മാനസിക സമ്മർദ്ദം കൈകാര്യം ചെയ്യാൻ മികച്ച 10 പുസ്തകങ്ങൾ
ഈ ലോകം മുന്നോട്ട് കുതിച്ചു കൊണ്ടിരിക്കുകയാണ്. മനുഷ്യനും വളരെ വേഗത്തിൽ തന്നെ മുന്നോട്ടു പോകേണ്ടി വരുന്നു.വേഗത കൂടിയുള്ള ഈ ഓട്ടത്തിൽ സ്വാഭാവികമായി വന്നുചേരുന്ന ഒന്നാണ് സ്ട്രെസ്സ് അഥവാ മാനസിക പിരിമുറുക്കം (മാനസിക സമ്മർദ്ദം).
ഈ കാലഘട്ടത്തിൽ മാനസികപിരിമുറുക്കം അനുഭവിക്കാത്തവർ വിരളമായിരിക്കും. കാരണങ്ങൾ എന്തുമാകട്ടെ, ആ മാനസിക പിരിമുറുക്കങ്ങളിൽ നിന്നും രക്ഷ നേടാനും എല്ലാവരും ആഗ്രഹിക്കുന്നു. അതിനുള്ള വഴികൾ തേടുന്നു.
മാനസിക പിരിമുറുക്കം നേരിടാൻ ചിലർ സംഗീതം കേൾക്കും. ചിലർ പുസ്തകം വായിക്കും. അങ്ങനെ മാനസിക പിരിമുറുക്കം കുറയ്ക്കാനുള്ള ചില വഴികൾ ശാസ്ത്രജ്ഞന്മാരും ചിന്തകരും കൂടി കണ്ടെത്തിയിട്ടുണ്ട്. അത്തരത്തിൽ മാനസിക പിരിമുറുക്കം കൈകാര്യം ചെയ്യാനുള്ള വഴികൾ അടങ്ങിയ പത്ത് നല്ല പുസ്തകങ്ങൾ ആണ് താഴെ പരിചയപ്പെടുത്തുന്നത്.
1. ഹൗ ടു സ്റ്റോപ്പ് വറീയിങ് ആൻഡ് സ്റ്റാർട്ട് ലിവിംഗ് - ഡേൽ കാർണെഗി
ജീവിത വിജയത്തിൻ്റെ പുസ്തകങ്ങളിൽ രാജാവായി വിചാരിക്കുന്ന പുസ്തകമാണ് ഹൗ ടു സ്റ്റോപ്പ് വറീയിങ് ആൻഡ് സ്റ്റാർട്ട് ലിവിംഗ്. എഴുത്തുകാരനും അധ്യാപകനുമായ ഡേൽ കാർണെഗിയാണ് ഈ പുസ്തകത്തിൻ്റെ രചയിതാവ്.
1948-ൽ പ്രസിദ്ധീകരിച്ച ഈ പുസ്തകത്തിൻ്റെ പുതിയ പതിപ്പുകൾ ഇപ്പോഴും പുറത്തിറങ്ങുന്നുണ്ട് എന്നത് ഈ പുസ്തകത്തിൻ്റെ മഹത്വത്തെ വിളിച്ചോതുന്നു. വായനക്കാരനെ കൂടുതൽ ആസ്വാദ്യകരവും സംതൃപ്തവുമായ ജീവിതത്തിലേക്ക് നയിക്കുക എന്നതാണ് ഈ പുസ്തകത്തിൻ്റെ ലക്ഷ്യം.
തങ്ങളെ മാത്രമല്ല ചുറ്റുമുള്ളവരെക്കുറിച്ചും കൂടുതൽ ബോധവാന്മാരാക്കാൻ ഈ പുസ്തകം സഹായിക്കുന്നു. മാനസിക പിരിമുറുക്കം അനുഭവിക്കുന്നവർക്കും എങ്ങനെ ജീവിതം ആസ്വാദ്യകരമാക്കാം എന്നും ഈ പുസ്തകത്തിൽ പറയുന്നുണ്ട്. ഡേൽ കാർണെഗിയുടെ വാക്കുകളിൽ, ന്യൂയോർക്കിലെ ഏറ്റവും അധികം അസന്തുഷ്ടരായ കുട്ടികളിൽ ഒരാളായിരുന്നു അദ്ദേഹം എന്നും അതിനാലാണ് മനുഷ്യർക്ക് ജീവിതത്തിലെ സ്ഥാനം മനസ്സിലാക്കി കൊടുക്കാനും, മനക്ലേശം അനുഭവിക്കാതെ ജീവിക്കാനും പഠിപ്പിക്കുന്ന ഈ പുസ്തകം എഴുതാൻ തീരുമാനിച്ചത്.
നിരവധി മനുഷ്യരുമായി അഭിമുഖം നടത്തി അവരുടെ അനുഭവങ്ങളെ പഠിച്ച് നിരവധി സത്യ കഥകളിലൂടെയാണ് കാർണെഗി ജീവിതം രസകരമാക്കാനുള്ള വഴികൾ ഈ പുസ്തകത്തിലൂടെ പറഞ്ഞു തരുന്നത്.
ഈ പുസ്തകം ലഭിക്കാൻ : https://www.amazon.in/dp/8175993952/
ഈ പുസ്തകത്തിൻ്റെ മലയാള പരിഭാഷയും വിപണിയിൽ ലഭ്യമാണ് : https://www.indulekha.com/manaklesamillathe-jeevikkunnathengane-dale-carnegie-how-to-stop-worrying-and-start-living
2. വൈ സീബ്രാസ് ഡോണ്ട് ഗെറ്റ് അൾസേഴ്‌സ് - റോബർട്ട് എം സപോൾസ്കി
ഈ പുസ്തകത്തിൻ്റെ രസകരമായ തലക്കെട്ട് വായിക്കുമ്പോൾ തന്നെ നമ്മുടെ പിരിമുറുക്കം മാറി മുഖത്ത് ഒരു പുഞ്ചിരി വിടരും. ഈ പുസ്തകത്തിൻ്റെ പുറം ചട്ടയിൽ തന്നെ "മനക്ലേശം മൂലമുള്ള രോഗങ്ങൾക്കും,
മനക്ലേശത്തിനെ എങ്ങനെ അഭിമുഖീകരിക്കാം എന്നതിനുമുള്ള മികച്ച മാർഗദർശി" എന്ന് എഴുതിവച്ചിരിക്കുന്നു. അത് തന്നെയാണ് ഈ പുസ്തകവും. 1994-ൽ ആദ്യമായി പ്രസിദ്ധീകരിച്ച ഈ പുസ്തകം എഴുതിയിരിക്കുന്നത് സ്റ്റാൻഫോർഡ് യൂണിവേഴ്സിറ്റിയിലെ ബയോളജിസ്റ്റ് ആയ റോബർട്ട് എം സപോൾസ്കി ആണ്.
ഒരു ബായോളജിസ്റ്റ് എഴുതിയത് കൊണ്ടുതന്നെ ഈ പുസ്തകം കൂടുതൽ വിദ്യാഭ്യാസപരമായി രചിക്കപ്പെട്ടിരിക്കുന്നു. സപോൾസ്കിയുടെ വിശദീകരണത്തിൽ : നാം വിഷമിക്കുമ്പോഴോ സമ്മർദ്ദം അനുഭവിക്കുമ്പോഴോ ഒരു സാധാ മൃഗത്തിനുണ്ടാകുന്ന ശാരീരിക പ്രതികരണങ്ങളെ മനുഷ്യരിലും ഉണ്ടാകുന്നുള്ളൂ.
പക്ഷേ, മൃഗങ്ങളെപ്പോലെ യുദ്ധത്തിലൂടെയോ ഒടിമാറുന്നതിലൂടെയോ നമ്മൾ ആ സംഘർഷം പരിഹരിക്കുന്നില്ല. കാലക്രമേണ ഈ സമ്മർദ്ദ പ്രതികരണങ്ങൾ നമ്മെ രോഗികളാക്കുന്നു.
നർമ്മത്തിൻ്റെയും പ്രായോഗിക ഉപദേശത്തിൻ്റെയും ഭാഷയിലൂടെ ഗവേഷണവും സംയോജിപ്പിച്ച് നീണ്ടുനിൽക്കുന്ന സമ്മർദ്ദത്തിലൂടെ വിഷാദം, അൾസർ, ഹൃദ്രോഗം എന്നിവ വരുന്നത് എങ്ങനെയെന്ന് വിശദീകരിക്കുന്നു നമ്മുടെ സമ്മർദ്ദ പ്രതികരണങ്ങൾ നിയന്ത്രിക്കുന്നതിനുള്ള ആവശ്യ മാർഗനിർദേശങ്ങളും ഈ പുസ്തകം തരുന്നുണ്ട്.
ഈ പുസ്തകം ലഭിക്കാൻ : https://www.amazon.in/dp/0805073698
3. ദ അപ്‌സൈഡ് ഓഫ് സ്ട്രെസ്സ് - കെല്ലി മക്ഗോണിഗൽ
2015-ൽ പ്രസിദ്ധീകരിച്ച ഈ പുസ്തകം മാനസിക പിരിമുറുക്കത്തെ മറ്റൊരു രാത്രിയിൽ കാണാൻ ശ്രമിക്കുന്നു. അപ്‌സൈഡ് സ്ട്രെസ്സിൻ്റെ രചയിതാവ് സ്‌റ്റൻഫോഡ് യൂണിവേഴ്സിറ്റിയിലെ അധ്യാപികയും ഹെൽത്ത് സൈക്കോളജിസ്റ്റുമായ കെല്ലി മക്ഗോണിഗൽ ആണ്.
മാനസിക പിരിമുറുക്കം മോശമല്ല എന്നതാണ് കെല്ലി മക്ഗോണിഗൽ ഈ പുസ്തകത്തിലൂടെ പറയാൻ ശ്രമിക്കുന്നത്. സമ്മർദ്ദം ശരീരത്തിന് ബുദ്ധിമുട്ടുണ്ടാക്കുമെങ്കിലും, അത് വളരാനും കൂടുതൽ പ്രതിരോധശേഷിയുള്ളവരാകാനും നമ്മെ സഹായിക്കുമെന്ന് കെല്ലി പറയുന്നു.
ഒരാൾക്ക് കൂടുതൽ ശ്രദ്ധ കൊടുക്കാനും വ്യക്തിബന്ധങ്ങളെ ദൃഢമാക്കാനും, വെല്ലുവിളി നിറഞ്ഞ സാഹചര്യങ്ങൾ നേരിടാനുള്ള കഴിവു വർദ്ധിപ്പിക്കാനും സമ്മർദ്ദം എത്രത്തോളം ഗുണം ചെയ്യുന്നു എന്ന് കെല്ലി തൻ്റെ പുസ്തകത്തിലൂടെ പറഞ്ഞു തരുന്നു.
ഈ പുസ്തകം ലഭിക്കാൻ : https://www.amazon.in/dp/1101982934
4. ഡോണ്ട് സ്വെറ്റ് ദ സ്മാൾ സ്റ്റഫ് ആൻഡ് ഇറ്റ്സ് ആൾ സ്മാൾ സ്റ്റഫ് - റിച്ചാർഡ് കാൾസൺ
നിങ്ങളുടെ ജീവിതം നശിപ്പിക്കുകയോ അല്ലെങ്കിൽ ജീവിക്കാൻ കഷ്ടപ്പെടുന്ന അവസ്ഥയിലേക്ക് നയിക്കുകയോ ചെയ്യുന്ന കാര്യങ്ങളിൽ മനക്ലേശം അനുഭവിച്ചിട്ട് കാര്യമില്ല.
അതാണ് 1997-ൽ പുറത്തിറങ്ങിയ ഡോണ്ട് സ്വെറ്റ് ദ സ്മാൾ സ്റ്റഫ് ആൻഡ് ഇറ്റ്സ് ആൾ സ്മാൾ സ്റ്റഫ് എന്ന ഈ പുസ്തകത്തിൻ്റെ ആശയം. ഈ പുസ്തകത്തിൻ്റെ രചയിതാവായ റിച്ചാർഡ് കാൾസൺ എഴുത്തുകാരനും, സൈക്കോ തെറാപ്പിസ്റ്റും, മോട്ടിവേഷണൽ സ്പീക്കറുമാണ്.
ഓരോ താളുകളിലും പിരിമുറുക്കം കുറയ്ക്കാനുള്ള വിശദമായ മാർഗ്ഗങ്ങൾ കുത്തിനിറയ്ക്കുന്നതിന് പകരം കാൾസൺ ലളിതമായ ഉപദേശങ്ങൾ കൊണ്ട് പുസ്തകം ക്രമീകരിച്ചിരിക്കുന്നു. ആർക്കും വരുത്താൻ കഴിയുന്ന ചെറിയ ദൈനംദിന മാറ്റങ്ങൾ ആണ് ഉപദേശങ്ങൾ ആയിട്ട് പേജുകളിൽ ഉള്ളത്. ഓരോ നല്ല മാറ്റവും നിങ്ങളുടെ ജീവിതത്തെ അൽപ്പം ശാന്തമാക്കുകയും സമ്മർദ്ദം കുറയ്ക്കുകയും കൂടുതൽ സ്ഥിരതയുള്ളതാക്കുകയും ചെയ്യുന്നു.
സമ്മർദത്തെ എങ്ങനെ ഫലപ്രദമായി നേരിടാം എന്നതിനെക്കുറിച്ച് പറഞ്ഞു തരുന്നതിനാൽ, പ്രത്യേകിച്ച് സമ്മർദപൂരിതമായ ജീവിതത്തിലൂടെ കടന്നു പോകുന്നവർക്ക് കയ്യിൽ കരുതാവുന്ന മികച്ച പുസ്തകമാണ് ഇത്.
ഈ പുസ്തകം ലഭിക്കാൻ : https://www.amazon.in/dp/0786881852
5. എ മൈൻഡ് ഫുൾനസ് ബേസ്ഡ് സ്ട്രെസ്സ് റിഡക്ഷൻ വർക്ക്ബുക്ക് - ബോബ് സ്റ്റാൾ, എലീഷ ഗോൾഡ്സ്റ്റെയിൻ
നമ്മുടെ ദൈനംദിന ജീവിതത്തിൽ സമ്മർദ്ദവും വേദനയും ഏറെക്കുറെ ഒഴിവാക്കാനാവാത്തതാണ്; അവ മനുഷ്യാവസ്ഥയുടെ ഭാഗമാണ്. ഈ സമ്മർദ്ദം പലപ്പോഴും നമ്മെ പ്രകോപിതരാക്കും, പിരിമുറുക്കം അനുഭവിപ്പിക്കും.
ജീവിതത്തെ നല്ല രീതിയിൽ നിലനിർത്തുക എന്നത് സമ്മർദ്ദത്തോട് നിരാശയും സ്വയം വിമർശനത്താലും പ്രതികരിക്കുക എന്നതല്ല, മറിച്ച് നമ്മുടെ മനസ്സിനെയും ശരീരത്തിനെയും കുറിച്ചുള്ള ബുദ്ധിപൂർവ്വവും വിവേചനരഹിതവുമായ അവബോധത്തോടെയാണെന്ന് ഈ പുസ്തകം പറയുന്നത്.
2010-ൽ പ്രസിദ്ധീകരിച്ച ഈ പുസ്തകം എഴുതിയിരിക്കുന്നത് ബോബ് സ്റ്റാളും എലീഷ ഗോൾഡ്സ്റ്റെയിനും ചേർന്നാണ്. മൈൻഡ്ഫുൾനെസ് ബേസ്ഡ് സ്ട്രെസ് റിഡക്ഷൻ (എംബിഎസ്ആർ) സമ്മർദ്ദം കൈകാര്യം ചെയ്യുന്നതിനുള്ള വളരെ ജനപ്രിയമായ ഒരു രീതിയാണ്.
ഇത് ക്ലിനിക്കലായി പരീക്ഷിക്കുകയും ലോകമെമ്പാടുമുള്ള ക്ലിനിക്കുകളും ക്ലാസുകളിലും പഠിപ്പിക്കുകയും ചെയ്യുന്നു. രചയിതാക്കളിൽ ഒരാളായ ബോബ് സ്റ്റാൾ ആണ് എംബിഎസ്ആർ-ൻ്റെ ഉപജ്ഞാതാവ്.
ഈ ശക്തമായ രീതി സ്ട്രെസ്സിനെ കൈകാര്യം ചെയ്യുന്ന രീതി മാറ്റാൻ ഇന്ന് എങ്ങനെ ജീവിക്കണം എന്നത് പഠിപ്പിച്ചു തരുന്നു. ഈ വർക്ക്ബുക്ക് വളരെ പ്രായോഗികവും പ്രവർത്തന അധിഷ്ഠിതവുമായ പരിശീലനമാണ് നൽകുന്നത്. സമ്മർദ്ദത്തെ നേരിടാൻ മൈൻഡ്ഫുൾനസ് രീതി ഉപയോഗിക്കാൻ ആഗ്രഹിക്കുന്നവർക്ക് ഈ പുസ്തകം വളരെ ഗുണപ്രദമായിരിക്കും.
ഈ പുസ്തകം ലഭിക്കാൻ : https://www.amazon.in/dp/0369356454/
6. ബേൺ ഔട്ട് : ദ സീക്രട്ട് ടു അൺലോക്കിങ് ദ സ്ട്രെസ്സ് സൈക്കിൾ - എമിലി നഗോസ്ക്കി, അമേലിയ നഗോസ്ക്കി
അമേരിക്കൻ ഗവേഷകയായ എമിലി നാഗോസ്ക്കിയും എഴുത്തുകാരിയും അധ്യാപികയുമായ അമേലിയ നഗോസ്ക്കിയും ചേർന്ന് എഴുതി 2019 മാർച്ചിൽ പ്രസിദ്ധീകരിച്ച പുസ്തകമാണ് ബേൺ ഔട്ട് : ദ സീക്രട്ട് ടു അൺലോക്കിങ് ദ സ്ട്രെസ്സ് സൈക്കിൾ.
സ്ത്രീപക്ഷം നിൽക്കുന്ന പുസ്തകമാണ് ഇത്. കൂടുതലായി സ്ത്രീകളെ ബാധിക്കുന്ന മാനസിക പിരിമുറുക്കങ്ങളെ ദൂരീകരിക്കുന്നതിന് മുൻഗണന കൊടുക്കുന്നതാണ് ഈ പുസ്തകം.
പുരുഷൻമാരേക്കാൾ വ്യത്യസ്തമായി സ്ത്രീകൾക്ക് സമ്മർദ്ദം അനുഭവപ്പെടുന്നത് എന്തുകൊണ്ടാണെന്ന് ഈ പുസ്തകം വിശദീകരിക്കുന്നു. കൂടാതെ സമ്മർദ്ദം കുറയ്ക്കാനും വികാരങ്ങൾ നിയന്ത്രിക്കാനും കൂടുതൽ സന്തോഷകരമായ ജീവിതം നയിക്കാനും സ്ത്രീകളെ സഹായിക്കുന്നതിന് ലളിതവും ശാസ്ത്രാധിഷ്ഠിതവുമായ ഒരു പദ്ധതിയും നൽകുന്നു. സ്ത്രീകളുടെ മാനസിക പിരിമുറുക്കം കൈകാര്യം ചെയ്യാൻ വേണ്ടിയുള്ള ഉത്തമ പുസ്തകമാണ് ഇത്.
ഈ പുസ്തകം ലഭിക്കാൻ : https://www.amazon.in/dp/1984818325/
7. മൈൻഡ്ഫുൾനസ് ഫോർ സ്ട്രെസ്സ് മാനേജ്മെൻ്റ് - ഡോ. റോബർട്ട് ഷാച്ചർ
കുടുംബം, രക്ഷാകർതൃത്വം, ജോലി, ജീവിത സമ്മർദ്ദങ്ങൾ എന്നിവയുൾപ്പെടെ പല തരത്തിലുള്ള സമ്മർദ്ദങ്ങളെ എങ്ങനെ കൈകാര്യം ചെയ്യാമെന്ന് 50 ശാസ്ത്ര-പിന്തുണയുള്ള സ്ട്രെസ് മാനേജ്മെന്റ് ടെക്നിക്കുകളിലൂടെ ഡോ. ഷാച്ചർ വായനക്കാരെ പഠിപ്പിക്കുന്നു.
2019-ൽ പുറത്തിറങ്ങിയ ഈ പുസ്തകത്തിൻ്റെ രചയിതാവ് ഡോ. റോബർട്ട് ഷാച്ചർ ഒരു സൈക്കോളജിസ്റ്റും പ്രൊഫസറും കൂടിയാണ്. ശ്വാസനിയന്ത്രണത്തിലൂടെയും മൈൻഡ്ഫുൾനെസ് പരിശീലിക്കുന്നതിലൂടെയും,
ക്രമരഹിതമായ സാഹചര്യങ്ങളിൽ എങ്ങനെ ശാന്തതയും നല്ല മനസ്സും നിലനിർത്താമെന്ന് വായനക്കാർക്ക് പഠിക്കാനും പരിശീലിക്കാനും ഈ പുസ്തകത്തിലൂടെ കഴിയും. ഈ പുസ്തകം, വിഷമിക്കുന്നത് നിർത്തി ഈ നിമിഷത്തിൽ ജീവിക്കാൻ പഠിക്കാനായി എളുപ്പമുള്ള സ്ട്രെസ് മാനേജ്മെന്റ് വ്യായാമങ്ങളുടെ ഒരു ശേഖരം നൽകുന്നു.
ഈ പുസ്തകം ലഭിക്കാൻ : https://www.amazon.in/Mindfulness-Stress-Management-Cultivate-Calmness-ebook/dp/B07V6HFP9S/
8. ദ സ്ട്രെസ്സ് പ്രൂഫ് ബ്രെയിൻ - മെലാനി ഗ്രീൻബർഗ്
2017-ൽ പുറത്തിറങ്ങിയ ദ സ്ട്രെസ്സ് പ്രൂഫ് ബ്രെയിൻ എന്ന പുസ്തകം എഴുത്തുകാരിയും സൈക്കോളജിസ്റ്റ്മായ മെലാനി ഗ്രീൻബർഗ് രചിച്ചിരിക്കുന്നു. നമ്മെ സമ്മർദ്ദത്തിലാക്കുന്ന കാര്യങ്ങൾ ഒഴിവാക്കാൻ കഴിയില്ലെങ്കിലും, അവയോട് എങ്ങനെ പ്രതികരിക്കണം എന്ന് നമുക്ക് മാറ്റാനാകും എന്ന രീതിയിലാണ് ഈ പുസ്തകത്തിൻ്റെ രചന.
ഈ പുസ്തകത്തിൽ, മെലാനി ഗ്രീൻബർഗ് സമ്മർദം മറികടക്കാൻ പോസിറ്റീവ് വികാരങ്ങളുടെ ശക്തി പ്രയോജനപ്പെടുത്താനുള്ള സമീപനം വിശദീകരിച്ച് വായനക്കാരെ സഹായിക്കുന്നു.
സ്ട്രെസ്-പ്രൂഫ് ബ്രെയിൻ, നെഗറ്റീവ് ചിന്ത, സ്വയം വിമർശനം, ഭയം എന്നിവ പോലുള്ള സമ്മർദ്ദത്തോടുള്ള അനാരോഗ്യകരമായ പ്രതികരണങ്ങൾ അവസാനിപ്പിക്കാൻ മൈൻഡ്ഫുൾനസ്, ന്യൂറോ സയൻസ്, പോസിറ്റീവ് സൈക്കോളജി എന്നിവയിൽ അധിഷ്ഠിതമായ ശക്തമായ, സമഗ്രമായ ടൂളുകൾ വാഗ്ദാനം ചെയ്യുന്നു
ഈ പുസ്തകം ലഭിക്കാൻ : https://www.amazon.in/dp/1626252661/
9. ദ സ്ട്രെങ്ത്ത്സ് ബേസ്ഡ് വർക്ക്ബുക്ക് ഫോർ സ്ട്രെസ്സ് റിലീഫ് - റയാൻ എം നീമിക്ക്
2019- ൽ പുറത്തിറങ്ങിയ ഈ പുസ്തകം രചിച്ചിരിക്കുന്നത് സൈക്കോളജിസ്റ്റ് ആയ റയാൻ എം നീമിക്ക് ആണ്.
വിട്ടുമാറാത്ത സമ്മർദ്ദത്തിന്റെ അവസ്ഥകളിൽ, ആളുകൾ അവരുടെ ശക്തിയും പോസിറ്റീവ് സ്വഭാവ സവിശേഷതകളും മറക്കുകയും നെഗറ്റീവ് കാര്യങ്ങളിൽ ശ്രദ്ധ കേന്ദ്രീകരിക്കുകയും ചെയ്യുന്നു.
സൈക്കോളജിസ്റ്റായ റയാൻ നീമിക്ക്, പോസിറ്റീവ് സൈക്കോളജി ടെക്നിക്കുകൾ ഉപയോഗിച്ച്, വായനക്കാരെ അവരുടെ മികച്ച ശക്തി തിരിച്ചറിയാനും, മനസ്സിലുണ്ടാകുന്ന സമ്മർദ്ദം നിയന്ത്രിക്കാൻ ആ ശക്തികൾ ഉപയോഗിക്കാനും സഹായിക്കുന്നു.
അപ്‌സൈഡ് ഓഫ് സ്ട്രെസ്സിൻ്റെ രചയിതാവായ കെല്ലി മക്ഗോണിഗലിൻ്റെ വാക്കുകൾ കടമെടുക്കുകയാണെങ്കിൽ " ദ സ്ട്രെങ്ത്ത്സ് ബേസ്ഡ് വർക്ക്ബുക്ക് ഫോർ സ്ട്രെസ്സ് റിലീഫ്,
നിങ്ങളുടെ ശക്തികൾ സന്തോഷത്തിനും പ്രതിരോധത്തിനും ഒരു വിഭവമാകുന്നത് എങ്ങനെയെന്ന് നീമിക് കാണിക്കുന്നു. ഈ വർക്ക്ബുക്ക് വായനക്കാരെ കൂടുതൽ അർത്ഥവത്തായതും പ്രതിഫലദായകവുമായ ജീവിതം രൂപപ്പെടുത്താൻ സഹായിക്കും"
ഈ പുസ്തകം ലഭിക്കാൻ : https://www.amazon.in/dp/1684032806/
10. വെൻ ദ ബോഡി സെയ്സ് നോ - ഗബോർ മേറ്റ്
ഹംഗേറിയൻ ഫീസിഷ്യനായ ഗാബോർ മേറ്റ് രചിച്ച് 2003-ൽ പ്രസിദ്ധീകരിച്ച പുസ്തകമാണ് വെൻ ദ ബോഡി സെയ്സ് നോ. ഈ പുസ്തകത്തിൽ മേറ്റ്, മനസ്സും ശരീരവും തമ്മിലുള്ള ബന്ധവും മാനസിക സമ്മർദ്ദവും രോഗങ്ങളും തമ്മിലുള്ള ബന്ധവും പര്യവേക്ഷണം ചെയ്യുന്നു.
സന്ധിവാതം, കാൻസർ, പ്രമേഹം, ഹൃദ്രോഗം, ഇറിറ്റബിൾ ബവൽ സിൻഡ്രോം, തുടങ്ങിയ അവസ്ഥകളിലും രോഗങ്ങളിലും മനസ്സും ശരീരവും തമ്മിലുള്ള ബന്ധത്തിന്റെ പങ്ക് ഗബോർ മാറ്റെ പര്യവേക്ഷണം ചെയ്യുന്നു.
ഈ വിട്ടുമാറാത്ത അവസ്ഥകളിലെല്ലാം, പൊതുവായ ഒരു കാര്യമുണ്ടെന്ന് മേറ്റ് കണ്ടെത്തി: ഈ രോഗങ്ങളാൽ ബാധിതരായ ആളുകൾ അമിതമായ സമ്മർദ്ദത്തിന്റെ ജീവിതം നയിച്ചിട്ടുണ്ട്, പലപ്പോഴും വ്യക്തികൾക്ക് തന്നെ അദൃശ്യമാണ്. ഈ പുസ്തകത്തിലൂടെ മേറ്റ്, രോഗശാന്തിക്കും മറഞ്ഞിരിക്കുന്ന സമ്മർദ്ദത്തിൽ നിന്ന് രോഗം തടയുന്നതിനുമുള്ള തത്ത്വങ്ങൾ പറഞ്ഞു തരുന്നു.
ഈ പുസ്തകം ലഭിക്കാൻ : https://www.amazon.in/dp/178504222X/
മുകളിൽ പറഞ്ഞ പുസ്തകങ്ങൾ വായിക്കുന്നതിലൂടെ സ്ട്രെസ്സ് എങ്ങനെ നേരിടാമെന്നും ജീവിത വിജയം എങ്ങനെ കൈവരിക്കാമെന്നും എളുപ്പത്തിൽ മനസ്സിലാകും.
continue reading.
എന്താണ് ആരോഗ്യ സംരക്ഷണ മേഖല എന്ന് നോക്കാം
രോഗശാന്തി, പ്രതിരോധം, പുനരധിവാസം, സാന്ത്വന പരിചരണം എന്നിവ ഉപയോഗിച്ച് രോഗികളെ ചികിത്സിക്കുന്നതിനുള്ള സേവനങ്ങൾ നൽകുന്ന ഒരു മേഖലയാണ് ആരോഗ്യ സംരക്ഷണ മേഖല എന്ന് പറയുന്നത്. ആരോഗ്യ സംരക്ഷണം എന്നാൽ പൊതുജന സേവനം എന്ന് കൂടി പറയാം. ## ആരോഗ്യ സംരക്ഷണ മേഖലയിലൂടെ നേടാവുന്ന ഒരുപാട് തൊഴിൽ സാധ്യതകൾ താഴെ പറയുന്നു ### 1. അഡ്മിനിസ്ട്രേഷൻ - വിഭാഗങ്ങൾ - ക്ലിനിക്കൽ അഡ്മിനിസ്ട്രേഷൻ - ഹോസ്പിറ്റൽ അഡ്മിനിസ്ട്രേഷൻ - മെഡിക്കൽ റെക്കോർഡ്‌സ് അഡ്മിനിസ്ട്രേറ്റർ - മെഡിക്കൽ സെക്രട്ടറി - പ്രോഗ്രാം മാനേജർ ### 2. അലൈഡ് ഹെൽത്ത് സ്പെഷ്യലൈസേഷൻസ് - വിഭാഗങ്ങൾ - ഓഡിയോളോജിസ്റ് - ഒപ്‌റ്റോമെട്രീ - പൊടിയാട്രിസ്റ്റ് - സ്പീച് പാത്തോളജിസ്റ്റ് - മൃഗങ്ങളുടെ ആരോഗ്യം -വിഭാഗങ്ങൾ - വെറ്റിനറി പഠനം - വെറ്റിനറി നേഴ്സ് - കോംപ്ലിമെൻറി ഹെൽത്ത് തെറാപ്പി - അക്യൂ പഞ്ചറിസ്റ് - ന്യൂറോപ്പതിസ്റ്റ് - ദന്തചികിത്സ - ഫിസിഷ്യൻ - ഫിസിഷ്യൻ അസിസ്റ്റൻറ്റ് - മെഡിക്കൽ റിസേർച്ചേഴ്‌സ് - മാനസിക ആരോഗ്യവിഭാഗം - നഴ്സിംഗ് വിഭാഗം - ന്യൂട്രിഷ്യൻസ് - ഡയറ്റീഷ്യൻ - ഫർമസിസ്റ്റ് - മസ്സാജ് തെറാപ്പിസ്റ്റ് - ഫിസിയോ തെറാപ്പിസ്റ്റ് - ലബോറട്ടറി ടെക്‌നിഷ്യൻ - എക്സ്റെ ടെക്‌നിഷ്യൻ - ലാബ് ടെക്‌നിഷ്യൻ മെഡിക്കൽ വിഭാഗം പഠിച്ചു കഴിഞ്ഞാൽ ഇങ്ങനെ വിവിധ തരം ജോലികളിലേക്ക് നമ്മുക്ക് എത്തിച്ചേരാൻ കഴിയും.  ## ഇന്ത്യയിൽ ആകെയുള്ള ഡോക്ടർമാരുടെ എണ്ണം എത്രയാണെന്ന് നോക്കാം 2020-ൽ ദക്ഷിണേഷ്യൻ രാജ്യത്തുടനീളം 1.2 ദശലക്ഷത്തിലധികം ഡോക്ടർമാർ ഇന്ത്യൻ മെഡിക്കൽ കൗൺസിലിൽ രജിസ്റ്റർ ചെയ്തിട്ടുണ്ട്. 2010ൽ രാജ്യത്തെ 827,000 ഡോക്ടർമാരിൽ നിന്നുള്ള ഗണ്യമായ വർധനവാണിത്. ## രാജ്യത്തെ മെഡിക്കൽ കൗൺസിലിന്റെ കീഴിലുള്ള ഡോക്ടർമാരുടെ എണ്ണം - ജമ്മു & കാശ്മീർ -14641 - ജാർഖണ്ഡ് മെഡിക്കൽ കൗൺസിൽ -5165 - കർണാടക മെഡിക്കൽ കൗൺസിൽ -104794 - മധ്യപ്രദേശ് മെഡിക്കൽ കൗൺസിൽ -36455 ## ഡോക്ടർമാരുടെ എണ്ണം: കേരളത്തിൽ രജിസ്റ്റർ ചെയ്‌തത് സംസ്ഥാന മെഡിക്കൽ കൗൺസിൽ: 2019-ൽ 3,809.000 പേരുടെ കേരളത്തിലെ വിവരങ്ങൾ റിപ്പോർട്ട് ചെയ്തു. ഇത് 2018-ലെ മുമ്പത്തെ 2,814.000 ആളുകളിൽ നിന്ന് വർധന രേഖപ്പെടുത്തുന്നു. 2002 ഡിസംബർ മുതൽ 2019 വരെ ശരാശരി 1,593.000 പേർ. ഡാറ്റ 2016-ൽ 4,567.000 പേരുടെ എക്കാലത്തെയും ഉയർന്ന നിരക്കിലെത്തി, 2006-ൽ 922.000 പേരുടെ റെക്കോർഡ് കുറഞ്ഞു. ഡോക്ടർമാരുടെ.കൗൺസിൽ കേരള ഡാറ്റ സിഇഐസിയിൽ സജീവമായി തുടരുന്നു, സെൻട്രൽ ബ്യൂറോ ഓഫ് ഹെൽത്ത് ഇന്റലിജൻസ് റിപ്പോർട്ട് ചെയ്യുന്നു. ഇന്ത്യ പ്രീമിയം ഡാറ്റാബേസിന്റെ ആരോഗ്യ മേഖലയ്ക്ക് കീഴിൽ ഡാറ്റ തരംതിരിച്ചിരിക്കുന്നു. ## ഇന്ത്യയിലെ മൊത്തം ജനസംഖ്യയിൽ രാജ്യത്തെ മൊത്തം ഡോക്ടർമാർ ഇന്ത്യയിൽ, 1.35 ബില്യൺ ജനസംഖ്യയുടെ നിലവിലെ കണക്കനുസരിച്ച് 1,457 ആളുകൾക്ക് ഒരു ഡോക്ടർ ഉണ്ടെന്നും ഇത് ലോകാരോഗ്യ സംഘടനയുടെ മാനദണ്ഡമായ 1:1000-നേക്കാൾ കുറവാണെന്നും സർക്കാർ പാർലമെൻറ്റിനെ അറിയിച്ചു. 2019 ലെ കണക്കനുസരിച്ച്, ദക്ഷിണേന്ത്യൻ സംസ്ഥാനമായ കേരളത്തിലാണ് രാജ്യത്ത് ഏറ്റവും കൂടുതൽ ഡോക്ടർമാരുടെ എണ്ണം ഉള്ളത്, പതിനായിരം ജനസംഖ്യയിൽ 42 പേർ. എന്നിരുന്നാലും, സംസ്ഥാനത്ത് പതിനായിരം പേർക്ക് ഏകദേശം നാല് ഡോക്ടർമാരുള്ള രാജ്യത്തെ ഏറ്റവും കുറഞ്ഞ ഡോക്ടർമാരുടെ സാന്ദ്രത ഇന്ത്യയിലെ ജാർഖണ്ഡിലാണ്. `_BANNER_` ## വിദേശ രാജ്യങ്ങളിലേക്ക് പോകുന്ന ആരോഗ്യ സംരക്ഷകരുടെ കണക്ക് നോക്കാം പലരും വിദേശത്തേക്ക് മെഡിസിൻ പരിശീലിക്കാൻ പോകുന്നത് എന്തുകൊണ്ടെന്നതിന് എണ്ണമറ്റ കാരണങ്ങളുണ്ട്. ചിലർ സ്വന്തം രാജ്യത്തെ ആരോഗ്യ പരിരക്ഷാ സംവിധാനത്തിൽ നിന്ന് ഒരു ഇടവേള ആഗ്രഹിക്കുന്നു, എന്നാൽ ചിലർ അവികസിത രാജ്യങ്ങളിലേക്ക് ആവശ്യമുള്ളവരെ സഹായിക്കാൻ പോകുന്നു.കൂടുതൽ ആളുകളും ഏറ്റവും കൂടുതൽ വരുമാനം പ്രതീക്ഷിച്ചുകൊണ്ടാണ് വിദേശ രാജ്യങ്ങളിൽ പോകുന്നതും .അയ്യായിരത്തിലധികം ഡോക്ടർമാർ ഇന്ത്യ വിട്ട 2015 വർഷം മുതൽ 2017 വർഷം വരെയുള്ള കാലയളവിൽ ഡോക്ടർമാർക്ക് 40 ശതമാനം വർധനവുണ്ടായി. ഇതിനെല്ലാം പരിഹാരമാണ് അടുത്തിടെ പാസാക്കിയ നാഷണൽ മെഡിക്കൽ കമ്മീഷൻ ബില്ലെന്ന് കേന്ദ്രസർക്കാർ പറയുന്നു. ഇന്ത്യയിൽ പ്രതി വർഷം 20,000 ഡോക്ടർമാർ ബിരുദം നേടുന്നു. 600 പേർ ഇവിടം വിട്ടു പോകുന്നത് പതിവാണ് .ഓരോ വർഷവും ഏകദേശം 7,000 വിദ്യാർത്ഥികൾ ഇന്ത്യക്ക് പുറത്ത് മെഡിസിൻ പഠിക്കാൻ പോകുന്നു. ഭൂരിഭാഗം വിദ്യാർത്ഥികളും ചൈനയിലേക്കും റഷ്യയിലേക്കും പോകുന്നു. പക്ഷേ, വിദേശത്ത് പഠിച്ച് മടങ്ങിയെത്തുന്ന ബിരുദധാരികളിൽ 15-25% പേർക്ക് മാത്രമേ വിദേശ മെഡിക്കൽ ബിരുദ പരീക്ഷയിൽ വിജയിക്കാനാകൂ.അതുകൊണ്ട് ഇന്ത്യയിൽ നിന്നും ബിരുദം എടുത്ത് വിദേശ രാജ്യങ്ങളിലേക്ക് പോകുന്നവരാണ് കൂടുതൽ ആളുകളും . ## മെഡിക്കൽ പരീക്ഷക്ക് അപേക്ഷിച്ചവരുടെ കണക്കുകൾ മെഡിസിൻ പരീക്ഷയ്ക്ക് തയ്യാറെടുക്കുന്നവർ നീറ്റ് എന്ന പരീക്ഷ ആണ് എഴുതേണ്ടത്.കഴിഞ്ഞ രണ്ടു വർഷത്തെ കണക്കുകൾ പരിശോധിക്കുകയാണെങ്കിൽ.ആകെ അപേക്ഷിച്ചവർ -2020 തിൽ - 14,10,755 ,2021നിൽ -13,66,945.ഹാജരാകാത്ത വിദ്യാർത്ഥികളുടെ എണ്ണം 2020 തിൽ -1,08,620,2021ന്നിൽ 2,30,490,ഇന്ത്യയിൽ നിന്ന് 2020തിൽ 15,16,066 , 2021 നിൽ 15,93,907.വിദേശത്തു പരീക്ഷ എഴുതിയവർ 2020തിൽ -1,884 ,2021 നിൽ -1,869 ഈ വർഷം മൊത്തം 206301 ഉദ്യോഗാർത്ഥികൾ പരീക്ഷ എഴുതാൻ സ്വയം രജിസ്റ്റർ ചെയ്തു, താൽക്കാലികമായി 182318 ഉദ്യോഗാർത്ഥികൾ ഈ വർഷം നീറ്റ് പിജിക്ക് ഹാജരായി. "എൻബിഇഎംഎസ് നിയമിച്ച 1800-ലധികം സ്വതന്ത്ര ഫാക്കൽറ്റികൾ പരീക്ഷാ കേന്ദ്രത്തിലെ പരീക്ഷയുടെ നടത്തിപ്പ് വിലയിരുത്തി. ടിസിഎസിലെ 18000 ഇൻവിജിലേറ്റർമാർ പരീക്ഷയിൽ പങ്കെടുത്തു. ## എത്ര മെഡിസിൻ സീറ്റുകൾ ആണ് കേരളത്തിൽ എന്ന് നോക്കാം 10 സർക്കാർ കോളേജുകളും,20 സ്വാശ്രയ കോളേജുകളും..ആകെ MBBS സർക്കാർ കോളേജ് സീറ്റുകൾ -1555.ആകെ MBBS സ്വകാര്യകോളേജ് സീറ്റുകൾ - 2550.ട്യൂഷൻ ഫീസ് സർക്കാർ ക്വാട്ട – 27,580/വർഷം,മാനേജ്മെൻറ്റ് ക്വാട്ട – 7,65,000 മുതൽ 20,70,000/വർഷം വരെ ,NRI – USD 46,000/വർഷം.  ## എല്ലാ കോളേജുകളിലും പൊതുവായുള്ള കട്ട് ഓഫ് മാർക്കുകൾ ആണ് താഴെ കൊടുത്തിരിക്കുന്നത് NEET MBBS/BDS കട്ട് ഓഫ് 2021, 2020, 2019 - വർഷം തിരിച്ചുള്ള ട്രെൻഡുകൾ (NEET 2020 കട്ട് ഓഫ് സ്കോറുകൾ) : 2021 : - റിസർവ് ചെയ്യാത്തത് - 720-138 - SC/ST/OBC - 137-108 - റിസർവ് ചെയ്യാത്തത്-PH - 137-122 - SC/ST/OBC-PH - 121-108 2020 : - റിസർവ് ചെയ്യാത്തത് - 720-147 - SC/ST/OBC - 146-113 - റിസർവ് ചെയ്യാത്തത്-PH - 146-129 - SC/ST/OBC-PH - 128-113 2019 : - റിസർവ് ചെയ്യാത്തത് - 701-134 - SC/ST/OBC - 133-107 - റിസർവ് ചെയ്യാത്തത്-PH - 133-120 - SC/ST/OBC-PH - 119-107 ## കേരളത്തിലെ ഏഴ് മെഡിക്കൽ കോളേജുകൾ ഏതൊക്കെ ആണെന്ന് നോക്കാം. ### 1. ജൂബിലി മിഷൻ മെഡിക്കൽ കോളേജ് ആൻഡ് റിസർച്ച് ഇൻസ്റ്റിറ്റ്യൂട്ട്, തൃശൂർ  ജൂബിലി മിഷൻ മെഡിക്കൽ കോളേജ് ആൻഡ് റിസർച്ച് ഇൻസ്റ്റിറ്റ്യൂട്ട് തൃശൂർ പട്ടണത്തിലെ ഒരു സ്വകാര്യ, ലാഭേച്ഛയില്ലാത്ത ന്യൂനപക്ഷ മെഡിക്കൽ കോളേജ്, ആശുപത്രി, അതുകൂടാതെ ഗവേഷണ സ്ഥാപനം കൂടിയാണ് . മെഡിക്കൽ കോളേജിന് 100 എംബിബിഎസ് സീറ്റുകൾക്കും 16 ബിരുദാനന്തര ബിരുദ പ്രോഗ്രാമിനും (ആകെ 35 സീറ്റുകൾ), 2 സൂപ്പർ സ്പെഷ്യാലിറ്റി (ഡിഎം) കോഴ്സുകൾക്കും (ആകെ 3 സീറ്റുകൾ) എംസിഐ അംഗീകാരമുണ്ട്. മെറിറ്റ് ലിസ്റ്റ് ഫീസ് നിലവിൽ 5 വർഷത്തേക്ക് ഏകദേശം 5.5/6 ലക്ഷം രൂപയാണ്. മുഴുവൻ കോഴ്‌സിനും എൻആർഐ സീറ്റുകൾ ഏകദേശം 90 ലക്ഷമാണ്. ### 2. അമൃത സ്കൂൾ ഓഫ് മെഡിസിൻ, കൊച്ചി  അമൃത ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ്,കൊച്ചി . പൊതുവെ അമൃത ഹോസ്പിറ്റൽ എന്നറിയപ്പെടുന്നു. ഇന്ത്യയിലെ കൊച്ചിയിലുള്ള ഒരു മൾട്ടി-സ്പെഷ്യാലിറ്റി കെയർ ഹോസ്പിറ്റലും ,ഒരു മെഡിക്കൽ കോളേജു൦ ആണ് നിലവിൽ ഉള്ളത് . എ എസ് എം കൊച്ചി -എംബിബിഎസ് സീറ്റുകൾ 100 ആണ്. കോഴ്സ് ഫീസ് : കോളേജിൻറെ ഫീസ് ഘടന ഇപ്രകാരമാണ് - എല്ലാ വർഷവും 18 ലക്ഷം രൂപ നിങ്ങളുടെ ട്യൂഷൻ ഫീസായി അടയ് ക്കണം . ഇതു കൂടാതെ 18 ലക്ഷം രൂപ , അധിക ചാർജുകളൊന്നും കോളേജിലെ വിദ്യാർത്ഥികളിൽ നിന്ന് ഈടാക്കാറില്ല . എംബിബിഎസ് പ്രോഗ്രാമിനുള്ള ഗ്രാൻഡ് ഹോട്ടൽ ഏകദേശം 90 ലക്ഷം രൂപയാണ് ### 3. ശ്രീ ഗോകുലം മെഡിക്കൽ കോളേജ്, വെഞ്ഞാറമൂട്  ശ്രീ ഗോകുലം മെഡിക്കൽ കോളേജും റിസർച്ച് ഫൗണ്ടേഷനും 2005-ൽ സ്ഥാപിതമായി. സംസ്ഥാനത്തിന്റെ തലസ്ഥാനമായ തിരുവനന്തപുരത്ത് നിന്ന് 28 കിലോമീറ്റർ അകലെയുള്ള നഗരജീവിതത്തിന്റെ തിരക്കുകളിൽ നിന്ന് മനോഹരമായ പച്ചപ്പ് നിറഞ്ഞ ഗ്രാമമായ വെഞ്ഞാറമൂടിലാണ് കാമ്പസ് സ്ഥിതി ചെയ്യുന്നത്. 2005 ഡിസംബറിൽ ഇന്ത്യയുടെ മുൻ രാഷ്ട്രപതി ഡോ. എ.പി.ജെ അബ്ദുൾ കലാം രാഷ്ട്രത്തിലേക്കുള്ള മെഡിക്കൽ കോളേജ് ആശുപത്രി ഉദ്ഘാടനം ചെയ്തു. ഹോസ്റ്റൽ ഫീസ് Rs .82,000/- . കോഴ്സ് ഫീസ് : MD/MS ഫീസ് Rs.10,00,000/- മുതൽ Rs.52,00,000/- വരെ ആകെ ഫീസ്. 25.20 ലക്ഷം; പരീക്ഷ. നീറ്റ് ; അംഗീകാരം. എൻഎംസി; സീറ്റുകൾ. 150 ### 4. ഡോ സോമർവെൽ മെമ്മോറിയൽ സിഎസ്ഐ മെഡിക്കൽ കോളേജ് ആൻഡ് ഹോസ്പിറ്റൽ, കാരക്കോണം.  2002-ൽ സ്ഥാപിതമായ ഡോ സോമർവെൽ മെമ്മോറിയൽ മിഷൻ ഹോസ്പിറ്റലുമായി ബന്ധപ്പെട്ട ഡോ സോമർവെൽ മെമ്മോറിയൽ സിഎസ്ഐ മെഡിക്കൽ കോളേജ് തിരുവനന്തപുരത്തെ കാരക്കോണത്താണ് സ്ഥിതി ചെയ്യുന്നത്. ഹോസ്പിറ്റൽ, ഫാക്കൽറ്റി ഓഫ് മെഡിസിൻ, കൂടാതെ മറ്റ് അനുബന്ധ സ്ഥാപനങ്ങൾ എന്നിവയുടെ ഭരണം നടത്തുന്നത് ചർച്ച് ഓഫ് സൗത്ത് ഇന്ത്യയുടെ ദക്ഷിണ കേരള രൂപതയാണ്. കോഴ്സ് ഫീസ് : ആകെ ഫീസ്. 25.20 ലക്ഷം; പരീക്ഷ. നീറ്റ് ; അംഗീകാരം. എൻഎംസി; സീറ്റുകൾ. 150 ### 5. അസീസിയ മെഡിക്കൽ കോളേജ്, മീയന്നൂർ  അസീസിയ മെഡിക്കൽ കോളേജ് ആശുപത്രി ഒരു സ്വകാര്യ ആശുപത്രിയാണ്. മെഡിക്കൽ കോളേജിന് സൂപ്പർ സ്പെഷ്യാലിറ്റി ഡിവിഷനുകളും മെഡിക്കൽ, ദന്താശുപത്രിയും , നഴ്സിംഗ് വിദ്യാഭ്യാസത്തിനുള്ള കോളേജുകളും ഉണ്ട്. കൊല്ലം നഗരത്തിൽ നിന്ന് ഏകദേശം എട്ട് കിലോമീറ്റർ അകലെ മീയന്നൂർ ഗ്രാമത്തിലാണ് മെഡിക്കൽ വിദ്യാഭ്യാസ സ്ഥാപനങ്ങളുടെ ഈ സമുച്ചയം സ്ഥിതി ചെയ്യുന്നത്. സീറ്റുകളുടെ എണ്ണം (MBBS):, 100 പിജി കോഴ്സുകളിലെ സ്പെഷ്യാലിറ്റി: 05 പിജി കോഴ്സുകളിലെ സീറ്റുകൾ: 15 മാനേജ്മെന്റ് തരം: ട്രസ്റ്റ് ; അഫിലിയേറ്റഡ് (യൂണിവേഴ്സിറ്റി):, കേരള യൂണിവേഴ്സിറ്റി, സീറ്റുകളുടെ എണ്ണം (MBBS): 100 അഫിലിയേറ്റഡ് (യൂണിവേഴ്സിറ്റി): കേരള യൂണിവേഴ്സിറ്റി, തിരുവ. പിജി കോഴ്സുകളിലെ സീറ്റുകൾ: 15 സ്ഥാപിതമായ വർഷം: 2001 ### 6. അമല ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസ്, അമലനഗർ  കേരളത്തിലെ തൃശ്ശൂരിൽ അമലനഗറിന് സമീപം സ്ഥിതി ചെയ്യുന്ന ഒരു സ്വകാര്യ മെഡിക്കൽ സ്ഥാപനമാണ് അമല ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസ് . 1831-ൽ സ്ഥാപിതമായ ഒരു പ്രാദേശിക മതവിഭാഗമായ മേരി ഇമ്മാക്കുലേറ്റിലെ കാർമലൈറ്റ്സിന്റെ ദേവമാതാ പ്രവിശ്യയുടെ കീഴിലുള്ള ഒരു ന്യൂനപക്ഷ സ്ഥാപനമാണിത്. കോഴ്സ് ഫീസ് : എംബിബിഎസ് വിദ്യാർത്ഥികളുടെ സീറ്റുകളുടെ എണ്ണം 100 ആയി പരിമിതപ്പെടുത്തിയിരിക്കുന്നു. ബാച്ചിലർ ഓഫ് മെഡിസിൻ, ബാച്ചിലർ ഓഫ് സർജറി (എംബിബിഎസ്) 5 വർഷം 29,04,650 ഡോക്ടർ ഓഫ് മെഡിസിൻ (MD) 3 വർഷം 25,00,000 മാസ്റ്റർ ഓഫ് സർജറി(എംഎസ്) 3 വർഷം 25,00,000 ഡിപ്ലോമ ഇൻ മെഡിക്കൽ ലാബ് ടെക്നോളജി (DMLT) 2 വർഷം 1,59,000 ### 7. പുഷ്പഗിരി ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസ് ആൻഡ് റിസർച്ച് സെൻറ്റർ തിരുവല്ല  സീറോ മലങ്കര കത്തോലിക്കാ സഭയുടെ തിരുവല്ല ആർക്കിപാർക്കിയാണ് തിരുവല്ലയിൽ പുഷ്പഗിരി മെഡിക്കൽ കോളേജ് നടത്തുന്നത്. 1959-ൽ എട്ട് കിടക്കകളുള്ള ഒരു ചെറിയ ക്ലിനിക്ക് എന്ന നിലയിലാണ് ആശുപത്രിയുടെ തുടക്കം. 2002-ൽ ആശുപത്രിയെ മെഡിക്കൽ കോളേജായി നിയമിച്ചു. പുഷ്പഗിരി കോളേജ് ഓഫ് മെഡിസിൻ, പുഷ്പഗിരി കോളേജ് ഓഫ് ഫാർമസി, പുഷ്പഗിരി കോളേജ് ഓഫ് നഴ്സിംഗ്, പുഷ്പഗിരി കോളേജ് ഓഫ് ഡെന്റൽ സയൻസ്സ് , പുഷ്പഗിരി കോളേജ് ഓഫ് അലൈഡ് ഹെൽത്ത് സയൻസ് എന്നിവയാണ് ഈ ആശുപത്രിയുമായി ബന്ധപ്പെട്ട മെഡിക്കൽ, പാരാമെഡിക്കൽ സ്ഥാപനങ്ങൾ. കോഴ്സ് ഫീസ് : എംബിബിഎസ് പുഷ്പഗിരി ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസ് ആൻഡ് റിസർച്ച് സെൻറ്റർ , തിരുവല്ല; ആകെ ഫീസ്. 25.20 ലക്ഷം; പരീക്ഷ. നീറ്റ് ; അംഗീകാരം. എൻഎംസി, സീറ്റുകൾ. 100
വീട്ടിൽ വളർത്താൻ പറ്റിയ ആരോഗ്യ ഗുണങ്ങളുള്ള പത്ത് ചെടികൾ
വീട്ടിലെ സസ്യങ്ങൾ വളർത്തുന്നത് നമ്മുടെ മനസ്സിനെ സന്തോഷിപ്പിക്കുന്നതും രോഗശാന്തി നൽകുന്നതുമാണ്. തണലും ആരോഗ്യപരമായ ഗുണങ്ങളും കൊണ്ട് അനുഗ്രഹീതമായ പച്ച നിറത്തിലുള്ള സസ്യങ്ങൾ തീർച്ചയായും മനുഷ്യർക്ക് ഏറ്റവും നല്ല സുഹൃത്തുക്കളാണ്. പരിസരങ്ങളിൽ പോസിറ്റിവിറ്റി ഉണ്ടാക്കുന്നതിനും മാനസികാവസ്ഥ വർദ്ധിപ്പിക്കുന്നതിനും സസ്യങ്ങൾ ഏറെ സഹായകമാണ്. വീട്ടുചെടികളെയും വായു ശുദ്ധീകരണത്തെയും കുറിച്ച് നിങ്ങൾ തീർച്ചയായും വളരെ തൽപരരായിരിക്കാം. ഓരോ 24 മണിക്കൂറിലും സസ്യങ്ങൾ 87% വരെ അസ്ഥിര ജൈവ സംയുക്തങ്ങൾ നീക്കം ചെയ്യുന്നു. നാസയുടെ പഠനമനുസരിച്ചാണിത്. എന്നിരുന്നാലും, ചില സസ്യങ്ങൾ മറ്റുള്ളവയേക്കാൾ വായു ശുദ്ധീകരണത്തിൽ മികച്ചതാണ്. സസ്യാധിഷ്ഠിത ഭക്ഷണത്തിൻ്റെ ആരോഗ്യ ഗുണങ്ങൾ നന്നായി രേഖപ്പെടുത്തപ്പെട്ടിട്ടുണ്ടെങ്കിലും, നിങ്ങളുടെ വീട്ടിലിരുന്ന് നിങ്ങളുടെ ആരോഗ്യം മെച്ചപ്പെടുത്താൻ സസ്യങ്ങൾ സഹായിക്കുമെന്ന് നിങ്ങൾക്കറിയാമോ? 1989 ലെ നാസയുടെ ഒരു പരീക്ഷണം ചില ഇൻഡോർ സസ്യങ്ങൾക്ക് വായുവിൽ നിന്ന് ബെൻസീൻ, ഫോർമാൽഡിഹൈഡ് തുടങ്ങിയ രാസവസ്തുക്കൾ ആഗിരണം ചെയ്യുന്നതിലൂടെ ഒരു വീട്ടിലെ വായുവിൻ്റെ ഗുണനിലവാരം മെച്ചപ്പെടുത്താൻ കഴിയുമെന്ന് കണ്ടെത്തി. വിവിധ വീട്ടുചെടികൾക്ക് സ്വാഭാവിക എയർ ഫിൽട്ടറുകളായി പ്രവർത്തിക്കാൻ കഴിയുമെന്ന് ഗവേഷണം കണ്ടെത്തി. കൂടാതെ, സസ്യങ്ങളുള്ള അന്തരീക്ഷത്തിൽ ആയിരിക്കുന്നത് സമ്മർദ്ദം കുറയ്ക്കാനും രക്തസമ്മർദ്ദവും ഹൃദയമിടിപ്പും മെച്ചപ്പെടുത്താനും സഹായിക്കുമെന്ന് ഒരു പഠനം തെളിയിച്ചതായി ടൈം റിപ്പോർട്ട് ചെയ്യുന്നു. മാത്രമല്ല അവ മികച്ച ഗൃഹാലങ്കാര ഘടകവുമാണ്. ഇൻഡോർ സസ്യങ്ങൾ വിഷവസ്തുക്കളെയും മാലിന്യങ്ങളെയും ആഗിരണം ചെയ്യുകയും ചുറ്റുപാടുകളെ വൃത്തിയുള്ളതാക്കുകയും ചെയ്യുന്നതാണ്. നിങ്ങൾ ഒരു സസ്യപ്രേമിയും സസ്യ പരിചാരകനുമാണെങ്കിൽ മികച്ച ആരോഗ്യ ഗുണങ്ങളോടെയുള്ള മികച്ച 10 വീട്ടുചെടികളെ കുറിച്ചും അവയുടെ ഗുണഗണങ്ങളെ കുറിച്ചും വായിക്കാം. ## 1. കറ്റാർ വാഴ  വിറ്റാമിനുകളുടെയും ആൻ്റി ബാക്ടീരിയൽ ഗുണങ്ങളുടെയും മിശ്രിതമായ കറ്റാർ വാഴ ഏതൊരു വീടിനും അനുേയോജ്യമായ മികച്ച ചെടിയാണ്. നിങ്ങളുടെ ചർമ്മത്തെയും മുടിയെയും മുഴുവൻ ശരീരത്തെയും രൂപാന്തരപ്പെടുത്തുന്ന അത്ഭുതകരമായ ഗുണങ്ങൾ ഈ ചെടിക്ക് ഉണ്ട്. കറ്റാർ വാഴ ശരീരഭാരം കുറയ്ക്കാൻ സഹായിക്കുന്നു. മാത്രമല്ല വ്രണങ്ങൾക്കും മുറിവുകൾക്കും ചികിത്സിക്കാനും ഇവ ഉപയോഗിക്കാറുണ്ട്. പരിപാലിക്കാൻ എളുപ്പമുള്ളതും മിതമായ സൂര്യപ്രകാശം ആവശ്യമുള്ളതുമായ കറ്റാർ വാഴ അടുക്കളയിൽ വളർത്താൻ അനുയോജ്യമായ ചെടിയാണ്. ## 2. സ്പൈഡർ ഐവി  സ്പൈഡർ ഐവി എന്നറിയപ്പെടുന്ന സ്പൈഡർ സസ്യങ്ങൾ എണ്ണമറ്റ ആരോഗ്യ ഗുണങ്ങളുടെ ഒരു കലവറയാണ്. സ്പൈഡർ പ്ലാൻ് വായു ശുദ്ധീകരിക്കുകയും ഓക്സിജൻ ഉത്പാദിപ്പിക്കുകയും ചെയ്യുന്നു. ഇതുകൂടാതെ സ്പൈഡർ സസ്യങ്ങൾ ഭക്ഷ്യയോഗ്യമായതിനാൽ കുട്ടികളും വളർത്തുമൃഗങ്ങളും ഉള്ള വീട്ടിൽ വീടിനുള്ളിൽ സൂക്ഷിക്കാവുന്നതാണ്. സ്പൈഡർ ഐവി കാർബൺ മോണോക്‌സൈഡ്, ഫോർമാൽഡിഹൈഡ്, സൈലീൻ എന്നിവ വായുവിൽ നിന്ന് ആഗിരണം ചെയ്യുകയും ദോഷകരമായ വിഷവസ്തുക്കളിൽ സംരക്ഷണമേകുകയും ചെയ്യുന്നു. ## 3. ഗോൾഡൺ പോത്തോസ്  വളരെ സാധാരണമായി പലരും ഉപയോഗിക്കാറുള്ള ഒരു വീട്ടുചെടിയാണ് ഗോൾഡൺ പോത്തോസ്. ഇവ ഏറ്റവും ശക്തമായ വായു ശുദ്ധീകരണ പ്ലാന്റ് അല്ലെങ്കിലും, ഏതൊരാൾക്കും അനായാസം പരിചരിക്കാൻ കഴിയുന്ന വിധത്തിലുള്ള ചെടിയാണിത്. അത് കൊണ്ട് തന്നെ ചെടിപരിചരണത്തിൽ നിങ്ങൾക്ക് കഴിവില്ലെങ്കിൽ പോലും നിങ്ങൾക്കിത് നിങ്ങളുടെ വീട്ടിൽ വളർത്താം എന്നതാണ് ഇതിൻ്റെ ഗുണം.. മറ്റ് സസ്യങ്ങളെപ്പോലെ, പോത്തോസിനും വായു ശുദ്ധീകരണ ഗുണങ്ങളുണ്ട്. ## 4. ഇംഗ്ലീഷ് ഐവി  പഴയ കെട്ടിടങ്ങൾക്ക് നാടൻ ചാരുത നൽകുന്ന ഒരു ഔട്ട്ഡോർ പ്ലാന്ൻ്റായി മാത്രം ഇതിനെ മനസ്സിലാക്കരുത്.മറിച്ച്, നിങ്ങൾ ഐവി വീടിനുള്ളിൽ സൂക്ഷിക്കുമ്പോൾ അത് നിങ്ങളുടെ വീട്ടിലെ വായു ശുദ്ധീകരിക്കാൻ സഹായിക്കുന്നു.. അലർജിയും വായുവും അനുസരിച്ച് വായുവിലെ പൂപ്പൽ ആഗിരണം ചെയ്യാൻ ഇംഗ്ലീഷ് ഐവി ഏറ്റവും അനുയോജ്യമാണ്. പൂപ്പൽ നിറഞ്ഞ ബ്രെഡുള്ള ഒരു പാത്രത്തിൽ ഇത് വയ്ക്കുമ്പോൾ വായുവിലൂടെയുള്ള പൂപ്പലിൻ്റെ വലിയൊരു ഭാഗം ആഗിരണം ചെയ്യാൻ ഇംഗ്ലീഷ് ഐവിക്ക് കഴിയുമെന്ന് പഠനങ്ങൾ കണ്ടെത്തിയിട്ടുണ്ട്. ഈ ചെടി ശോഭയുള്ള വെളിച്ചവും ചെറുതായി വരണ്ട മണ്ണും ആണ് ഇഷ്ടപ്പെടുന്നത്, അതിനാൽ വെയിലും പ്രകാശവുമുള്ള എവിടെയും ഇവ വളർത്താവുന്നതുമാണ്. ## 5. ഡ്രാക്കീന  വായു ശുദ്ധീകരണത്തിന് ഏറ്റവും ഫലപ്രദമായ വീട്ടുചെടികളിൽ ഒന്നാണ് ഡ്രാക്കീന. തലവേദന, ശ്വാസകോശ സംബന്ധമായ പ്രശ്‌നങ്ങൾ, വിളർച്ച, മജ്ജ രോഗം, വൃക്കരോഗം തുടങ്ങിയ നിരവധി ആരോഗ്യ പ്രശ്‌നങ്ങളുമായി ബന്ധപ്പെട്ട രാസവസ്തുക്കളായ ഫോർമാൽഡിഹൈഡ്, ബെൻസീൻ, ട്രൈക്ലോറെത്തിലീൻ, കാർബൺ ഡൈ ഓക്സൈഡ് എന്നിവ നീക്കം ചെയ്യാൻ ഇവ ഏറെ സഹായകമാണ്. 12 അടി വരെ ഉയരത്തിൽ വളരാൻ കഴിയുന്ന ഈ ചെടിക്ക് നേരിട്ട് സൂര്യപ്രകാശം ആവശ്യമില്ല എന്നതാണ് ഇതിൻ്റെ പ്രത്യേകത. അതിനാൽ ഇതിന് വളരാൻ മതിയായ ഇടം ലഭിക്കുന്ന ഏത് സ്ഥലത്തും നടാവുന്നതാണ്. മാത്രമല്ല വളർച്ചയും ഉയർച്ചയും നിയന്ത്രിക്കാനായി ചെടി മുറിക്കുകയാണെങ്കിൽ ഏതാനും ആഴ്ചകൾക്കുള്ളിൽ തന്നെ മുറിച്ച ഭാഗത്തിന് താഴെ പുതിയ ഇലകൾ മുളയ്ക്കും എന്നത് ഇതിന്റെ മറ്റൊരു പ്രത്യേകതയാണ്. നനവുള്ള മണ്ണിലാണ് ഈ ചെടി നടേണ്ടത്. ചെടിയിലെ മഞ്ഞ ഇലകൾ അമിതമായ നനവ് അല്ലെങ്കിൽ മോശം ഡ്രെയിനേജ് എന്നിവയുടെ അടയാളമാണ്. ജനാലയ്‌ക്ക് അടുത്തോ കർട്ടനുകൾക്ക് സമീപമോ ഇവ പരിപാലിക്കാനുതകുന്നതാണ്. ## 6. ഇന്ത്യൻ ബേസിൽ  തുളസി എന്ന് പൊതുവെ അറിയപ്പെടുന്ന ഈ ചെടി വളരെ എളുപ്പത്തിൽ ഏവർക്കും വളർത്താവുന്ന ചെടിയാണ്. വെട്ടിമുറിക്കൽ നടത്തിയാലും തഴച്ചുവളരുന്ന ഈ ചെടിക്ക് നിരവധി ഔഷധഗുണങ്ങളുണ്ട്. കൂടാതെ, ഇത് വായു ശുദ്ധീകരിക്കാനും വായുവിന്റെ ഗുണനിലവാരം മെച്ചപ്പെടുത്താനും സഹായിക്കുന്നു. ഇത് ഒരു ലളിതമായ ചട്ടിയിൽ നടാവുന്നതാണ്. ഈ ചെടിക്ക് സാധാരണ സൂര്യപ്രകാശം ആവശ്യമായതിനാൽ ഈ ചെടി സൂക്ഷിക്കുന്നതിനുള്ള ഏറ്റവും നല്ല സ്ഥലം ഒരു സൂര്യപ്രകാശമേൽക്കുന്ന രീതിയിലുള്ള വിൻ‍‍‍ഡോ ആയിരിക്കും. ഈ ചെടി തഴച്ചുവളരാനായ് നിങ്ങൾ ചെയ്യേണ്ടത് പതിവായി വെള്ളം നനച്ചാൽ മാത്രം മതി (എന്നാൽ അമിതമായി വെള്ളം നൽകുകയും അരുത്). ## 7. സ്നേക് പ്ലാൻ്  ഫോർമാൽഡിഹൈഡ് ഫിൽട്ടർ ചെയ്യുന്ന ഈ ചെടി വ്യക്തിഗത പരിചരണ ഉൽപ്പന്നങ്ങളിൽ സാധാരണയായി കാണപ്പെടുന്ന പ്ലാൻ് ആണ്. മാത്രമല്ല ബാത്ത്റൂമുകൾക്ക് ഏറ്റവും അനുയോജ്യവും ആണ് ഈ ഇനം ചെടി. നാസ കണ്ടെത്തിയ ഏറ്റവും മികച്ച വായു ശുദ്ധീകരണ പ്ലാൻ്റുകളിൽ ഒന്നാണിത്. അധിക ശ്രദ്ധ ആവശ്യമില്ലാതെ എളുപ്പത്തിൽ വളരുന്നതാണിവ. പട്ടണത്തിന് പുറത്ത് പോയി നിങ്ങളുടെ ചെടി പരിപാലിക്കാൻ ആരുമില്ലാത്തതിനാൽ വിഷമിക്കേണ്ടതില്ല. കൃത്യസമയത്ത് നനയ്ക്കാൻ മറന്നാലും കുഴപ്പമില്ല. കാരണം ഈ ചെടി ആഴ്ചകളോളം പരിപാലിക്കാതെ ഇരുന്നാലും നിങ്ങൾക്ക് നീളമുള്ളതും പുതിയതുമായ ഇലകൾ നൽകും. പക്ഷേ, ഓർത്തിരിക്കേണ്ട ഒരേയൊരു കാര്യം, ഇവ എളുപ്പത്തിൽ ചീഞ്ഞഴുകിപ്പോകും. അതിനാൽ ഇവ സ്വതന്ത്രമായി ഒഴുകുന്ന മണ്ണിൽ നട്ടുപിടിപ്പിക്കേണ്ടതുണ്ട്. ഇനി രസകരമായൊരു കാര്യ പറയാം; ഈ ചെടിയെ അമ്മായിയമ്മയുടെ നാവ് അല്ലെങ്കിൽ സെന്റ് ജോർജിൻ്റെ വാൾ എന്നും വിളിക്കുന്നു. ## 8. അരീക്ക പാം  ഇലകളുള്ള ഈ ചെടി വീട്ടിൽ എവിടെയും പരോക്ഷ സൂര്യപ്രകാശത്തിൽ വളർത്താം. നേരിട്ട് സൂര്യപ്രകാശം ഏൽക്കുന്നില്ലെന്ന് നേരത്തെ ഉറപ്പാക്കണമെന്നാണ് ഈ ചെടിയെ സംബന്ധിച്ച് ശ്രദ്ധിക്കാനുള്ള പ്രധാനം കാരണം. അല്ലെങ്കിൽ ഇലകൾ മഞ്ഞനിറമാകും. പുറത്ത് ഈ ചെടി 30 അടി വരെ ഉയരത്തിൽ വളരാമെങ്കിലും വീടിനുള്ളിൽ ഇത് ഏഴ് അടി വരെയേ വളരുകയുള്ളു. ഒരു ചെറിയ പാത്രത്തിൽ ഇട്ട് വളർത്തുകയാണെങ്കിൽ തിങ്ങിനിറഞ്ഞ വേരുകൾ ചെടിയുടെ വലിപ്പം പരിമിതപ്പെടുത്താൻ സഹായിക്കുന്നതാണ്. വായുവിൽ നിന്ന് xylene, toluene എന്നിവ ഫിൽട്ടർ ചെയ്യാൻ ഈ പ്ലാന്റ് ഉപയോഗപ്രദമാണ്. ഫലപ്രദമായ ഹ്യുമിഡിഫയറായും പ്രവർത്തിക്കുന്ന ചെടിയണ് ഇത് . മണ്ണ് ഈർപ്പമുള്ളതാക്കാൻ ആവശ്യത്തിന് വെള്ളം നനയ്ക്കുക, ശൈത്യകാലത്ത് നനയ്ക്കുന്നതിന് ഇടയിൽ അല്പം ഉണങ്ങാൻ അനുവദിക്കുക എന്നിവയാണ് ഈ ചെടി പരിപാലിക്കുമ്പോൾ ശ്രദ്ധിക്കേണ്ട മറ്റു കാര്യങ്ങൾ. ## 9. ബോസ്റ്റൺ ഫേൺ  കൊട്ടകൾ തൂക്കിയിട്ട് വളരെ ഭംഗിയോടെ വളർത്താനാവുന്ന ഏറ്റവും മികച്ച ചെടിയാണ് ബോസ്റ്റൺ ഫേൺ. പച്ച ഇലകളോടുകൂടിയ അതിന്റെ കാസ്കേഡിംഗ് ശീലം കാരണം കലത്തിൽ നിന്ന് പുറത്തേക്ക് ഒഴുകുന്നു. ഇത് തഴച്ചുവളരാൻ പരോക്ഷമായ, തെളിച്ചമുള്ള വെളിച്ചം ആവശ്യമാണ്. മാത്രമല്ല വായുവിൽ നിന്ന് വിഷാംശമുള്ള VOC-കൾ വലിച്ചെടുത്ത് വായു വൃത്തിയാക്കുന്നതിനാൽ വീടുകൾക്ക് അനുഗ്രഹവുമാണ്. ## 10. ലേഡീസ് സ്ലിപ്പർ ഓർക്കിഡ്  ഈ ചെടി തീർച്ചയായും നിങ്ങളുടെ വീടിന്റെ ഏത് മുഷിഞ്ഞ കോണിലേക്കും ആ നഷ്ടപ്പെട്ട സൗന്ദര്യത്തെ കൊണ്ടുവരും. ഈ ഓർക്കിഡുകൾക്ക് അസാധാരണമായ സ്ലിപ്പർ ആകൃതിയിലുള്ള പൂക്കൾ ഉണ്ട്, അവ രണ്ട് ഇലകൾക്കിടയിൽ നിന്ന് പൂക്കുന്നു. കടും പച്ച നിറത്തിലുള്ള ഇലകൾ ചെടിയുടെ ഭംഗി കൂട്ടുന്നു. ഈ ചെടി നനയ്ക്കുമ്പോൾ പ്രത്യേകം ശ്രദ്ധിക്കണം. നിങ്ങളുടെ വെള്ളം രാസപരമായി സംസ്കരിച്ചിട്ടുണ്ടെങ്കിൽ, അത് ഉപയോഗിക്കുന്നതിന് മുമ്പ് ഒരു കണ്ടെയ്നറിൽ കുറച്ച് ദിവസം ഇരിക്കാൻ അനുവദിക്കുക. ആഴ്ചയിൽ ഒരിക്കൽ നനയ്ക്കുക. ചെടി നേരിട്ട് സൂര്യപ്രകാശം ഏൽക്കാത്ത സ്ഥലത്ത് തണലിൽ വയ്ക്കുക.
ഈ വിഷുവിന് ചെയ്യാൻ പത്തിലേറെ കാര്യങ്ങൾ
ഓണം പോലെതന്നെ മലയാളികള്‍ക്ക് പ്രധാന ആഘോഷമാണ് വിഷു. മലയാള മാസം മേടം ഒന്നിന് ആണ് വിഷു ആഘോഷിക്കുന്നത്. ഒരു വര്‍ഷാരംഭം ആയിട്ടും വിഷുവിനെ കണക്കാക്കുന്നു. ‘തുല്യത’ എന്നര്‍ത്ഥം വരുന്ന സംസ്കൃത മലയാളത്തിലെ ‘വിഷുവം’ എന്ന പദത്തില്‍ നിന്നാണ് വിഷു എന്ന വാക്ക് ഉത്ഭവിച്ചത്. <br/>  <br/> ## എന്താണ് വിഷു? വിഷുവിന് പിന്നില്‍ പല ഐതീഹ്യങ്ങളും ഉണ്ട്. നരകാസുരന്‍ ശ്രീകൃഷ്ണനാല്‍ വധിക്കപ്പെട്ട ദിവസമാണ് വിഷുവായി ആഘോഷിക്കുന്നതെന്നാണ് ഒരു ഐതീഹ്യം. രാവണന്‍റെ കൊട്ടാരത്തിനുള്ളില്‍ വെയില്‍ തട്ടിയതിനാല്‍ രാവണന്‍ കോപിഷ്ഠനായി സൂര്യനെ കൊട്ടാരത്തിന് നേരെ ഉദിക്കാന്‍ സമ്മതിച്ചില്ലെന്നും, രാമന്‍ രാവണനെ നിഗ്രഹിച്ചതിന് ശേഷം സൂര്യന്‍ നേരെ ഉദിച്ചതാണ് വിഷുവായി ആഘോഷിക്കുന്നത് എന്നത് മറ്റൊരു ഐതീഹ്യം. കേരളത്തില്‍ വിഷു ഒരു വിളവെടുപ്പ് ഉത്സവമായാണ് ആഘോഷിക്കുന്നത്. ## വിഷു എങ്ങനെ ആഘോഷിക്കാം? 10 കാര്യങ്ങൾ വിഷു എങ്ങനെ ആഘോഷിക്കണം എന്നത് ഒരു മലയാളിക്ക് പരിചയപ്പെടുത്തിക്കൊടുക്കേണ്ട ആവശ്യമില്ല. എന്നാല്‍ ഈ വിഷു കൂടുതല്‍ രസകരമാക്കാന്‍, കുടുംബത്തോടൊപ്പവും കൂട്ടുകാരോടൊപ്പവും ചേര്‍ന്ന് ചെയ്യാവുന്ന വ്യത്യസ്തമായ 10 കാര്യങ്ങള്‍ ചുവടെ ചേര്‍ക്കുന്നു. ### 1. വിഷുക്കണി കാണിക്കാൻ പോകാം പണ്ടുകാലത്ത് ചില നാട്ടിന്‍പുറങ്ങളില്‍ വിഷുദിവസം വെളുപ്പിന് കണികാണിക്കാന്‍ വേണ്ടി കൊണ്ടുനടക്കുന്ന ഒരു ചടങ്ങ് ഉണ്ടായിരുന്നു. അവിടത്തെ യുവാക്കള്‍ ആയിരിക്കും മിക്കവാറും അതിനു മേല്‍നോട്ടം വഹിക്കുന്നത്. അതെ, മീശമാധവന്‍ സിനിമയിലെ തുടക്ക രംഗങ്ങളില്‍ ഉള്ളപോലെ തന്നെ കൃഷ്ണന്‍റെ വേഷമണിഞ്ഞ് ഓരോ വീട്ടിലും ചെന്ന് കണി കാണിക്കുന്ന കാര്യം തന്നെയാണ് പറഞ്ഞു വരുന്നത്. ഈ വിഷുവിന് കൂട്ടുകാരുമൊത്ത് അത്തരം ഒരു പരിപാടി പ്ലാന്‍ ചെയ്യാം. കൃഷ്ണവേഷം കെട്ടാന്‍ ആളെ നോക്കിവയ്ക്കണം. അതിനുള്ള ചിലവും മറ്റും ഓരോ വീട്ടില്‍ നിന്നുള്ള വിഷുകൈനീട്ടത്തില്‍ നിന്നും കിട്ടും. ചിലപ്പോൾ ആഘോഷിക്കാനുള്ള പടക്കം വാങ്ങാനുള്ള പണവും കിട്ടിയേക്കാം. ഫ്ലാറ്റുകളില്‍ ജീവിക്കുന്നവര്‍ക്കും ചെയ്തുനോക്കാവുന്നതാണ്. ഒരു പുതിയ അനുഭവം ആയിരിയ്ക്കും. ### 2. യാത്ര പോകാം <br/>  <br/> യാത്ര പോകാന്‍ ഇഷ്ടമല്ലാത്തവരായി ആരുണ്ട്? അത് വിഷുവിനോട് അനുബന്ധിച്ചാണെങ്കില്‍ വീട്ടിലുള്ള എല്ലാവരും കൂടെ കാണും. എല്ലാവര്‍ഷവും വിഷു വീട്ടിലിരുന്നാകാം ആഘോഷിക്കുന്നത്. ഇത്തവണ ഒന്നു പുറത്തേക്ക് ഇറങ്ങാം. കുടുംബത്തോടൊപ്പമോ കൂട്ടുകാരുമൊത്തോ ഒരു യാത്ര പോകാം. കുട്ടികള്‍ക്കെല്ലാവര്‍ക്കും ഈ സമയം അവധിയായിരിക്കും. കുടുംബത്തിലെ എല്ലാ അംഗങ്ങളും ഒത്തുചേരുന്ന സമയമാവും. ഈ സമയം ഒരു യാത്രയ്ക്ക് വിനിയോഗിച്ചാല്‍ അതൊരു കുടുംബ സംഗമം പോലെയും ആവും. അതും കോവിഡ് മൂലം വീട്ടില്‍ അടച്ചുപൂട്ടിയിരുന്നവര്‍ക്ക് കൂടുതല്‍ ആശ്വാസവുമാകും. ഒരു മലമുകളിലേക്ക് യാത്രപോകാനാവാം ചിലര്‍ക്ക് ഇഷ്ടം. ചിലര്‍ക്ക് അതൊരു ബീച്ചിലേക്കാകാം. കോവളം, മൂന്നാര്‍, തേക്കടി, വയനാട് പോലുള്ള സ്ഥലങ്ങളിലേക്ക് യാത്ര പോകാം. അല്ലെങ്കില്‍, നിങ്ങളുടെ ഏറ്റവും അടുത്തു കിടക്കുന്ന സ്ഥലത്തേക്ക്, നിങ്ങളൊട്ടും പോകാത്ത സ്ഥലത്തേക്ക് യാത്രയാവാം. എവിടേക്കായാലും വിഷുവിന് തലേ ദിവസം പോയി വിഷുദിവസം ഉദയസൂര്യനെ കണികാണാം. ### 3. അനാഥാലയത്തിൽ വിഷു ആഘോഷിക്കാം <br/>  <br/> ഇത്തവണ വിഷു നമുക്ക് അടുത്തുള്ള അനാഥാലയത്തിലോ അഗതിമന്ദിരത്തിലോ ആക്കിയാലോ? കുടുംബത്തോടൊപ്പമോ കൂട്ടുകാരുമൊത്തോ അവിടെപ്പോയി അവിടത്തെ അന്തേവാസികളുമായി വിഷു ആഘോഷിക്കാം. കഴിഞ്ഞ വിഷുവിന് കിട്ടിയ വിഷുകൈനീട്ടം എടുത്തുവച്ചിട്ടുണ്ടെങ്കില്‍ അത് അവര്‍ക്കായി ചിലവഴിക്കാം. അല്ലെങ്കില്‍ ഉറ്റവരെന്ന് കരുതി അവരുടെ പുഞ്ചിരിക്കായി കുറച്ചു പണം ചിലവഴിക്കാം. വിഷുകൈനീട്ടവും വിഷുക്കോടിയും അവര്‍ക്ക് നല്‍കാം. കൂടെയിരുന്ന് സദ്യ കഴിക്കാം. സന്തോഷത്തോടെ പായസം കുടിക്കാം. വിഷു എന്നാല്‍ തുല്യത എന്നാണല്ലോ അര്‍ത്ഥം. അവരും നമ്മളും തുല്ല്യരാണെന്നും അവര്‍ക്കൊപ്പം നമ്മളുണ്ടെന്നും ഉള്ള ആശ്വാസമേകാം. ### 4. കണിവയ്ക്കൽ മത്സരം ഫ്ളാറ്റില്‍ ജീവിക്കുന്നവര്‍ക്ക് വിഷു കൂടുതല്‍ രസകരമാക്കാന്‍ ഒരു മത്സരം നടത്താം. കണിവയ്ക്കല്‍ മത്സരം. ഓരോ ഫ്ലാറ്റിലെയും ആള്‍ക്കാര്‍ അവരുടെ വീട്ടില്‍ കണിവയ്ക്കണം. കണിയൊരുക്കാനായി അരി, നെല്ല്, കോടി മുണ്ട്, വാൽക്കണ്ണാടി, സ്വർണ്ണം, കണിവെള്ളരി, കണിക്കൊന്ന, വെറ്റില, അടയ്ക്ക, ചക്കപ്പഴം, മാമ്പഴം, പഴം, നാളികേര പാതികൾ, തിരി കൊളുത്തി വയ്ക്കാനായി വിളക്ക്, വെള്ളം നിറച്ച് വച്ച കിണ്ടി, കൃഷ്ണ വിഗ്രഹം എന്നിവ ഉപയോഗിക്കാവുന്നതാണ്. ഇവയെല്ലാം ഒരു ഉരുളിയിൽ വച്ച് കണിയൊരുക്കാം. ഓണത്തിന് പൂക്കളമത്സരം നടത്തുന്നപോലെ തന്നെ ഓരോ വീട്ടിലും പോയി വച്ചിരിക്കുന്ന കണി എങ്ങനെയുണ്ടെന്ന് നോക്കാം. വിധി നിര്‍ണ്ണയിക്കാന്‍ നിഷ്പക്ഷരായിട്ടുള്ള ആള്‍ക്കാരെ നിയോഗിക്കാം. അതൊരു ആഘോഷമാക്കി മാറ്റാം. മത്സരം കണിവയ്ക്കുന്നതില്‍ മാത്രം ഒതുക്കണ്ട. മറ്റ് മേഖലകളിലും മത്സരം വയ്ക്കാം. മികച്ച സദ്യ, നല്ല പായസം പോലുള്ള ഇനങ്ങളിലും മത്സരം വയ്ക്കാം. ഈ വിഷു മത്സരങ്ങളിലൂടെയും ഒത്തൊരുമയിലും ആഘോഷിക്കാം. ### 5. കൃഷി തുടങ്ങാം <br/>  <br/> വിഷു മലയാളികള്‍ക്ക് ഒരു കാര്‍ഷികോത്സവം കൂടിയാണ്. പണ്ട് കാലത്ത് വിഷുവിനോട് അനുബന്ധിച്ച് പാടത്തും തങ്ങളുടെ കൃഷി സ്ഥലങ്ങളിലും കര്‍ഷകർ ചെയ്യുന്ന പല ആചാരങ്ങള്‍ ഉണ്ടായിരുന്നു. ചാലിടീല്‍ കര്‍മ്മം, കൈക്കോട്ടുചാല്‍, വിഷുക്കരിക്കല്‍, വിഷുവേല, വിഷുവെടുക്കല്‍, പത്താമുദയം എന്നിവ വിഷുവിനോട് അനുബന്ധിച്ച് നടക്കുന്ന ആചാരങ്ങളാണ്. ഇതിനെ പിന്തുടര്‍ന്നു തന്നെ നമുക്കും ഒരു കൃഷി തുടങ്ങാം. പാടത്ത് വിത്ത് വിതയ്ക്കാനോ തോപ്പില്‍ തെങ്ങ് വയ്ക്കാനോ കഴിയണം എന്നില്ല. ഒരു ചെറിയ കവറില്‍ കുറച്ച് മണ്ണെടുത്ത് അതില്‍ പഴുത്ത മുളകിന്റെ വിത്ത് പാവിയാലും മതി. പല പച്ചക്കറി വിത്തുകള്‍ ഇപ്പോള്‍ സുലഭമായി വാങ്ങാന്‍ കിട്ടും. തൊടിയിലോ വീടിന്റെ ടെറസ്സിലോ ഫ്ലാറ്റിന്റെ ബാല്‍ക്കണിയിലോ ഒക്കെ നമുക്ക് ഗ്രോ ബാഗുകള്‍ ഉപയോഗിച്ച് ചെറിയ കൃഷി തുടങ്ങാവുന്നതാണ്. ഈ വിഷു അതിനുള്ള കാരണമാകട്ടെ. ### 6. വിഷു കഞ്ഞി വയ്ക്കാം പലയിടത്തും പ്രചാരമുള്ള വിഷു വിഭവമാണ് വിഷു കഞ്ഞി അഥവാ വിഷു കട്ട. പ്രഭാതഭക്ഷണം ആണ്. കേരളത്തിൽ തൃശ്ശൂർ ഭാഗത്താണ് ഇത് കൂടുതൽ കണ്ടു വരുന്നത്. ഈ വിഷുവിന് നമുക്ക് അതൊന്ന് ഉണ്ടാക്കിനോക്കാം. വളരെ എളുപ്പമാണ് ഉണ്ടാക്കാന്‍. വിഷു ദിവസം വ്യത്യസ്തമായ വിഭവവും ആവും. അരി നാളികേരപ്പാലിൽ വേവിച്ച് ജീരകം ചേർത്ത് വറ്റിച്ചെടുത്താണ് വിഷുക്കട്ട ഉണ്ടാക്കുന്നത്. അത് വറ്റിക്കാതെ ചെയ്താൽ അത് വിഷുകഞ്ഞി ആയി. ഇത്രയും ലളിതമായും വേഗത്തിലും ഉണ്ടാക്കാന്‍ പറ്റുന്ന പ്രാതല്‍ ഈ വിഷുവിന് നമുക്ക് ഉണ്ടാക്കി നോക്കാവുന്നതാണ്. ഇതിൽ കുറച്ച് നെയ്യോ ശർക്കര ചിരണ്ടിയിട്ടോ മധുരം കൂട്ടിയും കഴിക്കാവുന്നതാണ്. ചിലര്‍ ഇതിന്റെ കൂടെ മത്തനും പയറും എരിശ്ശേരി കൂട്ടി കഴിക്കാറുണ്ട്. പുതിയ തലമുറക്ക് പകര്‍ന്ന് കൊടുക്കാവുന്ന ഒരു പോഷകാഹാരം കൂടിയാണ് ഈ വിഷുകഞ്ഞി അഥവാ വിഷുകട്ട. ### 7. പടക്കം പൊട്ടിക്കാം <br/>  <br/> കൈനീട്ടം മാറി കഴിഞ്ഞാല്‍ ഉടനെ പടക്കം പൊട്ടിക്കാനുള്ള പാച്ചിലാണ് കുട്ടികള്‍ക്ക്. വിഷു, മലയാളികൾക്ക് പടക്കം പൊട്ടിക്കുന്നതിന്‍റെയും ആഘോഷം ആണ്. കേരളത്തിന് പുറത്തുള്ളവരും ഫ്ലാറ്റില്‍ ജീവിക്കുന്നവരും പടക്കം പൊട്ടിച്ചുള്ള വിഷു ആഘോഷം കുറവായിരിക്കും. എങ്കിലും കുട്ടികള്‍ക്ക് ഇഷ്ടപ്പെടുന്ന കമ്പിത്തിരി, മത്താപ്പ് പോലുള്ളവ കത്തിച്ചു വിഷു ആഘോഷിക്കാം. പടക്കം പൊട്ടിക്കുമ്പോഴും കമ്പിത്തിരി പോലുള്ള സാധനങ്ങൾ കത്തിക്കുമ്പോഴും അതീവ ശ്രദ്ധ വേണം എന്ന് പ്രത്യേകം പറയേണ്ടതില്ലല്ലോ. പ്രത്യേകിച്ച് കൊച്ചു കുട്ടികൾ അടുത്തുള്ളപ്പോൾ. ഇവയെല്ലാം ആഘോഷങ്ങൾക്ക് വേണ്ടി മാത്രം മിതമായ രീതിയിൽ ഉപയോഗിക്കാം. വീട്ടിൽ വയ്യാത്ത ആൾക്കാരുണ്ടെങ്കിലോ മൃഗങ്ങൾ ഉണ്ടെങ്കിലോ പടക്കം വച്ചുള്ള ആഘോഷം വേണ്ടെന്ന് വയ്ക്കുന്നതാണ് നല്ലത്. അങ്ങനെയുള്ള സ്ഥലങ്ങളില്‍ ദീപങ്ങള്‍ വച്ചും വിഷു ആഘോഷിക്കാം. ### 8. ചക്ക വറുത്ത് വിൽ‍ക്കാം വിഷുക്കാലത്ത് വിളയുന്ന വിഭവങ്ങളാണ് ചക്കയും മാങ്ങയും. അതുകൊണ്ടുതന്നെ വിഷു എന്നത് ചക്കയും മാമ്പഴവും കൊണ്ടുള്ള ഉത്സവം തന്നെ. വിഷുവിഭവങ്ങളില്‍ ഏറ്റവും കേമന്‍ ചക്ക വറുത്തത് തന്നെ. ഓണത്തിന് കായ വറുത്തത് പോലെതന്നെ പ്രധാനമാണ് വിഷുവിന് ചക്ക വറുത്തത്. ഇത്തവണ അതൊരു ബിസിനസ്സ് ആക്കിയെടുത്താലോ? വിഷുവിന് മുന്നേ തയ്യാറെടുപ്പുകള്‍ തുടങ്ങണം. കൂട്ടുകാരെയും കൂട്ടാം. തൊടിയിലുള്ള ചക്ക പറിച്ചോ അല്ലെങ്കില്‍ ചക്ക വാങ്ങിയോ കൂട്ടുകാരുമൊത്ത് ചക്ക വെട്ടി പൊളിച്ച് നുറുക്കി വറുത്തെടുക്കാം. നല്ല വെളിച്ചെണ്ണയില്‍ തന്നെ ചക്ക വറുത്താല്‍ നല്ല സ്വാദായിരിക്കും. ഉപ്പിടാന്‍ മറക്കാതിരിക്കുക എന്നതേ ശ്രദ്ധിക്കേണ്ടതുള്ളൂ. പുതുതായി പരീക്ഷങ്ങള്‍ ആഗ്രഹിക്കുന്ന പുതുതലമുറയ്ക്ക് വറുത്ത് കോരിയ ചക്കയില്‍ കുറച്ച് മുളകുപൊടിയോ കുരുമുളക് പൊടിയോ വിതറി ചക്കവറുത്തത് പ്രത്യേകതയുള്ളതാക്കാം. ഈ ചക്ക വറുത്തത് പാക്കറ്റുകളിലാക്കി ഓരോ വീട്ടിലും കൊണ്ടുപോയി വില്‍ക്കാം. മിതമായി വിലയീടാക്കിയാല്‍ എല്ലാവരും വാങ്ങും. വേഗതയുള്ള ഈ ജീവിതത്തില്‍ വീട്ടിലുണ്ടാക്കിയ ചക്ക വറുത്തത് ഇന്‍സ്റ്റന്‍റ് ആയി കിട്ടിയാല്‍ ആരാണ് വാങ്ങിക്കാത്തത്. അത് വില്‍ക്കുക വഴി നിങ്ങള്‍ക്ക് വിഷു ആഘോഷിക്കാനുള്ള വരുമാനവും ആവും. ഇതേ രീതിയില്‍ തന്നെ ചക്ക പ്രഥമനും വില്‍ക്കാം. ### 9. ഒരു സിനിമ കാണാം കുടുംബത്തിലെ മൂത്തവരും ഇളയവരും കൂട്ടുകാരും എല്ലാവരും ഒത്തുചേരുന്ന വിഷുദിനത്തിൽ ഒരു സിനിമ കാണാൻ ശ്രമിക്കാം. വീട്ടിലിരുന്നു തന്നെ സിനിമ കണ്ടാല്‍ വീട്ടിൽ തന്നെ ഒരു തീയറ്റർ പ്രതീതി ആവും. വിഷു ദിനത്തിൽ പല ചാനലുകളും പുതിയ ചിത്രങ്ങൾ പ്രക്ഷേപണം ചെയ്യുന്നുണ്ട്. ഇപ്പോൾ ഒടിടി പ്ലാറ്റ്ഫോമുകളിൽ ഇഷ്ടം പോലെ സിനിമ കാണാൻ അവസരവുമുണ്ട്. അല്ലെങ്കില്‍ ഈ വിഷുവിന് രണ്ട് സൂപ്പര്‍ ചിത്രങ്ങള്‍ തിയറ്ററില്‍ ഇറങ്ങുന്നുണ്ട്. കന്നഡ സിനിമ കെ.ജി.എഫും തമിഴ് ചിത്രം ബീസ്റ്റും. കുറെ കാലത്തിന് ശേഷം കുടുംബത്തോടൊപ്പം തിയറ്ററില്‍ പോയി സിനിമ കാണാനുള്ള അവസരമാണ്. ### 10. വീട് വൃത്തിയാക്കാം ഒന്നു മനസ്സുവച്ചാല്‍ വീട് വൃത്തിയാക്കുന്നതും വിഷുവിനോട് അനുബന്ധിച്ചുള്ള ആഘോഷമായി മാറ്റാം. വിഷു ദിവസത്തിന് തലേ നാള്‍ ആണ് ശരിക്കും വീട് വൃത്തിയാക്കല്‍ എന്ന ചടങ്ങ് നടക്കുന്നത്. ഒരു പുതിയ വര്‍ഷം വരവേല്‍ക്കാന്‍ വീടിനെക്കൂടി വൃത്തിയാക്കി ഒരുക്കിനിര്‍ത്തുകയാണ് ഇവിടെ ചെയ്യുന്നത്. വീടും പരിസരവും വൃത്തിയാക്കി ബാക്കിയുള്ള സാധങ്ങള്‍ പറമ്പില്‍ ഇട്ടു കത്തിക്കുന്നു. ഫ്ലാറ്റിലെ ജീവിതത്തിലും ഈ മാതൃക ഇത്തവണ നമുക്ക് പകര്‍ത്താവുന്നതാണ്. ഓരോ പണികളും കുടുംബത്തിലെ ഓരോരുത്തര്‍ക്കായിട്ടു വീതിച്ചുനല്‍കാം. അടിച്ചു വാരുന്നതും, തുടയ്ക്കുന്നതും, അടുക്കി വയ്ക്കുന്നതും മറ്റും ഓരോ ആള്‍ക്കാര്‍ക്കും കൊടുത്ത് അതൊരു മത്സര ബുദ്ധിയോടെ ചെയ്തുതീര്‍ക്കാം. വീട് വൃത്തിയായി വിഷുവിനെ വരവേല്‍ക്കാനായി ഒരുങ്ങുകയും ചെയ്യാം. എല്ലാവര്‍ക്കും ഇത് ഒരു ആഘോഷമാവുകയും ചെയ്യും. ### 11. ക്ഷേത്ര ദർശനം നടത്താം വിഷു ദിവസം രാവിലെ കണികണ്ടും, പടക്കം പൊട്ടിച്ചും കഴിഞ്ഞതിനു ശേഷം ആരും ഉറങ്ങാറില്ല. എല്ലാവരും നേരെ പോയി കുളിച്ച് പുതിയ വസ്ത്രങ്ങളും അണിഞ്ഞ് ക്ഷേത്ര ദര്‍ശനത്തിനുള്ള തയ്യാറെടുപ്പിലാവും. വിഷുദിവസം കേരളത്തിലെ ഒട്ടുമിക്ക ക്ഷേത്രങ്ങളിലും കൃഷ്ണവിഗ്രഹത്തിന്റെ മുന്നില്‍ വിഷുക്കണി വച്ചിട്ടുണ്ടാകും. കേരളത്തിലെ ഗുരുവായൂര്‍ ക്ഷേത്രത്തില്‍ വിഷു എന്നത് ആഘോഷം തന്നെയാണ്. അന്നേ ദിവസം കണികാണാനായി ക്ഷേത്രത്തില്‍ എത്തുന്നത് ആയിരക്കണക്കിന് ആളുകളാണ്. ഈ വിഷുവിന് നമുക്കും അടുത്തുള്ള ക്ഷേത്രത്തില്‍ കുടുംബത്തോടൊപ്പം തൊഴാന്‍ പോകാം. ദേവനെ പ്രാര്‍ഥിച്ച് അവിടെയുള്ള വിഷുക്കണി കാണാം. ### 12. വീട്ടിലിരുന്ന് വിഷു ആഘോഷിക്കാം വീട്ടില്‍ വയസ്സായവര്‍ ഉണ്ടെങ്കില്‍, യാത്ര ചെയ്യാനൊന്നും പറ്റാത്തവരാണെങ്കില്‍ അവര്‍ക്കും വിഷു ആഘോഷിക്കണ്ടേ? അവരുടെ കൂടെയിരുന്ന് നമുക്കും ആഘോഷിക്കാം. സാധാരണ വിഷുദിവസത്തില്‍ ചെയ്യുന്നപോലെ രാവിലെ എഴുന്നേറ്റ് കണി കാണാം. മുതിര്‍ന്നവരുടെ കയ്യില്‍ നിന്നും കൈനീട്ടം വാങ്ങാം. ഇളയവര്‍ക്ക് കൈനീട്ടം കൊടുക്കാം. ഒരുമിച്ച് പടക്കം പൊട്ടിക്കാം. പടക്കം പൊട്ടിക്കുമ്പോഴും കമ്പിത്തിരി പോലുള്ള സാധനങ്ങൾ കത്തിക്കുമ്പോഴും അതീവ ശ്രദ്ധ വേണം എന്ന് പ്രത്യേകം പറയേണ്ടതില്ലല്ലോ. പ്രത്യേകിച്ച് കൊച്ചു കുട്ടികൾ അടുത്തുള്ളപ്പോൾ. ഇവയെല്ലാം ആഘോഷങ്ങൾക്ക് വേണ്ടി മാത്രം മിതമായ രീതിയിൽ ഉപയോഗിക്കാം. വീട്ടിൽ വയ്യാത്ത ആൾക്കാരുണ്ടെങ്കിലോ മൃഗങ്ങൾ ഉണ്ടെങ്കിലോ പടക്കം വച്ചുള്ള ആഘോഷം വേണ്ടെന്ന് വയ്ക്കുന്നതാണ് നല്ലത്. അങ്ങനെയുള്ള സ്ഥലങ്ങളില്‍ ദീപങ്ങള്‍ വച്ചും വിഷു ആഘോഷിക്കാം. ഒത്തൊരുമിച്ച് ഒരു സദ്യ ഉണ്ടാക്കി കഴിക്കാം. ഇങ്ങനെ പരമ്പരാഗത രീതിയില്‍ തന്നെ വിഷു ആഘോഷിക്കാം. ഇത്തരം പ്രവര്‍ത്തികളിലൂടെ സമ്പല്‍സമൃദ്ധമായ ഒരു വിഷു നമുക്ക് ആഘോഷിക്കാം. ഏവര്‍ക്കും ഐശ്വര്യപൂര്‍ണ്ണമായ ഒരു വിഷു ആശംസിക്കുന്നു.