ സ്വന്തമായി ഉത്പാദിപ്പിക്കുന്നതുകൊണ്ട് തന്നെ അതിൽ ലാഭവും ഉണ്ടാക്കാം. കൂൺ കൊണ്ട് അച്ചാർ, കെച്ചപ്പ്, സോസ് തുടങ്ങിയവയൊക്കെ ഉണ്ടാക്കി ടിന്നിലാക്കി വിൽക്കാവുന്നതാണ്.ചെറു കടികളായ കൂണ്‍ കട്ലേറ്റ്, കൂണ്‍ ഓംലെറ്റ്, കൂണ്‍ ബജി, കൂണ്‍ പക്കാവട പോലുള്ള സാധനങ്ങളും വിപണിയിൽ വിറ്റാൽ അതിലും ലാഭം കിട്ടും. കൂൺ പൊടിച്ച് കുപ്പിയിലാക്കി വിൽക്കുകയും ചെയ്യാം. ജ്യൂസിലോ പാലിലോ ഒക്കെ കലക്കി കഴിക്കാൻ നല്ലതാണ്.ലാഭകരമായ കൂൺ ബിസിനസ്സ് താല്പര്യമുള്ളവർക്ക് ഒന്നു ശ്രമിച്ചു നോക്കാവുന്നതാണ്.

മിതമായ സൗകര്യത്തിൽ ആർക്കും വളരെ എളുപ്പത്തിൽ തുടങ്ങാൻ പറ്റിയ ഒരു സംരംഭമാണ് ചന്ദനത്തിരി നിർമ്മാണം. കേരളത്തിൽ കുടിൽ വ്യവസായം എന്ന രീതിയിലാണ് ഈ സംരംഭം കൂടുതലായി ശീലിച്ചു പോന്നിട്ടുള്ളത്. നമ്മുടെ നാട്ടിൽ ചന്ദനത്തിരി നിർമ്മാണം വളരെ കുറച്ചു മാത്രമേ കാണാൻ സാധിക്കൂ. മലനാട്ടിലെ ചന്ദനത്തിരികളാണ് ഇവിടെ കൂടുതലും വിറ്റഴിക്കപ്പെടുന്നത്. കേരളത്തിൽ എല്ലാ മത വിഭാഗക്കരും വിശേഷ ദിവസങ്ങളിൽ ഉപയോഗിക്കുന്ന ഒരു വസ്തുവാണ് ചന്ദനത്തരി. ആഘോഷ - ഉത്സവ ദിവസങ്ങളിൽ ഏറ്റവും കൂടുതൽ വിറ്റഴിക്കപ്പെടുന്ന ഉത്പന്നം എന്ന രീതിയിൽ മികച്ച സംരംഭമാണിത്. വനിതകൾക്കും ശാരീരിക ശേഷികുറവുള്ളവർക്കും പ്രവാസ ജീവിതം നിർത്തി പോന്നവർക്കും ചെയ്യാവുന്ന ഒരു നല്ല തൊഴിലാണ്. ചെറിയ ഒരു സംഖ്യയാണ് ഉത്പന്നത്തിന്റെ യഥാർത്ഥ വിലയെങ്കിലും വലിയ വിപണി വിഹിതം നേടി തരുന്നു. വിപണിയിലെ സാധ്യതകൾ, ബ്രാൻഡിങ് തുടങ്ങിയ കാര്യങ്ങൾ മനസ്സിലാക്കിയാൽ ചന്ദനത്തിരി നിർമ്മാണത്തിൽ നിന്നും വൻ തോതിൽ ലാഭം കൊയ്യാം. കുറഞ്ഞ നിലവാരം പുലർത്തുന്ന സാങ്കേതിക വിദ്യയും മികച്ച കയറ്റുമതിയും ഉണ്ടായാൽ തന്നെ വിജയകരമായി മുന്നോട്ട് കൊണ്ടുപോകാനാകും എന്നതാണ് മറ്റൊരു നേട്ടം. സംരംഭകന്റെ കഴിവിനെയും വിപണി ആവശ്യകതയെയും ഉത്പാദന തോതിനെയും ഈ സംരംഭത്തിന്റെ ലാഭം വലിയ രീതിയിൽ ആശ്രയിക്കുന്നു. സാങ്കേതിക പ്രശ്നങ്ങളില്ലാത്ത പ്രക്രിയയാണ് ചന്ദനത്തിരി നിർമ്മാണത്തിന്റേത്. ## സംരംഭഘട്ടങ്ങൾ  ### 1. ഗവേഷണം ചന്ദനത്തിരി നിർമ്മാണ മേഖലയിൽ നല്ല ഗവേഷണം നടത്തിയവർക്ക് എളുപ്പത്തിൽ വിജയിക്കാനാകും. നിക്ഷേപ തുക കണ്ടെത്താനുള്ള വഴി, വരവു ചിലവിനെ പറ്റിയുള്ള മുൻധാരണ, സാങ്കേതിക മേഖല, വിപണി സാധ്യതകൾ ഇവയെല്ലാം വിലയിരുത്തുന്നതിനായി പദ്ധതിയെ പറ്റി വ്യക്തമായ അവലോകനം നടത്തുന്നത് നല്ലതായിരിക്കും. ഭാവിയിൽ വളരെ നല്ല രീതിയിൽ ഇത് ഉപകാരപ്പെടും. സാധാരണ ചന്തകളിലും കടകളിലും ലഭിക്കുന്ന ചന്ദനത്തിരികളുടെ ബ്രാൻഡ്, അവയിൽ അടങ്ങിയിട്ടുള്ള സ്റ്റിക്കുകളുടെ എണ്ണം, ഗുണമേന്മ, സുഗന്ധം തുടങ്ങിയവയെ പറ്റി ഗവേഷണങ്ങൾ നടത്താം. ഉപഭോക്താക്കളുടെ ആവശ്യങ്ങൾ അറിഞ്ഞു വെക്കുന്നതും നിങ്ങളുടെ ചന്ദനത്തിരി നിർമ്മാണ സംരംഭം സുഗമമാക്കും. ### 2. ധന സമാഹരണം പ്രാഥമിക നിക്ഷേപം വളരെ കുറഞ്ഞ രീതിയിൽ ആവശ്യമുള്ള ഒരു മേഖലയാണ് ചന്ദനത്തിരി നിർമ്മാണം. ഏകദേശം ഒരു ലക്ഷം മുതൽ മൂന്ന് ലക്ഷം രൂപ വരെ മുതൽമുടക്ക് ആയിട്ട് കണക്കാക്കാം. നിർമ്മാണ ചിലവുകൾ സ്വന്തമായി സ്വരൂപിക്കാം. അല്ലെങ്കിൽ ബാങ്ക് ലോൺ, സർക്കാർ ഫണ്ടുകൾ തുടങ്ങിയവയോ ആശ്രയിക്കാം. കേരളത്തിൽ കുടിൽ വ്യവസായങ്ങൾ പ്രോത്സാഹിപ്പിക്കുന്നതിന് സർക്കാർ ഒരുപാട് പദ്ധതികൾ നടപ്പിലാക്കുന്നുണ്ട്. അതിനാൽ തന്നെ സംരംഭത്തെ പറ്റിയുള്ള വ്യക്തമായ ആശയം നൽകുകയാണെങ്കിൽ തീർച്ചയായും നിങ്ങൾക്ക് സർക്കാരിന്റെ ഭാഗത്തു നിന്നും ധനസഹായം ലഭിക്കും. മെഷിനറിക്ക് വ്യവസായ വകുപ്പിൽനിന്നും സബ്സിഡി ലഭിക്കാൻ സാധ്യതയുണ്ട്. തുടക്കത്തിൽ 2 മുതൽ 8 തൊഴിലാളികൾ വരെ മതിയാകും. അവർക്കുള്ള വേതനം കണ്ടെത്താൻ പറ്റണം. പാക്കിങ് സാധനങ്ങൾ, അസംസ്‌കൃത വസ്തുക്കൾ, തേയ്മാനം, പെട്ടെന്നുള്ള അത്യാഹിതങ്ങൾ തുടങ്ങിയവ അഭിമുഖീകരിക്കുന്നതിനുമുള്ള ഫണ്ട് കരുതുക. രണ്ട് മൂന്ന് ലക്ഷം രൂപയാണ് ഇത്തരം കാര്യങ്ങൾക്കായി ചിലവാകുന്ന ഏകദേശ തുക. ചന്ദനത്തിരി നിർമ്മിക്കുന്നതിനുള്ള മെഷീൻ, പ്രീമിക്സ്, സ്റ്റിക്ക്, പെർഫ്യൂം, തുടങ്ങിയവ വാങ്ങുന്നതിനുള്ള ചിലവാണ് പ്രധാന മുതൽമുടക്ക്. മെഷിനറിയുടെ വില 70,000 രൂപ വരെയാണ്. ഫർണിചർ, മറ്റു സജ്ജീകരണങ്ങൾ, വിപണിയിൽ എത്തിക്കാനുള്ള ഗതാഗത ചിലവുകൾ, പരസ്യം തുടങ്ങിയ കാര്യങ്ങൾക്കും ഫണ്ട് അത്യാവശ്യമാണ്. ### 3. വ്യവസായ അനുമതിയും (Business License) രജിസ്‌ട്രേഷനും (Business Registration) ചെറുകിട കുടിൽ വ്യവസായങ്ങളുടെ പട്ടികയിലാണ് ചന്ദനത്തിരി നിർമ്മാണം വരുന്നത്. അതിനാൽ തന്നെ സംരംഭം ആരംഭിക്കാൻ ഉദ്ദേശിക്കുന്ന സ്ഥലത്തെ മുൻസിപ്പാലിറ്റിയോ അല്ലെങ്കിൽ കോർപ്പറേഷനോ ആയി ബന്ധപ്പെട്ടാൽ ഉടൻ തന്നെ ലൈസൻസ് ലഭിക്കുന്നതാണ്. SSI യുടെ കീഴില്‍ രജിസ്‌ട്രേഷൻ ചെയ്യുന്നത് ചന്ദനത്തിരി നിർമ്മാണ സംരംഭത്തിൽ നിർബന്ധമല്ല. പക്ഷെ ഒരു ചെറുകിട വ്യവസായ യൂണിറ്റ് ആയിട്ട് നിങ്ങളുടെ സാമ്പത്തിക നിലയ്ക്ക് അനുസരിച്ചു രജിസ്‌ട്രേഷൻ ചെയ്യാം. GST രജിസ്‌ട്രേഷൻ മറക്കാതെ ചെയ്യുക. ഓരോ ഉത്പന്നങ്ങൾക്കും നിശ്ചിത നികുതി GST പ്രകാരം ഈടാക്കുന്നതാണ്. കയറ്റുമതി നടത്തുമ്പോൾ GST നമ്പർ ഉണ്ടാവുന്നത് ഉപകാരപ്പെടും. ഇരുപതിൽ കൂടുതൽ തൊഴിലാളികളുള്ള സ്ഥാപനമാണെങ്കിൽ EPFഉം പത്തിൽ കൂടുതൽ തൊഴിലാളികളുള്ള ഫാക്ടറി ആണെങ്കിൽ ESI രജിസ്‌ട്രേഷൻ ചെയ്യുക. സംഘടിത മേഖലയിലെ തൊഴിലാളികൾക്ക് വേണ്ടി പാർലമെൻറ് നടപ്പിലാക്കിയ പദ്ധതിയാണ് എംപ്ലോയീസ് സ്റ്റേറ്റ് ഇൻഷുറൻസ് (ESI) ആക്റ്റ്. തൊഴിലാളികൾക്ക് ചികിത്സാ സഹായവും സാമ്പത്തിക സഹായവും ആനുകൂല്യങ്ങളും പൂർണ സംരക്ഷണവും ഈ നിയമം വഴി സർക്കാർ ഉറപ്പിക്കുന്നു. മലിനീകരണ നിയന്ത്രണ സെർട്ടിഫിക്കറ്റും എടുക്കേണ്ടതാണ്. ## സജ്ജീകരണങ്ങൾ ഒരുക്കാം  വെയിലും മഴയും കൊള്ളാതെ ഉപകരണങ്ങളും മറ്റു വസ്തുക്കളും സൂക്ഷിക്കുന്നതിനായി അടച്ചുറപ്പുള്ള ഒരു ഇടം തിരഞ്ഞെടുക്കുന്നത് പ്രധാനമാണ്. 200 മുതൽ 300 ചതുരശ്ര അടിയുള്ള ഒരു ചെറിയ മുറിയിൽ വരെ ഈ സംരംഭം ആരംഭിക്കാം എന്നുള്ളതാണ് ഒരു പ്രത്യേകത. അതിനാൽ നിങ്ങളുടെ വീട്ടിൽ തന്നെ ഈ പദ്ധതി ആരംഭിക്കാൻ സാധിക്കും. വൈദ്യുതി- ജല വിതരണം ലഭിക്കുന്ന സ്ഥലമാകാൻ ശ്രദ്ധിക്കുക. ഫർണിച്ചർ, അസംസ്‌കൃത വസ്തുക്കൾക്ക് പുറമെ പാക്കിങ് സാമഗ്രികളും കരുതേണ്ടതാണ്. ## അസംസ്‌കൃത വസ്തുക്കൾ എങ്ങനെ ലഭിക്കും  മറ്റു സംരംഭങ്ങൾ പോലെ നിർമ്മാണത്തിനുള്ള അസംസ്‌കൃത വസ്തുക്കളും യന്ത്രങ്ങളും സംഘടിപ്പിക്കുക എന്നുള്ളതാണ് ആദ്യത്തെ ഘട്ടം. അസംസ്‌കൃത വസ്തുക്കൾ വളരെ എളുപ്പത്തിൽ ഇന്ത്യൻ വിപണികളിൽ ലഭിക്കും. തെക്കൻ ഇന്ത്യയിൽ പ്രത്യേകിച്ചും കർണാടക, ബാംഗ്ലൂർ, തമിഴ്നാട് ഭാഗങ്ങളിൽ നിന്നുമാണ് നിർമ്മാണത്തിന് ആയിട്ടുള്ള വസ്തുക്കൾ ലഭിക്കുന്നത്. ഉത്പാദന കേന്ദ്രങ്ങളിൽ നിന്നോ, മൊത്ത വിപണിയിൽ നിന്നോ വിതരണക്കാരിൽ നിന്നോ അസംസ്‌കൃത വസ്തുക്കൾ ശേഖരിക്കാവുന്നതാണ്. വസ്തുക്കളുടെ അളവ് ഉത്പാദനത്തിന്റെ അളവിനെ ആശ്രയിച്ചു നില്ക്കുന്നു. പ്രീമിക്സ് പൗഡർ, ബാംബു സ്റ്റിക്, പെർഫ്യൂം തുടങ്ങിയവയാണ് അഗർബത്തി നിർമ്മാണത്തിനായി ഉപയോഗിക്കുന്ന അസംസ്‌കൃത വസ്തുക്കൾ. ചാർക്കോൾ പൗഡർ, വുഡ് പൗഡർ, ജോസ് പൗഡർ എന്നിവയാണ് പ്രീമിക്സ് പൗഡറിന്റെ ചേരുവകൾ. പ്രീമിക്സ് പൗഡറുകൾക്ക് വിപണിയിൽ കിലോയ്ക്ക് 32 മുതൽ 40 രൂപ വരെയാണ് വരുന്നത്. ബാംബൂ സ്റ്റിക്കുകൾക്ക് കിലോയ്ക്ക് 50 രൂപ മുതലാണ് തുടക്കം. ഒരു കിലോയിൽ 3600 ഓളം സ്റ്റിക്കുകൾ ഉണ്ടാകും. പെർഫ്യൂമുകൾ പൊതുവെ വിലപിടിപ്പുള്ളവയാണ്. 800 രൂപ മുതൽ 3000 രൂപ വരെയാണ് വിലയായി കണക്കാക്കുന്നത്. ആവശ്യാനുസരണം ഒരു പ്രത്യേക അനുപാതത്തിലാണ് ഈ സുഗന്ധ ലായനികൾ ഉപയോഗിക്കുന്നത്. ## നിർമ്മാണ യന്ത്രങ്ങൾ വാങ്ങുമ്പോൾ ശ്രദ്ധിക്കേണ്ട കാര്യങ്ങൾ ചന്ദനത്തിരി നിർമ്മാണത്തിനായുള്ള യന്ത്രങ്ങൾ പൊതുവെ വലിയതാണ്. അതിനാൽ തന്നെ അവയ്ക്ക് ഒരുപാട് സ്ഥലം ആവശ്യവുമായി വരുന്നു. പ്രത്യേകം കേന്ദ്രികരിച്ച ഒരു മുറിയോ അല്ലെങ്കിൽ ഫാക്ടറി പോലെ വലിയ ഒരു സ്ഥലമോ ഇതിനായി സജ്ജീകരിക്കണം. ഉപകരണങ്ങളും യന്ത്രങ്ങളും ആൾപാർപ്പുള്ള സ്ഥലങ്ങളിൽ നിന്നു മാറി സജ്ജീകരിക്കാൻ ശ്രദ്ധിക്കുക. യന്ത്രങ്ങൾ വാങ്ങുമ്പോൾ പരിപാലനം കുറച്ചു ആവശ്യം വരുന്ന കുറഞ്ഞ ചിലവിൽ കൂടുതൽ ലാഭം തരുന്നവ തിരഞ്ഞെടുക്കാൻ ശ്രദ്ധിക്കണം. ഉത്പാദനശേഷി കൂടുതലുള്ള ഓട്ടോമാറ്റിക് യന്ത്രങ്ങൾക്കാണ് വിപണിയിൽ ഇന്ന് ഏറെ ആവശ്യക്കാർ ഉള്ളത്. ## നിർമ്മാണ രീതി  അഗർബത്തി പ്രീമിക്സ് പൗഡർ, വെള്ളം എന്നിവ 3:2 എന്ന അനുപാതത്തിൽ അർദ്ധ ഖരാവസ്ഥയിൽ കുഴച്ചെടുക്കുക. സ്റ്റിക്കുകൾ മെഷിനിൽ തന്നെ ആദ്യമേ നിറച്ചു വെക്കണം. കുഴച്ചു വെച്ച മിശ്രിതമാണ് മെഷീനിൽ ഇടുന്നത്. യന്ത്രം പ്രവർത്തിക്കുന്നതോടെ സ്റ്റിക്കുകൾ അടിച്ചു വരും. ഈ ചന്ദനത്തിരികൾ വെയിലത്തോ ഫാനിന്റെ കാറ്റിലോ ഡ്രയർ ഉപയോഗിച്ചൊ ഉണക്കിയെടുക്കുക. സുഗന്ധമുള്ള ചന്ദനത്തിരികൾക്കായി ഇവ പെർഫ്യൂം ലായനിയിൽ മുക്കി പാക്കറ്റിൽ ആക്കുകയാണ് ചെയ്യുന്നത്. കേരളത്തിലെ സംരംഭകർ പൊതുവെ ചന്ദനത്തിരികളിൽ പെർഫ്യൂം ഉപയോഗിക്കാറില്ല. സുഗന്ധമുള്ള ചന്ദനത്തിരികൾക്കായി അവർ പ്രത്യേകം ഏജൻസികളിലേക്ക് ഉണ്ടാക്കി വെച്ച അഗർബത്തികൾ എത്തിക്കുകയാണ് ചെയ്യാറ്. ## പരസ്യവും വിപണിയും സാങ്കേതിക വിദ്യകളുടെ കാലത്തു പരസ്യ പ്രചാരണം ഒഴിച്ചുകൂടാനാവാത്ത ഒരു ഘടകം തന്നെയാണ്. സമൂഹ മാധ്യമങ്ങൾ തന്നെയാണ് നിങ്ങളുടെ ചന്ദനത്തിരി ബ്രാൻഡിന്റെ വിജ്ഞാപനം ആളുകളിലേക്ക്‌ എത്തിക്കാനുള്ള ഒരു മികച്ച വഴി. പണ്ട് തൊട്ടേ നമ്മൾ ശീലിച്ചു വന്ന ടിവി, പത്രം തുടങ്ങിയ മാധ്യമങ്ങളും പരസ്യങ്ങൾ പ്രദർശിപ്പിക്കുന്നതിനായി ഉപയോഗപ്പെടുത്താം. ഇങ്ങനെയുള്ള പരസ്യങ്ങൾ നിരന്തരം കണ്ണിൽ പെടുമ്പോൾ സ്വാഭാവികമായും ഉത്പന്നങ്ങൾ വാങ്ങുന്ന സമയത്തു പരസ്യങ്ങളുടെ സ്വാധീനം ഉണ്ടാകും. ഈ പരസ്യങ്ങൾ കാണുന്ന വ്യക്തി സ്വാഭാവികമായും പരിചിതമായ ബ്രാൻഡ് തന്നെ തിരഞ്ഞെടുക്കാനുള്ള ഒരു പ്രേരണ കാണിക്കും. ## അഗർബത്തി വിപണിയിൽ എങ്ങനെ വിറ്റഴിക്കാം  ആഗോളവത്കരണത്തിന്റെ ഭാഗമായി വിപണിയിലെ സാധ്യതകളും വൻ തോതിൽ ഉയർന്നിട്ടുണ്ട്. ചന്ദനത്തിരി പോലെയുള്ള ചെറിയ കുടിൽ വ്യവസായങ്ങൾക്ക് ഇത് ഏറെ ഗുണം ചെയ്യും. ഏറ്റവും കൂടുതൽ ചന്ദനത്തിരികൾ വിറ്റു പോകുന്നത് പശ്ചിമേന്ത്യയിലും (35%) ദക്ഷിണേന്ത്യയിലുമാണ് (30%). ചിലവുകൾ കഴിച്ച് 25 മുതൽ 30 ശതമാനം വരെ ലാഭം നേടാൻ കഴിയുന്ന ഒരു സംരംഭമാണിത്. ### ഈ സംരംഭം മൂന്നു രീതികളിൽ ചെയ്യാം: - അസംസ്കൃത വസ്തുക്കൾ വാങ്ങി പൂർണ്ണമായും ചന്ദനത്തിരി നിർമ്മിച്ച് വിപണനം നടത്തുക. സുഗന്ധമുള്ളവയൊ ഇല്ലാത്തതോ ആയ ചന്ദനത്തിരികൾ നിർമ്മിക്കാവുന്നതാണ്. സുഗന്ധമുള്ള സ്റ്റിക്കുകളുടെ വില്പന രണ്ട് രീതിയിൽ സാധ്യമാണ്. 6 മുതൽ 8 സ്റ്റിക്കുകൾ വരുന്ന പൂജയ്ക്കെല്ലാം ആവശ്യമായ ചെറിയ പാക്കറ്റുകളാക്കി വില്പന നടത്താം. അല്ലെങ്കിൽ ഒരു കിലോ വരെ വരുന്ന വലിയ പാക്കുകളായും വിപണനം നടത്താം. - നിർമ്മിച്ച സ്റ്റിക്കുകൾ വാങ്ങി പെർഫ്യൂം മുക്കി പായ്ക്കു ചെയ്ത് വിൽക്കുക. - പെർഫ്യൂം മുക്കിയ ചന്ദനത്തിരികൾ മൊത്തമായി വാങ്ങി വീണ്ടും പാക്ക് ചെയ്ത് വിൽക്കുക. ചെറിയ ചന്തകൾ തുടങ്ങി മാളുകളിൽ വരെ പല ബ്രാൻഡിലുള്ള ചന്ദനത്തിരികൾ സുലഭമായി ലഭിക്കുന്ന കാലമാണ് ഇത്. ഈ സംരംഭത്തിൽ മുൻ നിരയിൽ നിൽക്കുന്ന ബ്രാൻഡുകൾ ഇല്ലാത്തതു കാരണം ശക്തമായ വെല്ലുവിളികൾ ഒന്നും തന്നെ ഉണ്ടാകില്ല എന്ന് വേണം വിചാരിക്കാൻ. ദീർഘ കാലം കേടുവരാതെ സൂക്ഷിക്കാൻ പറ്റുന്നത് മറ്റൊരു ഗുണമായി കരുതാം. വിപണിയിൽ ആവശ്യാനുസരണം സമയഭേദമില്ലാതെ അവ വിറ്റഴിക്കപ്പെടും. വിതരണക്കാർ മുഖേനയോ നേരിട്ടുള്ള വില്പനയോ നിങ്ങൾക്ക് തിരഞ്ഞെടുക്കാം. പലചരക്ക്– സ്റ്റേഷനറി കടകൾ, ചില്ലറ വില്പനകൾ, സൂപ്പർ മാർക്കറ്റുകൾ, പൂജാ സ്റ്റോറുകൾ എന്നിവയാണു പ്രധാന വിൽപനകേന്ദ്രങ്ങൾ. ക്ഷേത്രങ്ങൾ, മറ്റു ആരാധനാലയങ്ങൾ, അവയുടെ പരിസര പ്രദേശങ്ങൾ എന്നിവയിലെല്ലാം വില്പനസാധ്യതകൾ ഉണ്ട്. വിതരണക്കാരുടെ കമ്മീഷൻ വർദ്ധിപ്പിച്ചും വിപണി പിടിക്കാനാകും. വലിയ ക്ഷേത്രങ്ങളിൽ കരാർ മുഖേന നേരിട്ട് ഓർഡറുകളെടുത്തും വില്പന നടത്താവുന്നതാണ്. ഇന്ത്യ മാർട്ട്, ഫ്ലിപ്കാർട്, ആമസോൺ തുടങ്ങിയ സാധ്യതകളും വിൽപനക്കായി ഉപയോഗപ്പെടുത്താവുന്നതാണ്. ഗുണനിലവാരമുള്ള സുഗന്ധമുള്ള ദീർഘ കാലാവധി ഉള്ള ചന്ദനത്തിരികൾക്കാണ് ആവശ്യക്കാർ കൂടുതലും. വ്യത്യസ്ത വലുപ്പത്തിലുള്ള സ്റ്റിക്കുകൾ, വ്യത്യസ്ത സുഗന്ധങ്ങൾ എല്ലാം ആളുകളെ ആകർഷിക്കും. ഓരോ സ്ഥലങ്ങളിലും ഉപഭോക്താവിന്റെ അവശ്യകതകൾ വ്യത്യസ്തമായിരിക്കും. അതിന് അനുസൃതമായ വിപണി തന്ത്രങ്ങൾ കൈവരിക്കുന്നതിലാണ് നമ്മുടെ വിജയം നിലകൊള്ളുന്നത്. ഗുണനിലവാരമുള്ള ചന്ദനത്തിരികൾ നിർമ്മിക്കാൻ പ്രത്യേകം ശ്രദ്ധ പുലർത്തണം. കഠിനാധ്വാനവും സമർപ്പണവുമാണ് ഏത് സംരംഭവും വിജയിക്കാനുള്ള അടിസ്ഥാനം.

ഇന്ന് ലോകത്തു ഏറെ വികസിച്ച,വികസിച്ചുകൊണ്ടിരിക്കുന്ന ഒരുവ്യവസായം ആണ് ബേക്കറി ബിസിനസ്‌. എല്ലാ നഗരങ്ങളിലെയും പ്രധാന റോഡുകളിൽ ഒന്നിലധികം യൂണിറ്റുകളുള്ള ബേക്കറികൾ രാജ്യത്തെ ഒരു ജനപ്രിയ ഭക്ഷ്യ സേവന ബിസിനസ്സാണ്. പല ബേക്കറികളും കേക്കുകൾ, റൊട്ടി, പേസ്ട്രികൾ, രുചികരമായ വറവ് ഐറ്റംസ് , മറ്റ് ലഘുഭക്ഷണങ്ങൾ എന്നിവ പോലുള്ള സ്വന്തം ഉൽപ്പന്നങ്ങൾ തയ്യാറാക്കുമ്പോൾ, പലരും ഇത് മൊത്തക്കച്ചവടക്കാരായ വെണ്ടർമാർക്ക് ഔട്ട്സോഴ്സ് ചെയ്യുന്നു. ബേക്കറി ഉൽപന്നങ്ങളുടെ ഡിമാൻഡിൽ ക്രമാനുഗതമായ വളർച്ചയോടെ, ഹോം ഡെലിവറി മുതൽ പാർട്ടികൾക്കും ഇവന്റുകൾക്കുമായി ഇഷ്‌ടാനുസൃതമാക്കിയ ഇനങ്ങൾ ലഭ്യമാക്കുന്നു. വ്യത്യസ്‌ത ബിസിനസ്സ് മോഡലുകളുള്ള പലരും ബേക്കിംഗ് രംഗത്തേക്ക് പ്രവേശിച്ചു. കഴിഞ്ഞ കുറച്ചു വർഷങ്ങളായി ഭക്ഷ്യ ഐറ്റംസിൽ, ബേക്കറി ഐറ്റംസ് ന്റെ ഡിമാൻഡ് ക്രമാനുഗതമായി വർദ്ധിച്ചുകൊണ്ടിരിക്കുകയാണ്. ബേക്കറി സാധനങ്ങൾ ഉപഭോക്താക്കൾക്ക് സൗകര്യവും താങ്ങാനാവുന്ന വിലയും വാഗ്ദാനം ചെയ്യുന്നു. വർദ്ധിച്ചുവരുന്ന ഡിമാൻഡ് ധാരാളം ഹോം-ബേക്കർമാരെയും പാചകക്കാരെയും ബേക്കറി ബിസിനസ്സിലേക്ക് ആകർഷിക്കുന്നുണ്ട്. ബേക്കിംഗ് കഴിവുള്ളവരിൽ ഒരാളാണ് നിങ്ങളെങ്കിൽ, നിങ്ങളുടെ സ്വന്തം ബിസിനസ്സ് നടത്താൻ താൽപ്പര്യമുണ്ടെങ്കിൽ, ബേക്കിംഗ് വ്യവസായം വളരെയധികം വാഗ്ദാനങ്ങൾ നൽകുന്നു. 2019 മുതൽ 2024 വരെ 9.3% എന്ന സ്ഥിരമായ CARG (കോമ്പൗണ്ട് വാർഷിക വളർച്ചാ നിരക്ക്) ഉള്ള ഇന്ത്യൻ ബേക്കറി ബിസിനസ്സ് 2024-ഓടെ 12 ബില്യൺ യുഎസ് ഡോളറിന്റെ വ്യവസായമായി മാറുമെന്നാണ് പ്രവചനം. ബേക്കിംഗിൽ പുതുമകൾ സൃഷ്ടിക്കാൻ ധാരാളം സാധ്യതകളുണ്ട്, അവിടെ നിങ്ങൾക്ക് ഉപഭോക്താക്കളുടെ ആവശ്യനുസരണം പുതിയ പുതിയ ഐറ്റംസ് ഉണ്ടാക്കാൻ സാധിക്കും. ഈ കാലഘട്ടത്തിൽ എല്ലാ മേഖലയിലും പുതുമകൾക്ക് പ്രാധാന്യമുണ്ടല്ലോ, അപ്പോൾ ബേക്കറി വ്യവസായത്തിലും പുതുമകൾ എന്നും സ്വീകര്യമാണ്. ## ഒരു ബേക്കറി ബിസിനസ്സ് പ്ലാൻ  ഇന്ത്യയിൽ ഒരു ബേക്കറി ബിസിനസ്സ് എങ്ങനെ തുടങ്ങാം എന്നതിനെക്കുറിച്ച് പഠിക്കുന്നതിന് മുമ്പ്, നിങ്ങൾ ഒരു ബേക്കറി ബിസിനസ് പ്ലാൻ ഉണ്ടാക്കണം, അത് പ്രവർത്തനങ്ങൾ കാര്യക്ഷമമാക്കുന്നതിനും ബജറ്റ് വിതരണം തീരുമാനിക്കുന്നതിനും നിങ്ങളുടെ ബേക്കറി ബിസിനസിന്റെ ഭാവി വികസനം ആസൂത്രണം ചെയ്യുന്നതിനും സഹായിക്കും. ഈ പ്ലാനിൽ ഉൾപ്പെടേണ്ടവ : ### 1. ബേക്കറി ബിസിനസ്സ് പ്ലാനിന്റെ സംഗ്രഹം ഒരു ബേക്കറി ബിസിനസ് പ്ലാനിന്റെ ബിസിനസ് അവലോകനത്തിൽ നിങ്ങളുടെ ബേക്കറി ബിസിനസ്സിന്റെ ആശയവും നിങ്ങൾ നൽകാൻ പോകുന്ന സേവന തരവും അതിൽ നിങ്ങളുടെ ബേക്കറിയുടെ ലേഔട്ടും ഉൾപ്പെട്ടിരിക്കണം. സേവന തരം, ഒരു സാമ്പിൾ മെനു, മാനേജ്മെന്റ് ടീമിന്റെ വിശദാംശങ്ങൾ വ്യവസായ വിശകലനം. ### 2. ബിസിനസ്സ് വിശകലനം ബേക്കറി ബിസിനസ്സ്ന്റെ വിശകലനത്തിൽ അതിന്റെ ആശയം ഉണ്ടാവണം, കൂടാതെ അവിടെ കിട്ടാവുന്ന സേവനങ്ങൾ എന്തൊക്കെ എന്ന് വിശദികരിക്കണം.ബേക്കറിയുടെ ലേയോട്ട്, സേവന രീതികൾ,മെനു സാമ്പിൾ,അവസാനമായി മാനേജ്മെന്റ് വിശദീകരണങ്ങൾ വ്യവസായ വിശകലനം ബേക്കറി ബിസിനസ്സനു അത്യന്താപേക്ഷിതമാണ്. തുടങ്ങാൻ ഉദ്ദേശിക്കുന്ന ലൊക്കേഷനിൽ മത്സരിക്കേണ്ടത് ആരോടൊക്കെ ആണ് എന്നും, ഉപബോക്താക്കൾ ആരൊക്കെ, അവരുടെ ഡിമാൻഡ് ഒക്കെ അറിയണം. ബേക്കറി ബിസിനസ്സിനായി ശരിയായ സ്ഥലം തിരഞ്ഞെടുക്കാനും ഇത് നിങ്ങളെ സഹായിക്കും. ### 3. SWOT (സ്വാട്ട്വി വിശകലനം) നിങ്ങളുടെ ബേക്കറി ബിസിനസിന്റെ SWOT വിശകലനം നിങ്ങളെ താഴെ പറയുന്ന കാര്യങ്ങൾ തിരിച്ചറിയാൻ സഹായിക്കും. നിങ്ങളുടെ ബേക്കറി ബിസിനസ്സുമായി ബന്ധപ്പെട്ട ശക്തികൾ, ബലഹീനതകൾ, അവസരങ്ങൾ, ഭീഷണികൾ എന്നിവ നിങ്ങളുടെ ബേക്കറി ബിസിനസ്സിനായുള്ള SWOT വിശകലനം എങ്ങനെ ചെയ്യാമെന്ന് ഇവിടെ അറിയുക. പ്രവർത്തന പദ്ധതി - നിങ്ങളുടെ ബേക്കറി ബിസിനസ്സിന്റെ ഓപ്പറേഷൻ പ്ലാനിൽ നിങ്ങളുടെ ബേക്കറി എങ്ങനെ പ്രവർത്തിക്കും എന്നതിനെക്കുറിച്ചുള്ള വിശദാംശങ്ങൾ, ഓർഡർ പോലുള്ളവ ഉൾപ്പെടുത്തണം. -എടുക്കൽ, മെനു, സേവനം, സ്റ്റാഫ് മാനേജ്‌മെന്റ്, അസംസ്‌കൃത വസ്തു സംഭരണം മുതലായവ സാമ്പത്തിക വിശകലനം - നിങ്ങളുടെ ബേക്കറി ബിസിനസ് പ്ലാനിന്റെ സാമ്പത്തിക വിശകലനത്തിൽ പണമൊഴുക്ക് പ്രസ്താവന, പ്രവർത്തന ചെലവുകൾ, സ്ഥിരവും ആവർത്തിച്ചുള്ളതുമായ ചെലവുകൾ മുതലായവ ഉൾപ്പെടുത്തണം. നിങ്ങളുടെ ബേക്കറി ബിസിനസ് മാർക്കറ്റിംഗ് പ്ലാനിന്റെ സാമ്പത്തിക ലാഭക്ഷമത - നിങ്ങളുടെ ബേക്കറി ബിസിനസ് പ്ലാനിലും മാർക്കറ്റിയിലും നിങ്ങൾ ഒരു മാർക്കറ്റിംഗ് പ്ലാൻ ഉൾപ്പെടുത്തണം നിങ്ങൾ ഉപഭോക്താക്കളെ എങ്ങനെ ആകർഷിക്കുമെന്നും നിങ്ങളുടെ ബേക്കറിയെ എങ്ങനെ പ്രോത്സാഹിപ്പിക്കാമെന്നും പ്ലാൻ സംസാരിക്കണം. ## ഏത് തരത്തിലുള്ള ബേക്കറി ബിസിനസ്സ് ആണ് നിങ്ങൾ തുടങ്ങാൻ ആഗ്രഹിക്കുന്നത്?  നിങ്ങൾ പ്രവർത്തിപ്പിക്കാൻ ആഗ്രഹിക്കുന്ന ബേക്കറിയുടെ വലുപ്പത്തിനും തരത്തിനും നിരവധി വഴികളുണ്ട്. നിങ്ങൾക്ക് എവിടെ മികച്ച രീതിയിൽ നടത്താമെന്ന് നിങ്ങളുടെ ഈ വ്യവസായത്തിലുള്ള പ്രവർത്തി പരിചയം നിർണ്ണയിക്കും. നിങ്ങൾക്ക്സ്വന്തമാക്കാവുന്ന 5തരം ബേക്കറികൾ ഇതാ:1 വിശദമായ ബേക്കറി ബിസിനസ് പ്ലാൻ ഉണ്ടാക്കുക - ഒരു ബിസിനസ് പ്ലാൻസൃഷ്ടിക്കുന്നതിൽ പ്രവർത്തന ശൈലി രൂപകരിക്കാൻ സാധിക്കും.അതോടൊപ്പം ബഡ്ജറ്റ് വിതരണം,ബിസിനസ്‌ ഭാവിയിൽ എങ്ങനെ പുരോഗമിക്കുന്നു എന്നും ഒരു നിശ്ചയം കിട്ടും. നിങ്ങൾ പ്രവർത്തനങ്ങൾ കാര്യക്ഷമമാക്കുകയും ബഡ്ജറ്റ്വിതരണം ആസൂത്രണം ചെയ്യുകയും ബേക്കറി ബിസിനസിന്റെ ഭാവി വികസനം ആസൂത്രണം ചെയ്യുകയും ചെയ്യുക.വിശദമായ ബേക്കറി ബിസിനസ് പ്ലാൻ ഉണ്ടാക്കുക - ഒരു ബിസിനസ്സ് പ്ലാൻ സൃഷ്ടിക്കുന്നത് പ്രവർത്തനങ്ങൾ കാര്യക്ഷമമാക്കാനും ബജറ്റ് വിതരണം ആസൂത്രണം ചെയ്യാനും ബേക്കറി ബിസിനസിന്റെ ഭാവിവികസനം ആസൂത്രണം ചെയ്യാനും നിങ്ങളെസഹായിക്കും. ## നിങ്ങളുടെ ബിസിനസ്സ് പ്ലാനിൽ ഉണ്ടാവേണ്ടത്  ബേക്കറി ബിസിനസ്‌ന്റെ സംഗ്രഹം, ബിസിനസ്‌സർവ്വേ, ബേക്കറി വ്യവസായ വിശകലനം,ആസൂത്രണപ് രവർത്തനങ്ങൾ, സാമ്പത്തിക വിലയിരുത്തൽ മാർക്കറ്റിംഗ്പ് ലാൻ, മികച്ച ലൊക്കേഷൻ തിരഞ്ഞെടക്കക, അനുയോജ്യമായ ഒരു സ്ഥലം തിരഞ്ഞെടുക്കുന്നത്തിൽ അതീവശ്രദ്ധവേണ്ടതാണ്. ലൊക്കേഷൻ ആശ്രയിച്ചു ബിസിനസ്സ് വികസിക്കുകയോ തളരുകയോ ചെയ്യാൻ സാധ്യതയുള്ളതിനാൽ ഈ പ്രക്രിയയിലെ പ്രാധാന്യം അത്രയേറെ ആണ്. അനുയോജ്യമായ ലൊക്കേഷസ്പോട്ടുകൾ ചുവടെയുള്ള ഒന്നായിരിക്കാം: അറിയപ്പെടുന്നതും പ്രശസ്തവുമായ മാർക്കറ്റ് ഏരിയ, അഥവാ ചെറുപ്പക്കാർ,വിദ്യാർത്ഥികൾ കൂടതൽ കൂട്ടം കൂടുന്ന സ്ഥലം, ഹൈ എൻ ഡ്ഷോപ്പിംഗ് മാള്സ്,തെരുവുകടകൾ, എളുപ്പത്തിൽ എത്തിച്ചേരാൻ കഴിയുന്ന താഴത്തെ നിലയിൽ, ശരിയായ ഡ്രെയിനേജ് സൗകര്യവും പ്രധാന നല്ല ശുചിത്വ നിലവാരത്തിലുള്ള24*7 ജല വിതരണവുംഉള്ള ഒരു സ്ഥലം ബേക്കറി ബിസിനസ്സ് തുറക്കുന്നതിന് ആവശ്യമായ എല്ലാ ലൈസൻസുകളും കിട്ടും- നിങ്ങളുടെ ബിസിനസ്സിനായുള്ള ലൊക്കേഷൻ നിങ്ങൾ അന്തിമമാക്കി ക്കഴിഞ്ഞാൽ, വേണ്ട ലൈസൻസുകളും നേടുക എന്നതാണ് അടുത്ത ഘട്ടം: ഒരു ബേക്കറി ബിസിനസ്സ് ആരംഭിക്കുന്നതിന് ആവശ്യമായ ബേക്കിംഗ് ഉപകരണങ്ങൾ സംഘടിക്കുക. വൈവിധ്യമാർന്ന ഉപകരണങ്ങളെ തരം തിരിച്ചിരിക്കുന്നു, അതായത് നിങ്ങളുടെ ആവശ്യങ്ങൾക്കനുസരിച്ച് വൈവിധ്യമാർന്ന മിക്സിംഗ് ആക്‌സസറികളുള്ള ഒരു വാണിജ്യ മിക്സർ, ഹെവി-ഡ്യൂട്ടി ഫുഡ് പ്രോസസർ/ചോപ്പർ, കാരണം നിങ്ങൾക്ക് ഇത് വിവിധ ആവശ്യങ്ങൾക്കായി ആവശ്യമാണ്. അതുപോലെ കുഴക്കാനും,ചുരുട്ടാനും മടക്കാനും ട്രിം ചെയ്യാനും സീൽ ചെയ്യാനുമുള്ള ഒരു യന്ത്രം, റഫ്രിജറേറ്ററും ഫ്രിസർ,സ്ലൈസറുകളും റൊട്ടിയും ബാഗെലുകളും തയ്യാറാക്കാൻ സഹായിക്കും. എല്ലാ വലുപ്പത്തിലും ഫ്ലാവോഴ്സിലും കേക്ക് നിങ്ങൾ വാഗ്ദാനം ചെയ്യുകയാണെങ്കിൽ, നിങ്ങളുടെ ബേക്കറിയിൽ വിവിധതരം കേക്ക് അലങ്കാര ആക്സസറികളും, സപ്ലൈസ് ഓവനുമായി സ്റ്റോക്ക് ചെയ്യുന്നത് ഉറപ്പാക്കുക; ഇതില്ലാതെ, ബേക്കിംഗ് നടക്കില്ല വ്യത്യസ്ത ആപ്ലിക്കേഷനുകൾക്കുള്ള പലതരം പാത്രങ്ങൾ, ഡോനട്ട് ഫ്രയർ സ്റ്റീൽ ടോപ്പ് വർക്ക് ടേബിളുകൾ ഷെൽവിംഗ് ഷെൽഫ് റാക്കുകൾ പാനുകളും സ്റ്റോറേജ് പാത്രങ്ങളും ഭക്ഷണബാഗുകൾ. വെയ്റ്റിംഗ് സ്കെയിൽ,സംഭരണഉപകരണങ്ങളും, നിങ്ങൾ സപ്ലൈസ്, പാത്രങ്ങൾ, തയ്യാറാക്കിയ ഭക്ഷണം പ്രദർശിപ്പിക്കുന്നതിലും,സംഭരിക്കുന്നതിലും. കൂടാതെ ശുചിത്വമുള്ള പരിസരവും ഉറപ്പു വരുത്തേണ്ടതാണ്. ## പണമില്ലാതെ എങ്ങനെ ഒരു ബേക്കറി തുറക്കാം?  നിങ്ങൾ ഒരു ആർട്ടിസൻ ബേക്കറി അല്ലെങ്കിൽ കേവലം ഒരു ബേക്കിംഗ് തത്പരനാണെങ്കിലും, ഒരു ബേക്കറി സ്വന്തമാക്കാൻ നിങ്ങൾ പണ്ടേ സ്വപ്നം കണ്ടിട്ടുണ്ടാകും, എന്നാൽ നിങ്ങളുടെ ബാങ്ക് ബാലൻസ് നിങ്ങളുടെ പ്രതീക്ഷകൾ തകർത്തു, ശരി, നിങ്ങളോട് പറയാൻ ഞങ്ങൾ ഇവിടെയുണ്ട് നിശ്ചയദാർഢ്യത്തോടെയും തന്ത്രപരമായ ചിന്തയോടെയും, പണമില്ലാതെ നിങ്ങളുടെ ബേക്കറി തുറക്കാൻ കഴിയും. ഒന്നാമതായി, ബിസിനസ്സിന്റെ സാധ്യത ബിസിനസ്സിനെ ആശ്രയിച്ചിരിക്കുന്നുവെന്ന് നിങ്ങൾ അറിഞ്ഞിരിക്കണം, കാരണം കാര്യങ്ങൾ ലളിതമാണ്, എന്നിരുന്നാലും, അങ്ങനെയല്ല പണമില്ലാതെ നിങ്ങളുടെ ബേക്കറി തുറക്കുമ്പോൾ നിങ്ങൾക്ക് ഇപ്പോഴും വെല്ലുവിളികൾ നേരിടേണ്ടിവരില്ല. ബേക്കറിയുടെ വലുപ്പം പരിഗണിക്കാതെ തന്നെ, ബേക്കറിക്കുള്ള സെക്യൂരിറ്റി ഡെപ്പോസിറ്റ്, ബേക്കിംഗ് ചേരുവകൾ, കുഴെച്ച മിക്സറുകൾ പോലുള്ള ബേക്കിംഗ് ഉപകരണങ്ങൾ തുടങ്ങിയ അവശ്യ വസ്തുക്കളിൽ നിങ്ങൾ നിക്ഷേപിക്കേണ്ടിവരും. ബേക്കിംഗ് ഓവനുകൾ, റഫ്രിജറേറ്റഡ് ഡിസ്പ്ലേ കാബിനറ്റുകൾ - നിങ്ങൾക്ക് സങ്കൽപ്പിക്കാൻ കഴിയുന്നതുപോലെ, നിങ്ങൾ ഒരു സെക്കൻഡ് ഹാൻഡ് വാങ്ങാൻ പോകുകയാണെങ്കിൽപ്പോലും വളരെ വിലയുള്ളതാണ്. നിങ്ങളുടെ ബേക്കറി നിലത്തു നിർത്താൻ ഫണ്ട് സ്വരൂപിക്കാൻ ഞാൻ നിങ്ങളെ പ്രാപ്‌തരാക്കുന്നു, അല്ലെങ്കിൽ നിങ്ങളുടെ ബിസിനസിനെ സാമ്പത്തികമായി പിന്തുണയ്ക്കാൻ ഒരു ബാങ്കിനെയോ നിക്ഷേപകനെയോ ബോധ്യപ്പെടുത്തുന്നതിന് ആവശ്യമായ പണമെങ്കിലും നിങ്ങളുടെ പോക്കറ്റിൽ നിറയ്ക്കാൻ നിങ്ങളെ പ്രാപ്‌തരാക്കുന്നു, ഒന്നാമതായി, നിങ്ങൾ ഊഹിച്ചതുപോലെ, ഇത് നിങ്ങളുടെ കുടുംബത്തിൽ നിന്നും സുഹൃത്തുക്കളിൽ നിന്നും സംഭാവനകൾ, വായ്പകൾ (പലിശ രഹിതമോ അല്ലാതെയോ) അല്ലെങ്കിൽ നിക്ഷേപങ്ങളുടെ രൂപത്തിൽ നിങ്ങൾക്ക് ശേഖരിക്കാൻ കഴിയുന്ന പണം പണമില്ലാതെ നിങ്ങളുടെ ബേക്കറി തുറക്കുന്നതിന് ആവശ്യമായ ധനസഹായം നേടുന്നതിനുള്ള ഫലപ്രദമായ മാർഗമാണിത്. ക്രൗഡ് ഫണ്ടിംഗ് ആണ് ഇവിടെ, നിങ്ങൾക്ക് രണ്ട് ഓപ്‌ഷനുകൾ ലഭ്യമാണ് Crowdequity: ഇവിടെയാണ് വ്യക്തികൾ അല്ലെങ്കിൽ ഏഞ്ചൽ നിക്ഷേപകർ നിങ്ങളുടെ കമ്പനിയിലെ ഓഹരികൾക്ക് പകരമായി ധനസഹായം നൽകിയേക്കാം സംഭാവന അടിസ്ഥാനമാക്കിയുള്ള ക്രൗഡ് ഫണ്ടിംഗ്: ഇവിടെ, നിങ്ങൾ ഒരു ക്രൗഡ് ഫണ്ടിംഗ് പ്ലാറ്റ്‌ഫോമിൽ ഒരു കാമ്പെയ്‌ൻ സജ്ജമാക്കി, നിങ്ങളുടെ കഥ പറയുക. നിങ്ങളുടെ സംരംഭത്തിന് സാമ്പത്തികമായി പിന്തുണ നൽകാൻ ആഗ്രഹിക്കുന്ന വ്യക്തികളിൽ നിന്ന് സംഭാവനകൾ ശേഖരിക്കുന്നത് ക്രൗഡ് ഫണ്ടിംഗ് പ്രത്യേകിച്ചും ഫലപ്രദമാണ്, കാരണം ഇത് നിങ്ങളുടെ പ്രോജക്റ്റിന് വേണ്ടി ഫണ്ട് സ്വരൂപിക്കാൻ മാത്രമല്ല, അത് നിങ്ങളുടെ വിപുലമായി അവതരിപ്പിക്കാനും നിങ്ങളെ പ്രാപ്തരാക്കുന്നു. കമ്മ്യൂണിറ്റിയും അതിനെ ചുറ്റിപ്പറ്റിയും ചില ഹൈപ്പ് സൃഷ്ടിക്കുക, ക്രൗഡ് ഫണ്ടിംഗ് വഴി സംഭാവനകൾ ശേഖരിക്കുന്നത് ഭാവിയിലെ ക്ലയന്റുകൾക്ക് നിങ്ങളുടെ പ്രോജക്റ്റിൽ താൽപ്പര്യമുണ്ടെന്ന് ഒരു ബാങ്കിന് തെളിയിക്കാനുള്ള ഒരു മികച്ച മാർഗമാണ്, ഇത് വായ്പയ്ക്ക് യോഗ്യമാണെന്ന് കൂടുതൽ ശക്തമായ വാദത്തിനായി നിങ്ങൾ സംരംഭകർക്കുള്ള സംസ്ഥാന സഹായവും കണക്കാക്കാം.