Katha

Top artists from Kerala

Aug 17, 2022
Top artists from Kerala

കലയെയും കലാകാരന്മാരെയും സ്നേഹിക്കുന്നവരാണ് കേരളീയർ. കലകളുടെ നാടായ കേരളത്തിൽ നിരവധി കലാകാരന്മാർ ഉണ്ട്. കല എന്നത് കേവലം വാക്കുകളിൽ ഒതുക്കാൻ കഴിയുന്ന ഒന്നല്ല. അതുപോലെതന്നെയാണ് കലാകാരന്മാരും. കലയെ ജീവിതമാക്കിയ ഓരോ കലാകാരനും മികച്ചുനിൽക്കുന്നവരാണ്.

സംഗീതം, ചിത്രരചന, അഭിനയം, നൃത്തം, തുടങ്ങി ഓരോ മേഖലയിലും ഒരുപാട് കലാകാരന്മാർ തങ്ങളുടേതായ കയ്യൊപ്പ് ചാർത്തിയിട്ടുണ്ട്.ഓരോ കലാകാരനെയും സംബന്ധിച്ചിടത്തോളം ഓരോരുത്തരും തങ്ങളുടെ മേഖലയിൽ വൈവിധ്യവും വ്യത്യസ്തതയും പുലർത്തിയാണ് മുന്നോട്ടുപോകുന്നത്.

ഓരോ കലാകാരനും തന്റേതായ കയ്യൊപ്പ് ചാർത്തി തങ്ങളുടെ മേഖലയിൽ തിളങ്ങി നിൽക്കുന്നവരാണ്. കേരളത്തിലെ മികച്ച കലാകാരന്മാർ ആരൊക്കെയാണെന്ന് നമുക്ക് നോക്കാം.സംഗീതം, ചിത്രരചന, കരകൗശല നിർമ്മാണ മേഖല, അഭിനയം, തുടങ്ങി ഓരോ മേഖലകളിലും തങ്ങളുടെ അടയാളങ്ങൾ നൽകി വ്യത്യസ്തത പുലർത്തി മുന്നോട്ടുപോകുന്ന ഒരുപാട് മികച്ച കലാകാരന്മാർ കേരളത്തിലുണ്ട്. കെ എം വാസുദേവൻ നമ്പൂതിരി

കെ ജെ യേശുദാസ്, കെ എസ് ചിത്ര, എം ജി ശ്രീകുമാർ, സുജാത,സിത്താര കൃഷ്ണകുമാർ,വിനീത് ശ്രീനിവാസൻ,ശ്രീജ രവി,ഭാഗ്യലക്ഷ്മി,മണികണ്ഠൻ പുന്നക്കൽ, കെ സി എസ് പണിക്കർ ,ഇന്ദ്രൻസ്,സുരഭി ലക്ഷ്മി, സുരാജ് വെഞ്ഞാറമൂട്, ഷോബി തിലകൻ, എന്നിവർ അവരിൽ ചിലരാണ്.

കെ ജെ യേശുദാസ്

K. J. Yesudas

മലയാള പിന്നണി ഗാനരംഗത്ത് പ്രവർത്തിക്കുന്ന ഒരു കലാകാരനാണ് കെ ജെ യേശുദാസ്. കാട്ടാശ്ശേരി ജോസഫ് യേശുദാസ് എന്നാണ് ഇദ്ദേഹത്തിന്റെ മുഴുവൻ പേര്.മലയാള സംഗീത ലോകത്തെ ഗാനഗന്ധർവ്വൻ എന്ന പേരിലാണ് ഇദ്ദേഹം അറിയപ്പെടുന്നത്. കർണാടക സംഗീതരംഗത്തും ഇദ്ദേഹം മികച്ചു നിൽക്കുന്ന ഒരു പ്രതിഭയാണ്. പത്മവിഭൂഷൺ , പത്മഭൂഷൺ, പത്മശ്രീ,കേരള രത്ന പുരസ്കാരം,സംഗീത നാടക അക്കാദമി പുരസ്കാരം, കേരള സർക്കാരിനെ സ്വാതി പുരസ്കാരം, സ്വരലയ പുരസ്കാരം, മികച്ച പിന്നണി ഗായകനുള്ള പുരസ്കാരം, തുടങ്ങിയ നിരവധി പുരസ്കാരങ്ങളാണ് ഇദ്ദേഹത്തിന് ലഭിച്ചിട്ടുള്ളത്.കർണാടക ആന്ധ്ര പശ്ചിമബംഗാൾ തുടങ്ങിയ സംസ്ഥാനങ്ങളുടെ മികച്ച പിന്നണിഗായകനുള്ള പുരസ്കാരവും ഇദ്ദേഹത്തിന് ലഭിച്ചിട്ടുണ്ട്. മികച്ച പിന്നണി ഗായകനുള്ള ദേശീയ പുരസ്കാരം എട്ട് തവണ ഇദ്ദേഹത്തിന് ലഭിച്ചു. സംഗീത മേഖലയിൽ ഇപ്പോഴും തിളങ്ങി തിളങ്ങിനിൽക്കുന്ന അത്ഭുത പ്രതിഭയാണ് ഇദ്ദേഹം.

കെ എം വാസുദേവൻ നമ്പൂതിരി

Namboothiri (artist)

കേരളത്തിലെ പ്രശസ്ത ചിത്രകാരനും ശില്പിയുമാണ് കെ എം വാസുദേവൻ ആർട്ടിസ്റ്റ് നമ്പൂതിരി. സാഹിത്യസൃഷ്ടിയിലെ കഥാപാത്രങ്ങൾക്ക് തന്റെ വരകളിലൂടെ ജീവൻ നൽകി ആസ്വാദക മനസ്സിൽ എത്തിക്കുന്നതിൽ ആർട്ടിസ്റ്റ് നമ്പൂതിരി വലിയൊരു പങ്കുവഹിക്കുന്നുണ്ട്. രണ്ടായിരത്തിമൂന്നിലെ രാജാരവിവർമ്മ പുരസ്കാരം ലഭിച്ചത് ഇദ്ദേഹത്തിന് ആയിരുന്നു. അദ്ദേഹത്തിന്റെ ഓരോ വരകളും കഥാപാത്രത്തിന്റെ ഭാവ സവിശേഷതകൾ മനസ്സിലാക്കി വരയ്ക്കുന്നവയായതിനാൽ ഓരോ വരകളും ജീവസുറ്റവയായി ഇപ്പോഴും നിലനിൽക്കുന്നു. ആർട്ടിസ്റ്റ് നമ്പൂതിരിയുടെ ചിത്രകല വളർന്നുവരുന്ന ഒരുപാട് ചിത്രകലാകാരന്മാർക്ക് പ്രചോദനം നൽകുന്നയാണ്.ചിത്ര രചനയിൽ മാത്രമല്ല ഇദ്ദേഹം കഴിവ് തെളിയിച്ചിരിക്കുന്നത് ലോഹത്തകിടിൽ ശില്പങ്ങൾ കൊത്തിയുണ്ടാക്കുന്ന ഒരു ശില്പി കൂടിയാണ് ഇദ്ദേഹം. 1960ൽ മാതൃഭൂമി ആഴ്ചപ്പതിപ്പിലാണ് ആർട്ടിസ്റ്റ് നമ്പൂതിരിയുടെ ആദ്യചിത്രം വന്നത്. പിന്നീടങ്ങോട്ട് മാതൃഭൂമി ആഴ്ചപ്പതിപ്പിലെ ചിത്രകാരനായി അദ്ദേഹം ജോലി ചെയ്തു.ആയിരത്തിലധികം ചിത്രങ്ങൾ വരച്ച നമ്പൂതിരിയുടെ ചിത്രങ്ങൾ വലിയ പ്രസിദ്ധി നേടി.നമ്പൂതിരി ചിത്രങ്ങൾ എന്ന ശൈലി തന്നെ പിന്നീട് ഉണ്ടായി.ചിത്രകലയിൽ അത്രയേറെ പ്രാഗല്ഭ്യം നേടിയ ഒരു മികച്ച കലാകാരനാണ് ആർട്ടിസ്റ്റ് നമ്പൂതിരി എന്നറിയപ്പെടുന്ന കെ എം വാസുദേവൻ നമ്പൂതിരി.

ഭാഗ്യലക്ഷ്മി

Bhagyalakshmi

മലയാള സിനിമകളിൽ നാനൂറിലധികം സ്ത്രീ കഥാപാത്രങ്ങൾക്ക് ശബ്ദം നൽകി, തന്റേതായ കയ്യൊപ്പ് ചാർത്തി മുന്നോട്ടുപോകുന്ന ഒരു ഡബ്ബിങ് ആർട്ടിസ്റ്റ് ആണ് ഭാഗ്യലക്ഷ്മി. കേരളത്തിലെ പാലക്കാട് ജില്ലയിലാണ് ഭാഗ്യലക്ഷ്മിയുടെ ജനനം. 1975 ൽ പുറത്തിറങ്ങിയ അപരാധി എന്ന ചിത്രത്തിലാണ് ഭാഗ്യലക്ഷ്മി ആദ്യമായി ഡബ്ബ് ചെയ്തത്.'നോക്കെത്താ ദൂരത്ത് കണ്ണും നട്ട്'എന്ന ചിത്രത്തിലെ ഡബ്ബിങ്ങോടെ തിരക്കുള്ള ഡബ്ബിങ് ആർട്ടിസ്റ്റായി ഭാഗ്യലക്ഷ്മി മാറി. രണ്ടായിരത്തിയഞ്ചിൽ മികച്ച ഡബ്ബിങ് കലാകാരന്മാർക്കുള്ള കേരള സംസ്ഥാന ചലച്ചിത്ര പുരസ്കാരം ലഭിച്ചു.രേവതി,ലക്ഷ്മി ഗോപാലസ്വാമി, ശോഭന,സംയുക്ത വർമ്മ, തുടങ്ങി നിരവധി മലയാളചലച്ചിത്ര സിനിമാതാരങ്ങൾക്ക് ഭാഗ്യലക്ഷ്മി ശബ്ദം നൽകിയിട്ടുണ്ട്. വളർന്നുവരുന്ന ഡബ്ബിങ് ആർട്ടിസ്റ്റുകൾക്ക് പ്രചോദനമായ ഒരു മികച്ച കലാകാരിയാണ് ഭാഗ്യലക്ഷ്മി.

കെ എസ് ചിത്ര

K. S. Chithra

ഏറ്റവും കൂടുതൽ പ്രാവശ്യം മികച്ച ഗായികയ്ക്കുള്ള ദേശീയ പുരസ്കാരം നേടിയ ഒരു വ്യക്തിയാണ് കെ എസ് ചിത്ര. കേരളത്തിൽ ജനിച്ച് മറ്റ് ഭാഷകളിൽ തന്റെ കഴിവ് തെളിയിച്ച അതുല്യ പ്രതിഭയാണ് കെ എസ് ചിത്ര.മലയാളം,തമിഴ്, തെലുങ്ക്,കന്നഡ, ഹിന്ദി,ബംഗാളി,തുളു, ആസാമീസ്, തുടങ്ങിയ എട്ട് ഭാഷകളിലായി കെ എസ് ചിത്ര പാടിയിട്ടുണ്ട്.ആറ് തവണ കേന്ദ്ര സർക്കാർ പുരസ്‌ക്കാരം ലഭിച്ചു.ഏറ്റവും കൂടുതൽ പ്രാവശ്യം മികച്ച ഗായികക്കുള്ള ദേശീയ അവാർഡ് ലഭിച്ചതും ചിത്രയ്ക്കാണ്. പത്മശ്രീ പുരസ്കാരവും പത്മഭൂഷൻ പുരസ്കാരവും ചിത്രയ്ക്ക് ലഭിച്ചിട്ടുണ്ട്. യാതൊരു സംശയവും ഇല്ലാതെ നമുക്ക് പറയാം കേരളത്തിലെ മികച്ച കലാകാരന്മാരിൽ ഒരാളാണ് ചിത്ര എന്ന്.

മണികണ്ഠൻ പുന്നക്കൽ

Manikandan Punnakkal

കേരളത്തിലെ അറിയപ്പെടുന്ന ഒരു സമകാലീന മ്യൂറൽ ആർട്ടിസ്റ്റ് ആണ് മണികണ്ഠൻ പുന്നക്കൽ. ഇദ്ദേഹം ലോകമെമ്പാടും നിരവധി മ്യൂറൽ പ്രോജക്ടുകൾ ചെയ്തിട്ടുണ്ട്. മ്യൂറൽ പെയിന്റിംഗ് എന്ന പരമ്പരാഗത കലാസൃഷ്ടിയെ ക്യാൻവാസാക്കി മാറ്റാനുള്ള അദ്ദേഹത്തിന്റെ കഴിവ് ഏറെ ശ്രദ്ധേയമാണ്. സമകാലിക ചുവർചിത്രങ്ങൾ നിർമ്മിക്കാനുള്ള അദ്ദേഹത്തിന്റെ സർഗ്ഗാത്മകതയ്ക്ക് കലാവിപണിയിൽ വലിയ അംഗീകാരവും പ്രശംസയും ലഭിച്ചിട്ടുണ്ട് .മണികണ്ഠൻ തന്റെ കലാസൃഷ്ടികളിൽ രേഖാചിത്രങ്ങളുടെ മാന്ത്രികതയാൽ ഒരുപാട് കഥാപാത്രങ്ങൾക്ക് ജീവൻ നൽകിയിട്ടുണ്ട്. കേരളത്തിലെ ചരിത്രപ്രസിദ്ധമായ വൈക്കം മഹാദേവ ക്ഷേത്രത്തിൽ എൻപതോളം ചുവർച്ചിത്രങ്ങൾഅദ്ദേഹം വരച്ചിട്ടുണ്ട്.അദ്ദേഹത്തിന്റെ എക്കാലത്തെയും മഹത്തായ സംരംഭങ്ങളിലൊന്ന് കൂടിയാണിത് . മ്യൂറൽ പെയിന്റിംഗ് രംഗത്ത് മികച്ചുനിൽക്കുന്ന ഒരു കലാകാരനാണ് ഇദ്ദേഹം.

വിനീത് ശ്രീനിവാസൻ

Vineeth Sreenivasan

കേരളത്തിലെ സിനിമാ മേഖലയിലെ ഒരു കലാകാരനാണ് വിനീത് ശ്രീനിവാസൻ. സംഗീതം, അഭിനയം, സംവിധാനം, തുടങ്ങി സിനിമയിലെ ഒട്ടുമിക്ക മേഖലയിലും ഇദ്ദേഹം കഴിവ് തെളിയിച്ചിട്ടുണ്ട്. ഇദ്ദേഹം ജി.ജി. കോളേജിൽ നിന്നും മെക്കാനിക്കൽ എൻജിനീയറിംഗ് ബിരുദം നേടി. 2003-ൽ കിളിച്ചുണ്ടൻ മാമ്പഴം എന്ന സിനിമയിലെ കസവിന്റെ തട്ടമിട്ട് എന്നതാണ് വിനീത് ശ്രീനിവാസന്റെ ആദ്യ ചലച്ചിത്രഗാനം തുടർന്ന് നിരവധി സിനിമകളിൽ പാടി. 2005-ൽ പുറത്തിറങ്ങിയ ഉദയനാണു താരം എന്ന ചിത്രത്തിൽ സ്വന്തം അച്ഛൻ അഭിനയിച്ച നൃത്ത രംഗത്തിനുവേണ്ടി പാടിയ കരളേ കരളിന്റെ കരളേ എന്ന ഗാനം ഏറെ ജനശ്രദ്ധ നേടി. ചാന്തുപൊട്ട് എന്ന സിനിമയിലെ ഓമനപ്പുഴ കടപ്പുറത്ത്, ക്ലാസ്മേറ്റ്സ് എന്ന സിനിമയിലെ എന്റെ ഖൽബിലെ എന്നീ ഗാനങ്ങൾ വിനീതിനെ കൂടുതൽ ജനപ്രിയനാക്കി. മലയാളി എന്ന മ്യൂസിക് ബാൻഡിലും ഇദ്ദേഹം അംഗമാണ്.

2008ൽ പുറത്തിറങ്ങിയ സൈക്കിൾ എന്ന ചിത്രത്തിലെ നായകവേഷത്തിലൂടെയാണ് വിനീത് ചലച്ചിത്രാഭിനയരംഗത്ത് അരങ്ങേറ്റം കുറിച്ചത്. വിനീത് സംവിധാനം ചെയ്ത ആദ്യ ചലച്ചിത്രമാണ് 2010-ൽ പുറത്തിറങ്ങിയ മലർവാടി ആർട്സ് ക്ലബ്. അദ്ദേഹത്തിന്റെ ജന്മനാടായ തലശ്ശേരിയുടെ പശ്ചാത്തലത്തിൽ വിനീത് തിരക്കഥയൊരുക്കി സംവിധാനം ചെയ്ത രണ്ടാമത്തെ ചിത്രം തട്ടത്തിൻ മറയത്താണ്.ഇത് ഏറെ ശ്രദ്ധിക്കപ്പെടുകയും മികച്ച വിജയം നേടുകയും ചെയ്തു.

സിത്താര കൃഷ്ണകുമാർ

Sithara Krishnakumar

കേരളത്തിലെ ശ്രദ്ധേയയായ ഒരു ചലച്ചിത്ര പിന്നണി ഗായക കലാകാരിയാണ് സിത്താര കൃഷ്ണകുമാർ. റിയാലിറ്റി ഷോകളിലൂടെയാണ് ഈ കലാകാരി ചലച്ചിത്ര പിന്നണി ഗായകരംഗത്തേക്ക് വന്നത്.മികച്ച പിന്നണിഗായികയ്ക്കുള്ള 2012ലെ കേരളസംസ്ഥാന ചലച്ചിത്രപുരസ്കാരം ലഭിച്ചത് സിത്താരക്കാണ്.പിന്നീട് മികച്ച പിന്നണിഗായികക്കുള്ള 2017 ലെ കേരള സംസ്ഥാന ചലച്ചിത്ര പുരസ്കാരവും ലഭിച്ചു. മറ്റുള്ള കലാകാരന്മാരിൽ നിന്നും സിത്താര കൃഷ്ണകുമാറിനെ വ്യത്യസ്തയാക്കി സിത്താരയുടെ സംഗീത ശൈലിയാണ്. കേരളത്തിൽ സംഗീത മേഖലയിൽ നിൽക്കുന്ന ഒരു കലാകാരിയാണ് സിത്താര.

സുരഭി ലക്ഷ്മി

Surabhi Lakshmi

കേരളത്തിൽ നാടക സിനിമാരംഗത്തെ ഒരു മികച്ച കലാകാരിയാണ് സുരഭി ലക്ഷ്മി. 2016ലെ മികച്ച നടിക്കുള്ള ദേശീയ ചലച്ചിത്ര പുരസ്കാരം സുരഭി ലക്ഷ്മിക്കാണ് ലഭിച്ചത്.മീഡിയ വൺ ചാനലിൽ പ്രക്ഷേപണം ചെയ്യപ്പെടുന്ന എം80 മൂസ എന്ന ഹാസ്യപരമ്പരയിലെ ഒരു മുഖ്യകഥാപാത്രമായ പാത്തുമ്മയായിട്ടാണ് ലക്ഷ്മി കൂടുതൽ ജനപ്രീതി പിടിച്ചു പറ്റുന്നത്.സുവർണ തിയേറ്റേഴ്സിന്റെ യക്ഷിക്കഥകളും നാട്ടുവർത്തമാനങ്ങളും എന്ന നാടകത്തിലെ അഭിനയത്തിനു 2010ലും,കെ. വിനോദ്കുമാർ വളാഞ്ചേരി സംവിധാനം ചെയ്ത ബോംബെ ടെയ്‌ലേഴ്‌സ് എന്ന നാടകത്തിലെ അഭിനയത്തിനു 2016 ലും,സുരഭിയിക്ക് മികച്ച നടിക്കുള്ള കേരള സംഗീതനാടക അക്കാദമി പുരസ്കാരം ലഭിച്ചിരുന്നു.ഇരുവഴി തിരിയുന്നിടം,മിന്നാമിനുങ്ങ്,തിരക്കഥ,ഗുൽമോഹർ, എന്നിവ സുരഭി അഭിനയിച്ച ചലചിത്രങ്ങളാണ്. രണ്ടായിരത്തി പതിനാറിൽ മിന്നാമിനുങ്ങ് എന്ന ചലച്ചിത്രത്തിലെ അഭിനയത്തിന് സംസ്ഥാന ചലച്ചിത്ര പുരസ്കാരത്തിൽ പ്രത്യേക ജൂറി പരാമർശം ലഭിച്ചു.

ഷോബി തിലകൻ

Shobi Thilakan

കേരളത്തിലെ ഡബ്ബിങ് ആർട്ടിസ്റ്റുകളിൽ മികച്ചു നിൽക്കുന്ന ഒരു കലാകാരനാണ് ഷോബി തിലകൻ. മികച്ച ശബ്ദ ഗാംഭീര്യവും കഥാപാത്രങ്ങൾക്കിണങ്ങുന്ന ശബ്ദ വ്യത്യസ്തതയും അദ്ദേഹത്തെ മറ്റ് കലാകാരന്മാരിൽ നിന്നും ഏറെ വ്യത്യസ്തനാക്കുന്നു. മലയാളത്തിൽ നിരവധി സിനിമകളിലെയും സീരിയലുകളിലെയും കഥാപാത്രങ്ങൾക്ക് ഇദ്ദേഹം ശബ്ദം നൽകിയിട്ടുണ്ട്.

സുജാത മോഹൻ

Sujatha Mohan

കേരളത്തിലെ പ്രശസ്ത പിന്നണി ഗായകയാണ് സുജാത മോഹൻ. ദക്ഷിണേന്ത്യയിൽ തന്നെ അറിയപ്പെടുന്ന ഗായിക കൂടിയാണ് സുജാത മോഹൻ. കേരള സർക്കാരിന്റെ മികച്ച ചലച്ചിത്ര പിന്നണിഗായികയ്ക്കുള്ള പുരസ്കാരവും, തമിഴ്നാട് സർക്കാരിന്റെ മികച്ച പിന്നണിഗായിലേക്കുള്ള പുരസ്കാരവും ഒന്നിലേറെ തവണ ലഭിച്ചിട്ടുണ്ട്.ജന്മനാ സംഗീതവാസനയുണ്ടായിരുന്ന സുജാത, എട്ടാംവയസ്സിൽ കലാഭവനിൽച്ചേർന്നതോടെയാണു ശ്രദ്ധിക്കപ്പെട്ടുതുടങ്ങിയത്.ക്രിസ്തീയ ഭക്തിഗാനങ്ങൾ സുജാത പാടിയിട്ടുണ്ട്. എഴുപതുകളിലും എൺപതുകളിലും ക്രിസ്തീയദേവാലയങ്ങളിലും ഭവനങ്ങളിലും ഏറേ പ്രചാരംനേടിയിരുന്ന ;ദൈവമെന്റെ കൂടെയുണ്ട്.. “അമ്പിളിയമ്മാവാ..,അമ്മേ ആരെന്നെ..,തുടങ്ങിയ വേദോപദേശഗാനങ്ങൾ സുജാതയുടെ കൊച്ചുശബ്ദത്തെ ഏറെ പ്രശസ്തമാക്കി.ഒമ്പതാംവയസ്സുമുതൽ യേശുദാസിനൊപ്പം ഗാ‍നമേളകളിൽ പാടിത്തുടങ്ങി. രണ്ടായിരത്തോളം ഗാനമേളകളിൽ യേശുദാസിനൊപ്പംപാടിയ സുജാത, അക്കാലങ്ങളിൽ കൊച്ചുവാനമ്പാടി എന്നറിയപ്പെട്ടിരുന്നു.

ഇന്ദ്രൻസ്

Indrans

മലയാള സിനിമ രംഗത്ത് തന്റേതായ അഭിനയ ശൈലിയിലൂടെ ജനഹൃദയങ്ങളിൽ സ്ഥാനം പിടിച്ചുപറ്റിയ ഒരു മികച്ച കലാകാരനാണ് ഇന്ദ്രൻസ്. സുരേന്ദ്രൻ കൊച്ചുവേലു എന്നാണ് ഇദ്ദേഹത്തിന്റെ ശരിയായ പേര്.ആദ്യ കാലത്ത് സിനിമയിലെ വസ്ത്രാലങ്കാര രം‌ഗത്തു നിന്ന് അഭിനയ രംഗത്ത് എത്തിയ ഇദ്ദേഹം മലയാളത്തിൽ ഇരുന്നൂറ്റിഅൻപധിലധികം ചിത്രങ്ങളിൽ അഭിനയിച്ചിട്ടുണ്ട്.2018-ൽ പുറത്തിറങ്ങിയ ആളൊരുക്കം എന്ന ചിത്രത്തിലെ അഭിനയത്തിന് 2018-ൽ മികച്ച നടനുള്ള കേരള സംസ്ഥാന ചലച്ചിത്ര അവാർഡ് ഇദ്ദേഹത്തിന് ലഭിച്ചു .2019-ൽ വെയിൽമരങ്ങൾ എന്ന ചിത്രത്തിലൂടെ സിംഗപ്പൂർ സൗത്ത് ഏഷ്യൻ ഇന്റർനാഷണൽ ഫിലിം ഫെസ്റ്റിവലിൽ മികച്ച നടനുള്ള അന്താരാഷ്ട്ര പുരസ്ക്കാരവും നേടി. 2022 ഓടെ ഇരുന്നൂറ്റിഅറുപതിൽ പരം സിനിമകളിൽ അഭിനയിച്ചു.

കേരളത്തിലെ ഓരോ മേഖലകളിലും പ്രവർത്തിച്ചുവരുന്ന നിരവധി കലാകാരന്മാരുണ്ട്. കലാ എന്നത് ജീവിതമാക്കി മാറ്റിയവർ. കാല ഉള്ളിടത്തോളം കലാകാരന്മാരും ഉണ്ടായിരിക്കും അതിൽ യാതൊരുവിധ സംശയവുമില്ല.സിനിമ,സംഗീതം,നാടകം,ഡബ്ബിങ്,പെയിന്റിംഗ്, തുടങ്ങിയ മേഖലകളിൽ മികച്ചുനിൽക്കുന്ന കലാകാരന്മാരെയാണ് നമ്മൾ ഇവിടെ പരിചയപ്പെടുത്തിയിരിക്കുന്നത്. എല്ലാ കലാകാരന്മാരും മികച്ച നിൽക്കുന്നവരാണ് എന്നതിൽ യാതൊരു സംശയവുമില്ല. കലയെ മറക്കാത്ത കലയെ സ്നേഹിക്കുന്ന നിരവധി കലാകാരന്മാർ ഇനിയും വളർന്നു വരട്ടെ എന്ന് നമുക്ക് ആഗ്രഹിക്കാം

continue reading.

മഹാരാഷ്ട്രയില്‍ സന്ദര്‍ശിക്കേണ്ട മികച്ച 10 സ്ഥലങ്ങള്‍

മഹാരാഷ്ട്രയില്‍ സന്ദര്‍ശിക്കേണ്ട മികച്ച 10 സ്ഥലങ്ങള്‍

Sep 23, 2022
കർണാടകയിൽ സന്ദര്‍ശിക്കേണ്ട മികച്ച 10 സ്ഥലങ്ങള്‍

കർണാടകയിൽ സന്ദര്‍ശിക്കേണ്ട മികച്ച 10 സ്ഥലങ്ങള്‍

Sep 13, 2022
കേരളത്തിലെ 12 പ്രമുഖ ബിസിനസ് രാജാക്കൻമാർ

കേരളത്തിലെ 12 പ്രമുഖ ബിസിനസ് രാജാക്കൻമാർ

Aug 22, 2022
Top 7 small scale business in Kerala

Top 7 small scale business in Kerala

Aug 1, 2022
നല്ല വാർത്തകൾ കേട്ടറിയു!download katha app