ലോകത്തെ മാറ്റിമറിച്ച 20 ശാസ്ത്രജ്ഞൻമാർ
ശാസ്ത്രജ്ഞൻ എന്ന വാക്ക് തന്നെ പത്തൊമ്പതാം നൂറ്റാണ്ടിലാണ് ആദ്യമായി ഉപയോഗിക്കുന്നത്. അതിനുമുൻപ് ശാസ്ത്രാന്വേഷകർ അവരെ പ്രാകൃതിക തത്ത്വചിന്തകർ എന്ന് വിശേഷിപ്പിച്ചിരുന്നു. മധ്യകാലത്തിനു മുൻപ് തന്നെ പ്രായോഗികമായ ശാസ്ത്രാന്വേഷണങ്ങൾ നടന്നിരുന്നു. അതേ കാലത്തു തന്നെ ശാസ്ത്രീയ സമീപനവും ഉപയോഗപ്പെടുത്തിയിരുന്നു. ആധുനിക കാലത്തിന്റെ തുടക്കത്തിലാണ് ആധുനിക ശാസ്ത്രം വളർന്നു തുടങ്ങിയത്, പ്രത്യേകിച്ച് യൂറോപ്പിലെ ശാസ്ത്രീയ നവോത്ഥാനകാലമായ 16 , 17 നൂറ്റാണ്ടുകളിൽ.
അന്ധവിശ്വാസങ്ങളെയും ഊഹാപോഹങ്ങളെയും തമസ്‌ക്കരിച്ച പുരോഗനോന്മുഖമായ തെളിയിക്കപ്പെട്ട അറിവുകളുടെ വളർച്ചയാണ് ശാസ്ത്രജ്ഞരുടെ പ്രധാന സംഭാവന. അത്തരത്തിൽ ലോകത്തിന് തങ്ങളുടേതായ സംഭാവനകൾ നൽകിയ 20 ശാസ്ത്രപ്രതിയിഭകളെ പറ്റി വായിക്കാം...
1. ഐസക് ന്യൂട്ടൻ
ഇംഗ്ലണ്ടിൽ പ്രചാരത്തിലിരുന്ന ജൂലിയൻ പഞ്ചാംഗം പ്രകാരം 1642 ലെ ക്രിസ്മസ് ദിനത്തിലാണ് ഐസക് ന്യൂട്ടൻ ജനിച്ചത്. ഐസക് ജനിക്കുന്നതിനു മൂന്നു മാസം മുൻപ് അച്ഛൻ മരിച്ചു. മൂന്നാം വയസ്സിൽ അമ്മ പുനർവിവാഹം കഴിച്ചു. അമ്മൂമ്മയുടെ സംരക്ഷണത്തിൽ 12 വയസ്സിലാണ് സ്കൂൾ വിദ്യാഭ്യാസം ആരംഭിച്ചത്.
പ്രഗല്ഭനായ ഇംഗ്ലിഷ് ഭൗതികശാസ്ത്രജ്ഞനും, ഗണിതജ്ഞനും, ജ്യോതിശാസ്ത്രജ്ഞനും, തത്വചിന്തകനും, ആൽകെമിസ്റ്റും, ദൈവശാസ്ത്രജ്ഞനും ആയിരുന്നു സർ ഐസക് ന്യൂട്ടൻ (1642 ഡിസംബർ 25 - 1726 മാർച്ച് 20). ന്യൂട്ടൻ 1687-ൽ പുറത്തിറക്കിയ ഭൂഗുരുത്വാകർഷണം, ചലനനിയമങ്ങൾ എന്നിവയെ വിശദീകരിക്കുന്ന പ്രിൻസിപിയ എന്ന ഗ്രന്ഥം ബലതന്ത്രത്തിന്റെ അടിസ്ഥാനശിലയായി കണക്കാക്കുന്നു. തുടർന്നുള്ള മൂന്നു നൂറ്റാണ്ടുകളിൽ ഭൗതികപ്രപഞ്ചത്തിന്റെ ശാസ്ത്രീയവീക്ഷണം ഈ ഗ്രന്ഥത്തെ അടിസ്ഥാനപ്പെടുത്തിയായിരുന്നു. ഭൗമോപരിതലത്തിലുള്ള വസ്തുക്കളുടെയും ആകാശഗോളങ്ങളുടെയും ചലനം ഒരേ പ്രകൃതിനിയമങ്ങൾ അനുസരിച്ചാണെന്ന് അദ്ദേഹം തെളിയിച്ചു. പ്രകാശത്തിന്റെ കണികാസ്വഭാവം വ്യക്തമാക്കുന്ന കണികാസിദ്ധാന്തവും അദ്ദേഹത്തിന്റെ സംഭാവനയാണ്.
ആദ്യത്തെ പ്രാക്ടിക്കൽ റിഫ്ലക്ടിങ് ടെലസ്കോപ്പ് നിർമ്മിച്ചു. പ്രഭു പദവി ലഭിച്ച രണ്ടാമത്തെ ശാസ്ത്രജ്ഞൻ.
കാൽക്കുലസിന്റെ പിതാവ് എന്നറിയപ്പെടുന്നു. രാഷ്ട്രത്തിന്റെ ആദരവോടെ ശവമടക്കപ്പെട്ട ആദ്യ ഇംഗ്ലീഷ് ശാസ്ത്രജ്ഞൻ. ബലത്തിന്റെ യൂണിറ്റ് ന്യൂട്ടന്റെ പേരിൽ അറിയപ്പെടുന്നു.
ആദ്യമായി ലിങ്കൺ ഷെയറിലെ ഗ്രാമർസ്കൂളിൽ ചേർന്ന് പഠിച്ചു. ഗ്രാമർസ്കൂളിൽ യാന്ത്രികമോഡലുകൾ ഉണ്ടാക്കുന്നതിലാണ് ന്യൂട്ടൻ ശ്രദ്ധ കേന്ദ്രീകരിച്ചത്. സൺ ഡയൽ, വാട്ടർക്ലോക്ക്, നാൽചക്ര വാഹനം തുടങ്ങി അനവധി യാന്ത്രികമോഡലുകൾ സ്കൂൾ പഠനകാലത്ത് ഉണ്ടാക്കി.
1660 ല് അതായത് 18 വയസ്സിൽ കേംബ്രിഡ്ജിലെ ട്രിനിറ്റി കോളേജിൽ ചേർത്തു. അവിടെനിന്ന് പ്രകാശത്തെ കുറിച്ച് കെപ്ലർ എഴുതിയ പുസ്തകങ്ങൾ വായിക്കാനിടയായി. ഡെസ്കാർട്ട്സ്സിന്റെ ‘ജ്യോമട്രി’ ആണ് വാസ്തവത്തിൽ ന്യൂട്ടനെ മൗലികമായ ചിന്തയിലേക്ക് നയിച്ചത്. 1665-ൽ ട്രിനിറ്റി കോളേജിൽനിന്ന് ബിരുദമെടുത്തു. ഇതേവർഷം തന്നെയാണ് പ്രസിദ്ധമായ ബൈനോമിയൽ തിയറം കണ്ടെത്തിയതും കാൽക്കുലസ് എന്ന ഗണിതശാഖയുടെ പ്രാരംഭം കുറിച്ചതും.
1665-ൽ ആപ്പിൾ മരത്തിന്റെ ചുവട്ടിലിരിക്കുമ്പോൾ ആപ്പിൾ താഴെവീഴുന്നതുകണ്ട് എന്താണ് ഇത് മുകളിലേയ്ക്ക് പോകാത്തതെന്ന് വിചാരിച്ച ന്യൂട്ടന്റെ ചിന്തയാണ് 22 വർഷത്തിനുശേഷം ഗുരുത്വാകർഷണസിദ്ധാന്തമായി 1687-ൽ പുറത്തുവന്നത്. പ്രകാശത്തിന്റെ ഘടനയെക്കുറിച്ചായിരുന്നു പിന്നീട് ന്യൂട്ടന്റെ പഠനങ്ങൾ. നിറങ്ങളെക്കുറിച്ച് ബോയൽ എഴുതിയ പുസ്തകങ്ങളും കെപ്ലരുടെ എഴുത്തുകളും ന്യൂട്ടനെ വല്ലാതെ സ്വാധീനിച്ചു. ഒരു പ്രിസത്തിലൂടെ പ്രകാശകിരണം കടത്തിവിടുമ്പോൾ പ്രിസം നിറങ്ങൾ ഉല്പാദിപ്പിക്കുന്നതായി ബോയൽ പ്രസ്താവിച്ചത് ന്യൂട്ടന് സ്വീകാര്യമായില്ല. അദ്ദേഹം പരീക്ഷണങ്ങളിലൂടെ അത് തെറ്റാണെന്ന് തെളിയിച്ചു. മറ്റൊരു പ്രിസം തിരിച്ചുവച്ച് ആദ്യത്തെ പ്രിസത്തിൽനിന്നുത്ഭവിക്കുന്ന നിറങ്ങളെ വീണ്ടും കൂട്ടിയോജിപ്പിച്ച് ആദ്യത്തെ പ്രകാശംതന്നെ സൃഷ്ടിച്ചു. പ്രിസം കൊണ്ടുള്ള പരീക്ഷണങ്ങൾ ന്യൂട്ടന് വലിയ പ്രസിദ്ധി നേടിക്കൊടുത്തു. ന്യൂട്ടൻ തന്റെ 29ആം വയസ്സിൽ കേംബ്രിഡ്ജിൽ ലൂക്കേഷ്യൻ പ്രൊഫസർ ഓഫ് മാത്തമാറ്റിക്സ് ആയി. ഇതിന്റെയൊക്കെ പരിസമാപ്തിയായി 1668ൽ പ്രതിഫലന ടെലസ്കോപ്പ് നിർമിച്ചു.
1689ൽ ബ്രിട്ടിഷ് പാർലമെൻറിൽ തെരഞ്ഞെടുക്കപ്പെട്ട് പിന്നീട് തിരിച്ച് വന്നതോടെ അദ്ദേഹം രോഗശയ്യയിലായി. അവസാന കാലത്ത് ഈയത്തിൽനിന്നും രസത്തിൽ നിന്നും സ്വർണ്ണമുണ്ടാക്കാൻ സാധിക്കുമെന്ന് വിശ്വസിക്കുകയും വർഷങ്ങളോളം അതിന് ചെലവഴിക്കുകയുമുണ്ടായി. 1725 മുതൽ തികച്ചും രോഗഗ്രസ്തനായ ന്യൂട്ടൻ തന്റെ 85-ആം വയസ്സിൽ; 1727 മാർച്ച് 20ന് ഇഹലോകവാസം വെടിഞ്ഞു.
2. അലക്സാണ്ടർ ഗ്രഹാം ബെൽ
ടെലിഫോണിന്റെ ഉപജ്ഞാതാവായി പരക്കെ കണക്കാക്കപ്പെടുന്ന ശാസ്ത്രജ്ഞനാണ് അലക്സാണ്ടർ ഗ്രഹാം ബെൽ (മാർച്ച് 3, 1847 - ഓഗസ്റ്റ് 2, 1922). സ്കോട്ട്‌ലാന്റിലെ എഡിൻബറോയിലാണ് ഇദ്ദേഹം ജനിച്ചത്.
അലക്സാണ്ടർ ഗ്രഹാം ബെല്ലിന്റെ വീട് സ്കോട്ട്‌ലാന്റിലെ എഡിൻബർഗിൽ 16 സൗത്ത് ചർലൊട്ട് സ്ട്രീറ്റിൽ ആയിരുന്നു. അദ്ദേഹത്തിന്റെ അച്ഛൻ പ്രൊഫസർ അലക്സാണ്ടർ മേലവിൽ ബെല്ലും അമ്മ എലിസ ഗ്രെയ്സും ആയിരുന്നു. കേൾവി-സംസാര ശക്തികളേക്കുറിച്ചുള്ള പഠനങ്ങൾ ടെലിഫോണിന്റെ കണ്ടുപിടിത്തത്തിലേക്ക് ബെല്ലിനെ നയിച്ചു.
ചെറുപ്പത്തിൽ സഹോദരന്മാരുടെ പോലെ അദ്ദേഹം വീട്ടിൽ അച്ഛനിൽ നിന്നാണ് പഠിച്ചത്. കുറച്ചു കഴിഞ്ഞപ്പോൾ അദ്ദേഹം റോയൽ ഹൈ സ്കൂളിൽ ചേർന്നു. അദ്ദേഹത്തിന്റെ താൽപര്യം മുഴുവൻ ശാസ്‌ത്രത്തിൽ, പ്രേത്യേകിച്ച് ജീവശാസ്‌ത്രത്തിൽ ആയിരുന്നു.
സ്കൂളിൽ നിന്നും വിട്ടു കഴിഞ്ഞിട്ട് അദ്ദേഹം ലണ്ടനിൽ മുത്തച്ഛന്റെ ഒപ്പം താമസിക്കാൻ പോയി. ഈ സമയത്ത് അദ്ദേഹത്തിന് പഠനത്തോട് താൽപര്യം തോന്നി തുടങ്ങി. മുത്തച്ഛൻ കുറെ കഷ്ടപ്പെട്ട് ബെല്ലിനെ വൃത്തിയും ദൃഢവിശ്വാസംത്തോടും കൂടി സംസാരിക്കാൻ പഠിപ്പിച്ചു. ഇത് ഒരു അദ്ധ്യാപകനു വേണ്ട ഗുണങ്ങളായിരുന്നു. പതിനാറാം വയസ്സിൽ വെസ്റ്റേൺ ഹൗസ് അകാദമിയിൽ പാട്ടിനും പ്രസംഗത്തിലും അദ്ധ്യാപകനായി ജോലി കിട്ടി.
ചെറു പ്രായത്തിൽ തന്നെ ബെല്ലിനു ലോകത്തോട് ഒരു കൗതുകം ഉണ്ടായിരുന്നു. ചെറുപ്പത്തിൽ തന്നെ പരീക്ഷണങ്ങളൊക്കെ ചെയ്യുമായിരുന്നു അദ്ദേഹം. അദ്ദേഹത്തിന്റെ ഏറ്റവും അടുത്ത സുഹൃത്തായിരുന്നു അയൽവാസിയായ ബെൻ ഹെർട്മാൻ. അവരുടെ കുടുംബത്തിനു ഒരു ധാന്യം പൊടിപ്പിക്കുന്ന മില്ല് ഉണ്ടായിരുന്നു. അവിടെ കുറെ കവർച്ചകൾ നടക്കാറുണ്ടായിരുന്നു. ബെൽ മില്ലിൽ എന്തൊക്കെയാ ചെയ്യാറുള്ളത് എന്ന് ചോദിച്ചു. അവിടെ ഗോതമ്പിന്റെ തോട് കളയുന്ന ഒരു കഠിനമായ പണി ചെയ്യണം എന്നറിഞ്ഞു. പന്ത്രണ്ടാമത് വയസിൽ ബെൽ ഇതിനായി ഒരു ഉപകരണം ഉണ്ടാക്കി. ഇത് അവർ കുറേ വർഷത്തേക്ക് ഉപയോഗിക്കുകയും ചെയ്തു.
ടെലിഫോൺ ആദ്യമായി വികസിപ്പിച്ചെടുത്തതിന് പകർപ്പവകാശം കിട്ടിയത് അലക്സാണ്ടർ ഗ്രഹാം ബെല്ലിനാണ്.
വീടുകളിലും ഓഫീസുകളിലുമൊക്കെ ഇപ്പോഴും ഉപയോഗിക്കപ്പെടുന്ന അനലോഗ് ഫോൺ സിസ്റ്റം, ടെലിഫോൺ കണ്ടുപിടിച്ച അലക്സാണ്ടർ ഗ്രഹാം ബെൽ സ്ഥാപിച്ച കമ്പനിയുടെ അനന്തരഗാമിയാണ്. "വിസിബിൾ സ്പീച്ച്" എന്ന അക്ഷരമാല ഉപയോഗിച്ച് ബധിരരെ സംസാരിക്കാൻ പഠിപ്പിക്കുന്ന അദ്ധ്യാപകനായിരുന്നു ഗ്രഹാം ബെൽ. അദ്ദേഹത്തിന് ടെലിഗ്രാഫ് യന്ത്രം പരിഷ്കരിച്ച് കേബിളിലൂടെ ഒരേ സമയം ഒന്നിൽ കൂടുതൽ സന്ദേശങ്ങൾ അയയ്ക്കാൻ കഴിയുന്ന ഒരു മൾട്ടിപ്പിൾ ടെലിഗ്രാഫ് വികസിപ്പിച്ചെടുക്കണമെന്ന് താല്പര്യമുണ്ടായിരുന്നു. അതിനായുള്ള അദ്ദേഹത്തിന്റെ പല പരീക്ഷണങ്ങൾക്കിടയിൽ, വൈദ്യുത കറന്റ് രൂപഭേദപ്പെടുത്തിയാൽ മനുഷ്യന്റെ ശബ്‌ദത്തിനു സദൃശ്യമായ കമ്പനങ്ങൾ (vibrations) സൃഷ്ടിക്കാൻ കഴിയുമെന്ന് അദ്ദേഹം കണ്ടുപിടിച്ചു. പരീക്ഷണാർത്ഥം അദ്ദേഹം മെർക്യുറി കപ്പുകളും ട്യൂണിംഗ് ഫോർക്കുകളും ഉപയോഗിച്ച് ഒരു ഉപകരണം ഉണ്ടാക്കുകയും അത് വച്ച് പരീക്ഷണങ്ങൾ തുടരുകയും ചെയ്തു.
1876-ൽ ഇദ്ദേഹം ടെലിഫോണിന്റെ യു.എസ് പേറ്റന്റ് നേടി. 75-ആം വയസിൽ -1922 ഓഗസ്റ്റ് 2ന്- കാനഡയിലെ നോവ സ്കോട്ടിയയിൽ‌വച്ച് അന്തരിച്ചു.
3. സി.വി.രാമൻ
ഇരുപതാം നൂറ്റാണ്ടിലെ ലോകപ്രശസ്തരായ ഭാരതീയ ശാസ്ത്രജ്ഞരിൽ പ്രമുഖനാണ്‌ ചന്ദ്രശേഖര വെങ്കിട്ട രാമൻ അഥവാ സി.വി.രാമൻ. 1888 നവംബർ 7-ന്,തമിഴ്നാട്ടിലെ തഞ്ചാവൂർ ജില്ലയിൽ, ചന്ദ്രശേഖര അയ്യരുടേയും പാർവതി അമ്മാളുടേയും രണ്ടാമത്തെ മകനായി ചന്ദ്രശേഖര വെങ്കിട്ടരാമൻ ജനിച്ചു.
രാമൻ പ്രഭാവം എന്ന കണ്ടെത്തലിന്‌ 1930-ൽ ഭൗതികശാസ്ത്രത്തിലെ നോബൽ സമ്മാനത്തിന് അർഹനായി. ഫിസിക്സിൽ ആദ്യമായി നോബൽ സമ്മാനം നേടിയ ഏഷ്യക്കാരനുമാണ്. സ്ക്കൂൾ വിദ്യാഭ്യാസകാലഘട്ടത്തിൽ, രാമൻ, പഠനത്തിൽ ഉന്നതനിലവാരം പുലർത്തി. സ്കോളർഷിപ്പുകളും സമ്മാനങ്ങളും വാരിക്കൂട്ടി. ചെറുപ്പത്തിൽതന്നെ രാമന് ഭൗതികശാസ്ത്രത്തിൽ ഏറെ താല്പര്യമുണ്ടായിരുന്നു. പതിനൊന്നാമത്തെ വയസ്സിൽ രാമൻ മെട്രിക്കുലേഷൻ ഒന്നാമനായി വിജയിച്ചു. പിന്നീടദ്ദേഹം അച്ഛൻ പഠിപ്പിച്ചിരുന്ന എ.വി.എൻ. കോളേജിൽത്തന്നെ ഇന്റർമീഡിയേറ്റിന് ചേർന്നു. ഒന്നാമനായിത്തന്നെ ഇന്റർമീഡിയേറ്റും വിജയിച്ചു.
1903-ൽ, മദ്രാസിലെ പ്രശസ്തമായ പ്രസിഡൻസി കോളേജിൽ രാമൻ ബി.എ.യ്ക്കു ചേർന്നു. 1904-ൽ രാമൻ, ഇംഗ്ലീഷിലും ഭൗതികശാസ്ത്രത്തിലും സ്വർണമെഡലുകൾ നേടിക്കൊണ്ട് ബി.എ. ഒന്നാമനായി വിജയിച്ചു. പ്രസിഡൻസി കോളേജിൽത്തന്നെ ഭൗതികശാസ്ത്രം പഠിക്കാനായി എം.എ. യ്ക്കു ചേർന്നു. 1907-ൽ, രാമൻ ഒന്നാം സ്ഥാനം കരസ്ഥമാക്കിക്കൊണ്ട് തന്നെ എം.എ പാസ്സായി. സ്വന്തം ജ്യേഷ്ഠന്റെ പാത പിന്തുടർന്ന് ഫിനാൻഷ്യൽ സിവിൽ സർവ്വീസിന് (എഫ്.സി.എസ്.) ശ്രമിക്കുകയും 1907-ൽ എഫ്.സി.എസ്. പരീക്ഷ വിജയിക്കുകയും ചെയ്തു.
1907 ജൂണിൽ രാമൻ അസിസ്റ്റൻറ് അക്കൗണ്ടന്റ് ജനറലായി, കൽക്കട്ടയിൽ, ജോലിയിൽ പ്രവേശിച്ചു. അവിടെ രാമൻ വാടകക്ക് വീടെടുത്ത് താമസം ആരംഭിച്ചു. ഇതിനടുത്തായിരുന്നു ഇന്ത്യൻ അസോസിയേഷൻ ഫോർ ദി കൾട്ടിവേഷൻ ഓഫ് സയൻസ് (ഐ.എ.സി.എസ്.) എന്ന സ്ഥാപനം സ്ഥിതി ചെയ്തിരുന്നത്. ജോലികഴിഞ്ഞുള്ള സമയം അവിടത്തെ പരീക്ഷണശാലയിൽ ഗവേഷണം നടത്തുന്നതിന് രാമന് അനുവാദം ലഭിച്ചു. ജോലിസമയത്തിനു ശേഷം അതിരാവിലേയും രാത്രിയിലുമായി രാമൻ ഇവിടെ ഗവേഷണപ്രവർത്തനങ്ങളിലേർപ്പെട്ടു. രാമൻ തന്റെ ഗവേഷണഫലങ്ങൾ അപ്പപ്പോൾതന്നെ പ്രസിദ്ധീകരിച്ചിരുന്നു. തൽഫലമായി 1912-ൽ കർസൺ റിസർച്ച് പ്രൈസും (Curzon Research Prize) 1913-ൽ വുഡ്‌ബേൺ റിസർച്ച് മെഡലും (Woodburn Research Medal) അദ്ദേഹത്തിനു ലഭിച്ചു. 1917ൽ സർക്കാർ ഉദ്യോഗം രാജിവെച്ച് കൽക്കത്ത യൂണിവേഴ്സിറ്റി സയൻസ് കോളേജിൽ ഭൗതികശാസ്ത്ര വിഭാഗം മേധാവിയായി രാമൻ സ്ഥാനമേറ്റു.
സർക്കാർ ജോലിയിൽ ലഭിച്ചിരുന്നതിന്റെ പകുതി ശമ്പളത്തിലാണ് കൽക്കത്ത സർവകലാശാലയിൽ പാലിറ്റ് പ്രൊഫസറായ രാമൻ നിയമിതനാകുന്നത്.
സർവകലാശാലയിൽ പ്രൊഫസറാണെങ്കിലും, രാമന്റെ ഗവേഷണം മുഴുവൻ ഇന്ത്യൻ അസോസിയേഷനിൽ തന്നെയായിരുന്നു. രാമനൊപ്പം ഇന്ത്യൻ അസോസിയേഷനും വളർന്നു. പുതിയ കണ്ടുപിടിത്തങ്ങളും ശാസ്ത്രപ്രസിദ്ധീകരണങ്ങളും അവിടുന്നുണ്ടായി. രാമന് കീഴിൽ ഗവേഷണം നടത്താൻ രാജ്യത്തിന്റെ വിവിധ ഭാഗങ്ങളിൽ നിന്നെത്തിയ വിദ്യാർഥികളും ഇന്ത്യൻ അസോസിയേഷനിലാണ് ഗവേഷണം നടത്തിയത്. തുടർച്ചയായി ശാസ്ത്രക്ലാസുകളും അവിടെ നടന്നു. ഒടുവിൽ രാമൻ ഇന്ത്യൻ അസോസിയേഷന്റെ സെക്രട്ടറിയുമായി.
1921ൽ യൂറോപ്പിൽ നിന്നുള്ള കപ്പൽയാത്രയിൽ കടലിന്റെ നീലനിറം നിരീക്ഷിച്ചുകൊണ്ട് രാമൻ ആരംഭിച്ച പ്രകാശപഠനത്തിന്റെ തുടർച്ചയായാണ് അദ്ദേഹവും വിദ്യാർഥികളും ചേർന്ന് 1928ൽ 'രാമൻ പ്രഭാവം' കണ്ടുപിടിച്ചത്. 1930ൽ നൊബേൽ പുരസ്കാരം നേടിയ രാമൻ, 1933ൽ ബാംഗ്ലൂരിലെ 'ഇന്ത്യൻ ഇൻസ്റ്റിട്ട്യൂട്ട് ഓഫ് സയൻസി'ന്റെ ഇന്ത്യക്കാരനായ ആദ്യ ഡയറക്ടറായി ചുമതലയേറ്റു.
1948 നവംബറിൽ ഇന്ത്യൻ ഇൻസ്റ്റിട്ട്യൂട്ടിൽ നിന്ന് വിരമിച്ച രാമൻ, അതിനടുത്തു തന്നെ തന്റെ സ്വന്തം സ്ഥാപനമായ 'രാമൻ റിസർച്ച് ഇൻസ്റ്റിട്ട്യൂട്ട്' (RRI) സ്ഥാപിച്ച് ഗവേഷണം തുടർന്നു. 1970 നവംബർ 21 ന് മരിക്കും വരെയും പ്രകൃതിരഹസ്യങ്ങൾ തേടാനുള്ള ജിജ്ഞാസ അദ്ദേഹം കാത്തുസൂക്ഷിച്ചു. ഇന്ത്യൻ ഇൻസ്റ്റിറ്റ്യൂറ്റ് ഓഫ് സയൻസിൽ നിന്നു 1948-ൽ അദ്ദേഹം വിരമിച്ചു. അതിനു ശേഷം ബാംഗ്ലൂരിൽ അദ്ദേഹം രാമൻ റിസേർച്ച് ഇൻസ്റ്റിറ്റ്യൂട്ട് സ്ഥാപിച്ചു. മരിക്കുന്നതു വരെ അദ്ദേഹം അതിന്റെ ഡയറക്ടറായി പ്രവർത്തിച്ചു. 1954-ൽ അദ്ദേഹത്തിനു ഭാരതരത്നം പുരസ്കാരം ലഭിച്ചു. 1970 നവംബർ 21 ശനിയാഴ്ച വെളുപ്പിന് 82-മത്തെ വയസ്സിൽ സി .വി. രാമൻ മരണമടഞ്ഞു.
4. പൈഥഗോറസ്
ഗ്രീസിന്റെ ഭാഗമായിരുന്ന സാമോസിൽ ബി.സി. 580-ലാണ് പൈതഗോറസിന്റെ ജനനം എന്നു കരുതപ്പെടുന്നു. അക്കാലത്തെ പ്രശസ്ത പണ്ഡിതരായിരുന്ന അനക്സിമാണ്ടറുടെയും ഥെയിൽസിന്റെയും ശിഷ്യനായിരുന്ന അദ്ദേഹം ജ്യോതിശാസ്ത്രത്തിലും ഗണിതത്തിലും തത്വചിന്തയിലും അറിവു നേടി. കൂടുതൽ അറിവിനു വേണ്ടി ഈജിപ്റ്റിലും പടിഞ്ഞാറൻ ഏഷ്യയിലുമൊക്കെ അദ്ദേഹം സഞ്ചരിച്ചു.
പുരോഹിതരുടെ ഗണിതവും സംഗീതവുമായ അറിവ് പഠിക്കാൻ പൈതഗോറസ് കാംബിസെസ് രണ്ടാമനോടൊപ്പം ബാബിലോണിലേക്ക് പോയതായി ചില ഉറവിടങ്ങൾ ഉറപ്പുനൽകുന്നു. ക്രോട്ടോണയിൽ തന്റെ പ്രശസ്തമായ സ്കൂൾ സ്ഥാപിക്കുന്നതിനും സ്ഥാപിക്കുന്നതിനുമുമ്പ് ഡെലോസ്, ക്രീറ്റ്, ഗ്രീക്ക എന്നിവിടങ്ങളിലേക്കുള്ള യാത്രകളെക്കുറിച്ച് സംസാരമുണ്ട്. കൂടുതൽ ശക്തിയും ജനപ്രീതിയും നേടുന്നതിന് രണ്ട് നൂറ്റാണ്ടുകൾക്ക് മുമ്പ് ഗ്രീക്കുകാർ സ്ഥാപിച്ച കോളനികളിലൊന്നാണ് ഇത്. അതിൽ അദ്ദേഹം തന്റെ സ്കൂൾ സ്ഥാപിച്ചു, അവിടെ ജ്യാമിതിയെക്കുറിച്ചും ഗണിതശാസ്ത്രത്തെക്കുറിച്ചും കൂടുതൽ പഠിച്ചു.
പുരാതന ഗ്രീസിലെ പ്രശസ്തനായ ഗണിതശാസ്ത്രജ്ഞനും തത്ത്വജ്ഞാനിയുമായിരുന്നു പൈഥഗോറസ് (580 - 500ബി.സി.). ഭൂമിയ്ക്ക് ഗോളാകൃതിയാണെന്നും ഗ്രഹങ്ങൾക്കെല്ലാം അവരുടെതായ സഞ്ചാരപാതയുണ്ടെന്നും അദ്ദേഹം സമർത്ഥിച്ചു. ത്രികോണമിതിയിലെ പ്രധാന സിദ്ധാന്തങ്ങളിലൊന്നായ പൈഥഗോറസ് സിദ്ധാന്തം ഇദ്ദേഹത്തിന്റെ സംഭാവനയാണ്. ക്ഷേത്രഗണിതവും സംഖ്യാശാസ്ത്രവും ആയിരുന്നു പ്രധാന ഗവേഷണമേഖലകൾ. ജ്യോതിശാസ്ത്രത്തിലും ശബ്ദം, സംഗീതം എന്നീ മേഖലകളിലും പൈതഗോറസ് തന്റേതായ സംഭാവനകൾ നൽകിയിട്ടുണ്ട്.
ഗണിതശാസ്ത്രത്തിലെ യൂക്ലിഡിയൻ ജ്യാമിതിയിൽ ഒരു മട്ടത്രികോണത്തിന്റെ മൂന്ന് വശങ്ങളുടെയും ബന്ധങ്ങൾ വിശദീകരിക്കാൻ ഉപയോഗിക്കുന്ന ഒരു സിദ്ധാന്തമാണ്‌ പൈഥഗോറസ് സിദ്ധാന്തം. ഇത് കണ്ടുപിടിക്കുകയും തെളിയിക്കുകയും ചെയ്ത ഗ്രീക്ക് ഗണിതശാസ്ത്രജ്ഞനായിരുന്ന് പൈഥഗോറസ്പേരിലാണ്‌ ഇത് അറിയപ്പെടുന്നത്.
സംഖ്യകളെ ത്രികോണസംഖ്യകൾ, ചതുരസംഖ്യകൾ, പഞ്ചകോണസംഖ്യകൾ എന്നിങ്ങനെ തിരിച്ചു. ഉദാഹരണത്തിനു 1,3,6... ത്രികോണസംഖ്യകളായും 1,4,9,16...തുടങ്ങിയവ ചതുരസംഖ്യകളായും 1,5,12,22..തുടങ്ങിയവ പഞ്ചകോണസംഖ്യകളായും ഇദ്ദേഹം അവതരിപ്പിച്ചു. നിഗമനസമ്പ്രദായം, ക്രമബഹുതലപഠനം ഇവയും ഇദ്ദേഹം നടത്തി. അപരിമേയസംഖ്യകൾ കണ്ടെത്തി
ക്രിസ്തുവിനും അഞ്ചുനൂറ്റാണ്ട് മുമ്പ് ജീവിച്ചിരുന്ന ഗ്രീക്കുകാരനായ ഇദ്ദേഹമാണ് ഭൂമിയുടെ കോളാകൃതി യുക്തിഭദ്രമായി പ്രവചിച്ച ആദ്യ ദാർശനികൻ. ഗ്രഹണസമയത്ത് ചന്ദ്രനിൽ വീഴുന്ന ഭൂമിയുടെ നിഴലിന് എല്ലായ്പ്പോഴും വൃത്താകൃതിയാണുള്ളത് എന്ന നിരീക്ഷണത്തിൽ നിന്നാണ് പൈതഗോറസ് ഭൂമിയുടെ ഗോളാകൃതി പ്രവചിച്ചത്. പ്രഭാത നക്ഷത്രമെന്നും സായാഹ്നനക്ഷത്രമെന്നും രണ്ടായിക്കരുതിയിരുന്ന ആകാശ വസ്തു ഒന്നാണെന്ന് സ്ഥാപിച്ചു.
ചന്ദ്രന്റെ ഭ്രമണ തലം ഭൂമദ്ധ്യരേഖയുടെ തലത്തിൽ നിന്നും ചരിഞ്ഞാണെന്ന് നിരീക്ഷിച്ചു. അന്ന് അറിയപ്പെട്ടിരുന്ന എല്ലാ ഗ്രഹങ്ങളും (സൂര്യനും ചന്ദ്രനും അടക്കം) ഗോളങ്ങളാണ് എന്നും അവ വൃത്താകാര പാതയിൽ ഭൂമിയെ ചുറ്റുന്നു എന്നും പ്രസ്ഥാവിച്ചു.
5. റോസാലിന്റ് ഫ്രാങ്ക്ലിൻ
ലണ്ടനിലെ നോട്ടിങ് ഹില്ലിലെ ഒരു ജൂത കുടുംബത്തിലാണ് റോസാലിന്റ് ജനിച്ചത്. സെന്റ് പോൾസ് ഹൈസ്കൂളിൽ വിദ്യാഭ്യാസം പൂർത്തിയാക്കി. ക്യാംബ്രിഡ്ജിലെ ന്യൂൻഹാം കോളേജിൽ നിന്നും രസതന്ത്രത്തിൽ ബിരുദം കരസ്ഥമാക്കി. പിന്നീട് ബ്രിട്ടീഷ് കൽക്കരി ഗവേഷണ കേന്ദ്രത്തിൽ കൽക്കരിയിലെ സുഷിരങ്ങളെക്കുറിച്ച് പഠിച്ചു. ഈ ഗവേഷണം അവരെ ഡോക്ടറേറ്റിന് അർഹയാക്കി.
ഒരു ബ്രിട്ടീഷ് ജൈവ-ഭൗതിക ശാസ്ത്രജ്ഞയും, ക്രിസ്റ്റലോഗ്രാഫറുമാണ് റോസാലിന്റ് ഫ്രാങ്ക്ലിൻ. ഡി.എൻ.എയുടെയും, ആർ.എൻ.എ യുടെയും, പല വൈറസുകളുടെയും കൽക്കരി, ഗ്രാഫൈറ്റ് എന്നിവയുടേയും തന്മാത്രാഘടന നിർണ്ണയത്തിന് ഇവരുടെ സംഭാവന വളരെ നിർണ്ണായകമായിരുന്നു. ഇവരുടെ ഏറ്റവും പ്രശസ്തമായ കണ്ടുപിടിത്തമായ ഡി.എൻ.എ-യുടെ ഘടന ജനിതകശാസ്ത്രത്തിലെ നാഴികക്കല്ലായി വിശേഷിപ്പിക്കപ്പെടുന്നു.
ലണ്ടനിലെ കിഗ്ൻസ് കോളേജിൽ റോസാലിന്റ് ഗവേഷകയായി നിയമിക്കപ്പെട്ടു. മാംസ്യങ്ങളുടെയും, കൊഴുപ്പുകളുടെയും എക്സ്-റേ ഡിഫ്രാക്ഷൻ ഘടന പഠിക്കുവാനാണ് അവരെ നിയോഗിച്ചിരുന്നതെങ്കിലും ഡി.എൻ.എ യുടെ ഘടനയെയാണ് അടിയന്തരമായി പഠനവിധേയമാക്കേണ്ടതെന്ന് മനസ്സിലാക്കി ഗവേഷണം ആ വഴിക്ക് തിരിച്ചു വിടുകയായിരുന്നു. തന്റെ വിദ്യാർഥിയായ റേമണ്ട് ഗോസ്ലിങിനോടൊപ്പം അവർ ഡി.എൻ.എയെപ്പറ്റി ഗവേഷണം ആരംഭിച്ചു. രണ്ട് തരത്തിലുള്ള ഡി.എൻ.എ ഉണ്ട് എന്നും, അതിൽ ഒന്ന് നീണ്ടതും മെലിഞ്ഞതുമായ ഡി.എൻ.എ ആണെന്നും, മറ്റേത് ചെറുതും തടിച്ചതുമായതാണെന്നും കണ്ടെത്തി. ആദ്യത്തേതിനെ 'ബി' ഡി.എൻ.എ എന്നും രണ്ടാമത്തതിനെ 'എ' ഡി.എൻ.എ എന്നും വിളിച്ചു.
ബിറ്ബെക്കിൽ വെച്ച് ജോൺ ഡെസ്മണ്ട് ബെർണലിനൊപ്പം വൈറസുകളുടെ തന്മാത്രാഘടനയുമായി ബന്ധപ്പെട്ട പ്രമുഖമായ ഗവേഷണപ്രവർത്തനങ്ങൾ നടത്തി. 1958ൽ ബ്രസൽസിലെ അന്താരാഷ്രസമ്മേളനത്തിൽ വച്ച് റ്റുബാക്കോ മൊസൈക്ക് വൈറസ്സിന്റെ] ഘടന അവതരിപ്പിക്കുന്നതിന് ഒരു ദിവസം മുൻപ് തന്റെ 37 വയസുള്ളപ്പോൾ അണ്ഡാശയ അർബുദം മൂലം അവർ മരണപ്പെടുകയാണുണ്ടായത്. അവരുടെ സഹപ്രവർത്തകനായിരുന്ന ആരോൺ ക്ലഗ് അവരുടെ ഗവേഷണം മുന്നോട്ടുകൊണ്ടുപോകുകയും 1982ൽ രസതന്ത്രത്തിൽ നോബേൽ സമ്മാനത്തിന് അർഹനാകുകയും ചെയ്തു.
6. എ.പി.ജെ. അബ്ദുൽ കലാം
ഹൈന്ദവ ക്ഷേത്രങ്ങൾക്ക് പേരുകേട്ട തമിഴ്നാട്ടിലെ രാമേശ്വരത്ത് ഒരു സാധാരണ മുസ്ലിം കുടുംബത്തിൽ 1931 ഒക്ടോബർ 15ന് ജൈനുലാബ്ദീന്റേയും, ആഷിയമ്മയുടേയും ഇളയപുത്രനായാണ് എ.പി.ജെ. അബ്ദുൽ കലാം ജനിച്ചത്. രാമനാഥപുരത്തെ ഷെവാർട് സ്കൂളിലായിരുന്നു കലാമിന്റെ പ്രാഥമിക വിദ്യാഭ്യാസം. രാമേശ്വരം സ്കൂളിൽ പ്രാഥമികപഠനം പൂർത്തിയാക്കിയശേഷം, കലാം തിരുച്ചിറപ്പള്ളി സെന്റ് ജോസഫ്സ് കോളേജിൽ ഉപരിപഠനത്തിനായി ചേർന്നു.
1955-ൽ എയ്റോസ്പേസ് എഞ്ചിനീയറിംഗ് പഠിക്കുവാനായി മദ്രാസിലേക്കു പോയി. അക്കാലത്ത് സാങ്കേതികവിദ്യാ പഠനത്തിൽ പ്രശസ്തമായ മദ്രാസ് ഇൻസ്റ്റിറ്റ്യൂട്ട് ഓഫ് ടെക്നോളജിയിൽ ഉപരിപഠനത്തിനായി ചേർന്നു. പഠനത്തിന്റെ രണ്ടാം വർഷത്തിൽ ഏതെങ്കിലും ഒരു വിഷയം ഐച്ഛികമായി എടുത്തു പഠിക്കേണ്ടിയിരുന്നു. എയ്റോനോട്ടിക്സ് അഥവാ വ്യോമയാനവിജ്ഞാനീയം എന്ന വിഷയമാണ് തന്റെ ഐച്ഛികമായി കലാം തിരഞ്ഞെടുത്തത്.
1958ൽ ഹിന്ദുസ്ഥാൻ എയ്റോനോട്ടിക്സിൽ ട്രെയിനിയായി ചേർന്നു. 1960-ൽ ബിരുദം നേടിയ ശേഷം കലാം, ഡയറക്ടറേറ്റ് ഓഫ് ടെക്നിക്കൽ ഡെവലപ്പ്മെന്റ് ആന്റ് പ്രൊഡക്ഷൻ (എയർ) എന്ന സ്ഥാപനത്തിൽ ശാസ്ത്രജ്ഞനായി ജോലിക്കു ചേർന്നു. ഇന്ത്യൻ സൈന്യത്തിനു വേണ്ടി ഒരു സൂപ്പർസോണിക്ക് ടാർജറ്റ് എയർക്രാഫ്റ്റ് നിർമ്മിക്കുക എന്നതായിരുന്നു ഒരു ശാസ്ത്രജ്ഞൻ എന്ന നിലയിൽ കലാമിന്റെ ആദ്യ ദൗത്യം. ജലത്തിലും കരയിലും ഒരുപോലെ സഞ്ചരിക്കാനാകുന്ന ഹോവർക്രാഫ്ടിന്റെ സാങ്കേതികവിദ്യ വികസിപ്പിച്ചെടുക്കുക എന്നതായിരുന്നു കലാമിനെ ഏല്പിച്ച അടുത്ത ദൗത്യം. ടാറ്റാ ഇൻസ്റ്റിറ്റിയൂട്ട് ഓഫ് ഫണ്ടമെൻറൽ റിസർച്ചിന്റെ ഡയറക്ടർ പ്രൊഫ. എം.ജി.കെ. മേനോൻ ആയിടയ്ക്കാണ് എച്ച്.എ.എല്ലിൽ എത്തിയത്. മേനോനാണ് കലാമിലെ റോക്കറ്റ് എൻജിനീയറെ കണ്ടെത്തിയത്. ഡോക്ടർ.വിക്രം സാരാഭായി താൻ നേതൃത്വം നൽകിയിരുന്ന ഇന്ത്യൻ നാഷണൽ കമ്മിറ്റി ഫോർ സ്പേസ് റിസർച്ച് എന്ന സ്ഥാപനത്തിൽ ചേരുവാനായി അദ്ദേഹത്തെ ക്ഷണിച്ചു. അദ്ദേഹം തുമ്പയിൽ ഒരു വിക്ഷേപണ കേന്ദ്രം തുടങ്ങാൻ കലാമിനെ ഏല്പിച്ചു.
1962-ലായിരുന്നു അത്. ഇന്ത്യയിൽ നിന്ന് വിക്ഷേപിച്ച ആദ്യ റോക്കറ്റായ നൈക്കി-അപാച്ചി, കലാമിന്റെ നേതൃപാടവത്തിന്റെ ഫലമായി, അധികം താമസിയാതെ, 1963 നവംബർ 1-ആം തീയതി തുമ്പയിൽ നിന്ന് ആകാശത്തിലേക്ക്കുതിച്ചു. 1969-ൽ കലാം, ഇന്ത്യൻ സ്പേസ് റിസർച്ച് ഓർഗനൈസേഷനിൽ നിയമിതനായി. ഇതോടെ കലാം, ഇന്ത്യയുടെ ആദ്യത്തെ ഉപഗ്രഹവിക്ഷേപണവാഹനം വികസിപ്പിച്ചെടുക്കാനുള്ള സംഘത്തിന്റെ തലവനായി നിയമിക്കപ്പെട്ടു.ഇന്ത്യ ആദ്യ റോക്കറ്റ് വിക്ഷേപിക്കുമ്പോൾ റേഞ്ച് സേഫ്റ്റി ഡയറക്ടർ ആയിരുന്ന കലാം, മനസ്സും ശരീരവും പൂർണമായി അർപ്പിച്ചു കൊണ്ട് തന്റെ സംഘത്തോടൊപ്പം
എസ്.എൽ.വി. 3 എന്ന വിക്ഷേപണവാഹനം വികസിപ്പിച്ചെടുത്തു.
രാഷ്ട്രം മുഴുവൻ ഉറ്റുനോക്കിയ വിക്ഷേപണമായിരുന്നു അത്. എന്നാൽ, 317 സെക്കൻഡുകൾക്ക് ശേഷം ഇന്ത്യൻ മഹാസമുദ്രത്തിൽ റോക്കറ്റ് തകർന്ന് വീണു.
1980 ജൂലായ് 17-ന് രോഹിണി എന്ന കൃത്രിമോപഗ്രഹത്തെ അദ്ദേഹം വിജയകരമായി ഭ്രമണപഥത്തിലെത്തിച്ചു. എസ്.എൽ.വി.-3യുടെ വിജയം കലാമിനെ ആഗോളപ്രശസ്തനാക്കി. ഹൈദരാബാദിലെ DRDOയുടെ തലവനായി കലാം 1982-ൽ ചുമതലയേറ്റത് ഇന്ത്യൻ മിസൈൽ സാങ്കേതികവിദ്യയിലെ വഴിത്തിരിവാകുകയായിരുന്നു. ഉപഗ്രഹവിക്ഷേപണവാഹനത്തിന്റെ വിജയം കലാമിനെ കൂടുതൽ ഉത്തരവാദിത്തമുള്ള ജോലിയിലേക്കു നയിച്ചു. പ്രധാനമന്ത്രി ഇന്ദിരാഗാന്ധിയുടെ പ്രത്യേക താൽപര്യപ്രകാരം ഇന്ത്യക്കു വേണ്ടി ഒരു ബാലിസ്റ്റിക് മിസൈൽ നിർമ്മിക്കുക എന്നതായിരുന്നു കലാമിനു ചെയ്യേണ്ടുന്നതായ പുതിയ ദൗത്യം. ഇന്ത്യക്കു വേണ്ടി മിസൈലുകൾ ഘട്ടം ഘട്ടമായി വികസിപ്പിക്കുന്ന ഒരു പദ്ധതിയാണ് കലാം അന്നത്തെ പ്രതിരോധമന്ത്രിയായിരുന്ന ആർ.വെങ്കട്ടരാമന്റെ മുന്നിൽ അവതരിപ്പിച്ചത്. 12 വർഷം ആയിരുന്നു പദ്ധതിയുടെ കാലയളവായി കലാം കണക്കാക്കിയിരുന്നത്. എന്നാൽ ഈ മാതൃകക്കു പകരം ഒരു സംയോജിത ഗൈഡഡ് മിസൈൽ വികസന പദ്ധതി തയ്യാറാക്കാനും നടപ്പാക്കാനും വെങ്കിട്ടരാമൻ കലാമിനോട് ആവശ്യപ്പെടുകയായിരുന്നു.
ഈ പദ്ധതിയുടെ കീഴിൽ കലാമിന്റെ നേതൃത്വത്തിൽ ഒട്ടനവധി മിസൈലുകൾ നിർമ്മിക്കുകയുണ്ടായി. അഗ്നി എന്നു പേരിട്ട മധ്യദൂര ബാലിസ്റ്റിക് മിസൈൽ, പൃഥി എന്നു നാമകരണം ചെയ്ത സർഫസ്-ടു-സർഫസ് മിസൈൽ എന്നിവ ഈ പദ്ധതിയിലൂടെ പിറവിയെടുത്ത ചില ആയുധങ്ങളാണ്.
ഇന്ത്യയുടെ പതിനൊന്നാമത്തെ രാഷ്ട്രപതിയായിട്ടാണ് കലാം രാഷ്ട്രപതി ഭവനിൽ പ്രവേശിക്കുന്നത്. ഭാരതരത്ന പുരസ്കാരം ലഭിക്കുന്ന മൂന്നാമത്തെ രാഷ്ട്രപതി എന്ന ബഹുമതി കൂടി അബ്ദുൾ കലാമിനുണ്ട്. മുപ്പതോളം സർ‌വ്വകലാശാലകളിൽ നിന്നും അദ്ദേഹത്തിന് ഓണററി ഡോക്ടറേറ്റ് ലഭിച്ചിട്ടുണ്ട് മാത്രമല്ല ഭാരത സർക്കാർ രാജ്യത്തെ പരമോന്നത സിവിലിയൻ ബഹുമതികൾ നൽകിയും ഡോ. കലാമിനെ ആദരിച്ചിരിക്കുന്നു.1981ൽ പദ്മഭൂഷൺ, 1990ൽ പദ്മവിഭൂഷൺ,1997ൽ ഭാരത രത്നം എന്നീ ബഹുമതികളാണ് അദ്ദേഹത്തിന് ലഭിച്ചിട്ടുള്ളത്. ഡോ.എ.പി.ജെ അബ്ദുള്‍ കലാം. നിരവധി പുസ്തകങ്ങളാണ് അദ്ദേഹം ലോകത്തിന് സമ്മാനിച്ചത്. സ്വന്തം ജീവിതാനുഭവങ്ങളും വീക്ഷണങ്ങളും പങ്കുവയ്ക്കുന്നവ മുതല്‍ ഇന്ത്യയുടെ ഭാവിയെ പറ്റി തനിക്കുള്ള ആശങ്കകള്‍ പങ്കുവയ്ക്കുന്നവ വരെ. തലമുറകള്‍ക്ക് പ്രചോദനാത്മകമായ അദ്ദേഹത്തിന്റെ പുസ്തകങ്ങളില്‍ ഒട്ടുമിക്കവയും ഡി സി ബുക്‌സ് മലയാളി വായനക്കാര്‍ക്കായി വിവര്‍ത്തനം ചെയ്ത് പ്രസിദ്ധീകരിച്ചിട്ടുണ്ട്. അഗ്‌നിച്ചിറകുകള്‍ (വിംഗ്‌സ് ഓഫ് ഫയര്‍), ജ്വലിക്കുന്ന മനസ്സുകള്‍ (ഇഗ്‌നൈറ്റഡ് മൈന്റ്‌സ്), യുവത്വം കൊതിക്കുന്ന ഇന്ത്യ (ഗവേണന്‍സ് ഫോര്‍ ഗ്രോത്ത് ഇന്‍ ഇന്ത്യ), എന്റെ ജീവിതയാത്ര (മൈ ജേര്‍ണി), വിടരേണ്ട പൂമൊട്ടുകള്‍ (യു ആര്‍ ബോണ്‍ റ്റു ബ്ലോസം), അസാധ്യതയിലെ സാധ്യത (സ്‌ക്വയറിംഗ് ദി സര്‍ക്കിള്‍: സെവന്‍ സ്‌റ്റെപ്‌സ് ടു ഇന്ത്യന്‍ റെണെയ്‌സന്‍സ്), അജയ്യമായ ആത്മചൈതന്യം (ഇന്‍ഡോമിറ്റബിള്‍ സ്പിരിറ്റ്), വഴിത്തിരുവുകള്‍ (ടെണിങ് പോയിന്റ്) തുടങ്ങിയ അദ്ദേഹത്തിന്റെ പുസ്തകങ്ങളുടെ പുതിയ പതിപ്പുകള്‍ പുറത്തിറങ്ങി.
2015 ജൂലൈ 27ന് 84-ാം വയസ്സിൽ അദ്ദേഹം അന്തരിച്ചു. ഷില്ലോങ്ങിൽ ഇന്ത്യൻ ഇൻസ്റ്റിറ്റിയൂട്ട് ഓഫ് മാനേജ്‌മെന്റിൽ പ്രസംഗിക്കുന്നതിനിടെ ഉണ്ടായ ഹൃദയാഘാതത്തെത്തുടർന്ന് കുഴഞ്ഞുവീഴുകയായിരുന്നു.
7. ചാൾസ് റോബർട്ട് ഡാർവിൻ
ഇംഗ്ലണ്ടിലെ ഷ്രോപ്ഷയറിൽ, ഷ്രൂബറി എന്ന സ്ഥലത്തുള്ള മൗണ്ട് എന്നുപേരായ കുടുംബവീട്ടിൽ 1809 ഫെബ്രുവരി 12-ന് ഡാർവിൻ ജനിച്ചു. സമ്പന്നനായ ഭിഷഗ്വരനും പണമിടപാടുകാരനുമായ റോബർട്ട് ഡാർവിന്റേയും സൂസന്നാ ഡാർവിന്റേയും ആറു മക്കളിൽ അഞ്ചാമനായിരുന്നു ചാൾസ്.
ജീവിവർഗ്ഗങ്ങളെല്ലാം പൊതുപൂർവികന്മാരിൽ നിന്ന് കാലക്രമത്തിൽ പ്രകൃതിനിർദ്ധാരണം എന്ന പ്രക്രിയവഴി രൂപപ്പെട്ടു വന്നവയാണെന്ന് കണ്ടെത്തുകയും സ്ഥാപിക്കുകയും ചെയ്ത ഇംഗ്ലീഷ് പ്രകൃതിശാസ്ത്രജ്ഞനാണ് ചാൾസ് റോബർട്ട് ഡാർവിൻ.
ജീവിതകാലത്തുതന്നെ ശാസ്ത്രസമൂഹവും, ഒരളവുവരെ ജനസാമാന്യവും അംഗീകരിച്ചു. പരിണാമപ്രക്രിയയുടെ അടിസ്ഥാനവിശദീകരണമായി 1930-കളോടെ സ്വീകരിക്കപ്പെട്ട ഡാർവിന്റെ പ്രകൃതിനിർദ്ധാരണവാദം,ആധുനിക പരിണാമസിദ്ധാന്തത്തിന്റെ മൂലതത്ത്വമാണ്. ജീവന്റെ വൈവിദ്ധ്യത്തിന് ഏകീകൃതവും യുക്തിബദ്ധവുമായ വിശദീകരണം തരുന്ന ഡാർവിന്റെ കണ്ടുപിടിത്തം, മാറ്റങ്ങളോടെയാണെങ്കിലും, ഇന്ന് ജീവശാസ്ത്രത്തിന്റെ അടിസ്ഥാനമായിരിക്കുന്നു.
പ്രകൃതിചരിത്രത്തിൽ ഡാർവിന് താത്പര്യം ജനിച്ചത് എഡിൻബറോ സർവകലാശാലയി വൈദ്യശാസ്ത്രവും പിന്നീട് കേംബ്രിഡ്ജിൽ ദൈവശാസ്ത്രവും പഠിക്കുമ്പോഴാണ്. ബീഗിൾ എന്ന കപ്പലിലെ അഞ്ചുവർഷത്തെ യാത്ര ഭൗമശാസ്ത്രജ്ഞനെന്ന നിലയിലുള്ള ഡാർവിന്റെ പ്രാഗല്ഭ്യം തെളിയിച്ചു. പ്രകൃതിപ്രക്രിയകൾ എല്ലാക്കാലത്തും ഒരേ വഴിയാണ് പിന്തുടരുന്നതെന്നും, ഭൂതകാലത്തെക്കുറിച്ചുള്ള അറിവിലേക്കുള്ള വഴി വർത്തമാനകാലത്തിന്റെ പഠനമാണെന്നുമുള്ള ചാൾസ് ലില്ലിന്റെ സിദ്ധാന്തത്തെ പിന്തുണക്കുന്നവയായിരുന്നു, ഈ മേഖലയിലെ ഡാർവിന്റെ കണ്ടുപിടിത്തങ്ങൾ.
1859-ൽ ഡാർവിന്റെ ജീവിവർഗ്ഗങ്ങളുടെ ഉല്പത്തിയുടെ പ്രസിദ്ധീകരണത്തോടെ, പൊതുവായ തുടക്കത്തിൽ നിന്നുള്ള പരിണാമം, പ്രകൃതിയിലെ വൈവിദ്ധ്യത്തിന്റെ ഏറ്റവും സ്വീകാര്യമായ ശാസ്ത്രീയ വിശദീകരണമായി അംഗീകരിക്കപ്പെട്ടു. പിന്നീട് പ്രസിദ്ധീകരിച്ച, മനുഷ്യന്റെ ഉത്ഭവവും ലൈംഗികനിർദ്ധാരണവും എന്ന കൃതിയിൽ മനുഷ്യപരിണാമവുമായി ബന്ധപ്പെട്ട വിഷയങ്ങളാണ് പരിഗണിക്കപ്പെട്ടത്. മനുഷ്യനിലേയും മൃഗങ്ങളിലേയും വികാരപ്രകടനങ്ങൾ എന്ന കൃതിയാണ് തുടർന്നു പ്രസിദ്ധീകരിച്ചത്. സസ്യങ്ങളെ സംബന്ധിച്ച് ഡാർവിൻ നടത്തിയ ഗവേഷണത്തിന്റെ ഫലങ്ങൾ പുസ്തകപരമ്പരയായി പ്രസിദ്ധീകരിക്കപ്പെട്ടു.
ഡാർവിന്റെ അവസാന ഗ്രന്ഥം മണ്ണിരകളെക്കുറിച്ചും മണ്ണിന്റെ രൂപവത്കരണത്തിൽ അവക്കുള്ള പങ്കിനെക്കുറിച്ചുമായിരുന്നു.
അദ്ദേഹത്തിന്റെ ജന്മദിനമായ ഫെബ്രുവരി 12 ഡാർവിൻ ദിനമായി ലോകമെങ്ങും ആചരിക്കുന്നു. ശാസ്ത്രത്തിന് ഡാർവിൻ നൽകിയ സംഭാവനകളെയും ശാസ്ത്രത്തെയും ഉയർത്തിക്കാട്ടുന്നതിനാണ് ഈ ദിവസം ആചരിക്കുന്നത്.
8. ഗലീലിയോ
ഇറ്റലിയിലെ പിസ്സയിൽ 1564-ൽ ജനിച്ച ഗലീലിയോ ഭൗതികശാസ്ത്രജ്ഞൻ, വാന നിരീക്ഷകൻ, ജ്യോതിശാസ്ത്രജ്ഞൻ, തത്ത്വചിന്തകൻ എന്നീ നിലകളിലൊക്കെ കഴിവുതെളിയിച്ച ഇറ്റലിക്കാരനായിരുന്നു. മരിച്ച് 350 കൊല്ലം കഴിഞ്ഞിട്ടും ലോകത്തെ ഏറ്റവും വലിയ ശാസ്ത്രജ്ഞന്മാരുടെ കൂട്ടത്തിലാണ് ഗലീലിയോയുടെ സ്ഥാനം.
പ്രകൃതിയെ സംബന്ധിച്ച പല പഴയ വിശ്വാസങ്ങളും തെറ്റാണെന്ന് ആദ്യമായി തെളിയിച്ചത് അദ്ദേഹമായിരുന്നു.
വൈരുദ്ധ്യങ്ങൾ നിറഞ്ഞതായിരുന്നു ഗലീലിയോയുടെ ജീവിതം. സന്ന്യാസിയാകാൻ ആഗ്രഹിച്ചു, നടന്നില്ല. വൈദ്യശാസ്‌ത്രം പഠിച്ചു, പക്ഷേ ബിരുദം പോലും നേടാതെj പഠനമുപേക്ഷിച്ച്‌ സർവകലാശാല വിട്ടു.പിസ്സ സർവ്വകലാശാലയിൽ (ബിരുദമില്ലാതെ) അദ്ദേഹമൊരു പ്രൊഫസ്സറായി. അദ്ദേഹം നല്ലൊരദ്ധ്യാപകനായിരുന്നു.
പിതാവിന്റെ ആഗ്രഹപ്രകാരം 1581-ൽ, പതിനേഴാം വയസ്സിൽ, ഗലീലിയോ വൈദ്യശാസ്ത്ര വിദ്യാർത്ഥിയായി പിസ സർവകലാശാലയിൽ ചേർന്നു.
1585-ൽ വൈദ്യശാസ്ത്ര ബിരുദം നേടാതെ സർവകലാശാല വിട്ടു. ഫ്‌ളോറൻസിൽ തിരിച്ചെത്തിയ ഗലീലിയോ ജീവിതവൃത്തിക്കായി ഗണിതം, പ്രാകൃതിക തത്ത്വശാസ്ത്രം(നാച്ചുറൽ ഫിലോസൊഫി) തുടങ്ങിയ വിഷയങ്ങളിൽ സ്വകാര്യ ട്യൂഷനെടുത്തു. അന്ന് പ്രാകൃതിക തത്ത്വശാസ്ത്രം എന്നറിയപ്പെട്ട ശാസ്ത്രശാഖയാണ് പിന്നീട് ഭൗതികശാസ്ത്രം (ഫിസിക്സ്) ആയി മാറിയത്. ഇക്കാലത്ത് അദ്ദേഹം ഈ വിഷയത്തിൽ ഒട്ടേറെ പരീക്ഷണ-ഗവേഷണങ്ങൾ നടത്തി.
ആ സമയത്താണ് മാർക്വിസ്‌ ഗ്വിഡോബാൽഡോ മോന്റെ എന്ന മഹാനായ വ്യക്തി അദ്ദേഹത്തെ സഹായിക്കാനെത്തുന്നത്. ഗണിതശാസ്ത്രജ്ഞൻ എന്ന രീതിയിൽ ഗലീലിയോ നേടിയെടുത്ത പ്രാഗല്ഭ്യവും സഹായകമായി. മോന്റെയുടെ സ്വാധീനവും, സഹായവും നിമിത്തം 1589-ൽ പിസ്സ സർവ്വകലാശാലയിലെ ഗണിതശാസ്ത്ര പ്രൊഫസ്സർ ആയി അദ്ദേഹം നിയമിക്കപ്പെട്ടു.
1592 ഒക്ടോബറിൽ, 28 വയസുള്ളപ്പോൾ ഗലീലിയോ പാദുവ സർവകലാശാലയിൽ ഗണിത പ്രഫസറായി നിയമതിനായി.
ചാരക്കണ്ണാടി' (spyglass) എന്ന് അറിയപ്പെട്ടിരുന്ന ദൂരദർശിനി (Telescope) ഗലീലിയോ പരിഷ്കരിച്ച് മെച്ചപ്പെടുത്തി. ആകാശഗോളങ്ങളെ അദ്ദേഹം അതിലൂടെ നിരീക്ഷിച്ചു. 1609-ലാണ് ഈ സംഭവം നടന്നത്. അങ്ങനെ ദൂരദർശിനി ഉപയോഗിച്ച് വാനനിരീക്ഷണം നടത്തിയ ആദ്യത്തെ വ്യക്തി ഗലീലിയോ ആയി. നിരീക്ഷണം, പരീക്ഷണം, ഗണിതവത്‌ക്കരണം - ഇവയാണ്‌ ശാസ്ത്രത്തിന്റെ പണിയായുധങ്ങളെന്ന്‌ ലോകത്തിന് ആദ്യമായി കാട്ടിക്കൊടുത്തത്‌ ഗലീലിയോ ആണ്. 'പ്രപഞ്ചം രചിക്കപ്പെട്ടിരിക്കുന്നത്‌ ഗണിതസമവാക്യങ്ങളാലാണെ'ന്ന് അദ്ദേഹം പ്രസ്താവിച്ചു. പ്രപഞ്ചരചനയിൽ ഉപയോഗിച്ചിട്ടുള്ള ആ ഗണിതസമവാക്യങ്ങൾ ഏതാണെന്ന്‌ ലോകത്തിന് പറഞ്ഞു കൊടുത്ത സാക്ഷാൽ ഐസക് ന്യൂട്ടൺ പോലും ഗലീലിയോ നിർമിച്ച അടിത്തറയിൽ നിന്നാണ് ശാസ്‌ത്രത്തെ കെട്ടിപ്പൊക്കിയത്‌. നിലവിലുള്ള വസ്‌തുതകളെയും വിശ്വാസങ്ങളെയും ചോദ്യംചെയ്‌തും തിരുത്തിയും മാത്രമേ ശാസ്ത്രത്തിന് മുന്നേറാൻ കഴിയൂ എന്ന് ഗലീലിയോ തന്റെ ജീവിതം കൊണ്ട് തെളിയിച്ചു.
ശാസ്‌ത്രചരിത്രത്തിൽ 'വിലമതിക്കപ്പെടാനാവാത്തതെ'ന്ന് വിലയിരുത്തപ്പെടുന്ന 'ഇരു നവശാസ്‌ത്രങ്ങൾ' എന്നറിയപ്പെടുന്ന ഗ്രന്ഥത്തിന്റെ (യഥാർഥ നാമം-Discourses and Mathematical Demonstrations Concerning Two New Sciences) രചന ആ ഏകാന്തവാർധക്യത്തിലാണ്‌ ഗലീലിയോ നിർവഹിച്ചത്‌. ചലനം, ത്വരണം, ജഢത്വം തുടങ്ങി ദ്രവ്യത്തിന്റെ വിവിധങ്ങളായ ഗുണങ്ങളെയും സ്വഭാവത്തെയുംപറ്റി മുമ്പ് നടത്തിയ പരീക്ഷണങ്ങളിൽ നിന്ന് ലഭിച്ച ഉൾക്കാഴ്‌ച മുഴുവൻ ഉൾപ്പെടുത്തിയ 'ഇരു നവശാസ്‌ത്രങ്ങൾ' ചരിത്രത്തിലെ ആദ്യ 'ആധുനിക ശാസ്‌ത്രപാഠപുസ്‌തകം' എന്നാണ് വിശേഷിപ്പിക്കപ്പെടുന്നത്‌.
1637-ഓടുകൂടി അദ്ദേഹത്തിന്റെ കാഴ്ച്ച നശിച്ചു. 1638 മുതൽ വിൻസെൻസിയോ വിവിയാനി എന്നയാൾ ഗലീലിയോയുടെ സഹായിയായി. അദ്ദേഹത്തിന്റെ ആദ്യ ജീവചരിത്രം രചിച്ചതും വിവിയാനിയാണ്‌. ഗലീലിയോയെക്കുറിച്ച്‌ പിൽക്കാലത്ത്‌ പ്രചരിച്ച നിറംപിടിപ്പിച്ച പല മിത്തുകളുടെയും സ്രഷ്ടാവ്‌ വിവിയാനിയാണ്‌. 1642ൽ മഹാനായ ആ ശാസ്ത്രജ്ഞൻ അന്തരിച്ചു.
9. മൈക്കേൽ ഫാരഡേ
ലണ്ടൻ നഗരത്തിനു സമീപമുള്ള ന്യുവിംഗ്ടണിൽ 1791 സെപ്റ്റംബർ 22-നായിരുന്നു ഫാരഡെയുടെ ജനനം. പിതാവിന്റെ പേര് ജയിംസ് ഫാരഡെ എന്നും മാതാവിന്റെ പേര് മാർഗരറ്റ് ഫാസ്റ്റ്വെൽ എന്നും ആയിരുന്നു.
വൈദ്യുതിയുടെ പിതാവ് എന്നറിയപ്പെടുന്ന ഇംഗ്ലീഷ് ശാസ്ത്രജ്ഞനാണ് മൈക്കേൽ ഫാരഡേ. ഔപചാരിക വിദ്യാഭ്യാസം ലഭിച്ചിട്ടില്ലെങ്കിലും ചരിത്രത്തിലും ശാസ്ത്രത്തിലും ഏറ്റവും സ്വാധീനം ചെലുത്തിയ ചില കണ്ടുപിടിത്തങ്ങൾ നടത്തിയ വ്യക്തിയാണിദ്ദേഹം. ശാസ്ത്രത്തിന്റെ ചരിത്രത്തിലെ ഏറ്റവും മികച്ച പരീക്ഷണവിദഗ്ദ്ധൻ ഇദ്ദേഹമാണെന്ന് പറയാവുന്നതാണ്. ഡയറക്റ്റ് കറണ്ട് പ്രവഹിക്കുന്ന ചാലകത്തിനു ചുറ്റുമുള്ള വൈദ്യുതകാന്തിക ഫീൽഡിനെ സംബന്ധിച്ച ഇദ്ദേഹത്തിന്റെ പരീക്ഷണങ്ങളാണ് വൈദ്യുത കാന്തിക ക്ഷേത്രം എന്നതുസംബന്ധിച്ച ധാരണ തന്നെ ഊർജ്ജതന്ത്രത്തിൽ ഉണ്ടാവാൻ കാരണം. പ്രകാശവീചികളെ സ്വാധീനിക്കാനുള്ള കഴിവും കാന്തികമണ്ഡലത്തിനുണ്ട് എന്ന് ഇദ്ദേഹം നിരീക്ഷിക്കുകയുണ്ടായി. ഈ രണ്ടു കാര്യങ്ങൾ തമ്മിൽ ബന്ധമുണ്ട് എന്നും ഇദ്ദേഹമാണ് ഊഹിച്ചത്.
വൈദ്യുത മോട്ടോറുകളുടെ കണ്ടുപിടിത്തം ഈ സാങ്കേതികവിദ്യയുടെ മുന്നേറ്റത്തിന് കാരണമായി. ഈ കണ്ടുപിടിത്തം കാരണമാണ് വൈദ്യുതി ഉപയോഗിച്ചുള്ള സാങ്കേതികവിദ്യകൾ വികസിച്ചതുതന്നെ. 1824ൽ കാർബൺ ഡൈ ഓക്സൈഡ്, ഹൈഡ്രജൻ ബ്രോമൈഡ്, ക്ലോറിൻ എന്നീ വാതകങ്ങളെ മർദ്ദം ഉപയോഗിച്ച് ദ്രാവകരൂപത്തിലാക്കാനുള്ള സംവിധാനം കണ്ടെത്തി. രാസപ്രവർത്തനം കൊണ്ട് തുരുമ്പിക്കാത്ത ഇരുമ്പ് ഫാരഡേയുടെ കണ്ടുപിടിത്തമാണ്. ആദേശരാസപ്രവർത്തനവും (Substitution Reaction) അതുവഴി കാർബണിന്റേയും ക്ലോറിന്റേയും സംയുക്തങ്ങൾ ആദ്യമായി (1820) നിർമ്മിച്ചതും ഫാരഡേയാണ്.1825-ൽ ബെൻസീൻ കണ്ടുപിടിച്ചത് ഫാരഡേയാണ്.
വൈദ്യുതിയുടെ രസതന്ത്രം കൂടുതൽ വെളിപ്പെടുത്തിയത് ഫാരഡേയാണ്. കാഥോഡ്, ആനോഡ്, അയണീകരണം തുടങ്ങി ഒട്ടനവധി വാക്കുകളും ഫാരഡേ ലോകത്തിനു സംഭാവന ചെയ്തിരിക്കുന്നു. ഫാരഡേയുടെ 158 പ്രബന്ധങ്ങളിൽ അമ്പതെണ്ണവും രസതന്ത്രത്തെ സംബന്ധിച്ചവയായിരുന്നു.
പ്രായമായതോടുകൂടി ഫാരഡേയുടെ ഓർമ്മശക്തി കുറഞ്ഞുകൊണ്ടിരുന്നു.
1862-ൽ റോയൽ ഇൻസ്റ്റിറ്റ്യൂട്ടിലെ പതിവുപ്രഭാഷണത്തിനിടെ ഫാരഡേയുടെ കുറിപ്പുകൾ തീയിൽ വീണ് കരിഞ്ഞുപോയി. ഓർമ്മ തീരെ കുറഞ്ഞിരുന്നതിനാൽ ഫാരഡേ പതറി. പ്രഭാഷണം പാളിയതായി മനസ്സിലാക്കിയ ഫാരഡേ അവിടെത്തന്നെ തന്റെ വിടവാങ്ങൽ പ്രസംഗം നടത്തി. രോഗഗ്രസ്തനായ ഫാരഡേ 1867 ഓഗസ്റ്റ് 25-നു മരണമടഞ്ഞു.
10. വിക്രം സാരാഭായ്
1919 ഓഗസ്റ്റ് 12നു ഗുജറാത്തിലെ അഹമ്മദാബാദിൽ ഒരു ധനിക ജൈന കുടുംബത്തിൽ ജനിച്ചു. സ്കൂൾ വിദ്യാഭ്യാസത്തിനുശേഷം ഗുജറാത്തി കോളേജിൽനിന്ന് ഇന്റർമീഡിയേറ്റ് പരീക്ഷ പാസായ സാരാഭായി 1940-ൽ പ്രകൃതിശാസ്ത്രത്തിൽ ഇംഗ്ലണ്ടിലെ കേംബ്രിജ് സർവകലാശാലയിൽനിന്ന് ബിരുദം സ്വന്തമാക്കി. തിരിച്ച് ഇന്ത്യയിലെത്തി സി.വി. രാമൻ നേതൃത്വം നൽകുന്ന ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസിൽ ഗവേഷണം ആരംഭിച്ചു.
1947-ൽ കോസ്മിക് റേകളെക്കുറിച്ച് ഗവേഷണം ചെയ്ത് കേംബ്രിഡ്ജിൽ നിന്ന് പി.എച്ച്.ഡി നേടി. തുടർന്ന് അഹമ്മദാബാദിലെ ഫിസിക്കൽ റിസേർച്ച് ലാബോറട്ടറിയിൽ കോസ്മിക് റേയെക്കുറിച്ച് പഠിപ്പിക്കുന്ന ഫിസിക്സ് പ്രൊഫസ്സറായി. പിന്നീട് 1965-ൽ അവിടുത്തെ ഡയറക്ടറുമായി. ഇതിനിടെ ഇന്ത്യയിലെ അണുശക്തി കമ്മീഷനിൽ അദ്ദേഹം നിയമിതനായി. ഉപഗ്രഹ വിക്ഷേപണത്തിൽ അദ്ദേഹം പ്രത്യേകം താല്പര്യം കാട്ടി. ബഹിരാകാശഗവേഷണത്തെ വെറും ശൂന്യാകാശ യാ‍ത്രകളായി വഴിതിരിച്ചു വിടാതെ, വാർത്താവിനിമയത്തിനും കാലാവസ്ഥാ നിരീക്ഷണത്തിനും ഉപയോഗപ്രദമാക്കുക എന്നതായിരുന്നു അദ്ദേഹത്തിന്റെ ലക്ഷ്യം തുമ്പയിലെ ബഹിരാകാശകേന്ദ്രത്തിന്റെ ശില്പി ഇദ്ദേഹമാണ്. അദ്ദേഹത്തോടുള്ള ബഹുന്മാനാർത്ഥം തുമ്പ റോക്കറ്റ് വിക്ഷേപണകേന്ദ്രത്തെ “വിക്രം സാരാഭായ് സ്പേസ് സെൻറർ“ എന്ന് നാമകരണം ചെയ്തു.
1975-76 കാലഘട്ടത്തിൽ നാസയുടെ സാറ്റലൈറ്റ് ഉപയോഗിച്ച് നടത്തിയ ടെലിവിഷൻ പരീക്ഷണം ഏറെ ചർച്ച ചെയ്യപ്പെട്ടു. സൈറ്റ് എന്ന പേരിൽ നടത്തിയ ഈ സംവിധാനം ഉപയോഗിച്ച് 2,400 പിന്നാക്ക ഗ്രാമങ്ങളിൽ ആധുനികവിദ്യാഭ്യാസം എത്തിക്കുന്നതിന് ഇദ്ദേഹം പദ്ധതിയുണ്ടാക്കി.
1971 ഡിസംബർ 30-ന് കോവളത്ത് വച്ച് ഹൃദയാഘാതം മൂലം അദ്ദേഹം അന്തരിച്ചു.
1966-ൽ പത്മഭൂഷണും,1972-ൽ മരണാനന്തരബഹുമതിയായി പത്മവിഭൂഷണും നൽകി രാഷ്ട്രം അദ്ദേഹത്തെ ആദരിച്ചു.
11. ജി.എൻ. രാമചന്ദ്രൻ
ഗണിതശാസ്‌ത്രാധ്യാപകനായ ജി.ആർ. നാരായണ അയ്യരുടെയും ലക്ഷ്‌മി അമ്മാളിന്റെയും മകനായി 1922 ഒക്ടോബർ എട്ടിന്‌ കൊച്ചിയിൽ ജനിച്ചു.
കൊളാജൻ എന്ന പ്രോട്ടീൻറെ ഘടന ട്രിപ്പിൾ ഹെലിക്‌സ്‌ മാതൃകയിലാണെന്ന്‌ ശാസ്ത്രലോകത്തെ അറിയിച്ച പ്രശസ്ത ഭാരതീയ ശാസ്ത്രജ്ഞനാണ് ജി.എൻ. രാമചന്ദ്രൻ . ഗോപാലസമുദ്രം നാരായണയ്യർ രാമചന്ദ്രൻ എന്ന് മുഴുവൻ പേര്. ഇരുപതാം നൂറ്റാണ്ടിൽ ഭാരതം കണ്ട പ്രഗല്ഭ ശാസ്‌ത്രജ്ഞരിലൊരാളായി ഇദ്ദേഹത്തെ പലരും വിലയിരുത്തുന്നു. അദ്ദേഹത്തിന്റെ ഇഷ്ടവിഷയങ്ങൾ ഭൗതികശാസ്ത്രം, രസതന്ത്രം, ജീവശാസ്‌ത്രം.
1939 ൽ എറണാകുളം മഹാരാജാസ് കോളേജിൽ നിന്ന് ഒന്നാം റാങ്കോടെ ഇന്റർമീഡിയേറ്റ് പാസായശേഷം, രാമചന്ദ്രൻ തിരുച്ചിറപ്പള്ളിയിലെ സെൻറ്‌ ജോസഫ് കോളേജിൽ ബിരുദ പഠനത്തിന് ചേർന്നു. അതിനുശേഷം1942ൽ ബാംഗ്ലൂരിൽ ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസിൽ ഇലക്ട്രിക്കൽ എൻജിനീയറിംഗിൽ ബിരുദാനന്തര ബിരുദ പഠനത്തിന് ചേർന്നെങ്കിലും സർ സി.വി.രാമന്റെ താത്‌പര്യപ്രകാരം ഭൗതികശാസ്‌ത്രത്തിലേക്ക്‌ തന്നെ തിരിഞ്ഞു. അവിടെ നടത്തിയ പഠനത്തിന് മദ്രാസ് സർവകലാശാലയിൽ നിന്ന് എം.എസ്.സി ബിരുദം നേടി. തുടർന്ന് സി.വി.രാമന്റെ കീഴിൽ ഗവേഷണം നടത്തി ഡോക്‌ടറേറ്റും (D. Sc) കരസ്ഥമാക്കി. 1947 മുതൽ 1949 വരെ കേംബ്രിജ് സർവകലാശാലയിലെ കാവൻഡിഷ് ലബോറട്ടറിയിൽ തുടർപഠനത്തിന്‌ സ്‌കോളർഷിപ്പോടുകൂടി തിരഞ്ഞെടുക്കപ്പെട്ടു.
കാവൻഡിഷ് ലബോറട്ടറിയിലെ തുടർപഠനത്തിനു രണ്ടാമത്തെ ഡോക്ടറേറ്റ് കൂടി നേടിയ ശേഷം ബാംഗ്ലൂരിലെ ഇന്ത്യൻ ഇൻസ്റ്റിറ്റിയൂട്ട് ഓഫ് സയൻസിൽ അസിസ്റ്റന്റ്‌ പ്രൊഫസറായി ജോലിയിൽ പ്രവേശിച്ചു.
1952 ൽ മദ്രാസ് സർവകലാശാല സാമ്പത്തിക-ഭരണ സ്വാതന്ത്ര്യം നൽകി സി.വി.രാമനെ ഭൗതിക ശാസ്‌ത്ര വിഭാഗം മേധാവിയാകാൻ ക്ഷണിച്ചു. എന്നാൽ സി.വി.രാമൻ തനിക്ക്‌ ചേരാനാകില്ലെന്ന നിസ്സഹായത വ്യക്തമാക്കിയ ശേഷം പകരം ആളായി ഡോ.ജി.എൻ. രാമചന്ദ്രന്റെ പേര് നിർദ്ദേശിച്ചു. അങ്ങനെ കേവലം 30 വയസുള്ളപ്പോൾ രാമചന്ദ്രൻ ഇന്ത്യയിലെ തലയെടുപ്പുള്ള സർവകലാശാലകളിലൊന്നിന്റെ വകുപ്പ് മേധാവിയായി നിയമിക്കപ്പെട്ടു.
1970 ൽ മദ്രാസ് സർവകലാശാലയിൽ നിന്നും രാജിവച്ച്‌ താൻ വിദ്യാർത്ഥിയായും അദ്ധ്യാപകനായും തിളങ്ങിനിന്ന ഇന്ത്യൻ ഇൻസ്റ്റിറ്റിയൂട്ട് ഓഫ് സയൻസിലേക്ക്‌ തന്നെ തിരിച്ചെത്തിതിരിച്ചെത്തി.
അവിടെ തന്മാത്രാ ജീവഭൗതിക വിഭാഗത്തിന് (Molecular Biophysics Unit) രൂപം നൽകി, പ്രൊഫസറും പ്രഥമ വകുപ്പ് തലവനുമായി പദവിയേറ്റു. അതിനു ശേഷം 1978 മുതൽ 1981 വരെ മാത്തമാറ്റിക്കൽ ഫിലോസഫിയിൽ അതേ സ്ഥാപനത്തിൽ തന്നെ പ്രൊഫസറായി നിയമക്കപ്പെട്ടു. തുടർന്ന് 1984 വരെ CSIR Distinguished Professor (സമുന്നതനായ പ്രൊഫസർ) ആയി സേവനമനുഷ്‌ടിച്ചു. അതിനുശേഷം 1984- 89 വരെ INSA ആൽബർട്ട് ഐൻസ്റ്റൈൻ ചെയറിൽ പ്രൊഫസറായിരുന്നു. ശാസ്‌ത്രലോകത്തിന്‌ നിർണായകമായ കണ്ടുപിടിത്തങ്ങളും ഇരുനൂറിലേറെ ഗവേഷണ പ്രബന്ധങ്ങളും ജി.എൻ. രാമചന്ദ്രൻ എന്ന പ്രതിഭയിൽ നിന്നും ലഭിച്ചു.
1950 മുതൽ 1957 വരെ കറന്റ് സയൻസ് മാസികയുടെ എഡിറ്ററായും പ്രവർത്തിച്ചിട്ടുണ്ട്‌.
രാമചന്ദ്രൻറെ ഡോക്റ്ററൽ ഗവേഷണം ക്രിസ്റ്റലോഗ്രഫി മേഖലയിലായിരുന്നു. എകസ്-റേ ഡിഫ്രാക്ഷൻ എന്ന സാങ്കേതിക വിദ്യയുടെ വിവിധ വശങ്ങളെക്കുറിച്ചും സാധ്യത കളെക്കുറിച്ചുമായിരുന്നു പഠനം. മദ്രാസ് യൂണിവഴ്സിറ്റിയിൽ വെച്ച് ഇതേ സാങ്കേതിക വിദ്യ ഉപയോഗിച്ച് അതി സങ്കീർണവും ബൃഹത്തുമായ ജൈവതന്മാത്രകളുടെ ദ്വിമാന-ത്രിമാന ഘടനകൾ നിർണയിച്ചെടുക്കുന്ന ഗവേഷണങ്ങൾക്ക് ഇന്ത്യയിൽ രാമചന്ദ്രൻ തുടക്കം കുറിച്ചു.
നീണ്ട പ്രോട്ടീൻ ശൃംഖലകളുടെ ത്രിമാന ഘടനയെക്കുറിച്ചുള്ള വിശദമായ പഠനമാണ് രാമചന്ദ്രന്റെ സ്ഥാനം ശാസ്‌ത്രലോകത്ത്‌ ഉറപ്പിച്ചത്‌.
അവസാന കാലത്ത് മസ്തിഷ്കാഘാതവും പാർക്കിൻസൺസ്‌ രോഗവും രാമചന്ദ്രനെ തളർത്തി. 2001 ഏപ്രിൽ മാസം 7-ാം തീയതി ജി. എൻ. രാമചന്ദ്രൻ അന്തരിച്ചു.
12. ഹർ ഗോവിന്ദ്‌ ഖുരാന
1922 ജനുവരി 9-ന് ഇപ്പോഴത്തെ പാകിസ്താനിൽ സ്ഥിതി ചെയ്യുന്ന പഞ്ചാബിലെ റായ്‌പൂരിൽ ഗണപത് റായി ഖുറാന , കൃഷ്ണ ദേവി ഖുറാന എന്നിവരുടെ അഞ്ച് മക്കളിൽ ഇളയവനായി ജനിച്ചു. പിതാവ് ബ്രിട്ടീഷ് ഇന്ത്യ ഗവൺമെന്റിൽ കാർഷികാദായ നികുതി ഗുമസ്‌തനായിരുന്നു.
മുൾട്ടാൻ ദയാനന്ദ് ആംഗ്ളോ വേദിക്ക് സ്കൂൾ വിദ്യാഭ്യാസം പൂർത്തിയാക്കിയ ശേഷം പഞ്ചാബ്‌ സർവകലാശാലയിൽ നിന്ന് 1943 ൽ ബിരുദവും 1945 ൽ ബിരുദാനന്തര ബിരുദവും പൂർത്തിയാക്കി. ഭാരത സർക്കാരിന്റെ സ്‌കോളർഷിപ്പ്‌
ലഭിച്ചതിനെ തുടർന്ന് ഇംഗ്ലണ്ടിലെ ലിവർപൂൾ സർവകലാശാലയിൽ നിന്ന് 1948 ൽ ഡോക്‌ടറൽ ബിരുദം നേടി. തുടർന്ന് സൂറച്ചിൽ പോസ്റ്റ് ഡോക്‌ടറൽ ഗവേഷണവും നടത്തി. അമേരിക്കൻ പൗരത്വം സ്വീകരിക്കുകയും ചെയ്തു. 1949 മുതൽ 1952 വരെ കേംബ്രിഡ്ജിൽ.
1952-ൽ കാനഡയിലെ വാൻകോവറിലെ ബ്രിട്ടീഷ് കൊളംബിയ സർവകലാശാലയിൽ അദ്ധ്യാപകനായി.
1960 ൽ മാഡിസൺ വിസ്കോൺസിൻ സർവകലാശാലയുടെ ഇൻസ്റ്റിറ്റ്യൂട്ട് ഫോർ എൻസൈം റിസർച്ചിൽ കോ - ഡയറക്ടറായി. ശരീരത്തിൽ ജീവശാസ്‌ത്രപ്രവർത്തനത്തിന്‌ ആവശ്യമായ 'കോഎൻസൈം എ' എന്ന രാസവസ്‌തു കണ്ടെത്തി. പരീക്ഷണശാലയിൽ ജനിതകരേഖ മനസ്സിലാക്കാൻ സാധിച്ചത്‌ ജൈവസാങ്കേതിക രംഗത്തെ അമൂല്യ നേട്ടമായി.
1968-ൽ വൈദ്യശാസ്‌ത്രത്തിനുള്ള നോബൽ പുരസ്കാരം കൊളംബിയ സർവകലാശാലയുടെ ലൂയിസ ഗ്രോസ് ഹോർവിറ്റ്സ് പ്രൈസും അതേ വർഷം അദ്ദേഹത്തിന് ലഭിക്കുകയുണ്ടായി.
1970-ൽ അമേരിക്കയിലെ എം.ഐ.ടിയിൽ ആൽഫ്രഡ്‌ സ്ലോവൻ പ്രൊഫസർ എന്ന അദ്ധ്യാപക സ്ഥാനം സ്വീകരിച്ചു .
1976-ൽ ഖുറാനയുടെ നേതൃത്വത്തിലുള്ള സംഘം 'എസ്‌ചെരിഷ്യ കോളൈ' എന്ന ബാക്‌ടീരിയയിൽ പഠനം നടത്തി. ഈ കൃത്രിമ ജീൻ സംയോജനം വൻ വിജയമായിരുന്നു. പരീക്ഷണത്തെ തുടർന്ന് സ്വാഭാവിക ജീനിന്റെ രീതികളാണ്‌ ഇത് പ്രകടിപ്പിച്ചത്‌. ഈ പരീക്ഷണം ജനതികശാസ്‌ത്ര മുന്നേറ്റത്തിലെ നാഴികകല്ലായി.
ജീവന്റെ ഭാഷമനസ്സിലാക്കാനുള്ള മനുഷ്യന്റെ അന്വേഷണത്തിനും പരീക്ഷണത്തിനും നിർണായകമായ സംഭാവനകൾ നൽകിയ ഇന്ത്യൻ ശാസ്ത്രജ്ഞനാണ് ഹർ ഗോവിന്ദ്‌ ഖുരാന. ജനിതക എൻജിനീയറിംഗിലെ ലോകത്തിലെ ഏറ്റവും ശ്രദ്ധേയ വ്യക്തികളിലൊന്നായി പരിഗണിക്കപ്പെടുന്നു.
13. തോമസ് ആൽ‌വാ എഡിസൺ
മിലാനിലെ ഒരു സാധാരണ കുടുംബത്തിലാണ് എഡിസൺ ജനിച്ചത്. കാനഡയിൽ നിന്നും അമേരിക്കയിലേക്ക് കുടിയേറിയവരായിരുന്നു എഡിസൻറെ മാതാപിതാക്കൾ. പിതാവിൻറെ പേര് സാം എഡിസൺ. അദ്ദേഹം മിലാനിൽ മരക്കച്ചവടം നടത്തിവരികയായിരുന്നു. മാതാവ് നാൻസി എഡിസൺ. നാൻസിയുടെയും സാമിൻറെയും ഏഴാമത്തെ മകനായി 1847 ഫെബ്രുവരി 11-നാണ് എഡിസൺ ജനിച്ചത്.
സ്കൂൾ വിദ്യാഭ്യാസ സമയത്ത് എഡിസൺ ശ്രദ്ധയുള്ള വിദ്യാർത്ഥിയായി കാണപ്പെട്ടിരുന്നില്ല. റെവറന്റ് എങ്കിൾ എന്ന അദ്ധ്യാപകൻ എഡിസണെ "പതറിയ ബുദ്ധിയുള്ളവൻ" എന്നുവിശേഷിപ്പിച്ചിട്ടുണ്ട്. മൂന്നു മാസത്തോടെ എഡിസൺ സ്കൂളിലേക്കുള്ള പോക്ക് നിർത്തി. വിദ്യാലയ പഠനം മുടങ്ങിയതിൽ പിന്നെ അമ്മതന്നെയായിരുന്നു എഡിസൻറെ അദ്ധ്യാപിക. എഡിസൻറെ കഴിവുകൾ പുറത്ത് കൊണ്ടു വരുന്നതിൽ ഏറ്റവും പ്രധാന പങ്ക് വഹിച്ച വ്യക്തി അദ്ദേഹത്തിൻറെ അമ്മതന്നെയാണ്.
മനുഷ്യജീവിതത്തെ മാറ്റിമറിച്ച ഒട്ടേറെ കണ്ടെത്തലുകൾ നടത്തിയ ഒരു അമേരിക്കക്കാരനാണ് തോമസ് ആൽ‌വാ എഡിസൺ. ഫോണോഗ്രാഫ്,ചലച്ചിത്ര കാമറ, വൈദ്യുത ബൾബ് തുടങ്ങി ലോകത്തെമ്പാടുമുള്ള ജീവിതങ്ങളെ സ്വാധീനിക്കുന്ന തരത്തിലുള്ള ശ്രേഷ്ഠമായ കണ്ടെത്തലുകൾ അദ്ദേഹം നടത്തി. മെൻലോപാർക്കിലെ മാന്ത്രികൻ എന്ന് അറിയപ്പെട്ടിരുന്ന എഡിസൺ ഒരു വമ്പൻ വ്യവസായ സാമ്രാജ്യത്തിന്റെ അധിപനുംകൂടി ആയിരുന്നു. വൻ തോതിലുള്ള നിർമ്മാണവും ധാരാളം പേരുടെ ഒത്തൊരുമയോടുള്ള പ്രവർത്തനവും അദ്ദേഹം കണ്ടുപിടിത്തങ്ങളോട് സമന്വയിപ്പിക്കുകയുണ്ടായി. ആദ്യ വ്യാവസായിക റിസർച്ച് ലബോറട്ടറി സ്ഥാപിച്ചയാളെന്ന ബഹുമതിയും എഡിസനുള്ളതാണ്.
ഓഹരിവില പ്രദർശിപ്പിക്കുന്ന ടിക്കർ, യാന്ത്രികമായി സമ്മതിദാനം രേഖപ്പെടുത്തുന്ന സംവിധാനം, ഇലക്ട്രിക് കാറിലുപയോഗിക്കാവുന്ന ബാറ്ററി, വൈദ്യുത ഉത്പാദന-വിതരണസംവിധാനങ്ങൾ, റെക്കോഡ് ചെയ്ത സംഗീതം, ചലച്ചിത്രങ്ങളുടെ സാങ്കേതിക സംവിധാനങ്ങൾ എന്നിവയും എഡിസണിന്റെ5 കണ്ടുപിടിത്തങ്ങളിൽ പെടുന്നു.
ആദ്യകാലത്ത് ഒരു ടെലിഗ്രാഫ് ഓപറേറ്ററായിരുന്നത്, ഈ മേഖലയിൽ ധാരാളം കണ്ടുപിടിത്തങ്ങൾ നടത്താൻ അദ്ദേഹത്തെ സഹായിച്ചിട്ടുണ്ട്. വൈദ്യുത ഉത്പാദനത്തിലെയും വിതരണത്തിലെയും എഡിസണിന്റെ കണ്ടുപിടിത്തങ്ങൾ ആധുനിക വ്യാവസായിക ലോകത്തിന്റെ രൂപീകരണത്തിൽ വലിയ സ്വാധീനം ചെലുത്തിയിട്ടുണ്ട്. മാൻഹാട്ടനിലെ പേൾ സ്ട്രീറ്റിലാണ് അദ്ദേഹം ആദ്യത്തെ വൈദ്യുതോൽപ്പാദനകേന്ദ്രം സ്ഥാപിക്കുന്നത്.
1931 ഒക്ടോബർ 18-ന് പ്രമേഹത്തിന്റെ സങ്കീർണതകൾ മൂലം എഡിസൺ തന്റെ വസതിയിൽ വച്ച് മരിച്ചു.
14. ഇ.കെ. ജാനകി അമ്മാൾ
ഇന്ത്യയിലെ പ്രശസ്തയായ ഒരു സസ്യശാസ്ത്രജ്ഞയായിരുന്നു ഇ.കെ. ജാനകി അമ്മാൾ (ജനനം: 1897 നവംബർ 4 - മരണം:1984). ഇടവലത്ത് കക്കാട്ടു ജാനകി എന്നാണു പൂർണ നാമം. ബ്രിട്ടീഷ് ഇന്ത്യയിൽ ശാസ്ത്രവിഷയത്തിൽ ഡോക്ടറേറ്റ് (ഡി.എസ്സി.,D.Sc) നേടിയ ചുരുക്കം ഇന്ത്യൻവനിതകളിലൊരാളാണ് ജാനകിയമ്മാൾ.
മദ്രാസ് പ്രസിഡൻസിയിൽ സബ് ജഡ്ജായിരുന്ന ദിവാൻ ബഹദൂർ എടവലത്ത് കക്കാട്ട് കൃഷ്ണന്റേയും ദേവിയുടേയും മകളായിരുന്നു.അമ്മാൾ സസ്യശാസ്ത്രമാണ് ഇഷ്ടപ്പെട്ടത്. തലശ്ശേരിയിൽ പ്രാഥമിക വിദ്യാഭ്യാസം നേടിയതിന്നു ശേഷം മദിരാശിയിലെ ക്വീൻ മേരീസ് കോളെജിൽ നിന്ന് 1921-ൽ ബോട്ടണിയിൽ ഓണേഴ്സ് ബിരുദം നേടി.
2000 ജനുവരി-1ൽ പ്രസിദ്ധീകരിച്ച കറണ്ട്സ് മാസികയിൽ നൂറ്റാണ്ടിലെ അമേരിക്കൻ ഇന്റ്യക്കാരിൽ ഒരാളായി ജാനകിയെ ഒരാളായി ചേർത്തിരുന്നു.
അമേരിക്കയിലെ പൊതു സർവ്വകലാശാലയിൽ നിന്ന് പിഎച്ച്.ഡി എടുത്തു. അമേരിക്കയിൽ നിന്ന് സസ്യശാസ്ത്രത്തിൽ പിഎച്ച്.ഡി (1931) എടുത്ത ആദ്യത്തെ വനിത ഇവരായിരുന്നു. മദ്രാസിലെ വനിതാ ക്രിസ്ത്യൻ കോളേജിൽ അധ്യാപകയായിരിക്കെ ജാനകിക്ക് അമേരിക്കയിലെ മിഷിഗൺ യൂണിവേഴിസിറ്റിയിലേക്കുളള ബാർബോർ സ്കോളർഷിപ്പു ലഭിച്ചു. അവിടെ നിന്ന് 1925-ൽ എം.എസ്സിയും, 1931-ൽ ഡി.എസ്സിയും (പി.എഛ്.ഡിയുടെ പഴയ പേര്) നേടി.
1932- ഇന്ത്യയിൽ തിരിച്ചെത്തിയ ജാനകി അമ്മാൾ തിരുവനന്തപുരത്തുളള മഹാരാജാസ് സയന്സ് കോളേജിൽ പ്രൊഫസറായി ചേർന്നു. 1934-ൽ കോയമ്പത്തൂർ ഷുഗർകേൻ ബ്രീഡിങ് ഇൻസ്റ്റിറ്റിയൂട്ടിൽ ഗവേഷകയായി പ്രവേശിച്ചു. 1939 വരെ ഈ സ്ഥാപനത്തിൽ ജനറ്റിസിസ്റ്റ് ആയിരുന്നു. ഈ സമയത്താണ് സക്കാറം സീ, സക്കാറം എറിയാന്തസ്, സക്കാറം ഇംപെറാറ്റ്, സക്കാറം സോർഘം തുടങ്ങിയവ ഒട്ടേറെ സങ്കരയിനം കരിമ്പ് വിത്തിനങ്ങൾ ഉത്പാദിപ്പിച്ചു. പൂച്ചെടികളുടെ ക്രോമോസോം ഘടനയിൽ സുപ്രധാനമായ കണ്ടുപിടിത്തങ്ങൾ നടത്തിനടത്തി.
ലണ്ടനിലെ പ്രശസ്തമായ ജോൺ ഇൻസ് ഹോട്ടികൾച്ചറൽ ഇൻസ്റ്റിറ്റിയൂട്ടിലും (1940-1945), വിസ്ലിയിലെ റോയൽ ഹോട്ടികൾച്ചറൽ സൊസൈറ്റിയിലും(1945- 1951) ജാനകി സൈറ്റോളജിസ്റ്റ് ആയി ജോലി ചെയ്തു. ജവഹർലാൽ നെഹ്രുവിന്റെ ക്ഷണം അനുസരിച്ച് 1951ൽ ബോട്ടാണിക്കൽ സർവെ ഓഫ് ഇന്ത്യയെ പുനഃ സംഘടിപ്പിക്കുന്നതിന് ഇന്ത്യയിലേക്ക് മടങ്ങി.
ഇന്ത്യൻ അക്കാദമി ഓഫ് സയൻസിന്റെ സ്ഥാപകാംഗങ്ങളിലൊരാളായിരുന്നു ജാനകി അമ്മാൾ. 1957-ൽ ഇന്ത്യൻ നാഷണൽ അകാദമി ഓഫ് സയൻസസ് അംഗത്വവും ലഭിച്ചു.
1957-ൽ ഭാരത സർക്കാർ ജാനകിക്ക് പദ്മശ്രീ നല്കി ആദരിച്ചു.
കേന്ദ്ര വനം-പരിസ്ഥിതി മന്ത്രാലയം 2000 മുതൽ ലോക പരിസ്ഥിതിദിനത്തിൽ 'ഇ.കെ.ജാനകിഅമ്മാൾ നാഷണൽ അവാർഡ് ഫോർ ടാക്‌സോണമി' എന്ന പുരസ്കാരം നൽകി വരുന്നു. 2019ൽ കേരള ഭാഷാ ഇൻസ്റ്റിറ്റ്യൂട്ട് ഇ. കെ. ജാനകിയമ്മാളുടെ ബഹുമാനാർത്ഥം അവരുടെ മലയാളഭാഷയിലുള്ള ആദ്യ ജീവചരിത്രം പ്രസിദ്ധീകരിക്കുകയുണ്ടായി.
മദ്രാസ് യൂണിവഴ്സിറ്റി സസ്യശാസ്ത്ര വിഭാഗത്തിന്റെ ചെന്നൈക്കടുത്തുളള മദുരവയൽ ഗവേഷണശാലയിൽ പ്രവർത്തനനിരതയായിരിക്കെ 1984 ഫെബ്രുവരി 7നു് അന്തരിച്ചു
15. ഹോമി ജഹാംഗീർ ഭാഭാ
ഇന്ത്യയിലെ അണുശക്തി ഗവേഷണങ്ങൾക്ക് അടിത്തറയിട്ട മഹാനായ ഭാരതീയ ശാസ്ത്രജ്ഞനാണ് ഹോമി ജഹാംഗീർ ഭാഭാ.ഇന്ത്യൻ ആണവ ശാസ്ത്രത്തിന്റെ പിതാവ് എന്നദ്ദേഹം അറിയപ്പെടുന്നു. (ഒക്ടോബർ 30, 1909 – ജനുവരി 24, 1966).
ക്വാണ്ടം സിദ്ധാന്തത്തിന് സംഭാവന നൽകിയ അദ്ദേഹം ബോംബേയിൽ 1909 ഒക്ടോബർ 30-ന് ഒരു പാർസി കുടുംബത്തിൽ ജനിച്ചു. മുംബൈയിലെ സ്കൂളുകളിലും ബാംഗ്ലൂരിലെ റോയൽ ഇൻസ്റ്റിറ്റ്യൂട്ട് ഓഫ് സയൻസിലുമായി ആദ്യകാല വിദ്യാഭ്യാസം പൂർത്തിയാക്കിയ അദ്ദേഹം പിന്നീട് മെക്കാനിക്കൽ സയൻസിൽ ഉപരിപനത്തിനായി കേംബ്രിഡ്ജിലെത്തി. തുടർന്നു പോൾ ഡിറാകിനൊപ്പം ഗണിതശാസ്ത്രത്തിൽ പ്രവർത്തിക്കുകയും കാവൻഡിഷ് ലബോറട്ടറിയിൽ പ്രവർത്തിച്ചു തിയറട്ടിക്കൽ ഫിസിക്സിൽ ഡോക്റ്ററേറ്റ് നേടുകയും ചെയ്തു.
1927-ൽ, ഭാഭ കേംബ്രിഡ്ജ് യൂണിവേഴ്സിറ്റിയിൽ തന്റെ പഠനം ആരംഭിച്ചു, കുടുംബത്തിന്റെ ആഗ്രഹപ്രകാരം മെക്കാനിക്കൽ എഞ്ചിനീയറിംഗ് പഠിച്ചു. എന്നിരുന്നാലും, താമസിയാതെ, ഭൗതികശാസ്ത്രജ്ഞനായ പോൾ ഡിറാക്കിന്റെ സ്വാധീനത്തിൽ ഭാഭ സൈദ്ധാന്തിക ഭൗതികശാസ്ത്രത്തിൽ കൂടുതൽ താൽപ്പര്യം പ്രകടിപ്പിച്ചു.
മെക്കാനിക്കൽ എഞ്ചിനീയറിംഗ് ട്രൈപ്പോസ് ഒന്നാം ക്ലാസിൽ പാസായ ശേഷം ഭാഭ കേംബ്രിഡ്ജിൽ തന്നെ തുടരുകയും കുടുംബത്തിന്റെ അംഗീകാരത്തോടെ സൈദ്ധാന്തിക ഭൗതികശാസ്ത്രം പഠിക്കാൻ തുടങ്ങുകയും ചെയ്തു.
1932-ൽ അദ്ദേഹം മാത്തമാറ്റിക്സ് ട്രിപ്പോസ് വീണ്ടും ഒന്നാം ക്ലാസോടെ പാസായി. 1933-ൽ ഭാഭയുടെ ആദ്യ പ്രബന്ധമായ "ദി അബ്സോർപ്ഷൻ ഓഫ് കോസ്മിക് റേഡിയേഷൻ" 1934-ൽ അദ്ദേഹത്തിന് മൂന്ന് വർഷത്തെ ഐസക് ന്യൂട്ടൺ വിദ്യാർത്ഥിത്വം നേടിക്കൊടുത്തു.
കേംബ്രിഡ്ജിലെ ഗവേഷണ പ്രവർത്തനങ്ങൾക്ക് പുറമേ കോപ്പൻഹേഗനിൽ നീൽ ബോറിനൊപ്പം പ്രവർത്തിച്ചു. ഇലക്ട്രോൺ-പോസിട്രോൺ സ്കാറ്ററിംഗിന്റെ ക്രോസ് സെക്ഷൻ നിർണ്ണയിക്കുന്നതിനുള്ള ആദ്യ കണക്കുകൂട്ടൽ നടത്തി 1935-ൽ ഭാഭ ഒരു പ്രബന്ധം പ്രസിദ്ധീകരിച്ചു.
ഭാഭ വാൾട്ടർ ഹെയ്‌റ്റ്‌ലറുമായി ചേർന്ന് ഗവേഷണം നടത്തി, 1936-ൽ ഇലക്ട്രോൺ ഷവറിന്റെ കാസ്കേഡ് സിദ്ധാന്തത്തിൽ പ്രവർത്തിച്ചുകൊണ്ട് കോസ്മിക് റേഡിയേഷന്റെ ധാരണയിൽ അവർ ഒരു വഴിത്തിരിവ് നടത്തി. ബഹിരാകാശത്ത് നിന്നുള്ള പ്രാഥമിക കോസ്മിക് കിരണങ്ങൾ എങ്ങനെയാണ് ഭൂതലത്തിൽ നിരീക്ഷിക്കാവുന്ന കണങ്ങളെ ഉൽപ്പാദിപ്പിക്കുന്നത്, വ്യത്യസ്ത ഇലക്ട്രോൺ ഇനീഷ്യേഷൻ എനർജികൾക്കായി കാസ്കേഡ് പ്രക്രിയയിലെ ഇലക്ട്രോണുകളുടെ എണ്ണം കണക്കാക്കുന്നത് എങ്ങനെയെന്ന് അവരുടെ സിദ്ധാന്തം വിവരിച്ചു.
ഭാരതീയ ആണവോർജ്ജ കമ്മിഷന്റെ ആദ്യത്തെ അദ്ധ്യക്ഷൻ, ഇന്ത്യൻ സയൻസ് കോൺഗ്രസ്സ് പ്രസിഡണ്ട്, ടാറ്റാ ഇൻസ്റ്റിറ്റ്യൂട്ട് ഓഫ് ഫണ്ടമെൻറൽ റിസർച്ചിന്റെ ഡയറക്ടർ, സമാധാനാവശ്യങ്ങൾക്ക് അണുശക്തിയുടെ ഉപയോഗത്തെ സംബന്ധിച്ച് ജനീവയിൽ ചേർന്ന സമ്മേളനത്തിന്റെ അദ്ധ്യക്ഷൻ, ഇൻറർനാഷണൽ യൂണിയൻ ഓഫ് പ്യുവർ ആൻറ് അപ്ലൈഡ് ഫിസിക്സിന്റെ അദ്ധ്യക്ഷൻ തുടങ്ങിയ നിലകളിൽ സേവനമനുഷ്ഠിച്ചിട്ടുണ്ട്. അദ്ദേഹം 1966 ജനുവരി 24ന് ജനീവയിലേക്കുള്ള യാത്രാമധ്യേ ആൽപ്‌സ് പർവ്വതനിരയിലുണ്ടായ വിമാനാപകടത്തിൽ മരിച്ചു.
16. ആൽബർട്ട് ഐൻസ്റ്റൈൻ
ആധുനിക ഭൗതിക ശാസ്ത്രത്തിന്റെ പിതാവെന്നറിയപ്പെടുന്ന ആൽബർട്ട് ഐൻസ്റ്റൈൻ 1879 മാർച്ച് 14ൽ ജർമ്മനിയിലെ ഉൽമിൽ (Ulm) ജനിച്ചു. ആൽബർട്ടിന്റെ പിതാവ് ഹെർമൻ ഐൻസ്റ്റൈൻ ഒരു ഇലക്ട്രിക്കൽ കട ഉടമയായിരുന്നു. അമ്മ പൗളിൻ നല്ല വിദ്യാഭ്യാസം നേടിയ ഒരു സ്ത്രീ ആയിരുന്നു. ഒരു വയസ്സുള്ളപ്പോൾ കുടുംബം മ്യൂണിക്കിലേക്ക് താമസം മാറ്റി.
ശാസ്ത്രീയോപകരണങ്ങളിൽ കുട്ടിക്കാലത്തേ താല്പര്യം തോന്നിയ ഐൻസ്റ്റൈൻ കണക്കിൽ അതീവ മിടുക്കനും മറ്റ് വിഷയങ്ങളിൽ സാധാരണക്കാ‍രനുമായിരുന്നു. പതിനഞ്ചാം വയസ്സിൽ ഐൻസ്റ്റൈന്റെ കുടുംബം താമസം ഇറ്റലിയിലേക്ക് മാറി. സ്വിറ്റ്സർലാന്റിലെ സൂറിച്ച് സർവ്വകലാശാലയിലായിരുന്നു ഐൻസ്റ്റൈന്റെ പഠനം. ഇവിടെ അദ്ദേഹത്തിന്റെ പ്രതിഭ വികസിച്ചു. ഊർജ്ജതന്ത്രത്തിലും കണക്കിലും അദ്ദേഹം അസാമാന്യ മിടുക്ക് കാട്ടി.
ആപേക്ഷികതാ സിദ്ധാന്തത്തിനു രൂപം നൽകിയ ഭൗതികശാസ്ത്രജ്ഞനാണ് ആൽബർട്ട് ഐൻസ്റ്റൈൻ (1879 മാർച്ച് 14 – 1955 ഏപ്രിൽ 18). ഇരുപതാം നൂറ്റാണ്ടിലെ ഏറ്റവും പ്രതിഭാധനനായ ശാസ്ത്രഗവേഷകനായി ഇദ്ദേഹം പരക്കെ അംഗീകരിക്കപ്പെടുന്നു. സാമാന്യ ആപേക്ഷികതാസിദ്ധാന്തം ആധുനിക ഭൗതികശാസ്ത്രത്തിലെ രണ്ടു അടിസ്ഥാനശിലകളിലൊന്നായി കണക്കാക്കപ്പെടുന്നു (ക്വാണ്ടം മെക്കാനിക്സാണ് അടുത്തത്). ഇദ്ദേഹത്തിന്റെ ദ്രവ്യവും–ഊർജ്ജവും തമ്മിലുള്ള ബന്ധത്തെപ്പറ്റിയുള്ള സമവാക്യമായ E = mc2 (ഇത് ലോകത്തിലെ ഏറ്റവും പ്രശസ്തമായ സമവാക്യമായി കണക്കാക്കപ്പെടുന്നു) പ്രസിദ്ധമാണ്. ക്വാണ്ടം സിദ്ധാന്തത്തിന്റെ അടിസ്ഥാനം ഈ സമവാക്യമാണ്.
1905ൽ അഞ്ച് ഗവേഷണപ്രബന്ധങ്ങൾ അദ്ദേഹം പ്രസിദ്ധികരിച്ചു.അതിലെ വിപ്ലവകരമായ ചില ആശയങ്ങൾ ശാസ്ത്രലോകത്തെ പിടിച്ചുകുലുക്കി. അതിലൊരു പ്രബന്ധം പ്രശസ്തമായ ‘ആപേക്ഷികതാ സിദ്ധാന്തം’ ആയിരുന്നു. അതിൽ പ്രപഞ്ചത്തിലെ വസ്തുക്കളുടെ കേവലമായ ചലനം ഒരു മിഥ്യയാണെന്നും ആപേക്ഷികമായ ചലനം മാത്രമേ ഉള്ളു എന്നും അദ്ദേഹം വാദിച്ചു. മറ്റൊരു പ്രബന്ധത്തിൽ അദ്ദേഹം വസ്തുവും ഊർജ്ജവും തമ്മിലുള്ള ബന്ധം ചർച്ച ചെയ്തു. ഈ പ്രസിദ്ധ നിർവചനത്തിന്റെ അടിസ്ഥാനത്തിലാണ് 1945ൽ ആറ്റംബോംബ് ഉണ്ടാക്കിയത്. 1906-ൽ സൂറിച്ച് സർവ്വകലാശാല അദ്ദേഹത്തെ പ്രൊഫസ്സറാക്കി. 1916ൽ അദ്ദേഹം ‘ആപേക്ഷികതയുടെ പൊതുസിദ്ധാന്തം’ (General Theory of Relativity) പ്രസിദ്ധീകരിച്ചു. അത്യന്തം സങ്കീർണ്ണമായിരുന്ന ഈ സിദ്ധാന്തം അന്ന് ലോകത്തിലെ നാലു ശാസ്ത്രജ്ഞന്മാർക്കേ മനസ്സിലായിരുന്നുള്ളുവെന്ന് പറയപ്പെടുന്നു. ഇത് അദ്ദേഹത്തെ ഒരു മഹാ ശാസ്ത്രകാരനാക്കിമാറ്റി. 1921-ൽ അദ്ദേഹം നോബൽ സമ്മാനത്തിനർഹനായി. ഫോട്ടോ ഇലക്ട്രിക് പ്രഭാവത്തെക്കുറിച്ചുള്ള പഠനമാണ് ഐൻസ്റ്റൈനെ നോബൽ സമ്മാനാർഹനാക്കിയത്.
1940ൽ അദ്ദേഹം അമേരിക്കൻ പൗരത്വം സ്വീകരിച്ചു. ജീവിതം മുഴുവനും അദ്ദേഹം കണക്കിലെയും ഭൗതികശാസ്ത്രത്തിലെയും സങ്കീർണ്ണമായ സമസ്യകൾക്ക് ഉത്തരം തേടിക്കൊണ്ടിരുന്നു. സ്നേഹശീലനും സൗമ്യനുമായിരുന്ന അദ്ദേഹം യുദ്ധവിരോധിയായിരുന്നു. ന്യൂക്ലിയർ സാങ്കേതികവിദ്യ മനുഷ്യനന്മയ്ക്ക് ഉപയോഗിക്കണമെന്ന് അദ്ദേഹം ശക്തിയായി വാദിച്ചിരുന്നു. 1955ൽ ഈ മഹാപ്രതിഭ പ്രിൻസ്റ്റൺ ആശുപത്രിയിൽ വച്ച് ഉറക്കത്തിൽ അന്തരിച്ചു.
17. സത്യേന്ദ്രനാഥ് ബോസ്
1894 ജനവരി ഒന്നിന്‌ കൊൽക്കത്തയിലെ ഗോവാബാഗനിൽ അദ്ദേഹം ജനിച്ചു. ഒരു ഇന്ത്യൻ ഭൗതികശാസ്ത്രജ്ഞനാണ് സത്യേന്ദ്രനാഥ് ബോസ് (Satyendra Nath Bose). ബോസ്- ഐൻസ്റ്റൈൺ സ്റ്റാറ്റിസ്റ്റിക്സ്, ദ്രവ്യത്തിന്റെ അഞ്ചാമത്തെ അവസ്ഥയായ ബോസ്-ഐൻസ്റ്റൈൻ കണ്ടൻസേറ്റ്‌ എന്നിവ എസ്.എൻ.ബോസിന്റെ പേരിലറിയപ്പെടുന്ന ഭൗതിക ശാസ്‌ത്ര സംഭാവനകളാണ്‌.
ഈസ്റ്റ്‌ ഇന്ത്യ റെയിൽവേ എഞ്ചിനിയറിങ്‌ വിഭാഗത്തിൽ ഉദ്യോഗസ്ഥനായിരുന്ന കൊൽക്കൊത്ത സ്വദേശി സുരേന്ദ്രനാഥ്‌ ബോസായിരുന്നു പിതാവ്. അമ്മ ആമോദിനി ദേവി.
കൊൽക്കത്തയിലെ ഹിന്ദുസ്‌കൂളിൽ ആദ്യകാല വിദ്യാഭ്യാസം പൂർത്തിയാക്കിയ ശേഷം പ്രസിഡൻസി കോളേജിൽ ഉന്നതവിദ്യാഭ്യാസത്തിന്‌ ചേർന്നു. ഗണിതവും ഭൗതികശാസ്ത്രവുമായിരുന്നു ബോസിന്റെ ഇഷ്ടവിഷയങ്ങൾ. കോളേജിൽ അദ്ധ്യാപകനായി പ്രശസ്ത ശാസ്ത്രജ്ഞൻ ജഗദീശ്‌ ചന്ദ്രബോസും സഹപാഠിയായി മേഘനാഥ്‌ സാഹയും സത്യയെൻ ബോസിന്‌ ഒപ്പമുണ്ടായിരുന്നു. ഭാരതീയ രസതന്ത്രത്തിന്റെ ഗുരുവായി കാണുന്ന ആചാര്യ പ്രഫുല്ലചന്ദ്രറേയും അദ്ധ്യാപകനായിരുന്നു. കൊൽക്കത്തയിലെ പ്രസിഡൻസി കോളേജിൽ നിന്ന് ഒന്നാം റാങ്കോടുകൂടി എം.എസ്.സി. പാസ്സായ 1915-ൽ തന്നെ വിവാഹവും നടന്നു. ഭാര്യ ഉഷ ബാലാഘോഷ്‌. ഉഷ-ബോസ് ദമ്പതിമാർക്ക്‌ അഞ്ചുമക്കൾ.
1917-ൽ കൊൽക്കത്ത7 സർവകലാശാലയിൽ അദ്ധ്യാപകനായി ചേർന്നു. ഇവിടെ മോഡേൺ മാത്തമാറ്റിക്‌സിലും ഭൗതിക ശാസ്ത്രത്തിലും പുതിയ ബിരുദാനന്തര ബിരുദ പദ്ധതികൾ ആരംഭിക്കുന്നതിൽ നിർണായകമായ പങ്കുവഹിച്ചു. ആൽബർട്ട് ഐൻസ്റ്റൈന്റെ ആപേക്ഷികതാ സിദ്ധാന്തത്തിന്റെ അകംപൊരുൾ നന്നായി മനസ്സിലാക്കിയ ആദ്യകാല പണ്‌ഡിതരിലൊരാളും ബോസ് തന്നെയായിരുന്നു. ആപേക്ഷികതാ സിദ്ധാന്തം വിദ്യാർത്ഥികൾക്കായി സിലബസിൽ ഉൾപ്പെടുത്താൻ നടപടിയെടുത്തതിനൊപ്പം തന്നെ ഐൻസ്റ്റൈന്റെ സംഭാവനകൾ ഇംഗ്‌ളീഷിലേക്ക്‌ പരിഭാഷപ്പെടുത്തുകയും ചെയ്തു.
1921-ൽ ധാക്കാ സർവകലാശാലയിൽ റീഡറായി ജോലി ഏറ്റെടുത്തു. ഇക്കാലത്താണ്‌ ഫോട്ടോണുകളെക്കുറിച്ചുള്ള പ്രശസ്തമായ ശാസ്‌ത്രപ്രബന്ധം രചിക്കുന്നത്‌. മാക്സ് പ്ലാങ്കിന്റെ ഒരു പ്രബന്ധം വായിച്ചതിന്റെ അനുഭവത്തിൽ ബോസ് ഒരു പുതിയ പ്രബന്ധം തയ്യാറാക്കി.
പക്ഷേ അന്നത്തെ ശാസ്ത്രസമൂഹവും ജേർണലുകളും ഇത് അംഗീകരിക്കാൻ കൂട്ടാക്കിയില്ല. ശ്രദ്ധേയമായ ഈ രചന ഐൻസ്റ്റീന്റെ പക്കലെത്തിയ ഉടൻതന്നെ നിർണായകമായ അംഗീകാരം ലഭിച്ചു. ഐൻസ്റ്റൈൻ തന്നെ ജർമ്മൻ ഭാഷയിലേക്ക്‌ തർജ്ജിമ ചെയ്ത് പ്രസിദ്ധീകരിച്ചു. ഒപ്പം ഈ പ്രബന്ധത്തെ കുറിച്ച് ഒരു പോപ്പുലർ ലേഖനവും ഐൻസ്റ്റൈൻ എഴുതി. തുടർന്ന് ബോസ്-ഐൻസ്റ്റൈൻ സ്റ്റാറ്റിസ്റ്റിക്സ് എന്ന മേഖല തന്നെ ഉരുത്തിരിഞ്ഞു. ഈ നിയമം അനുസരിക്കുന്ന കണങ്ങൾ ബോസോണുകൾ എന്നും അിറയപ്പെടാൻ തുടങ്ങി.
വാതക ബോസോണുകളെ തണുപ്പിച്ച്‌ കേവലപൂജ്യനിലയ്‌ക്ക്‌ (-273° C) അടുത്തെത്തിച്ചാൽ ബോസ്-ഐൻസ്റ്റൈൻ നിയമപ്രകാരം ആറ്റങ്ങൾ ഒന്നുചേർന്ന്‌ ഒരു പുതിയ അവസ്ഥ സൃഷ്‌ടിക്കും. ഇത് ദ്രവ്യത്തിന്റെ അഞ്ചാമത്തെ അവസ്ഥയായി കണക്കാക്കി. 1924 ലാണ് ഈ കണ്ടുപിടിത്തം നടന്നത്. എന്നാൽ 1995-ൽ മാത്രമാണ് പരീക്ഷണത്തിലൂടെ ഇത് സ്ഥിരീകരിക്കപ്പെട്ടത്‌. എറിക്‌ കോർണലും വീമാനും ചേർന്ന് നടത്തിയ പരീക്ഷണത്തിലൂടെ 'ബോസ്-ഐൻസ്റ്റീൻ കണ്ടൻസേറ്റ്‌' ശാസ്‌ത്രലോകം വ്യക്തമായി അംഗീകരിച്ചു. അപേക്ഷികതാ സിദ്ധാന്തത്തിൽ സവിശേഷപഠനവും ക്രിസ്റ്റലോഗ്രാഫി, ഫ്‌ളൂറസൻസ്‌, തെർമോലൂമിനസൻസ്‌ എന്നിവയിൽ ബോസ് പരീക്ഷണങ്ങൾ നടത്തുകയും ചെയ്തു.
1924-ൽ 10 മാസക്കാലം മാഡം ക്യൂറിയുമായി ചേർന്ന് ഗവേഷണം നടത്താനുള്ള സ്‌കോളർഷിപ്പ്‌ ധാക്കാ സർവകലാശാല അനുവദിച്ചത്‌ ബോസിന്റെ ജീവിതത്തിലെ വഴിത്തിരിവായി. തുടർന്ന് ബർലിനിൽ വച്ച് ഐൻസ്റ്റൈനെ സന്ദർശിക്കുകയും ചെയ്തു. ഭാരത സ്വാതന്ത്ര്യത്തന്‌ തൊട്ടുമുമ്പ്‌ കൊൽക്കത്തയിൽ തിരിച്ചെത്തി അവിടെ പ്രൊഫസറായി ചേർന്നു. ശാസ്‌ത്രത്തെ പ്രാദേശിക ഭാഷയിലെത്തിക്കുന്നതിൽ വളരെയേറെ സംഭാവനകൾ ബോസ് നൽയിരുന്നു.
എല്ലാത്തരം വികിരണങ്ങളെയും ആഗിരണം ചെയ്യുന്ന സാങ്കൽപ്പിക തമോവസ്തുവിൽ നിന്നു പുറപ്പെടുന്ന വികിരണങ്ങളെ (blackbody radiation) മാതൃകയാക്കിയാണ്‌ പത്തൊൻപതാം നൂറ്റാണ്ടിന്റെ അവസാനം മാക്സ് പ്ലാങ്ക് ക്വാണ്ടം സിദ്ധാന്തത്തിന് രൂപം നൽകിയത്. പ്രകാശം നിശ്ചിത ഊർജ്ജ പൊതികൾ(ക്വാണ്ട) അഥവാ പാക്കറ്റുകൾ ആയി പ്രവഹിക്കുന്നു എന്നാണ് ആ സിദ്ധാന്തം പറയുന്നത്.
1944-ൽ ഇന്ത്യൻ സയൻസ് കോൺഗ്രസ്‌ അദ്ധ്യക്ഷനായി തിരഞ്ഞെടുക്കപ്പെട്ടു. 1958-ൽ റോയൽ സൊസൈറ്റിയിൽ അംഗത്വം, ഭാരത സർക്കാരിന്റെ ദേശീയ പ്രൊഫസർ പദവി എന്നിവ ഇദ്ദേഹത്തിന്‌ ലഭിച്ച ബഹുമതികളിൽ പെടുന്നു. കൊൽക്കത്തയിലെ എസ്.എൻ.ബോസ് നാഷണൽ സെന്റർ ഫോർ ബേസിക്‌ സയൻസ് ഇദ്ദേഹത്തിന്റെ ഓർമ്മക്കായി നിലകൊള്ളുന്നു.
ബോസിന്റെ നിസ്‌തുലമായ ശാസ്‌ത്രകണ്ടുപിടിത്തങ്ങൾക്ക്‌ വേണ്ടത്ര അന്താരാഷ്ട്ര ശ്രദ്ധലഭിച്ചോ എന്നത് സംശയമാണ്. ബോസോൺ സവിശേഷ പഠനവിഷയമാക്കിയവർക്ക്‌ പിന്നീട് നോബൽ സമ്മാനം വരെ ലഭിച്ചിട്ടുണ്ട്.1974 ഫെബ്രുവരി 4-ന് 80-ാമത്തെ വയസ്സിൽ സത്യേന്ദ്രനാഥ് ബോസ് അന്തരിച്ചു.
18. ചാൾസ് ബാബേജ്
ബാബേജിന്റെ ജന്മസ്ഥലം തർക്കവിഷയമാണ്, പക്ഷേ ഓക്സ്ഫോർഡ് ഡിക്ഷണറി ഓഫ് നാഷണൽ ബയോഗ്രഫി അനുസരിച്ച് അദ്ദേഹം മിക്കവാറും ഇംഗ്ലണ്ടിലെ ലണ്ടനിലെ വാൾവർത്ത് റോഡിലെ 44 ക്രോസ്ബി റോയിലാണ് ജനിച്ചത്. ലാർകോം സ്ട്രീറ്റിലെയും വാൾവർത്ത് റോഡിലെയും ജംഗ്ഷനിലെ ഒരു നീല ഫലകം ആ സംഭവത്തെ അനുസ്മരിപ്പിക്കുന്നു.
ബെഞ്ചമിൻ ബാബേജിന്റെയും ബെറ്റ്സി പ്ലംലീ ടീപ്പിന്റെയും നാല് മക്കളിൽ ഒരാളായിരുന്നു ബാബേജ്. 1801 ൽ ലണ്ടനിലെ ഫ്ലീറ്റ് സ്ട്രീറ്റിലെ പ്രെയ്ഡ്സ് & കമ്പനി സ്ഥാപിക്കുന്നതിൽ വില്യം പ്രെയ്ഡിന്റെ ബാങ്കിംഗ് പങ്കാളിയായിരുന്നു പിതാവ്. ആൽഫിംഗ്ടണിലെ ഒരു കൺട്രി സ്കൂളിലേക്ക് അയച്ചു. കുറച്ചുകാലം സൗത്ത് ഡെവോണിലെ ടോട്ടനിലുള്ള കിംഗ് എഡ്വേർഡ് IV ഗ്രാമർ സ്കൂളിൽ ചേർന്നു, പക്ഷേ അവിടെ തുടരാൻ അദ്ദേഹത്തിന്റെ ആരോഗ്യം അനുവദിക്കാത്തതിനാൽ സ്വകാര്യ അദ്ധ്യാപകരുടെ അടുത്തേക്ക് തിരികെചെന്നു.
ആദ്യത്തേത് കേംബ്രിഡ്ജിനടുത്തുള്ള ഒരു പുരോഹിതനായിരുന്നു; അദ്ദേഹത്തിലൂടെ ബാബേൽ ചാൾസ് ശിമയോനെയും ഇവാഞ്ചലിക്കൽ ഫോളോവേഴ്സിനെയും കണ്ടുമുട്ടി, പക്ഷേ അദ്ദേഹത്തിന് ആവശ്യമുള്ള കാര്യം പഠിക്കാൻ സാധിച്ചില്ല.അദ്ദേഹം വീട്ടിൽ മടങ്ങിയെത്തി, ടോട്ടൻസ് സ്കൂളിൽ പഠിച്ചു: ആ സമയം 16 അല്ലെങ്കിൽ 17 വയസ്സായിരുന്നു ഉണ്ടായിരുന്നത്. രണ്ടാമത്തേത് ഒരു ഓക്സ്ഫോർഡ് ട്യൂട്ടറായിരുന്നു, അദ്ദേഹത്തിൽ കീഴിൽ കേംബ്രിഡ്ജ് സ്വീകരിക്കുന്നതിന് പര്യാപ്തമായ ക്ലാസിക്കകളിൽ ബാബേൽ അവഗാഹം നേടി.
1810 ഒക്ടോബർ മാസത്തിൽ കേംബ്രിഡ്ജിലെ ട്രിനിറ്റി കോളേജിൽ എത്തി. [സമകാലീന ഗണിതശാസ്ത്രത്തിന്റെ ചില ഭാഗങ്ങളിൽ അദ്ദേഹം ഇതിനകം സ്വയം പഠിച്ചിരുന്നു; [ജോസഫ് ലൂയിസ് ലഗ്രാഞ്ച്, മാരി അഗ്സിസി എന്നിവരുടെ പുസ്തകങ്ങൾ റോബർട്ട് വുഡ്ഹൗസിൽ വച്ച് അദ്ദേഹം വായിച്ചിരുന്നു, തൽഫലമായി, സർവകലാശാലയിൽ ലഭ്യമായ സ്റ്റാൻഡേർഡ് മാത്തമാറ്റിക്കൽ നിർദ്ദേശങ്ങൾ അദ്ദേഹത്തിന് നിരാശ ഉളാവാക്കുന്നതായിരുന്നു.
ഒരു ഇംഗ്ലീഷ് പോളിമാത്ത് ആയിരുന്നു ചാൾസ് ബാബേജ് കെ‌എച്ച് എഫ്‌ആർ‌എസ് (26 ഡിസംബർ 1791 - 18 ഒക്ടോബർ 1871). ബ്രിട്ടീഷുകാരനായ ഒരു ഗണിത ശാസ്ത്രജ്ഞനും കമ്പ്യൂട്ടർ ശാസ്ത്രജ്ഞനും ചിന്തകനുമായിരുന്ന ബാബേജാണ്, ഡിജിറ്റൽ പ്രോഗ്രാമബിൾ കമ്പ്യൂട്ടർ എന്ന ആശയം കൊണ്ടുവന്നത്.
ബാബേജിനെ ചിലർ "കമ്പ്യൂട്ടറിന്റെ പിതാവായി"കണക്കാക്കുന്നു. ആദ്യത്തെ മെക്കാനിക്കൽ കമ്പ്യൂട്ടർ ഡിഫറൻസ് എഞ്ചിൻ കണ്ടുപിടിച്ചതിന്റെ ബഹുമതി ബാബേജിനുണ്ട്, ഇത് ഒടുവിൽ കൂടുതൽ സങ്കീർണ്ണമായ ഇലക്ട്രോണിക് ഡിസൈനുകളിലേക്ക് നയിച്ചു, എന്നിരുന്നാലും ആധുനിക കമ്പ്യൂട്ടറുകളുടെ എല്ലാ ആശയങ്ങളും ബാബേജിന്റെ അനലിറ്റിക്കൽ എഞ്ചിനിൽ ഉണ്ട്. മറ്റ് മേഖലകളിലെ അദ്ദേഹത്തിന്റെ വൈവിധ്യമാർന്ന പ്രവർത്തനങ്ങൾ അദ്ദേഹത്തെ നൂറ്റാണ്ടിലെ പല പോളിമാത്തുകളിലും "മുൻ‌നിരയിലുള്ള ആൾ" എന്ന് വിശേഷിപ്പിക്കപ്പെട്ടു. ബാബേജിന്റെ അപൂർണ്ണമായ സംവിധാനങ്ങളുടെ ഭാഗങ്ങൾ ലണ്ടനിലെ സയൻസ് മ്യൂസിയത്തിൽ പ്രദർശിപ്പിച്ചിട്ടുണ്ട്. 1991 ൽ, ബാബേജിന്റെ യഥാർത്ഥ പ്ലാനുകളിൽ നിന്ന് വ്യത്യസ്തമായി പ്രവർത്തിക്കുന്ന എഞ്ചിൻ നിർമ്മിച്ചു. പത്തൊൻപതാം നൂറ്റാണ്ടിൽ നേടാനാകുന്ന ടോളറൻസുകൾക്കായി നിർമ്മിച്ച ഫിനിഷ്ഡ് എഞ്ചിന്റെ വിജയം സൂചിപ്പിക്കുന്നത് ബാബേജിന്റെ യന്ത്രം പ്രവർത്തിക്കുമായിരുന്നു എന്നാണ്.
ചാൾസ് ബാബേജ് രൂപകൽപ്പന ചെയ്ത നിർദ്ദിഷ്ട മെക്കാനിക്കൽ ജനറൽ പർപ്പസ് കമ്പ്യൂട്ടറാണ് അനലിറ്റിക്കൽ എഞ്ചിൻ. ലളിതമായ മെക്കാനിക്കൽ കമ്പ്യൂട്ടറിനുള്ള രൂപകൽപ്പനയായ ബാബേജിന്റെ ഡിഫറൻസ് എഞ്ചിന്റെ പിൻഗാമിയായാണ് 1837 ൽ ഇതിനെ ആദ്യമായി വിശേഷിപ്പിച്ചത്. അനലിറ്റിക്കൽ എഞ്ചിൻ ഒരു ഗണിത ലോജിക് യൂണിറ്റ്, സോപാധികമായ ബ്രാഞ്ചിംഗിന്റെയും ലൂപ്പുകളുടെയും രൂപത്തിലുള്ള നിയന്ത്രണ പ്രവാഹം, സംയോജിത മെമ്മറി എന്നിവ ഉൾപ്പെടുത്തി, ഒരു പൊതു-ഉദ്ദേശ്യ കമ്പ്യൂട്ടറിനായുള്ള ആദ്യ രൂപകൽപ്പനയായി ഇത് ആധുനിക പദങ്ങൾ ഉപയോഗിച്ച് ട്യൂറിംഗ്-കംപ്ലീറ്റ് എന്ന് വിശേഷിപ്പിക്കാം. മറ്റൊരു വിധത്തിൽ പറഞ്ഞാൽ, അനലിറ്റിക്കൽ എഞ്ചിന്റെ ലോജിക്കൽ ഘടന പ്രധാനമായും ഇലക്ട്രോണിക് കാലഘട്ടത്തിൽ കമ്പ്യൂട്ടർ രൂപകൽപ്പനയിൽ ആധിപത്യം പുലർത്തിയതിന് സമാനമായിരുന്നു. ചാൾസ് ബാബേജിന്റെ ഏറ്റവും വിജയകരമായ നേട്ടങ്ങളിലൊന്നാണ് അനലിറ്റിക്കൽ എഞ്ചിൻ.
ചാൾസ് ബാബേജ് 1871 ഒക്ടോബർ 18-ന് 79-ആം വയസ്സിൽ അന്തരിച്ചു. ലണ്ടനിലെ കെൻസാൽ ഗ്രീൻ സെമിത്തേരിയിൽ അദ്ദേഹത്തെ സംസ്കരിച്ചു. മരണകാരണം "വൃക്കസംബന്ധമായ അപര്യാപ്തത" ആയിരുന്നു.
19. വെങ്കിട്ടരാമൻ രാധാകൃഷ്ണൻ
1929 മേയ് 18-ന് സി.വി. രാമന്റെ മകനായി ജനിച്ചു. 1950-കളിൽ സ്വീഡൻ, യുകെ, ഓസ്‌ട്രേലിയ തുടങ്ങിയ രാജ്യങ്ങളിൽ ജോലി ചെയ്തു. റേഡിയോ അസ്‌ട്രോണമിയിൽ അന്താരാഷ്ട്ര പ്രശസ്തി നേടിയിട്ടുണ്ട് ഇദ്ദേഹം. പിതാവ് സി.വി. രാമന്റെ മരണത്തെ തുടർന്ന് അദ്ദേഹം ഇന്ത്യയിൽ തിരിച്ചെത്തുകയും 1972 മുതൽ 1994 വരെ ബാംഗ്ലൂരിലെ രാമൻ റിസർച്ച് ഇൻസ്റ്റിറ്റിയൂട്ടിന്റെ ചുമതലക്കാരനാകുകയും ചെയ്തു.
ഇപ്പോൾ ഈ ഇൻസ്റ്റിറ്റിയൂട്ടിന്റെ ട്രസ്റ്റിയാണ് ഇദ്ദേഹം.
കടൽ സാഹസിക യാത്രകളിൽ പ്രശസ്തനുമാണ്. കൂടാതെ ആകാശത്തിലും സാഹസികനാണ് രാധാകൃഷ്ണൻ. സ്വയം രൂപകല്പന ചെയ്യുകയും നിർമ്മിക്കുകയും ചെയ്ത ഗ്ലൈഡറുകളിൽ അദ്ദേഹം പറന്നിട്ടുണ്ട്.
നിരവധി ലോക സഞ്ചാരങ്ങൾ നടത്തിയ പ്രൊഫ.വി.രാധാകൃഷ്ണൻ സ്വയം രൂപകല്പന ചെയ്ത പായ്ക്കപ്പലിൽ ലോകസഞ്ചാരം നടത്തി. ഒരു ഡസനോളം രാജ്യങ്ങൾ താണ്ടിയുള്ള മഹാ സാഗര യാത്ര കൊച്ചിയിലെ ബോൾഗാട്ടി മറീനയിൽ നിന്ന് 'എൽഡീമർ' (സമുദ്രച്ചിറകുകൾ) എന്ന യാട്ടിലാണ് പ്രയാണം ആരംഭിച്ചത്. ഇന്ത്യയിൽ രജിസ്റ്റർ ചെയ്ത ആദ്യത്തെ സെയിലർ ബോട്ടാണ് 'എൽഡീമർ'.
എറണാകുളത്തെ ബോൾഗാട്ടിയിൽ നിന്ന് തായ്‌ലൻഡിലെ ഫുക്കറ്റിലേക്കായിരുന്നു ആദ്യ യാത്ര.
പിന്നീട് മലേഷ്യയിലെ ലങ്കാവിലേക്കും. അവിടെ നിന്ന് സോളമൻ ഐലൻഡ് വഴി ന്യൂസിലൻഡിലേക്ക്. പിന്നീട് സൗത്ത് അമേരിക്ക. അവിടെ നിന്ന് ദക്ഷിണാഫ്രിക്കയിലേക്ക് സഞ്ചരിച്ചു. ദക്ഷിണാഫ്രിക്കയിൽ നിന്ന് മൗറീഷ്യസ് വഴി തിരിച്ച് ഇന്ത്യയിലേക്ക് യാത്രയായി.
റോയൽ സ്വീഡിഷ് അക്കാദമി ഓഫ് സയൻസസ് അംഗം, നെതർലാൻഡ്‌സ് ഫൗണ്ടേഷൻ ഫോർ റേഡിയോ അസ്‌ട്രോണമിയുടെ വിദേശ ഉപദേശക സമിതിയംഗം, ഓസ്‌ട്രേലിയ ടെലിസേ്കാപ് നാഷണൽ ഫെസിലിറ്റിയുടെ സ്റ്റിയറിംഗ് കമ്മിറ്റിയംഗം, ഇന്ത്യൻ നാഷണൽ കമ്മിറ്റി ഫോർ അസ്‌ട്രോണമി അംഗം തുടങ്ങിയ നിലകളിൽ വിദേശത്തും സ്വദേശത്തും ജോലി ചെയ്തു.
20. ശ്രീനിവാസ രാമാനുജൻ
തമിഴ്‌നാട്ടിൽ ഈറോഡിലെ ദരിദ്ര കുടുംബത്തിൽ 1887 ഡിസംബർ 22-ന് ശ്രീനിവാസ രാമാനുജൻ ജനിച്ചു. അച്ഛൻ കുപ്പുസ്വാമി ശ്രീനിവാസ അയ്യങ്കാർ തുണിക്കടയിൽ കണക്കെഴുത്തുകാരനായിരുന്നു. അമ്മ കോമളത്തമ്മാൾ. ആധുനികഭാരതത്തിലെ ഏറ്റവും പ്രതിഭാശാലിയായ ഗണിതശാസ്ത്രജ്ഞനായി വിലയിരുത്തപ്പെടുന്ന ആളാണ് ശ്രീനിവാസ രാമാനുജൻ അയ്യങ്കാർ എന്ന ശ്രീനിവാസ രാമാനുജൻ. സ്വപ്രയത്നത്തിലൂടെ ഗണിത വിശകലനം, സംഖ്യാസിദ്ധാന്തം, അനന്തശ്രേണി, തുടർച്ചാഭിന്നകങ്ങൾ തുടങ്ങിയ ഗണിതശാസ്ത്രമേഖലകളിൽ വിലപ്പെട്ട സംഭാവനകൾ നൽകി.
രാമാനുജന്റെ 125-ആം ജന്മവാർഷികത്തിന്റെ ഓർമ്മയ്ക്കായി 2012 ദേശീയ ഗണിതശാസ്ത്ര വർഷമായി പ്രഖ്യാപിച്ചിരിക്കുന്നു. സ്കൂളിൽ വെച്ചേ ഗണിതമായിരുന്നു രാമാനുജന്റെ പ്രിയവിഷയം. അടിസ്ഥാന സൗകര്യങ്ങളൊന്നുമില്ലാതിരുന്നിട്ടും പ്രതിഭ മാത്രം കൈമുതലാക്കി ഗണിതപഠനം തുടർന്നു. സ്‌കോളർഷിപ്പിന്റെ സഹായത്തോടെ അദ്ദേഹം 1904-ൽ കുംഭകോണം ഗവൺമെന്റ് കോളേജിൽ ചേർന്നു. ഗണിതത്തിൽ മാത്രമായിരുന്നു രാമാനുജന്റെ ശ്രദ്ധ. മറ്റു വിഷയങ്ങളിലെല്ലാം തോറ്റതിനാൽ സ്‌കോളർഷിപ്പ്‌ നഷ്‌ടമായി.
1906-ൽ മദ്രാസ് പച്ചയ്യപ്പാസ്‌ കോളേജിൽ ചേർന്നെങ്കിലും, അവിടെയും കണക്കൊഴികെ മറ്റ് വിഷയങ്ങളിൽ തോൽക്കുകയും മദ്രാസ് സർവകലാശാലയിൽ ചേരുകയെന്ന അദ്ദേഹത്തിന്റെ സ്വപ്നം പൊലിഞ്ഞു. ഗണിതശാസ്ത്രത്തിലെ 6000 സങ്കീർണ്ണപ്രശ്‌നങ്ങൾ അടങ്ങിയ, ജി.എസ്. കാർ രചിച്ച, സിനോപ്‌സിസ്‌ ഓഫ് എലിമെന്ററി റിസൾട്ട്‌സ്‌ ഇൻ പ്യുവർ മാത്തമാറ്റിക്സ് എന്ന ഗ്രന്ഥം സ്കൂൾ പഠനകാലത്തു തന്ന രാമാനുജന്റെ പക്കലുണ്ടായിരുന്നു. കോളേജ് പഠനം മുടങ്ങുമ്പോഴും ഈ പുസ്തകം അദ്ദേഹത്തിന്റെ പക്കലുണ്ടായിരുന്നു. ആ പുസ്‌തകത്തിലെ പ്രശ്‌നങ്ങൾ പരിഹരിക്കാനുള്ള ശ്രമത്തിനിടെ പുതിയ ഗണിതശ്രേണികൾ ഒന്നൊന്നായി രാമാനുജൻ കണ്ടെത്തി. 'പൈ'യുടെ മൂല്യം എട്ടു ദശാംശസ്ഥാനം വരെ കൃത്യമായി നിർണയിക്കാനുള്ള മാർഗ്ഗം ആവിഷ്‌ക്കരിച്ചു. (പൈയുടെ മൂല്യം വേഗത്തിൽ നിർണയിക്കാനുള്ള കമ്പ്യൂട്ടർ `ആൽഗരിത'ത്തിന്‌ അടിസ്ഥാനമായത്‌ ഈ കണ്ടുപിടിത്തമാണ്.
അക്കാലത്താണ്‌ ഇന്ത്യൻ മാത്തമാറ്റിക്കൽ സൊസൈറ്റി നിലവിൽ വരുന്നത്. തന്റെ പ്രബന്ധം സൊസൈറ്റിയുടെ ജേണൽ പ്രസിദ്ധീകരിച്ചത്, രാമാനുജന്‌ പ്രശസ്തി നേടിക്കൊടുത്തു. 1914 ഏപ്രിൽ 14-ന് രാമാനുജൻ ലണ്ടനിലെത്തി.
1916 മാർച്ച് 16-ന് കേംബ്രിഡ്ജ് സർവകലാശാല രാമാനുജന്‌ `ബാച്ചിലർ ഓഫ് സയൻസ് ബൈ റിസേർച്ച് ബിരുദം' നൽകി (ഡോക്ടറേറ്റിന് തുല്യമാണ്‌ ഈ ബിരുദം).
1918 ഫെബ്രുവരി 18-ന് റോയൽ സൊസൈറ്റി ഫെലോഷിപ്പ്‌ ലഭിച്ചു. ആ ബഹുമതിക്ക്‌ അർഹനാകുന്ന രണ്ടാമത്തെ ഇന്ത്യക്കാരനായിരുന്നു രാമാനുജൻ. പ്രതികൂലകാലാവസ്ഥ മൂലം ആരോഗ്യം മോശമായതിനാൽ 1919 ഫെബ്രുവരി 27-ന് രാമാനുജൻ ഇന്ത്യയിലേക്കു മടങ്ങി. ക്ഷയരോഗമായിരുന്നു ബാധിച്ചിരുന്നത്‌ . 1920 ഏപ്രിൽ 26-ന് അദ്ദേഹം അന്തരിച്ചു.
continue reading.
ഒരു കുട്ടിയെ ദത്തെടുക്കുന്നതിന് മുമ്പ് പരിഗണിക്കേണ്ട 5 കാര്യങ്ങൾ
- നിങ്ങൾക്ക് കുട്ടിയെ മനസ്സിലാക്കാനും അറിയാനുമുള്ള കഴിവ് ഉണ്ടാവണം. - ദത്തെടുക്കാനുള്ള തീരുമാനം അന്തിമമാക്കുന്നതിനു മുമ്പ് സമഗ്രമായ ഒരു ഗവേഷണം നടത്തുക. - ദത്തെടുത്ത കുട്ടിയുടെ രക്ഷകർതൃത്വം തുടക്കത്തിൽ ബുദ്ധിമുട്ടായിരിക്കും. - ഏതു കുടുംബക്കാർക്കും ദത്തെടുക്കാൻ സാധിക്കും. - വളരെ ക്ഷമ വേണ്ടതാണ് ഒരു കുഞ്ഞിനെ ദത്തെടുക്കണമെങ്കിൽ. ## ദത്തെടുക്കൽ പ്രക്രിയ ആരംഭിക്കുന്നതിന് മുമ്പ് പരിഗണിക്കേണ്ട പ്രധാന ഘടകങ്ങൾ. - #### പേപ്പർ വർക്ക്‌ വിവാഹ ലൈസൻസുകൾ, നികുതി റിട്ടേണുകൾ, മറ്റ് സാമ്പത്തിക രേഖകൾ എന്നിവ ഏജൻസി ആവശ്യപ്പെടും. നിങ്ങളുടെ ജോലി ചരിത്രം പരിശോധിക്കുകയോ വിരലടയാളം ആവശ്യപ്പെടുകയോ ചെയ്താൽ അതിശയിക്കേണ്ടതില്ല.പശ്ചാത്തല പരിശോധനകളും ശാരീരിക പരീക്ഷകളും പ്രക്രിയയുടെ ഭാഗം മാത്രമാണ്. എത്ര സമയമെടുത്താലും പേപ്പർ വർക്ക്‌ കൃത്യമായി, ഭംഗിയായി പൂർത്തിയാക്കണം.ഇതു ഒരു കുഞ്ഞിനെ നിങ്ങളിലേക്കും നിങ്ങളുടെ കുടുംബത്തിലേക്കും ചേർത്തു പിടിക്കാൻ സഹായിക്കും. വളരെ സുഗമായി കുഞ്ഞിനെ സ്വാഗതം ചെയ്യാൻ സാധിക്കും. - #### ഹോം സ്റ്റഡി ഒരു ഹോം സ്റ്റഡിയിൽ, ദത്തെടുക്കൽ ഏജൻസിയിൽ നിന്നുള്ള ഒരു കേസ് വർക്കർ നിങ്ങളുടെ വീട് സന്ദർശിക്കും.അവർ നിങ്ങളുടെ വീട്, കുടുംബം, ജീവിതശൈലി എന്നിവയെക്കുറിച്ച് അന്വേഷിക്കും. കുഞ്ഞു നിങ്ങളുടെ വീട്ടിൽ എത്ര സുരക്ഷിതം ആയിരിക്കും എന്നു മനസ്സിലാക്കും.വീട് ഹോം സ്റ്റഡിക്ക് കുറച്ച് മാസങ്ങൾ എടുത്തേക്കാമെന്ന് ഓർമ്മിക്കുക, കാരണം കേസ് വർക്കർ സന്ദർശനങ്ങളും അഭിമുഖങ്ങളുടെയും ഒരു പരമ്പര നടത്തും. ഈ പ്രക്രിയയ്ക്ക് നുഴഞ്ഞുകയറ്റം തോന്നുന്നത് തികച്ചും സാധാരണമാണ്, പ്രത്യേകിച്ചും നിങ്ങളും പങ്കാളിയും ഒരുമിച്ച് അഭിമുഖം ചെയ്യപ്പെടാൻ സാധ്യതയുള്ളതിനാൽ, നിങ്ങളുടെ കുട്ടിക്കാലം, നിങ്ങളുടെ വ്യക്തിബന്ധങ്ങൾ, സമ്മർദ്ദം എങ്ങനെ കൈകാര്യം ചെയ്യുന്നു എന്നതിനെക്കുറിച്ചുള്ള ചോദ്യങ്ങൾ എല്ലാം ആശങ്കയുണ്ടാക്കും, ഇതു കുട്ടിയുടെ സുരക്ഷിതം നിർണ്ണയിക്കാൻ സഹായിക്കുമെന്ന് ഓർമ്മിക്കുക. - #### കുടുംബ പുസ്തകം ക്രിയാത്മകമാകാനുള്ള നിങ്ങളുടെ അവസരം ഇതാ! ദത്തെടുക്കൽ പ്രൊഫൈൽ ബുക്ക് എന്നറിയപ്പെടുന്ന ഫാമിലി ബുക്ക്, നിങ്ങളെ അറിയാനും നിങ്ങൾ ദത്തെടുക്കാൻ ശ്രമിക്കുന്നത് എന്തുകൊണ്ടാണെന്ന് അറിയാനും കഴിയും. നിങ്ങളുടെ വ്യക്തിത്വം, ഹോബികൾ, ജീവിതശൈലി എന്നിവ പ്രകടിപ്പിക്കാനുള്ള അവസരമാണ് ഈ പുസ്തകം, അതിനാൽ നിങ്ങളുടെ കഥകൾ പങ്കിടുക! സമാനമായ മൂല്യങ്ങളും അനുഭവങ്ങളുമുള്ള ദത്തെടുക്കുന്ന മാതാപിതാക്കളുമായി ജനന മാതാപിതാക്കൾ ബന്ധപ്പെടുന്നത് സാധാരണമാണ്, അങ്ങനെ യഥാർത്ഥ മാതാപിതാവിന് തന്റെ കുഞ്ഞു ഏതു രീതിയിൽ ജീവിക്കും എന്നറിഞ്ഞു സമാധാനിക്കാൻ സാധിക്കും. അതിനാൽ അവിസ്മരണീയമായ ക്യാമ്പിംഗ് യാത്രകളെക്കുറിച്ചോ നിങ്ങളുടെ കുടുംബം എങ്ങനെ അവധിദിനങ്ങൾ ആഘോഷിക്കുന്നു എന്നതിനെക്കുറിച്ചോ സംസാരിക്കുക, കൂടുതൽ വിശദമായി, നല്ലത്; നിങ്ങളുടെ കഥകളും ഫോട്ടോഗ്രാഫുകളും അവരുടെ കുട്ടി നിങ്ങളോടൊപ്പമുള്ള ജീവിതം വിഭാവനം ചെയ്യാൻ മാതാപിതാക്കളെ സഹായിക്കുന്നു. നിങ്ങളെ എപ്പോൾ എങ്ങനെ കുഞ്ഞുമായി പൊരുത്തപ്പെടും. ദത്തെടുക്കാനുള്ള കുഞ്ഞിന് വേണ്ടിയുള്ള കാത്തിരിപ്പ് വൈകാരിക പുരിമുറുക്കം ഉണ്ടാക്കും. പോസിറ്റീവായി തുടരാൻ ശ്രമിക്കുക, ഒപ്പം ആത്യന്തിക ലക്ഷ്യത്തെക്കുറിച്ച് സ്വയം ഓർമ്മപ്പെടുത്തുകയും ചെയ്യുക: നിങ്ങൾക്ക് പിന്തുണ ആവശ്യമുണ്ടെങ്കിൽ, ഒരു പ്രാദേശിക സ്ഥാപനം, അഥവാ രജിസ്റ്റർഡ് ദത്തെടുക്കൽ ഏജൻസി കണ്ടുപിടിക്കാം.ദത്തെടുക്കുന്ന കുടുംബങ്ങൾക്കും ജനിപ്പിച്ച മാതാപിതാക്കൾക്കും മാനസികമായും വൈകാരികമായും സപ്പോർട്ട് കിട്ടും. ദത്തെടുക്കൽ പ്രക്രിയയിലൂടെ ജനിപ്പിച്ച കുടുംബങ്ങളെയും ഭാവി മാതാപിതാക്കളെയും വേണ്ട എല്ലാ സഹായവും നൽകും. - #### ജനിപ്പിച്ച മാതാപിതാക്കൾ ദത്തെടുക്കുന്ന മാതാപിതാവിന് ജനിപ്പിച്ച മാതാപിതാക്കളെ ഓർക്കുന്നത് വേദന യാണ്. ജനിപ്പിച്ച അമ്മ നിയമപരമായി അവളുടെ സമ്മതത്തിൽ ഒപ്പിടുന്നതുവരെ ദത്തെടുക്കൽ അന്തിമമാക്കാൻ കഴിയില്ലെന്ന് ഓർമ്മിക്കുക.അവർ അച്ഛന്റെ വിവരം അറിയിക്കുകയാണ് എങ്കിൽ, പിതാവിനെ അറിയിക്കേണ്ടതുണ്ടെന്ന് അറിഞ്ഞിരിക്കുക. എന്നാൽ ആ വിവരം ജനിപ്പിച്ച അമ്മ നൽകിയില്ല എങ്കിൽ ഈ പ്രക്രിയയ്ക്ക് സമയം കണ്ടെത്താൻ കഴിയും.എന്നാൽ ജൻമം നൽകിയ പിതാവ് പിന്നീടുള്ള തീയതിയിൽ പ്രത്യക്ഷപെട്ടാൽ ദത്തെടുക്കൽ പ്രക്രിയ മാറ്റിവയ്ക്കാൻ സാധ്യതയുണ്ട്. ഇതുകൊണ്ടാണ് ഈ പ്രക്രിയ അറിയുന്ന ഒരു ഏജൻസിയുമായും അറ്റോർണിയുമായും പ്രവർത്തിക്കേണ്ടത് ആവശ്യമാണ്. നിങ്ങൾ പ്രക്രിയ ആരംഭിക്കുമ്പോൾ പരിഗണിക്കേണ്ട 5 കാര്യങ്ങളുണ്ട്: പങ്കാളികളുടെ ആഗ്രഹങ്ങൾ, സന്നദ്ധത ഒക്കെ ഏകദേശം യോജിപ്പുണ്ടാവണം.കുട്ടിയുടെ പ്രായം, ലിംഗം, നിറം എന്നിവയിൽ പങ്കാളികളിൽ അഭിപ്രായ വ്യത്യാസം ഉണ്ടെങ്കിൽ, രണ്ടു കൂട്ടരും തമ്മിൽ സംസാരിച്ചു ബോധ്യപെട്ടു വേണം ദത്തെടുക്കാൻ,അല്ലെങ്കിൽ നിങ്ങൾ എടുക്കുന്ന കുട്ടിയെ നല്ലൊരു അച്ഛനമ്മയായി സ്വീകരിക്കാൻ സാധിക്കില്ല. - #### **കുട്ടിയുടെ പ്രായം** നിങ്ങൾ ആഗ്രഹിക്കുന്നത് ഒരു നവജാത ശിശുവിനെയോ മുതിർന്ന കുട്ടിയെയോ ആണെങ്കിൽ തീരുമാനിക്കുക (12 മാസത്തിന് മുകളിൽ പ്രായമുള്ളത്) ശിശുക്കൾ നിങ്ങളെ ഒരു ഗാർഹിക ദത്തെടുക്കലിലേക്ക് നയിക്കും പ്രായമായ കുട്ടികളെ സാധാരണയായി യുഎസ് ഫോസ്റ്റർ വഴിയാണ് ദത്തെടുക്കുന്നത്. പരിചരണം അല്ലെങ്കിൽ ഒരു അന്തർദേശീയ ദത്തെടുക്കൽ വഴി കുട്ടിയെക്കുറിച്ചുള്ള പശ്ചാത്തല വിവരങ്ങൾ ഒരു ഗാർഹിക ദത്തെടുക്കലിലൂടെയും വ്യത്യസ്ത അളവുകളിലൂടെയും (പലപ്പോഴും ഒരു കുട്ടി ഇൻസ്റ്റിറ്റ്യൂഷണൽ കെയറിൽ പ്രവേശിക്കുമ്പോൾ ആരംഭിക്കുന്നു) അന്താരാഷ്ട്ര ദത്തെടുക്കലിലൂടെയും നിങ്ങൾക്ക് മെഡിക്കൽ, കുടുംബപരമായ വിവരങ്ങൾ ലഭിക്കുന്നു. - #### **യാത്രയുടെ ആവശ്യതകൾ** യാത്രകളിൽ എത്ര താല്പര്യം ഉള്ള ദമ്പതികൾ ആണ് എന്നു ആശ്രയിച്ചിരിക്കും ദത്തെടുക്കുന്നത് ആഭ്യന്തരമായിട്ടാണോ, വിദേശത്ത് നിന്നാണോ എന്നു തീരുമാനിക്കുക.ദത്തെടുക്കാൻ സഹായിക്കുന്നവരിലുള്ള വിശ്വാസം ദത്തെടുക്കാൻ സഹായിക്കുന്ന ഏജൻസികളെ, ആറ്റോർണേ, വിശ്വസിച്ചാൽ ഈ പ്രക്രിയ സുഗമമാവും. മുകളിലത്തെ പ്രക്രിയകൾ പഠിച്ചു വേണ്ട ഗവേഷണം നടത്തി, പിന്നേ തീരുമാനത്തിൽ എത്തുകയാണ് വേണ്ടത്. - #### **ദത്തെടുക്കൽ** ദത്തെടുക്കൽ ഏജൻസിയിൽ നിന്ന് ഒരു കുഞ്ഞിനെ ലഭിക്കുന്നതിനും ആ കുട്ടിയുടെ എല്ലാ ഉത്തരവാദിത്തങ്ങളും ഏറ്റെടുത്ത് കുട്ടിയെ നിങ്ങളുടേതായി വളർത്തുന്നതിനുമുള്ള ഒരു നിയമപരമായ മാർഗമാണ്.എന്നാൽ, ഒരു കുട്ടിയെ ദത്തെടുക്കുന്നതിന് മുമ്പ്, ലഭ്യമായ വിവിധ തരത്തിലുള്ള ദത്തെടുക്കലുകളെ കുറിച്ച് നിങ്ങൾക്ക് പരിചയമുണ്ടായിരിക്കണം. ദത്തെടുക്കുന്ന മാതാപിതാക്കളിലും ജനിച്ച അമ്മയിലും അതിന്റെ സ്വാധീനത്തെ ആശ്രയിച്ച് ദത്തെടുക്കൽ ഇന്ത്യയിൽ ലഭ്യമാണ്, ദത്തെടുക്കൽ ബന്ധപ്പെട്ട രണ്ട് കക്ഷികളുടെയും സ്ഥാനത്തെ ആശ്രയിച്ചിരിക്കും. `_BANNER_` ## വിവിധ തരം ദത്തെടുക്കൽ ### 1. **തുറന്ന ദത്തെടുക്കൽ** പേര് സൂചിപ്പിക്കുന്നത് പോലെ ഇത്തരത്തിലുള്ള ദത്തെടുക്കൽ തുറന്നതാണ്, അതായത് ദത്തെടുക്കുന്ന മാതാപിതാക്കളും ജനിപ്പിച്ച മാതാപിതാക്കളും പരസ്പരം സമ്പർക്കം പുലർത്തുന്നു എന്നാണ് ### 2. **സെമി-ഓപ്പൺ അഡോപ്ഷൻ** ഇത് ജനിപ്പിച്ച മാതാപിതാക്കളും ദത്തെടുക്കുന്ന മാതാപിതാക്കളും തമ്മിൽ നേരിട്ട് ബന്ധപ്പെടാത്ത ഒരു തരത്തിലുള്ള ദത്തെടുക്കലാണ്. ### 3. **അടഞ്ഞ ദത്തെടുക്കൽ** പേര് സൂചിപ്പിക്കുന്നത് പോലെ, ഇത്തരത്തിലുള്ള ദത്തെടുക്കലിൽ ദത്തെടുക്കുന്ന മാതാപിതാക്കളും ജനിപ്പിച്ച മാതാപിതാക്കളും തമ്മിൽ യാതൊരു ബന്ധവുമില്ല. മറ്റുചിലപ്പോൾ, പ്രസവിച്ച മാതാപിതാക്കളുടെ മെഡിക്കൽ വിവരങ്ങൾ ദത്തെടുക്കുന്ന മാതാപിതാക്കളുമായി പങ്കുവെച്ചേക്കാം, എന്നിരുന്നാലും, ചിലപ്പോൾ നിയന്ത്രണത്തിന്റെ കർശനമായ നിർവ്വഹണം ഉണ്ടായേക്കാം, ഒരു വിവരവും, ദത്തെടുക്കപ്പെട്ട മാതാപിതാക്കളുമായി പങ്കിടില്ല, ഒരു കുട്ടിയെ രക്ഷിക്കുമ്പോൾ ഇത് സംഭവിക്കാം അല്ലെങ്കിൽ ഒരു ദുരുപയോഗ അന്തരീക്ഷത്തിൽ നിന്ന് നീക്കം ചെയ്തതാവാം. ### 4. **അന്താരാഷ്ട്ര ദത്തെടുക്കൽ** അന്താരാഷ്ട്ര ദത്തെടുക്കൽ എന്നത് രാജ്യത്തിന് പുറത്ത് നിന്ന് ഒരു കുട്ടിയെ ദത്തെടുക്കുകയോ അല്ലെങ്കിൽ മറ്റൊരു രീതിയിൽ പറഞ്ഞാൽ ആ രാജ്യത്തെ സ്വദേശികളല്ലാത്ത ദമ്പതികൾക്ക് (ദത്തെടുത്ത മാതാപിതാക്കൾ) ഒരു കുട്ടിയെ നൽകുകയോ ചെയ്യുന്നത് ഉൾപ്പെടുന്നു. ### 5. **ബന്ധു ദത്തെടുക്കൽ** ബന്ധു ദത്തെടുക്കൽ ഇത് കുടുംബ ത്തിനുള്ളിൽനിന്നും സംഭവിക്കുന്ന ഒരു തരം ദത്തെടുക്കലാണ്.ഒരു കുട്ടിയുടെ ജീവശാസ്ത്രപരമായ മാതാപിതാക്കൾ മരിക്കുകയോ മറ്റാരെയെങ്കിലും വിവാഹം കഴിക്കുകയോ അല്ലെങ്കിൽ അവരുടെ കുട്ടിയെ പരിപാലിക്കാൻ കഴിവില്ലാത്തവരോ ആണെങ്കിൽ, ഒരു അംഗം കുടുംബത്തിനോ രണ്ടാനച്ഛന്മാർക്കോ കുട്ടിയെ നിയമപരമായി ദത്തെടുക്കാം.. ഒരു കുട്ടിയെ ദത്തെടുക്കുന്നതിന്, ദത്തെടുക്കുന്ന മാതാപിതാക്കൾ ശാരീരികമായും മാനസികമായും സാമ്പത്തികമായും സ്ഥിരതയുള്ളവരായിരിക്കണം.മാതാപിതാക്കളുടെ സഞ്ചിത പ്രായം 110 വയസ്സിന് താഴെയായിരിക്കണം.ഒരു കുട്ടിയെ ദത്തെടുക്കാൻ ഒരു രക്ഷകർത്താവ് മാത്രം ആണേൽ, 55 വയസ്സിന് താഴെയായിരിക്കണം പ്രായം. മാതാപിതാക്കൾ 25 വയസ്സിനു മുകളിലായിരിക്കണം. ## ഒരു കുട്ടിയെ ദത്തെടുക്കാൻ എന്ത് വരുമാനം ഉണ്ടായിരിക്കണം ? സാമൂഹിക നീതി വകുപ്പ് പ്രകാരം ദത്തെടുക്കുന്ന രക്ഷിതാക്കൾക്ക് വാർഷിക വരുമാനം മൂന്നു ലക്ഷത്തിൽ കുറയാത്ത തുക ഉണ്ടാവണം. **ഉപസംഹാരം** ഉപേക്ഷിക്കപ്പെട്ട അല്ലെങ്കിൽ അനാഥരായ കുട്ടികൾക്ക് സന്തോഷം നൽകുന്ന ഒരു മഹത്തായ കാര്യമാണ് ദത്തെടുക്കൽ. തിരിച്ചും എത്ര ശ്രമിച്ചിട്ടും സ്വന്തമായി ഒരു കുഞ്ഞു ഉണ്ടാവാത്ത ദമ്പതികൾക്കും ലക്ഷ്യത്തോടെ ജീവിക്കാൻ സാധിക്കും, ഒരു അനാഥ ആയ കുഞ്ഞിന് ജീവിതവും, സ്നേഹവും സുരക്ഷയും കിടുക്കുന്നതിലൂടെ.ഇത് നാഗരികതയുടെ മാനുഷിക വശങ്ങളിലൂടെ തിളങ്ങാൻ അവസരമൊരുക്കുന്നു. അതേ സമയം, കുട്ടികളെ കൊതിക്കുന്ന മാതാപിതാക്കളുടെ ശൂന്യത ഇത് നികത്തുന്നു.അവരുടെ ചിരിയും കുസൃതികളും വീടിന്റെ ചുവരുകളിൽ പ്രതിധ്വനിക്കുന്നു, ദത്തെടുക്കൽ സംബന്ധിച്ച എല്ലാ നിയമങ്ങളും അൽപ്പം ഏകീകൃതമാക്കാൻ കുറച്ച് മാറ്റങ്ങൾ വരുത്താമെങ്കിലും നിലവിലുള്ള നിയമത്തിന് കഴിയില്ല. ഫലം പുറപ്പെടുവിച്ചതിനാൽ ഉപയോഗശൂന്യമായി കണക്കാക്കാം, എന്നാൽ വികസിച്ചുകൊണ്ടിരിക്കുന്ന കാലഘട്ടത്തിലും പൊരുത്തക്കേടിലേക്ക് നയിക്കുന്ന സംഭവങ്ങൾ വർദ്ധിക്കുന്ന സാഹചര്യത്തിലും പ്രതിസന്ധികൾ നേരിടാനും എല്ലാവർക്കും തുല്യ പദവിയും തുല്യ അവകാശവും കൊണ്ടുവരാൻ ഒരു ഏകീകൃത നിയമം നൽകേണ്ട സമയമാണിത്. സിവിൽ കോഡ്, എല്ലാ മതങ്ങളുടെയും വ്യക്തിനിയമങ്ങൾ നിശ്ചലമായതിനാൽ, സമൂഹത്തിന്റെ അതേ നിരക്കിൽ മാറ്റം വരുത്താൻ കഴിയില്ല, രാജ്യത്തിന്റെ കുട്ടികൾ ഗണ്യമായി പരമോന്നത സ്വത്താണ് അവരുടെ ഭാവിയും, സുരക്ഷിതത്വം വളരെ പ്രാധാന്യം അറിയിക്കുന്നതാണ്.കുട്ടികളെ ഉറച്ച പൗരന്മാരായി വളരാൻ പ്രാപ്തരാക്കുന്ന ഗാർഹിക മാനവ വിഭവശേഷി വികസന പദ്ധതികളിൽ കുട്ടികളുടെ പരിപാടികൾ ഒരു പ്രധാന പങ്ക് വഹിക്കണം; സമൂഹത്തിന് ആവശ്യമായ കഴിവുകളും പ്രചോദനവും ഉള്ള ശാരീരിക ക്ഷമത, മാനസികമായി ഉണർവ്, ധാർമ്മിക ആരോഗ്യം എന്നിവ എല്ലാ കുട്ടികൾക്കും വളർച്ചയ്ക്ക് തുല്യ അവസരങ്ങൾ നൽകുക എന്നതാണ് ലക്ഷ്യം. കാരണം ഇത് അസമത്വം കുറയ്ക്കുന്നതിനും സാമൂഹിക നീതി വർദ്ധിപ്പിക്കുന്നതിനുമുള്ള വലിയ ലക്ഷ്യങ്ങൾക്ക് സഹായിക്കും.
Top arts colleges in Kerala
വിദ്യാഭ്യാസത്തോടൊപ്പം തന്നെ കലയും വിപ്ലവവും പ്രണയവും ഇഴചേർന്ന ഒരുപാട് കഥകൾ പറയാനുണ്ടാകും കേരളത്തിലെ ഓരോ ക്യാമ്പസുകൾക്കും. നാളെയുടെ നല്ലൊരു ജനതയെ വാർത്തെടുക്കുവാൻ കലാലയങ്ങൾ വഹിക്കുന്ന പങ്ക് ചെറുതൊന്നുമല്ല. ജീവിതത്തിന്റെ നേർക്കാഴ്ചകൾ തിരിച്ചറിയുവാൻ, സ്വന്തം കഴിവുകളെ ഉണർത്തിയെടുക്കുവാൻ, എന്തിനധികം പറയുന്നു, ഒരു വ്യക്തിയെ അവന്റെ പൂർണതയിലേക്ക് നയിക്കുന്നത് ഏറെക്കുറെ അവന്റെ കലാലയജീവിതം തന്നെയാണ്. ഒരുപാട് ഏറെ കഥകൾക്ക് സാക്ഷ്യംവഹിച്ച ക്യാമ്പസ് ഇടനാഴികൾ ഓരോ വർഷവും പുതിയ കഥകളെ വരവേറ്റു കൊണ്ടിരിക്കുന്നു.കലയിലും വിദ്യാഭ്യാസത്തിലും മുന്നിട്ടുനിൽക്കുന്ന ആർട്സ് കോളേജുകളുടെ കാര്യത്തിൽ കേരളം ഒട്ടും പിന്നിലല്ല. ഇന്ന് സമൂഹത്തിന്റെ വിവിധ മേഖലകളിലായി പ്രവർത്തിക്കുന്ന ഒട്ടനവധി പ്രമുഖരെയും വാർത്തെടുത്തത് അവരുടെ ക്യാമ്പസ് ജീവിതം തന്നെയാണ്. കാലത്തിന്റെ കുത്തൊഴുക്കിൽ ഓർമ്മകൾ മാത്രമായി അവശേഷിക്കുന്ന കലാലയ ജീവിതങ്ങൾ പലർക്കും മുന്നോട്ടുള്ള ജീവിതത്തിന്റെ പ്രതീക്ഷയും കൈത്താങ്ങും ഒക്കെയാണ്.നാൾക്കുനാൾ വളർന്നു കൊണ്ടിരിക്കുന്ന കേരള ക്യാമ്പസുകൾ ഇന്ന് എല്ലാവർക്കും മാതൃകയായി കൊണ്ടിരിക്കുകയാണ്. അങ്ങനെ നമ്മുടെ കേരളത്തിലെ തന്നെ റാങ്കിങ്ങ് പട്ടികയിൽ ഉയർന്ന സ്ഥാനത്തുള്ള കുറച്ച് ആർട്സ് കോളേജുകളെ പരിചയപ്പെടാം. ## CMS College, കോട്ടയം  അക്ഷര നഗരിയുടെ സ്വന്തം ക്യാമ്പസ്. അറിയുംതോറും കൂടുതൽ അടുപ്പം തോന്നുന്ന കലാലയം. പത്തൊമ്പതാം നൂറ്റാണ്ടിന്റെ തുടക്കത്തിൽ തിരുവിതാംകൂർ ദിവാനായ ജോൺ മൺറോ ആണ് കോളേജ് എന്ന ആശയം ആദ്യം കൊണ്ടുവരുന്നത്. പിന്നീട് ഇംഗ്ലണ്ടിലെ ചർച്ച് മിഷനറി സൊസൈറ്റിയാണ് സിഎംഎസ് കോളേജിന് രൂപം നൽകിയത്.1857ൽ മദ്രാസ് യൂണിവേഴ്സിറ്റിയുടെ അംഗീകാരം ലഭിച്ച ക്യാമ്പസ്, 1959ലാണ് ബിരുദാനന്തര ബിരുദ പഠനത്തിന് തുടക്കം കുറിച്ചത്.. ഇന്ന് കോളേജ് ക്യാമ്പസ് കോട്ടയം മഹാത്മാ ഗാന്ധി സർവകലാശാലയുടെ കീഴിലാണ്. 1815 മാർച്ച് മാസത്തിൽ 25 കുട്ടികളുമായി തുടങ്ങിയ ക്യാമ്പസിൽ ഇന്ന് ആയിരക്കണക്കിന് വിദ്യാർത്ഥികളാണ് പഠിക്കുന്നത്. ഇന്ത്യയുടെ ആദ്യത്തെ പാശ്ചാത്യ കാമ്പസ് എന്ന അംഗീകാരവും സി എം എസിന് സ്വന്തം. ഇംഗ്ലീഷ് ഭാഷയെ ജനങ്ങളിലേക്ക് എത്തിക്കുക എന്ന ആശയമായിരുന്നു ഇങ്ങനെയൊരു കലാലയത്തിലേക്ക് നയിച്ചത്.പിന്നീട് ഇംഗ്ലീഷ്, മലയാളം, സംസ്കൃതം മുതലായ ഭാഷകൾക്ക് ഒപ്പം തന്നെ ഗ്രീക്ക്, ലാറ്റിൻ എന്നീ ഭാഷകളും പഠനത്തിൽ ഇടംനേടി. ഇന്ന് 14 ഡിപ്പാർട്ട്മെന്റിലായി 47കോഴ്സുകൾ ആണ് ഇവിടെയുള്ളത്. കൂടാതെ കോളേജിന് അകത്ത് തന്നെ ആറു റിസെർച്ച്‌ സെന്ററുകളും ഉണ്ട്. കേരളത്തിൽ തരംഗമായി മാറിയ 2006ൽ പുറത്തിറങ്ങിയ ക്ലാസ്സ്‌മേറ്റ്സ് പോലുള്ള നിരവധി പ്രമുഖ ചിത്രങ്ങളുടെയും ഷൂട്ടിംഗ് ലോക്കേഷൻ നമ്മുടെ സ്വന്തം സി എം എസ് കോളേജ് ആണ്. ## Sacred Heart College, Thevara Kochi  അറിവുകൾ പകർന്നു നൽകുന്നതോടൊപ്പം തന്നെ വിദ്യാർത്ഥികളെ അവരുടെ കഴിവുകൾക്ക് അനുസരിച്ച് വളർത്തിയെടുക്കുന്നതിൽ മുൻപന്തിയിൽ നിൽക്കുന്നത് കൊണ്ട് തന്നെയാണ് സെക്രെഡ് ഹാർട്ട്‌ കോളേജ് രാജ്യത്തെ തന്നെ മികച്ച ക്യാമ്പസുകളിൽ ഒന്നായി മാറിയത്.1944ൽ കൊച്ചിയിൽ തുടക്കം കുറിച്ച സെക്രെഡ് ഹാർട്ട്‌ കോളേജ് ഇന്ന് കേരളത്തിലെ അറിയപ്പെടുന്ന ഒരു സ്വയം ഭരണാധികാരമുള്ള ക്യാമ്പസ് കൂടിയാണ്. 1958ൽ കേരള സർവകലാശാലയുടെ അംഗീകാരം ലഭിച്ച കോളേജ് പിന്നീട് 1983 കാലഘട്ടത്തിൽ കോട്ടയം മഹാത്മാ ഗാന്ധി യൂണിവേഴ്സിറ്റിക്ക് കീഴിലേക്ക് മാറുകയായിരുന്നു.2014ലെ കണക്കെടുപ്പ് പ്രകാരം കേരളത്തിലെ ഏറ്റവും പ്രശസ്തമായ 5 സ്വയംഭരണാധികാരമുള്ള കോളേജുകളിൽ സ്ഥാനം പിടിക്കുകയും ചെയ്തു.19 ബിരുദ കോഴ്സുകളും 18 ബിരുദാനന്തര ബിരുദ കോഴ്സുകളും 7 PhD കോഴ്സ്കളിലുമായി മൂവായിരത്തോളം വിദ്യാർത്ഥികളാണ് ഇന്ന് കോളേജിൽ ഉള്ളത്. ## University College, Thiruvananthapuram  കേരളത്തിന്റെ തലസ്ഥാന നഗരിയായ തിരുവന്തപുരം ജില്ലയിലെ പാളയം ആണ് യൂണിവേഴ്സിറ്റി കോളേജ് സ്ഥിതി ചെയ്യുന്നത്. വിദ്യാഭ്യാസത്തിന് വേണ്ടത്ര പ്രാധാന്യം നൽകാതിരുന്ന കാലഘട്ടത്തിൽ അന്ന് തിരുവിതാംകുർ ഭരിച്ചിരുന്ന സ്വാതി തിരുന്നാൾ രാമവർമയാണ് ഒരു കലാലയം എന്ന ആശയത്തെ മുന്നോട്ട് വച്ചത്.. അങ്ങനെ 1834ൽ ഒരു സ്കൂൾ ആരംഭിച്ചു കൊണ്ട് തുടക്കം കുറിച്ചു, പിൽകാലത്ത് 1866ൽ ആയില്യം തിരുന്നാൾ രാമവർമ മഹാരാജന്റെ കാഘട്ടത്തിൽ ഉന്നത വിദ്യാഭ്യാസത്തിനുള്ള അവസരം കൂടി ഒരുക്കി ഇന്ന് കാണുന്ന യൂണിവേഴ്സിറ്റി കോളേജ് ആയി മാറ്റിയെടുത്തു. ആധുനിക സൗകര്യങ്ങളാലും ഉന്നത നിലവാരമുള്ള അധ്യാപകരാലും യൂണിവേഴ്സിറ്റി കോളേജ് ആദ്യം മുതൽക്കേ എല്ലാവരുടെയും മനസ്സിൽ സ്ഥാനം പിടിച്ചിരുന്നു.. ഏതൊരു തിരുവനന്തപുരത്തുകാരന്റെയും സ്വപ്നങ്ങളിൽ ഒന്നായി ക്യാമ്പസ് വളർന്നു കൊണ്ടിരിക്കുന്നു. ഉയർന്ന മാർക്കുകളുടെ അടിസ്ഥാനത്തിൽ പ്രവേശനം ലഭിക്കുന്ന കോളേജ് ദേശീയതലത്തിലെ NIRF റാങ്കിങ്ങിൽ ഇരുപത്തി മൂന്നാം സ്ഥാനത്തുണ്ട്. പതിനെട്ടു ബിരുദ കോഴ്സുകളും ഇരുപതിയൊന്ന് ബിരുദാനന്തര ബിരുദ കോഴ്സുകളും പതിമൂന്ന് M Phil. കോഴ്സുകളും പതിനേഴു PhD കോഴ്സുകളുമായി 65 കോഴ്സുകളാണ് ഇപ്പോൾ യൂണിവേഴ്സിറ്റി കോളേജിൽ ലഭ്യമാകുന്നത്. മാത്രമല്ല 278 സ്റ്റാഫുകളും മൂവായിരത്തിലേറെ വിദ്യാർത്ഥികളുമായി കേരളത്തിലെ തന്നെ മികച്ച കോളേജുകളിൽ മുൻപന്തിയിലാണ് യൂണിവേഴ്സിറ്റി കോളേജ്.. ## Maharajas College, Ernakulam  പ്ലസ്ടു കാലഘട്ടം കഴിഞ്ഞു ക്യാമ്പസ് ജീവിതത്തിലേക്ക് കടക്കുന്ന ഏതൊരു വിദ്യാർത്ഥിയുടെയും സ്വപ്നമാണ് എറണാകുളം മഹാരാജാസ് കോളേജ്. സിനിമയിലും രാഷ്ട്രീയത്തിലും എന്നുവേണ്ട നമ്മൾ ആരാധിക്കുന്ന ഒരുപാട് മേഖലകളിലുള്ള പ്രമുഖ വ്യക്തികൾ പഠിച്ചിറങ്ങിയ മഹാരാജാസിന്റെ ഇടനാഴികളിൽ കൂടി ഒരിക്കൽ എങ്കിലും ഒന്ന് നടക്കാൻ കൊതിക്കാത്ത കൗമാരക്കാർ ഉണ്ടാകില്ല. എറണാകുളം ജില്ലയുടെ ഹൃദയ ഭാഗത്തായി സ്ഥിതി ചെയുന്ന മഹാരാജാസ് കോളേജ് നിലവിൽ വന്നത് 1875 കാലഘട്ടത്തിലാണ്. വേമ്പനാട് കായലിന്റെ തീരത്തായി 25 ഏക്കർ വിസ്തിർതിയിൽ ചുറ്റപ്പെട്ടു നിൽക്കുന്ന കോളേജ് പഴമയുടെയും പുതുമയുടെയും കാലഘട്ടത്തെ ഒരുപോലെ ഓർമപ്പെടുത്തുന്നു. 1845ൽ കൊച്ചിൻ ഭരണാധികാരി ശങ്കരൻ വാര്യർ ആരംഭിച്ച ഇംഗ്ലീഷ് സ്കൂളാണ് 1875ൽ കോളേജ് ആയിട്ട് രൂപം പ്രാപിച്ചത്. 1925 ലാണ് ഇന്ന് കാണുന്ന മഹാരാജാസ് കോളേജ് എന്ന പേരിലേക്ക് വളർന്നത്. 1947ൽ ബിരുദംത്തോടൊപ്പം ബിരുദാനന്തര ബിരുദ പഠനത്തിനുള്ള കോഴ്സുകൾക്കും തുടക്കം കുറിച്ചു. മഹാരാജാസ് കോളേജിന്റെ ഏറ്റവും വലിയ സവിശേഷതകളിൽ ഒന്നാണ് അവിടുത്തെ കോളേജ് ലൈബ്രറി. 135 വർഷത്തോളം പഴക്കമുള്ള ലൈബ്രറിയിൽ ഒരു ലക്ഷത്തോട് അടുപ്പിച്ചു പുസ്തകങ്ങൾ ലഭ്യമാണ്. കേരളത്തിന്റെ പൈതൃകവും സംസ്കാരവും വിളിച്ചോതുന്ന നിരവധി പുസ്തകങ്ങൾക്കൊപ്പം തന്നെ അപൂർവമായി മാത്രം ഉള്ള പുസ്‌കങ്ങളുടെ കളക്ഷൻസും ലൈബ്രറിയിൽ ലഭ്യമാണ്. കായിക മേഖലയ്ക്കും വളരെയേറെ പ്രാധാന്യം കൊടുക്കുന്ന കോളേജിൽ പതിനെട്ട് എക്കറോളം സ്ഥലമാണ് കായിക രംഗത്തിനു മാത്രമായി ഒരുക്കിയിട്ടുള്ളത്. മഹാത്മാ ഗാന്ധി സർവകലാശാലക്ക് കീഴിലുള്ള മഹാരാജാസ് കോളേജിൽ പത്തൊൻമ്പത് ബിരുദ കോഴ്സുകളും ഇരുപതിയൊന്ന് ബിരുദാനന്തര ബിരുദ കോഴ്സുകളും പതിനൊന്ന് ഡോക്ടറേറ്റ് കോഴ്സുകളുമാണ് ലഭ്യമാകുന്നത്. കൂടാതെ ചില ഡിപ്പാർട്മെന്റുകൾ PhD കോഴ്സ്കളും ലഭ്യമാക്കുന്നുണ്ട്. `_BANNER_` ## Mar Ivanios College, Thiruvananthapuram  കേരളത്തിലെ പ്രമുഖ സ്വയംഭരണാധികാരമുള്ള കോളേജുകളിൽ ഒന്നാണ് മാർ ഇവാനിയോസ് കോളേജ്. തിരുവനന്തപുരം നാലഞ്ചിറ ബേത്തനി ഹിൽസിലായി 100 ഏക്കർ വിസ്തിർതിയിലായാണ് കോളേജ് സ്ഥിതി ചെയ്യുന്നത്. 1949ൽ തിരുവനന്തപുരം ആർച്ച് ബിഷപ്പ് ആയ ഗീവർഗീസ് മാർ ഇവാനിയോസ് ആണ് കോളേജിന്റെ സ്ഥാപകൻ. ആദ്യ കാലഘട്ടങ്ങളിൽ തിരുവിതാംകുർ സർവകലാശാലക്ക് കീഴിലായിരുന്ന കോളേജ് ഇന്ന് കേരള സർവകലാശാലക്ക് കീഴിലാണ്. 2021ലെ ദേശീയ NIRFnte കണക്ക് പ്രകാരം നാൽപ്പത്തി നാലാം കരസ്ഥമാക്കിയിരിക്കുന്നത് മാർ ഇവാനിയോസ് കോളേജ് ആണ്. പതിനേഴ് ബിരുദ കോഴ്സുകളും എട്ട് ബിരുദാനന്തര ബിരുദ കോഴ്സുകളുമായി രണ്ടായിരത്തി അഞ്ഞൂറിൽ പരം വിദ്യാർത്ഥികളാണ് ഇവിടെ പഠിക്കുന്നത്. ഇന്ന് സംസ്ഥാനത്തിന്റെ പല മേഖലകളിലും പ്രവർത്തിക്കുന്ന പ്രശസ്തരായ അനേകം വ്യക്തികൾ പഠിച്ചിറങ്ങിയ കോളേജ് എന്നൊരു പ്രത്യേകതയും മാർ ഇവാനിയോസ് കോളേജിലേക്ക് ഏവരെയും ആകർഷിക്കുന്നു. ## St Joseph College, Devagiri Calicut  കോഴിക്കോട് ജില്ലയുടെ കിഴക്ക് എട്ട് കിലോമീറ്റർ മാറി ദേവഗിരി ഹിൽസിലാണ് സെന്റ് ജോസഫ് കോളേജ് അല്ലെങ്കിൽ ദേവഗിരി കോളേജ് സ്ഥിതി ചെയ്യുന്നത്. 1956ൽ മദ്രാസ് ഗവർണർ ആണ് സെന്റ് ജോസഫ് കോളേജ് ഉദ്ഘാടനം ചെയ്തത്. ആദ്യ അഞ്ചു വർഷ കാലയളവിൽ തന്നെ രണ്ട് ബിരുദാനന്തര ബിരുദ ഡിപ്പാർട്ട്മെന്റ്കളും കോളേജിൽ തുടക്കം കുറിച്ചു. ആദ്യം മദ്രാസ് യൂണിവേഴ്സിറ്റിയുടെ കീഴിലായിരുന്ന കോളേജ് പിന്നീട് കേരള സർവകലാശാലയ്ക്ക് കീഴിലാവുകയും ഇപ്പോൾ കാലിക്കറ്റ് സർവകലാശാലയുടെ പരിധിയിൽ വരുകയും ചെയ്തു. ആറ് ഏക്കർ വിസ്തൃതിയിലായി നഴ്സറി, ഹയർ സെക്കൻഡറി സ്കൂൾ, ഹോസ്റ്റൽസ് എന്നിവയാൽ ചുറ്റപ്പെട്ടു കിടക്കുന്ന കോളേജ് ക്യാമ്പസ് തികച്ചും കാഴ്ചയിൽ പ്രകൃതിരമണീയമാണ്. കേരളത്തിലെ തന്നെ ഏറ്റവും വലിയ കമ്പ്യൂട്ടറൈസ്ഡ് ലൈബ്രററികളിൽ ഒന്ന് സ്ഥിതി ചെയ്യുന്നത് ദേവഗിരി കോളേജിലാണ്. 50000ൽ പരം പുസ്തകങ്ങളാണ് ഇവിടെയുള്ളത്. ദേശീയ NIRF റാങ്കിങ്ങിൽ അറുപതാം സ്ഥാനം ദേവഗിരി കോളേജിന് ആണ്. സർവകലാശാല പരീക്ഷകളിൽ ഇരുന്നൂറിൽപരം ടോപ്പേഴ്സ് ദേവഗിരി കോളേജിൽ നിന്നാണ്. ## St Albert college, Kochi  കേരളത്തിന്റെ ഹൃദയനഗരമായ കൊച്ചിയിൽ സ്ഥിതി ചെയ്യുന്ന സെന്റ് ആൽബർട്ട് കോളേജ് 1946 ജൂലൈ 16നാണ് തുടക്കം കുറിച്ചത്. ഡോക്ടർ ജോസഫ് ആറ്ട്ടിപെട്ടിയാം കോളേജിന്റെ സ്ഥാപകൻ. പതിമൂന്ന് ഏക്കറിലായി പരന്നു കിടക്കുന്ന വിശാലമായ കോളേജ് ക്യാമ്പസ്സിൽ അത്യാധുനിക സൗകര്യങ്ങൾ എല്ലാംഒരുക്കിയിട്ടുണ്ട്. 2016 കാലഘട്ടത്തിലാണ് കോളേജിന് സ്വയം ഭരണാധികാരം കൈ വന്നത്. ഇരുപതിമൂന്ന് ബിരുദ കോഴ്സുകളും പന്ത്രണ്ട് ബിരുദാനന്തര ബിരുദ കോഴ്സുകളും കൂടാതെ ഏഴ് റിസർച്ച് സെന്ററുകളുമാണ് കോളേജിൽ നിലവിൽ ഉള്ളത്. മഹാത്മാ ഗാന്ധി സർവകലാശാലയുടെ കീഴിലുള്ള സെന്റ് ആൽബർട്ട് കോളേജിൽ അയ്യായിരത്തിൽ അധികം വിദ്യാർത്ഥികളാണ് വിവിധ കോഴ്സ്കളുമായി പഠനം നടത്തുന്നത്. ## St Thomas College, Thrissur  കേരളത്തിന്റെ സാംസ്കാരിക നഗരിയായ തൃശ്ശൂർ ജില്ലയിലാണ് സെന്റ് തോമസ് കോളേജ് സ്ഥിതിചെയ്യുന്നത്. 1889ൽ നിലവിൽ വന്ന കോളേജ് കേരളത്തിന്റെ പുരോഗതിയിൽ വലിയൊരു പങ്ക് തന്നെ വഹിച്ചിട്ടുണ്ട്. മദ്രാസ് സർവ്വകലാശാലയുടെ കീഴിൽ വന്നിരുന്ന രണ്ടാമത്തെ സ്വകാര്യ കോളേജ് ആയിരുന്നു സെന്റ് തോമസ് കോളേജ്. മാത്രമല്ല കേരളത്തിലെ ആദ്യ കത്തോലിക്ക കോളേജ് എന്ന സ്ഥാനവും സെന്റ് തോമസ് കോളേജിന് തന്നെയാണ്. ഇന്നത്തെ ബിഷപ്പ് ഹൗസ് സ്ഥിതി ചെയ്യുന്ന സ്ഥലത്തായിരുന്നു ആദ്യ കാലഘട്ടത്തിൽ കോളജിന് തറക്കല്ലിട്ടത്. 1919ൽ മദ്രാസ് യൂണിവേഴ്സിറ്റിയുടെ കീഴിൽ വരികയും പിന്നീട് കേരളത്തിലെ രണ്ടാമത്തെ സ്വകാര്യ കോളേജ് ആയി മാറുകയും ചെയ്തു. നിരവധി വിഷയങ്ങളിലായുള്ള ബിരുദ കോഴ്സ്കളും പത്ത് റിസർച്ച് സെന്ററുകളും പതിമൂന്ന് ബിരുദാനന്തര കോഴ്സ്കളുമാണ് നിലവിൽ ഉള്ളത്. കാലിക്കറ്റ് സർവകലാശാലക്ക് കീഴിലുള്ള കോളേജിൽ മൂവായിരത്തി അഞ്ഞൂർ വിദ്യാർത്ഥികളാണ് ഇപ്പോൾ പഠനം നടത്തുന്നത്.
Interview with Unnikrishnan (Youtuber)
Unnikrishnan Radio jockey turned Youtuber uses his social media presence to express his views and ideas on movies, food, travel, books and tech updates. Listen to the full audio interview here : [Unnikrishnan Interview with Katha](https://youtu.be/0LqBcgsVEeo) ## 1. നിങ്ങൾ ഇപ്പൊ യൂട്യൂബ് ചാനൽ തുടങ്ങിയിട്ട് നാല് വർഷത്തോളമായി.ഇങ്ങനെ ഒരു യൂട്യൂബ് ചാനൽ തുടങ്ങുന്നതിന് എന്തായിരുന്നു പ്രചോദനം ?ഇതിനുമുമ്പ് നിങ്ങൾ എന്താണ് ചെയ്തിരുന്നത്, ഇപ്പോൾ യൂട്യൂബ് കൂടാതെ നിങ്ങൾക്ക് മറ്റെന്തെങ്കിലും പ്രവർത്തനങ്ങൾ ഉണ്ടോ? യൂട്യൂബ് ചാനൽ എന്നൊരു ആശയം എനിക്ക് ആദ്യം വരുന്നത് 2011-12 സമയങ്ങളിലാണ് .ഞാൻ ജോലി ചെയ്തിരുന്നത് മലയാളത്തിലെ ഒരു റേഡിയോ സ്റ്റേഷനിലായിരുന്നു,അവരുടെ നിയമപ്രകാരം RJ മാരുടെ മുഖം കാണിക്കാൻ പാടില്ലായിരുന്നു ,ഞങ്ങൾ വേറെ ഒരുതരത്തിലുള്ള ജോലികൾ ചെയ്യാനും പാടില്ലായിരുന്നു . ആ കാലഘട്ടം എന്ന് പറയുന്നത് ടച്ച് സ്ക്രീൻ ഫോണുകൾ എല്ലാം വന്ന് തുടങ്ങുന്ന കാലമായിരുന്നു.അപ്പോൾ എനിക്ക് ഒരു ടെക് ചാനൽ തുടങ്ങണം എന്ന ആഗ്രഹം ഉണ്ടായി ,കാരണം ആ കാലത്ത് ഞാൻ ടെക് ചാനലുകളിൽ എല്ലാം കയറി നോക്കുമ്പോൾ ,ടച്ച് സ്ക്രീൻ ഫോണിന്റ അൺബോക്സിങ് ,റിവ്യൂ ,അതിൽ ഗെയിം കളിക്കുന്ന വീഡിയോസ് എല്ലാമായിരുന്നു. അതെല്ലാം എനിക്കും ചെയ്യണം എന്ന ആഗ്രഹം ഉണ്ടായി ,പയ്യെ പയ്യെ അതെല്ലാം എന്നോട് വിട്ട് പോയി . അത് കഴിഞ്ഞു 2017 അടുക്കുമ്പോളാണ് ഒരു വീഡിയോ ചെയ്യാം എന്നുള്ള ആശയത്തിൽ എത്തുന്നത് ,ആ കാലത്ത് ഞാൻ ആ റേഡിയോ യിൽ നിന്ന് മാറി മറ്റൊരു റേഡിയോ സ്റ്റേഷനിൽ ജോലിക്ക് കയറി ,അവരുടെ രീതിയിൽ RJ മാർക്ക് മുഖം കാണിക്കാമായിരുന്നു . അങ്ങനെ ഞാൻ ഫോണിൽ ഒരു വീഡിയോ എടുത്ത് നോക്കിയപ്പോൾ നല്ല രസമുണ്ടായിരുന്നു ,കുറച്ചു പേർ നല്ല അഭിപ്രായവും പറഞ്ഞു ,അതിനുശേഷം ഞാൻ ഫോണിൽ പകർത്തിയ വീഡിയോസ് എല്ലാം ചേർത്ത് വോയിസ് ഓവർ ഇട്ട് യൂട്യൂബിൽ അപ്‌ലോഡ്’ചെയ്തു , അതിനും കുറച്ചു വ്യൂസ് വന്നു.എൻ്റെ സുഹൃത്തുക്കളിൽ ചിലരൊക്കെ പറഞ്ഞു “നിങ്ങൾ ചെയ്തു നോക്ക് നല്ല രസം ഉണ്ട് “ എന്നൊക്കെ .അങ്ങനെ തുടങ്ങി ഞാൻ ഒരു പുതിയ ക്യാമറ വാങ്ങിച്ചു.ഇങ്ങനെ ഒരുപാട് ചെറിയ ചെറിയ പ്രോഹത്സാഹനങ്ങൾ എല്ലാം വളരെയധികം എന്നെ സ്വാധീനിച്ചു ,പിന്നീട് അങ്ങോട്ട് ഒരുപാട് പരീക്ഷണങ്ങൾ ചെയ്തു. ഒരു വീഡിയോ ഇട്ടിട്ട് പത്ത് വ്യൂ തികയാൻ കാത്തിരുന്ന ദിവസങ്ങൾ ഉണ്ടായിരുന്നു .ഏത് കാര്യം തുടങ്ങുമ്പോഴും അതിനൊരു സമയം ഉണ്ടല്ലോ.. അങ്ങനെ ഞാൻ ഒരുപാട് കാത്തിരുന്നു ഒടുവിൽ നമ്മളെ ആളുകൾ തിരിച്ചറിയാൻ തുടങ്ങി.  ## 2. പൂജ്യത്തിൽ നിന്നും ഇന്ന് കാണുന്ന രണ്ടര ലക്ഷം സബ്സ്ക്രൈബേഴ്സിലേക്ക് ഉള്ള യാത്രയിൽ എന്തെല്ലാം വെല്ലുവിളികൾ നേരിടേണ്ടി വന്നിട്ടുണ്ട് ? എൻ്റെ ചാനലിൽൽ 100 വ്യൂ ആയപ്പോൾ ഞങൾ ആഘോഷിച്ചു ,1000 വ്യൂ ആയപ്പോൾ ആഘോഷിച്ചു ,100 സബ്സ്ക്രൈബേർസ് ആയപ്പോൾ ആഘോഷിച്ചു ഇതെല്ലം കുഞ്ഞു കുഞ്ഞു സന്തോഷം തരുന്ന കാര്യങ്ങളായിരുന്നു. പിന്നീട് കുറേ പരീക്ഷങ്ങൾ നടത്തി നോക്കി ,ഈ ചാനൽ ഒരു ടെക് ചാനലാക്കി കൊണ്ടുപോകാം എന്നുള്ള രീതിയിൽ ,അഡോബി പ്രീമിയർ ലെ എനിക്കറിയാവുന്ന കുറച്ചു എഡിറ്റിംഗ് വിദ്യകൾ എല്ലാം ഉൾക്കൊള്ളിച്ചുകൊണ്ട് ഒരു സംഭവം പിടിക്കാൻ ‘നോക്കി പക്ഷേ അതും ഏറ്റില്ല ,കുറച്ചു വ്യൂസ് ഉണ്ടായിരുന്നു . ഇതിനിടയിൽ എല്ലാം കുറച് നിരുത്സാഹപ്പെടുത്തലുകൾ ഉണ്ടായിരുന്നു ,പക്ഷെ ഞാൻ ചിന്തിച്ചു ഇതിനൊന്നും വലിയ കാശ് മുടക്കം ഇല്ല ,എനിക്ക് ഫ്രീ ടൈം കിട്ടുമ്പോൾ ഞാൻ ചെയ്യുന്നു അത്രെയേ ഉള്ളു . ഒരു ദിവസം ഒടിയൻ എന്ന സിനിമയുടെ ട്രൈലെർ വരുന്നു ,അത് ഞാൻ കണ്ടതിനു ശേഷം എനിക്ക് കുറച്ചു ഊഹാപോഹങ്ങൾ തോന്നി അങ്ങനെ ഞാൻ ഒരു വീഡിയോ ചെയ്തു. അന്ന് അത്യാവശ്യം സബ്സ്ക്രൈബേർസ് ഉള്ളൊരു ചാനൽ അവർക്ക് ഇഷ്ടപ്പെട്ടിട്ടോ എന്തോ ആ വീഡിയോ അവരുടെ കമ്മ്യൂണിറ്റി ടാബിൽ ഷെയർ ചെയ്തു.. ഞാൻ കുറച്ചകഴിഞ്ഞു നോക്കുമ്പോൾ ഇതിനു മാത്രം വ്യൂസ് കൂടുന്നു ,ഓരോ പ്രാവിശ്യം റിഫ്രഷ് ചെയ്യുമ്പോഴും വ്യൂസ് കൂടി കൂടി വരുന്നു.അന്ന് രാത്രി ഞാൻ ഉറങ്ങി രാവിലെ എണീറ്റു നോക്കുമ്പോൾ 10000 വ്യൂസ് കഴിഞ്ഞിരുന്നു ,സബ്സ്ക്രൈബേഴ്സും 1000 കടന്നു , യൂട്യൂബിൽ വരുമാനം കിട്ടി തുടങ്ങാൻ 1000 സബ്സ്ക്രൈബേർസ് വേണം . ഒരു വർഷം കൊണ്ട് മാത്രം നടക്കും എന്ന് വിചാരിച്ച കാര്യം ഒറ്റ ദിവസം കൊണ്ട് നടന്നു.ഇതെല്ലം എനിക്ക് വലിയ മറക്കാനാവാത്ത ഓർമയായിരുന്നു .അന്ന് ഞാൻ എൻ്റെ കൂട്ടുകാരനെ വിളിച്ചുകൊണ്ടുപോയി അവന് ഭക്ഷണം വാങ്ങിച്ചു കൊടുത്തു,നമുക്ക് അതെല്ലാം ഭയങ്കര സന്തോഷമായിരുന്നു. പിന്നെ എന്നെ നിരുത്സാഹപ്പെടുത്തിയ ഒരുപാട് സംഭവങ്ങൾ ഉണ്ടായിട്ടുണ്ട് . സിനിമയുടെ റിവ്യൂ ചെയ്ത’കഴിഞ്ഞാൽ ചിലർ പറയാൻ തുടങ്ങി ഞാൻ സിനിമയുടെ കുറ്റങ്ങൾ പറയുന്നത് ഒന്നും ശെരിയല്ല ,അങ്ങനെ ചെയ്യാൻ പാടില്ല ,അങ്ങനെ പറയാൻ പാടില്ല എന്നെല്ലാം . ഞാൻ എൻ്റെ അഭിപ്രായം ആണ് പറഞ്ഞിരുന്നത് പക്ഷെ പലർക്കും അത് എൻ്റെ അഭിപ്രായ പ്രകടനമായെടുക്കാൻ സാധിച്ചിരുന്നില്ല.ഇതുപോലെ നെഗറ്റീവ് ആയിട്ടുള്ളതും പോസിറ്റീവ് ആയിട്ടുള്ളതുമായ ഒരുപാട് അനുഭവങ്ങൾ ഉണ്ടായിരുന്നു,രണ്ടിൽ നിന്നും ഉള്ള തിരിച്ചറിവും ഊർജ്ജവും എടുത്തിട്ടാണ് ഞാൻ ഇപ്പോൾ മുന്നോട്ട് പോയിക്കൊണ്ടിരിക്കുന്നത് . `_BANNER_` ## 3. നിങ്ങളുടെ ആദ്യ വീഡിയോ നിർമ്മിക്കാൻ ആലോചിക്കുന്ന സമയത്തും നിങ്ങളുടെ ആദ്യ വീഡിയോ പ്രസിദ്ധീകരിച്ചതിന് ശേഷവും നിങ്ങളുടെ മനസ്സിൽ എന്തെല്ലാം ചിന്തകൾ വന്നിരുന്നു ? എനിക്കി ഒത്തിരി പേടി തോന്നിയിരുന്നു ,ഞാൻ ആദ്യം പറഞ്ഞത്പോലെ ഞാൻ ജോലി ചെയ്തിരുന്ന റേഡിയോ സ്റ്റേഷനിൽ മുഖം കാണിക്കാൻ പാടില്ല എന്ന ഒരു നിയമം ഇണ്ടായിരുന്നു ,ഒരു സമയത്ത് ഞാൻ അതിനെ എതിർത്തെങ്കിലും പിന്നെ ഞാൻ അതിനെ വിശ്വസിച്ചു ,കാരണം നമ്മുടെ മുഖം കണ്ടിട്ട് ആളുകൾക്ക് ഇഷ്ടപ്പെട്ടില്ലെങ്കിൽ എന്ത് ചെയ്യും. നമ്മളെ ഇഷ്ടപെടുന്നോ ഇല്ലയോ എന്നുള്ള സംശയം നമ്മുടെ ഉള്ളിൽ കിടക്കുമ്പോൾ മുഖം കാണിച്ചു വീഡിയോ ചെയ്യാൻ പറ്റില്ല .ഞാൻ എൻ്റെ ആദ്യത്തെ വീഡിയോ ഇപ്പോഴും ഡിലീറ്റ് ചെയ്തിട്ടില്ല,അത് ചെയ്യുമ്പോൾ ഞാൻ അപ്പുറത്തും ഇപ്പുറത്തും എല്ലാം നോക്കുന്നുണ്ട് എന്നെ ആരെങ്കിലും ഒക്കെ നോക്കുന്നുണ്ടോ എന്നറിയാൻ ,അതായത് ഷൂട്ട് ചെയുന്ന സമയത്ത് പോലും എന്നെ ഒരാൾ നോക്കി നിൽക്കുന്നത് എനിക്ക് വെപ്രാളമായിരുന്നു . അത് കഴിഞ്ഞു അത് അപ്‌ലോഡ് ചെയ്ത് കഴിഞ്ഞതിനുശേഷം ആളുകൾ ഓരോന്ന് പറയുന്നത് കേട്ട് എനിക്ക് എന്തോ പോലെ ആയിട്ടുണ്ട്. പിന്നീട് ഞാൻ ചിന്തിച്ചു ഞാൻ ഇത് ചെയ്തു എന്ന് വെച്ചിട്ട് ആരും എന്നെ ആക്രമിക്കാൻ പോണില്ല ,ഞാൻ ഇത് ചെയ്തില്ല എന്നുവെച്ചു ആരും എന്നെ പ്രോഹത്സാഹിപ്പിക്കാനും പോണില്ല ,ഇത് എൻ്റെ ഇഷ്ടമാണ് ,ഞാൻ ചെയുന്നു. പിന്നെ ഓടിയൻ റിവ്യൂ ചെയ്ത സമയത് ഞാൻ വളരെ പോസിറ്റീവ് ആയിട്ടാണ് ചെയ്തത് ,കുറ്റങ്ങൾ ഒന്നും പറഞ്ഞിരുന്നില്ല ,ആ സമയത് ഏത് സിനിമയുടെയും നല്ല കാര്യങ്ങൾ മാത്രമായിരുന്നു പറഞ്ഞിരുന്നത്. അത് ശെരിക്കും ആസ്വാദനമായിരുന്നു റിവ്യൂ എന്ന് പറഞ്ഞുകൂട.അവിടുന്ന് നമ്മൾ റിവ്യൂ എന്ന രീതിയിലേക്ക് വന്നു ,തെറ്റുകളും കുറ്റങ്ങളും പറയാൻ തുടങ്ങി,ഇതിന്റ തുടക്കത്തിലും ആളുകളെ പേടിക്കേണ്ട അവസ്ഥ വന്നിരുന്നു. പിന്നീട് ആ വെല്ലുവിളികളെയും എനിക്ക് തരണം ചെയ്യേണ്ടി വന്നു ,പേടിയെ മാറ്റിനിർത്താൻ ഒന്നും നമുക്ക് പറ്റില്ല അതിനെ ഫേസ് ചെയ്യാനേ പറ്റുകയുള്ളു അത് ഞാൻ ചെയ്തു. ഞാൻ പറയുന്നതിൽ സത്യം ഉണ്ടെന്ന ഒരു ആത്മവിശ്വാസം എനിക്കുണ്ടായിരുന്നു ,എന്റെ മുഖം കാണിക്കുവാനോ എന്റെ അഭിപ്രായങ്ങൾ തുറന്ന് പറയുവാനോ എനിക്കിപ്പോൾ ആരെയും പേടിയില്ല  ## 4. നിലവിൽ ഇപ്പോൾ ധാരാളം സിനിമാ നിരൂപകർ ഉണ്ട്, എന്നാൽ നിങ്ങൾ ഈ സ്ഥലത്ത് നിങ്ങൾക്കായി ഒരിടം സൃഷ്ടിച്ചു. നിങ്ങളുടെ USP (അതുല്യമായ വിൽപ്പന പോയിന്റ്) എന്താണെന്നാണ് നിങ്ങൾ കരുതുന്നത്? നിങ്ങളെ മറ്റുള്ളവരിൽ നിന്നും വ്യത്യസ്തമായിട്ട് ആളുകൾക്ക് തോന്നാവുന്ന കാര്യം എന്താണ് ? എന്നോട് ഒരുപാട് ആളുകൾ അവതരണ ശൈലിയെക്കുറിച് പറയാറുണ്ട് . ചില ആളുകൾ നമ്മളെ ഇഷ്ടപ്പെടുന്നത് നമ്മുടെ ചില വാക്കിലായിരിക്കും ,ഞാൻ ഇതുവരെ ആളുകളോട് സബ്സ്ക്രൈബ് ചെയ്ത് വിജയിപ്പിക്കണം എന്ന് പറഞ്ഞിട്ടില്ല ,അല്ലെങ്കിൽ നിങ്ങൾ ഇത് ലൈക് ചെയ്യണം എന്ന് പറഞ്ഞിട്ടില്ല . നിങ്ങൾക്ക് ഇഷ്ടപെട്ടാൽ ലൈക്ക് ചെയ്യൂ മറിച് മോശം ആണെങ്കിൽ എന്താണ് മോശം എന്നുള്ളത് കമന്റ് ചെയ്യൂ.എൻ്റെ ചാനൽ സബ്സ്ക്രൈബ് ചെയ്യൂ എന്ന് പറയുന്നിടത്ത് ഞാൻ പറയാറുള്ളത് നിങ്ങൾക്ക് സബ്സ്ക്രൈബ് ചെയ്യുന്ന കാര്യം പരിഗണിക്കാമെന്നാണ് .എനിക്ക് മുന്നോട്ട് വെക്കാനുള്ളത് എൻ്റെ സത്യസന്ധതയാണ് ,ഞാൻ പറയുന്നത് സത്യമാവണം അത് ഒരാൾക്കും വേണ്ടി ഞാൻ മാറ്റി പ്പറയില്ല.. എനിക്ക് നൃത്തം ചെയ്യാനോ പാട്ട് പാടാനോ അറിയില്ല അറിയില്ല ,ഞാൻ കേരളത്തിലെ സാധാരണ ജനങ്ങളിൽ ഒരാളാണ് ,ബാക്കി ഉള്ളവർ കൊടുക്കുന്നതിനേക്കാൾ കൂടുതലായിട്ടൊന്നും എനിക്ക് കൊടുക്കാനില്ല, ഫാമിലി വ്ലോഗ്ഗ് ചെയുന്ന ആളുകളുണ്ട് , ചിലർ അവരുടെ കുടുംബത്തിലെ രസകരമായിട്ടുള്ള അനുഭവങ്ങളാണ് പങ്കുവെക്കുന്നത്,പ്രാങ്ക് വീഡിയോസ് ചെയ്യുന്നവരുണ്ട് ,പല തരത്തിലുള്ള കോൺടെന്റ് ഉണ്ടാകുന്നവരുണ്ട്, എന്നെ സംബന്ധിച് ഞാൻ അഭിപ്രായമാണ് പറയുന്നത് അത് സത്യസന്ധമായിരിക്കും എന്നുള്ളതാണ് എൻ്റെതെന്ന് ഞാൻ ഉറച്ചു വിശ്വസിക്കുന്ന കാര്യം .പരമാവധി വേദനിപ്പിയ്ക്കാതെ ഞാൻ സത്യം പറയാൻ ശ്രമിക്കും. ഞാൻ ശ്രദ്ധിച്ചിട്ടുള്ള ഒരു കാര്യം എന്തെന്നാൽ രണ്ട് മൂന്ന് വർഷം മുൻപ്‌വരെ നല്ലത് ചീത്ത എന്ന് വേർതിരിച്ചു പറയുന്നത് ഉണ്ടോ എന്ന് എനിക്ക് സംശയമാണ്.ബഹുഭൂരിഭക്ഷം വരുന്ന സിനിമ റിവ്യൂവർമാരും പോസിറ്റീവും നെഗറ്റീവും വേർതിരിച്ചു പറയാറുണ്ട് . ട്രൈലെർ ഡീകോഡിങ് എന്ന് പറയുന്ന കാര്യം അതായത് ,ട്രൈലെർ കണ്ടിട്ട് അത് ഇങ്ങനെയായിരിക്കും അങ്ങനയായിരിക്കും എന്ന് പറയുന്ന പരിപാടി എൻ്റെ സംഭാവനായാണെന്ന് ഞാൻ വിശ്വസിക്കുന്നു മലയാളത്തിൽ . മറ്റു ഭാഷകളിൽ അനേകം പേർ ഇത് ചെയ്യുന്നുണ്ട്. ## 5. നിങ്ങളെ കുറിച്ചും നിങ്ങളുടെ കുടുംബത്തെ പറ്റിയും കൂട്ടുകാരെ പറ്റിയും പറയാമോ? ഈ ഒരു അവസരം കൂടെ നിന്നതിൽ അവർക്ക് നന്ദി പറയാനായി ഉപയോഗിക്കാം. ഞാൻ ജോലിക്ക് കയറുന്നത് ഇരുപതാമത്തെ വയസ്സിലാണ് ,അന്ന് തുടങ്ങി ഈ സമയം വരെ ഞാൻ എന്ത് ചെയ്യണം എന്ന യാതൊരു കാര്യങ്ങളിലും എൻ്റെ 'അമ്മ ഇടപെട്ടിട്ടില്ല . എൻ്റെ വീടിനെ സംബന്ധിച് ഞാനും അമ്മയുമാണ് സമ്പാദിക്കുന്ന വ്യക്തികൾ.ഞാൻ വെറും 7500 രൂപ ശമ്പളത്തിൽ കണ്ണൂരിൽ ജോലി ചെയ്യുമ്പോൾ ,ഇവിടെ കൊച്ചിയിൽ ഞാൻ ഏതെങ്കിലും ഒരു സൂപർ മാർക്കറ്റിൽ നിന്നാൽ അതിൽ കൂടുതൽ പണം കിട്ടുന്ന ഒരു സാഹചര്യം ഉണ്ടായിരുന്നു അപ്പോൾ എൻ്റെ അമ്മയ്ക്ക് വേണമെങ്കിൽ പറയാമായിരുന്നു അത് . എൻ്റെ അവിടുത്തെ ചിലവ് കഴിഞ്ഞിട്ട് 2500,രൂപ മാത്രമേ വീട്ടിലേക്ക് അയക്കാൻ പറ്റുകയുള്ളു,മാസത്തിൽ ഒരു അവധിയായിരുന്നു ഉള്ളത്,ഞാൻ അതിനുമുന്നെ ഒന്നും വീട്ടിൽനിന്നും മാറിനിന്നിട്ടില്ല , അച്ഛൻ ഓരോ സ്ഥലത്തുനിന്ന് ട്രാൻസ്ഫെറാവുമ്പോഴും ഞങ്ങളായും കൂടെ കൂട്ടുമായിരുന്നു,അതുകൊണ്ട് തന്നെ ഞങ്ങൾ ഒരിക്കലും മാറി നിന്നിട്ടില്ല . 'അമ്മ അന്ന് എന്നോട് ഒരു വാക്ക് പറഞ്ഞിരുന്നെങ്കിൽ ഞാൻ ആർ.ജെ എന്ന പണി നിർത്തുമായിരുന്നു,ആദ്യമൊക്കെ എങ്ങനെ എങ്കിലും അത് വിട്ടിട്ട് വരണമെന്നുണ്ടായിരുന്നു പിന്നെ പതിയെ അതിനോട് ഇഷ്ടം തോന്നി തുടങ്ങി. അതേപോലെ തന്നെ ഞാൻ ഒരിക്കൽ ഒരു ക്യാമറ വാങ്ങിച്ചു,ആ സമയത്ത് എൻ്റെ ശമ്പളമെന്ന് പറയുന്നത് ആ ക്യാമറയുടെ വിലയുടെ പകുതിയായിരുന്നു ,അപ്പോഴും അമ്മ ചോദിച്ചില്ല. എൻ്റെ കുടുംബത്തിനുള്ളിൽ എനിക്ക് ഒരു സ്വാതന്ത്ര്യം ഉണ്ടായിരുന്നു. എനിക്ക് എടുത്ത് പറയാനുള്ളത് ഒരു പെൺകുട്ടിയെ പറ്റിയാണ് ,ഞാൻ ഇൻസ്റ്റാഗ്രാമിൽ പരിചയപ്പെട്ടതാണ് അവളായിരുന്നു എനിക്ക് ആദ്യ വീഡിയോ ചെയ്യാനുള്ള ആത്മവിശ്വാസം തന്നത്, ഞങ്ങൾ ഇതുവരേ നേരിൽ കണ്ടിട്ട് പോലും ഇല്ല .ഇപ്പോഴും യൂട്യൂബിൽ കിടക്കുന്ന ആദ്യത്തെ വീഡിയോ ആ ആത്മവിശ്വാസത്തിന്റെ പുറത്ത് ചെയ്തതാണ്.അന്ന് അവൾ എനിക്ക് പ്രചോദനം നൽകിയില്ലായിരുന്നുവെങ്കിൽ അന്ന് ആ വീഡിയോ ഞാൻ പോസ്റ്റ് ചെയ്യില്ലായിരുന്നു.അവളോടൊരു നന്ദി പറയണം. പിന്നെ ഞാൻ നേരത്തെ പറഞ്ഞപോലെ ഞാൻ ഇട്ട വീഡിയോ ഷെയർ ചെയ്ത ആ യൂട്യൂബ് ചാനൽ,ഏറിപ്പോയാൽ 200 വ്യൂസ് ഒക്കെ കിട്ടണ്ട ആ വീഡിയോ നെ പൊക്കിയെടുത്ത് എൻ്റെ ചാനൽ നെ വളർത്തി വിട്ടത് ആ ചാനലാണ്,അവരോടും നന്ദി പറയേണ്ടതുണ്ട്. നമ്മൾ പോലും വിചാരിക്കാത്ത ഒത്തിരി നല്ല മനുഷ്യരുണ്ട് ,പിന്നെ ഈ ഇടയായിട്ട് ഒത്തിരി സെലിബ്രിറ്റീസ് എന്നെ തിരിച്ചറിയുകയും ആശംസിക്കുകയും ചെയ്യാറുണ്ട്. ജീവിതത്തിൽ അങ്ങോളം എനിക്ക് നന്ദി പറയാൻ ഒരുപാട് നല്ല മനുഷ്യരുടെ ഒരു നീണ്ട നിര തന്നെയുണ്ട്  ## 6. ഒരു യുവ യൂട്യൂബറിന് നിങ്ങൾക്ക് എന്ത് ഉപദേശമാണ് നൽകാനുള്ളത് ? പ്രത്യേകിച്ച് സ്ത്രീകൾക്ക് ഓരോ ആളുകൾക്കും ഓരോ ലക്ഷ്യം ഉണ്ടാവും.നിങ്ങളുടെ ലക്ഷ്യം എന്താണെന്നുള്ളതാണ് പ്രധാനം .എങ്ങനെയെങ്കിലും പണം ഉണ്ടാക്കണം എന്ന ഉദ്ദേശത്തോടെ വീഡിയോ ചെയ്യുന്നവരുമുണ്ട് ,സ്വന്തം കഴിവുകൾ മറ്റുള്ളവരെ കാണിക്കുവാൻ വീഡിയോ ചെയ്യുന്നവരുണ്ട് അവർക്ക് പണം ആവിശ്യമായിരിക്കില്ല,ഇങ്ങനെ ഒരുപാട് താരത്തിലുള്ളണ്ട് . നിങ്ങൾക്ക് നിങ്ങളുടേതായ കോൺടെന്റ്സ് ആണ് ഉണ്ടാക്ക്കേണ്ടതെങ്കിൽ അതിനനുസരിച്ഛ് പ്രവർത്തിക്കുക. യൂട്യൂബാണെങ്കിലും അതുപോലെ മറ്റെന്തെങ്കിലുമാണെങ്കിലും പെട്ടന്ന് നമുക്ക് എല്ലാം നേടാൻ പറ്റിയെന്ന് വരില്ല ചിലപ്പോൾ വർഷങ്ങളെടുത്തേക്കാം,പരമാവധി മറ്റുള്ളവരെ അനുകരിക്കാതിരിക്കുക എന്നതായിരിക്കും നല്ലതെന്നെനിക്ക്‌ തോന്നുന്നു . ബ്രാൻഡിംഗ് നന്നായിട്ട് മുന്നോട്ട് കൊണ്ടുപോകുക,ചെറിയ രീതിയിൽ തുടങ്ങുന്നതിനെ കുറിച്ച് എപ്പോഴും ചിന്തിക്കുക , ## 7. ഒരു യൂട്യൂബ് വീഡിയോ ഷൂട്ട് ചെയ്യുന്നതിൽ എന്തെല്ലാം പ്രക്രിയകൾ അടങ്ങിയിട്ടുണ്ട് ?തുടക്കത്തിൽ അതെല്ലാം നിങ്ങൾ എങ്ങനെയായിരുന്നു പഠിച്ചത് ? ഇതൊരു വീഡിയോ പ്ലാറ്റ്ഫോം അതുകൊണ്ട് തന്നെ വിഡിയോസിന് പ്രാധാന്യം ഉണ്ട് ,പക്ഷെ തുടക്കക്കാർ വരുത്തുന്ന ഒരു തെറ്റ് എന്തെന്നാൽ ശബ്ദത്തിന് പ്രാധാന്യം നൽകുന്നില്ല എന്നതാണ് , ആളുകൾക്ക് നമ്മളെ കേൾക്കാൻ പറ്റണം ,ശബ്ദം അരോചകരമാണെങ്കിൽ ആരും വിഷ്വൽസ് കണ്ടുകൊണ്ടിരിക്കില്ല. ഫോണിലാണ് നമ്മൾ വീഡിയോസ് എടുക്കുന്നതെങ്കിൽ ഏതൊരാളുടെ കയ്യിലും ചുരുങ്ങിയത് 6000 രൂപ എങ്കിലും വില വരുന്ന ഒരു ഫോണായിരിക്കും അതിൻ്റെ കൂടെ 500 രൂപ വില വരുന്ന മൈക്ക് കൂടെ വാങ്ങിക്കണം ,അത് വളരെ പ്രധാനപ്പെട്ട ഒരു വസ്തുവാണ്. ഒരു വീഡിയോ അപ്‌ലോഡ് ചെയ്യുക എന്നത് ഒരു ചെറിയ പണി അല്ല ,ചുമ്മാ ഷൂട്ട് ചെയ്ത അത് അപ്‌ലോഡ് ചെയ്യാൻ പറ്റില്ല ,അതിനിടയിൽ എഡിറ്റിംഗ് എന്നൊരു പ്രക്രിയയുണ്ട് അതുകൊണ്ട് തന്നെ കുറച്ചുസമയം നമ്മൾ എഡിറ്റിംഗ് പഠിക്കാൻ മാറ്റിവെക്കണം. നിങ്ങളുടെ കയ്യിൽ ഇരിക്കുന്നത് നാല് ലക്ഷം രൂപയുടെ ക്യാമറയും ഒന്നര ലക്ഷം രൂപയുടെ ലെന്സുമുണ്ട് എന്നത് മാത്രം കൊണ്ട് വീഡിയോ നന്നാവണം എന്നില്ല ,ചിലപ്പോൾ 8000 ഫോണും ചെറിയ മൈക്കും ഉള്ളവരായിരിക്കും നിങ്ങളെക്കാൾ മുന്നിൽ നിക്കുന്നത്, അവിടെയെല്ലാം പ്രാധാന്യം ഉള്ളത് ഉള്ളടക്കത്തിനാണ് അതുകൊണ്ട് തന്നെ നിങ്ങളുടെ കോൺടെന്റ്സ് നന്നാക്കുക അതിനെ ആളുകളിൽ നല്ല രീതിയിൽ എത്തിക്കാൻ പറ്റുന്ന ശബ്ദം നൽകുക ,നന്നായി എഡിറ്റ് ചെയ്യുക..  ## 8. ജീവിതത്തിൽ ഉണ്ടായിട്ടുള്ള ഉയർച്ചകളിൽ ഉണ്ണി റോൾ മോഡലായി കണക്കാക്കിയ വ്യക്തികൾ ഉണ്ടോ ? ഒരുപാട് പേർ ഉണ്ട് ,അതിൽ ഏറ്റവും മുന്നിൽ നിൽക്കുന്ന ഒരാൾ സുഹൃത്തായിരുന്നു എൻ്റെ കൂടെ പ്ലസ് വണ്ണിൽ പഠിച്ച പ്രവീൺ , അവൻ ആകെ ഒരു വർഷമാണ് എൻ്റെ കൂടെ പഠിച്ചത് പക്ഷെ ഞങ്ങൾ അത്രയും അടുത്ത സുഹൃത്തുക്കളായി,പക്ഷെ ആ വർഷം പ്ലസ് വൺ ക്ലാസ് അവസാനിച്ച വെക്കേഷന് അവൻ മരിച്ചു പോയി. ആ ഒരു വർഷം കൊണ്ട് എൻ്റെ ജീവിതത്തിൽ അവൻ ഉണ്ടാക്കിയ മാറ്റങ്ങൾ വളരെ വലുതാണ് ,കാരണം അവനിൽ നിന്നാണ് ഞാൻ നമുക്കറിയുന്നത് മറ്റുള്ളർക്ക് പറഞ്ഞുകൊടുക്കുന്നതിലൂടെ അവരുടെ ജീവിതത്തിൽ വലിയ മാറ്റങ്ങൾ ഉണ്ടാകും എന്ന് മനസിലാക്കുന്നത്. മലയാളം മീഡിയത്തിൽ നിന്നും ഇംഗ്ലീഷ് മീഡിയത്തിലേക്ക് വന്ന ഞാൻ ക്ലാസ്സിൽ ഒന്നും മനസ്സിലാവാതെ ഇരിക്കുകയാണ് ,ഇതെല്ലം പ്രവീൺ കാണുന്നുണ്ടായിരുന്നു ,അങ്ങനെ ഒരു ദിവസം അവൻ എന്നോട് പറഞ്ഞു നമുക്ക് ഒരു ദിവസം ഇരിക്കാം എങ്കിൽ അവന് അറിയുന്നത് പറഞ്ഞുതരാം എന്ന് . എനിക്കും വലിയ പ്രതീക്ഷ ഒന്നും ഇല്ലായിരുന്നു കാരണം അവൻ ഇംഗ്ലീഷ് മീഡിയത്തിൽ പഠിച്ചതാണ് അവന് ഇതൊക്കെ എളുപ്പമായിട്ട് തോന്നും , പക്ഷെ അന്ന് അവൻ എനിക്ക് ഒരുപാട് കാര്യങ്ങൾ പറഞ്ഞു തന്നു,ഉദാഹരണം സൈൻ തീറ്റയും ,കോസ് തീറ്റയു,എല്ലാം എന്താണെന്ന് എനിക്ക് യാതൊരു ധാരണയും ഇല്ലായിരുന്നു അതെല്ലാം അവൻ എനിക്ക് വ്യക്തമായി പറഞ്ഞു തന്നു. അവൻ കാരണം എനിക്ക് വലിയ ആത്മവിശ്വാസം ലഭിച്ചു കാരണം അവൻ വളരെ എളുപ്പത്തിൽ പറഞ്ഞുതന്നു ,അത് കഴിഞ്ഞു അവൻ കുറച് ചോദ്യങ്ങൾ എഴുതിത്തന്നു അതിനുള്ള ഉത്തരവും ഞാൻ എഴുതി കൊടുത്തു,അത് നോക്കിയിട്ട് അവൻ എന്നോട് പറഞ്ഞു “നിനക്ക് നല്ല കാലിബർ ഉണ്ട് “ എന്ന് . ഞാൻ കാലിബർ എന്ന വാക്ക് ആദ്യമായിട്ട് കേൾക്കുന്നത് അന്നാണ് ,എനിക്കിനി പഠിക്കാൻ പോലും പറ്റുമോ എന്നുള്ള ചിന്ത എന്നെ മാറ്റി ചിന്തിപ്പിച്ച ഒരാളായായിരുന്നു അവൻ. അതേപോലെ വേറൊരാൾ ഉണ്ട് ക്ലെയ സിസ്റ്റർ ,എൻ്റെ ടീച്ചറായിരുന്നു . ടീച്ചർ സ്കൂളിൽ വന്നിട്ട് ആദ്യം പരിചയപ്പെടുന്നത് എന്നെയായിരുന്നു. ഒരിക്കൽ ഞങ്ങളുടെ സ്കൂളിൻ്റെ വാര്ഷികാഘോഷത്തിൽ ഞാൻ സംഘഗാനത്തിന് പേര് നൽകി പക്ഷെ 7,8 ക്ലാസ് എന്ന് പറയുന്നത് നമ്മുടെ ശബ്ദത്തിൽ വ്യത്യാസം വരുന്ന കാലഘട്ടമായിരുന്നു അതുകൊണ്ട് എന്നെ സങ്കഗാനത്തിൽ നിന്നും മാറ്റി നിർത്തി,എനിക്കത് നല്ല വിഷമമായിരുന്നു. അങ്ങനെയിരിക്കുമ്പോൾ ടീച്ചർ എന്നെ വിളിച്ചിട്ടു പറഞ്ഞു “നീ ഒരു സ്ക്രിപ്റ്റ് ഉണ്ടാക്ക് തിരുവാതിരയാണ് ആദ്യം അരങ്ങേറുന്ന പരിപാടി ,നീ അതിന് വേണ്ടി അനൗൺസ് ചെയ്യാൻ ഉള്ള സ്ക്രിപ്റ്റ് ഉണ്ടാക്ക് എന്ന് “ ഞാൻ അന്ന് എനിക്ക് തോന്നിയ കുറച്ചു കാര്യങ്ങൾ എഴുതി ടീച്ചർക്ക് കൊടുത്തു , സിസ്റ്റർ അത് വായിച്ചിട്ട് പറഞ്ഞു ,ഇത് നീ പറഞ്ഞു പരിശീലിക്ക് നീയാണ് ,ഈ പ്രാവിശ്യം നമ്മുടെ വാർഷികത്തിന്റെ അനൗൺസ്‌മെന്റ് മുഴുവൻ ചെയ്യുന്നതെന്ന് പറഞ്ഞു,അപ്പോൾ ആ കൂട്ടത്തിൽ ടീച്ചേഴ്സിൽ ഒരാൾ ചോദിച്ചു “അത് ഇവനെ ഏൽപിക്കണോ സിസ്റ്ററെ?”. എല്ലാ വർഷവും സിർമാരോ ടീചെർമാരോ ആണ് അത് ചെയ്യാറുള്ളത്.അപ്പോൾ സിസ്റ്റർ പറഞ്ഞു “ഞാനാണ് പരിപാടിയുടെ കോർഡിനേറ്റർ എങ്കിൽ അത് ഉണ്ണി ചെയ്തോളും “ എന്ന് . അവർ തന്ന ആത്മവിശ്വാസത്തിലാണ് ഞാൻ ആദ്യമായിട്ട് മൈക് പിടിച് സ്റ്റേജിൽ കയറുന്നത്. അങ്ങനെ ആദ്യത്തെ അനൗൺസ്‌മെന്റ് കഴിഞ്ഞപ്പോൾ,ഇവാൻ ചെയ്താൽ ശെരിയാകുമോ എന്ന് ചോയിച്ച ആളുകൾ സ്റ്റേജിനടുത്തേക്ക് വന്നിട്ട് എന്നെ അഭിനന്ദിച്ചു.ഇതെല്ലം എൻ്റെ ജീവിതത്തിലെ വലിയ മാറ്റങ്ങളായിരുന്നു. ## 9.ഉണ്ണിക്ക് സിനിമകൾ എത്ര പ്രധാനമാണെന്ന് നമുക്ക് എല്ലാവർക്കുമറിയാം അതേപോലെ തന്നെ പുസ്തകങ്ങൾ ഉണ്ണിക്ക് എങ്ങനെയാണ് ഉണ്ണി വായിക്കാറുണ്ടോ ? ജീവിതത്തിൽ കൂടുതൽ കിട്ടിയിട്ടുള്ള ഉപദേശവും ,ഞാൻ എല്ലാവർക്കും കൊടുക്കുന്ന ഉപദേശവും എന്തെന്നാൽ “സിനിമകൾ കാണുക ,പുസ്തകങ്ങൾ വായിക്കുക ,യാത്ര ചെയ്യുക “.ഈ മൂന്ന് കാര്യങ്ങൾ നിങ്ങളെ എവിടെയെങ്കിലും കൊണ്ട് എത്തിക്കും പക്ഷെ എൻ്റെ കാര്യത്തിൽ പുസ്തകവായന വളരെ കുറച്ചേ നടക്കാറുള്ളു. ഞാൻ ഉണ്ണി ആർ ൻ്റെ ഒരു ചെറുകഥ സമാഹാരം വായിച്ചിരുന്നു ,ഞാൻ അത് വായിച്ചുതുടങ്ങി ഓരോ കഥ കഴിയുമ്പോഴും ഞാൻ കുറെ നേരം ആകാശത്തേക്ക് നോക്കിക്കിയിരിക്കും ഞാൻ മനസ്സിലാക്കിയ കാര്യവും ഇദ്ദേഹം ഉദ്ദേശിച്ച കാര്യവും ഒന്നാണോ എന്ന് ഞാൻ ചിന്തിക്കും.ഇദ്ദേഹത്തിന്റ കഥകൾ വായിച്ചാൽ ഞാൻ ആസ്വാദനം,നിരൂപണം എന്നിങ്ങനെ പല കാര്യത്തിലൂടെയും കടന്നുപോകും. അതേപോലെ ഞാൻ കണ്ണൂർ ജോലി ചെയ്യുന്ന സമയത്ത് എനിക്ക് ജീവിതം ആസ്വദിക്കാൻ പറ്റുന്നുണ്ടായിരുന്നില്ല ,എൻ്റെ കൂട്ടുകാരെല്ലാം എറണാംകുളത്ത് അവർ എല്ലാം അടിച്ചുപൊളിക്കുന്നു ജീവിതം ആസ്വദിക്കുന്നു ,യാത്രകൾ പോകുന്നു. പക്ഷെ ഒരു ഞായറാഴ്ച സിനിമക്ക് പോകാൻ പോലും ഞാൻ കഷ്ടപ്പെട്ടാണ് പണം കണ്ടെത്തിയിരുന്നത് ആ സമയത്ത് 35 രൂപ മാത്രമായിരുന്നു ടിക്കറ്റിനു ഉണ്ടായിരുന്നത് അങ്ങനെ നമ്മുടെ ജീവിതം എത്രമാത്രം കഷ്ടമാണ്,ദുരിതമാണ് എന്ന് വിചാരിച്ചിരുന്ന സമയത്താണ് ആടുജീവിതം എന്ന പുസ്തകം ഞാൻ വായിക്കുന്നത്.അത് ഞാൻ വായിക്കുന്നത് ട്രെയിനിൽ വെച്ചായിരുന്നു ,നിസാമുദ്ധീൻ എക്സ്പ്രസ്സ് കണ്ണൂരിൽ നിന്നും എറണാംകുളത്തേയ്ക്ക് ഉള്ള യാത്രയിൽ . ആ ട്രെയിനിൽ നോർത്ത് ഇന്ത്യക്കാരുടെ കൂടെ പാൻപരാഗ്ൻ്റെ മണമെല്ലാം തളംകെട്ടി നിക്കുന്ന കംപാർട്മെന്റ് ,ഒരു പേജ് വായിക്കാം എന്നിട്ട് എങ്ങനെയെങ്കിലും ഉറങ്ങണം എന്ന ചിന്തയിൽ വായിച്ചു തുടങ്ങിയ ഞാൻ ഒറ്റയിരുപ്പിന് അത് മുഴുവനും വായിച്ചു തീർത്തു. ആ പുസ്തകം മടക്കി വെക്കുമ്പോൾ ഞാൻ വേറെ ഒരാളായിരുന്നു ,അത് വായിച്ചുതുടങ്ങുമ്പോൾ ഉള്ള ഉണ്ണിയായിരുന്നില്ല.അങ്ങനെ ഒരുമാറ്റമൊക്കെ ജീവിതത്തിൽ കൊണ്ടുവന്നിട്ടുള്ള പുസ്തകങ്ങൾ ഒക്കെയുണ്ട്. അതുകൊണ്ട് തന്നെ ഞാൻ എന്നേക്കാൾ ഒരു വയസ്സ് കുറവുള്ളവരോട് പറയും ,നമുക്ക് തലയിൽ കയറാൻ പറ്റുന്നവരോടെല്ലാം പറയും നിങ്ങൾ വായിക്കണം,വായിക്കാതെ നമുക്കെവിടേയും എത്താൻ സാധിക്കില്ല. അതേപോലെ സിനിമ കാണുക,യാത്ര ചെയ്യുക,സുഹൃത്തുക്കളെ ഉണ്ടാക്കുക.  ## 10.ജീവിതത്തിൽ കണ്ടിരിക്കേണ്ട 3 സിനിമകൾ ഏതെല്ലാം ആണെന്നാണ് ഉണ്ണിയുടെ കാഴ്ചപാട് ? എത്ര തവണ കണ്ടിട്ടുണ്ടെന്ന് എനിക്കറിയില്ല എങ്കിലും എനിക്ക് മടുക്കാത്ത ഒരു സിനിമയാണ് പഴ്സുയിട്ട് ഓഫ് ഹാപ്പിനെസ്സ് .അത് ഞാൻ ഒരു ഒന്നാന്തരം സിനിമയായിട്ട് പറയും ,കാരണം ഞാൻ ജീവിതത്തിൽ വളരെ തകർന്നുപോയി എന്ന് തോന്നുമ്പോൾ ഞാൻ കാണുന്ന സിനിമയാണത്. പിന്നെ കാസറ്റ് ആവേ എന്ന സിനിമ ,ഞാൻ ഒരുപാട് കാലം മുന്നേ കാണാൻ തുടങ്ങിയ സിനിമായാണത് .എച് ബി ഓ ,ആക്ഷൻ ,എന്നിങ്ങനത്തെ ചാനലിൽ ഒക്കെ പണ്ടത് കാണാമായിരുന്നു പക്ഷെ അന്നൊന്നും എനിക്ക് അത് കണ്ടിട്ട് ഒന്നും തോന്നിയില്ല. അങ്ങനെ ഒരുദിവസം കണ്ണൂരിൽ നിന്നും ലീവിന് നാട്ടിൽ വന്ന് പിന്നീട് കാസറ്റ് ആവേ കണ്ടപ്പോൾ അതൊരു വേറിട്ട അനുഭവമായിരുന്നു,ആ തകർച്ചയിൽ എനിക്ക് അത് കൊണ്ടുവന്ന മാറ്റം വളരെ വലുതായിരുന്നു. മലയാളം സിനിമകൾ മാത്രം കണ്ടിരുന്ന കാലത്ത് ,ഇംഗ്ലീഷ് സിനിമകൾ വെറും അനിമേഷനും ,കോമഡി ആണെന്ന് ധരിച്ചിരുന്ന കാലത് മലയാളമല്ലാത്തൊരു സിനിമ കണ്ട് അത്ഭുതപെട്ടിട്ടുണ്ടെങ്കിൽ അത് നന്ദനാല എന്ന സിനിമയായിരുന്നു.അതിനു മുന്നേ ഒന്നും മലയാളമല്ലാത്ത സിനിമകളോട് എനിക്ക് താല്പര്യം തോന്നിട്ടില്ലായിരുന്നു.അവർ സിനിമ എന്നത് ഒരു വികാരമാണ് അതിന് അതിർത്തികൾ ഇല്ല എന്ന് എനിക്ക് ആദ്യമായിട്ട് തോന്നിയത് നന്ദനാല എന്ന സിനിമ കണ്ടതിന് ശേഷമാണ്. ## 11.കഥയുടെ ഭാഗത്ത് നിന്ന് നോക്കുമ്പോൾ നമുക്ക് നിരന്തരം ലഭിക്കുന്ന ഡിജിറ്റൽ കണ്ടന്റ്സ് നമ്മുടെ മാനസികാരോഗ്യത്തെ പല രീതിയിൽ ബാധിക്കുന്നുണ്ട് .എന്താണ് ഇതിനെ കുറിച് പറയാനുള്ളത് ? ഇതിൽ നമുക്ക് ആകെ ചെയ്യാൻ പറ്റുന്ന കാര്യം എന്തെന്നാൽ ,നമുക്ക് തീരുമാനങ്ങൾ എടുക്കാൻ പ്രായമായി എന്ന് നമ്മുടെ ഭരണഘടനാ പറയുന്ന പ്രായം വരെ ഉള്ള ആളുകൾ ഉപഭോഗം ചെയ്യുന്നതിനെ നമുക്ക് നിരീക്ഷിക്കാം എന്നുള്ളത്തിന്റ അപ്പുറത്ത് ബാക്കി എല്ലാം ഒരോരുത്തരുടെ ഇഷ്ടമാണ് . ഉദാഹരണം സിഗരറ്റ് എല്ലാ കടയിലും ലഭ്യമാണ് ,അതിന്റ പുറത്ത് തന്നെ എഴുതി വച്ചിട്ടുണ്ട് ആരോഗ്യത്തിന് ആപത്താണെന്ന് അതേപോലെതന്നെ ഡിജിറ്റൽ പ്ലാറ്റഫോംഉപയോഗിക്കുന്ന എല്ലാവർക്കുമറിയാം അതിന്റെ ഗുണവും ദോഷവുമെന്താണെന്ന്. അപ്പോൾ അത് അറിഞ്ഞുകൊണ്ട് ചെയ്യുന്ന ഒരു കാര്യമാണ് ,അവനവൻ തന്നെ ബോധ്യമുണ്ടാക്കിയെടുക്കുക എന്താണിതിന്റെ അപകടമെന്നും എന്താണ് ഇതിന്റെ നല്ല വശമെന്നും ,അതേപോലെ തന്നെ എങ്ങനെ നിയന്ത്രിക്കണം എന്നുള്ളതും ഈ ഡിജിറ്റൽ സ്പേസിൽ തന്നെ നമുക്ക് അറിവ് ലഭിക്കും അപ്പോൾ അതിനെ മനസിലാക്കി ഉപയോഗിക്കുക എന്നുള്ളതാണ് . Listen to the full audio interview here : [Unnikrishnan Interview with Katha](https://youtu.be/0LqBcgsVEeo)
Interview with Jinsha Basheer (Social Media Influencer)
Katha is on a pursuit to bring to you the stories of some amazing individuals who has been quietly spreading positivity to this world, a tiny bit at a time. They were able to chase their dreams & aspirations and are setting an example for the future generation. Listen to the full audio interview here : [Jinsha Basheer Interview with Katha](https://www.youtube.com/watch?v=lku2Ym5BhRU) ## 1. നാല് വർഷം മുൻപാണ് നിങ്ങൾ നിങ്ങളുടെ യു ട്യൂബ് ചാനൽ തുടങ്ങിയത് ,എന്തായിരുന്നു ഇങ്ങനെ ഒരു ചാനൽ തുടങ്ങാൻ ഉള്ള പ്രചോദനം? എൻ്റെ തുടക്കം യൂടൂബിൽ ആയിരുന്നില്ല,ഞാൻ ഫേസ്ബുക്കിൽ ആയിരുന്നു ആദ്യം പേജ് സ്റ്റാർട്ട് ചെയ്തത് , അത് ഒരിക്കലും ഒരു വ്ലോഗ്ഗെർ ആകും എന്ന് കരുതിയിട്ടല്ല .എനിക്ക് വ്ലോഗ്ഗിങ് എന്താണെന്നോ വ്ലോഗ്ഗെർ എന്താണെന്നോ അറിയില്ലായിരുന്നു . ഒരിക്കൽ എനിക്ക് ഖത്തർ ലേക്ക് ഒരു സ്കൂൾ ടീച്ചർ സ്ഥാനത്തേക്ക് ഇന്റർവ്യൂ ഉണ്ടായിരുന്നു , അതിൽ അവർ പ്ലസ് ടു കുട്ടികൾക്കുള്ള ഫിസിക്സിലെ ഒരു ഭാഗം പഠിപ്പിക്കുന്ന വീഡിയോ ആയിരുന്നു ആവശ്യപ്പെട്ടത്. ഞാൻ അത് അവർക്ക് അയച്ചു കൊടുത്തു , അതേ വീഡിയോ ഞാൻ എൻ്റെ ഭർത്താവ് ഫൈസൽ ഇക്കയ്ക്ക് അയച്ചുകൊടുത്തു ,അദ്ദേഹം അന്ന് മനസിലാക്കി എനിക്കൊരു പ്രസന്റേഷൻ സ്കിൽ ഉണ്ടെന്ന് .അപ്പോഴും അദ്ദേഹം പറഞ്ഞില്ല വ്ലോഗ്ഗിങ് ഒരു പ്രൊഫഷൻ ആക്കാമെന്ന്.അദ്ദേഹത്തിന് വ്ലോഗ്ഗിങ്ങും വ്ലോഗ്ഗെര്മാരും സുപരിചിതമായിരുന്നു. പിന്നീട് 2 വർഷത്തിന് ശേഷം ഒരു പെട്രോൾ പമ്പിൽ വെച് ഒരു പ്രശ്നം ഉണ്ടായി ,അത് എനിക്ക് സമൂഹത്തെ അറിയിക്കണം എന്ന് ആഗ്രഹം ഉണ്ടായിരുന്നു. അപ്പോൾ എൻ്റെ ഭർത്താവ് പറഞ്ഞു ”നിനക്ക് പ്രസന്റേഷൻ സ്കിൽ ഉണ്ട് ,അത് ഞാൻ 2 വർഷം മുൻപ് മനസിലാക്കിയതാണെന്ന് അതുകൊണ്ട് നീ ഒരു വീഡിയോ ചെയ്താൽ അത് നമുക്ക് മറ്റുള്ളവരെ അറിയിക്കാൻ സാധിക്കും ..” അങ്ങനെ ഞാൻ ജിനിഷ ബഷീർ എന്നൊരു ഫേസ്ബുക് പേജ് തുടങ്ങി അത് ഞാനും ഫൈസൽക്കയും ലൈക് ചെയ്തു അങ്ങനെ വീഡിയോ പബ്ലിഷ് ചെയ്തു, 2 ദിവസം കഴിഞ്ഞപ്പോൾ തന്നെ അതിൽ ഫോള്ളോവെർസ് കൂടി ,ഒരു മാസത്തിനകം ഒരു ലക്ഷം ഫോള്ളോവെർസായി .അപ്പോൾ എനിക്ക് മനസിലായി ജനങ്ങൾ ഇത് പ്രതീക്ഷിക്കുണ്ടെന്ന്. ആ സമയത്താണ് ഫൈസൽക്ക എന്നോട് ചോദിച്ചത് നിനക്ക് ഇത് പ്രൊഫഷൻ ആക്കാൻ ആഗ്രഹം ഉണ്ടെങ്കിൽ എന്താണ് വ്ലോഗ്ഗിങ്,എന്താണ് വ്ലോഗ്ഗെർ എന്ന് പറഞ്ഞുതരാം, അങ്ങനെയാണ് വ്ലോഗ്ഗെർ എന്താണെന്ന് ഞാൻ അറിയുന്നത് . ഞാൻ വീഡിയോ ചെയ്തതിന് ശേഷമാണ് വ്ലോഗ്ഗിങ് നെ പറ്റിയും വ്ലോഗ്ഗെർ എന്താണെന്നും മനസിലാക്കുന്നത്. ഫേസ്ബുക് പേജ് തുടങ്ങി 6 മാസങ്ങൾക്ക് ശേഷമാണ് ഞാൻ യൂട്യൂബ് ചാനൽ തുടങ്ങിയത്. ഞാൻ ഇപ്പോഴും പ്രാധാന്യം നൽകുന്നത് ഫേസ്ബുക് പേജിനാണ് .  ## 2. പൂജ്യത്തിൽ നിന്നും ഇന്ന് കാണുന്ന 2 ലക്ഷം സബ്സ്ക്രൈബേർസ് വരെ ഉള്ള യാത്രയിൽ എന്തെല്ലാം വെല്ലുവിളികൾ നേരിടേണ്ടി വന്നിട്ടുണ്ട് ? പൂജ്യത്തിൽ നിന്നും ഇവിടം വരെ എത്തിയപ്പോൾ എനിക്ക് ഒരുപാട് മാറ്റങ്ങൾ ഉണ്ടായി ,ഒരുപാട് കാര്യങ്ങൾ നേരിടേണ്ടി വന്നു .ഒന്നാമത്തെ കാര്യം ഞാൻ ആദ്യമായി വീഡിയോ ചെയ്ത സമയത്ത് ഒരുപാട് തെറി വിളികൾ എനിക്ക് കേൾക്കേണ്ടി വന്നിട്ടുണ്ട് കാരണം ആ സമയത്ത് ഒരു സ്ത്രീ വ്ലോഗ്ഗിങ് രംഗത്ത് അധികമൊന്നും ഇല്ല പ്രത്യേകിച്ച് ഫേസ്ബുക്കിൽ. ഒരുപാട് ആളുകൾ എന്നെ പരിഹസിക്കുകയും ചെയ്തിട്ടുണ്ട് അതേപോലെ തന്നെ എൻ്റെ കൂട്ടുകാർ എന്നോട് പറഞ്ഞു ഇത് ചെയ്യണ്ട എന്ന് ,കാരണം അവർക്കും എന്നെപോലെ തന്നെ വ്ലോഗ്ഗിങ് നെ കുറിച്ചൊന്നും വലിയ അറിവുണ്ടായിരുന്നില്ല. മറ്റുചിലർ നിനക്ക് സെലിബ്രിറ്റി മാനിയ ആണോ എന്നെല്ലാം ചോദിച്ചു പരിഹസിച്ചിരുന്നു.കുടുംബക്കാരും പറഞ്ഞു ഇത് ചെയ്യണ്ട ഇത്രേം തെറി വിളി കേൾക്കേണ്ട നാണക്കേട് ആണെന്നെല്ലാം . വീട്ടുകാരുടെ നിർദ്ദേശ പ്രകാരം ഞാൻ എൻ്റെ ഫോൺ സ്വിച്ച് ഓഫ് ചെയ്തു വെച്ചു..എനിക്കറിയില്ലായിരുന്നു ഇത് എങ്ങനെ മറ്റുള്ളവരെ പറഞ്ഞു മനസ്സിലാക്കി കൊടുക്കുമെന്നത്..പിന്നീട് ഞാൻ ആരോടും പ്രതികരിക്കാൻ പോയില്ല എല്ലാവരുടെ കളിയാക്കലുകളും കേട്ട് നിന്നു . അങ്ങനെയിരിക്കേ രണ്ട് മാസത്തിന് ശേഷം എനിക്ക് ഗൂഗിളിൽ നിന്ന് ഒരു പ്രതിഫലം വന്നു RS:35000..അത് ഞാൻ സ്ക്രീൻഷോട്ട് എടുത്ത് എൻ്റെ പ്രൊഫൈൽ ഫോട്ടോ വെച്ചു ,അങ്ങനെയാണ് ഞാൻ എൻ്റെ ആദ്യത്തെ പ്രതിഷേധം അറിയിച്ചത് . അതിനുശേഷം ഇന്ത്യയ്ക്ക് അകത്തും പുറത്തുമായിട്ട് 50 നു മുകളിൽ മീഡിയാസ് എന്നെ പറ്റിയുള്ള ആർട്ടിക്കിൾ പുറത്തു വിട്ടു . അത് കഴിഞ്ഞു 2 മാസം കഴിഞ്ഞപ്പോൾ വനിതയിൽ ആർട്ടിക്കിൾ വന്നു ,മലയാള മനോരമയിൽ വന്നു ,ഇന്ത്യ ടുഡേയിൽ വന്നു ഇതുപോലെ പ്രശസ്തമായ ഒരുപാട് ചാനലുകളിൽ , മാഗസിനുകളിൽ ,പത്രങ്ങളിലും വന്നു തുടങ്ങി ,അപ്പോഴാണ് ആളുകൾ തിരിച്ചറിയുന്നത് ഇതിന് ഇങ്ങനെ ഒരു കാര്യം ഉണ്ടെന്ന് ,പിന്നീട് എനിക്ക് വന്ന വരുമാനം ഞാൻ വെളിപ്പെടുത്തി അതും കൂടെ കണ്ടപ്പോൾ ആളുകൾക്ക് തോന്നി തുടങ്ങി ഇതൊരു സംഭവമാണ് വ്ലോഗ്ഗിങ് നല്ലൊരു കാര്യമാണെന്ന്. ആളുകൾ തിരിച്ചറിഞ്ഞു തുടങ്ങി അതിന് ശേഷം തെറി വിളികൾ എല്ലാം കുറഞ്ഞു അങ്ങനെയാണ് ഞാൻ എൻ്റെ പ്രതിഷേധം കാണിക്കുന്നത് ,പിന്നീട് മാധ്യമ പ്രവർത്തകരുടെ വീട്ടിലേക്ക് ഉള്ള വരവും ,ചാനൽ ചർച്ചകൾക്ക് പോകുന്നതും ഒക്കെ കാണുമ്പോൾ ആളുകൾക്ക് മനസ്സിലായി ഇതിൽ എന്തൊക്കയോ ഉണ്ടെന്ന് . തട്ടമിട്ട പെണ്ണ് സംസാരിക്കാൻ പാടില്ല എന്ന രീതിയായിരുന്നു അന്ന് അതുകൊണ്ട് തന്നെ ആരംഭഘട്ടത്തിൽ ഞാൻ ഒരുപാട് പോരാടിയിട്ടുണ്ട് , എന്നാൽ ഇന്ന് ഇത് മാറി വ്ലോഗ്ഗിങ് രംഗത് ഒരുപാട് സ്ത്രീകൾ ഉണ്ട് . അന്ന് ആദ്യമായിട്ട് ഒരു വീഡിയോ ചെയ്യാൻ 4000 രൂപയുടെ ഒരു ഫോൺ വാങ്ങാൻ ആസ്തിയില്ലാത്ത ഒരാളായിരുന്നു ഞാൻ. ഞങ്ങൾ മൂന്ന് പെൺകുട്ടികളാണ്,എൻ്റെ ഫോൺ കേടായി എന്നറിഞ്ഞപ്പോൾ അതിൽ മൂത്ത ആൾ ഉപയോഗിച്ചുകൊണ്ടിരുന്ന ഒരു ഫോൺ എനിക്ക് തന്നു ,ആ ഫോണിലാണ് ഞാൻ ആദ്യമായിട്ട് വീഡിയോ ചെയ്യുന്നത് ,വലിയ ക്ലാരിറ്റി ഒന്നും ഇല്ലായിരുന്നു എന്നിരുന്നാലും ആ ഫോണിലായിരുന്നു ഞാൻ വീഡിയോ എടുത്തിരുന്നത് . ഇന്നിപ്പോ ഇറങ്ങുന്ന എല്ലാ ഗാഡ്ജറ്റും ,ആപ്പിൾ പ്രോഡക്റ്റ്സ് ഞാൻ സ്വന്തമാക്കാറുണ്ട് .അത് എൻ്റെ അഹങ്കാരമല്ല എൻ്റെ നേട്ടമാണ് .ഏത് ലാപ്പ്ടോപ്പാണോ വാങ്ങിക്കാൻ തോന്നാറ് അത് ഞാൻ വാങ്ങിക്കാറുമുണ്ട് . അങ്ങനെ ഞാൻ അത്തരത്തിൽ വളർന്നു . ക്രമേണ അംഗീകാരങ്ങൾ കിട്ടി തുടങ്ങിയപ്പോൾ സുഹൃത്തുക്കൾ എല്ലാം തിരികെ വന്നു .പക്ഷെ അന്ന് എന്നെ പരിഹസിച്ചവരോടും പുച്ഛിച്ചവരോടും കല്ലെറിഞ്ഞവരോടും എനിക്ക് ഇന്നും ഒന്നേ പറയാനുള്ളൂ ,നിങ്ങൾ എറിഞ്ഞ കല്ലുകൾ എല്ലാം ഞാൻ സ്വീകരിച്ചു അതിനുശേശം ആ കല്ലുകൾ കൂട്ടിയിട്ടു അതിനു മുകളിൽ നിന്ന് ഞാൻ തിരിഞ്ഞു നോക്കി. എന്നെ പുച്ഛിച്ചവർ ഇന്ന് എവിടെ എത്തി ,ഞാൻ ഇന്ന് എവിടെ എത്തി എന്ന് ഓർക്കുമ്പോൾ എനിക്ക് അഭിമാനം തോന്നുന്നു `_BANNER_` ## 3. നിങ്ങളെ കുറിച്ചും നിങ്ങളുടെ കുടുംബത്തെ പറ്റിയും കൂട്ടുകാരെ പറ്റിയും പറയാമോ? ഈ ഒരു അവസരം കൂടെ നിന്നതിൽ അവർക്ക് നന്ദി പറയാനായി ഉപയോഗിക്കാം എൻ്റെ കുടുംബത്തെ പറ്റി പറയുകയാണെങ്കിൽ എന്റെ അച്ഛൻ ഒരു പട്ടാളക്കാരൻ ആയിരുന്നു ,എൻ്റെ ഉമ്മ ഗവൺമെന്റ് ആശുപത്രിയിലെ നേഴ്സ് ആയിരുന്നു.എനിക്ക് 4 വയസുള്ളപ്പോഴാണ് അച്ഛൻ മിലിറ്ററിയിൽ നിന്നും റിട്ടയർഡായത് ,പിന്നീട് PWD കോൺട്രക്റ്ററായി. ഞങ്ങൾ 3 പെണ്മക്കൾ ആയത്കൊണ്ട് 12 വർഷത്തെ സർവീസ് നു ശേഷം ഉമ്മ ജോലി രാജിവെച്ചു അച്ഛന്റെ കൂടെ വന്നു .അവർ രണ്ടുപേരും ഉത്തർപ്രദേശിലെ ലക്ക്‌നൗവിലായിരുന്നു ജോലി ചെയ്ത്കൊണ്ടിരുന്നത്. ഞങ്ങൾ 3 പെൺകുട്ടികളിൽ മൂത്ത ആൾ ജിഷ ,രണ്ടാമത്തെയാൾ ജിംഷാ,ഞാൻ ആണ് ഇളയ മകൾ . ഞാൻ പഠിച്ചത് എല്ലാം നാട്ടിലെ ഗവൺമെന്റ് സ്കൂൾ ആയ വി.വി.എച്.എസ് .എസ് താമരക്കുളത്താണ് , എന്നെ വളർത്തികൊണ്ടുവന്നതും എൻ്റെ ഈ സ്വഭാവത്തെ ഉണ്ടാക്കിയെടുത്തതും ഈ സ്കൂളാണ് . എന്തും അവതരിപ്പിയ്ക്കാൻ ഉള്ളതും എന്തും ധൈര്യത്തോടെ നേരിടാനും ഉള്ള കഴിവ് കിട്ടിയത് ആ സ്കൂളിൽ നിന്നാവാം എന്ന് വിചാരിക്കുന്നു . ശേഷം ഞാൻ എൻ്റെ കമ്പ്യൂട്ടർ സയൻസിൽ എഞ്ചിനീയറിംഗ് പഠനം പൂർത്തിയാക്കിയത് മുസലിയാർ എഞ്ചിനീയറിംഗ് കോളേജിൽ നിന്നാണ് . എൻ്റെ ഭർത്താവ് ഫൈസൽ ഒരു എം.സി.എ ക്കാരൻ ആയിരുന്നു.അദ്ദേഹം ഇപ്പൊൾ വ്ലോഗ്ഗിങ്‌ലേക്ക് മാറി.എൻ്റെ പേജുകൾ കൈകാര്യം ചെയുന്നത് എല്ലാം അദ്ദേഹമാണ്.എൻ്റെ രണ്ടാമത്തെ ചേച്ചി ഖത്തർ ഇൽ ആണ് ,മൂത്ത ചേച്ചി ഡൽഹിയിലായിരുന്നു ഇപ്പൊൾ നാട്ടിലാണ് . എൻ്റെ ഉമ്മ 2 വര്ഷം മുൻപ് മരണപെട്ടു ,മരണപെട്ടു എന്ന് പറയുമ്പോൾ ശരീരം കൊണ്ട് മാത്രം പോയി എന്ന് വിശ്വസിക്കുന്നു ,ഞങ്ങളുടെ കൂടെ ഇന്നും ജീവിച്ചിരിക്കുന്നു എന്ന് തന്നെ വിശ്വസിക്കുന്നുണ്ട് ,എൻ്റെ നേട്ടങ്ങൾ ഉമ്മ ലോകത്തിൽ എവിടെയോ ഇരുന്ന് കണ്ട് സന്തോഷിക്കുന്നു എന്ന് ഞാൻ കരുതുന്നുണ്ട് . ഇപ്പോഴും എൻ്റെ ജീവിതത്തിലെ നല്ല നിമിഷങ്ങൾ ഉമ്മയുടെ ഖബർ ന്റെ അടുത്തു ചെന്ന് എൻ്റെ വിശേഷങ്ങൾ , കഥകൾ എല്ലാം പങ്കുവയ്ക്കാൻ ഞാൻ പോകാറുണ്ട്. എനിക്ക് 6 വയസ്സ് ഉള്ള ഒരു മകൾ ഉണ്ട് അവളുടെ പേര് ഇനാരാ ഫാത്തിമ എന്നാണ് .ഗായത്രി എന്ന് പറഞ്ഞ സ്കൂളിലാണ് അവൾ പഠിക്കുന്നത് . എനിക്ക് ഒരുപാട് സുഹൃത്തുക്കൾ ഉണ്ട്.എൻ്റെ കുടുംബക്കാർ എല്ലാം എനിക്ക് പിന്തുണ ചെയ്യാറുണ്ട് . എനിക്ക് എൻ്റെ ജീവിതത്തിൽ എടുത്ത് പറയാനുള്ള ഒരു അദ്ധ്യാപികയുണ്ട് .കുഞ്ഞു നാളിൽ മുതൽ എനിക്ക് പിന്തുണ തന്ന് കൂടെകൂട്ടിയ സ്മിത ശങ്കർ ടീച്ചർ. ഈ ഒരു അവസരത്തിൽ ഞാൻ ഏറ്റവും കൂടുതൽ നന്ദി പറയണം എന്ന് ആഗ്രഹിക്കുന്നത് എൻ്റെ മാതാപിതാക്കളോടും ഭർത്താവിനോടും എൻ്റെ സഹോദരിമാരോടുമാണ് ,കാരണം തുടക്കം മുതൽ എന്നെ എല്ലാവരും പരിഹസിച്ചപ്പോഴും അവർക്കും പരിഹാസം ഏറ്റുവാങ്ങേണ്ടി വന്നിട്ടുണ്ട് ,അതൊന്നും ഒരിക്കൽ പോലും അവർ എന്നോട് പറഞ്ഞിരുന്നില്ല . ഞാൻ എവിടെയൊക്കെ വീണുപോയിട്ടുണ്ടോ അവിടെയെല്ലാം എന്നെ പിടിച്ചുനിർത്തിയത് ഇവരാണ് എൻ്റെ നന്ദിയും കടപ്പാടും ജീവിതാവസാനം വരെ അവരോട് ഉണ്ടാവും . എനിക്ക് ഷംജാദ് എന്ന ഒരു സുഹൃത്ത് ഉണ്ട് ,എല്ലാവരും തള്ളി പറഞ്ഞപ്പോഴും എനിക്ക് വേണ്ടി വീഡിയോ ചെയ്യാൻ വിഷയങ്ങൾ കണ്ടെത്തി തന്നത് ഷംജാദ് ആയിരുന്നു.  ## 4. നിങ്ങളുടെ ജീവിതത്തിൽ സമൂഹമാധ്യമങ്ങളുടെ സ്വാധീനം എത്രത്തോളം ഉണ്ടായിരുന്നു ? നിങ്ങളുടെ ഭാവി പദ്ധതികൾ എന്തെല്ലാമാണ് ? സമൂഹമാധ്യമം എൻ്റെ ജീവിതത്തിൽ എത്തിയതിനുശേഷമാണ് ഞാൻ ഇന്ത്യയ്ക്ക് പുറത്തു പോകുന്നത് .യാത്ര ചെയ്യാൻ വളരെ അധികം ആഗ്രഹിക്കുന്ന ഒരു വ്യക്തിയാണ് ഞാൻ .പക്ഷെ ജീവിതത്തിൽ ഞാൻ ആകെ പോയിട്ടുള്ളത് സ്കൂളുകളിൽ നിന്ന് ചെറിയ യാത്രകൾക്ക് മാത്രമായിരുന്നു. വിമാനത്തിൽ യാത്ര ചെയ്യുക എന്നത് എൻ്റെ സ്വപ്നമായിരുന്നു . ഇപ്പോൾ ഇതിനോടകം എനിക്ക് ഒരുപാട് രാജ്യങ്ങളിൽ പോകാൻ’കഴിഞ്ഞു ,അതൊരു വല്ല്യ നേട്ടമായിട്ട് ഞാൻ കാണുന്നുണ്ട് . എൻ്റെയും ഭർത്താവിന്റെയും ഭാവി പദ്ധതി എന്തെന്നാൽ ലോകം മുഴുവൻ ചുറ്റി ക്കാണണം ,അതിൽ ഏറ്റവും മനോഹരമെന്നു തോന്നുന്ന രാജ്യങ്ങളിൽ എൻ്റെ ഉപ്പാനെയും മകളെയും കൂട്ടി യാത്ര ചെയ്യണം. ഉപ്പ ജോലിചെയ്ത സ്ഥലത്തിൽ നിന്ന് വന്നിട്ട് ഇപ്പൊ 26 വർഷമായി ,അപ്പോൾ അങ്ങോട്ടേക്കെല്ലാം ഒരു റോഡ് യാത്ര പോകണം ,അവിടെ അദ്ദേഹത്തിന്റെ പഴയ സുഹൃത്തുക്കൾ ഉണ്ടെങ്കിൽ അവരെ കാണണം ,26 വർഷം കൊണ്ടുണ്ടായ മാറ്റം അദ്ദേഹത്തെ കാണിച്ചുകൊടുക്കണം,ഉമ്മയെയും കൂടെ കൂട്ടണം എന്ന് ആഗ്രഹം ഉണ്ടായിരുന്നു അത് നടന്നില്ല .  ## 5. ഒരു യുവ യൂട്യൂബറിന് നിങ്ങൾക്ക് എന്ത് ഉപദേശമാണ് നൽകാനുള്ളത് ? പ്രത്യേകിച്ച് സ്ത്രീകൾക്ക് നമ്മളെ ആരൊക്കെ തളർത്തിയാലും നമ്മുടെ കഴിവിനെ നമുക്ക് വിശ്വാസം വേണം .ഞാൻ അതിന് ഉദാഹരണമാണ് .ഞാൻ ഒരു വട്ട പൂജ്യമായിരുന്നു , എല്ലായിടത്തും തളർത്തപെട്ട ഒരു വ്യക്തിയായിരുന്നു ,ആ ഞാൻ ഇന്ന് ഇങ്ങനെ മാറിയിട്ടുണ്ടെങ്കിൽ അത് എൻ്റെ കഠിനാദ്ധ്വാനത്തിന്റ ബലമാണ്. എല്ലാവരും തളർത്തിയപ്പോൾ ഞാൻ പുറകിലേക്ക് പോയിരുന്നെങ്കിൽ ഞാൻ ഇന്നും തോറ്റ ഒരാളായേനെ,ഞാൻ എൻ്റെ കഴിവിൽ വിശ്വസിച്ചു. എൻ്റെ കുടുംബം എന്നിൽ വിശ്വസിച്ചത് കാരണം ഞാൻ ഇന്ന് എന്തെങ്കിലും നേടിയിട്ടുണ്ടെങ്കിൽ അത് ഞാൻ എൻ്റെ കഴിവിൽ വിശ്വസിച്ചതുകൊണ്ടാണ് ,ആർക്കെങ്കിലും ജീവിതത്തിൽ എന്തെങ്കിലുമൊക്കെ കഴിവ് ഉണ്ടായിരിക്കും . ജീവിതത്തിൽ വലിയ സ്വപ്‌നങ്ങൾ കാണണം ,അതിന് ഏറ്റവും വലിയ ഉദാഹരണമാണ് സന്തോഷ് ജോർജ് കുളങ്ങരയുടേത് “മറൈൻ ഡ്രൈവിൽ നിന്ന് കാണുന്ന സ്വപ്നവും ദുബായി ബുർജ് ഖലീഫയുടെ താഴെ നിന്ന് കാണുന്ന സ്വപ്നവും തമ്മിൽ ഒരുപാട് വ്യത്യാസമുണ്ട്” നമ്മൾ വലിയ സ്വപ്നം കാണാൻ ശ്രമിക്കുക അതിന് ശേഷം അത് എത്തിപ്പിടിക്കാൻ ഉള്ള ശ്രമം തുടങ്ങുക ,എന്തായാലും നമ്മൾ എത്തിച്ചേരും എന്നുള്ളത് നൂറ് ശതമാനം ഉറപ്പാണ്  ## 6. ഒരു യൂട്യൂബ് വീഡിയോ ഷൂട്ട് ചെയ്യുന്നതിൽ എന്തെല്ലാം പ്രക്രിയകൾ അടങ്ങിയിട്ടുണ്ട് ?തുടക്കത്തിൽ അതെല്ലാം നിങ്ങൾ എങ്ങനെയായിരുന്നു പഠിച്ചത് ? ഞാൻ യൂട്യൂബിലും ഫേസ്ബുക്കിലും വീഡിയോ ചെയ്തത് ഒരിക്കൽ പോലും ഇതിനെ പറ്റി പഠിച്ചിട്ടല്ല .ഇതെല്ലാം എൻ്റെ ഭർത്താവിന്റെ അധ്വാനമാണ് ,അതിനെപ്പറ്റി ഒന്നും ഞാൻ ഇത്തവരേ ചിന്തിച്ചിട്ടില്ല. ഞാൻ ഒരു വീഡിയോ ഷൂട്ട് ചെയ്യുന്നതിന് മുൻപ് ഒരുപാട് തയ്യാറെടുപ്പുകളൊന്നും എടുക്കാറില്ല ,ഏതാണ് വിഷയം എന്നുള്ളത് ഞാൻ കേൾക്കും ,എന്നിട്ട് ക്യാമറ ഓൺ ആകുമ്പോൾ എൻ്റെ മനസ്സിൽ വരുന്നത് അത് ഞാൻ അവതരിപ്പിക്കും ,നമ്മൾ പഠിച്ചു ഒരു കാര്യം ചെയ്യുമ്പോൾ അതിനൊരു ജീവൻ ഇല്ലാത്ത പോലെ തോന്നും . എനിക്ക് തോന്നുന്ന കാര്യങ്ങൾ ക്യാമറയുടെ മുന്നിൽ അവതരിപ്പിക്കുമ്പോഴാണ് യഥാർത്ഥത്തിൽ ജിൻഷ ജിൻഷയായിട്ട് അവതരിപ്പിക്കുന്നത്.തുടക്കത്തിൽ ഞാൻ അങ്ങനെയല്ലായിരുന്നു ഒരു വിഷയം കിട്ടിയാൽ അതിനെപ്പറ്റി ഒരുപാട് എഴുതി അത് കാണാതെ പഠിക്കും അതിനുശേഷം ഒരുപാട് ടേക്കുകൾ പോയിട്ടായിരുന്നു വീഡിയോ ശെരിയാവാറുള്ളത് . നാളെ ഷൂട്ട് ആളാണെങ്കിൽ അതിനെ പറ്റി ഇന്ന് പഠിക്കണം എന്ന ചിന്ത ഒന്നും ഇപ്പോൾ ഇല്ല ,നാളെ പത്ത് മണിക്കാണ് ഷൂട്ട് എങ്കിൽ ഞാൻ അന്ന് എട്ട് മാനിക്കായിരിക്കും അതിനെ പറ്റി ആലോചിച്ചതുടങ്ങുന്നത് . തുടക്കത്തിൽ യൂടൂബിൽ വീഡിയോ ചെയ്തപ്പോൾ എനിക്കറിയില്ലായിരുന്നു എങ്ങനെ അത് അപ്‌ലോഡ് ചെയ്യണമെന്നൊന്നും , അതിനൊന്നും സഹായിക്കാനാരുമില്ലായിരുന്നു ,അങ്ങനെ ആരെയും എനിക്കറിയില്ലായിരുന്നു ,അങ്ങനെ അന്ന് ആദ്യമായിട്ട് സിനിമയുടെ പാട്ട് ബാക്ക്ഗ്രൗണ്ട് ആക്കി വെച്ചതിന് എനിക്ക് കോപ്പിറൈറ് പ്രശ്നം വന്നിരുന്നു അങ്ങനെ ആറ് മാസം എനിക്ക് യൂട്യൂബ് ഉപയോഗിക്കാൻ സാധിച്ചിരുന്നില്ല , അപ്പോഴാണ് ഞാൻ തിരിച്ചറിയുന്നത് യൂട്യൂബ് ചാനലിൽ സിനിമയുടെ പാട്ട് ഉപയോഗിക്കാൻ പാടില്ല എന്നത്. എന്നാൽ ഇപ്പോൾ ഞാൻ എങ്ങനെ ഒരു യൂടൂബറാവാം ,വീഡിയോ ചെയ്യാം എന്നുള്ള എന്നുള്ള വീഡിയോകൾ ചെയുന്ന സമയത്ത് ഞാൻ ഏറ്റവും കൂടുതൽ ആലുളകളോട് പാറുന്നതാണ് എനിക്ക് ഇതുപോലെ ഒരു തെറ്റ് പറ്റിയതുകൊണ്ട് നിങ്ങൾ വീഡിയോ എടുക്കുമ്പോൾ കോപ്പിറൈറ് പ്രശ്നമുള്ള പാട്ട് ഉള്കൊള്ളിക്കരുത് എന്നത്. എങ്ങനെ ഒരു യൂടൂബറാവാം ,എങ്ങനെ ഒരു വ്‌ളോഗറാവാം,ഒരു പേജ് എങ്ങനെ തുടങ്ങാം ,ഒരു ചാനൽ ഇങ്ങാനെത്തുടങ്ങുങ്ങാം എന്നുള്ള വീഡിയോസ് ഇടാറുണ്ട് അങ്ങനെ ഒരുപാട് പേർ പേജ് തുടങ്ങി വ്‌ളോഗറായിട്ടൊക്കെ എനിക്ക് മെസ്സേജായ്ക്കാറുണ്ട് അതൊരു വലിയ സന്തോഷമാണ് ## Quick Bites ### Favourite food, drink & place : എൻ്റെ ഇഷ്ടഭക്ഷണം ഉമ്മ വീട്ടിൽ ഉണ്ടാക്കിയിരുന്ന ചോറും മീൻകറിയുമാണ്,പക്ഷെ പല രാജ്യങ്ങളിൽ പോകുമ്പോളും എനിക്ക് അത് കഴിക്കാൻ കിട്ടാർ ഇല്ല,അപ്പോൾ അവിടെയെല്ലാം പോകുമ്പോൾ ഞാൻ പഴങ്ങൾ കൊണ്ട് തൃപ്തിപ്പെടും,എല്ലാ രാജ്യങ്ങളിൽ പോകുമ്പോഴും അവിടുത്തെ ഭാഷണം ഞാൻ കഴിച്ചുനോക്കാറുണ്ട്. എൻ്റെ ഉമ്മ രാത്രിസമയങ്ങളിൽ കഞ്ഞിവെള്ളത്തിൽ ചൊറിട്ടിട്ട് ഉപ്പ് മാത്രം ചേർത്തിട്ട് വാരിതരാറുണ്ട് അതിന്റ രുചി എനിക്ക് വേറെ ഒരു ഭക്ഷണത്തിലും കിട്ടിയിട്ടില്ല പഴങ്ങളുടെ ജ്യൂസ് എനിക്ക് നല്ല ഇഷ്ടമാണ് അതിൽ അവകാഡോ ജ്യൂസ് ആണ് എനിക്ക് ഏറ്റവുമിഷ്ടം . ഞാൻ ഇതുവരെ സഞ്ചരിച്ചതിൽ വെച് എനിക്ക് ഏറ്റവും ഇഷ്ടപെട്ട സ്ഥലം ഇന്ത്യയിൽ മസിനാകുടിയാണ്.പുറം രാജ്യങ്ങളിൽ വെച് നോക്കുമ്പോൾ ഇൻഡോനേഷ്യയിലെ ബാലി എനിക്ക് വളരെ ഇഷ്ടമാണ് ### First love (need not be a person, music, sports ,etc) : ഞാൻ ഏറ്റവും കൂടുതൽ സ്നേഹിച്ചതും സ്നേഹിക്കുന്നതും എൻ്റെ മാതാപിതാക്കളെയാണ് ,എൻ്റെ ആദ്യ പ്രണയം എന്നുദ്ദേശിക്കുന്നത് ഞാൻ അത് തന്നെയാവാം ### Book/movie that you love and why : ഞാൻ അങ്ങനെ വായന ശീലമുള്ള ഒരാളല്ല ,ഇന്ന് മുതൽ ബാലരമക്ക് മുകളിലോട്ട് ഒരു വനിതാ മാഗസിൻ പോലും വായിക്കാൻ താല്പര്യമില്ലാത്ത ഒരാളാണ് ഞാൻ. മകളുടെ ബാലരമ ,കളിക്കുടുക്ക അതിനോടാണ് എനിക്ക് ഇപ്പോഴും താല്പര്യം ,അതിനപ്പുറത്തേക്ക് ഞാൻ വളർന്നിട്ടില്ല, പിന്നെ പഠിക്കുന്ന കാലത്ത് ചേതൻ ഭാഗത്തിന്റെ ‘ഹാഫ് ഗേൾ ഫ്രണ്ട് ‘എന്ന ബുക്ക് വായിച്ചിട്ടുണ്ട് ,അത് വളരെയധികം ഇഷ്ടപെട്ട ഒരു കഥയാണ് . അത് വായിച്ച സമയത് ചേതൻ ഭഗത്ത് എന്ന വ്യക്തിയെ കാണണം എന്ന് ആഗ്രഹമുണ്ടായിരുന്നു ,യൂ എ ഇ ഇൽ വെച്ചിട്ട് എനിക്ക് അതിനും സാധിച്ചു . ### Your happy place : എൻ്റെ ജീവിതത്തിൽ ഹാപ്പി പ്ലെസ് എന്ന്പറയുന്നത് എൻ്റെ വീടാണ് ,ഞാൻ ഏറ്റവും കൂടുതൽ സന്തോഷത്തോടെ ഇരിക്കുന്നത് എൻ്റെ വീട്ടിൽ തന്നെയാണ് ,എവിടെ പോയാലും തിരിച്ചു വീട്ടിൽ എത്താൻ ആഗ്രഹം വരും . അന്നും ഇന്നും എന്നും എൻ്റെ ഇഷ്ടസ്ഥലം വീട് തന്നെയാണ് . ### Favourite past time : രണ്ട് വർഷം മുൻപ് ഉമ്മ മരണപെട്ടു ,എൻ്റെ മാതാപിതാക്കൾ ,സഹോദരിമാർ ഞങ്ങൾ ഒരുമിച്ചുള്ള കാലമായിരുന്നു ഏറ്റവും മനോഹരവും സന്തോഷപൂർമ്മയതും .ഉമ്മ മരണപ്പെട്ട് രണ്ടുവർഷം കഴിഞ്ഞു അന്ന് തൊട്ട് എനിക്ക് പൂർണതയിൽ സന്തോഷിക്കാൻ കഴിഞ്ഞിട്ടില്ല ### Your idea of peace of mind : ഞാൻ വിചാരിക്കുന്നത് ഓരോ നിമിഷവും വർത്തമാന കാലത്തിൽ ജീവിക്കുക എന്നതാണ് ,കഴിഞ്ഞു പോയതിനെ കുറിച്ചും ,വരാനിരിക്കുന്നതിനെ കുറിച്ചും ആലോചിക്കാതിരിക്കുക . ഇപ്പോൾ ഉള്ള നിമിഷം സന്തോഷകരമായി മുൻപോട്ട് കൊണ്ടുപോകുക . ഭൂതവും ഭാവിയും ചിന്തിക്കുമ്പോഴാണ് നമ്മൾ ടെൻഷൻഅടിക്കുന്നത് ### A favorite quote or a quote that you live by : എനിക്ക് ഇഷ്ടപ്പെട്ട ഉദ്ധരണി എന്തെന്നാൽ “ബഹുമാനം നൽകുക, ബഹുമാനിക്കപ്പെടുക". Listen to the full audio interview here : [Jinsha Basheer Interview with Katha](https://www.youtube.com/watch?v=lku2Ym5BhRU)