ആഗ്രഹിക്കുന്നതെന്തും നേടാൻ എന്ത് ചെയ്യണം?
ഓരോ മനുഷ്യനും ഉത്തരം തേടിയിട്ടുള്ള ചോദ്യമാണ് നിങ്ങൾ മുകളിൽ കാണുന്നത്. ആഗ്രഹിക്കുന്നതെന്തും നേടാൻ എന്ത് ചെയ്യണം? ഭൂരിഭാഗം പേരും ഉത്തരം തേടുന്നതിൽ നിന്നും അകന്നു പോയി,
ഉത്തരം കിട്ടിയ പലരും അത് ജീവിതത്തിൽ പ്രാവർത്തികമാക്കിയില്ല, ഉത്തരം ജീവിതത്തിൽ സമന്വയിപ്പിച്ചു അത് അക്ഷീണം പിന്തുടർന്ന അപൂർവ്വം ചിലർ വിജയസോപാനത്തിൽ എത്തി.
ആഗ്രഹത്തെ അവയുടെ പൂർത്തീകരണത്തിൽ നിന്നും അഥവാ ആത്മസാക്ഷാത്ക്കാരത്തിൽ നിന്നും പിൻവലിക്കുന്നത് എന്തൊക്കെയാണ്?
ആഗ്രഹങ്ങൾ ഇല്ലാത്തവർ വളരെ അപൂർവ്വമാണ്. ആഗ്രഹങ്ങൾ എല്ലാം സാധിച്ചവരും അപൂർവ്വമാണ്. ആഗ്രഹപൂർത്തീകരണത്തിൽ നിന്നും നമ്മളെ വിലക്കുന്ന ക്രിയാത്മകമല്ലാത്ത സംഗതികൾ എന്താണെന്ന് ആദ്യം മനസിലാക്കാം.
ക്രിയാത്മകമല്ലാത്ത അനേകം കാര്യങ്ങളിൽ ചിലതാണ് ആഗ്രഹത്തിലെ തീവ്രതയില്ലായ്മ, തെറ്റായ ചിന്താഗതി, അശുഭാപ്തിവിശ്വാസം, മടി, അദ്ധ്വാനക്കുറവ്, ലക്ഷ്യത്തിൽ നിന്നുള്ള പിന്മാറ്റം, ആസൂത്രണം ഇല്ലായ്മ അല്ലെങ്കിൽ ആസൂത്രണത്തിലെ പിഴവ് തുടങ്ങിയവ..
ലക്ഷ്യത്തിൽ നിന്നും അകറ്റുന്ന ഇതുപോലുള്ള ശീലങ്ങൾ ഒഴിവാക്കുകയും ഇതിന് വിപരീതമായ ശുഭാപ്തി വിശ്വാസത്തോടെ ക്രിയാത്മക ശൈലികൾ പിന്തുടരുകയും ചെയ്താൽ വിജയം സുനിശ്ചിതം.
നിങ്ങളുടെ എല്ലാ ലക്ഷ്യങ്ങളും കീഴടക്കാൻ കഴിയണം എങ്കിൽ നിങ്ങളുടെ ജീവിതത്തിൽ വരുത്തേണ്ട ഏറ്റവും വലിയ മാറ്റം നിങ്ങളുടെ സ്വന്തം ചിന്താഗതിയാണ്. വിശ്വസിച്ചാലും ഇല്ലെങ്കിലും, ഇത് പൂർണ്ണമായും സാധ്യമാണ്.
ചിന്തകൾ വളരെയധികം പ്രാധാന്യം അർഹിക്കുന്നു . കാരണം നല്ല ചിന്തകളാണ് വിശ്വാസത്തിലേക്കും സത്പ്രവർത്തിയിലേക്കും നയിക്കുന്നത്. അത്തരം സ്ഥിരമായ പ്രവർത്തി നല്ല ശീലങ്ങളിലേക്കും, അത് മികച്ച സ്വഭാവരൂപീകരണത്തിലേക്കും, തുടർന്ന് വിജയത്തിലേക്കും നയിക്കുന്നു. കഴിഞ്ഞ കുറച്ച് നാളുകളായി "ആവിഷ്ക്കാരം" (Manifestation), "ആകർഷണ നിയമം" (Law of attraction) തുടങ്ങിയ പദങ്ങളെക്കുറിച്ച് നിങ്ങൾ കേട്ടിരിക്കാം.
ജനമനസ്സുകളിൽ മാനിഫെസ്റ്റേഷൻ, ലോ ഓഫ് അട്രാക്ഷൻ പ്രചുരപ്രചാരം നേടിയത് എക്കാലത്തെയും പ്രശസ്തമായ സ്വയം സഹായ പുസ്തകങ്ങളിൽ ഒന്നിലൂടെയാണ് - റോണ്ടാ ബൈൺ രചിച്ച "രഹസ്യം" (The Secret). ദ സീക്രട്ട് പോലുള്ള പുസ്തകങ്ങളിൽ പഠിപ്പിക്കുന്ന മാനസിക വിദ്യകൾ ഈയിടെ കൂടുതൽ ജനപ്രീതി നേടിയിട്ടുണ്ട്.
ഈ വിദ്യകൾ ശരിക്കും പ്രവർത്തിക്കും എന്ന് ഒരുപാട് ആളുകൾക്ക് തോന്നിയതിൻ്റെ ഫലമാണ് ഈ ജനപ്രീതി. ഈ മാനിഫെസ്റ്റേഷൻ വിദ്യകളെക്കുറിച്ച് നിങ്ങൾ മുമ്പ് കേട്ടിട്ടുണ്ടാകാം, എന്നാൽ അവ എന്താണ് അർത്ഥമാക്കുന്നത്, അതിലും പ്രധാനമായി,
നിങ്ങളുടെ സ്വന്തം ജീവിതത്തിൽ അവ എങ്ങനെ നടപ്പിലാക്കണം എന്ന് നിങ്ങൾക്ക് അറിയാമോ? നിങ്ങളുടെ ലക്ഷ്യങ്ങൾ സാക്ഷാത്കരിക്കാൻ സഹായിക്കുന്ന മികച്ച ആവിഷ്‌ക്കാര വിദ്യകളെ കുറിച്ച് കൂടുതലറിയാം.
എല്ലാറ്റിനും മുൻപ് എന്താണ് മാനിഫെസ്റ്റേഷൻ എന്നറിയാം
ലളിതമായി പറഞ്ഞാൽ, സാധിക്കും എന്ന് ഉറച്ചു വിശ്വസിക്കുന്നതിലൂടെ നിങ്ങൾ സംഭവിക്കാൻ ആഗ്രഹിക്കുന്ന എന്തെങ്കിലും സാധിപ്പിക്കുന്നതാണ് മാനിഫെസ്റ്റേഷൻ (ആവിഷ്ക്കാരം അഥവാ സാക്ഷാത്കാരം).
ചിലർക്ക് ഇപ്പോഴിത് സങ്കീർണ്ണമായി തോന്നിയേക്കാം. സങ്കീർണ്ണതകളും സംശയങ്ങളും ഒട്ടുമില്ലാതെ മനസ്സിൽ ഉടലെടുക്കുന്ന വിശ്വാസമാണ് ഇതിൻ്റെ മൂലാധാരം. മാനിഫെസ്റ്റേഷൻ്റെ ഏറ്റവും അടിസ്ഥാനപരമായ കാരണം, പോസിറ്റീവ് മാനസികാവസ്ഥ സ്വീകരിക്കുന്നതാണ്.
ആവിഷ്ക്കാരത്തിന് പരിമിതികൾ ഉണ്ടെങ്കിലും, നിങ്ങളുടെ ചിന്താഗതി മാറ്റുന്നതിനുള്ള ശക്തിയെ കുറച്ചുകാണാതിരിക്കേണ്ടത് പ്രധാനമാണ്. അവിടെയാണ് മാജിക് സംഭവിക്കുന്നത്.
എന്താണ് ആകർഷണ നിയമം?
ആകർഷണ നിയമം കേവലം ഒരു ചിന്താമാർഗ്ഗമല്ല, അത് ഒരു ജീവിതരീതിയാണ്. “സന്തോഷവും ആരോഗ്യവും സമ്പത്തും കണ്ടെത്താൻ നിങ്ങൾ ആഗ്രഹിക്കുന്നുണ്ടോ?” എന്ന് നിങ്ങളോട് ചോദിച്ചാൽ നമ്മിൽ മിക്കവരും ഈ ചോദ്യത്തിന് അതിശയകരമായി ഒരേ ഉത്തരം നൽകുമെന്നതിൽ സംശയമില്ല!
വലിയ പ്രശ്‌നങ്ങളില്ലാതെ സുഖപ്രദമായ ജീവിതം നയിക്കാൻ ആഗ്രഹിക്കാത്ത ആരാണുള്ളത്? അതിനായി ആകർഷണ നിയമം നിങ്ങളെ എങ്ങനെ സഹായിക്കും?
അറിഞ്ഞും അറിയാതെയും നാമെല്ലാവരും ആകർഷണ നിയമത്തെ ഏതെങ്കിലും തരത്തിൽ ജീവിതത്തിൽ ഉപയോഗിക്കുന്നു, ലളിതമായി പറഞ്ഞാല്‍ സമാനമായ ഊര്‍ജം പരസ്പരം ആകര്‍ഷിക്കപ്പെടുന്നു എന്ന സാര്‍വത്രികമായ നിയമമാണ് ആകര്‍ഷണ നിയമം.
മറ്റൊരു തരത്തില്‍ പറഞ്ഞാല്‍ നിങ്ങള്‍ ശ്രദ്ധകേന്ദ്രീകരിക്കുന്നത് എന്തിലാണോ അതിനെ നിങ്ങൾക്ക് തിരികെ ലഭിക്കുന്നു. നമ്മുടെ ഇന്ദ്രിയങ്ങള്‍ക്ക് മനസ്സിലാക്കാന്‍ ബുദ്ധിമുട്ടാണെങ്കിലും നമ്മള്‍ ഊര്‍ജത്തിന്റെയും അതുണ്ടാക്കുന്ന പ്രകമ്പന(Vibration) ത്തിന്റെയും ലോകത്താണ് ജീവിക്കുന്നതെന്ന് ക്വാണ്ടം ഫിസിക്സ് തെളിയിച്ചിട്ടുണ്ട്.
നെഗറ്റീവ് ചിന്തകൾ നിങ്ങൾ കരുതുന്നുവെങ്കിൽ, നിങ്ങളുടെ ജീവിതത്തിലേക്ക് നെഗറ്റീവ് സംഭവങ്ങൾ വന്നുകൂടുന്നു. പോസിറ്റീവ് ചിന്തകളാണ് നിങ്ങളെ സ്വാധീനിക്കുന്നതെങ്കിൽ, നിങ്ങളുടെ ജീവിതത്തിലേക്ക് നല്ല സംഭവങ്ങൾ മാത്രമേ ആകർഷിക്കുകയുള്ളൂ.
നമ്മൾ ആകർഷണ നിയമം ഉപയോഗിക്കുകയാണെങ്കിൽ ആഗ്രഹിക്കുന്ന ബന്ധങ്ങൾ, ആരോഗ്യം, ആഗ്രഹിക്കുന്ന തൊഴിൽ, സ്വപ്നഭവനം, സന്തോഷം, സംതൃപ്തി, സമാധാനം അങ്ങനെ നമ്മൾ ആഗ്രഹിക്കുന്നതെന്തും സ്വന്തമാകും.
സ്ഥല സമയ കാലാതീതമയി സദാ പ്രപഞ്ചത്തിൽ പ്രവർത്തിച്ചു കൊണ്ടിരിക്കുന്ന പ്രാപഞ്ചിക നിയമമാണ് ആകർഷണ നിയമം. ഗ്രാവിറ്റേഷൻ നിയമത്തെ കുറിച്ച് നമുക്ക് അറിയാമല്ലോ. ഭൂമി അതിൻറെ കേന്ദ്രത്തിലേക്ക് എല്ലാ വസ്തുക്കളേയും സദാ ആകർ ഷിച്ചു കൊണ്ടിരിക്കുകയാണല്ലോ.
രാജ്യമോ, സ്ഥലമോ, സമയമോ, വലിപ്പ ചെറുപ്പമോ, ധനികനെന്നോ, ദരിദ്രനെന്നോ, പാമരനെന്നോ പണ്ഡിതനെന്നോ വ്യത്യാസമില്ല. മുകളിൽ നിന്ന് ആരു ചാടിയലും ഭൂമിയിൽ പതിക്കുമെന്നതിന് ഒരു സംശയവുമില്ല. അതാണ് ഗ്രാവി റ്റി നിയമം.
അതുപോലെ തന്നെ വ്യക്തികളും, കാലങ്ങളും, രാജ്യ ങ്ങളും, സമയവും യാതൊന്നും തന്നെ പ്രാപഞ്ചിക ആകർഷണ നിയമത്തെ ബാധിക്കുകയില്ല. നമ്മുടെ ജീവിത്തിൽ നമ്മൾ ആഗ്രഹിക്കുന്നതുപോലുള്ള മനോഹ രമായ ഒരു ജീവിതം പടുത്തുയർത്തുവാൻ നമുക്ക് ഉപയോഗി ക്കുവാൻ കഴിയുന്ന ഒരു ടെക്നിക്കാണ് ആകർഷണ നിയമം.
നാം അറിഞ്ഞാലും അറിഞ്ഞില്ലെങ്കിലും നമ്മുടെ നിത്യ ജീവിതത്തിൽ നിത്യവും സംഭവിച്ചു കൊണ്ടിരിക്കുന്നു എന്നാണ് പരമാർത്ഥം. നാം എന്താണ് ഉപോബോധമനസ്സിൽ ചിന്തിക്കുന്നത് അതു തന്നെ ജീവിത്തിൽ സംഭവിക്കും എന്നാണ് ഈ നിയമം. നിങ്ങൾ തുടർ ച്ചയായി ഒരു പരാജിതനാണെന്ന് ചിന്തിച്ചുകൊണ്ടിരുന്നാൽ ജീവി തത്തിൽ അതു സംഭവിച്ചു കൊണ്ടിരിക്കും. ഞാൻ ഒരു വിജയിയാ ണ് എന്ന് ചിന്തിച്ചു കൊണ്ടിരുന്നാൽ വിജയിച്ചുകൊ ണ്ടിരിക്കുന്നു.
എന്തും ചിന്തിച്ചിരുന്നു വിശ്വസിച്ചാൽ അതും സംഭവിക്കും. നമ്മുടെ ആന്തരിക ലോ കത്തിൽ എന്താണോ ചിന്തിച്ചിരിക്കുന്നത് അതു തന്നെ പുറം ലോകത്ത് സംഭവിച്ചിരിക്കും.
നിങ്ങളുടെ മനസ്സിൽ എന്താണോ വിശ്വസിച്ചിരിക്കുന്നത് അതു തന്നെയാണ് സംഭവിക്കുന്നത്. ഇല്ലായ്മയാണെങ്കിൽ ദരിദ്രനും, ഉള്ളായ്മയാണെങ്കിൽ ധനാവാനും ആയി തീരൂന്നു. ചിന്ത മാത്രം പോര, വിശ്വാസവും കൂടി വേണം.
മാനിഫെസ്റ്റേഷൻ എന്ന പദത്തിനൊപ്പം കൂട്ടി വായിക്കേണ്ടത് ആകർഷണ നിയമത്തിന്റെ ആശയമാണ്. ആകർഷണ നിയമം അടിസ്ഥാനപരമായി പ്രസ്താവിക്കുന്നത് നമ്മൾ ശ്രദ്ധ കേന്ദ്രീകരിക്കുന്നതിനെ ജീവിതത്തിൽ ആകർഷിക്കും എന്നാണ്.
ജീവിതത്തിലെ നിഷേധാത്മകതയിൽ ശ്രദ്ധ കേന്ദ്രീകരിക്കുകയാണെങ്കിൽ, നമ്മുടെ സാഹചര്യം കൂടുതൽ പ്രതികൂലമായി വളരും. എന്നാൽ ജീവിതത്തിൻ്റെ പോസിറ്റീവ് വശങ്ങളിൽ ശ്രദ്ധ കേന്ദ്രീകരിക്കുകയും നമ്മുടെ ഭാവി ലക്ഷ്യങ്ങൾ മനസ്സിൽ ഉറപ്പിക്കുകയും ചെയ്താൽ, അവ നേടാനുള്ള ഒരു വഴി നാം കണ്ടെത്തും.
നിങ്ങൾ ഒരു പോസിറ്റീവ് മാനസികാവസ്ഥയിൽ ഉണർന്നിരുന്നുവെങ്കിൽ, നിങ്ങളുടെ നേരെ വരുന്നതെന്തും കീഴടക്കാൻ തയ്യാറാണെങ്കിൽ, ദിവസം മുഴുവനും നിങ്ങളുടെ വ്യക്തിത്വവും പ്രവർത്തനങ്ങളും എങ്ങനെ മികച്ചതായിരിക്കുമെന്ന് ചിന്തിച്ചു നോക്കൂ.
നമുക്ക് എല്ലായ്പ്പോഴും നമ്മുടെ വികാരങ്ങളെ നിയന്ത്രിക്കാൻ കഴിയില്ല (അത് ജീവിതത്തിൻ്റെ സ്വാഭാവിക അവസ്ഥയാണ്), നമ്മുടെ മാനസികാവസ്ഥ തീർച്ചയായും നമ്മുടെ പ്രവർത്തനങ്ങളെ സ്വാധീനിക്കുകയും നമ്മുടെ ലക്ഷ്യങ്ങൾ നിറവേറ്റുന്നതിൽ വലിയ പങ്ക് വഹിക്കുകയും ചെയ്യും.
തങ്ങളുടെ സ്വപ്നങ്ങൾ സ്വയം സാക്ഷാത്കരിക്കാനുള്ള കഴിവുണ്ടെന്ന് വിശ്വസിക്കാത്ത ഒരാൾക്ക് ശ്രമിക്കാനുള്ള ധൈര്യം പോലും കാണില്ല. മനസ്സ് വെച്ചാൽ ആർക്കും ഇത് ചെയ്യാം. ഇത് ആഗ്രഹതീവ്രത, അടിയുറച്ച വിശ്വാസം, കഠിനാധ്വാനം, സ്ഥിരോത്സാഹം, അർപ്പണബോധം എന്നിവയെക്കുറിച്ചാണ്.
ആരംഭിക്കുന്നതിനുള്ള ആദ്യപടി ആരംഭിക്കുക എന്നതാണ്. ജീവിതത്തിലെ മിക്കവാറും എന്തിനെക്കുറിച്ചും അതാണ് സത്യം; എന്തെങ്കിലും നേടുന്നതിനുള്ള ആദ്യപടി അത് യഥാർത്ഥത്തിൽ സാധ്യമാണെന്ന് വിശ്വസിക്കുക എന്നതാണ്.
മാനിഫെസ്റ്റേഷൻ ടെക്നിക്കുകൾ ഉപയോഗിക്കുന്നതിന് മുൻപ് അറിയേണ്ട ചില കാര്യങ്ങൾ
ഒരു ലക്ഷ്യം സജ്ജമാക്കുന്നത് സ്വയം ദിശാബോധം നൽകുന്നു. നിങ്ങളുടെ ദൈനംദിന ചിന്തകളും പ്രവൃത്തികളും ഉപയോഗിച്ച് നിങ്ങൾ നിങ്ങളുടെ സ്വന്തം വിധി നിയന്ത്രിക്കുകയാണ്. നിങ്ങളുടെ ജീവിതത്തിൽ നിങ്ങൾ മാറ്റാൻ ആഗ്രഹിക്കുന്ന കാര്യങ്ങളെക്കുറിച്ചോ അല്ലെങ്കിൽ നിങ്ങൾ നേടാൻ ആഗ്രഹിക്കുന്ന ചില ലക്ഷ്യങ്ങളെക്കുറിച്ചോ ചിന്തിക്കുക.
നിങ്ങളുടെ ലക്ഷ്യം ഭൗതിക വസ്തുക്കളാവാം ആവാതിരിക്കാം. ഒരു ലക്ഷ്യം കണ്ടെത്തി മനസ്സിൽ സ്ഥാപിക്കുമ്പോൾ നിങ്ങൾ അവയുടെ മൂല്യങ്ങളെക്കുറിച്ചും, ജീവിതത്തിൽ നിങ്ങൾക്ക് അത് എത്ര പ്രധാനമായതാണ് എന്നും ചിന്തിക്കുക.
എന്തുകൊണ്ടാണ് നിങ്ങൾ അത് നേടാൻ ആഗ്രഹിക്കുന്നത്? അത് നിങ്ങൾക്കായി എന്ത് ചെയ്യും? ഇത് നിങ്ങളെത്തന്നെ അറിയാൻ സഹായിക്കുക മാത്രമല്ല, നിങ്ങളുടെ ആഗ്രഹങ്ങളുടെ ആത്മാവിലേക്ക് നിങ്ങളെ നയിക്കുകയും ചെയ്യുന്നു. നിങ്ങളുടെ ജീവിതത്തിന് കാര്യമായ രീതിയിൽ സംഭാവന നൽകുന്ന അർത്ഥവത്തായതും പോസിറ്റീവുമായ കാര്യങ്ങൾ നിങ്ങൾ ആവിഷ്ക്കരിക്കുന്നു എന്നത് ഉറപ്പാക്കുക.
മാനിഫെസ്റ്റേഷൻ ടെക്നിക്കുകൾ ഉപയോഗിച്ച് ആഗ്രഹങ്ങൾ എങ്ങനെ സാധ്യമാക്കാം — 5 മികച്ച ആവിഷ്‌ക്കാര വിദ്യകൾ മനസിലാക്കാം
നിങ്ങളുടെ ലക്ഷ്യങ്ങൾ കീഴടക്കാൻ സഹായിക്കുന്ന ഈ 5 മാനിഫെസ്റ്റേഷൻ വിദ്യകൾ പരീക്ഷിക്കുക.
1. പേപ്പർ ബർണിങ് ടെക്‌നിക്
വളരെ നന്നായി മനസ്സിനെ ശുദ്ധികരിക്കാൻ സഹായിക്കുന്ന മികച്ച ഒരു ടെക്‌നിക്ക് ആണിത്. വളരെ എളുപ്പത്തിൽ ഒരു 10 -30 mins കൊണ്ട് ചെയ്യാം. ആദ്യം ഒരു വെള്ള പേപ്പർ എടുക്കുക (A4 sheet അല്ലെങ്കിൽ ബുക്ക് പേപ്പർ).
എന്നിട്ടു ആ പേപ്പറിൽ നിങ്ങളുടെ എല്ലാ പ്രശ്നങ്ങളും എഴുതുക. ദൈവത്തിനോട് മനസ്സ് തുറന്നു പറയുന്നതുപോലെ , അല്ലെങ്കിൽ നിങ്ങളുടെ ഒരു സുഹൃത്തിനോട് പറയുന്നത് പോലെ എഴുതാം. ഇതുവരെ ജീവിതത്തിൽ ഉണ്ടായ എല്ലാ ദുരനുഭവങ്ങളും, പേടികളും , കടങ്ങളെ കുറിച്ചുള്ള കാര്യങ്ങളും, അതുമൂലം ഉണ്ടായ പ്രശ്നങ്ങളും , മുന്നേ ഉണ്ടായ സാമ്പത്തിക പ്രശ്നങ്ങളെ കുറിച്ചും, അപ്പോൾ ഉണ്ടായ അനുഭവങ്ങളെ കുറിച്ചും, ഭാവിയെ കുറിച്ചുള്ള പേടികളും ,
അങ്ങനെ അങ്ങനെ നിങ്ങളുടെ സകല പ്രശ്നങ്ങളും അതിൽ എഴുതാം. എന്നിട്ട് ആ പേപ്പർ കത്തിച്ചു കളയുക. കത്തിക്കുമ്പോൾ നിങ്ങളുടെ എല്ലാ ദുരിതങ്ങളും, പ്രശ്നങ്ങളും കത്തി തീരുന്നതായിട്ടും , അത് മനസ്സിൽ നിന്ന് ഡിലീറ്റ് ആകുന്നതായിട്ടും സങ്കല്പിക്കുക.
ഇത് ഒരു തവണ മാത്രം ചെയ്താൽ മതി. നിങ്ങളെ ബുദ്ധിമുട്ടിക്കുന്ന എല്ലാ ചിന്തകളുടെയും തീവ്രത നന്നായി കുറഞ്ഞതായിട്ട് അനുഭവപ്പെടും. അവ ഇനി അങ്ങോട്ട് നിങ്ങളെ ബുദ്ധിമുട്ടിക്കില്ല. അങ്ങനെ നിങ്ങൾക് സമാധാനമായിട്ട് നിങ്ങൾ ചെയ്യേണ്ടുന്ന ജോലികൾ കൃത്യമായ് ചെയ്ത് മുന്നോട് പോകാം.
അപ്പോൾ എല്ലാ പ്രശ്നങ്ങൾക്കുമുള്ള പരിഹാരങ്ങളും എളുപ്പത്തിൽ ലഭ്യമാകും. അത്പോലെ തന്നെ നിങ്ങള്ക്കുള്ള പല ബ്ലോക്കുകളും ഇതിലൂടെ മാറിക്കിട്ടും, അതും മുന്നോട്ടുള്ള ആഗ്രഹ സാക്ഷാത്ക്കാരങ്ങൾക്ക് നല്ല രീതിയിൽ സഹായകരമാകും.
2. വിഷൻ ബോർഡ്
വിഷൻ ബോർഡ് പലരും ഇതിനകം പരീക്ഷിച്ചിട്ടുള്ള ഏറ്റവും എളുപ്പമുള്ള ആവിഷ്‌ക്കാര വിദ്യകളിൽ ഒന്നാണ്. നിങ്ങളുടെ ജീവിതത്തിൽ നിങ്ങൾ സാധ്യമാക്കാൻ ആഗ്രഹിക്കുന്ന എല്ലാ കാര്യങ്ങൾക്കുമായി ഒരു ബോർഡ് ഉണ്ടാക്കുക.
വീട്, ജോലി, കാർ, വ്യക്തിബന്ധങ്ങൾ, അങ്ങനെ നിങ്ങൾ സ്വപ്നം കാണുന്ന എല്ലാ ലക്ഷ്യങ്ങളുടെയും ചിത്രങ്ങളോ കൊളാഷുകളോ കൊണ്ട് സമ്പുഷ്ടമായ ഒരു വിഷൻ ബോർഡ് ഒരുക്കുക. അത് എപ്പോഴും നിങ്ങളുടെ ദൃഷ്ടി പതിക്കുന്ന സ്ഥലങ്ങളിൽ വെക്കുക.
എത്ര മാത്രം കൃത്യത ആ ചിത്രങ്ങളിൽ പാലിക്കുന്നുവോ അത്രയും നല്ലത്. ഉദാഹരണത്തിന് നിങ്ങൾ നീല കാറാണ് ആഗ്രഹിക്കുന്നതെങ്കിൽ മനസ്സിലുള്ള കമ്പനിയുടെ അതേ നിറമുള്ള കാറിൻ്റെ ചിത്രം പതിപ്പിക്കുക.
വിഷൻ ബോർഡുകൾ നിങ്ങൾ ആഗ്രഹിക്കുന്ന തരത്തിലുള്ള ജീവിതം വിഭാവനം ചെയ്യുന്നതിനുള്ള ഒരു മികച്ച മാർഗം മാത്രമല്ല, നിങ്ങൾ എന്തിനുവേണ്ടിയാണ് പ്രവർത്തിക്കുന്നത്, എന്തുകൊണ്ട് അത് വിലമതിക്കുന്നു എന്നതിൻ്റെ ഒരു ഓർമ്മപ്പെടുത്തൽ കൂടിയാണ്.
3. കൃതജ്ഞതാ ജേണൽ
ഒരു കൃതജ്ഞതാ ജേണൽ സൂക്ഷിക്കാൻ ശ്രമിക്കുക. അവിടെ നിങ്ങൾ ദിവസവും നന്ദിയുള്ള കാര്യങ്ങളുടെ ട്രാക്ക് സൂക്ഷിക്കുന്നു. ഇത് ആവിഷ്ക്കാരത്തിനുള്ള മാർഗ്ഗം മാത്രമല്ല, വിഷാദരോഗം അല്ലെങ്കിൽ ഉത്കണ്ഠയുമായി മല്ലിടുമ്പോൾ പലർക്കും സഹായകമാകുന്ന ഒരു സംഗതി കൂടിയാണ്.
എഴുതുമ്പോഴുള്ള മനോഭാവത്തിലും പോസിറ്റീവ് ചിന്തയിലും ശ്രദ്ധ കേന്ദ്രീകരിക്കേണ്ടത് പ്രധാനമാണ്. ജീവിതത്തിൽ ഉള്ള നല്ല കാര്യങ്ങളിലേക്ക് ശ്രദ്ധിക്കാനാണ് ഇത് ചെയ്യുന്നത്. ഇത് ദിവസേന ചെയ്യുക. 10 മിനിറ്റ് സമയം മാത്രമാണ് ഇതിനു ആവശ്യമായ വരിക.
ജീവിതത്തിൽ ഉള്ള 10-15 നല്ല കാര്യങ്ങൾ എഴുതി നന്ദി പറയുക. ഏറ്റവും ചെറിയ കാര്യങ്ങൾക്കും നന്ദി പ്രകടമാക്കുക. ജീവിതത്തിൽ വരാനിരിക്കുന്ന ആ ആഗ്രഹം ലഭിച്ചെന്ന മട്ടിൽ അത് നൽകിയതിനും നന്ദി പറയുക.
ഓരോ വാചകം എഴുതുമ്പോഴും മുഖത്ത് ഒരു പുഞ്ചിരിയോടെ, നല്ല വൃത്തിയിൽ വളരെ സ്നേഹത്തോടെ എഴുതാൻ ശ്രമിക്കുക – അങ്ങനെ നല്ല രീതിയിൽ ഫീൽ ചെയ്ത് തന്നെ ചെയ്യുക. നന്ദിയോടെയായിരിക്കണം നാം ഓരോ പ്രഭാതത്തെയും സ്വീകരിക്കേണ്ടത്.
കാരണം ഒരു ദിവസം കൂടി നമുക്ക് ലഭിച്ചിരിക്കുന്നു. കാപ്പി കുടിക്കാൻ, സുഹൃത്തിന് വാട്സാപ്പ് ചെയ്യാൻ, ഇണയെ ആലിംഗനം ചെയ്യാൻ, മഴ നനയാൻ, സംഗീതം കേൾക്കാൻ, ജോലി ചെയ്യാൻ, മക്കളുടെ ചുംബനങ്ങൾ സ്വീകരിക്കാൻ.
നാം ഉണർന്നെണീറ്റിരിക്കുന്നു എന്നതും നമ്മൾ ആരോഗ്യത്തോടെയിരിക്കുന്നു എന്നതുമാണ് പ്രധാനപ്പെട്ട കാര്യം. ഉദാഹരണത്തിന് ഇന്നലെ ഈ ലോകത്തിൻ്റെ വിവിധഭാഗങ്ങളിൽ നിന്നായി ഏകദേശം ലക്ഷോപലക്ഷം പേർ മരണമടഞ്ഞിട്ടുണ്ട്.
റോഡപകടം, അക്രമം, രോഗം, പ്രകൃതിക്ഷോഭം എന്നിവയെല്ലാം കാരണമാണിത്. ഇന്നും അതുപോലെ തന്നെ ആളുകൾ മരിക്കും.നാളെയും മറ്റന്നാളും ഇത്തരം മരണങ്ങൾ ആവർത്തിക്കും.
ഒരു കലണ്ടറിലെ അവസാനതാളും മറിഞ്ഞുകഴിയുമ്പോൾ ഈ ലോകത്ത് നിന്ന് കോടാനുകോടി ആളുകൾ തങ്ങളുടെ അവസാനശ്വാസമെടുത്തുകഴിഞ്ഞിരിക്കും.
എന്തിനേറെ ഈ ലേഖനം വായിച്ചു തുടങ്ങി പൂർത്തിയാക്കുമ്പോഴേക്കും ഈ ലോകത്തിൽ നിന്ന് ചിലപ്പോൾ പത്തോ അതിലേറെയോ ആളുകൾ മരണമടഞ്ഞേക്കാം. എന്നിട്ടും ഇത് വായിക്കാൻ നിങ്ങൾ ജീവനോടെയുണ്ട് എന്നതു തന്നെയാണ് നിങ്ങൾ ഈ ദിവസത്തോടും ജീവിതത്തോടും കാണിക്കേണ്ട നന്ദി.
നന്ദിയുള്ള ജീവിതം നന്മയുള്ള ജീവിതമാണ്. അത് നല്ലൊരു ജീവിതത്തിലേക്കുള്ള വാതിലുകളാണ് നമുക്ക് തുറന്നുതരുന്നത്. അതുകൊണ്ട് എല്ലാവരോടും എല്ലാറ്റിനോടും നന്ദിയുള്ളവരായിരിക്കുക.
4. പോസിറ്റീവ് അഫർമേഷൻ അഥവാ പോസിറ്റീവ് സ്ഥിരീകരണങ്ങൾ
പോസിറ്റീവ് സ്ഥിരീകരണങ്ങൾ മിക്കവാറും ആർക്കും പരീക്ഷിക്കാവുന്ന മറ്റൊരു മാനിഫെസ്റ്റേഷൻ വിദ്യയാണ്. നിങ്ങൾ ആഗ്രഹിക്കുന്ന ഫലം എന്തുതന്നെയായാലും, നിങ്ങളുടെ മാനസികാവസ്ഥ അതിന് പാകത്തിനായി ഒരുക്കുന്നതിനും ആത്മവിശ്വാസത്തിനും സ്ഥിരീകരണങ്ങൾ വളരെ പ്രധാനമാണ്.
സ്റ്റിക്കി നോട്ടുകളിൽ പോസിറ്റീവ് സ്ഥിരീകരണങ്ങൾ എഴുതി നിങ്ങളുടെ റൂമിന് ചുറ്റും അല്ലെങ്കിൽ ബാത്ത്റൂം കണ്ണാടിയിൽ വയ്ക്കുന്ന ആശയം നല്ലതാണ്. നിങ്ങൾ ഉണരുമ്പോൾ ആദ്യം കാണുന്ന കാര്യങ്ങളിൽ ചിലത് ഈ പോസിറ്റീവ് സ്ഥിരീകരണങ്ങൾ ആണ്.
നിങ്ങളുടെ ചിന്താഗതി പരിവർത്തനം ചെയ്യാനും നിങ്ങളുടെ നിഷേധാത്മക വിശ്വാസങ്ങളെ തച്ചുടയ്ക്കാനുമുള്ള എളുപ്പവഴിയാണിത്. തുടര്‍ച്ചയായി ചിന്തിക്കുന്ന ഏതുചിന്തകളും ആ ചിന്തകളുടെ തന്നെ തുടർശീലങ്ങൾ ഉണ്ടാക്കും.
ദിവസവും മനസ്സിനോട് പോസിറ്റീവ് ചിന്തകള്‍ മാത്രം പങ്കുവയ്ക്കുമ്പോള്‍ മാത്രമേ തലച്ചോറില്‍ പോസിറ്റീവ് തരംഗങ്ങൾ രൂപപ്പെടുകയുള്ളൂ. ഉദാഹരണത്തിന് എന്നെക്കൊണ്ട് ഇതിനു സാധിക്കില്ല എന്ന ചിന്തയെ, എന്നെക്കൊണ്ട് ഇതിനു സാധിക്കും എന്ന വിപരീത ചിന്തകൊണ്ടാണ് മറികടക്കേണ്ടത്.
മനസ്സിനോട് ദിവസവും ഇതു സാധിക്കും എന്ന് പറയുന്നതിലൂടെ ആ ചിന്തയെ മനസ്സില്‍ ഉറപ്പിക്കുകയും അതിലൂടെ കഴിയില്ല എന്ന തോന്നലിനെ ഇല്ലാതാക്കുകയുമാണ് ഇവിടെ ചെയ്യുന്നത്. ഇത്തരത്തില്‍ നിരന്തരമായ ചിന്തയിലൂടെ മനസ്സില്‍ ഒരു കാര്യം ഉറപ്പിക്കുന്ന പ്രക്രീയയാണ് അഫര്‍മേഷന്‍.
ഏതുതരത്തിലുള്ള വ്യക്തിത്വമാണോ രൂപപ്പെടുത്താന്‍ ആഗ്രഹിക്കുന്നത് അത്തരത്തിലുള്ള ചിന്തകളെ പ്രോത്സാഹിപ്പിച്ച് മനസ്സില്‍ ഉറപ്പിക്കാനും അതുവഴി ലക്ഷ്യത്തിലേയ്ക്ക് എത്താനും അഫര്‍മേഷനിലൂടെ സാധിക്കും.
എത്രത്തോളം പോസിറ്റീവ് ചിന്തകള്‍ മനസ്സില്‍ രൂപപ്പെടുത്താന്‍ സാധിക്കുന്നുവോ അത്രത്തോളം നെഗറ്റീവ് ചിന്തകള്‍ ഇല്ലാതാകും എന്നതാണ് യാഥാര്‍ഥ്യം. ഫലപ്രാപ്തിയിലേക്ക് എന്തെങ്കിലും സാധ്യമാക്കുന്നതിനുള്ള ഏറ്റവും വലിയ താക്കോലുകളിൽ ഒന്ന് നിങ്ങളുടെ ചിന്താഗതി മാറ്റുക എന്നതാണ്.
നല്ല കാര്യങ്ങൾക്ക് പൊതുവെ സമയമെടുക്കും, നമ്മുടെ ലക്ഷ്യങ്ങൾ കൈവരിക്കാത്തപ്പോൾ ഒരു നെഗറ്റീവ് സ്പേസിലേക്ക് വഴുതിവീഴാൻ വളരെ എളുപ്പമാണ്. ആയതിനാൽ ശുഭാപ്തി വിശ്വാസം നിറയ്ക്കുക.
പോസിറ്റീവ് ചിന്തകള്‍ മനസ്സ് തുടക്കത്തില്‍ തന്നെ അംഗീകരിക്കണമെന്നില്ല. പക്ഷേ നിരന്തരം ശ്രമിക്കുന്നതിലൂടെ പോസിറ്റീവ് ചിന്തകള്‍ മനസ്സില്‍ ഉറപ്പിക്കാന്‍ സാധിക്കും. ഇത്തരത്തില്‍ മനസ്സില്‍ നല്ല ചിന്തകള്‍ നിറയുമ്പോള്‍ ആത്മവിശ്വാസവും ധൈര്യവും വര്‍ദ്ധിക്കും.
ജീവിതത്തിലെ എല്ലാ കാര്യങ്ങളേയും പോസിറ്റീവ് മനോഭാവത്തോടെ സമീപിക്കാന്‍ കഴിയും. മറ്റൊരുതരത്തില്‍ പറഞ്ഞാല്‍ മനസ്സിനെ മനസ്സു കൊണ്ടു തന്നെ ജയിക്കാനുള്ള തന്ത്രമാണ് അഫര്‍മേഷന്‍. നമ്മള്‍ എന്താണോ അത്, നമ്മള്‍ ചിന്തിക്കുന്നതിന്റെ ഫലമാണ്.
5. വിഷ്വലൈസേഷൻ അഥവാ ദൃശ്യവൽക്കരണം
മാനിഫെസ്റ്റേഷൻ ടെക്നിക്കുകളിൽ ദൃശ്യവൽക്കരണം ഏറ്റവും ശക്തമായ വിദ്യകളിൽ ഒന്നാണ്, മാത്രമല്ല ഇത് നമ്മൾ സാക്ഷാത്കരിക്കുന്നത് തിരിച്ചറിയാതെ തന്നെ ചെയ്യുന്ന ഒന്നാണ്.
നിങ്ങളുടെ ആഗ്രഹങ്ങളുടെ ദൃശ്യവൽക്കരണം പരിശീലിക്കുക, നിങ്ങളുടെ മനസ്സ് തുറക്കുന്നതിനും നിങ്ങളുടെ ലക്ഷ്യങ്ങൾ നേടുന്നതിന് നിങ്ങളെ പ്രചോദിപ്പിക്കുന്നതിനും ഇത് വളരെ സഹായകരമാണ്.
നിങ്ങള്‍ ആഗ്രഹിക്കുന്ന കാര്യങ്ങള്‍ നിലവില്‍ ഉണ്ടെന്ന് സങ്കല്‍പ്പിക്കുകയും അത് അനുഭവിക്കുകയും ചെയ്യുക എന്ന പ്രക്രിയയാണ് ക്രിയേറ്റീവ് വിഷ്വലൈസേഷൻ അഥവാ ഗോൾ വിഷ്വലൈസേഷൻ. മനസ്സ് ശാന്തമായും സ്വസ്ഥമായും വെക്കുക.
അതിനുള്ള ഒരു എളുപ്പവഴി, 50 ല്‍ നിന്ന് പൂജ്യം വരെ പതുക്കെ എണ്ണുക എന്നതാണ്. നിങ്ങള്‍ ആഗ്രഹിക്കുന്ന കാര്യം നിലവില്‍ ഉണ്ടെന്നതു പോലെയും അനുഭവിക്കുന്നതു പോലെയും മനസ്സില്‍ സങ്കല്‍പ്പിക്കുക. കാണാനും കേള്‍ക്കാനും അനുഭവിക്കാനും മണക്കാനും രുചിക്കാനുമുള്ള (ആവശ്യമെങ്കില്‍) കഴിവുകള്‍ ഉള്‍പ്പെടുത്തി, അത് യാഥാര്‍ത്ഥ്യമാണെന്ന് വരുത്തിത്തീര്‍ക്കുക.
നമ്മള്‍ ആഗ്രഹിക്കുന്ന കാര്യങ്ങള്‍ ഉണ്ടെന്ന വികാരം അനുഭവിക്കുക എന്നതാണ് ഏറ്റവും പ്രധാനം. ക്രിയേറ്റീവ് വിഷ്വലൈസേഷന്‍ ഉപയോഗിക്കുമ്പോഴെല്ലാം അത് ഇപ്പോള്‍ സംഭവിക്കുന്നതാണെന്ന തോന്നൽ ഉണ്ടാക്കുകയും അതിലുള്‍പ്പെടുന്ന പ്രക്രിയയെ ദൃശ്യവത്കരിക്കുന്നതിനപ്പുറം
നിങ്ങളുടെ ശ്രദ്ധ അന്തിമഫലത്തിലോ ആഗ്രഹിക്കുന്ന ഫലത്തിലോ എത്തിക്കുകയും ചെയ്യുന്നു. അത് ആസ്വാദ്യകരവും രസകരവുമായ അനുഭവമാക്കി മാറ്റുക. എല്ലാറ്റിനുമുപരി നിങ്ങള്‍ ആഗ്രഹിക്കുന്നതെന്തും നല്ലതായി അനുഭവപ്പെടും.
സ്വപ്നങ്ങള്‍ നേടിയെടുക്കാനുള്ള യാത്രയാണ് ഓരോരുത്തരുടേയും ജീവിതം. പരിശ്രമം കൊണ്ടു മാത്രം ഒരാള്‍ക്ക് ആ സ്വപ്നങ്ങള്‍ യാഥാര്‍ത്ഥ്യമാക്കാന്‍ കഴിയില്ല. എന്തു പ്രതിസന്ധികള്‍ നേരിട്ടാലും എത്ര തവണ പരാജയപ്പെട്ടാലും ഒരുനാള്‍ ഇത് നേടിയെടുക്കാന്‍ സാധിക്കും എന്ന വിശ്വാസം വേണം.
ഇത്തരത്തില്‍ ശക്തമായൊരു ചിന്ത മനസ്സില്‍ രൂപപ്പെടുമ്പോള്‍ മാത്രമേ ഒരാള്‍ക്ക് വിജയത്തിലേയ്ക്ക് എത്തിച്ചേരാന്‍ സാധിക്കുകയുള്ളൂ. അതിനാല്‍ മനസ്സില്‍ ശുഭചിന്തകള്‍ നിറയട്ടെ. അതുവഴി ധൈര്യവും ആത്മവിശ്വാസവും വളരട്ടെ. അപ്പോള്‍ മാത്രമേ കടന്നു പോകുന്ന ഓരോ വഴിയിലും വിജയത്തിന്‍റെ പാദമുദ്രകള്‍ പതിപ്പിക്കാന്‍ നിങ്ങള്‍ക്ക് സാധിക്കുകയുള്ളൂ.
continue reading.
ഉന്നത സ്ഥാനങ്ങളിൽ എത്തിയ ഇന്ത്യയിലെ പ്രമുഖരായ വനിത സംരംഭകർ
സ്വന്തമായി ബിസിനസ്സ് കെട്ടിപ്പടുക്കി അത് അറിയപെടുന്ന ഒരു ബ്രാൻഡ് ആക്കാനും അതിലൂടെ ലോകം അറിയെപ്പടുന്ന കുറച് വനിത സംരംഭകരെ പരിചയപ്പെടാം. ## 1. വിദ്യ വെങ്കിട്ടരാമൻ (Founder & CEO, Meraki & Co.)  സ്വന്തമായി ബിസിനസ്സ് കെട്ടിപ്പടുക്കാനും വളർത്താനും സഹായിക്കുന്നതിൽ കടുത്ത അഭിനിവേശമുള്ള സ്ത്രീകളുടെ ഉടമസ്ഥതയിലുള്ള ഏജൻസികൾ ഉണ്ടാക്കിയെടുത്തു അത് ഒരു വൻ വിജയമായിരുന്നു. സോഷ്യൽ മീഡിയ മാർക്കറ്റിംഗ്, ഗ്രാഫിക് ഡിസൈനിംഗ്, ഫ്രാഞ്ചൈസി കൺസൾട്ടൻസി, പിആർ, കണ്ടന്റ് റൈറ്റിംഗ്, ഫോട്ടോ ഷൂട്ടുകൾ, വീഡിയോ ഷൂട്ടുകൾ, ഇൻഫ്ലുവൻസർ മാർക്കറ്റിംഗ്, പാക്കേജിംഗ്, വെബ്‌സൈറ്റ് ഡെവലപ്‌മെന്റ്, മറ്റ് ബ്രാൻഡിംഗ് എന്നിവയുടെ സഹായത്തോടെ, അവരുടെ ടീം 50-ലധികം ബിസിനസ്സുകളെ വളർത്തിയെടുത്തു . ഇതെല്ലാം ഓൺലൈൻ വിവേചനക്ഷമത വർദ്ധിപ്പിക്കാൻ സഹായിച്ചിട്ടുണ്ട്. ## 2. അനാമിക സെൻഗുപ്ത (Founder, Almitra Tattva and Co-Founder, Almitra Sustainables)  അനാമിക സെൻഗുപ്ത അൽമിത്ര തത്വo എന്ന സ്ഥാപനത്തിന്റെ സ്ഥാപകയും അൽമിത്ര സസ്‌റ്റൈനബ്ൾസ് എന്ന സ്ഥാപനത്തിന്റെ സഹ സ്ഥാപകയും കൂടി ആണ്. സ്ത്രീകളേയും മാതൃത്വത്തേയും കുറിച്ചുള്ള സ്റ്റീരിയോടൈപ്പിക് ചിന്തകൾ മാറ്റി, അവൾ മാതൃത്വത്തെ തന്റെ ഏറ്റവും ശക്തമായ സംരംഭം ആക്കിമാറ്റി. ## 3. റാണിയാ ലാംപൗ (Global Educator & STEM Instructor, Greek Astronomy and Space Company - Annex Salamis)  ഇവർ ഗ്രീക്ക് വിദ്യാഭ്യാസ, മതകാര്യ മന്ത്രാലയത്തിലും ജോലി ചെയ്യുന്നു. കൂടാതെ ന്യൂറോ വിദ്യാഭ്യാസത്തിൽ ആവേശഭരിതയായ ഗവേഷകയാണ്. ഇവർക്ക് നിരവധി ദേശീയ അന്തർദേശീയ ബഹുമതികൾ ലഭിച്ചിട്ടുണ്ട് . ഇതുവരെ 63 സമ്മാനങ്ങൾ ലഭിച്ചിട്ടുണ്ട്, കൂടാതെ “ഗ്ലോബൽ ടീച്ചർ അവാർഡ് 2020” (എ കെ എസ് അവാർഡ്) ജേതാവും “ഗ്ലോബൽ ടീച്ചർ പ്രൈസ് ഫൈനൽലിസ്റ്റ് 2019” (വർക്കി ഫൗണ്ടേഷൻ) കൂടിയാണ്. ## 4. സെറൈൻ ഖലീലി (Founder, Zorains Studio & Academy)  ഹെയർ മേക്കപ്പ് വ്യവസായത്തിന്റെ മേഖലയെ ശാക്തീകരിച്ച്, ഇന്ത്യയിലെ ആദ്യത്തെ സമ്പൂർണ ഡിജിറ്റൽ സജ്ജീകരണ പരിശീലന അക്കാദമിയുടെ സ്ഥാപകയായി സോറൈൻ മാറി. പല പ്രമുഖ മോഡലുകളെയും സിനിമ രംഗത്തുള്ളവരെയും അണിയിച്ചൊരുക്കാൻ അവസരം ലഭിച്ചിട്ടുണ്ട്. ## 5. സുഷ്മിത ഗൗഡ (Founder, Mirakki Hair Care)  സുസ്മിത ഗൗഡ ഒരു ബഹുമുഖ കരിയർ ഉള്ള ഒരു യുവ സംരംഭകയാണ്. ബിരുദം നേടിയ ശേഷം, ദീർഘ കാലത്തെ സംരംഭകത്വ സഹജാവബോധം ഒരു ഹെയർ കെയർ ബ്രാൻഡ് "മിറാക്കി" തുടങ്ങാൻ ഇവരെ പ്രേരിപ്പിച്ചു, താമസിയാതെ അതിവേഗം വളർന്ന് ഇന്ന് അത് ഇന്ത്യയിലുടനീളം ഏറ്റവുമധികം വിറ്റഴിക്കപ്പെടുന്ന മുടി സംരക്ഷണ ഉൽപ്പന്നങ്ങളിൽ ഒന്നായി മാറിക്കഴിഞ്ഞു. ## 6. സാരിത സിങ് (Managing Trustee, Priyadarshani Group of Schools)  ഒരു സംരംഭകയും പ്രിയദർശിനി ഗ്രൂപ്പ് ഓഫ് സ്ക്കൂൾസ്ന്റെ മാനേജിങ് ട്രസ്റ്റിയും ഒരു വിദ്യാഭ്യാസ പ്രവർത്തകയുമാണ് സരിതാ സിംഗ്, പ്രസിദ്ധീകരണം, വിനോദം, നിക്ഷേപം എന്നീ മേഖലകളിൽ ഒരു നല്ല നിർമ്മാതാവിന്റെയും പങ്ക് നിർവ്വഹിച്ചിട്ടുണ്ട്. ## 7. ഷീലാ എം ബജാജ് (Founder, Sheelaa M Bajaj)  ഷീല എം ബജാജ്, ഒരു നല്ല സംരംഭകയാണ്.അവളുടെ ഏറ്റവും പുതിയ സ്റ്റാർട്ടപ്പ് ലോകത്തിലെ ഏറ്റവും വലിയ ദൈവിക മാർഗനിർദേശ പ്ലാറ്റ്‌ഫോമാണ്, ഇതിലൂടെ വളരെ ഉന്നതിയിലെത്തി ചേരാനും അവരുടെ ജീവിതത്തിൽ ഏറ്റവും താഴെയുള്ള ആളുകളെ ശാക്തീകരിക്കാനും നയിക്കാനും പരിവർത്തനം ചെയ്യാനും അവർക്കു കഴിഞ്ഞു. ഷീല, ഒരു രചയിതാവ്, റേഡിയോ, ടിവി അവതാരക, ലൈഫ് കോച്ച്, മോട്ടിവേഷണൽ സ്പീക്കർ, ടാരോട്ട്, ഫെങ് ഷൂയി ഗ്രാൻഡ് മാസ്റ്റർ എന്ന നിലയിലും അറിയപ്പെടുന്ന ഒരു വ്യക്തി ആയിരുന്നു . ## 8. പാരിധി ഗോയൽ (Co-Founder, Love Earth Skincare)  ഒരു യുവ സംരംഭകയായ പരിധി ഗോയൽ, ലവ് എർത്ത് സ്കിൻകെയറിന്റെ സ്ഥാപക കൂടി ആണ്. 2016-ൽ ഇരുപത്തി ഒന്നാം വയസ്സിൽ അവർ അവരുടെ ബ്രാൻഡ് ആരംഭിച്ചു, 4 വർഷത്തിനുള്ളിൽ, ഇന്ത്യയിലുടനീളം ഏറ്റവുമധികം വിറ്റഴിക്കപ്പെടുന്ന ചർമ്മസംരക്ഷണ ബ്രാൻഡുകളിൽ ഒരു നല്ല സ്ഥാനം നേടിയെടുക്കാൻ ഈ ഉത്പന്നങ്ങൾക്ക് സാധിച്ചു. ## 9. യുക്തി നാഗ്പാൽ (Director, Gulshan)  ഇവർ നല്ല ഒരു ജീവിത ശൈലി എന്ന ആശയത്തെ ശാക്തീകരിക്കുന്നു, റിയൽ എസ്റ്റേറ്റ് രംഗത്തെ പ്രമുഖരുടെ പുതിയ വിശ്വാസ പ്രമാണത്തിന്റെ വരവ് "ഗുൽഷൻ"എന്ന സ്ഥാപനത്തിന്റെ ഡയറക്ടർ ശ്രീമതി യുക്തി നാഗപാൽ പ്രഖ്യാപിച്ചു കഴിഞ്ഞിരുന്നു. ശക്തമായ ഇച്ഛാശക്തിയുള്ള ചലനാത്മക നേതാവാണ് യുക്തി. ഒരു കൂട്ടായ സമൂഹമെന്ന നിലയിൽ പരിസ്ഥിതി സൗഹൃദ ചുവടുകൾ മുദ്രകുത്തുന്നതിന് ക്രിയാത്മകമായ സമീപനം സ്വീകരിക്കാനും താമസക്കാരെ പ്രാപ്തരാക്കുന്ന 'Home Konnect' പോലുള്ള സംരംഭങ്ങളുടെ ആശയത്തിന് അവർ തുടക്കമിട്ടു. ## 10. ഗൗതമി ബൽരാജ് (Co-Founder, Mirakki)  ജനങ്ങളുടെ ഇടയിലുള്ള ഒരു വ്യക്തി, ഒരു സംരംഭക , ഒരു സോഷ്യൽ മീഡിയ പ്രേമി, എല്ലാറ്റിനുമുപരിയായി വിവിധ സാമൂഹിക ആവശ്യങ്ങൾക്കായി, പ്രത്യേകിച്ച് തെരുവ് നായ്ക്കളുടെ ക്ഷേമത്തിനായി വളരെ നന്നായി പ്രവർത്തിക്കുന്ന ഒരു മനുഷ്യസ്നേഹികൂടിയാണിവർ. എല്ലാ സാഹചര്യങ്ങളിലും ശാന്തത പാലിക്കുകയും ബ്രാൻഡിന്റെ വളർച്ചയ്ക്കായി അവരുടെ മികച്ചതും അതിലേറെ ആത്മാർത്ഥയോടെ കാര്യങ്ങൾ മുന്നോട്ടുകൊണ്ട് പോവാനും തന്റെ ടീമുമായി നല്ല ബന്ധം സ്ഥാപിക്കുന്നതിലും ആളുകമായി അടുത്ത് ഇടപഴകാനും ഇവർക്ക് കഴിഞ്ഞിരുന്നു. ## 11. ഷഹനാസ് ഹുസൈൻ (Founder, Chairperson & MD, The Shahnaz Husain Group)  ഇന്ത്യയിലെ പ്രമുഖ സൗന്ദര്യവർദ്ധക ഉത്പന്നങ്ങളുടെ ബ്രാൻഡ് ആയ ഷഹനാസ് ഹുസൈൻ ഗ്രൂപ്പിന്റെ സ്ഥാപകയും ചെയർപേഴ്സണും മാനേജിംഗ് ഡയറക്ടറുമാണ് ഷഹനാസ് ഹുസൈൻ. ഹെർബൽ ബ്യൂട്ടി കെയർ പ്രസ്ഥാനത്തിന് തുടക്കമിട്ടതിനും ആയുർവേദത്തിന്റെ ഇന്ത്യൻ ഹെർബൽ പൈതൃകം ലോകമെമ്പാടും എത്തിക്കുന്നതിനും അവർക്ക് അന്താരാഷ്ട്ര അംഗീകാരം ലഭിച്ചു. വാണിജ്യ പരസ്യങ്ങളില്ലാതെ ഒരു അന്താരാഷ്ട്ര ബ്രാൻഡ് സ്ഥാപിക്കുന്നതിന്റെ വിജയഗാഥയെക്കുറിച്ച് സംസാരിക്കാൻ ഹാർവാർഡ് ബിസിനസ് സ്കൂൾ ഇവരെ ക്ഷണിക്കുക ഉണ്ടായി, കൂടാതെ അതിന്റെ പാഠ്യപദ്ധതിയിൽ ഉൾപ്പെടുത്തിയിട്ടുള്ള ഒരു ഹാർവാർഡ് കേസ് സ്റ്റഡി നടത്തുകയും ചെയ്തിരുന്നു. ഇവർ സക്സസ് മാഗസിന്റെ "ലോകത്തിലെ ഏറ്റവും മികച്ച വനിതാ സംരംഭക" അവാർഡ് നേടി.പലയിടത്തും ഒരു അദ്ധ്യാപികയായും തുടർന്നിരുന്നു .പ്രയാഗ്‌രാജിലെ സെന്റ് മേരീസ് കോൺവെന്റ് ഇന്റർ കോളേജിലാണ് ഷഹനാസ് പഠിച്ചത്. ## 12. ഫാൽഗുനി നായർ (Founder & CEO, Nykaa)  ഫാൽഗുനി നായർ (ജനനം: ഫെബ്രുവരി 19, 1963)പ്രമുഖ ബ്യൂട്ടി ആന്റ് ലൈഫ്‌സ്‌റ്റൈൽ റീട്ടെയിൽ കമ്പനിയായ നൈകയുടെ സ്ഥാപകയും സി ഇ ഒ യും ആയ ഒരു ഇന്ത്യൻ ബിസിനസ്സുകാരിയും, ശതകോടിശ്വരിയും ആണ്. "നയ്ക "ജനങ്ങൾ വളരെ അധികം ഇഷ്ടപെടുന്ന ബ്രാൻഡ് കൂടി ആണ്. ## 13. അദിതി ഗുപ്ത (Co-Founder, Menstrupedia Comic)  അദിതി ഗുപ്ത ഒരു ഇന്ത്യൻ എഴുത്തുകാരിയും മെൻസ്ട്രുപീഡിയ കോമിക്സിന്റെ സഹസ്ഥാപകയുമാണ്. അവളും ഭർത്താവും നാഷണൽ ഇൻസ്റ്റിറ്റ്യൂട്ട് ഓഫ് ഡിസൈൻ അലുമിനിയും ചേർന്ന് 2012ൽ മെൻസ്ട്രുപീഡിയ കോമിക് സ്ഥാപിച്ചു. ## 14. വന്ദന ലൂത്ര (Founder, VLCC)  വന്ദന ലൂത്ര ഒരു ഇന്ത്യൻ സംരംഭകയും വി.എൽ.സി.സി ഹെൽത്ത് കെയർ ലിമിറ്റഡിന്റെ സ്ഥാപകയുമാണ്. പ്രധാനമന്ത്രി കൗശൽ വികാസ് യോജന സ്കീമിന് കീഴിൽ പരിശീലനം നൽകുന്ന ബ്യൂട്ടി & വെൽനസ് സെക്ടർ സ്കിൽ കൗൺസിലിന്റെ (B&WSSC) ചെയർപേഴ്സൺ കൂടിയാണ് ഇവർ. പശ്ചിമ ബംഗാളിലെ കൊൽക്കത്തയിൽ ജനിച്ച വന്ദന ജർമ്മനി, യുകെ, ഫ്രാൻസ് എന്നിവിടങ്ങളിൽ ഉന്നത വിദ്യാഭ്യാസം നേടി, സൗന്ദര്യം, ശാരീരികക്ഷമത, ഭക്ഷണം, പോഷകാഹാരം, ചർമ്മസംരക്ഷണം, സൗന്ദര്യo,വ്യവസായം എന്നിവയെക്കുറിച്ച് ധാരാളം കാര്യങ്ങൾ പഠിച്ചു. 2013ൽ, ബിസിനസ് ലോകത്തിന് നൽകിയ സമഗ്ര സംഭാവനയ്ക്ക് അവർക്ക് പത്മശ്രീ നൽകി ആദരിച്ചു. ## 15. രാധിക ഘായ് അഗർവാൾ (Internet Entrepreneur)  ഒരു ഇന്റർനെറ്റ് സംരംഭകയും യൂണികോൺ ക്ലബിൽ പ്രവേശിച്ച ഇന്ത്യയിലെ ആദ്യ വനിതയുമാണ് ഇവർ.2011-ൽ സിലിക്കൺ വാലിയിൽ സ്ഥാപിതമായ ഓൺലൈൻ മാർക്കറ്റ് പ്ലേസ് ഷോപ്പ്ക്ലൂസിന്റെ സഹസ്ഥാപകയാണ്.നിലവിൽ കമ്പനിയുടെ ചീഫ് ബിസിനസ് ഓഫീസറായി സേവനമനുഷ്ഠിച്ചു വരുന്നു. ## 16. കിരൺ മജുംദാർ-ഷാ (Founder & Chairperson, Biocon)  കിരൺ മജുംദാർ-ഷാ (ജനനം 23 മാർച്ച് 1953) ശതകോടിശ്വരിയായ ഒരു ഇന്ത്യൻ സംരംഭക കൂടിയാണ് അവർ ബയോകോൺ ലിമിറ്റഡിന്റെയും ബയോകോയുടെയും എക്‌സിക്യൂട്ടീവ് ചെയർപേഴ്സണും, സ്ഥാപകയും കൂടിയാണ്. ## 17. ഇന്ദ്ര നൂയി  ചെന്നൈയിലാണ് ഇന്ദ്ര നൂയി ജനിച്ചതും വളർന്നതും. 1974-ൽ മദ്രാസ് ക്രിസ്ത്യൻ കോളേജിൽ നിന്ന് സയൻസിൽ ബിരുദം നേടി. പിന്നീട് യേൽ യൂണിവേഴ്‌സിറ്റിയിൽ നിന്ന് പബ്ലിക് മാനേജ്‌മെന്റിൽ ബിരുദാനന്തര ബിരുദവും കൊൽക്കത്തയിലെ ഐഐഎമ്മിൽ നിന്ന് ഫിനാൻസ് ആൻഡ് മാർക്കറ്റിംഗിൽ ബിരുദാനന്തര ബിരുദവും നേടി. പ്രമുഖ ജോൺസൺ ആന്റ് ജോൺസൺ ബ്രാൻഡ് പ്രൊഡക്റ്റ് മാനേജറായി കരിയർ ആരംഭിച്ച ഇവർ പിന്നീട് മോട്ടറോള, ആസിയ ബ്രൗൺ ബൊവേരി എന്നിവയുൾപ്പെടെ നിരവധി കമ്പനികളിൽ പ്രധാന സ്ഥാനങ്ങൾ നിർവഹിച്ചിരുന്നു. 1994-ൽ പെപ്‌സികോയിൽ ചേർന്ന അവർ 2006-ൽ സ്റ്റീവൻ റെയ്ൻമുണ്ടിന് പകരമായി സി ഇ ഒ ആയി. 44 വർഷത്തിനിടെ പെപ്‌സികോയുടെ അഞ്ചാമത്തെ സിഇഒ ആയിരുന്നു ഇന്ദ്ര നൂയി. അവളുടെ ബിസിനസ്സ് നേട്ടങ്ങൾക്ക് അഭിമാനകരമായ 'പത്മഭൂഷൺ' അവാർഡും അവർക്ക് ലഭിച്ചു. ## 18. ഋതു കുമാർ  പത്മശ്രീ അവാർഡ് നേടിയ ഫാഷൻ ഡിസൈനറായ ഋതു കുമാർ ഫാഷൻ ഡിസൈനിങ് നെ അവിടെയുള്ള നിരവധി സ്ത്രീകൾക്ക് ഒരു തൊഴിൽ നേടികൊടുത്തു ജനപ്രിയമാക്കി. ആഗോള ഫാഷൻ രംഗത്ത് ഇന്ത്യയുടെ ഫാഷൻ ഒരു മുഖമുദ്ര പതിപ്പിക്കുന്നുണ്ടെന്ന് അവർ ഉറപ്പാക്കുകയും ചെയ്തു. പരമ്പരാഗത ഇന്ത്യൻ ഡിസൈനുകളും സമകാലിക ഫാഷനും മിശ്രണം ചെയ്യുന്നതിൽ അവർ പ്രശസ്തയാണ്. ഓൺലൈൻ ഫാഷൻ ബിസിനസും വിജയകരമായി കെട്ടിപ്പടുത്തു ഉയർത്തിക്കൊണ്ടു വരാൻ കഴിഞ്ഞു. ## കേരളത്തിലെ പ്രമുഖരായ വനിത സംരംഭകർ : ### 1. ഷെയ്‌ല കൊച്ചൗസേപ് ചിറ്റിലപ്പള്ളി (MD, V-Star) കേരളത്തിൽ നിന്നുള്ള ഏറ്റവും അറിയപ്പെടുന്ന വനിതാ സംരംഭകരിൽ ഒരാളായ ഷെയ്‌ല ഇവരുടെ കമ്പനിയായ വി സ്റ്റാർ ഇപ്പോൾ 75 കോടിയുടെ ബിസിനസ്സാണ് ഇന്ന് കേരളത്തിൽ നടത്തിവരുന്നത്. നല്ല ബ്രാൻഡഡ് സാധനങ്ങൾ ആണ് വിപണിയിൽ എത്തിക്കുന്നത് അത് കൊണ്ട് തന്നെ ഇവർക്ക് കേരളത്തിൽ മുൻ നിരയിൽ എത്തി പെടാൻ കഴിഞ്ഞിരിക്കുന്നു. ### 2. ബീന കണ്ണൻ (CEO, Seematti) വസ്ത്ര വ്യാപാര സ്ഥാപനങ്ങളിൽ ഇന്ന് സുപരിചിതമായ പേരാണ് ശീമാട്ടി എന്ന വസ്ത്ര സ്ഥാപനത്തിനുള്ളത് , ബീന കണ്ണനും ഇവരുടെ അർപ്പണബോധവും കഠിനാധ്വാനവും ഇവരുടെ ബ്രാൻഡിനെ ഒരു ചെറിയ സാരി ഷോപ്പിൽ നിന്ന് കേരളത്തിലെ ഏറ്റവും കൂടുതൽ ആവശ്യപ്പെടുന്ന സാരി റീടൈലർ പദവിയിലേക്കും, ഇവരെ പ്രമുഖ സാരി ഡിസൈനറും ആക്കി മാറ്റാൻ കഴിഞ്ഞിരിക്കുന്നു. ### 3. ഹർഷ തച്ചേരി (Founder & CEO, Masalabox) ആരോഗ്യകരമായ ഭക്ഷണ നൽകുക എന്ന ഒരു നിരർത്ഥകമായ അന്വേഷണമാണ് പ്രമുഖ ഭക്ഷണ ഉത്പന്ന ബ്രാൻഡ് ആയ മസാല ബോക്‌സ്‌ എന്ന ആശയം അവർക്ക് നൽകിയത്. ഇത് ഇപ്പോൾ കേരളത്തിലെ ഒരു പ്രീമിയം ഭക്ഷണ ശൃംഖലയാണ്, ഹോം ഷെഫുകളെ ഉപഭോക്താക്കളുമായി ബന്ധിപ്പിക്കുന്ന ഒരു സ്ഥാപനം കൂടിയാണിത്. ### 4. വീണ ഗിൽ (CEO, 3D Bricks) ഐടി വ്യവസായത്തിൽ 5 വർഷം ജോലി ചെയ്ത ശേഷം വീണാ ഗിൽ കേരളത്തിൽ തിരിച്ചെത്തി ഇന്റീരിയർ ഡിസൈൻ സ്ഥാപനo ആയ 3D ബ്രിക്സ് സ്ഥാപിച്ചു. കേരളത്തിലെ തിരുവനന്തപുരം ആസ്ഥാനമായി പ്രവർത്തിക്കുന്ന ഇത് ആർക്കിടെക്റ്റുകൾക്കും, ആഗോള നിർമ്മാണ സ്ഥാപനങ്ങൾക്കും വേണ്ടി 3D ആർക്കിടെക്ചറൽ വിഷ്വലൈസേഷൻ സൃഷ്ടിക്കുന്ന മുൻ നിരയിൽ പ്രവർത്തിക്കുന്ന ഒരു ഡിസൈൻ സ്ഥാപനമായി ഇന്ന് ഇതു മാറിയിരിക്കുന്നു.
നേരത്തെയുള്ള റിട്ടയര്‍മെന്‍റ് എങ്ങനെ പ്ലാന്‍ ചെയ്യാം?
റിട്ടയര്‍മെന്‍റ്. ജോലിയില്‍ നിന്നും വിരമിക്കല്‍. 60 വയസ്സ് വരെ സര്‍ക്കാര്‍ ജോലി ചെയ്ത് ശിഷ്ട ജീവിതം കുടുംബത്തോടൊപ്പം ചിലവഴിക്കാന്‍ വേണ്ടി ജോലിയില്‍ നിന്നും വിരമിക്കുന്നു. ഇതായിരുന്നു കുറച്ചു നാള്‍ മുന്‍പ് വരെ വിരമിക്കല്‍ എന്ന വാക്ക് കേട്ടാല്‍ മനസ്സിലേക്ക് ഓടിവരുന്നത്. എന്നാല്‍ ഇന്ന് കാലം മാറി. എല്ലാ നാളും ജോലി ചെയ്ത് ജീവിക്കണം എന്ന നിര്‍ബന്ധം ഇല്ലാത്ത പുതിയ തലമുറയാണ് ഇന്ന്. ഇപ്പോള്‍ 60 വയസ്സുവരെയൊന്നും കാത്തു നില്‍ക്കാതെ നേരത്തെ തന്നെ ചെയ്യുന്ന ജോലിയോട് വിടപറയുന്ന പ്രവണതയുണ്ട്. പലര്‍ക്കും പല കാരണങ്ങള്‍ ആകാം. ജീവിതാവസാനം വരെ മറ്റൊരാളുടെ കീഴില്‍ പണിയെടുത്ത് കഴിയണ്ട എന്ന തീരുമാനം ആകാം, ചിലപ്പോള്‍ തങ്ങളുടെ പാഷന്‍ അനുസരിച്ച് മറ്റൊരു രീതിയില്‍ ജീവിക്കാനുമാകാം. വിരമിക്കല്‍ എന്ന കാര്യം എപ്പോഴും ശ്രദ്ധയോടെ ചെയ്യേണ്ടതാണ്. നേരത്തെയുള്ള വിരമിക്കല്‍ കൂടുതല്‍ അച്ചടക്കത്തോടെയും ശ്രദ്ധയോടെയും ചെയ്യേണ്ടതാണ്. അതിന് എന്തൊക്കെ ശ്രദ്ധിക്കാം എന്നു നമുക്ക് നോക്കാം. ## 1. നേരത്തെ തുടങ്ങാം  ഒരു ജോലിയില്‍ നിന്നു എപ്പോള്‍ വിരമിക്കണം എന്നത് തീരുമാനിച്ചു കഴിഞ്ഞാല്‍ അതിനുള്ള ആസൂത്രണം അപ്പോള്‍ തന്നെ തുടങ്ങുക എന്നതാണു ഉചിതമായ കാര്യം. ചിലപ്പോള്‍ അത് വരുമാനം കിട്ടി തുടങ്ങിയ ആദ്യ നാളുകളില്‍തന്നെയാകാം. വാര്‍ദ്ധക്ക്യ കാലത്ത് വിരമിക്കുന്നവരെക്കാള്‍ അപകട സാധ്യത കൂടുതലാണ് നേരത്തെ വിരമിക്കല്‍ ചിന്തിക്കുന്നവര്‍ക്ക്. അതുകൊണ്ടുതന്നെ, പാഴാക്കുന്ന ഓരോ വര്‍ഷവും വിരമിക്കുന്ന സമയത്തുള്ള ടെന്‍ഷന്‍ വര്‍ദ്ധിപ്പിക്കും. ആസൂത്രണത്തിലെ ആദ്യ പടി, വിരമിച്ചു കഴിയുന്ന സമയത്ത് എത്രത്തോളം ചിലവുകള്‍ ഉണ്ടാകും എന്നാ ധാരണ വേണം. വിരമിച്ചു കഴിഞ്ഞുള്ള ഓരോ മാസവും ഭക്ഷണത്തിനും, താമസത്തിനും, വസ്ത്രത്തിനും, ഇന്‍ഷുറന്‍സിനും, യാത്രകള്‍ക്കും ഒക്കെ എത്രയാകുമെന്ന ധാരണയാണ് വേണ്ടത്. അപ്പോള്‍ കടങ്ങളുണ്ടെങ്കില്‍ അതും ഈ ചിലവുകളില്‍ ഉള്‍ക്കൊള്ളിക്കണം. ഇത് കൂടാതെ, മാനസ്സികോല്ലാസത്തിനും, പൂര്‍ത്തികരിക്കേണ്ട ആഗ്രഹങ്ങള്‍ക്ക് വരുന്ന ചിലവുകളും കണക്കുകൂട്ടി വയ്ക്കണം. നാണയപ്പെരുപ്പവും ഭാവിയിലുള്ള ഉത്തരവാദിത്തങ്ങളും നേരത്തെ കണക്കുകൂട്ടാന്‍ പറ്റില്ലെങ്കിലും ഒരു ഏകദേശ ധാരണ വയ്ക്കുന്നതാണ് ഉത്തമം. ## 2. മിതവിനിയോഗം ശീലമാക്കാം  വിരമിക്കുന്ന സമയത്ത് സമ്പാദ്യമായി കയ്യില്‍ പണം വേണമെങ്കില്‍, ഇപ്പോള്‍ മുതല്‍ പണത്തിന്റെ വിനിയോഗം മിതമാക്കി നിര്‍ത്താം. സേവിങ്സ് എന്നത് എപ്പോഴും ഒരു മുതല്‍ക്കൂട്ടാണ്. മിച്ചം പിടിക്കുന്ന ഓരോ രൂപയും സമ്പാദ്യമാണ്. അത് കൊണ്ട് ഓരോ രൂപയും മിച്ചം വച്ച് വേണം വിരമിക്കലിനെക്കുറിച്ച് ആലോചിക്കാന്‍. കുറച്ചു ചിലവഴിച്ച് കൂടുതല്‍ സമ്പാദിക്കാൻ നോക്കാം. അങ്ങനെ ചെയ്തു ശീലിച്ചാല്‍ വിരമിക്കല്‍ നേരത്തെയാകാം. നമ്മുടെ ജീവിതത്തില്‍ നിസാരമെന്ന് തോന്നുന്ന കാര്യങ്ങളില്‍ തന്നെ മിതത്വം പാലിച്ചാല്‍ നമുക്ക് ആ ലക്ഷ്യത്തില്‍ എത്താവുന്നതേയുള്ളൂ. പലപ്പോഴും ഓഫീസിലേക്കും മറ്റുമുള്ള യാത്രകള്‍ക്ക് പൊതുഗതാഗത മാര്‍ഗങ്ങള്‍ ഉപയോഗിക്കാം. സ്വന്തം വാഹനത്തില്‍ തന്നെ യാത്ര ചെയ്യണം എന്ന നിര്‍ബന്ധം കാരണം പലരും ലോണ്‍ ഒക്കെ എടുത്ത് വാഹനം വാങ്ങുകയും, അതിനും അതിന്റെ പരിചരണത്തിനുമായി ശമ്പളത്തിന്റെ ഏറിയ പങ്കും മാറ്റി വയ്ക്കേണ്ടി വരികയും ചെയ്യുന്നു. പട്ടണങ്ങളില്‍ ഷെയറിങ് ക്യാബുകളും മറ്റും ഉപയോഗിക്കുന്നതിലൂടെ പണം മിച്ചം പിടിക്കാന്‍ പറ്റും. ചിലപ്പോള്‍ നിസ്സാരമെന്ന് തോന്നുന്നെങ്കിലും, പുറത്ത് നിന്നുള്ള ഭക്ഷണം കഴിക്കുന്നത് കുറയ്ക്കുകയും, അതുവഴി പണം ലാഭിക്കുകയും ആരോഗ്യം സംരക്ഷിക്കുകയും ചെയ്യാം. ആവശ്യ സാധനങ്ങള്‍ മാത്രം വാങ്ങുക എന്നതും നല്ല ശീലം തന്നെയാണ്. അനാവശ്യ ചിലവുകള്‍ ഒഴിവാക്കി സമ്പാദ്യത്തിലേക്ക് മാറ്റിവയ്ക്കാം. ബാങ്കുകളും മറ്റും ഇപ്പോള്‍ എല്ലാ കാര്യങ്ങള്‍ക്കും പെട്ടെന്നു തന്നെ ലോണ്‍ തരപ്പെടുത്തി തരുന്നുണ്ട്. പല സാധനങ്ങളും തവണ വ്യവസ്ഥയില്‍ വാങ്ങാവുന്നതും ആണ്. പക്ഷേ, ഇത്തരം വലയില്‍ വീണാല്‍ ജീവിതം മുഴുവന്‍ തവണകള്‍ അടച്ചു തീരുകയും വിരമിക്കലിന് ശേഷമുള്ള സമ്പാദ്യം ഒന്നുമില്ലാതെ വരികയും ചെയ്യുന്നു. ജീവിതം ഒരു ബഡ്ജറ്റിൽ ജീവിക്കാന്‍ ശ്രമിക്കാം. വരവുചിലവ് കണക്കുകള്‍ നോക്കാനൊക്കെ സഹായകരമായ മൊബൈല്‍ ആപ്പുകള്‍ വരെ ഇപ്പോള്‍ സുലഭമാണ്. ## 3. നിക്ഷേപം തുടങ്ങാം  വിദ്യാഭ്യാസ കാലം മുതല്‍ കുഞ്ഞുങ്ങളെ പഠിപ്പിക്കേണ്ട ഒരു കാര്യമാണ് നിക്ഷേപം. എല്ലാവര്‍ക്കും ജോലി ചെയ്യാനും ശമ്പളം വാങ്ങാനും അറിയാം. പക്ഷേ നാളേക്ക് വേണ്ടി നിക്ഷേപിക്കാന്‍ ശീലിക്കുന്നില്ല. നേരത്തേയുള്ള വിരമിക്കല്‍ പ്ലാന്‍ ചെയ്യുമ്പോള്‍ തന്നെ നിക്ഷേപ സാധ്യതകളെക്കുറിച്ചും നമ്മള്‍ ചിന്തിക്കേണ്ടിയിരിക്കുന്നു. സേവിങ്സിന് ഒപ്പം തന്നെ നിക്ഷേപം എന്നതും ഒരുമിച്ച് കൊണ്ടുപോകുന്നതാണ് നല്ലത്. ജീവിതത്തില്‍ നേരത്തെ തന്നെ നിക്ഷേപം നടത്തിത്തുടങ്ങുന്നതാണ് നല്ലത്. കാരണം കൂടുതല്‍ കാലം നിക്ഷേപം കിടക്കും തോറും കൂട്ടുപലിശയുടെ ഗുണം കൂടുതല്‍ കിട്ടുന്നതാണ്. അതേ സമയം, എവിടെ നിക്ഷേപിക്കണം എന്നതും മുഖ്യമാണ്. ഓഹരിയില്‍ നിക്ഷേപിക്കലാണ് ഇപ്പോഴത്തെ ഒരു പ്രവണതയും കൂടുതല്‍ ലാഭകരവും. പല കമ്പനികളുടെ ഓഹരികള്‍ വാങ്ങിക്കൂട്ടുകയോ മൂച്വല്‍ ഫണ്ട്സുകളില്‍ നിക്ഷേപിക്കുകയോ വഴി അത് സാധ്യമാക്കാം. എപ്പോഴും വളരെ അച്ചടക്കത്തോടെയും ദീര്‍ഘകാലത്തേക്കും വേണ്ടി ചെയ്യണ്ടതാണ് ഓഹരി നിക്ഷേപങ്ങള്‍. അത്തരത്തില്‍ നോക്കുമ്പോള്‍ സിസ്റ്റെമാറ്റിക് ഇന്‍വെസ്റ്റ്മെന്‍റ് പ്ലാനുകള്‍(എസ്.ഐ.പി) ആണ് കൂടുതല്‍ നല്ലതെന്നു പറയേണ്ടിവരും. കാരണം എസ്.ഐ.പികളിലൂടെ പണം സമ്പാദിക്കുകയും കൂടാതെ പണം വര്‍ദ്ധിപ്പിക്കുകയും ചെയ്യാം. എത്ര ചെറിയ തുകയിലും നിക്ഷേപം ആരംഭിക്കാം എന്നതാണു ഇതിന്റെ പ്രത്യേകത. ഇതിന്റെ ആനുകൂല്യം മുഴുവനായി ലഭിക്കണമെങ്കില്‍ കൃത്യമായ തവണകളില്‍ ദീര്‍ഘകാലത്തേക്ക് നിക്ഷേപിക്കണം എന്നുമാത്രം. എസ്.ഐ.പിയുടെ സ്വഭാവം ഒരു റെക്കറിങ് ഡെപ്പോസിറ്റിന് സമാനമാണെങ്കിലും അതിനേക്കാള്‍ ലാഭകരമാണ് എന്നാതാണ് എസ്.ഐ.പിയെ ജനപ്രിയമാക്കുന്നത്. എത്രയും നേരത്തേ തുടങ്ങുകയാണെങ്കില്‍ അത്രയും കൂടുതല്‍ ഫലം ഇതില്‍ നിന്നും ലഭിക്കുന്നതാണ്. വിരമിക്കുന്ന സമയത്ത് ഇതൊരു മുതല്‍ക്കൂട്ടായിരിക്കും. സമ്പാദിക്കുന്ന സമയത്ത് കൂടുതല്‍ പണം ലഭിക്കുമ്പോള്‍ എസ്.ഐ.പിയില്‍ നിക്ഷേപിക്കുന്ന അളവും കൂട്ടുവാന്‍ ശ്രമിക്കുക. ഇത്തരം നിക്ഷേപങ്ങളുടെ ചിന്തകള്‍ വിരമിക്കുന്ന കാര്യത്തെ കുറിച്ചുള്ള ചിന്തകളില്‍ തന്നെ ഉള്‍പ്പെടുത്തേണ്ടതാണ്. ## 4. ആരോഗ്യ ഇന്‍ഷുറന്‍സ് എടുക്കാം.  ആരോഗ്യപരിപാലനവും ചികില്‍സാ ചിലവുകളും കൂടിവരുന്ന ഈ കാലത്ത് ആരോഗ്യ ഇന്‍ഷുറന്‍സ് എന്നത് എന്തുകൊണ്ടും ഗുണം ചെയ്യുന്നതാണ്. ജോലി ചെയ്യുന്ന കമ്പനി വക ഇന്‍ഷുറന്‍സുകള്‍ ഉണ്ടെങ്കിലും, അത് ജോലി ഉള്ളപ്പോള്‍ വരെയാണ് ഉപയോഗിക്കാന്‍ പറ്റുന്നത്. വിരമിച്ചു കഴിഞ്ഞതിന് ശേഷം അതിന്റെ ഗുണം ഉണ്ടാവുകയില്ല. അതിനു മറ്റൊരു ആരോഗ്യ ഇന്‍ഷുറന്‍സ് എടുത്തു വയ്ക്കുന്നത് അത്യന്താപേക്ഷിതമാണ്. ആരോഗ്യ ഇന്‍ഷുറന്‍സ് പ്രീമിയങ്ങള്‍ വയസ്സു കൂടും തോറും കൂടികൊണ്ടിരിക്കും. അതുകൊണ്ട് വിരമിച്ചു കഴിഞ്ഞതിന് ശേഷം അതെടുക്കാം എന്ന ആലോചന കൂടുതല്‍ പണച്ചിലാവുണ്ടാക്കുന്നതാണ്. ജീവിത ശൈലീ രോഗങ്ങളുടെ ചികിത്സക്കും മറ്റും ഇന്‍ഷുറന്‍സ് പ്ലാനുകളില്‍ പല നിബന്ധകളും ഉണ്ടാകും. അതുകൊണ്ടു തന്നെ നേരത്തെ തന്നെ ആരോഗ്യ ഇന്‍ഷുറന്‍സ് ചേര്‍ന്നുവയ്ക്കുന്നത് എന്തുകൊണ്ടും അനുയോജ്യമാണ്. ## 5. കടങ്ങള്‍ വരുത്തിവയ്ക്കാതിരിക്കാം  ഒരു ജോലിയില്‍ നിന്നും വിരമിച്ചു നില്‍ക്കുന്ന സമയത്തും, കാര്യമായ വരുമാനം ഇല്ലാത്ത സമയത്തും കടബാധ്യത ഉണ്ടാവുക എന്നത് അത്ര രസകരമായ അവസ്ഥയല്ല. അത് കൂടുതല്‍ ടെന്‍ഷന്‍ ഉണ്ടാക്കുകയെ ഉള്ളൂ. അതിനു പകരമായി റിട്ടയര്‍മെന്‍റിന് ശേഷം ഉപയോഗിക്കാനെടുത്തുവച്ച പണത്തില്‍ നിന്നും എടുത്തു കടം വീട്ടുന്നതും നല്ല ആശയം അല്ല. അതുകൊണ്ടുതന്നെ, കടങ്ങള്‍ വരുത്തിവയ്ക്കാതിരിക്കാന്‍ ശ്രമിക്കുകയോ ഉണ്ടെങ്കില്‍ തന്നെ നേരത്തെ തന്നെ തീര്‍ക്കാനോ ശ്രമിക്കുന്നതാണ് നല്ലത്. ലോണ്‍ ഒക്കെ എടുത്തു പല കാര്യങ്ങളും ചെയ്യുന്നവര്‍, തിരിച്ചടവുകളില്‍ പലിശക്ക് പുറമെ മുതലിലേക്കും കുറച്ചായി അടച്ചുതീര്‍ക്കാന്‍ ശ്രമിക്കുന്നത് നല്ലതായിരിക്കും. അങ്ങനെ ചെയ്യുമ്പോള്‍ ലോണ്‍ എടുത്തത് നേരത്തെ അടച്ചു തീരുകയും, കൂടുതല്‍ പണം സമ്പാദിക്കാനും സാധിക്കും. ## 6. സാമ്പത്തിക ഉപദേഷ്ടാവിനെ കൂടെ കൂട്ടാം  നേരത്തെയുള്ള വിരമിക്കലിന് കടമ്പകള്‍ പലതാണ്. ഒരു സാധാരണക്കാരന് ഉണ്ടാവുന്നതില്‍ കൂടുതല്‍ സാമ്പത്തികമായ അറിവ് ഈ കാര്യത്തില്‍ ആവശ്യമായി വന്നേക്കാം. അങ്ങനെയുള്ള ഒരാളാണ് നിങ്ങളെങ്കില്‍ ഒരു സാമ്പത്തിക ഉപദേഷ്ടാവിനെ കൂടെ കൂട്ടുന്നത് എന്തുകൊണ്ടും ഉത്തമമാണ്. ഒരു നല്ല സാമ്പത്തിക ഉപദേഷ്ടാവിന് നമ്മുടെ ലക്ഷ്യം അനുസരിച്ചുള്ള നല്ല നിക്ഷേപ തന്ത്രങ്ങളും മറ്റും മെനഞ്ഞു തരാന്‍ കഴിയും. നിക്ഷേപങ്ങള്‍ എങ്ങനെയൊക്കെ, എവിടെയൊക്കെ, എത്രയൊക്കെ എന്നത് പറഞ്ഞു മനസ്സിലാക്കി തരുന്നതിലും ഒരു സാമ്പത്തിക ഉപദേഷ്ടാവിന്‍റെ പങ്ക് ചെറുതല്ല. ഇനി വിരമിച്ചു കഴിഞ്ഞതിന് ശേഷവും ഉപദേശങ്ങള്‍ക്കും, ഉള്ള സമ്പാദ്യം നിലനിര്‍ത്താനുമുള്ള കാര്യങ്ങള്‍ക്കും ഒരു സാമ്പത്തിക ഉപദേഷ്ടാവ് സഹായിക്കുന്നതാണ്. എല്ലാം ഒറ്റയ്ക്ക് ചെയ്യാന്‍ കഴിയുന്നില്ലെങ്കില്‍ മാത്രം ഒരു നല്ല സാമ്പത്തിക ഉപദേഷ്ടാവിനെ കണ്ടെത്തുക. ## 7. പദ്ധതിയില്‍ ഉറച്ചുനില്‍ക്കുക.  റിട്ടയര്‍മെന്‍റ് നേരത്തെയാക്കണം എന്നതാണു ഉദ്ദേശമെങ്കില്‍ മുകളില്‍ പറഞ്ഞ കാര്യങ്ങള്‍ ചെയ്യുക മാത്രം പോര, അതെല്ലാം എല്ലായ്പ്പോഴും നടക്കുന്നു എന്നുറപ്പു വരുത്തുകയും വേണം. നിക്ഷേപങ്ങളും സേവിങ്സുകളും എവിടേയും നിന്നുപോകാതെ നോക്കിയാല്‍ മാത്രമേ റിട്ടയര്‍മെന്‍റ് ദിനങ്ങളില്‍ അതിന്റെ മുഴുവന്‍ ആനുകൂല്യങ്ങളും ലഭിക്കുകയുള്ളൂ. അതിനായി ജോലി ചെയ്യുന്ന സമയം തന്നെ ശമ്പളത്തില്‍ നിന്നും എല്ലാ മാസവും ഒരു വിഹിതം സേവിങ്സിലേക്കും നിക്ഷേപങ്ങളിലേക്കും പോകുന്ന പോലെ സെറ്റ് ചെയ്തു വയ്ക്കാം. അപ്പോള്‍ ആ പ്ലാനില്‍ കൂടുതല്‍ ഉറച്ചു നില്‍ക്കുന്നപോലെയാകും. ജീവിതത്തില്‍ നേരത്തെ തന്നെ പ്ലാനിങ് തുടങ്ങി, ഒരു സാമ്പത്തിക വിദഗ്‌ധന്റെ സഹായത്തോടുകൂടി കൃത്യമായ നിക്ഷേപങ്ങളില്‍ നിക്ഷേപിച്ച് വിരമിക്കലിന് വേണ്ടി തയ്യാറെടുക്കുന്നത് കൂടുതല്‍ ഗുണകരമാകും. നേരത്തെയുള്ള വിരമിക്കല്‍ എപ്പോഴും ഒരു കടുത്ത തീരുമാനം ആണ്. പക്ഷേ, കൃത്യമായുള്ള പ്ലാനിങ്ങിലൂടെയും അത് നടത്തിയെടുക്കുന്നതിലൂടെയും ആ പ്രക്രിയ ആയാസകരമാക്കാം.
മാനസിക സമ്മർദ്ദം കൈകാര്യം ചെയ്യാൻ മികച്ച 10 പുസ്തകങ്ങൾ
ഈ ലോകം മുന്നോട്ട് കുതിച്ചു കൊണ്ടിരിക്കുകയാണ്. മനുഷ്യനും വളരെ വേഗത്തിൽ തന്നെ മുന്നോട്ടു പോകേണ്ടി വരുന്നു.വേഗത കൂടിയുള്ള ഈ ഓട്ടത്തിൽ സ്വാഭാവികമായി വന്നുചേരുന്ന ഒന്നാണ് സ്ട്രെസ്സ് അഥവാ മാനസിക പിരിമുറുക്കം (മാനസിക സമ്മർദ്ദം). ഈ കാലഘട്ടത്തിൽ മാനസികപിരിമുറുക്കം അനുഭവിക്കാത്തവർ വിരളമായിരിക്കും. കാരണങ്ങൾ എന്തുമാകട്ടെ, ആ മാനസിക പിരിമുറുക്കങ്ങളിൽ നിന്നും രക്ഷ നേടാനും എല്ലാവരും ആഗ്രഹിക്കുന്നു. അതിനുള്ള വഴികൾ തേടുന്നു. മാനസിക പിരിമുറുക്കം നേരിടാൻ ചിലർ സംഗീതം കേൾക്കും. ചിലർ പുസ്തകം വായിക്കും. അങ്ങനെ മാനസിക പിരിമുറുക്കം കുറയ്ക്കാനുള്ള ചില വഴികൾ ശാസ്ത്രജ്ഞന്മാരും ചിന്തകരും കൂടി കണ്ടെത്തിയിട്ടുണ്ട്. അത്തരത്തിൽ മാനസിക പിരിമുറുക്കം കൈകാര്യം ചെയ്യാനുള്ള വഴികൾ അടങ്ങിയ പത്ത് നല്ല പുസ്തകങ്ങൾ ആണ് താഴെ പരിചയപ്പെടുത്തുന്നത്. ## 1. ഹൗ ടു സ്റ്റോപ്പ് വറീയിങ് ആൻഡ് സ്റ്റാർട്ട് ലിവിംഗ് - ഡേൽ കാർണെഗി  ജീവിത വിജയത്തിൻ്റെ പുസ്തകങ്ങളിൽ രാജാവായി വിചാരിക്കുന്ന പുസ്തകമാണ് ഹൗ ടു സ്റ്റോപ്പ് വറീയിങ് ആൻഡ് സ്റ്റാർട്ട് ലിവിംഗ്. എഴുത്തുകാരനും അധ്യാപകനുമായ ഡേൽ കാർണെഗിയാണ് ഈ പുസ്തകത്തിൻ്റെ രചയിതാവ്. 1948-ൽ പ്രസിദ്ധീകരിച്ച ഈ പുസ്തകത്തിൻ്റെ പുതിയ പതിപ്പുകൾ ഇപ്പോഴും പുറത്തിറങ്ങുന്നുണ്ട് എന്നത് ഈ പുസ്തകത്തിൻ്റെ മഹത്വത്തെ വിളിച്ചോതുന്നു. വായനക്കാരനെ കൂടുതൽ ആസ്വാദ്യകരവും സംതൃപ്തവുമായ ജീവിതത്തിലേക്ക് നയിക്കുക എന്നതാണ് ഈ പുസ്തകത്തിൻ്റെ ലക്ഷ്യം. തങ്ങളെ മാത്രമല്ല ചുറ്റുമുള്ളവരെക്കുറിച്ചും കൂടുതൽ ബോധവാന്മാരാക്കാൻ ഈ പുസ്തകം സഹായിക്കുന്നു. മാനസിക പിരിമുറുക്കം അനുഭവിക്കുന്നവർക്കും എങ്ങനെ ജീവിതം ആസ്വാദ്യകരമാക്കാം എന്നും ഈ പുസ്തകത്തിൽ പറയുന്നുണ്ട്. ഡേൽ കാർണെഗിയുടെ വാക്കുകളിൽ, ന്യൂയോർക്കിലെ ഏറ്റവും അധികം അസന്തുഷ്ടരായ കുട്ടികളിൽ ഒരാളായിരുന്നു അദ്ദേഹം എന്നും അതിനാലാണ് മനുഷ്യർക്ക് ജീവിതത്തിലെ സ്ഥാനം മനസ്സിലാക്കി കൊടുക്കാനും, മനക്ലേശം അനുഭവിക്കാതെ ജീവിക്കാനും പഠിപ്പിക്കുന്ന ഈ പുസ്തകം എഴുതാൻ തീരുമാനിച്ചത്. നിരവധി മനുഷ്യരുമായി അഭിമുഖം നടത്തി അവരുടെ അനുഭവങ്ങളെ പഠിച്ച് നിരവധി സത്യ കഥകളിലൂടെയാണ് കാർണെഗി ജീവിതം രസകരമാക്കാനുള്ള വഴികൾ ഈ പുസ്തകത്തിലൂടെ പറഞ്ഞു തരുന്നത്. ഈ പുസ്തകം ലഭിക്കാൻ : https://www.amazon.in/dp/8175993952/ ഈ പുസ്തകത്തിൻ്റെ മലയാള പരിഭാഷയും വിപണിയിൽ ലഭ്യമാണ് : https://www.indulekha.com/manaklesamillathe-jeevikkunnathengane-dale-carnegie-how-to-stop-worrying-and-start-living ## 2. വൈ സീബ്രാസ് ഡോണ്ട് ഗെറ്റ് അൾസേഴ്‌സ് - റോബർട്ട് എം സപോൾസ്കി  ഈ പുസ്തകത്തിൻ്റെ രസകരമായ തലക്കെട്ട് വായിക്കുമ്പോൾ തന്നെ നമ്മുടെ പിരിമുറുക്കം മാറി മുഖത്ത് ഒരു പുഞ്ചിരി വിടരും. ഈ പുസ്തകത്തിൻ്റെ പുറം ചട്ടയിൽ തന്നെ "മനക്ലേശം മൂലമുള്ള രോഗങ്ങൾക്കും, മനക്ലേശത്തിനെ എങ്ങനെ അഭിമുഖീകരിക്കാം എന്നതിനുമുള്ള മികച്ച മാർഗദർശി" എന്ന് എഴുതിവച്ചിരിക്കുന്നു. അത് തന്നെയാണ് ഈ പുസ്തകവും. 1994-ൽ ആദ്യമായി പ്രസിദ്ധീകരിച്ച ഈ പുസ്തകം എഴുതിയിരിക്കുന്നത് സ്റ്റാൻഫോർഡ് യൂണിവേഴ്സിറ്റിയിലെ ബയോളജിസ്റ്റ് ആയ റോബർട്ട് എം സപോൾസ്കി ആണ്. ഒരു ബായോളജിസ്റ്റ് എഴുതിയത് കൊണ്ടുതന്നെ ഈ പുസ്തകം കൂടുതൽ വിദ്യാഭ്യാസപരമായി രചിക്കപ്പെട്ടിരിക്കുന്നു. സപോൾസ്കിയുടെ വിശദീകരണത്തിൽ : നാം വിഷമിക്കുമ്പോഴോ സമ്മർദ്ദം അനുഭവിക്കുമ്പോഴോ ഒരു സാധാ മൃഗത്തിനുണ്ടാകുന്ന ശാരീരിക പ്രതികരണങ്ങളെ മനുഷ്യരിലും ഉണ്ടാകുന്നുള്ളൂ. പക്ഷേ, മൃഗങ്ങളെപ്പോലെ യുദ്ധത്തിലൂടെയോ ഒടിമാറുന്നതിലൂടെയോ നമ്മൾ ആ സംഘർഷം പരിഹരിക്കുന്നില്ല. കാലക്രമേണ ഈ സമ്മർദ്ദ പ്രതികരണങ്ങൾ നമ്മെ രോഗികളാക്കുന്നു. നർമ്മത്തിൻ്റെയും പ്രായോഗിക ഉപദേശത്തിൻ്റെയും ഭാഷയിലൂടെ ഗവേഷണവും സംയോജിപ്പിച്ച് നീണ്ടുനിൽക്കുന്ന സമ്മർദ്ദത്തിലൂടെ വിഷാദം, അൾസർ, ഹൃദ്രോഗം എന്നിവ വരുന്നത് എങ്ങനെയെന്ന് വിശദീകരിക്കുന്നു നമ്മുടെ സമ്മർദ്ദ പ്രതികരണങ്ങൾ നിയന്ത്രിക്കുന്നതിനുള്ള ആവശ്യ മാർഗനിർദേശങ്ങളും ഈ പുസ്തകം തരുന്നുണ്ട്. ഈ പുസ്തകം ലഭിക്കാൻ : https://www.amazon.in/dp/0805073698 ## 3. ദ അപ്‌സൈഡ് ഓഫ് സ്ട്രെസ്സ് - കെല്ലി മക്ഗോണിഗൽ  2015-ൽ പ്രസിദ്ധീകരിച്ച ഈ പുസ്തകം മാനസിക പിരിമുറുക്കത്തെ മറ്റൊരു രാത്രിയിൽ കാണാൻ ശ്രമിക്കുന്നു. അപ്‌സൈഡ് സ്ട്രെസ്സിൻ്റെ രചയിതാവ് സ്‌റ്റൻഫോഡ് യൂണിവേഴ്സിറ്റിയിലെ അധ്യാപികയും ഹെൽത്ത് സൈക്കോളജിസ്റ്റുമായ കെല്ലി മക്ഗോണിഗൽ ആണ്. മാനസിക പിരിമുറുക്കം മോശമല്ല എന്നതാണ് കെല്ലി മക്ഗോണിഗൽ ഈ പുസ്തകത്തിലൂടെ പറയാൻ ശ്രമിക്കുന്നത്. സമ്മർദ്ദം ശരീരത്തിന് ബുദ്ധിമുട്ടുണ്ടാക്കുമെങ്കിലും, അത് വളരാനും കൂടുതൽ പ്രതിരോധശേഷിയുള്ളവരാകാനും നമ്മെ സഹായിക്കുമെന്ന് കെല്ലി പറയുന്നു. ഒരാൾക്ക് കൂടുതൽ ശ്രദ്ധ കൊടുക്കാനും വ്യക്തിബന്ധങ്ങളെ ദൃഢമാക്കാനും, വെല്ലുവിളി നിറഞ്ഞ സാഹചര്യങ്ങൾ നേരിടാനുള്ള കഴിവു വർദ്ധിപ്പിക്കാനും സമ്മർദ്ദം എത്രത്തോളം ഗുണം ചെയ്യുന്നു എന്ന് കെല്ലി തൻ്റെ പുസ്തകത്തിലൂടെ പറഞ്ഞു തരുന്നു. ഈ പുസ്തകം ലഭിക്കാൻ : https://www.amazon.in/dp/1101982934 `_BANNER_` ## 4. ഡോണ്ട് സ്വെറ്റ് ദ സ്മാൾ സ്റ്റഫ് ആൻഡ് ഇറ്റ്സ് ആൾ സ്മാൾ സ്റ്റഫ് - റിച്ചാർഡ് കാൾസൺ  നിങ്ങളുടെ ജീവിതം നശിപ്പിക്കുകയോ അല്ലെങ്കിൽ ജീവിക്കാൻ കഷ്ടപ്പെടുന്ന അവസ്ഥയിലേക്ക് നയിക്കുകയോ ചെയ്യുന്ന കാര്യങ്ങളിൽ മനക്ലേശം അനുഭവിച്ചിട്ട് കാര്യമില്ല. അതാണ് 1997-ൽ പുറത്തിറങ്ങിയ ഡോണ്ട് സ്വെറ്റ് ദ സ്മാൾ സ്റ്റഫ് ആൻഡ് ഇറ്റ്സ് ആൾ സ്മാൾ സ്റ്റഫ് എന്ന ഈ പുസ്തകത്തിൻ്റെ ആശയം. ഈ പുസ്തകത്തിൻ്റെ രചയിതാവായ റിച്ചാർഡ് കാൾസൺ എഴുത്തുകാരനും, സൈക്കോ തെറാപ്പിസ്റ്റും, മോട്ടിവേഷണൽ സ്പീക്കറുമാണ്. ഓരോ താളുകളിലും പിരിമുറുക്കം കുറയ്ക്കാനുള്ള വിശദമായ മാർഗ്ഗങ്ങൾ കുത്തിനിറയ്ക്കുന്നതിന് പകരം കാൾസൺ ലളിതമായ ഉപദേശങ്ങൾ കൊണ്ട് പുസ്തകം ക്രമീകരിച്ചിരിക്കുന്നു. ആർക്കും വരുത്താൻ കഴിയുന്ന ചെറിയ ദൈനംദിന മാറ്റങ്ങൾ ആണ് ഉപദേശങ്ങൾ ആയിട്ട് പേജുകളിൽ ഉള്ളത്. ഓരോ നല്ല മാറ്റവും നിങ്ങളുടെ ജീവിതത്തെ അൽപ്പം ശാന്തമാക്കുകയും സമ്മർദ്ദം കുറയ്ക്കുകയും കൂടുതൽ സ്ഥിരതയുള്ളതാക്കുകയും ചെയ്യുന്നു. സമ്മർദത്തെ എങ്ങനെ ഫലപ്രദമായി നേരിടാം എന്നതിനെക്കുറിച്ച് പറഞ്ഞു തരുന്നതിനാൽ, പ്രത്യേകിച്ച് സമ്മർദപൂരിതമായ ജീവിതത്തിലൂടെ കടന്നു പോകുന്നവർക്ക് കയ്യിൽ കരുതാവുന്ന മികച്ച പുസ്തകമാണ് ഇത്. ഈ പുസ്തകം ലഭിക്കാൻ : https://www.amazon.in/dp/0786881852 ## 5. എ മൈൻഡ് ഫുൾനസ് ബേസ്ഡ് സ്ട്രെസ്സ് റിഡക്ഷൻ വർക്ക്ബുക്ക് - ബോബ് സ്റ്റാൾ, എലീഷ ഗോൾഡ്സ്റ്റെയിൻ  നമ്മുടെ ദൈനംദിന ജീവിതത്തിൽ സമ്മർദ്ദവും വേദനയും ഏറെക്കുറെ ഒഴിവാക്കാനാവാത്തതാണ്; അവ മനുഷ്യാവസ്ഥയുടെ ഭാഗമാണ്. ഈ സമ്മർദ്ദം പലപ്പോഴും നമ്മെ പ്രകോപിതരാക്കും, പിരിമുറുക്കം അനുഭവിപ്പിക്കും. ജീവിതത്തെ നല്ല രീതിയിൽ നിലനിർത്തുക എന്നത് സമ്മർദ്ദത്തോട് നിരാശയും സ്വയം വിമർശനത്താലും പ്രതികരിക്കുക എന്നതല്ല, മറിച്ച് നമ്മുടെ മനസ്സിനെയും ശരീരത്തിനെയും കുറിച്ചുള്ള ബുദ്ധിപൂർവ്വവും വിവേചനരഹിതവുമായ അവബോധത്തോടെയാണെന്ന് ഈ പുസ്തകം പറയുന്നത്. 2010-ൽ പ്രസിദ്ധീകരിച്ച ഈ പുസ്തകം എഴുതിയിരിക്കുന്നത് ബോബ് സ്റ്റാളും എലീഷ ഗോൾഡ്സ്റ്റെയിനും ചേർന്നാണ്. മൈൻഡ്ഫുൾനെസ് ബേസ്ഡ് സ്ട്രെസ് റിഡക്ഷൻ (എംബിഎസ്ആർ) സമ്മർദ്ദം കൈകാര്യം ചെയ്യുന്നതിനുള്ള വളരെ ജനപ്രിയമായ ഒരു രീതിയാണ്. ഇത് ക്ലിനിക്കലായി പരീക്ഷിക്കുകയും ലോകമെമ്പാടുമുള്ള ക്ലിനിക്കുകളും ക്ലാസുകളിലും പഠിപ്പിക്കുകയും ചെയ്യുന്നു. രചയിതാക്കളിൽ ഒരാളായ ബോബ് സ്റ്റാൾ ആണ് എംബിഎസ്ആർ-ൻ്റെ ഉപജ്ഞാതാവ്. ഈ ശക്തമായ രീതി സ്ട്രെസ്സിനെ കൈകാര്യം ചെയ്യുന്ന രീതി മാറ്റാൻ ഇന്ന് എങ്ങനെ ജീവിക്കണം എന്നത് പഠിപ്പിച്ചു തരുന്നു. ഈ വർക്ക്ബുക്ക് വളരെ പ്രായോഗികവും പ്രവർത്തന അധിഷ്ഠിതവുമായ പരിശീലനമാണ് നൽകുന്നത്. സമ്മർദ്ദത്തെ നേരിടാൻ മൈൻഡ്ഫുൾനസ് രീതി ഉപയോഗിക്കാൻ ആഗ്രഹിക്കുന്നവർക്ക് ഈ പുസ്തകം വളരെ ഗുണപ്രദമായിരിക്കും. ഈ പുസ്തകം ലഭിക്കാൻ : https://www.amazon.in/dp/0369356454/ ## 6. ബേൺ ഔട്ട് : ദ സീക്രട്ട് ടു അൺലോക്കിങ് ദ സ്ട്രെസ്സ് സൈക്കിൾ - എമിലി നഗോസ്ക്കി, അമേലിയ നഗോസ്ക്കി  അമേരിക്കൻ ഗവേഷകയായ എമിലി നാഗോസ്ക്കിയും എഴുത്തുകാരിയും അധ്യാപികയുമായ അമേലിയ നഗോസ്ക്കിയും ചേർന്ന് എഴുതി 2019 മാർച്ചിൽ പ്രസിദ്ധീകരിച്ച പുസ്തകമാണ് ബേൺ ഔട്ട് : ദ സീക്രട്ട് ടു അൺലോക്കിങ് ദ സ്ട്രെസ്സ് സൈക്കിൾ. സ്ത്രീപക്ഷം നിൽക്കുന്ന പുസ്തകമാണ് ഇത്. കൂടുതലായി സ്ത്രീകളെ ബാധിക്കുന്ന മാനസിക പിരിമുറുക്കങ്ങളെ ദൂരീകരിക്കുന്നതിന് മുൻഗണന കൊടുക്കുന്നതാണ് ഈ പുസ്തകം. പുരുഷൻമാരേക്കാൾ വ്യത്യസ്തമായി സ്ത്രീകൾക്ക് സമ്മർദ്ദം അനുഭവപ്പെടുന്നത് എന്തുകൊണ്ടാണെന്ന് ഈ പുസ്തകം വിശദീകരിക്കുന്നു. കൂടാതെ സമ്മർദ്ദം കുറയ്ക്കാനും വികാരങ്ങൾ നിയന്ത്രിക്കാനും കൂടുതൽ സന്തോഷകരമായ ജീവിതം നയിക്കാനും സ്ത്രീകളെ സഹായിക്കുന്നതിന് ലളിതവും ശാസ്ത്രാധിഷ്ഠിതവുമായ ഒരു പദ്ധതിയും നൽകുന്നു. സ്ത്രീകളുടെ മാനസിക പിരിമുറുക്കം കൈകാര്യം ചെയ്യാൻ വേണ്ടിയുള്ള ഉത്തമ പുസ്തകമാണ് ഇത്. ഈ പുസ്തകം ലഭിക്കാൻ : https://www.amazon.in/dp/1984818325/ ## 7. മൈൻഡ്ഫുൾനസ് ഫോർ സ്ട്രെസ്സ് മാനേജ്മെൻ്റ് - ഡോ. റോബർട്ട് ഷാച്ചർ  കുടുംബം, രക്ഷാകർതൃത്വം, ജോലി, ജീവിത സമ്മർദ്ദങ്ങൾ എന്നിവയുൾപ്പെടെ പല തരത്തിലുള്ള സമ്മർദ്ദങ്ങളെ എങ്ങനെ കൈകാര്യം ചെയ്യാമെന്ന് 50 ശാസ്ത്ര-പിന്തുണയുള്ള സ്ട്രെസ് മാനേജ്മെന്റ് ടെക്നിക്കുകളിലൂടെ ഡോ. ഷാച്ചർ വായനക്കാരെ പഠിപ്പിക്കുന്നു. 2019-ൽ പുറത്തിറങ്ങിയ ഈ പുസ്തകത്തിൻ്റെ രചയിതാവ് ഡോ. റോബർട്ട് ഷാച്ചർ ഒരു സൈക്കോളജിസ്റ്റും പ്രൊഫസറും കൂടിയാണ്. ശ്വാസനിയന്ത്രണത്തിലൂടെയും മൈൻഡ്ഫുൾനെസ് പരിശീലിക്കുന്നതിലൂടെയും, ക്രമരഹിതമായ സാഹചര്യങ്ങളിൽ എങ്ങനെ ശാന്തതയും നല്ല മനസ്സും നിലനിർത്താമെന്ന് വായനക്കാർക്ക് പഠിക്കാനും പരിശീലിക്കാനും ഈ പുസ്തകത്തിലൂടെ കഴിയും. ഈ പുസ്തകം, വിഷമിക്കുന്നത് നിർത്തി ഈ നിമിഷത്തിൽ ജീവിക്കാൻ പഠിക്കാനായി എളുപ്പമുള്ള സ്ട്രെസ് മാനേജ്മെന്റ് വ്യായാമങ്ങളുടെ ഒരു ശേഖരം നൽകുന്നു. ഈ പുസ്തകം ലഭിക്കാൻ : https://www.amazon.in/Mindfulness-Stress-Management-Cultivate-Calmness-ebook/dp/B07V6HFP9S/ ## 8. ദ സ്ട്രെസ്സ് പ്രൂഫ് ബ്രെയിൻ - മെലാനി ഗ്രീൻബർഗ്  2017-ൽ പുറത്തിറങ്ങിയ ദ സ്ട്രെസ്സ് പ്രൂഫ് ബ്രെയിൻ എന്ന പുസ്തകം എഴുത്തുകാരിയും സൈക്കോളജിസ്റ്റ്മായ മെലാനി ഗ്രീൻബർഗ് രചിച്ചിരിക്കുന്നു. നമ്മെ സമ്മർദ്ദത്തിലാക്കുന്ന കാര്യങ്ങൾ ഒഴിവാക്കാൻ കഴിയില്ലെങ്കിലും, അവയോട് എങ്ങനെ പ്രതികരിക്കണം എന്ന് നമുക്ക് മാറ്റാനാകും എന്ന രീതിയിലാണ് ഈ പുസ്തകത്തിൻ്റെ രചന. ഈ പുസ്തകത്തിൽ, മെലാനി ഗ്രീൻബർഗ് സമ്മർദം മറികടക്കാൻ പോസിറ്റീവ് വികാരങ്ങളുടെ ശക്തി പ്രയോജനപ്പെടുത്താനുള്ള സമീപനം വിശദീകരിച്ച് വായനക്കാരെ സഹായിക്കുന്നു. സ്ട്രെസ്-പ്രൂഫ് ബ്രെയിൻ, നെഗറ്റീവ് ചിന്ത, സ്വയം വിമർശനം, ഭയം എന്നിവ പോലുള്ള സമ്മർദ്ദത്തോടുള്ള അനാരോഗ്യകരമായ പ്രതികരണങ്ങൾ അവസാനിപ്പിക്കാൻ മൈൻഡ്ഫുൾനസ്, ന്യൂറോ സയൻസ്, പോസിറ്റീവ് സൈക്കോളജി എന്നിവയിൽ അധിഷ്ഠിതമായ ശക്തമായ, സമഗ്രമായ ടൂളുകൾ വാഗ്ദാനം ചെയ്യുന്നു ഈ പുസ്തകം ലഭിക്കാൻ : https://www.amazon.in/dp/1626252661/ ## 9. ദ സ്ട്രെങ്ത്ത്സ് ബേസ്ഡ് വർക്ക്ബുക്ക് ഫോർ സ്ട്രെസ്സ് റിലീഫ് - റയാൻ എം നീമിക്ക്  2019- ൽ പുറത്തിറങ്ങിയ ഈ പുസ്തകം രചിച്ചിരിക്കുന്നത് സൈക്കോളജിസ്റ്റ് ആയ റയാൻ എം നീമിക്ക് ആണ്. വിട്ടുമാറാത്ത സമ്മർദ്ദത്തിന്റെ അവസ്ഥകളിൽ, ആളുകൾ അവരുടെ ശക്തിയും പോസിറ്റീവ് സ്വഭാവ സവിശേഷതകളും മറക്കുകയും നെഗറ്റീവ് കാര്യങ്ങളിൽ ശ്രദ്ധ കേന്ദ്രീകരിക്കുകയും ചെയ്യുന്നു. സൈക്കോളജിസ്റ്റായ റയാൻ നീമിക്ക്, പോസിറ്റീവ് സൈക്കോളജി ടെക്നിക്കുകൾ ഉപയോഗിച്ച്, വായനക്കാരെ അവരുടെ മികച്ച ശക്തി തിരിച്ചറിയാനും, മനസ്സിലുണ്ടാകുന്ന സമ്മർദ്ദം നിയന്ത്രിക്കാൻ ആ ശക്തികൾ ഉപയോഗിക്കാനും സഹായിക്കുന്നു. അപ്‌സൈഡ് ഓഫ് സ്ട്രെസ്സിൻ്റെ രചയിതാവായ കെല്ലി മക്ഗോണിഗലിൻ്റെ വാക്കുകൾ കടമെടുക്കുകയാണെങ്കിൽ " ദ സ്ട്രെങ്ത്ത്സ് ബേസ്ഡ് വർക്ക്ബുക്ക് ഫോർ സ്ട്രെസ്സ് റിലീഫ്, നിങ്ങളുടെ ശക്തികൾ സന്തോഷത്തിനും പ്രതിരോധത്തിനും ഒരു വിഭവമാകുന്നത് എങ്ങനെയെന്ന് നീമിക് കാണിക്കുന്നു. ഈ വർക്ക്ബുക്ക് വായനക്കാരെ കൂടുതൽ അർത്ഥവത്തായതും പ്രതിഫലദായകവുമായ ജീവിതം രൂപപ്പെടുത്താൻ സഹായിക്കും" ഈ പുസ്തകം ലഭിക്കാൻ : https://www.amazon.in/dp/1684032806/ ## 10. വെൻ ദ ബോഡി സെയ്സ് നോ - ഗബോർ മേറ്റ്  ഹംഗേറിയൻ ഫീസിഷ്യനായ ഗാബോർ മേറ്റ് രചിച്ച് 2003-ൽ പ്രസിദ്ധീകരിച്ച പുസ്തകമാണ് വെൻ ദ ബോഡി സെയ്സ് നോ. ഈ പുസ്തകത്തിൽ മേറ്റ്, മനസ്സും ശരീരവും തമ്മിലുള്ള ബന്ധവും മാനസിക സമ്മർദ്ദവും രോഗങ്ങളും തമ്മിലുള്ള ബന്ധവും പര്യവേക്ഷണം ചെയ്യുന്നു. സന്ധിവാതം, കാൻസർ, പ്രമേഹം, ഹൃദ്രോഗം, ഇറിറ്റബിൾ ബവൽ സിൻഡ്രോം, തുടങ്ങിയ അവസ്ഥകളിലും രോഗങ്ങളിലും മനസ്സും ശരീരവും തമ്മിലുള്ള ബന്ധത്തിന്റെ പങ്ക് ഗബോർ മാറ്റെ പര്യവേക്ഷണം ചെയ്യുന്നു. ഈ വിട്ടുമാറാത്ത അവസ്ഥകളിലെല്ലാം, പൊതുവായ ഒരു കാര്യമുണ്ടെന്ന് മേറ്റ് കണ്ടെത്തി: ഈ രോഗങ്ങളാൽ ബാധിതരായ ആളുകൾ അമിതമായ സമ്മർദ്ദത്തിന്റെ ജീവിതം നയിച്ചിട്ടുണ്ട്, പലപ്പോഴും വ്യക്തികൾക്ക് തന്നെ അദൃശ്യമാണ്. ഈ പുസ്തകത്തിലൂടെ മേറ്റ്, രോഗശാന്തിക്കും മറഞ്ഞിരിക്കുന്ന സമ്മർദ്ദത്തിൽ നിന്ന് രോഗം തടയുന്നതിനുമുള്ള തത്ത്വങ്ങൾ പറഞ്ഞു തരുന്നു. ഈ പുസ്തകം ലഭിക്കാൻ : https://www.amazon.in/dp/178504222X/ മുകളിൽ പറഞ്ഞ പുസ്തകങ്ങൾ വായിക്കുന്നതിലൂടെ സ്ട്രെസ്സ് എങ്ങനെ നേരിടാമെന്നും ജീവിത വിജയം എങ്ങനെ കൈവരിക്കാമെന്നും എളുപ്പത്തിൽ മനസ്സിലാകും.