Top arts colleges in Kerala
വിദ്യാഭ്യാസത്തോടൊപ്പം തന്നെ കലയും വിപ്ലവവും പ്രണയവും ഇഴചേർന്ന ഒരുപാട് കഥകൾ പറയാനുണ്ടാകും കേരളത്തിലെ ഓരോ ക്യാമ്പസുകൾക്കും. നാളെയുടെ നല്ലൊരു ജനതയെ വാർത്തെടുക്കുവാൻ കലാലയങ്ങൾ വഹിക്കുന്ന പങ്ക് ചെറുതൊന്നുമല്ല. ജീവിതത്തിന്റെ നേർക്കാഴ്ചകൾ തിരിച്ചറിയുവാൻ, സ്വന്തം കഴിവുകളെ ഉണർത്തിയെടുക്കുവാൻ, എന്തിനധികം പറയുന്നു, ഒരു വ്യക്തിയെ അവന്റെ പൂർണതയിലേക്ക് നയിക്കുന്നത് ഏറെക്കുറെ അവന്റെ കലാലയജീവിതം തന്നെയാണ്. ഒരുപാട് ഏറെ കഥകൾക്ക് സാക്ഷ്യംവഹിച്ച ക്യാമ്പസ് ഇടനാഴികൾ ഓരോ വർഷവും പുതിയ കഥകളെ വരവേറ്റു കൊണ്ടിരിക്കുന്നു.കലയിലും വിദ്യാഭ്യാസത്തിലും മുന്നിട്ടുനിൽക്കുന്ന ആർട്സ് കോളേജുകളുടെ കാര്യത്തിൽ കേരളം ഒട്ടും പിന്നിലല്ല. ഇന്ന് സമൂഹത്തിന്റെ വിവിധ മേഖലകളിലായി പ്രവർത്തിക്കുന്ന ഒട്ടനവധി പ്രമുഖരെയും വാർത്തെടുത്തത് അവരുടെ ക്യാമ്പസ് ജീവിതം തന്നെയാണ്. കാലത്തിന്റെ കുത്തൊഴുക്കിൽ ഓർമ്മകൾ മാത്രമായി അവശേഷിക്കുന്ന കലാലയ ജീവിതങ്ങൾ പലർക്കും മുന്നോട്ടുള്ള ജീവിതത്തിന്റെ പ്രതീക്ഷയും കൈത്താങ്ങും ഒക്കെയാണ്.നാൾക്കുനാൾ വളർന്നു കൊണ്ടിരിക്കുന്ന കേരള ക്യാമ്പസുകൾ ഇന്ന് എല്ലാവർക്കും മാതൃകയായി കൊണ്ടിരിക്കുകയാണ്.
അങ്ങനെ നമ്മുടെ കേരളത്തിലെ തന്നെ റാങ്കിങ്ങ് പട്ടികയിൽ ഉയർന്ന സ്ഥാനത്തുള്ള കുറച്ച് ആർട്സ് കോളേജുകളെ പരിചയപ്പെടാം.
CMS College, കോട്ടയം
അക്ഷര നഗരിയുടെ സ്വന്തം ക്യാമ്പസ്. അറിയുംതോറും കൂടുതൽ അടുപ്പം തോന്നുന്ന കലാലയം. പത്തൊമ്പതാം നൂറ്റാണ്ടിന്റെ തുടക്കത്തിൽ തിരുവിതാംകൂർ ദിവാനായ ജോൺ മൺറോ ആണ് കോളേജ് എന്ന ആശയം ആദ്യം കൊണ്ടുവരുന്നത്. പിന്നീട് ഇംഗ്ലണ്ടിലെ ചർച്ച് മിഷനറി സൊസൈറ്റിയാണ് സിഎംഎസ് കോളേജിന് രൂപം നൽകിയത്.1857ൽ മദ്രാസ് യൂണിവേഴ്സിറ്റിയുടെ അംഗീകാരം ലഭിച്ച ക്യാമ്പസ്, 1959ലാണ് ബിരുദാനന്തര ബിരുദ പഠനത്തിന് തുടക്കം കുറിച്ചത്..
ഇന്ന് കോളേജ് ക്യാമ്പസ് കോട്ടയം മഹാത്മാ ഗാന്ധി സർവകലാശാലയുടെ കീഴിലാണ്. 1815 മാർച്ച് മാസത്തിൽ 25 കുട്ടികളുമായി തുടങ്ങിയ ക്യാമ്പസിൽ ഇന്ന് ആയിരക്കണക്കിന് വിദ്യാർത്ഥികളാണ് പഠിക്കുന്നത്. ഇന്ത്യയുടെ ആദ്യത്തെ പാശ്ചാത്യ കാമ്പസ് എന്ന അംഗീകാരവും സി എം എസിന് സ്വന്തം.
ഇംഗ്ലീഷ് ഭാഷയെ ജനങ്ങളിലേക്ക് എത്തിക്കുക എന്ന ആശയമായിരുന്നു ഇങ്ങനെയൊരു കലാലയത്തിലേക്ക് നയിച്ചത്.പിന്നീട് ഇംഗ്ലീഷ്, മലയാളം, സംസ്കൃതം മുതലായ ഭാഷകൾക്ക് ഒപ്പം തന്നെ ഗ്രീക്ക്, ലാറ്റിൻ എന്നീ ഭാഷകളും പഠനത്തിൽ ഇടംനേടി.
ഇന്ന് 14 ഡിപ്പാർട്ട്മെന്റിലായി 47കോഴ്സുകൾ ആണ് ഇവിടെയുള്ളത്. കൂടാതെ കോളേജിന് അകത്ത് തന്നെ ആറു റിസെർച്ച്‌ സെന്ററുകളും ഉണ്ട്.
കേരളത്തിൽ തരംഗമായി മാറിയ 2006ൽ പുറത്തിറങ്ങിയ ക്ലാസ്സ്‌മേറ്റ്സ് പോലുള്ള നിരവധി പ്രമുഖ ചിത്രങ്ങളുടെയും ഷൂട്ടിംഗ് ലോക്കേഷൻ നമ്മുടെ സ്വന്തം സി എം എസ് കോളേജ് ആണ്.
Sacred Heart College, Thevara Kochi
അറിവുകൾ പകർന്നു നൽകുന്നതോടൊപ്പം തന്നെ വിദ്യാർത്ഥികളെ അവരുടെ കഴിവുകൾക്ക് അനുസരിച്ച് വളർത്തിയെടുക്കുന്നതിൽ മുൻപന്തിയിൽ നിൽക്കുന്നത് കൊണ്ട് തന്നെയാണ് സെക്രെഡ് ഹാർട്ട്‌ കോളേജ് രാജ്യത്തെ തന്നെ മികച്ച ക്യാമ്പസുകളിൽ ഒന്നായി മാറിയത്.1944ൽ കൊച്ചിയിൽ തുടക്കം കുറിച്ച സെക്രെഡ് ഹാർട്ട്‌ കോളേജ് ഇന്ന് കേരളത്തിലെ അറിയപ്പെടുന്ന ഒരു സ്വയം ഭരണാധികാരമുള്ള ക്യാമ്പസ് കൂടിയാണ്. 1958ൽ കേരള സർവകലാശാലയുടെ അംഗീകാരം ലഭിച്ച കോളേജ് പിന്നീട് 1983 കാലഘട്ടത്തിൽ കോട്ടയം മഹാത്മാ ഗാന്ധി യൂണിവേഴ്സിറ്റിക്ക് കീഴിലേക്ക് മാറുകയായിരുന്നു.2014ലെ കണക്കെടുപ്പ് പ്രകാരം കേരളത്തിലെ ഏറ്റവും പ്രശസ്തമായ 5 സ്വയംഭരണാധികാരമുള്ള കോളേജുകളിൽ സ്ഥാനം പിടിക്കുകയും ചെയ്തു.19 ബിരുദ കോഴ്സുകളും 18 ബിരുദാനന്തര ബിരുദ കോഴ്സുകളും 7 PhD കോഴ്സ്കളിലുമായി മൂവായിരത്തോളം വിദ്യാർത്ഥികളാണ് ഇന്ന് കോളേജിൽ ഉള്ളത്.
University College, Thiruvananthapuram
കേരളത്തിന്റെ തലസ്ഥാന നഗരിയായ തിരുവന്തപുരം ജില്ലയിലെ പാളയം ആണ് യൂണിവേഴ്സിറ്റി കോളേജ് സ്ഥിതി ചെയ്യുന്നത്. വിദ്യാഭ്യാസത്തിന് വേണ്ടത്ര പ്രാധാന്യം നൽകാതിരുന്ന കാലഘട്ടത്തിൽ അന്ന് തിരുവിതാംകുർ ഭരിച്ചിരുന്ന സ്വാതി തിരുന്നാൾ രാമവർമയാണ് ഒരു കലാലയം എന്ന ആശയത്തെ മുന്നോട്ട് വച്ചത്.. അങ്ങനെ 1834ൽ ഒരു സ്കൂൾ ആരംഭിച്ചു കൊണ്ട് തുടക്കം കുറിച്ചു, പിൽകാലത്ത് 1866ൽ ആയില്യം തിരുന്നാൾ രാമവർമ മഹാരാജന്റെ കാഘട്ടത്തിൽ ഉന്നത വിദ്യാഭ്യാസത്തിനുള്ള അവസരം കൂടി ഒരുക്കി ഇന്ന് കാണുന്ന യൂണിവേഴ്സിറ്റി കോളേജ് ആയി മാറ്റിയെടുത്തു. ആധുനിക സൗകര്യങ്ങളാലും ഉന്നത നിലവാരമുള്ള അധ്യാപകരാലും യൂണിവേഴ്സിറ്റി കോളേജ് ആദ്യം മുതൽക്കേ എല്ലാവരുടെയും മനസ്സിൽ സ്ഥാനം പിടിച്ചിരുന്നു.. ഏതൊരു തിരുവനന്തപുരത്തുകാരന്റെയും സ്വപ്നങ്ങളിൽ ഒന്നായി ക്യാമ്പസ് വളർന്നു കൊണ്ടിരിക്കുന്നു. ഉയർന്ന മാർക്കുകളുടെ അടിസ്ഥാനത്തിൽ പ്രവേശനം ലഭിക്കുന്ന കോളേജ് ദേശീയതലത്തിലെ NIRF റാങ്കിങ്ങിൽ ഇരുപത്തി മൂന്നാം സ്ഥാനത്തുണ്ട്. പതിനെട്ടു ബിരുദ കോഴ്സുകളും ഇരുപതിയൊന്ന് ബിരുദാനന്തര ബിരുദ കോഴ്സുകളും പതിമൂന്ന് M Phil. കോഴ്സുകളും പതിനേഴു PhD കോഴ്സുകളുമായി 65 കോഴ്സുകളാണ് ഇപ്പോൾ യൂണിവേഴ്സിറ്റി കോളേജിൽ ലഭ്യമാകുന്നത്. മാത്രമല്ല 278 സ്റ്റാഫുകളും മൂവായിരത്തിലേറെ വിദ്യാർത്ഥികളുമായി കേരളത്തിലെ തന്നെ മികച്ച കോളേജുകളിൽ മുൻപന്തിയിലാണ് യൂണിവേഴ്സിറ്റി കോളേജ്..
Maharajas College, Ernakulam
പ്ലസ്ടു കാലഘട്ടം കഴിഞ്ഞു ക്യാമ്പസ് ജീവിതത്തിലേക്ക് കടക്കുന്ന ഏതൊരു വിദ്യാർത്ഥിയുടെയും സ്വപ്നമാണ് എറണാകുളം മഹാരാജാസ് കോളേജ്.
സിനിമയിലും രാഷ്ട്രീയത്തിലും എന്നുവേണ്ട നമ്മൾ ആരാധിക്കുന്ന ഒരുപാട് മേഖലകളിലുള്ള പ്രമുഖ വ്യക്തികൾ പഠിച്ചിറങ്ങിയ മഹാരാജാസിന്റെ ഇടനാഴികളിൽ കൂടി ഒരിക്കൽ എങ്കിലും ഒന്ന് നടക്കാൻ കൊതിക്കാത്ത കൗമാരക്കാർ ഉണ്ടാകില്ല. എറണാകുളം ജില്ലയുടെ ഹൃദയ ഭാഗത്തായി സ്ഥിതി ചെയുന്ന മഹാരാജാസ് കോളേജ് നിലവിൽ വന്നത് 1875 കാലഘട്ടത്തിലാണ്. വേമ്പനാട് കായലിന്റെ തീരത്തായി 25 ഏക്കർ വിസ്തിർതിയിൽ ചുറ്റപ്പെട്ടു നിൽക്കുന്ന കോളേജ് പഴമയുടെയും പുതുമയുടെയും കാലഘട്ടത്തെ ഒരുപോലെ ഓർമപ്പെടുത്തുന്നു. 1845ൽ കൊച്ചിൻ ഭരണാധികാരി ശങ്കരൻ വാര്യർ ആരംഭിച്ച ഇംഗ്ലീഷ് സ്കൂളാണ് 1875ൽ കോളേജ് ആയിട്ട് രൂപം പ്രാപിച്ചത്. 1925 ലാണ് ഇന്ന് കാണുന്ന മഹാരാജാസ് കോളേജ് എന്ന പേരിലേക്ക് വളർന്നത്. 1947ൽ ബിരുദംത്തോടൊപ്പം ബിരുദാനന്തര ബിരുദ പഠനത്തിനുള്ള കോഴ്സുകൾക്കും തുടക്കം കുറിച്ചു. മഹാരാജാസ് കോളേജിന്റെ ഏറ്റവും വലിയ സവിശേഷതകളിൽ ഒന്നാണ് അവിടുത്തെ കോളേജ് ലൈബ്രറി. 135 വർഷത്തോളം പഴക്കമുള്ള ലൈബ്രറിയിൽ ഒരു ലക്ഷത്തോട് അടുപ്പിച്ചു പുസ്തകങ്ങൾ ലഭ്യമാണ്. കേരളത്തിന്റെ പൈതൃകവും സംസ്കാരവും വിളിച്ചോതുന്ന നിരവധി പുസ്തകങ്ങൾക്കൊപ്പം തന്നെ അപൂർവമായി മാത്രം ഉള്ള പുസ്‌കങ്ങളുടെ കളക്ഷൻസും ലൈബ്രറിയിൽ ലഭ്യമാണ്.
കായിക മേഖലയ്ക്കും വളരെയേറെ പ്രാധാന്യം കൊടുക്കുന്ന കോളേജിൽ പതിനെട്ട് എക്കറോളം സ്ഥലമാണ് കായിക രംഗത്തിനു മാത്രമായി ഒരുക്കിയിട്ടുള്ളത്. മഹാത്മാ ഗാന്ധി സർവകലാശാലക്ക് കീഴിലുള്ള മഹാരാജാസ് കോളേജിൽ പത്തൊൻമ്പത് ബിരുദ കോഴ്സുകളും ഇരുപതിയൊന്ന് ബിരുദാനന്തര ബിരുദ കോഴ്സുകളും പതിനൊന്ന് ഡോക്ടറേറ്റ് കോഴ്സുകളുമാണ് ലഭ്യമാകുന്നത്. കൂടാതെ ചില ഡിപ്പാർട്മെന്റുകൾ PhD കോഴ്സ്കളും ലഭ്യമാക്കുന്നുണ്ട്.
Mar Ivanios College, Thiruvananthapuram
കേരളത്തിലെ പ്രമുഖ സ്വയംഭരണാധികാരമുള്ള കോളേജുകളിൽ ഒന്നാണ് മാർ ഇവാനിയോസ് കോളേജ്. തിരുവനന്തപുരം നാലഞ്ചിറ ബേത്തനി ഹിൽസിലായി 100 ഏക്കർ വിസ്തിർതിയിലായാണ് കോളേജ് സ്ഥിതി ചെയ്യുന്നത്. 1949ൽ തിരുവനന്തപുരം ആർച്ച് ബിഷപ്പ് ആയ ഗീവർഗീസ് മാർ ഇവാനിയോസ് ആണ് കോളേജിന്റെ സ്ഥാപകൻ. ആദ്യ കാലഘട്ടങ്ങളിൽ തിരുവിതാംകുർ സർവകലാശാലക്ക് കീഴിലായിരുന്ന കോളേജ് ഇന്ന് കേരള സർവകലാശാലക്ക് കീഴിലാണ്. 2021ലെ ദേശീയ NIRFnte കണക്ക് പ്രകാരം നാൽപ്പത്തി നാലാം കരസ്ഥമാക്കിയിരിക്കുന്നത് മാർ ഇവാനിയോസ് കോളേജ് ആണ്. പതിനേഴ് ബിരുദ കോഴ്സുകളും എട്ട് ബിരുദാനന്തര ബിരുദ കോഴ്സുകളുമായി രണ്ടായിരത്തി അഞ്ഞൂറിൽ പരം വിദ്യാർത്ഥികളാണ് ഇവിടെ പഠിക്കുന്നത്. ഇന്ന് സംസ്ഥാനത്തിന്റെ പല മേഖലകളിലും പ്രവർത്തിക്കുന്ന പ്രശസ്തരായ അനേകം വ്യക്തികൾ പഠിച്ചിറങ്ങിയ കോളേജ് എന്നൊരു പ്രത്യേകതയും മാർ ഇവാനിയോസ് കോളേജിലേക്ക് ഏവരെയും ആകർഷിക്കുന്നു.
St Joseph College, Devagiri Calicut
കോഴിക്കോട് ജില്ലയുടെ കിഴക്ക് എട്ട് കിലോമീറ്റർ മാറി ദേവഗിരി ഹിൽസിലാണ് സെന്റ് ജോസഫ് കോളേജ് അല്ലെങ്കിൽ ദേവഗിരി കോളേജ് സ്ഥിതി ചെയ്യുന്നത്. 1956ൽ മദ്രാസ് ഗവർണർ ആണ് സെന്റ് ജോസഫ് കോളേജ് ഉദ്ഘാടനം ചെയ്തത്. ആദ്യ അഞ്ചു വർഷ കാലയളവിൽ തന്നെ രണ്ട് ബിരുദാനന്തര ബിരുദ ഡിപ്പാർട്ട്മെന്റ്കളും കോളേജിൽ തുടക്കം കുറിച്ചു. ആദ്യം മദ്രാസ് യൂണിവേഴ്സിറ്റിയുടെ കീഴിലായിരുന്ന കോളേജ് പിന്നീട് കേരള സർവകലാശാലയ്ക്ക് കീഴിലാവുകയും ഇപ്പോൾ കാലിക്കറ്റ് സർവകലാശാലയുടെ പരിധിയിൽ വരുകയും ചെയ്തു. ആറ് ഏക്കർ വിസ്തൃതിയിലായി നഴ്സറി, ഹയർ സെക്കൻഡറി സ്കൂൾ, ഹോസ്റ്റൽസ് എന്നിവയാൽ ചുറ്റപ്പെട്ടു കിടക്കുന്ന കോളേജ് ക്യാമ്പസ് തികച്ചും കാഴ്ചയിൽ പ്രകൃതിരമണീയമാണ്. കേരളത്തിലെ തന്നെ ഏറ്റവും വലിയ കമ്പ്യൂട്ടറൈസ്ഡ് ലൈബ്രററികളിൽ ഒന്ന് സ്ഥിതി ചെയ്യുന്നത് ദേവഗിരി കോളേജിലാണ്. 50000ൽ പരം പുസ്തകങ്ങളാണ് ഇവിടെയുള്ളത്. ദേശീയ NIRF റാങ്കിങ്ങിൽ അറുപതാം സ്ഥാനം ദേവഗിരി കോളേജിന് ആണ്. സർവകലാശാല പരീക്ഷകളിൽ ഇരുന്നൂറിൽപരം ടോപ്പേഴ്സ് ദേവഗിരി കോളേജിൽ നിന്നാണ്.
St Albert college, Kochi
കേരളത്തിന്റെ ഹൃദയനഗരമായ കൊച്ചിയിൽ സ്ഥിതി ചെയ്യുന്ന സെന്റ് ആൽബർട്ട് കോളേജ് 1946 ജൂലൈ 16നാണ് തുടക്കം കുറിച്ചത്. ഡോക്ടർ ജോസഫ് ആറ്ട്ടിപെട്ടിയാം കോളേജിന്റെ സ്ഥാപകൻ. പതിമൂന്ന് ഏക്കറിലായി പരന്നു കിടക്കുന്ന വിശാലമായ കോളേജ് ക്യാമ്പസ്സിൽ അത്യാധുനിക സൗകര്യങ്ങൾ എല്ലാംഒരുക്കിയിട്ടുണ്ട്. 2016 കാലഘട്ടത്തിലാണ് കോളേജിന് സ്വയം ഭരണാധികാരം കൈ വന്നത്.
ഇരുപതിമൂന്ന് ബിരുദ കോഴ്സുകളും പന്ത്രണ്ട് ബിരുദാനന്തര ബിരുദ കോഴ്സുകളും കൂടാതെ ഏഴ് റിസർച്ച് സെന്ററുകളുമാണ് കോളേജിൽ നിലവിൽ ഉള്ളത്. മഹാത്മാ ഗാന്ധി സർവകലാശാലയുടെ കീഴിലുള്ള സെന്റ് ആൽബർട്ട് കോളേജിൽ അയ്യായിരത്തിൽ അധികം വിദ്യാർത്ഥികളാണ് വിവിധ കോഴ്സ്കളുമായി പഠനം നടത്തുന്നത്.
St Thomas College, Thrissur
കേരളത്തിന്റെ സാംസ്കാരിക നഗരിയായ തൃശ്ശൂർ ജില്ലയിലാണ് സെന്റ് തോമസ് കോളേജ് സ്ഥിതിചെയ്യുന്നത്. 1889ൽ നിലവിൽ വന്ന കോളേജ് കേരളത്തിന്റെ പുരോഗതിയിൽ വലിയൊരു പങ്ക് തന്നെ വഹിച്ചിട്ടുണ്ട്. മദ്രാസ് സർവ്വകലാശാലയുടെ കീഴിൽ വന്നിരുന്ന രണ്ടാമത്തെ സ്വകാര്യ കോളേജ് ആയിരുന്നു സെന്റ് തോമസ് കോളേജ്. മാത്രമല്ല കേരളത്തിലെ ആദ്യ കത്തോലിക്ക കോളേജ് എന്ന സ്ഥാനവും സെന്റ് തോമസ് കോളേജിന് തന്നെയാണ്. ഇന്നത്തെ ബിഷപ്പ് ഹൗസ് സ്ഥിതി ചെയ്യുന്ന സ്ഥലത്തായിരുന്നു ആദ്യ കാലഘട്ടത്തിൽ കോളജിന് തറക്കല്ലിട്ടത്. 1919ൽ മദ്രാസ് യൂണിവേഴ്സിറ്റിയുടെ കീഴിൽ വരികയും പിന്നീട് കേരളത്തിലെ രണ്ടാമത്തെ സ്വകാര്യ കോളേജ് ആയി മാറുകയും ചെയ്തു. നിരവധി വിഷയങ്ങളിലായുള്ള ബിരുദ കോഴ്സ്കളും പത്ത് റിസർച്ച് സെന്ററുകളും പതിമൂന്ന് ബിരുദാനന്തര കോഴ്സ്കളുമാണ് നിലവിൽ ഉള്ളത്. കാലിക്കറ്റ് സർവകലാശാലക്ക് കീഴിലുള്ള കോളേജിൽ മൂവായിരത്തി അഞ്ഞൂർ വിദ്യാർത്ഥികളാണ് ഇപ്പോൾ പഠനം നടത്തുന്നത്.
continue reading.
Top 7 private engineering colleges in Kerala
പ്രശ്നങ്ങൾ പരിഹരിക്കാൻ ശാസ്ത്രത്തിൻറെയും ഗണിതത്തിൻറെയും പ്രയോഗമാണ് എഞ്ചിനീയറിംഗ് എന്ന് പറയുന്നത്. ശാസ്ത്രജ്ഞരും കണ്ടുപിടുത്തക്കാരും പുതുമകളുമായി വരുമ്പോൾ, ഈ കണ്ടെത്തലുകൾ യഥാർത്ഥ ലോകത്തിന് ബാധകമാക്കുന്നത് എഞ്ചിനീയർമാരാണ്. വിവിധ തരത്തിലുള്ള വിഷയങ്ങളിൽ നമുക്ക് എഞ്ചിനീയറിംഗ് ബിരുദം എടുക്കാൻ കഴിയും. എഞ്ചിനീയറിംഗ് STEM വിദ്യാഭ്യാസത്തിൻറെ ഭാഗമാണ്, ഇത് ശാസ്ത്രം, സാങ്കേതികവിദ്യ, എഞ്ചിനീയറിംഗ്, ഗണിതശാസ്ത്രം എന്നിവയുമായി വിദ്യാർത്ഥികളെ ഇടപഴകാൻ ലക്ഷ്യമിടുന്നു, ഒരു അച്ചടക്കമെന്ന നിലയിൽ, ഇത് ആയിരക്കണക്കിന് വർഷങ്ങളായി പ്രയോഗിച്ചുവരുന്നു.ഗിസയിലെ പിരമിഡുകൾ, സ്റ്റോൺഹെഞ്ച്, പാർഥെനോൺ എന്നിവിടങ്ങളിൽ എഞ്ചിനീയറിങ് അറിവിലുള്ള വിവിധ പ്രവർത്തനങ്ങൾ നിങ്ങൾക്ക് കാണാൻ കഴിയും. എന്നിരുന്നാലും, ഇന്നത്തെ എഞ്ചിനീയർമാർ വിവിധ മേഖലകളിലും കെട്ടിട ഘടനകളിലും വളരെ നന്നായി പ്രവർത്തിച്ചു വരുന്നു.നിർമ്മാണം, പ്രോസ്തെറ്റിക്സ്, എഞ്ചിൻ, ഗതാഗത കാര്യക്ഷമത മെച്ചപ്പെടുത്തൽ,പുനരുൽപ്പാദിപ്പിക്കാവുന്ന ഊർജ്ജ സ്രോതസ്സുകൾ വികസിപ്പിക്കൽ തുടങ്ങി എല്ലാ കാര്യങ്ങളിലും എഞ്ചിനീയർമാർ പ്രവർത്തിക്കുന്നു. ലോകത്ത് ഏറ്റവും കൂടുതൽ എഞ്ചിനീയർമാരും അതുപോലെ തന്നെ ഏറ്റവും കൂടുതൽ എഞ്ചിനീയറിംഗ് വിദ്യാഭ്യാസ സ്ഥാപനങ്ങളും അടിസ്ഥാന സൗകര്യങ്ങളും ഉള്ള രാജ്യമാണ് ഇന്ത്യ. 2021ലെ കണക്കനുസരിച്ച് ഇന്ത്യ പ്രതിവർഷം അഞ്ച് ലക്ഷം എഞ്ചിനീയറിംഗ് ബിരുദധാരികളെ സൃഷ്ടിക്കുന്നു ## എഞ്ചിനീയറിംഗ് ഏതൊക്കെ വിഭാഗങ്ങൾ ഉണ്ടെന്നു നോക്കാം  - മെക്കാനിക്കൽ എഞ്ചിനീയറിംഗ് - ഇലക്ട്രിക്കൽ എഞ്ചിനീയറിംഗ് - സിവിൽ എഞ്ചിനീയറിംഗ് - എയ്‌റോസ്‌പേസ് എഞ്ചിനീയറിംഗ് - ന്യൂക്ലിയർ എഞ്ചിനീയറിംഗ് - ബയോമെഡിക്കൽ എഞ്ചിനീയറിംഗ് - കെമിക്കൽ എഞ്ചിനീയറിംഗ് - കമ്പ്യൂട്ടർ സയൻസ്എഞ്ചിനീയറിംഗ് - ഇൻഡസ്ട്രിയൽ എഞ്ചിനീയറിംഗ് - എൻവിറോൺമെൻറ്റൽ എഞ്ചിനീയറിംഗ് - മറൈൻ എഞ്ചിനീയറിംഗ് - അഗ്രികൾച്ചറൽ എഞ്ചിനീയറിംഗ് - ബയോമെഡിക്കൽ എഞ്ചിനീയറിംഗ് - ഇലക്ട്രിക്കൽ എഞ്ചിനീയറിംഗ് - ഇലക്ട്രോണിക്സ് എഞ്ചിനീയറിംഗ് - മെറ്റീരിയൽ എഞ്ചിനീയറിംഗ് - സ്പേസ് എഞ്ചിനീയറിംഗ് ## എഞ്ചിനീയറിംഗിലെ തൊഴിൽ അവസരങ്ങൾ എന്തൊക്കെയാണ് എന്ന് നോക്കാം  പെട്രോളിയം എഞ്ചിനീയറിംഗ്, കമ്പ്യൂട്ടർ എഞ്ചിനീയറിംഗ്, എയ്‌റോസ്‌പേസ് എഞ്ചിനീയറിംഗ് എന്നിവയാണ് ഇപ്പോൾ ഇന്ത്യയിൽ ഏറ്റവും ഉയർന്ന ശമ്പള പാക്കേജ് ഉള്ള കോഴ്സുകൾ. 2021ലെ കണക്കനുസരിച്ച് ഇന്ത്യ പ്രതിവർഷം അഞ്ച് ലക്ഷം എഞ്ചിനീയറിംഗ് ബിരുദധാരികളെ സൃഷ്ടിക്കുന്നു. ഇന്ത്യയുടെ സാങ്കേതിക വിദ്യാഭ്യാസ ഇൻഫ്രാസ്ട്രക്ചറിൽ 2500 എഞ്ചിനീയറിംഗ് കോളേജുകളും 1400 പോളിടെക്നിക്കുകളും 2000 സ്കൂളുകളും പ്ലാനിംഗ് ആൻഡ് ആർക്കിടെക്ചറും ഉൾപ്പെടുന്നു. ഇന്ത്യയിലുടനീളമുള്ള ഒരു സർവേയുടെ ഫലങ്ങൾ അനുസരിച്ച്, 2020 അധ്യയന വർഷത്തിൽ ഏകദേശം 935 ആയിരം വിദ്യാർത്ഥികൾ കമ്പ്യൂട്ടർ സയൻസ് എഞ്ചിനീയറിംഗ് വിഭാഗത്തിൽ ചേർന്നിരുന്നു. വ്യവസായ കണക്കുകൾ പ്രകാരം ഇന്ത്യയിൽ പ്രതിവർഷം 15 ലക്ഷം എഞ്ചിനീയർമാർ ബിരുദം നേടുന്നു, അതിൽ 2.5 ലക്ഷം വിദ്യാർത്ഥികൾ മാത്രമാണ് സാങ്കേതിക വിഭാഗത്തിൽ പ്രസക്തമായ ജോലികൾ നേടുന്നത്. ## എഞ്ചിനീർമാർക്കു വിദേശ രാജ്യങ്ങളിലെ ശമ്പളം - പെട്രോളിയം എഞ്ചിനീയർമാർ - പ്രതിവർഷം $147 520. - ആർക്കിടെക്ചറൽ ആൻഡ് എഞ്ചിനീയറിംഗ് മാനേജർമാർ - പ്രതിവർഷം $138 720. - എയർലൈൻ പൈലറ്റുമാരും ഫ്ലൈറ്റ് എഞ്ചിനീയർമാരും - പ്രതിവർഷം $131 760. - കമ്പ്യൂട്ടർ ഹാർഡ്‌വെയർ എഞ്ചിനീയർമാർ - പ്രതിവർഷം $110 650. - എയ്‌റോസ്‌പേസ് എഞ്ചിനീയർമാർ - പ്രതിവർഷം $107 700. ## എഞ്ചിനീയറിംഗിന് ഏറ്റവും ഉയർന്ന വളർച്ചയുള്ള മേഖല  ബ്യൂറോ ഓഫ് ലേബർ സ്റ്റാറ്റിസ്റ്റിക്സ് (2021) റിപ്പോർട്ട് ചെയ്തതുപോലെ, വ്യവസായ എഞ്ചിനീയറിംഗ് മേഖലയാണ് അതിവേഗം വളരുന്ന ഉപമേഖല. 2020 നും 2030 നും ഇടയിൽ, 14 ശതമാനം പ്രവചിക്കപ്പെട്ട വളർച്ച ദേശീയതലത്തിൽ 40,000 തൊഴിലവസരങ്ങൾ ഒരുക്കികൊടുക്കുന്നുണ്ട് ഈ മേഖലയിൽ. ## ഏറ്റവും ഡിമാൻഡുള്ളതും 2019-ലും അതിനുശേഷമുള്ള ഏറ്റവും വലിയ ശമ്പള സാധ്യത കാണിക്കുന്നതുമായ ചില എഞ്ചിനീയറിംഗ് ജോലികൾ - ഡാറ്റ സയൻസ് & മെഷീൻ ലേണിംഗ്. - ഓട്ടോമേഷൻ & റോബോട്ടിക്സ് എഞ്ചിനീയർ. - പെട്രോളിയം എഞ്ചിനീയർ. - സിവിൽ എഞ്ചിനീയറിംഗ്. - ഇലക്ട്രിക്കൽ എഞ്ചിനീയറിംഗ്. - ആൾട്ടർനേറ്റീവ് എനർജി എഞ്ചിനീയർ. - മൈനിംഗ് എഞ്ചിനീയർ. - പ്രോജക്റ്റ് എൻജിനീയർ ## എഞ്ചിനീയറിംഗ് പ്രവേശന പരീക്ഷകളുടെ ഒരു അവലോകനം  2021 വർഷത്തിൽ സംസ്ഥാന എഞ്ചിനീയറിംഗ്, ഫാർമസി പ്രവേശന പരീക്ഷകളിൽ (KEAM 2021) ഏകദേശം 99,000 ഉദ്യോഗാർത്ഥികൾ പങ്കെടുത്തു 2020 വർഷത്തിൽ 1.12 ലക്ഷം വിദ്യാർത്ഥികളാണ് പരീക്ഷയ്ക്ക് രജിസ്റ്റർ ചെയ്തത്. 98,621 പേർ പേപ്പർ I-ന് 91.66% ഹാജർ രേഖപ്പെടുത്തി, പേപ്പർ II-ൽ 73,943 ഉദ്യോഗാർത്ഥികളുടെ ഹാജർ രേഖപ്പെടുത്തി (88.77%). കൊവിഡ് പോസിറ്റീവായ 234 പേരും ക്വാറന്റൈനിൽ കഴിയുന്ന 248 പേരും പരീക്ഷയിൽ പങ്കെടുത്തു. ## എഞ്ചിനീയറിംഗ് കോളേജുകളുടെ എണ്ണം സർക്കാർ എയ്ഡഡ് എഞ്ചിനീയറിംഗ് കോളേജുകൾ 12 5133 കേരള അഗ്രികൾച്ചറൽ യൂണിവേഴ്സിറ്റിയുടെയും കേരള വെറ്ററിനറി & അനിമൽ സയൻസസ് യൂണിവേഴ്സിറ്റിയുടെയും കീഴിലുള്ള എഞ്ചിനീയറിംഗ് കോളേജുകൾ 2 299 സർക്കാർ നിയന്ത്രിത എഞ്ചിനീയറിംഗ് കോളേജുകൾ 24 7119 സ്വകാര്യ സ്വാശ്രയ എഞ്ചിനീയറിംഗ് കോളേജുകൾ 119 46525 ആകെ 157 59076. `_BANNER_` ## എഞ്ചിനീയറിംഗ് കട്ട്ഓഫ് മാർക്ക് KEAM കട്ട്ഓഫ് 2021 മാർക്ക്: കേരള ഗവൺമെൻറ്റ് ഓഫ് എൻട്രൻസ് എക്സാമിനേഷൻ (CEE) കമ്മീഷണർ, ഫലം പ്രഖ്യാപിച്ചതിന് ശേഷം KEAM ജനറൽ വിഭാഗത്തിന് പ്രതീക്ഷിക്കുന്ന KEAM യോഗ്യതാ മാർക്ക് 50% ആണ്, അതേസമയം SC/ST/SEBC പോലുള്ള മറ്റ് വിഭാഗങ്ങൾക്ക് 40% ആണ്. കട്ട് ഓഫ് മാർക്ക് ജനറൽ ഉദ്യോഗാർത്ഥികൾക്ക് 50% ഉം SEBC/ST/SC ഉദ്യോഗാർത്ഥികൾക്ക് 40% ആയിരിക്കും. ## ഏഴു പ്രൈവറ്റ് എഞ്ചിനീറിങ് കോളേജുകൾ - പ്രൊവിഡൻസ് കോളേജ് ഓഫ് എഞ്ചിനീയറിംഗ്, ചെങ്ങന്നൂർ. - ടി കെ എം കോളേജ് ഓഫ് എഞ്ചിനീയറിംഗ്, കൊല്ലം - അമൃത സ്കൂൾ ഓഫ് എഞ്ചിനീയറിംഗ്, അമൃതപുരി,കൊച്ചി - ലൂർദ് മാതാ കോളേജ് ഓഫ് സയൻസ് ആൻഡ് ടെക്നോളജി, തിരുവനന്തപുരം. - RCET തൃശൂർ. - TEC കൊല്ലം. - ജവഹർലാൽ കോളേജ് ഓഫ് എഞ്ചിനീയറിംഗ് ആൻഡ് ടെക്നോളജി ,ലക്കിടി ,പാലക്കാട് ## 1. പ്രൊവിഡൻസ് കോളേജ് ഓഫ് എഞ്ചിനീയറിംഗ്, ചെങ്ങന്നൂർ  പ്രൊവിഡൻസ് കോളേജ് ഓഫ് എഞ്ചിനീയറിംഗ് ചെങ്ങന്നൂരിലെ എംജിഎം ചാരിറ്റബിൾ ട്രസ്റ്റിന്റെ കീഴിലാണ്. ആകെയുള്ള പ്രവേശനത്തിൻറെ 50% പ്രവേശന പരീക്ഷാ കമ്മീഷണർ സർക്കാർ ക്വാട്ട വഴിയാണ് അനുവദിക്കുന്നത്, ബാക്കിയുള്ള 50% സീറ്റുകൾ മാനേജ്മെൻറ്റ് സീറ്റ് ആയി അഡ്മിഷൻ എടുക്കുന്നു. കോഴ്സ് ഫീസ് : ബി.ടെക് Rs .50,000 (ഒന്നാം വർഷ ഫീസ്) 10+2 കൂടാതെ 45% + KEAM MBA Rs.3.9 ലക്ഷം (മൊത്തം ഫീസ്) 50% യോഗ്യത -ബിരുദം B.Tech {Lateral} Rs.10,500 (ഒന്നാം വർഷ ഫീസ്) യോഗ്യത-ഡിപ്ലോമ. ## 2. ടികെഎം കോളേജ് ഓഫ് എഞ്ചിനീയറിംഗ്, കൊല്ലം  ജനാബ് തങ്ങൾ കുഞ്ഞു മുസലിയാരിൻ 1958-ൽ സ്ഥാപിച്ച കേരളത്തിലെ ഇന്ത്യയിലെ ആദ്യത്തെ സർക്കാർ എയ്ഡഡ് എഞ്ചിനീയറിംഗ് സ്ഥാപനമാണ് TKMCE എന്നറിയപ്പെടുന്ന തങ്ങൾ കുഞ്ഞു മുസലിയാർ കോളേജ് ഓഫ് എഞ്ചിനീയറിംഗ് കോളേജ് . കോഴ്സുകൾ & കോഴ്സ് ഫീസ് : ബി.ടെക് മെക്കാനിക്കൽ എഞ്ചിനീയറിംഗ് കാലാവധി: 4 വർഷം ആകെ ഫീസ്: 45.02 K സീറ്റുകൾ: 180 ബി.ടെക് സിവിൽ എഞ്ചിനീയറിംഗ് കാലാവധി: 4 വർഷം ആകെ ഫീസ്: 45.02 K സീറ്റുകൾ: 120 ബി.ടെക് കമ്പ്യൂട്ടർ സയൻസ് ആൻഡ് എഞ്ചിനീയറിംഗ് കാലാവധി: 4 വർഷം ആകെ ഫീസ്: 45.02 K സീറ്റുകൾ: 120 ബി.ടെക് ഇലക്ട്രിക്കൽ ആൻഡ് ഇലക്ട്രോണിക്സ് എഞ്ചിനീയറിംഗ് കാലാവധി: 4 വർഷം ആകെ ഫീസ്: 45.02 K സീറ്റുകൾ: 120 ബി.ടെക് ഇലക്ട്രോണിക്സ് ആൻഡ് കമ്മ്യൂണിക്കേഷൻ എൻജിനീയറിങ് കാലാവധി: 4 വർഷം ആകെ ഫീസ്: 45.02 K സീറ്റുകൾ: 120 ബി.ആർക്ക് കാലാവധി: 5 വർഷം ആകെ ഫീസ്: 56.23 K സീറ്റുകൾ: 80 ബി.ടെക് കെമിക്കൽ എഞ്ചിനീയറിംഗ് കാലാവധി: 4 വർഷം ആകെ ഫീസ്: 45.02 K സീറ്റുകൾ: 60 ബി.ടെക് ഇലക്ട്രിക്കൽ ആൻഡ് കമ്പ്യൂട്ടർ എഞ്ചിനീയറിംഗ് കാലാവധി: 3.5 വർഷം സീറ്റുകൾ: 60 എംസിഎ കാലാവധി: 2 വർഷം ആകെ ഫീസ്: 24.60 K സീറ്റുകൾ: 60 എം.ടെക് ഇൻഡസ്ട്രിയൽ ഇൻസ്ട്രുമെന്റേഷൻ ആൻഡ് കൺട്രോൾ സെൽഫ് ഫിനാൻസ് കാലാവധി: 2 വർഷം ആകെ ഫീസ്: 37.23 K സീറ്റുകൾ: 24 എം.ആർക്ക് അർബൻ പ്ലാനിംഗ് കാലാവധി: 2 വർഷം സീറ്റുകൾ: 18 എം.ടെക് ആർട്ടിഫിഷ്യൽ ഇന്റലിജൻസ് കാലാവധി: 2 വർഷം സീറ്റുകൾ: 18 എം.ടെക് കമ്മ്യൂണിക്കേഷൻ സിസ്റ്റംസ് കാലാവധി: 2 വർഷം ആകെ ഫീസ്: 37.23 K സീറ്റുകൾ: 18 എം.ടെക് കമ്പ്യൂട്ടർ ഇന്റഗ്രേറ്റഡ് മാനുഫാക്ചറിംഗ് സെൽഫ് ഫിനാൻസ് കാലാവധി: 2 വർഷം ആകെ ഫീസ്: 37.23 K സീറ്റുകൾ: 18 എം.ടെക് കമ്പ്യൂട്ടർ സയൻസ് ആൻഡ് എഞ്ചിനീയറിംഗ് കാലാവധി: 2 വർഷം ആകെ ഫീസ്: 37.23 K സീറ്റുകൾ: 18 എം.ടെക് ഇൻഡസ്ട്രിയൽ റഫ്രിജറേഷൻ ആൻഡ് ക്രയോജനിക്‌സ് കാലാവധി: 2 വർഷം ആകെ ഫീസ്: 37.23 K സീറ്റുകൾ: 18 എം.ടെക് ഇൻഡസ്ട്രിയൽ സേഫ്റ്റി ആൻഡ് എഞ്ചിനീയറിംഗ് കാലാവധി: 2 വർഷം ആകെ ഫീസ്: 37.23 K സീറ്റുകൾ: 18 എം.ടെക് പവർ സിസ്റ്റംസ് സെൽഫ് ഫിനാൻസ് കാലാവധി: 2 വർഷം ആകെ ഫീസ്: 37.23 K സീറ്റുകൾ: 18 എം.ടെക് സ്ട്രക്ചറൽ എഞ്ചിനീയറിംഗ് ആൻഡ് കൺസ്ട്രക്ഷൻ മാനേജ്മെന്റ് കാലാവധി: 2 വർഷം ആകെ ഫീസ്: 37.23 K സീറ്റുകൾ: 18 എം.ടെക് ട്രാൻസ്‌പോർട്ടേഷൻ എഞ്ചിനീയറിംഗ് കാലാവധി: 2 വർഷം ആകെ ഫീസ്: 37.23 K സീറ്റുകൾ: 18 ## 3. അമൃത സ്കൂൾ ഓഫ് എഞ്ചിനീയറിംഗ്, അമൃതപുരി,കൊച്ചി  അമൃത സ്കൂൾ ഓഫ് എഞ്ചിനീയറിംഗ് എഞ്ചിനീയറിംഗ് വിദ്യാഭ്യാസത്തിൽ ആഗോളതലത്തിൽ അംഗീകരിക്കപ്പെട്ട ഒരു മുൻനിരയാണ്. NAAC & NIRF എന്നിവ പ്രകാരം ഇന്ത്യയിലെ മികച്ച സ്ഥാപനങ്ങളിൽ റാങ്ക് ചെയ്യപ്പെട്ടു. കോഴ്സ് ഫീസ് : അമൃത സ്കൂൾ ഓഫ് എഞ്ചിനീയറിംഗ് - [ASE], കൊല്ലം ഫീസും യോഗ്യതയും കോഴ്സ് ഫീസ് യോഗ്യത എം.ടെക് Rs 1.64 ലക്ഷം (ഒന്നാം വർഷ ഫീസ്) ബിരുദം + ഗേറ്റ് ബി.ടെക് Rs 2.4 ലക്ഷം (ഒന്നാം വർഷ ഫീസ്) 10+2 കൂടാതെ 60% + എ.ഇ.ഇ.ഇ BCA Rs .1.04 ലക്ഷം (ഒന്നാം വർഷ ഫീസ്) 10+2 M.C.A Rs .94,250 (ഒന്നാം വർഷ ഫീസ്) ബിരുദം ## 4. ലൂർദ് മാതാ കോളേജ് ഓഫ് സയൻസ് ആൻഡ് ടെക്നോളജി, തിരുവനന്തപുരം  തിരുവനന്തപുരം ലൂർദ് മാതാ കോളേജ് ഓഫ് സയൻസ് ആൻഡ് ടെക്നോളജി (LMCST), 2002-ൽ സ്ഥാപിതമായതും AICTE അംഗീകാരം നൽകിയതുമാണ്. ഇത് എപിജെ അബ്ദുൾ കലാം ടെക്നോളജിക്കൽ യൂണിവേഴ്സിറ്റിയുമായി അഫിലിയേറ്റ് ചെയ്തിരിക്കുന്നു. എഞ്ചിനീയറിംഗ്, മാനേജ്മെന്റ്, കമ്പ്യൂട്ടർ ആപ്ലിക്കേഷൻസ് എന്നീ വിഭാഗങ്ങളിൽ ബിരുദ, ബിരുദാനന്തര, ഡോക്ടറൽ കോഴ്സുകൾ LMCST വാഗ്ദാനം ചെയ്യുന്നു. CAT/CMAT/GATE/KMAT/KEAM സ്‌കോറുകൾ അടിസ്ഥാനമാക്കിയാണ് LMCST പ്രവേശനം. കോഴ്സ് ഫീസ് : ബി.ടെക് Rs. 1 ലക്ഷം (ഒന്നാം വർഷ ഫീസ്) 10+2 എംബിഎ Rs.1.2 ലക്ഷം (ഒന്നാം വർഷ ഫീസ്) ബിരുദം എം.ടെക് Rs.43,500 (ഒന്നാം വർഷ ഫീസ്) ബിരുദം M.C.A Rs .68,300 (ഒന്നാം വർഷ ഫീസ്) ബിരുദo ## 5. RCET തൃശൂർ.  ഇന്ത്യയിലെ കേരളത്തിലെ തൃശൂർ ജില്ലയിലെ ഒരു എഞ്ചിനീയറിംഗ് സ്ഥാപനമാണ്. എപിജെ അബ്ദുൾ കലാം ടെക്നോളജിക്കൽ യൂണിവേഴ്സിറ്റിയുമായി അഫിലിയേറ്റ് ചെയ്‌തിരിക്കുന്നതും ഓൾ ഇന്ത്യ കൗൺസിൽ ഫോർ ടെക്‌നിക്കൽ എജ്യുക്കേഷന്റെ (AICTE) അംഗീകാരമുള്ളതുമായ റോയൽ എജ്യുക്കേഷണൽ സൊസൈറ്റി ആൻഡ് റിസർച്ച് സെന്ററാണ് RCET നിയന്ത്രിക്കുന്നത്. കോഴ്സുകൾ : സിവിൽ എഞ്ചിനീയറിംഗ് കമ്പ്യൂട്ടർ സയൻസ് ആൻഡ് എഞ്ചിനീയറിംഗ് ഇലക്ട്രിക്കൽ ആൻഡ് ഇലക്ട്രോണിക്സ് എഞ്ചിനീയറിംഗ് ഇലക്ട്രോണിക്സ് ആൻഡ് കമ്മ്യൂണിക്കേഷൻ എഞ്ചിനീയറിംഗ് മെക്കാനിക്കൽ എഞ്ചിനീയറിംഗ് അപ്ലൈഡ് സയൻസും ഹ്യുമാനിറ്റീസും ഫിസിക്കൽ എഡ്യൂക്കേഷൻ കോഴ്സ് ഫീസ് : ബി.ടെക് Rs 50,000 (ഒന്നാം വർഷ ഫീസ്) 10+2 കൂടാതെ 45% + KEAM എം.ടെക് Rs 50,000 (ഒന്നാം വർഷ ഫീസ്) ബിരുദം + ഗേറ്റ് B.Tech {Lateral} Rs 20,000 (ഒന്നാം വർഷ ഫീസ്) 10+ 3, 50% +LET ## 6. TEC കൊല്ലം.  കൊല്ലം ജില്ലയിലെ ട്രാവൻകൂർ എജ്യുക്കേഷണൽ സൊസൈറ്റിയുടെ കീഴിലുള്ള ഒരു സ്വകാര്യ സ്വാശ്രയ കോളേജാണ് ട്രാവൻകൂർ എഞ്ചിനീയറിംഗ് കോളേജ് (TEC), റോഡ്വിള, ഓയൂർ, 2002-ൽ സ്ഥാപിതമായത്. എ.പി.ജെ.യുമായി അഫിലിയേറ്റ് ചെയ്തിരുന്നത്. അബ്ദുൾ കലാം ടെക്നോളജിക്കൽ യൂണിവേഴ്സിറ്റി (KTU), തിരുവനന്തപുരം, കേരള സർക്കാർ, & AICTE, ന്യൂഡൽഹി അംഗീകരിച്ചത്. കോഴ്സുകൾ : ബി.ടെക് സിവിൽ എഞ്ചിനീയറിംഗ് ബി.ടെക് കമ്പ്യൂട്ടർ സയൻസ് & എഞ്ചിനീയറിംഗ് ബി.ടെക് മെക്കാനിക്കൽ എഞ്ചിനീയറിംഗ് എം.ടെക്. ഇലക്ട്രോണിക്സ് & ടെലികമ്മ്യൂണിക്കേഷൻ എഞ്ചിനീയറിംഗ് ബി. ടെക്. ഇലക്ട്രോണിക്സ് & കമ്മ്യൂണിക്കേഷൻ എഞ്ചിനീയറിംഗിൽ ബി.ടെക്. ഇലക്ട്രിക്കൽ & ഇലക്ട്രോണിക്സ് എഞ്ചിനീയറിംഗ് കോഴ്സ് ഫീസ് : B.Tech Rs . 50,000 (ഒന്നാം വർഷ ഫീസ്) 10+2 + KEAM B.Tech {Lateral} ₹50,000 (ഒന്നാം വർഷ ഫീസ്) ഡിപ്ലോമ ## 7. ജവഹർലാൽ കോളേജ് ഓഫ് എഞ്ചിനീയറിംഗ് ആൻഡ് ടെക്നോളജി ,ലക്കിടി ,പാലക്കാട്  അന്തരിച്ച ചെയർമാൻ ശ്രീ. പി.കെ. നെഹ്‌റു ഗ്രൂപ്പ് ഓഫ് ഇൻസ്റ്റിറ്റ്യൂഷന്റെ 50 വർഷത്തെ വിദ്യാഭ്യാസ പാരമ്പര്യമുള്ള ദാസ്, എയറോനോട്ടിക്കൽ എഞ്ചിനീയറിംഗ് അവതരിപ്പിച്ച കേരളത്തിലെ ആദ്യത്തെ എഞ്ചിനീയറിംഗ് കോളേജ്, പാലക്കാട് സ്ഥിതി ചെയ്യുന്ന NGI ടെക്നോളജി ബിസിനസ് ഇൻകുബേറ്റർ (TBI), ഇന്ത്യാ ഗവൺമെന്റിൻറെയും NSTEDB യുടെയും കീഴിൽ, 20 കോടിയുടെ ഫണ്ട് സംരംഭകത്വത്തെ പിന്തുണയ്ക്കാൻ. ഒപ്പം വളർന്നുവരുന്ന സ്റ്റാർട്ടപ്പുകൾ, മൂല്യവർദ്ധിത കോഴ്സുകൾ, സർട്ടിഫിക്കേഷനോടുകൂടിയ സ്കൂൾ ആശയം പൂർത്തിയാക്കൽ ഇവയെല്ലാം ആണ് ഈ കോളേജിനെ വേറിട്ടു നിർത്തുന്നത്. കോഴ്സുകൾ : എയറോനോട്ടികൽ എഞ്ചിനീയറിംഗ് സിവിൽ എഞ്ചിനീയറിംഗ് കമ്പ്യൂട്ടർ സയൻസ് ആൻഡ് എഞ്ചിനീയറിംഗ് ഇലക്ട്രോണിക്സ് ആൻഡ് കമ്മ്യൂണിക്കേഷൻ എഞ്ചിനീയറിംഗ് മെക്കാനിക്കൽ എഞ്ചിനീയറിംഗ് കോഴ്സ് ഫീസ് യോഗ്യത : B.Tech - Rs .3 ലക്ഷം (മൊത്തം ഫീസ്) 10+2 കൂടാതെ 50% + KEAM
മരിക്കുന്നതിന് മുമ്പ് സന്ദർശിക്കേണ്ട കേരളത്തിലെ ഏറ്റവും പുരാതനമായ ആരാധനാലയങ്ങൾ
എല്ലാ പ്രധാന മതങ്ങളും നൂറ്റാണ്ടുകളായി സമാധാനപരമായി സഹവസിക്കുന്ന അപൂർവ സ്ഥലങ്ങളിൽ ഒന്നായി കേരളം അറിയപ്പെടുന്നു. അവരുടെ ഓരോ ആരാധനാലയങ്ങളും കേരളത്തിൻ്റെ സംസ്കാര പൈതൃകത്തിന് മാറ്റ് കൂട്ടുന്നവയാണ്. ആ സ്ഥലങ്ങളും ആരാധനാലയങ്ങളും അവരുടെയൊക്കെ ഒരു മുദ്ര പതിപ്പിച്ച കേന്ദ്രങ്ങളുമാണ്. ആരാധനാലയങ്ങളുടെ ചരിത്രമെടുത്താൽ ഒരായിരം വർഷങ്ങളുടെ കഥകൾ പറയാനുണ്ടാകും കേരളത്തിന്. ഹിന്ദു ക്ഷേത്രങ്ങൾ, പള്ളികൾ, മോസ്‌ക്കുകൾ തുടങ്ങി ജൈന ക്ഷേത്രങ്ങൾ, സിനഗോഗുകൾ, ബുദ്ധ വിഹാരങ്ങൾ വരെ കേരളത്തിൽ ഉണ്ട്. അത്തരത്തിലുള്ള ചില പ്രധാന ആരാധനാലയങ്ങളാണ് താഴെ കൊടുക്കുന്നത്. ## വൈക്കം മഹാദേവ ക്ഷേത്രം  കേരളത്തിലെ പുരാതനമായ ഹൈന്ദവ ക്ഷേത്രമാണ് കോട്ടയം ജില്ലയിലെ വൈക്കത്ത് സ്ഥിതി ചെയ്യുന്ന വൈക്കം മഹാദേവ ക്ഷേത്രം. പരശുരാമൻ സ്ഥാപിച്ച 108 ശിവക്ഷേത്രങ്ങളിൽ ഒന്നാണ് ഇതെന്ന് കരുതപ്പെടുന്നു. ഇവിടുത്തെ ശിവലിംഗം ത്രേതായുഗത്തിൽ നിന്നും ഉള്ളതാണെന്ന് വിശ്വസിക്കുന്നു. പെരുന്തച്ചൻ നിർമ്മിച്ചതെന്ന് കരുതുന്ന രണ്ടു ക്ഷേത്ര കോവിലുകളിൽ ഒന്നാണ് വൈക്കം മഹാദേവ ക്ഷത്രത്തിലെ കോവിൽ. അണ്ഡാകൃതിയിലുള്ള ശ്രീകോവിൽ ഉള്ള കേരളത്തിലെ ഏക ക്ഷേത്രമാണ് ഇത്. വൈക്കം ശിവക്ഷേത്രം ചരിത്ര പ്രാമുഖ്യമുള്ള കേരള നവോത്ഥാന പ്രസ്ഥാനങ്ങളുടെ പ്രധാന സ്ഥലമായിരുന്നു. അവിടെ ഹിന്ദുമതത്തിലെ തൊട്ടുകൂടായ്മയ്ക്കും ജാതീയതയ്ക്കും എതിരായ ആദ്യത്തെ വലിയ പ്രതിഷേധങ്ങൾ നടന്നിട്ടുണ്ട്. വൈക്കം സത്യാഗ്രഹത്തിന് ഐക്യദാർഢ്യമെന്ന നിലയിൽ മഹാത്മാഗാന്ധി ഈ സ്ഥലം സന്ദർശിച്ചിട്ടുണ്ട്. ## ഗുരുവായൂർ ക്ഷേത്രം  ഭാരതത്തിലെ 108 വിഷ്ണു ക്ഷേത്രങ്ങളിൽ ഒന്നായി കരുതപ്പെടുന്ന ക്ഷേത്രമാണ് തൃശൂർ, ഗുരുവായൂരിലുള്ള ശ്രീകൃഷ്ണ ക്ഷേത്രം. പൊതുവിൽ ഗുരുവായൂർ ക്ഷേത്രം എന്നറിയപ്പെടുന്ന ഈ ക്ഷേത്രം ഭാരതത്തിലെ തന്നെ പ്രമുഖ തീർത്ഥാടന കേന്ദ്രം തന്നെയാണ്. ദേവഗുരുവും വായുദേവനും ചേർന്ന് കൃഷ്ണന്റെ മരണസമയത്ത് അദ്ദേഹത്തിന്റെ കൽപ്പനപ്രകാരം ഈ ക്ഷേത്രം നിർമ്മിച്ചതായി വിശ്വസിക്കപ്പെടുന്നു. ശ്രീകൃഷ്ണൻ തന്റെ ജീവിതകാലത്ത് ദ്വാരകയിൽ ആരാധിക്കുകയും ദ്വാരക കടൽ കൈയടക്കിയതിനുശേഷം കേരളത്തിലെത്തിക്കുകയും ചെയ്തതാണ് ഈ ക്ഷേത്രത്തിലെ പ്രതിഷ്ഠ എന്ന് വിശ്വസിക്കുന്നു. പുരാതനമായ ഈ ക്ഷേത്രം അതിൻ്റെ ചുവർചിത്രങ്ങൾക്കും ശിൽപങ്ങൾക്കും പ്രസിദ്ധമാണ്. തമിഴ് സാഹിത്യത്തിലൊക്കെ പതിനാലാം നൂറ്റാണ്ട് മുതൽ ഗുരുവായൂരിൻ്റെ പ്രസിദ്ധി പ്രതിപാദിക്കുന്നതായി കാണാവുന്നതാണ്. പതിനാലാം നൂറ്റാണ്ട് മുതലുള്ള ചരിത്രമാണ് ഇപ്പോൾ ലഭ്യമായിട്ടുള്ളത്. ## ചേരമാൻ ജുമാ മസ്ജിദ്  മെക്ക കഴിഞ്ഞാൽ ലോകത്തെ രണ്ടാമത്തെ മുസ്ലിം പള്ളിയായി കരുതുന്ന പള്ളിയാണ് തൃശൂർ കൊടുങ്ങല്ലൂർ സ്ഥിതി ചെയ്യുന്ന ചേരമാൻ ജുമാ മസ്ജിദ്. 629 എ. ഡിയിൽ പണികഴിപ്പിച്ചത് ഇസ്‌ലാമിലേക്ക് മതം മാറിയ കേരളത്തിലെ ചേര രാജാവാണ്. അതുകൊണ്ടാണ് ഈ പള്ളിക്ക് ചേരമാൻ പെരുമാളിൻ്റെ പേര് വീണത്. പ്രവാചകൻ മുഹമ്മദ് നബിയെ അന്വേഷിച്ചു പോയ ചേരമാൻ രാജാവ് നബിയെ കണ്ട് ഇസ്‌ലാമിലേക്ക് മതം മാറിയെന്നും, തിരിച്ച് വന്ന് തൻ്റെ കൊട്ടാരം പള്ളിയായി മാറ്റിയെന്നും കേരളോൽപ്പത്തി പോലുള്ള ചരിത്ര പുസ്തകങ്ങളിൽ പറയുന്നു. ആദ്യം പണികഴിപ്പിച്ച പള്ളി 1341-ലെ പെരിയാർ വെള്ളപ്പൊക്കത്തിൽ തകർന്നിരുന്നു. പിന്നീട് പുനരുദ്ധരിച്ചത് പല പല യുദ്ധങ്ങളിലും തകരുകയും ചെയ്തു. പുതിയതായ മാറ്റങ്ങൾ 1984ലും ഈയടുത്ത് 2022ലും നടന്നിട്ടുണ്ട്. ചേരന്മാർ ഉപയോഗിച്ചിരുന്ന രാജകീയ വിളക്ക് ഇപ്പോഴും പള്ളിക്കുള്ളിൽ ഉപയോഗിക്കുന്നു എന്നത് ഒരു പ്രത്യേകതയാണ്. സാധാരണയായി മക്കയിലേക്ക് പടിഞ്ഞാറോട്ട് അഭിമുഖീകരിക്കുന്ന മറ്റ് പള്ളികളിൽ നിന്ന് വ്യത്യസ്തമായി, ഈ പള്ളി കിഴക്കോട്ടാണ് ദർശനം. ## പാലയൂർ മാർത്തോമ പള്ളി  ഇന്ത്യയിലെ ആദ്യത്തെ ക്രിസ്ത്യൻ ആരാധനാലയമായി കരുതപ്പെടുന്ന പള്ളിയാണ് തൃശൂർ ജില്ലയിൽ സ്ഥിതി ചെയ്യുന്ന പാലയൂർ മാർത്തോമ പള്ളി. യേശുക്രിസ്തുവിന്റെ പന്ത്രണ്ട് അപ്പോസ്തലന്മാരിൽ ഒരാളായ സെന്റ് തോമസ് 52 എ. ഡിയിൽ കേരളത്തിൽ വന്ന് സ്ഥാപിച്ചതാണ് ഈ പള്ളി. സെന്റ് തോമസ് സ്ഥാപിച്ച ഏഴരപ്പള്ളിക്കൂട്ടത്തിൽ ഒന്നാണ് ഈ പള്ളി,ഹൈന്ദവ പേർഷ്യൻ വാസ്തു മാതൃകകളിൽ ആണ് പള്ളി പണിതിരിക്കുന്നത്. എന്നാൽ പതിനെട്ടാം നൂറ്റാണ്ടിൽ ടിപ്പുവിൻ്റെ പടയോട്ടക്കാലത്ത് തകർക്കപ്പെട്ട പള്ളി പിന്നീട് പുതുക്കി പണിതു. വാസ്തുവിദ്യാപരമായ പ്രാധാന്യവും പള്ളിയുടെ ചരിത്രവും മതിയാകും ഈ സ്ഥലത്തിന് സാക്ഷ്യം വഹിക്കാൻ. ## ശ്രീപദ്മനാഭ സ്വാമി ക്ഷേത്രം  തിരുവനന്തപുരം പട്ടണത്തിൻ്റെ നടുക്ക് ആ നാടിൻ്റെ അധിപനായി നിലകൊള്ളുന്ന അനന്തശായിയായ വിഷ്ണു പ്രതിഷ്ഠയുള്ള ക്ഷേത്രമാണ് ശ്രീ പദ്മനാഭ സ്വാമി ക്ഷേത്രം. ചേര വാസ്തുവിദ്യയിലൂടെ നിർമ്മിച്ചിരിക്കുന്ന ക്ഷേത്രത്തിന് ഉയർന്ന മതിലുകളും പതിനാറാം നൂറ്റാണ്ടിലെ ഗോപുരവും ഉൾക്കൊള്ളുന്നു. ക്ഷേത്ര നിലവറകളിലെ കണ്ടെടുത്ത പുരാതന ശേഖരങ്ങളുടെ അടിസ്ഥാനത്തിൽ ലോകത്തിലെ ഏറ്റവും സമ്പന്നമായ ആരാധനാലയമായി പദ്മനാഭസ്വാമി ക്ഷേത്രം കണക്കാക്കപ്പെടുന്നു. വായുപുരാണം, ബ്രഹ്മപുരാണം പോലുള്ള ഹൈന്ദവ പുരാണ പുസ്തകങ്ങളിലും സംഘകാല തമിഴ് കൃതികളിലും ശ്രീപദ്മനാഭ സ്വാമി ക്ഷേത്രത്തേക്കുറിച്ച് പ്രതിബാധിക്കുന്നുണ്ട്. ഇപ്പോൾ കണ്ടെടുത്ത ക്ഷേത്ര സ്വത്തുക്കളെ വച്ച് നോക്കുമ്പോൾ പല ചരിത്രകാരന്മാരും പണ്ട് സ്വർണ്ണ ക്ഷേത്രം എന്നറിയപ്പെട്ടിരുന്നത് പദ്മനാഭ സ്വാമി ക്ഷേത്രം ആണെന്ന് കരുതുന്നു. ## ശബരിമല ക്ഷേത്രം  പത്തനംതിട്ട ജില്ലയിൽ സ്ഥിതി ചെയ്യുന്ന കേരളത്തിലെ പുരാതന ക്ഷേത്രമാണ് ശബരിമല. ശ്രീ ധർമ്മശാസ്താവാണ് അവിടത്തെ പ്രതിഷ്ഠ. വിഷ്ണുവിൻ്റെ സ്ത്രീ രൂപമായ മോഹിനിക്കും ശിവനും കൂടി ജനിച്ച കുട്ടിയാണ് അയ്യപ്പൻ എന്ന് പുരാണങ്ങൾ പറയുന്നു. ശൈവ-വൈഷ്ണവ യോജിപ്പിൻ്റെ സംസ്കാരമാണ് ശബരിമല ക്ഷേത്രത്തിനുള്ളത്. പക്ഷേ 41 ദിവസത്തെ വ്രതം എടുത്തിട്ട് വേണം അവിടേക്ക് പോകാൻ. മതസൗഹാർദ്ദത്തിൻ്റെ ഈറ്റില്ലമായ ശബരിമല ക്ഷേത്രത്തിൽ അദ്ദേഹത്തിൻ്റെ സുഹൃത്ത് എന്ന് കരുതപ്പെടുന്ന മുസ്ലിം വിശ്വാസിയായ വാവർ എന്ന വ്യക്തിക്കും പ്രത്യേകം ആരാധന സ്ഥാനം നൽകി പോരുന്നു. ## അർത്തുങ്കൽ പള്ളി ആലപ്പുഴ ജില്ലയിലെ പ്രശസ്തമായ തീർത്ഥാടന കേന്ദ്രങ്ങളിലൊന്നാണ് അർത്തുങ്കലിലെ സെന്റ് ആൻഡ്രൂസ് പള്ളി. ലോകത്തിലെ ഏറ്റവും വലിയ വിശുദ്ധ സെബസ്ത്യാനോസിൻ്റെ ദേവാലയമാണ് അർത്തുങ്കൽ പള്ളി. പതിനാറാം നൂറ്റാണ്ടിൽ പോർച്ചുഗീസുകാരാണ് ഈ പള്ളി പണികഴിപ്പിച്ചത്. അർത്തുങ്കൽ വെളുത്തച്ചൻ എന്ന് വിളിപേരായ ജകൊമോ ഫെനിഷിയോയുടെ നേതൃത്വത്തിൽ 1584-ൽ പള്ളി പുതുക്കി പണിതു. അർത്തുങ്കൽ പള്ളിയിൽ മകരം പെരുന്നാൾ പ്രശസ്തമാണ്. 2010-ൽ ഈ പള്ളി ബസിലിക്കയായി. ## മാലിക് ദീനാർ പള്ളി കാസറഗോഡ് സ്ഥിതി ചെയ്യുന്ന മാലിക് ദീനാർ പള്ളി എ. ഡി 642-ൽ പണികഴിപ്പിച്ചതാണ്. ഇന്ത്യയിലെ രണ്ടാമത്തെ ഏറ്റവും പഴക്കം ചെന്ന പള്ളി, മാലിക് ഇബ്നു ദീനാർ എന്ന മുഹമ്മദ് നബിയുടെ ശിഷ്യൻ കേരളത്തിൽ വന്നു പണികഴിപ്പിച്ച പള്ളികളിൽ ഒന്നാണ്. മാലിക് ദീനാർ ഇസ്‌ലാമിന്റെ ആശയങ്ങൾ ജനങ്ങളെ പഠിപ്പിച്ച സ്ഥലങ്ങളിലൊന്നാണിത്. മാലിക് ദീനാർ മക്കയിൽ നിന്ന് കൊണ്ടുവന്ന മാർബിൾ കൊണ്ടാണ് ഈ പള്ളിയുടെ തറ നിർമ്മിച്ചതെന്ന് പറയപ്പെടുന്നു. ഇബ്നു ദിനാറിന്റെ മൃതദേഹം ഇതേ പള്ളിയിൽ തന്നെയാണ് അടക്കം ചെയ്തിരിക്കുന്നത്. എല്ലാവരും തീർച്ചയായും സന്ദർശിക്കേണ്ട സ്ഥലമാണിത്. `_BANNER_` ## സെൻ്റ് ഫ്രാൻസിസ് പള്ളി ഫോർട്ട് കൊച്ചിയിൽ സ്ഥിതി ചെയ്യുന്ന സെൻ്റ് ഫ്രാൻസിസ് പള്ളി 1503-ൽ ആണ് പണികഴിപ്പിച്ചത്. ഇന്ത്യയിൽ യൂറോപ്യന്മാർ പണികഴിപ്പിച്ച ഏറ്റവും പഴക്കം ചെന്ന പള്ളികളിലൊന്നാണിത്. പോർച്ചുഗീസ് പര്യവേഷകനായ വാസ്കോഡ ഗാമ 1524-ൽ തന്റെ മൂന്നാമത്തെ ഇന്ത്യാ സന്ദർശന വേളയിൽ കൊച്ചിയിൽ വച്ച് അന്തരിച്ചു. അദ്ദേഹത്തിന്റെ മൃതദേഹം ആദ്യം ഈ പള്ളിയിലാണ് അടക്കം ചെയ്തത്. എന്നാൽ പതിനാല് വർഷത്തിന് ശേഷം അദ്ദേഹത്തിന്റെ ഭൗതികാവശിഷ്ടങ്ങൾ ലിസ്ബണിലേക്ക് മാറ്റി. പള്ളിക്കുള്ളിലെ അദ്ദേഹത്തിന്റെ ശ്മശാന സ്ഥലം വ്യക്തമായി അടയാളപ്പെടുത്തിയിട്ടുണ്ട്.പള്ളി നിൽക്കുന്നതിന് അടുത്തുള്ള പുൽത്തകിടിയുടെ നടുവിൽ ഒരു ശവകുടീരം ഉണ്ട്, ഒന്നാം ലോകമഹായുദ്ധത്തിൽ ജീവൻ ബലിയർപ്പിച്ച കൊച്ചിക്കാരുടെ സ്മരണയ്ക്കായി 1920-ൽ നിർമ്മിച്ചതാണ് ഇത്. ## താഴത്തങ്ങാടി ജുമാ മസ്ജിദ് കോട്ടയം താഴത്തങ്ങാടി എന്ന സ്ഥലത്താണ് ഇന്ത്യയിലെ പുരാതനമായതും 1000 വർഷം പഴക്കം കരുതുന്നതുമായ താഴത്തങ്ങാടി ജുമാ മസ്ജിദ് സ്ഥിതി ചെയ്യുന്നത്. താജ് ജുമാ മസ്ജിദ് എന്നും ഇതിനെ വിലിച്ചുപോരുന്നു. മീനച്ചിലാറിൻ്റെ കടവിൽ സ്ഥിതി ചെയ്യുന്ന ഈ മസ്ജിദ് കേരളത്തിലെ ഇസ്ലാം പ്രചാരകനായ മാലിക് ദീനാറിൻ്റെ മകനായ ഹബീബ് ദീനാർ പണികഴിപ്പിച്ചതാണ്. ഈ മസ്ജിദ് കേരള പാരമ്പര്യം പിന്തുടരുന്ന തടി കൊത്തുപണികൾക്കും വാസ്തുവിദ്യയ്ക്കും പേരുകേട്ടതാണ്. ഈ മസ്ജിദിനോട് അനുബന്ധമായി ഇവിടെ ജീവിച്ചിരുന്ന മുസ്‌ലിംകൾ സ്വാതന്ത്ര്യ സമരത്തിലും മറ്റ് ദേശീയ പ്രസ്ഥാനങ്ങളിലും സജീവ പങ്ക് വഹിച്ചുണ്ട്. ചരിത്ര പ്രധാനമായ ഈ പള്ളി തീർച്ചയായും കണ്ടിരിക്കേണ്ടതാണ്. ## മാർത്ത മറിയം പള്ളി കോട്ടയം ജില്ലയിലെ കുറവിലങ്ങാട് എന്ന സ്ഥലത്ത് 105 എ. ഡിയിൽ പണികഴിപ്പിച്ച പള്ളിയാണ് മാർത്ത മറിയം പള്ളി. മാതാവ് മേരി ആദ്യമായി ലോകത്ത് പ്രത്യക്ഷപ്പെട്ടത് കുറവിലങ്ങാട് ആണെന്നാണ് വിശ്വാസം. അൾത്താരയിൽ സൂക്ഷിച്ചിരിക്കുന്ന പരിശുദ്ധ കന്യകാമറിയത്തിന്റെ പ്രതിമ സവിശേഷമാണ്. ഇത് ഗ്രാനൈറ്റിൽ കൊത്തിയെടുത്തതാണ്. ഭക്തർ ഈ പ്രതിമയെ "കുറവിലങ്ങാട് മുത്തിയമ്മ" എന്ന് വിളിക്കുന്നു. 1597-ലാണ് പള്ളിയുടെ മുൻവശത്ത് 48 അടിയിൽ ഒറ്റ ബ്ലോക്കിൽ തീർത്ത ഗ്രാനൈറ്റ് കുരിശ് സ്ഥാപിച്ചത്. സുറിയാനിയിൽ "ദൈവമാതാവ്" എന്ന് കൊത്തുപണിയുള്ള ഒരു പുരാതന മണിയുണ്ട് ഇവിടെ. കേരളത്തിലെ പഴയ ക്രിസ്ത്യൻ പള്ളികളിൽ ഒന്നു തന്നെയാണ് മാർത്ത മാറിയ പള്ളിയും. ## ഓടത്തിൽ പള്ളി 1806-ൽ പണികഴിപ്പിച്ച ഓടത്തിൽ പള്ളി കേരളത്തിലെ തലശ്ശേരി എന്ന സ്ഥലത്ത് സ്ഥിതി ചെയ്യുന്നു. ഓടത്തിൽ പള്ളി സ്ഥിതി ചെയ്യുന്ന സ്ഥലം പണ്ട് ഡച്ചുകാരുടെ അധീനതയിലുള്ള ഒരു കരിമ്പിൻ തോട്ടം ആയിരുന്നു. പിന്നീട് അത് ബ്രിട്ടീഷുകാരുടെ കയ്യിലായി. തലശ്ശേരി കേയി തറവാട്ടിലെ അംഗവും ഈസ്റ്റ് ഇന്ത്യൻ കമ്പനിയുടെ കോൺട്രാക്ടറുമായ മൂസാക്കയാണ് ഈ പള്ളി പണികഴിപ്പിച്ചത്. ഡച്ചിൽ തോട്ടത്തിന് ഓടം എന്നാണ് പറയുന്നത്. അങ്ങനെ കരിമ്പിൻ ഓടത്തിൽ പണിത പള്ളി ഓടത്തിൽ പള്ളിയായി. പള്ളിയുടെ ടെറസ് ചെമ്പിൽ പണിതിരിക്കുന്നു. മിനാരം സ്വർണ്ണത്താൽ അലങ്കരിച്ചിരിക്കുന്നു. നിരവധി സഞ്ചാരികൾ കാണാനെത്തുന്ന സ്ഥലമാണ് ഓടത്തിൽ പള്ളി. കേരളത്തിലെ സാധാരണ വാസ്തുവിദ്യയാണ് ഓടത്തിൽ പള്ളിയുടെ പ്രധാന ആകർഷണം. മസ്ജിദ് ഇന്നും ആരാധനയ്ക്കായി ഉപയോഗിക്കുന്നു. ## സാന്താ ക്രൂസ് ബസിലിക്ക കേരളത്തിലെ ഒൻപത് ബസിലിക്കകളിൽ ഒന്നാണ് കോട്ടേപള്ളി എന്ന് വിളിപ്പേരുള്ള സാന്താ ക്രൂസ് ബസിലിക്ക. പോർച്ചുഗീസ് അധിനിവേശത്തിനോടനുബന്ധിച്ച് 1505-ൽ പണികഴിപ്പിച്ചതാണ് ഈ പള്ളി. പലതവണകളിലായി പള്ളി പുതുക്കിപ്പണിയുകയും 1905-ൽ ഇന്നത്തെ ഘടന വിശുദ്ധീകരിക്കുകയും ചെയ്തു. വാസ്തുവിദ്യയും കലാപരവുമായ മഹത്വവും ഗോഥിക് ശൈലിയുടെ നിറങ്ങളും ഉൾക്കൊള്ളുന്ന ഈ പളളി ഭക്തിയുടെയും ചരിത്രപരമായ പ്രാധാന്യത്തിന്റെയും കേന്ദ്രവുമാണ്. ## മിശ്കാൽ പള്ളി  ഇന്ത്യയിലെ പുരാതന മുസ്ലിം പള്ളികളിലൊന്നാണ് കോഴിക്കോട് സ്ഥിതി ചെയ്യുന്ന മിശ്കാൽ സുന്നി ജുമാഅത്ത് പള്ളി. നഖൂദ മിശ്കാൽ എന്ന അറബി വ്യാപാരി പതിനാലാം നൂറ്റാണ്ടിൽ ആണ് ഈ പള്ളി പണിയുന്നത്. അഞ്ചു തട്ടുകളിലായി മരം കൊണ്ട് പണിത പള്ളിയായിരുന്നു ആദ്യം. 1510-ൽ പോർച്ചുഗീസുകാരുടെ ആക്രമണത്തിൽ പള്ളി ഭാഗികമായി തകർന്നു. ഇപ്പോൾ നാല് നിലകൾ മാത്രമേയുള്ളൂ. പുനർനിർമ്മാണം നടന്നെങ്കിലും പോർചുഗീസ് ആക്രമണത്തിൻ്റെ പാടുകൾ ഇപ്പോഴും പള്ളിയുടെ മുകൾതട്ടിലുണ്ട്. 24 കൊത്തുപണികളുള്ള തൂണുകളും 47 വാതിലുകളും 400 ഓളം ആളുകൾക്ക് ഒത്തുചേരാവുന്ന വിശാലമായ പ്രാർത്ഥനാ ഹാളും ഉള്ള വളരെ സവിശേഷമായ ഒരു ഘടനയാണിത് ഈ പള്ളിക്ക് ഉള്ളത്. ചരിത്രം ഉറങ്ങുന്ന ഈ സ്ഥലം സന്ദർശിക്കേണ്ട ഒന്നുതന്നെയാണ്. ## കൊടുങ്ങല്ലൂർ ക്ഷേത്രം തൃശൂർ കൊടുങ്ങല്ലൂർ എന്ന സ്ഥലത്ത് സ്ഥിതി ചെയ്യുന്ന പ്രശസ്തമായ ഭഗവതി ക്ഷേത്രം എ.ഡി ഒന്നാം നൂറ്റാണ്ടിൽ ചേരചക്രവർത്തിമാരാണ് പണികഴിപ്പിച്ചത്. ഭദ്രകാളി സങ്കൽപ്പത്തിൽ കുടികൊള്ളുന്നു ദേവിയെ ശ്രീകുരുംബ എന്നും വിളിക്കുന്നുണ്ട്. കേരളത്തിൽ പൊതുവിൽ കാണാത്ത ശാക്തേയ ഉപാസനയാണ് ഈ ക്ഷേത്രത്തിൽ. പുരാതന തമിഴ് ഇതിഹാസം ചിലപതികാരത്തിലെ നായിക കണ്ണക്കി മധുരയെ നശിപ്പിച്ചതിന് ശേഷം ഈ ക്ഷേത്രത്തിൽ വന്ന് ഇവിടുത്തെ പ്രതിഷ്ഠയിൽ വിലയം പ്രാപിച്ചു എന്ന് വിശ്വസിക്കപ്പെടുന്നു. അതുകൊണ്ടുതന്നെ ഈ ക്ഷേത്രം പുരാതന തമിഴ് സാമ്രാജ്യങ്ങളായ ചേര, ചോള, പാണ്ഡ്യൻമാർ തമ്മിലുള്ള ചരിത്രപരമായ ബന്ധങ്ങൾക്ക് പ്രതീകമായി നിലകൊള്ളുന്നു. കൊടുങ്ങല്ലൂർ ഭരണിയും താലപ്പൊലിയും ഇവിടുത്തെ പ്രത്യേക ഉത്സവങ്ങളാണ്. ## കടമറ്റം പള്ളി ഭാരതത്തിലെ അതിപുരാതന ക്രൈസ്തവ ദേവാലയങ്ങളിൽ ഒന്നാണ് കടമറ്റം പള്ളി. നിരണം ഗ്രന്ഥവരികൾ അനുസരിച്ച് 825 സി. ഇക്ക് ശേഷം ക്രിസ്ത്യൻ പുരോഹിതനായ മാർ സബോർ ആണ് ഈ പള്ളി സ്ഥാപിച്ചത്. മാർ സാബോർ അന്നത്തെ കടമറ്റം ഭരണാധികാരിയായിരുന്ന കർത്തയുടെ സഹായത്തോടെയാണ് പള്ളി സ്ഥാപിച്ചത് എന്നാണ് വിശ്വാസം. മാർ സബോറിൻ്റെ ശിഷ്യനാണ് പ്രശസ്ത മാന്ത്രികനായ കടമറ്റത്ത് കത്തനാർ എന്ന് വിശ്വസിക്കുന്നു. കടമറ്റത്ത് കത്തനാരുടെ ആദ്യ നാമം പൗലോസ് എന്നായിരുന്നു. മാതാപിതാക്കൾ മരിച്ചുപോയ പൗലോസ് പള്ളിയിൽ വന്ന് പ്രാർത്ഥിക്കുകയും അത് കണ്ട് പള്ളിയിലെ അച്ചൻ അവനെ പഠിപ്പിച്ച് അവിടത്തെ ശെമ്മാശൻ ആക്കുകയും ചെയ്തു. മാന്ത്രിക വിദ്യ ഒക്കെ പഠിച്ച് നാട്ടുകാർക്ക് വേണ്ടി നന്മകൾ ചെയ്തപ്പോൾ നാട്ടുകാർ കടമറ്റത്ത് കത്തനാർ, കടമറ്റത്തച്ചൻ എന്നൊക്കെ വിളിച്ചു തുടങ്ങി. കടമറ്റം പള്ളിയുടെ അൾത്താരയുടെ വലത് ഭിത്തിയിൽ ഒൻപതാം നൂറ്റാണ്ടിലെ കല്ലുകൊണ്ട് നിർമിച്ച നാല് തുല്യ വലുപ്പത്തിലുള്ള കൈകളോടുകൂടിയ ഒരു പേർഷ്യൻ കുരിശ് കാണാം. ഇൻഡോ-പേർഷ്യൻ വാസ്തുവിദ്യയും കേരള ഹിന്ദു ശൈലിയിലുള്ള അലങ്കാരങ്ങളും മണ്ഡപങ്ങളും ചേർന്നുള്ള അപൂർവ സംഗമത്തിന് ഈ പള്ളി പ്രശസ്തമാണ്. ## തിരുനെല്ലി മഹാവിഷ്ണു ക്ഷേത്രം  ശ്രീ മഹാവിഷ്ണുവിൻ്റെ പ്രതിഷ്ഠയുള്ള തിരുനെല്ലി ക്ഷേത്രം വയനാട്ടിൽ ഉള്ള ബ്രഹ്മഗിരി കുന്നിൽ സ്ഥിതി ചെയ്യുന്നു. ക്ഷേത്രം എന്ന് പണികഴിപ്പിച്ചതാണ് എന്ന് വ്യക്തമായ അറിവില്ലെങ്കിലും ചരിത്ര രേഖകൾ പരിശോധിക്കുമ്പോൾ ചേര രാജാവ് ഭാസ്കര രവി വർമ്മ I (926-1019 സി. ഇ) ജീവിച്ചിരുന്ന കാലത്ത് തെക്കെ ഇന്ത്യയിലെ പ്രശസ്തമായ തീർത്ഥാടന കേന്ദ്രമായി ഈ ക്ഷേത്രത്തെ പറയുന്നുണ്ട്. ഈ ക്ഷേത്രത്തിൽ ബ്രഹ്മദേവൻ വന്നു പൂജ ചെയ്യും എന്നാണ് വിശ്വാസം. ഈ ക്ഷേത്രത്തിന് അടുത്ത് തന്നെയാണ് പാപനാശിനി പുഴ. ഈ പുഴയിൽ കുളിച്ചാൽ ഒരുവൻ്റെ എല്ലാ പാപവും ഒഴുക്കിക്കളയും എന്ന് വിശ്വസിക്കുന്നു. പ്രകൃതിയോട് ഇണങ്ങിചേർന്ന് നിൽക്കുന്ന ഈ ക്ഷേത്രം തീർച്ചയായും സന്ദർശിക്കേണ്ട ഒന്നാണ്. ## പൊന്നാനി ജുമാ മസ്ജിദ് മലപ്പുറം ജില്ലയിലെ പൊന്നാനി എന്ന സ്ഥലത്താണ് പൊന്നാനി വലിയ ജുമാ മസ്ജിദ് സ്ഥിതി ചെയ്യുന്നത്. മലബാറിൻ്റെ മക്ക എന്നറിയപ്പെടുന്ന സ്ഥലമാണ് പൊന്നാനി. ഷെയ്ഖ് സൈനുദ്ദീൻ എന്നയാളാണ് 1510-ൽ ഈ പള്ളി പണികഴിപ്പിച്ചതെന്ന് വില്ല്യം ലോഗൻ്റെ മലബാർ മാന്വലിൽ രേഖപ്പെടുത്തിയിട്ടുണ്ട്. പള്ളിയുടെ നിർമ്മാണത്തിന് ശേഷം ഷെയ്ഖ് സൈനുദ്ദീൻ തന്നെ പള്ളിയിൽ പഠിപ്പിക്കാനും തുടങ്ങി. നേരത്തെ, കേരളത്തിലെ ഇസ്ലാമിക വിദ്യാഭ്യാസത്തിന്റെ പ്രധാന കേന്ദ്രമായിരുന്നു ഇത്. അതുകൊണ്ട് തന്നെ ഈ പള്ളിക്ക് ഇപ്പോഴും ആ പ്രത്യേകത കൽപ്പിച്ചു കൊടുത്തിരിക്കുന്നു. മുസ്ലിം വിശ്വാസങ്ങൾ അറിയാൻ താല്പര്യമുള്ളവർ തീർച്ചയായും സന്ദർശിക്കേണ്ട സ്ഥലമാണ് പൊന്നാനി ജുമാ മസ്ജിദ്. ## പുലിയർ മല ജൈനക്ഷേത്രം വയനാട് കൽപ്പറ്റയിലാണ് പുലിയർമല ജൈന ക്ഷേത്രം എന്നറിയപ്പെടുന്ന അനന്തനാഥ് സ്വമി ക്ഷേത്രം കുടികൊള്ളുന്നത്. ജൈനമതത്തിലെ തീർത്തങ്കരിൽ ഒരാളായ അനന്തനാഥ് സ്വമിയാണ് ഈ ക്ഷേത്രത്തിൽ പ്രതിഷ്ഠ. ദ്രാവിഡ-ഹൊയ്സാല മാതൃകയിലാണ് ഈ വലിയ ക്ഷേത്ര സമുച്ചയം പണികഴിപ്പിച്ചിരിക്കുന്നത്. ടിപ്പുവിൻ്റെ പടയോട്ടത്തെയും അതിജീവിച്ച ഈ ക്ഷേത്രത്തിൽ കല്ലിൽ കൊത്തിയ നിരവധി ജൈന പ്രതിമകളും അവശിഷ്ടങ്ങളും കാണാം. പിരമിഡ് ആകൃതിയിൽ നിർമ്മിച്ച നിരവധി വർണ്ണാഭമായ കൊത്തുപണികൾ ഈ ക്ഷേത്രത്തിൽ ഉണ്ട്. ഈ സ്തൂപത്തിന്റെ മുകളിൽ മഹാവീർ ജൈനിന്റെ മാതൃക സ്ഥാപിച്ചിട്ടുണ്ട്. കേരളത്തിലെ ജൈനമതതിൻ്റെ തിരുശേഷിപ്പുകളിൽ ഒന്നാണ് ഈ ക്ഷേത്രം. ## കരുമാടിക്കുട്ടൻ കേരളത്തിലെ ബുദ്ധമതത്തിൻ്റെ തിരുശേഷിപ്പുകളിൽ ഒന്നാണ് ആലപ്പുഴ, അമ്പലപ്പുഴ ഭാഗത്ത് നിന്നും കണ്ടെത്തിയ കരുമാടിക്കുട്ടൻ ശിൽപം. 3 അടി പൊക്കമുള്ള ഈ കറുത്ത ഗ്രാനൈറ്റ് ശിൽപം ഒൻപതാം നൂറ്റാണ്ട് മുതൽ പതിനാലാം നൂറ്റാണ്ടു വരെ പഴക്കമുണ്ടെന്ന് വിശ്വസിക്കുന്നു. 1930-ൽ കണ്ടെത്തുമ്പോൾ ഇടതുഭാഗം തകർക്കപ്പെട്ടിരുന്നു. 1965-ൽ ദലൈലാമ ഈ സ്ഥലം സന്ദർശിച്ചിട്ടുണ്ട്. കേരളത്തിൽ നിലവിലുള്ള ഏക ബുദ്ധ വിഹാരം സ്ഥലം ഇതുമാത്രമാണ്. ## പരദേശി സിനഗോഗ്  കൊച്ചിയിൽ വന്ന് ജീവിച്ചിരുന്ന ജൂതന്മാർക്ക് വേണ്ടി 1568 സി. ഇ യിൽ പണികഴിപ്പിച്ചതാണ് മട്ടാഞ്ചേരിയിൽ ഉള്ള പരദേശി സിനഗോഗ്. പണ്ട് കാലത്ത് സ്ഥിരം പ്രാർത്ഥന ഉണ്ടായിരുന്നെങ്കിലും കേരളത്തിൽ നിന്നും ജൂതന്മാരുടെ തിരിച്ചുപോക്കിന് ശേഷം, ബാക്കിയുള്ള ജൂതന്മാർക്ക് വേണ്ടി മാത്രമായി പ്രാർത്ഥന. അതില്ലാത്ത സമയം സന്ദർശകർക്ക് സിനഗോഗ് കാണാൻ സൗകര്യമൊരുക്കിയിട്ടുണ്ട്. മട്ടാഞ്ചേരി കൊട്ടാരം ക്ഷേത്രത്തോട് ചേർന്ന് കൊച്ചി രാജാവായ രാമവർമ്മ ജൂത സമുദായത്തിന് നൽകിയ ഭൂമിയിലാണ് ഇത് നിർമ്മിച്ചിരിക്കുന്നത്. മട്ടാഞ്ചേരി കൊട്ടാരം ക്ഷേത്രവും മട്ടാഞ്ചേരി സിനഗോഗും ഒരു പൊതു മതിൽ പങ്കിടുന്നു. കേരളത്തിലെ ജൂത ചരിത്രവും സംസ്കാരവും വിളിച്ചോതുന്ന സ്ഥലങ്ങളിൽ ഒന്നാണ് പരദേശി സിനഗോഗ്. പല സ്ഥലങ്ങളിലും ആരാധന ചടങ്ങുകൾ പല കാരണങ്ങളാൽ മുടങ്ങിക്കിടക്കുന്നുണ്ടെങ്കിലും അവയുടെയൊക്കെ ചരിത്ര പ്രസക്തിയും ശില്പ ഭംഗിയും പൊയ്പോവുന്നില്ല. അതുകൊണ്ടുതന്നെ പുരാതനമായ ആരാധനാലയങ്ങൾ പ്രാർത്ഥിക്കാൻ വേണ്ടി മാത്രമല്ല, അതിൻ്റെ ചരിത്രം മനസ്സിലാക്കിയും സന്ദർശിക്കാം.
ജീവിത വിജയത്തിനായി പാലിക്കേണ്ട 7 ശീലങ്ങൾ
വിജയം ഒരു യാത്ര ആണ്, മറിച്ച് ഒരു ലക്ഷ്യസ്ഥാനം അല്ല. യാത്ര നിങ്ങള്‍ ആനന്ദിക്കുന്നില്ലെങ്കിൽ ലക്ഷ്യസ്ഥാനവും ആനന്ദം പകരുന്നില്ല.ലക്ഷ്യസ്ഥാനം ഒരു മരുപ്പച്ചയാണ്, ഒരു മരീചിക ആണ്.അവിടെ ചെന്നു നിങ്ങൾക്ക് സായൂജ്യം അണയാം. യാത്ര ആണ് ആനന്ദം പകരേണ്ടത്... സ്വന്തം ചിന്തകളും, മനോഭാവവും, ദൈനംദിന ജീവിതരീതിയും, ശീലങ്ങളുമാണ് ആ യാത്രയുടെ കാതൽ. ശീലം എന്നത് നമ്മുടെ ജീവിതവിജയത്തെ നിർവചിക്കുന്ന ഏറ്റവും പ്രധാനപ്പെട്ട സംഗതികളിലൊന്നാണ്. ശീലങ്ങളിലും ചിന്താധാരകളിലും പലതും നമുക്ക് നിസ്സാരമായോ അപ്രധാനമായോ തോന്നിയേക്കാം. അതത്ര നിസ്സാരമല്ല. സ്ഥിരമായ ശീലങ്ങൾ സ്വഭാവത്തെ രൂപപ്പെടുത്തുന്നു. സ്വഭാവം ജീവിതത്തെ കെട്ടിപ്പടുക്കുന്നു. വിജയകരമായ ശീലങ്ങൾ സ്വീകരിക്കുന്നതിലൂടെ നമ്മുടെ ലക്ഷ്യങ്ങളും സ്വപ്നങ്ങളും നേടാനുള്ള യാത്ര സുഖകരമാവുകയും വിജയം കൈവരിക്കുകയും ചെയ്യും. ജീവിതത്തിൽ വിജയം കരസ്ഥമാക്കാൻ പാലിക്കേണ്ട മാനസികവും ശാരീരികവുമായ ചില ശീലങ്ങൾ നമുക്ക് ഇവിടെ വായിക്കാം, അനുവർത്തിക്കാം. ## 1. വ്യായാമം, ഭക്ഷണം, ഉറക്കം  ആരോഗ്യം സർവ്വധനാൽ പ്രധാനം. നിങ്ങൾ പലപ്പോഴും കേട്ടിട്ടുള്ള ചൊല്ലാണിത്. മാനസികമായും ശാരീരികമായും രോഗങ്ങളില്ലാത്ത അവസ്ഥയാണ് സാമാന്യേന ആരോഗ്യം എന്ന് പറയുന്നത്. കൃത്യമായ വ്യായാമം, ഭക്ഷണക്രമം, ഉറക്കം എന്നിവയിലൂടെ ശരീരത്തെ പരിപാലിക്കുക എന്നത് വളരെ പ്രധാനമാണ്. വിജയത്തിന്റെ ആദ്യപടിയാണ് ആരോഗ്യമുള്ള മനസ്സും ശരീരവും. ജീവിതത്തിലെ ദൈനംദിന കൃത്യങ്ങളിൽ ഏറ്റവും കൂടുതൽ അവഗണിക്കപ്പെടുന്ന ഒന്നാണ് വ്യായാമം. നമ്മുടെ രാജ്യത്ത് ഏറ്റവും കൂടുതൽ ആളുകളുടെ മരണത്തിന് കാരണമാകുന്ന പ്രധാന കാരണങ്ങളിലൊന്നാണ് ഹൃദ്രോഗം. ഇത് പലപ്പോഴും ഉദാസീനമായ ജീവിതശൈലിയുമായി ബന്ധപ്പെട്ടിരിക്കുന്നു. നിഷ്‌ക്രിയത്വം ഒരു നിശബ്‌ദ കൊലയാളിയാണ്. നിങ്ങൾക്ക് ഉദാസീനമായ ഒരു ജീവിതശൈലി ഉണ്ടെങ്കിൽ, നിങ്ങളുടെ ശരീരത്തിന്റെ പ്രവർത്തന ശേഷിയിൽ കുറവുണ്ടാകും. ദീർഘനേരം വെറുതെ ഇരിക്കുകയോ കിടക്കുകയോ ചെയ്യുന്നത് ആരോഗ്യത്തിന് ദോഷകരമാണെന്ന് പഠനങ്ങൾ വ്യക്തമാക്കുന്നു. പതിവ് വ്യായാമത്തിന്റെയും ശാരീരിക പ്രവർത്തനത്തിന്റെയും ആരോഗ്യ ഗുണങ്ങൾ ഒരിക്കലും അവഗണിക്കരുത്. പ്രായമോ ലിംഗഭേദമോ ഇല്ലാതെ എല്ലാവരും വ്യായാമം ചെയ്യുന്നത് ശരീരത്തിനും മനസ്സിനും അനേകം പ്രയോജനങ്ങൾ നേടിത്തരുന്നു. ശരീരഭാരം നിയന്ത്രിക്കാൻ, രോഗങ്ങളെ ചെറുക്കാൻ, എല്ലുകളുടെയും പേശികളുടെയും ബലത്തിന്, മാനസികാരോഗ്യം മെച്ചപ്പെടുത്താൻ, ആത്മവിശ്വാസം കൂട്ടാൻ ഇങ്ങനെ വ്യായാമത്തിന്റെ ഗുണഫലങ്ങൾ നിരവധിയാണ്. മനസ്സും ശരീരവും തമ്മിലുള്ള അഭേദ്യമായ ബന്ധം ശാസ്ത്രഗവേഷണങ്ങളിൽ തെളിഞ്ഞിട്ടുണ്ട്. നമ്മൾ ആരോഗ്യം നന്നായി പരിപാലിക്കുന്നതിലൂടെ, നമ്മുടെ ലക്ഷ്യം നേടുന്നതിനുള്ള വഴിയിലെ യാത്ര കുറേക്കൂടി സുഖമമാക്കാം, തടസ്സങ്ങളെ തൃണവൽഗണിച്ച് മുന്നേറാം. നല്ല ആരോഗ്യം നിലനിർത്താൻ ആരോഗ്യകരമായ ഭക്ഷണക്രമം കൂടിയേ തീരൂ. മിതമായ അളവിൽ, കൃത്യമായ ഇടവേളകളിൽ, പോഷകമൂല്യമുള്ള ഭക്ഷണം കഴിക്കുന്നതാണ് ആരോഗ്യകരമായ ഭക്ഷണരീതി. അമിതമായി എണ്ണമയമുള്ളതും കൊഴുപ്പുള്ളതുമായ ആഹാരവും, അമിതമായ ഉപ്പും മധുരവും എരിവും പരിമിതപ്പെടുത്തുക. കാലാവസ്ഥയ്ക്ക് അനുസൃതമായി ശരീരത്തിന് ആവശ്യമുള്ള ജലാശം നിലനിർത്തുക. ഭക്ഷണരീതികൾ ഒരിക്കലും എല്ലാവർക്കും ഒരുപോലെ ഫലപ്രദം ആയിരിക്കില്ല. ഓരോ വ്യക്തിയുടെയും അനുയോജ്യമായ ശരീരഭാരം, രോഗാവസ്ഥ, ഭക്ഷണ ശീലങ്ങൾ, ജീവിതശൈലി എന്നിവ അടിസ്ഥാനമാക്കി ഭക്ഷണക്രമത്തിൽ മാറ്റം വരുത്തേണ്ടതുണ്ട്. നല്ല ഉറക്ക രീതികൾ മറ്റൊരു നിർണായക ഘടകമാണ്. ശരീരത്തിനു നല്ല പ്രവര്‍ത്തനങ്ങള്‍ക്ക് അത്യാവശ്യമാണു നല്ല വിശ്രമം. വിശ്രമത്തില്‍ പ്രധാനപ്പെട്ടതാണ് ഉറക്കം. നന്നായി ഉറങ്ങിയശേഷം ലഭിക്കുന്ന സുഖം പറഞ്ഞറിയിക്കാനാവാത്തതാണ്. ഉറക്കം വെറും സമയം കളയല്‍ മാത്രമല്ല. അതിനു ചില ഗുണങ്ങളുമുണ്ട്. രാത്രി ആറു മണിക്കൂറില്‍ കുറവു ഉറങ്ങുന്നവരുടെ ആയുര്‍ദൈര്‍ഘ്യം കുറയാന്‍ സാധ്യതയുണ്ടെന്നാണു ഗവേഷകര്‍ അഭിപ്രായപ്പെടുന്നത്. ദിവസം എട്ടു മണിക്കൂര്‍ ഉറക്കമാണ് ആരോഗ്യകരമായ ശരീരം ആഗ്രഹിക്കുന്നവര്‍ക്ക് നിര്‍ദേശിക്കാനുള്ളത്. എന്നാൽ അമിത ഉറക്കവും പാടില്ല. ശരീര വേദനകള്‍കൊണ്ട് ബുദ്ധിമുട്ടുന്നവര്‍ക്കും മരുന്നായി നിര്‍ദേശിക്കാന്‍ സാധിക്കുക ഉറക്കമാണ്. ഉറക്കം ഈ വേദനകള്‍ കുറയ്ക്കാന്‍ സഹായിക്കും. നിങ്ങള്‍ ഉറങ്ങുന്ന സമയം ശരീരം ഒരു വളര്‍ച്ചാ ഹോര്‍മോണ്‍ പുറത്തുവിടും. ഇതു കൊളാജിന്‍ എന്ന പ്രോട്ടീന്റെ ഉത്പാദനം വര്‍ധിപ്പിക്കുകയും അത് തിളങ്ങുന്ന ചര്‍മ്മം പ്രധാനം ചെയ്യുകയും ചെയ്യും. ഒരു രാത്രി ഉറക്കമൊഴിച്ചാല്‍ അത് നമ്മുടെ കോശങ്ങളിലെ ക്ലോക്ക് ജീനുകളില്‍ മാറ്റം വരുത്തുമെന്ന് പഠനങ്ങളിൽ തെളിഞ്ഞിട്ടുണ്ട്. ഉറക്കമില്ലായ്മ നമ്മുടെ ശരീര പരിണാമത്തെ വിപരീതമായി ബാധിക്കുന്നുണ്ടെന്നും പൊണ്ണത്തടിക്കും, ടൈപ്പ്2 ഡയബറ്റീസിനും ഉറക്കമില്ലായ്മ കാരണമാകുമെന്നും മുന്‍ ഗവേഷണങ്ങളില്‍ വ്യക്തമായിട്ടുള്ളതാണ്. ശരിക്കും നിങ്ങള്‍ എത്ര നേരം ഉറങ്ങണം? നമ്മള്‍ ഓരോ ദിവസവും എങ്ങനെ പ്രവര്‍ത്തിക്കുന്നു എങ്ങനെ ഉറങ്ങുന്നു എന്നതിനെയെല്ലാം സ്വാധീനിക്കുന്ന നിരവധി അവസ്ഥകളില്‍ ഒന്നാണ് ഉറക്കമില്ലായ്മയും സുഖകരമല്ലാത്ത ഉറക്കവും. ഒരുപക്ഷെ നിങ്ങള്‍ അറിയാതെ തന്നെ നിങ്ങളില്‍ ഉറക്കത്തിലെ പ്രശ്നങ്ങള് ഉണ്ടാവാം. നല്ല ഉറക്കത്തിനായി കൃത്യമായി മണിക്കൂറുകളുടെ കണക്കുകളില്ല. പ്രായപൂര്‍ത്തിയായ ഭൂരിഭാഗം ആളുകള്‍ക്ക് ഏഴ് മുതല്‍ ഒമ്പത് മണിക്കൂര്‍ വരെ ഉറക്കം ആവശ്യമായി വരുന്നു. മറ്റുള്ളവരില്‍ ആറു മണിക്കൂര്‍ തന്നെ മതിയാവും. അതേസമയം കൂടുതല്‍ സമയം ഉറക്കത്തിനായി കിടക്കയില്‍ ചിലവഴിക്കുന്നത് തളര്‍ച്ച വിഷാദം തുടങ്ങിയ ആരോഗ്യ പ്രശ്‌നങ്ങളുടെ ലക്ഷണമാവാം. അതുകൊണ്ട് നിങ്ങളുടെ ഉറക്കത്തിന്റെ സമയക്കണക്കുകള്‍ കണ്ടെത്തുന്നത് തന്നെയാണ് ആരോഗ്യകരമായ ഉറക്കത്തിനുള്ള ആദ്യ പടി. നമ്മളിൽ പോസിറ്റീവ് വികാരങ്ങൾ ത്വരിതപ്പെടുത്തുന്ന 'ഫീൽ ഗുഡ് ഹോർമോണുകളുടെ' പ്രവർത്തനക്ഷമത വ്യായാമത്തിലൂടെയും നല്ല ഭക്ഷണത്തിലൂടെയും കൃത്യമായ ഉറക്കത്തിലൂടെയും വർദ്ധിക്കും. അവ നിങ്ങളുടെ 'യാത്ര'യെ ആനന്ദകരമാക്കും. മറ്റൊരു വിധത്തിൽ പറഞ്ഞാൽ അടിസ്ഥാനപരമായുള്ള നിങ്ങളുടെ ആരോഗ്യ ശീലങ്ങൾ മാറ്റുന്നതിലൂടെ നിങ്ങളുടെ മാനസികാവസ്ഥ മാറ്റാൻ കഴിയും. ## 2. വിജയികൾ നേരത്തെ ഉണരും  രാവിലെ മൂടിപ്പുതച്ച് ഉറങ്ങാന്‍ വിജയികള്‍ക്കും പരാജിതര്‍ക്കും ഒരുപോലെ ഇഷ്ടമാണ്. എന്നാലും വിജയികള്‍ നേരത്തെ ഉണരും. രാവിലെ ഉണരുക എന്നത് ശ്രമകരമാണ്. എന്നാൽ എഴുന്നേറ്റാൽ ലഭിക്കുന്ന ഗുണം ചെറുതല്ല. വിജയികളായ പല വ്യക്തിത്വങ്ങളും അവരുടെ ദിവസം വളരെ നേരത്തെ തന്നെ തുടങ്ങുന്നു. ഓരോ ദിവസത്തെയും കുറിച്ചുള്ള പ്ലാനിംഗിനും സമയക്കുറവ് മൂലം മാറ്റി വയ്‌ക്കേണ്ടി വന്നേക്കാവുന്ന പ്രാര്‍ത്ഥന, ധ്യാനം, വ്യായാമം, വായന എന്നിവയ്‌ക്കെല്ലാം ഈ നേരം ഉപകരിക്കും. നേരത്തെ ഉണരുന്നവരുടെ നേരം അവരുടെ നിയന്ത്രണത്തിലാണ്. പലരെയും പോലെ രാവിലത്തെ സമയം തിരക്കുകൂട്ടുന്നതിനുപകരം, അവർ തങ്ങളുടെ ഒരു ദിവസം വളരെ നേരത്തെ തന്നെ ആരംഭിക്കുന്നു. പ്രഭാതത്തിൽ സർഗ്ഗാത്മകതയും പ്രചോദനവും വർദ്ധിക്കുന്നു. സാധാരണയായി ഭൂരിഭാഗം ആളുകളും രാവിലെ 4 മണിക്കും 5 മണിക്കും ഇടയിൽ ശരിക്കും ഉണർന്നിരിക്കില്ല. മുന്നോട്ട് കുതിക്കുന്നതിന് വേണ്ടി പ്രവർത്തിക്കാനുള്ള നല്ല സമയമാണിത്. പുലർച്ചെ എഴുന്നേറ്റ് സോഷ്യൽ മീഡിയ, ടെക്‌സ്‌റ്റുകൾ, ഇമെയിലുകൾ, ഫോൺ കോളുകൾ എന്നിവയിൽ ശ്രദ്ധ പതിപ്പിക്കാതിരിക്കാൻ പ്രത്യേകം ശ്രദ്ധിക്കണം. അതിരാവിലെ ശാന്തവും ലോകം നിശ്ചലവുമാണ്. ആ സമയം നിങ്ങളുടെ വിജയകുതിപ്പിനുള്ള പ്രവർത്തന സമയമാക്കി മാറ്റുക. വിജയികളായ ആളുകൾ വ്യായാമം ചെയ്യാനും, വാർത്തകൾ അറിയാനും, ധ്യാനിക്കാനും, വായിക്കാനും, പ്രഭാതഭക്ഷണം കഴിക്കാനും, ഈ പുലർകാല സമയം ഉപയോഗിക്കുന്നു. നിങ്ങൾ നിങ്ങളുടെ സാധാരണ ഉറക്ക രീതി നിലനിർത്തുകയും എന്നാൽ എല്ലാ ദിവസവും രാവിലെ ഒരു മണിക്കൂർ നേരത്തെ എഴുന്നേൽക്കുകയും ചെയ്താൽ, നിങ്ങൾക്ക് വർഷത്തിൽ 15 ദിവസത്തിന്റെ സമയം കൂടുതൽ ലഭിക്കും. നേരത്തെ എഴുന്നേൽക്കുന്നവർ തങ്ങളുടെ ദിവസം മുഴുവനുമുള്ള പ്രവർത്തനങ്ങൾ ചിട്ടപ്പെടുത്താനും, ആസൂത്രണത്തിനും കൂടി ആ സമയം ഉപയോഗിക്കുന്നത് വളരെ നല്ലതാണ്. ## 3. സമയത്തിന് വില കൽപ്പിക്കുക (ടൈം മാനേജ്മെന്റ്)  എല്ലാവര്‍ക്കും പൊതുവായ ഒരു സൂചികയാണ് ഒരു ദിവസത്തെ 24 മണിക്കൂര്‍. എന്നിട്ടും ചില ആളുകള്‍ മറ്റുള്ളവരെക്കാള്‍ മികച്ച നേട്ടങ്ങള്‍ സ്വന്തമാക്കുന്നു. അതെങ്ങനെയാണെന്ന് ചിന്തിച്ചാൽ അവർ 'സമയത്തിന് കൊടുക്കുന്ന വില' എന്ന് ഉത്തരം കിട്ടും. ഓരോ ദിവസത്തെയും മണിക്കൂറുകളും മിനിറ്റുകളും എത്രത്തോളം ഫലപ്രദമായി ഒരാള്‍ ഉപയോഗിക്കുന്നുവെന്നതാണ് ടൈം മാനേജ്മെന്റ്. സമയപരിധിക്കുള്ളില്‍ നിശ്ചിതജോലി ഏറ്റവും നന്നായി പൂര്‍ത്തിയാക്കുന്നതിന് വേണ്ടി സമയം സമര്‍ഥമായി ഉപയോഗിക്കുന്ന പ്രക്രിയയാണത്. ഒന്നില്‍ മാത്രം ശ്രദ്ധകേന്ദ്രീകരിച്ച് അതുമാത്രം ചെയ്യുകയും മറ്റുകാര്യങ്ങളെല്ലാം മാറ്റിവയ്ക്കുകയും ചെയ്യുന്നതിനെയല്ല ടൈം മാനേജ്മെന്റ് എന്ന് പറയുന്നത്. എല്ലാകാര്യങ്ങളും അര്‍ഹിക്കുന്ന പ്രാധാന്യത്തോടെ പൂര്‍ത്തീകരിക്കുകയാണ് ശരിയായ വഴി. ഭൗതിക,സാമൂഹിക, വൈകാരിക,അധ്യാത്മിക തലങ്ങളിലൊക്കെ മികച്ച രീതിയില്‍ മാറ്റമുണ്ടാക്കാന്‍ ടൈം മാനേജ്‌മെന്റിലൂടെ സാധിക്കും. വിജയികൾ സമയം ഫലപ്രദമായി വിനിയോഗിക്കുതാണ് വിജയത്തിന് പിന്നിലുള്ള രഹസ്യമെന്നതാണ് സത്യം. ടൈം മാനേജ്മെന്റ് സ്വായത്തമാക്കാന്‍ കഴിഞ്ഞാല്‍ വിജയത്തിലേക്ക് എത്താനുള്ള ദൂരം വളരെ ചെറുതാകും. നാളെ ചെയ്യേണ്ട കാര്യങ്ങള്‍ ഇന്നേ പ്ലാന്‍ ചെയ്യുക. ഓരോ ദിവസവും അവസാനിക്കുമ്പോള്‍ നാളെ എന്തൊക്കെ ചെയ്യണമെന്നും എങ്ങനെ ചെയ്യണമെന്നും എഴുതി സൂക്ഷിക്കുക. ചെയ്യേണ്ട കാര്യങ്ങള്‍ ലിസ്റ്റ് ചെയ്‌തെങ്കില്‍ അടുത്ത ജോലി അതിനെ മുന്‍ഗണനാ ക്രമത്തില്‍ ആക്കുകയെന്നതാണ്. ഏറ്റവും പ്രധാനപ്പെട്ടത് ആദ്യം എന്ന രീതിയില്‍ ചെയ്തു തീര്‍ക്കുക. ലിസ്റ്റിലെ ബഹു ഭൂരിപക്ഷം ജോലികളും വെട്ടിക്കഴിയുമ്പോള്‍ നിങ്ങള്‍ക്കു തന്നെ അഭിമാനം തോന്നും. ഓരോ ജോലിക്കും നിശ്ചിത സമയം കൊടുക്കാന്‍ മറക്കരുത്. ഇത് കുറഞ്ഞ സമയത്തിനുള്ളില്‍ ഒരുപാട് ജോലികള്‍ ചെയ്യാന്‍ നിങ്ങളെ സഹായിക്കും. ഓരോ ജോലി ചെയ്യുമ്പോഴും മുഴുവന്‍ ശ്രദ്ധയും അതില്‍ തന്നെയായിരിക്കണം. അതു തീര്‍ത്തിട്ടേ അടുത്ത ജോലിയിലേക്ക് പോകാവൂ. സമയം എന്നാല്‍ ജീവിതം തന്നെയാണ്. സമയം പാഴാക്കുക എന്നാല്‍ ജീവിതം പാഴാക്കുക എന്നാണര്‍ഥം. സമയം ആരെയും കാത്തുനില്‍ക്കാറില്ല. അതിന് അതിന്റേതായ താളം ഉണ്ട്. അതിനനുസരിച്ച് കാര്യങ്ങള്‍ ചെയ്യാന്‍ കഴിയണം. ലക്ഷ്യബോധമുള്ളവര്‍ ഒരിക്കലും സമയം നഷ്ടപ്പെടുത്തുകയില്ല. സമയബോധമുള്ളവര്‍ക്ക് ഒരിക്കലും നഷ്ടബോധം ഉണ്ടാവുകയില്ല. ഹൃസ്വമായ സമയപരിധി പരമാവധി ഉല്‍പാദനക്ഷമമായ വിധത്തില്‍ ചെലവഴിക്കാന്‍ കഴിയണം. എങ്കില്‍ മാത്രമെ ജീവിതവിജയം നേടാനാവൂ. മൈൻഡ്‌ഫുൾനെസ് ശീലിക്കുന്നത് വളരെ നല്ലതാണ്. മൈൻഡ്‌ഫുൾനെസ് എന്നാൽ നിമിഷം തോറും നമ്മുടെ ചിന്തകൾ, വികാരങ്ങൾ, ശാരീരിക സംവേദനങ്ങൾ, ചുറ്റുപാടുകൾ എന്നിവയെക്കുറിച്ച് ലളിതവും പോഷിപ്പിക്കുന്നതുമായ കാഴ്ചപ്പാടിലൂടെയുള്ള അവബോധം നിലനിർത്തുക എന്നാണ് അർത്ഥമാക്കുന്നത്. ‘നിങ്ങള്‍ ജീവിതത്തെ സ്‌നേഹിക്കുന്നുവോ? എങ്കില്‍ സമയം പാഴാക്കാതിരിക്കുക. അതാണ് ജീവിതത്തിന്റെ മൂലധനം”എന്ന ബെഞ്ചമിന്‍ ഫ്രാങ്ക്‌ളിന്റെ വാക്കുകള്‍ നമുക്കുള്ള വലിയൊരു സന്ദേശമാണ്. ## 4. സ്വയം സ്നേഹിക്കുക  ശരീരത്തിന്റെ സൗന്ദര്യവും ആരോഗ്യവും പരിപാലിക്കാന്‍ കാണിക്കുന്ന അതേ ശുഷ്‌കാന്തിയോടെ നമ്മുടെ മനസ്സും ബുദ്ധിയും വൃത്തിയോടെയും ആരോഗ്യത്തോടെയും സംരക്ഷിക്കുക. വിവേകപൂര്‍വ്വം ചിന്തിക്കാന്‍ ബുദ്ധിയെ പരിശീലിപ്പിക്കുകയും, അതിനുതക്ക അറിവുകള്‍ ബുദ്ധിയ്ക്കു പകര്‍ന്നു നല്കുകയും ചെയ്യുക. മറ്റുള്ളവരെ മാത്രമല്ല, നമ്മളെത്തന്നെയും വെറുക്കുന്ന ഒരു കാലഘട്ടത്തിലാണ് നമ്മള്‍ ജീവിക്കുന്നത്. അതുകൊണ്ടുതന്നെ ജനങ്ങള്‍ക്കിടയില്‍ മാനസികത്തകര്‍ച്ചയും ആത്മഹത്യാപ്രവണതയും ഇന്നു വളരെ കൂടുതലാണ്. മറ്റുള്ളവരെ സ്‌നേഹിക്കുന്നത് എത്രമാത്രം പ്രധാനമാണോ അതുപോലെതന്നെ സ്വയം സ്‌നേഹിക്കുന്നതും പ്രധാനമാണ്. കാരണം, നിങ്ങളുമായി നിങ്ങൾക്കുള്ള ബന്ധം മാത്രമാണ് യഥാർത്ഥ ജീവിതകാലം നീണ്ടുനിൽക്കുന്ന ബന്ധം. സ്വയം സ്നേഹമാണ് നിങ്ങളുടെ ജീവിതത്തിലെ ഏറ്റവും പ്രധാനപ്പെട്ട സ്നേഹം. എന്തുകൊണ്ട് അത് പ്രാധാന്യമർഹിക്കുന്നത്? കാരണം നിങ്ങൾ സ്വയം സ്നേഹിക്കുന്നതുവരെ മറ്റുള്ളവരുമായി ആരോഗ്യകരമായ സ്നേഹം പങ്കിടാൻ കഴിയില്ല. നിങ്ങൾക്ക് മറ്റുള്ളവരോട് സ്നേഹം തോന്നിയേക്കാം, പക്ഷേ നിങ്ങൾക്ക് അത് ഭയമില്ലാതെ പ്രകടിപ്പിക്കാൻ കഴിയില്ല. സ്വയം സ്നേഹം നിങ്ങളുടെ സുഹൃത്തുക്കളുമായും കുടുംബാംഗങ്ങളുമായും ഉള്ള നിങ്ങളുടെ ബന്ധത്തെയും മാറ്റും. മറ്റുള്ളവരുടെ അഭ്യർത്ഥനകൾക്ക് "അതെ" എന്ന് പറയുന്നതിനുപകരം, നിങ്ങൾക്ക് അനുകൂലിക്കാനാവാത്ത കാര്യങ്ങളോട് നിങ്ങൾക്ക് നോ പറയാൻ കഴിയും, കാരണം നിങ്ങളുടെ സ്വന്തം സ്വത്വത്തെ നിങ്ങൾ വിലമതിക്കുകയും സംരക്ഷിക്കുകയും ചെയ്യുന്നു. അനാവശ്യമായ സ്വയം വിമർശനവും, അപകർഷതയും ഉൾവലിയലിനെയും ആത്മാഭിമാനവും സ്വയംസ്വീകാര്യതയും സ്വയം അഭിനന്ദനവും ഉപയോഗിച്ച് മാറ്റുക. പോസിറ്റീവായി സ്വയം നിങ്ങളുമായി ആശയവിനിമയം നടത്തുക. അമിത ചിന്തകൾക്ക് അതിരുകൾ നിശ്ചയിക്കുകയും നിങ്ങളുടെ ആവശ്യങ്ങൾക്ക് മുൻഗണന നൽകുകയും ചെയ്തുകൊണ്ട് നിങ്ങളോട് സ്വയം ബഹുമാനം കാണിക്കുക. ദിവസേന അവനവനു വേണ്ടി അല്പം സമയം ചെലവഴിക്കുക. നിങ്ങളുടെ പ്രതിബദ്ധതകളെ മാനിച്ചുകൊണ്ട് നിങ്ങളിലുള്ള വിശ്വാസം വളർത്തിയെടുക്കുക. സ്വയം സ്നേഹം പരിശീലിക്കുന്നത് നിങ്ങളുടെ ആത്മാഭിമാനം മെച്ചപ്പെടുത്തുകയും നിങ്ങളുടെ ശക്തികളെക്കുറിച്ച് സ്വയം ബോധവാന്മാരാക്കുകയും നിങ്ങളുടെ ബലഹീനതകളെ കൂടുതൽ അംഗീകരിക്കാൻ അനുവദിക്കുകയും ചെയ്യും. നല്ല മാനസികാരോഗ്യത്തിനായി സ്വയം സ്നേഹം പരിശീലിക്കുന്നത് വളരെ നല്ലതാണ്. ആത്മസ്നേഹത്തിന്റെ അവസ്ഥ കൈവരിക്കാൻ നിങ്ങളെ സഹായിക്കുന്ന കുറച്ചു കാര്യങ്ങൾ :- സ്വയം മറ്റുള്ളവരുമായി താരതമ്യം ചെയ്യുന്നത് ഒഴിവാക്കുക, സ്വന്തം തെറ്റുകളിൽ നിന്ന് പഠിക്കുക, നിങ്ങളുടെ വിജയങ്ങൾ നിസ്സാരവൽക്കരിക്കുകയോ അതിൽ അസൂയ തോന്നുന്നവരോ ആയിട്ടുള്ള ആളുകൾക്ക് വേണ്ടി നിങ്ങൾ സമയം നിക്ഷേപിക്കുന്നത് ഒഴിവാക്കുക, മറ്റുള്ളവരുടെ ആഗ്രഹങ്ങളിൽ നിന്ന് സ്വതന്ത്രമായിരിക്കാൻ പഠിക്കുക ഒപ്പം സ്വന്തം പ്രതീക്ഷകൾ നിറവേറ്റുന്നതിൽ ശ്രദ്ധ കേന്ദ്രീകരിക്കുക, പുതിയ എന്തെങ്കിലും കാര്യം ചെയ്യുന്നതിൽ നിന്ന് ഭയവും, ഉത്കണ്ഠയും നിങ്ങളെ തടയുവാൻ അനുവദിക്കരുത്, നിങ്ങളുടേതായ രീതിയിൽ നിങ്ങൾ അകമേയും പുറമേയും സുന്ദരമാണ് എന്ന് വിശ്വസിക്കുക. നമ്മുടെ ചുറ്റും നോക്കുമ്പോൾ, കരിയറിലും ജീവിതത്തിലും വെന്നിക്കൊടി പാറിച്ച് തലയുയർത്തി ആത്മവിശ്വാസത്തോടെ നിൽക്കുന്ന ധാരാളം ആളുകളെ നമുക്ക് കാണാൻ സാധിക്കും. എന്നാൽ അവരുടെ ഈ വിജയങ്ങൾക്കെല്ലാം പിന്നിൽ എന്താണ്? അവരെ അവരാക്കി മാറ്റിയത് എന്തൊക്കെയാണ്? സ്വന്തം കഴിവുകളിൽ വിശ്വാസമർപ്പിച്ച്, ആത്മവിശ്വാസത്തോടെ കാര്യങ്ങൾ ചെയ്യുന്നു എന്നതാകും. ## 5. റിലാക്സേഷൻ ടെക്നിക്ക്  ഇന്നത്തെ കാലത്ത് മാനസിക സമ്മര്‍ദം അനുഭവിക്കാത്തവരുണ്ടാവില്ല. ജോലിഭാരം, കുടുംബത്തിലെ പ്രശ്നങ്ങള്, അനാവശ്യമായ മത്സരം എന്നിങ്ങനെ കാരണങ്ങള്‍ പലതാണ്. പിരിമുറുക്കത്തിന്‍റെ വ്യാപ്തി ഓരോ വ്യക്തിയിലും വ്യത്യസ്തമാണ്. ചെറിയതോതിലുള്ള ടെന്‍ഷന്‍ പ്രവര്‍ത്തനശേഷി കൂട്ടുമെങ്കിലും ജീവിതതാളം തെറ്റിക്കാന്‍ തുടങ്ങിയാല്‍ വളരെ ശ്രദ്ധിക്കണം. തൊണ്ട വരളുക, തലവേദന, ദഹനക്കേട്, ഉറക്കമില്ലായ്മ, പേശികള്‍ വലിഞ്ഞുമുറുകുക, രക്തസമ്മര്‍ദം കൂടുക, അസ്വസ്ഥത, പെട്ടെന്നുള്ള ദേഷ്യം, തീരുമാനങ്ങളെടുക്കാന്‍ കഴിയാതെ വരിക, പുകവലി, മദ്യപാനം എന്നിവ കൂടുകയോ പുതുതായി രൂപപ്പെടുകയോ ചെയ്യുക തുടങ്ങിയ ശാരീരിക പ്രതികരണങ്ങളൊക്കെ അമിതമായ മാനസിക സമ്മര്‍ദത്തിന്റെ ലക്ഷണങ്ങളാണ്. കടുത്ത പിരിമുറുക്കം ജീവിതം തന്നെ തകര്‍ക്കും. രോഗപ്രതിരോധശക്തിയെ തകരാറിലാക്കി മാനസികാരോഗ്യത്തെ കൂടി പ്രതികൂലമായി ബാധിക്കും. ഫലമോ;വിഷാദവും ഭയവും നിറഞ്ഞ മനസും ഊര്‍ജമൂറ്റിയെടുക്കപ്പെട്ടു രോഗങ്ങളാല്‍ വലയുന്ന ശരീരവും. നിങ്ങൾ ഇപ്പോൾ ഉള്ളതിനേക്കാൾ കൂടുതൽ വിജയിക്കാൻ ആഗ്രഹിക്കുന്നുണ്ടോ? പിരിമുറുക്കത്തിൽ നിന്ന് എക്കാലവും മുക്തനാകാൻ നിങ്ങൾ ആഗ്രഹിക്കുന്നുണ്ടോ? ഒരു വിശ്രമാവസ്ഥ സ്വീകരിക്കുമ്പോൾ നാം വിജയത്തിന് സ്വീകാര്യരാകും എന്നതാണ് സത്യം. നമ്മുടെ സമ്മർദ്ദത്തെ അതിജീവിക്കുവാൻ നാം എത്രത്തോളം വിശ്രമിക്കുകയും, പ്രകൃതിശക്തിയോട് കീഴടങ്ങുകയും ചെയ്യുന്നുവോ അത്രത്തോളം നമ്മുടെ ഊർജ്ജമണ്ഡലം വികസിക്കുകയും തുറക്കുകയും ചെയ്യുന്നു. ഈ വികസിതമായ ഊർജ്ജ മേഖല നമ്മുടെ ജീവിതത്തിലേക്ക് കൂടുതൽ വിജയം ആകർഷിക്കുന്നു. ശരീരികമായി വിശ്രമം നമ്മുടെ ഹൃദയമിടിപ്പ് കുറയ്ക്കുകയും രക്തസമ്മർദ്ദം കുറയ്ക്കുകയും പിരിമുറുക്കം ഒഴിവാക്കുകയും ചെയ്യുന്നു. വിശ്രമിക്കുമ്പോൾ അവശ്യ പോഷകങ്ങൾ കൂടുതൽ കാര്യക്ഷമമായി ആഗിരണം ചെയ്യുന്നതിനാൽ ഇത് ദഹനത്തെ സഹായിക്കുന്നു, ഇത് രോഗത്തെയും അണുബാധയെയും പ്രതിരോധിക്കാൻ സഹായിക്കുന്നു. പിരിമുറുക്കം അനുഭവപ്പെടുമ്പോള്‍ ശ്വാസതാളം തെറ്റും. ബ്രീതിങ് ടെക്നിക്കുകള്‍ ശ്വാസോച്ഛ്വാസത്തിന്റെ താളക്രമം നിലനിര്‍ത്തി റിലാക്സ് ആകാന്‍ നമ്മെ സഹായിക്കും. ഓഫിസ് ജോലിയിലെ ആരോഗ്യപ്രശ്നങ്ങളില്‍ ഒന്നാംസ്ഥാനം അമിതടെന്‍ഷനാണ്. ഒരു വൈദ്യുതബള്‍ബിനെ പ്രകാശിപ്പിക്കണമെങ്കില്‍ കറന്റ് ആവശ്യമാണ്. എന്നാല്‍ കറന്റ് ആവശ്യത്തിലധികമായാല്‍ ഫിലമെന്റ് കത്തി ബള്‍ബ് ഫ്യൂസായിപ്പോകും. ഇതുപോലെയാണ് ഓഫിസിലെ ടെന്‍ഷനും. സമയത്തു ജോലി തീര്‍ക്കുന്നതിനു ചെറിയ ടെന്‍ഷന്‍ നല്ലതാണ്. എന്നാല്‍, ടെന്‍ഷന്‍ കഠിനമാകുമ്പോഴോ പതിവാകുമ്പോഴോ ജീവിതത്തിന്റെ തന്നെ ബാലന്‍സ് തെറ്റിക്കുമ്പോഴോ ആണു ശാരീരികമാനസിക പ്രശ്നങ്ങളിലേക്കു നയിക്കാന്‍ തക്കവിധം ദോഷകരമാകുന്നത്. ഉത്കണ്ഠ, ഉറക്കമില്ലായ്മ, മൈഗ്രേന്‍, അള്‍സര്‍ തുടങ്ങി ഹൃദയാഘാതത്തിനു വരെ അമിതടെന്‍ഷന്‍ കാരണമാകാം. ടെന്‍ഷനകറ്റാനുള്ള ചില മാര്‍ഗങ്ങള്‍ അറിയാം :- - നിങ്ങളുടെ പ്രകടനം മോശമാകുമ്പോള്‍ നിരാശയുടെ പടുകുഴിയില്‍ വീഴുന്നതിനു പകരം ഇന്നലെകളില്‍ നിങ്ങളുടെ ജീവിതത്തില്‍ സംഭവിച്ച വിജയങ്ങളെക്കുറിച്ചോര്‍ക്കുക. - തിരക്കുള്ളപ്പോള്‍ കാര്യങ്ങള്‍ മുന്‍ഗണനാ ക്രമത്തില്‍ ചെയ്യുക. ഓരോന്നിനും നിശ്ചിത സമയം കണ്ടെത്തുക. ഒരു സമയം ഒരൊറ്റ കാര്യം മാത്രം ചെയ്യുക. നിങ്ങളുടെ മുഴുവന്‍ ഊര്‍ജവും ശ്രദ്ധയും അതില്‍ മാത്രം പതിപ്പിക്കുക. - ജോലിസ്ഥലത്തെ അതൃപ്തിയെക്കുറിച്ചും ആവശ്യങ്ങളെക്കുറിച്ചും മേലധികാരിയോടു തുറന്നു സംസാരിക്കുക. - ഒന്നിലധികം ക്രെഡിറ്റ് കാര്‍ഡുകളും മൊബൈല്‍ ഫോണുകളും ഉപയോഗിക്കുന്ന വ്യക്തിയാണു നിങ്ങളെങ്കില്‍ അത് ഓരോന്നായി ചുരുക്കുക. വരുമാനത്തിന്റെ 30% എങ്കിലും സമ്പാദ്യമാക്കുക. പുതിയ കാര്യങ്ങള്‍ പഠിക്കുന്നതും പെരുമാറ്റത്തിലും അറിവിലും സ്വയം മെച്ചപ്പെടുത്തുന്നതും ജോലി ആസ്വാദ്യകരമാക്കും. ഒപ്പം ജോലിയിലെ ഉയര്‍ച്ചകളും നമ്മെത്തേടിയെത്തും. ഒഴിവു സമയങ്ങള്‍ വിനോദങ്ങള്‍ക്കായോ കുടുംബാംഗങ്ങള്‍ക്കൊപ്പം ഔട്ടിങ്ങിനോ റിലാക്സ് ചെയ്യുന്നതിനോ വിനിയോഗിക്കുക. റിലാക്സാകാന്‍ കുറച്ചു വഴികള്‍: ഒറ്റയിരുപ്പിനു ജോലി തീര്‍ക്കുന്നതിനു പകരം ഇടയ്ക്കിടയ്ക്കു 10-15 മിനിറ്റ് വിശ്രമിക്കുക. ഈ സമയങ്ങളില്‍ റിലാക്സേഷന്‍ ടെക്നിക്കുകള്‍ ചെയ്യാം. ചെറിയ നടപ്പാകാം, കസേരയില്‍ ഇരുന്നു കൈയിലെയും കാലിലെയും പേശികള്‍ മുറുക്കിയും അയച്ചുമുള്ള വ്യായാമം ചെയ്യാം. കാപ്പി, പഞ്ചസാര, മദ്യം തുടങ്ങിയവ ടെന്‍ഷന്‍ കൂട്ടും. ഇവ കുറയ്ക്കുക. ഒന്നും അസാധ്യമല്ല എന്നു സ്വയം മനസില്‍ പറഞ്ഞുറപ്പിക്കുക. ജോലി തുടങ്ങും മുമ്പും ഇടവേളകളിലും ഇത് ആവര്‍ത്തിക്കുക. ആത്മവിശ്വാസം ഉണരും. മാസങ്ങളോളം ജോലിത്തിരക്കില്‍ മുഴുകുന്നതിനുപകരം ഇടയ്ക്കു യാത്രകള്‍ പോകാം. ഇതു മനസും ശരീരവും റീചാര്‍ജ് ചെയ്യും. ടെന്‍ഷന്‍ മൂലമുള്ള നിര്‍ജലീകരണം കുറയ്ക്കാന്‍ വെള്ളം കുടിച്ചാല്‍ മതി. ഉറക്കം കുറഞ്ഞാല്‍ ടെന്‍ഷന്‍ നിയന്ത്രിക്കാനാവില്ല. അതുകൊണ്ട് നിര്‍ബന്ധമായും ഉറക്കം ശ്രദ്ദിക്കുക. ജോലി സമയം തുടങ്ങുന്നതിനു പത്തോ പതിനഞ്ചോ മിനിറ്റ് മുമ്പ് ഓഫിസില്‍ എത്തുക. ഫ്രഷ് ആവാനും ചെയ്യേണ്ട ജോലികള്‍ ലിസ്റ്റ് ചെയ്യാനും സമയം കിട്ടും. ടെന്‍ഷനുണ്ടാക്കുന്ന സാഹചര്യങ്ങളോടും വ്യക്തികളോടും വൈകാരികമായി പ്രതികരിക്കരുത്. മനസ് ഒരു മിനിറ്റ് ടെന്‍ഷന്‍ഫ്രീ ആക്കിയ ശേഷം മാത്രം പ്രതികരിക്കുക. പെര്‍ഫെക്ഷ്നിസം നല്ലതാണ്. പക്ഷേ, പ്രായോഗികമാകണം. നിങ്ങളുടെ കഴിവിന്റെ പരമാവധി ചെയ്യുക. അതില്‍ കവിഞ്ഞ കാര്യങ്ങളോര്‍ത്ത് ടെന്‍ഷനടിക്കരുത്. ഇഷ്ടമുള്ള ആളുടെ രൂപമോ, സിനിമയിലെ ഇഷ്ടസീനോ, ഇഷ്ടമുള്ളസ്ഥലമോ മനസില്‍ കാണുക. ∙ ജോലി നിര്‍ത്തി ചുറ്റുമുള്ള ശബ്ദങ്ങള്‍ ശ്രദ്ധിക്കുക. കണ്ണുകളടച്ച് നിങ്ങളുടെ ജോലി മാത്രം മനസില്‍ കാണുക. ഇനി കണ്ണു തുറന്ന് അതില്‍ പൂര്‍ണമായും മുഴുകുക. കണ്ണുകളടച്ച് ഒന്നു മുതല്‍ മൂന്നുവരെ എണ്ണി ശ്വാസം ഉള്ളിലേക്കെടുക്കുക. ആറുവരെ എണ്ണി ശ്വാസം പുറത്തുവിടുക. ## 6. പോസിറ്റീവ് മനോഭാവം.  ഒരു വ്യക്തിയുടെ ജീവിതത്തിൽ വിജയത്തിന്റെ അടിത്തറ എന്നത് സ്വയം ചിന്തകളെ നിയന്ത്രിച്ച് മാനസീക കരുത്ത് നേടുക എന്നതാണ്. ഒരു വ്യക്തി എപ്രകാരം ചിന്തിക്കുന്നുവോ അപ്രകാരം അയാള്‍ ആയിതീരുന്നു. നമ്മുടെ മനോഭാവം ആശ്രയിച്ചാണ് നമ്മുടെ വിജയം കുടികൊള്ളുന്നത്. ഏതുസാഹചര്യത്തില്‍ ആയി കൊള്ളട്ടെ മനോഭാവം മാറ്റാ‌ന്‍ കഴിഞാല്‍ വിജയം നമ്മളെ തേടിയെത്തും. നിങ്ങളെ പൂര്‍ണമായും നശിപ്പിക്കാവുന്ന ഒരാശയമെങ്കിലും ഓരോ ദിവസവും രാവിലെ നിങ്ങള്‍ക്ക് കേള്‍ക്കാം. നാം രാവിലെ വര്‍ത്തമാനപത്രത്തില്‍ ഏറ്റവും ചുരുങ്ങിയത് നിഷേധാത്മകമായ (negative) നാല് വാര്‍ത്തകളെങ്കിലും വായിക്കുന്നു. എല്ലാ ദിവസവും രാവിലെ നമ്മുടെ വീടുകളിലേക്കെത്തുന്നത് ഒരു കൂട്ടം വിചാരങ്ങളാണ്. ആ വിചാരധാരയുടെ സ്വാധീനവലയത്തില്‍ പെടാത നമുക്ക് സ്വയം എങ്ങനെ രക്ഷിക്കാനാകുമെന്നത് വലിയൊരു വെല്ലുവിളിയാണ്. ആധുനിക ജേണലിസ്റ്റുകളുടെ ഏറ്റവും പുതിയ വെല്ലുവിളി എങ്ങനെ പോസിറ്റീവ് വാര്‍ത്തകള്‍ സൃഷ്ടിക്കാം എന്നതാണ്. നിങ്ങള്‍ കാണുന്നതും കേള്‍ക്കുന്നതും നല്ലതാവട്ടെ. കാരണം ചിന്തകൾ കുറെയേറെ കാഴ്ചയെയും കേൾവിയെയും ആശ്രയിച്ചിരിക്കുന്നു. അതിന് നേരെ മറിച്ചും ചിന്തിക്കാം. കാഴ്ചയും കേൾവിയും ചിന്തയെയും ആശ്രയിച്ചിരിക്കുന്നു. എങ്ങനെയാണ് നമ്മള്‍ കേള്‍ക്കുന്നതും കാണുന്നതും നല്ലതാകുന്നത്? അതിന് നമുക്ക് പോസിറ്റീവ് ആയ ഒരു ചിന്താപദ്ധതി (thinking process) ആവശ്യമാണ്. നമുക്ക് എന്തിനെയും ശുഭോദര്‍ക്കമായും (positive) നിഷേധാത്മകമായും (negative)കാണാം. അത് വ്യക്തിനിര്‍മാണത്തിന്റെ വളരെ പ്രധാനപ്പെട്ട ഒരു ആയുധമാണ്. എല്ലാം നെഗറ്റീവ് ആയി കാണുന്ന നിഷേധസ്വഭാവമുള്ള ആളുകളാണ് നമുക്ക് ചുറ്റുപാടുമുള്ളത്. അതൊരു ഒഴുക്കാണ്. ആ ഒഴുക്കിനെതിരെ നീന്താന്‍ നമുക്കു കഴിയണം. ആ ഒഴുക്കിനെതിരെ നീന്തുമ്പോഴാണ് നമുക്ക് ജീവിതത്തില്‍ ആഘോഷിക്കാന്‍ എന്തെങ്കിലും ഉണ്ട് എന്ന് കണ്ടെത്താന്‍ കഴിയുക. ആഘോഷിക്കാന്‍ ചിലതുണ്ട് എന്ന് കണ്ടെത്താനും അത് അഘോഷിക്കാനും നമുക്കാകണം. ജീവിതത്തില്‍ ആഘോഷിക്കാന്‍ ഒന്നുമില്ലെങ്കില്‍ പിന്നെ അതെന്തു ജീവിതമാണ്? നമ്മുടെ മനോതലത്തിലൂടെ പലവിധ ചിന്തകള്‍ സദാസമയവും കടന്ന്‌ പോയിക്കൊണ്ടിരിക്കുന്നു. ആ കൂട്ടത്തില്‍ നമ്മെ ഉയര്‍ത്തുന്ന ചിന്തകളും താഴ്ത്തുന്ന ചിന്തകളും ഉണ്ടാകുന്നുണ്ട്. അതില്‍ നമ്മെ അധഃപതിപ്പിക്കുന്ന ചിന്തകളെ ത്യജിച്ച്‌ പുരോഗതിയിലേക്ക്‌ നയിക്കുന്ന ചിന്തകളെ സ്വീകരിക്കേണ്ടതുണ്ട്‌. ചിന്തകളുടെ ശക്തിയും, അവ നമ്മില്‍ ചെലുത്തുന്ന സ്വാധീനവും എത്രയോ വലുതാണ്‌. ഒരു പക്ഷിയെ പറക്കാന്‍ സഹായിക്കുന്നത് അവയുടെ ചിറക് മാത്രമല്ല, പറക്കാനുള്ള അവയുടെ ആത്മവിശ്വാസം കൂടിയാണ്. ഒരു നല്ല പോസിറ്റീവ് മനസ്സോടെ നിങ്ങൾ എന്തിനെയും സമീപിക്കുക. നിങ്ങൾക്ക് ആത്മവിശ്വാസത്തോടെ വിജയം നേടാനാകും. ജീവിതത്തിലെ പ്രതിസന്ധി ഘട്ടങ്ങളെ അതിജീവിക്കാൻ പോസിറ്റീവ് ആയ ഒരു മനസ്സിന് വളരെ എളുപ്പത്തിൽ സാധിക്കും. ജീവിതം എന്നതൊരു ഓട്ടമത്സരമാണ്. ചിലപ്പോൾ പ്രതിസന്ധികൾ നിറഞ്ഞ വഴിയിലൂടെ സഞ്ചരിക്കേണ്ടി വരുന്നു. പോസിറ്റീവായ ചിന്തകള്‍ മനുഷ്യന് ലക്ഷ്യസ്ഥാനത്തേയ്ക്കുള്ള പാതകളാണ്. ആവര്‍ത്തിച്ച് ഉരുവിടുന്നത് അല്ലെങ്കില്‍ ചിന്തിയ്ക്കുന്നത് അതുമല്ലെങ്കില്‍ ആവര്‍ത്തിച്ചുതന്നെ ഭാവനയില്‍ കണുന്നത് ഉപബോധമനസ്സിൽ പ്രോഗ്രാമുകളാവും. ഉപബോധ മനസ്സില്‍ പ്രോഗ്രാമുകളായാലോ നമ്മള്‍ എന്താണോ പ്രോഗ്രാം ചെയ്തത് അതായിത്തീരുകയും ചെയ്യും. ജീവിതത്തോട് പോസിറ്റീവ് മനോഭാവം നിലനിർത്തേണ്ടത് പ്രധാനമാണ്. നിങ്ങളുടെ ലക്ഷ്യങ്ങൾ കൈവരിക്കുന്നതിനും നിങ്ങളുടെ ആരോഗ്യവും ബന്ധങ്ങളും ഉൾപ്പെടെയുള്ള ആരോഗ്യകരമായ ജീവിതശൈലി നിലനിർത്തുന്നതിനും ഇത് നിങ്ങളെ സഹായിക്കുന്നു. നിങ്ങള്‍ എന്താകാന്‍ ആഗ്രഹിക്കുന്നുവോ അതായിത്തീരും. ജീവിതത്തോട് പോസിറ്റീവ് മനോഭാവം നിലനിർത്തേണ്ടത് പ്രധാനമാണ്. നിങ്ങളുടെ ലക്ഷ്യങ്ങൾ കൈവരിക്കുന്നതിനും നിങ്ങളുടെ ആരോഗ്യവും ബന്ധങ്ങളും ഉൾപ്പെടെയുള്ള ആരോഗ്യകരമായ ജീവിതശൈലി നിലനിർത്തുന്നതിനും ഇത് നിങ്ങളെ സഹായിക്കുന്നു. ## 7. നാവടക്കൂ, പണിയെടുക്കൂ.  കഠിനാധ്വാനത്തെ വിജയത്തിന്റെ പ്രധാന ഘടകമായി പറയപ്പെടുന്നു. കഠിനാധ്വാനം യഥാർത്ഥത്തിൽ എന്താണ് അർത്ഥമാക്കുന്നത്? ചിലർ, ഇത് അധിക മണിക്കൂറുകൾ ചെലവഴിക്കുക എന്നാണ് അർത്ഥമാക്കുന്നത്. മറ്റു ചിലർ കൂടുതൽ തീവ്രമായി പ്രവർത്തിക്കുക എന്നും നോക്കിക്കാണുന്നു. കഠിനാധ്വാനത്തിന്റെ നിർവചനത്തിലെ വ്യത്യാസങ്ങൾ വ്യക്തിക്കും ലക്ഷ്യത്തിനും അനുയോജ്യമാക്കുന്നത് ഉചിതമാണ് എന്നതാണ് സത്യം. കഴിവുകളെ നിരന്തരമായ അധ്വാനം കൊണ്ട് കൂടുതല്‍ ഫലവത്താക്കാന്‍ സാധിക്കുന്നു. രാകിരാകി മിനുക്കുമ്പോഴാണ് വജ്രം കൂടുതല്‍ പ്രകാശമുറ്റതാകുന്നത്. നേട്ടങ്ങള്‍ക്ക് പിന്നില്‍ ദീര്‍ഘകാലത്തെ കഠിനാധ്വാനമുണ്ട്. തെളിയാത്ത കഴിവുകളും മികവ് കുറഞ്ഞ കഴിവുകളും പരിശീലനത്തിലൂടെയും പ്രയോഗത്തിലൂടെയുമാണ് വളരുകയും മേന്മ നേടുകയുംചെയ്യുന്നത്. കുറവുകള്‍ നികത്താന്‍ കഠിനാധ്വാനത്തിന് സാധിക്കുന്നു. മുന്നില്‍ തരണം ചെയ്യാനുള്ള പ്രതിബന്ധങ്ങള്‍ വരുമ്പോള്‍ ചിലര്‍ നെടുവീര്‍പ്പിട്ട് പിന്‍വാങ്ങുന്നു. മറ്റുള്ളവരുടെ വിലയിരുത്തലുകള്‍ പ്രതികൂലമാവുമ്പോള്‍ തളരുന്നില്ല. അഭിമുഖീകരണത്തില്‍ നിന്നാണ് ജയത്തിലേക്കുള്ള പാത വെട്ടുന്നത്. പിന്തിരിഞ്ഞോടല്‍ പരാജയം അംഗീകരിക്കലാണെന്ന് മനസ്സിലാക്കുന്നവര്‍, മുന്നോട്ട് പോകാനുള്ള പരിശ്രമങ്ങളെക്കുറിച്ചാണ് ആലോചിക്കുന്നത്. പലവട്ടം പരാജയപ്പെട്ടിട്ടും കടക്കാരനായി മാറിയിട്ടും പിന്‍വാങ്ങാതെ മുന്നോട്ട് നീങ്ങി. പില്‍ക്കാലത്ത് ഓട്ടോമൊബൈല്‍ വ്യവസായത്തിന്റെ പര്യായമായി മാറിയ ഹെന്റി ഫോര്‍ഡ് ഒരാളിന്റെ വളര്‍ച്ചയില്‍ മുന്നിലെത്തുന്ന വൈതരണികളെക്കുറിച്ച് പറയുന്നു. 'നിങ്ങളുടെ ലക്ഷ്യത്തില്‍നിന്ന് കണ്ണെടുത്തുമാറ്റുമ്പോള്‍ കാണുന്ന പേടിപ്പെടുത്തുന്ന കാര്യങ്ങളാണ് നിങ്ങളുടെ പ്രതികൂല സാഹചര്യങ്ങള്‍'. ലക്ഷ്യത്തെ കൈവിടുമ്പോള്‍ സാഹചര്യങ്ങള്‍ അനുകൂലമല്ലെന്ന് വിധിയെഴുതുന്നു. എല്ലാം തടസ്സങ്ങളായി തോന്നുന്നു. ലക്ഷ്യത്തെ കൈവിടുമ്പോള്‍ സാഹചര്യങ്ങള്‍ അനുകൂലമല്ലെന്ന് വിധിയെഴുതുന്നു. എല്ലാം തടസ്സങ്ങളായി തോന്നുന്നു. ലക്ഷ്യം എന്തെന്ന തീരുമാനിച്ച മുന്നേറുന്നയാള്‍ ചുറ്റുവട്ടത്തെ പ്രതികൂലമെന്ന് വിധിക്കുന്നില്ല. മറ്റുള്ളവരെ പഴിചാരുന്നില്ല. അവർ മുന്നേറുന്നു. കഠിനാധ്വാനിയെ തിരിച്ചറിയാനുള്ള ചില വഴികൾ ഇതാ:- ശാരീരികമായോ മാനസികമായോ വൈകാരികമായോ അവർ തങ്ങളുടെ ജോലിയിൽ വളരെയധികം പരിശ്രമിക്കുന്നു. അവർ അധിക സമയം ചെലവഴിക്കുന്നു. അവർ ഉയർന്ന തീവ്രതയിൽ പ്രവർത്തിക്കുന്നു. കുറഞ്ഞ സമയ ഫ്രെയിമിൽ വലിയ അളവിലുള്ള ജോലി പൂർത്തിയാക്കുന്നു. അവർ ഉത്സാഹമുള്ളവരും സ്ഥിരതയുള്ളവരുമാണ്, കൂടാതെ എല്ലായ്‌പ്പോഴും ശരാശരി നിലവാരത്തേക്കാൾ ഉയർന്ന നിലവാരം പുലർത്തുന്നു. കഴിയുന്നത്ര ഉൽപ്പാദനക്ഷമമായ രീതിയിൽ അവർ തങ്ങളുടെ ജോലികൾ ആസൂത്രണം ചെയ്യുകയും സംഘടിപ്പിക്കുകയും ചെയ്യുന്നു. അവർ മുൻകൈയെടുക്കുകയും അവസരങ്ങൾ തിരിച്ചറിയുകയും സ്വതന്ത്രമായി ഉൽപ്പാദനക്ഷമത സൃഷ്ടിക്കുകയും ചെയ്യുന്നു. അവർ വളരെയധികം ശ്രദ്ധ കേന്ദ്രീകരിക്കുകയും ഏകാഗ്രത നിലനിർത്തുവാനുള്ള കഴിവുള്ളവരും ആണ്. അവർ കഠിനാധ്വാനം നിർത്താതെ തുടരുന്നു. ഒരിക്കലും പിന്തിരിയാതെ...
നിങ്ങളുടെ വിഷന്‍ ബോര്‍ഡ് എങ്ങനെ ചിട്ടയോടുകൂടി ഉണ്ടാക്കാം?
നിങ്ങളുടെ സ്വപ്നങ്ങളെ യാഥാര്‍ത്ഥ്യമാക്കുന്നത് പൂര്‍ണ്ണമായും സാധ്യമാണെന്ന് ഓപ്ര വിന്‍ഫ്രിയെപ്പോലുള്ള പ്രശസ്തര്‍ പറഞ്ഞിട്ടുണ്ട്. അതിനെ അവര്‍ മാനിഫെസ്റ്റേഷന്‍ എന്ന പേരിട്ട് വിളിക്കുന്നു. ഇത് ഒരു മായാജാലമോ രഹസ്യമോ അല്ല. ഒറ്റ രാത്രി കൊണ്ട് സംഭവിക്കുന്നതുമല്ല ഇത്. മാനിഫെസ്റ്റേഷന്‍ കൊണ്ടുള്ള വിജയത്തിനായി, നിങ്ങളുടെ ഉദ്ദേശം സജ്ജീകരിക്കുകയും അത് യാഥാര്‍ത്ഥ്യമാകുമെന്ന് വിശ്വസിക്കുകയും ആ അമൂര്‍ത്തമായ ആശയം യാഥാര്‍ത്ഥ്യമാക്കുന്നതിന് സജീവമായ നടപടികള്‍ കൈക്കൊള്ളുകയും വേണം. അത്തരത്തില്‍ ഒരു ഉപകരണമാണ് വിഷന്‍ ബോര്‍ഡ്. നിങ്ങളുടെ ലക്ഷ്യങ്ങള്‍ എന്തായിരുന്നാലും- എങ്ങനെ റിലാക്സ് ആയി ഇരിക്കാം, എങ്ങനെ ക്ഷമാശീലം വളര്‍ത്താം, ബന്ധങ്ങള്‍ മെച്ചപ്പെടുത്താന്‍, ഇഷ്ടപ്പെടുന്ന ജോലി കണ്ടെത്താന്‍- അതൊക്കെ സാധ്യമാക്കിയെടുക്കാന്‍ വിഷന്‍ ബോര്‍ഡ് ഒരു മികച്ച ഉപകരണമാണ്. ## വിഷന്‍ ബോര്‍ഡ് എന്നാല്‍ എന്ത്?  ഒരു വിഷന്‍ ബോര്‍ഡ് എന്നത് നിങ്ങളുടെ ജീവിതത്തില്‍ നിങ്ങള്‍ ആകാന്‍ ആഗ്രഹിക്കുന്ന, ചെയ്യാന്‍ ആഗ്രഹിക്കുന്ന അല്ലെങ്കില്‍ ഉണ്ടായിരിക്കാന്‍ ആഗ്രഹിക്കുന്ന കാര്യങ്ങളുടെ ചിത്രങ്ങളുടെയോ സൂചനയുടെയോ ഒരു കൊളാഷ് ആണ്. നിങ്ങള്‍ക്ക് മാഗസിന്‍ കട്ട് ഔട്ടുകള്‍, ഡ്രോയിങ്ങുകള്‍. എഴുത്തുകള്‍, ഫോട്ടോകള്‍ അല്ലെങ്കില്‍ നിങ്ങളുടെ ലക്ഷ്യത്തെക്കുറിച്ച് നിങ്ങളെ ഓര്‍മിപ്പിക്കുന്ന മറ്റേതെങ്കിലും കാര്യങ്ങളും ഇതിനുവേണ്ടി ഉപയോഗിക്കാം. വിഷന്‍ ബോര്‍ഡുകളുടെ കാര്യത്തില്‍ യഥാര്‍ത്ഥത്തില്‍ നിയമങ്ങളൊന്നുമില്ല. കാരണം അത് ദൈനംദിന അടിസ്ഥാനത്തില്‍ നിങ്ങളുടെ സ്വപ്നങ്ങളും ലക്ഷ്യങ്ങളും സാക്ഷാത്കരിക്കാന്‍ നിങ്ങളെ പ്രചോദിപ്പിക്കുന്ന എന്തെങ്കിലും ക്രാഫ്റ്റ് ചെയ്യുന്നതിനെക്കുറിച്ചാണ്. ചില വിഷന്‍ ബോര്‍ഡുകള്‍ ഒരു ആശയത്തില്‍ ഊന്നിയതായിരിക്കാം, എന്നാല്‍ മറ്റ് ചിലത് നിങ്ങളുടെ ഭാവി എങ്ങനെയായിരിക്കണമെന്ന് നിങ്ങള്‍ ആഗ്രഹിക്കുന്നതിന്‍റെ വലിയ ചിത്രത്തിലേക്ക് ഊന്നിയതായിരിക്കാം. ## വിഷ്വല്‍ ബോര്‍ഡ് സ്വപ്നങ്ങള്‍ യാഥാര്‍ത്ഥ്യമാക്കുമോ?  മനശാസ്ത്ര ഗവേഷണ പ്രകാരം, വിഷ്വലൈസേഷന്‍ പോലുള്ള മാനസിക പരിശീലനങ്ങള്‍, പ്രചോദനവും ആത്മവിശ്വാസവും വര്‍ദ്ധിപ്പിക്കാന്‍ ഉത്തമമാണ്. ഒരു പഠനത്തില്‍ കായിക താരങ്ങളില്‍ വിഷ്വലൈസേഷന്‍ ശാരീരിക പരിശീലനം പോലെ തന്നെ ഫലപ്രദമാണെന്ന് ഗവേഷകര്‍ കണ്ടെത്തി. നിങ്ങളുടെ ലക്ഷ്യങ്ങള്‍ വിഷ്വലൈസ് ചെയ്യുന്നത്, നിങ്ങളുടെ സ്വപ്ന ജീവിതം സൃഷ്ടിക്കുന്നതിന് ലക്ഷ്യങ്ങള്‍ സജീകരിക്കാനും നിങ്ങളുടെ മാനസികാവസ്ഥ രൂപപ്പെടുത്താനും സഹായിക്കുന്ന ശക്തമായ ഉപകരണമാണ്. വിഷ്വലൈസേഷന്‍ എന്നത് വെറുതെ ഒരു ബോര്‍ഡില്‍ ചിത്രം വച്ച് നിങ്ങള്‍ക്ക് വേണ്ടത് മാനിഫെസ്റ്റ് ചെയ്യുകയോ ആകര്‍ഷണ നിയമം ഉപയോഗിക്കുകയോ ചെയ്യുന്നതല്ല. ഇതെല്ലാം തലച്ചോറിന്‍റെയും പ്രവര്‍ത്തനം ഉള്‍ക്കൊണ്ടിരിക്കുന്നു. നിങ്ങളുടെ തലയിലെ ഒരു അരിപ്പയാണ് റെക്റ്റിക്കുലര്‍ ആക്റ്റിവേഷന്‍ സിസ്റ്റം (ആര്‍എഎസ്). നിങ്ങളുടെ വിഷന്‍ ബോര്‍ഡിലെ ചിത്രങ്ങള്‍ നിരന്തരം കാണുന്നതിലൂടെ നിങ്ങള്‍ ആഗ്രഹിക്കുന്ന കാര്യങ്ങളില്‍ ശ്രദ്ധ കേന്ദ്രീകരിക്കുകയും നിങ്ങള്‍ക്ക് ആവശ്യമില്ലാത്ത കാര്യങ്ങള്‍ അരിച്ചെടുക്കാന്‍ നിങ്ങളുടെ തലച്ചോറിനെ സഹായിക്കുകയും ചെയ്യുന്നു. നിങ്ങൾ ഒരു വിഷ്വല്‍ ബോര്‍ഡ് സൃഷ്‌ടിച്ച് അത് ഇടയ്‌ക്കിടെ കാണുന്ന ഒരു സ്ഥലത്ത് സ്ഥാപിക്കുമ്പോൾ, നിങ്ങൾ അറിയാതെ തന്നെ ദിവസം മുഴുവനും വിഷ്വലൈസേഷനും നിങ്ങളുടെ ലക്ഷ്യത്തിനെ ക്രമീകരിക്കുന്ന വ്യായാമങ്ങളും ചെയ്യുന്നു. ഒരു വിഷൻ ബോർഡ് സൃഷ്ടിക്കുന്നത് നിങ്ങളുടെ ലക്ഷ്യങ്ങൾ കാണാനും ദൈനംദിന അടിസ്ഥാനത്തിൽ അവയിൽ എത്തിച്ചേരാനുള്ള ഒരു മാനസികാവസ്ഥ വികസിപ്പിക്കാനുമുള്ള മാര്‍ഗം നല്‍കുന്നു. ## എങ്ങനെ ഒരു വിഷ്വല്‍ ബോര്‍ഡ് ഉണ്ടാക്കാം?  വിഷ്വല്‍ ബോര്‍ഡിന്‍റെ ഗുണങ്ങള്‍ അറിഞ്ഞ സ്ഥിതിക്ക് അതെങ്ങനെ നല്ല രീതിയില്‍ നമ്മുടെ ലക്ഷ്യത്തിലേക്ക് എത്തുന്ന രീതിയില്‍ ഉണ്ടാക്കാം എന്ന് നോക്കാം. ### 1. 10 മിനിറ്റ് വിഷ്വലൈസേഷന്‍ ചെയ്യാം വിഷ്വല്‍ ബോര്‍ഡ് തയ്യാറാക്കാനായി ആദ്യമായി വേണ്ടത് നിങ്ങള്‍ക്ക് എന്താണ് ജീവിതത്തില്‍ വേണ്ടതെന്നും എവിടെയാണ് എത്തേണ്ടത് എന്നതുമായ ഉത്തമ ബോധ്യമാണ്. അതിനായി ഒരു നിമിഷം സ്വയം ചിന്തിക്കുക, നിങ്ങൾക്ക് ഏറ്റവും പ്രധാനപ്പെട്ടത് എന്താണെന്ന് കണ്ടെത്തുക. ശാന്തമായ ഒരു സ്ഥലത്ത് നിങ്ങളുടെ ചിന്തകൾ സ്പഷ്ടമാക്കാനും ശാന്തമായ സംഗീതം സജ്ജീകരിക്കാനും കുറച്ച് സമയമെടുക്കുക. ഇത് ശാന്തവും ധ്യാനാത്മകവുമായ അനുഭവമായിരിക്കണം. നിങ്ങൾക്ക് ഇത് ചെയ്യാൻ 5-10 മിനിറ്റോ അല്ലെങ്കിൽ ആവശ്യമുള്ളിടത്തോളം സമയമോ എടുക്കാം. - ഒരു പേനയും പേപ്പറും എടുക്കുക - മനസ്സ് ശാന്തമാക്കാന്‍ കുറച്ച് ആഴത്തിലുള്ള ശ്വാസം എടുത്ത് വിടുക. മനസ്സ് ശാന്തമാകുന്നതുവരെ ഇത് തുടരുക. - നിങ്ങളോട് തന്നെ ചോദ്യങ്ങള്‍ ചോദിക്കുക. - എന്‍റെ ജീവിതം എങ്ങനെ ആയിരിക്കണം? - എന്‍റെ വീട് എങ്ങനെ ഇരിക്കണം? - എന്‍റെ ഭക്ഷണവും ആഹാര രീതികളും എങ്ങനെ ആയിരിക്കണം? - എന്തൊക്കെ കാര്യങ്ങള്‍ ജീവിതത്തില്‍ കൂടുതലായി ചെയ്യാനുണ്ട്? - ശാരീരികപരമായി എങ്ങനെയാകണം? - ഓരോ ദിവസവും എനിക്കു എങ്ങനെ അനുഭവപ്പെടണം? - അടുത്ത വർഷം എന്ത് സാമ്പത്തിക, തൊഴിൽ ലക്ഷ്യങ്ങളാണ് ഞാൻ കൈവരിക്കാൻ ആഗ്രഹിക്കുന്നത്? - അടുത്ത വർഷത്തെ എന്‍റെ സ്വപ്ന യാത്രാ സ്ഥലം ഏതാണ്? - മനസ്സില്‍ തോന്നുന്നത് കുറിച്ചിടുക. ഒരു ചോദ്യം നിങ്ങളെ സംബന്ധിക്കുന്നതല്ലെങ്കില്‍ അത് വിടുക. മറ്റൊരു ചോദ്യത്തിന് ഉത്തരം കണ്ടെത്തുക. നിങ്ങളോട് തന്നെ വീണ്ടും വേറെ ചോദ്യങ്ങളും ചോദിച്ച് ഉത്തരം കണ്ടെത്തുക. ഒരു മികച്ച വിഷ്വല്‍ ബോർഡ് നിർമ്മിക്കുന്നതിനുള്ള രഹസ്യം നിങ്ങളുടെ ലക്ഷ്യങ്ങൾ കൈയക്ഷരത്തിലൂടെ പ്രകടിപ്പിക്കുക എന്നതാണ്. കയ്യക്ഷരങ്ങളില്‍ ലക്ഷ്യങ്ങള്‍ എഴുതി വയ്ക്കുന്നതിന് ഒരു ഊര്‍ജ്ജസ്വലമായ ഒരു സ്വഭാവമുണ്ട്. ഒരു വിഷൻ ബോർഡ് സൃഷ്ടിക്കാൻ കലാപരമായ കഴിവ് ഉണ്ടായിരിക്കണമെന്നില്ല. വ്യക്തവും പോസിറ്റീവുമായ വീക്ഷണത്തോടെ ആരംഭിക്കാൻ വിഷന്‍ ബോര്‍ഡ് സഹായിക്കുന്നു എന്നേയുള്ളൂ. നിങ്ങളോട് തന്നെ ചോദ്യങ്ങള്‍ ചോദിക്കുമ്പോള്‍ ചിലപ്പോള്‍ ഉത്തരങ്ങള്‍ പെട്ടെന്നു കിട്ടിയേക്കാം, ചിലപ്പോള്‍ സമയം എടുത്തേക്കാം. ഉത്തരങ്ങള്‍ സ്പഷ്ടമാക്കി എടുക്കാന്‍ നിരവധി മാര്‍ഗങ്ങള്‍ ഉണ്ട്. ജേര്‍ണലിങ്, ചിത്രം വര, ധ്യാനം, സംഗീതം അങ്ങനെ നിങ്ങളുടെ ഉള്ളിലുള്ള ആഗ്രഹങ്ങളെ പുറത്തുകൊണ്ടുവരുന്ന എന്തും നിങ്ങള്‍ക്ക് ഉപയോഗിക്കാം. നിങ്ങളുടെ ബോർഡ് ഒരു കാര്യത്തില്‍ ആരംഭിച്ച് തികച്ചും വ്യത്യസ്തമായ രീതിയിൽ പൂർത്തിയാക്കുകയാണെങ്കിൽ നിരുത്സാഹപ്പെടരുത്, അതിനെ സർഗ്ഗാത്മക പ്രക്രിയ എന്ന് വിളിക്കുന്നു, അത് വളരെ പ്രധാനമാണ്. നിങ്ങളുടെ ബോർഡ് സൃഷ്‌ടിക്കുന്നതിലൂടെ നിങ്ങളെക്കുറിച്ച് നിങ്ങൾ കണ്ടെത്തുന്നതിൽ നിങ്ങൾ ആശ്ചര്യപ്പെട്ടേക്കാം. ### 2. വിഷന്‍ ബോര്‍ഡ് രൂപരേഖ തയ്യാറാക്കാം അടുത്തതായി ചെയ്യേണ്ടത് നിങ്ങളുടെ വിഷന്‍ ബോര്‍ഡിന് ഒരു രൂപരേഖ തയ്യാറാക്കുക എന്നതാണ്. വിഷ്വല്‍ ബോര്‍ഡില്‍ എന്തൊക്കെ വരണം എന്നത് ഇവടെ തീരുമാനിക്കാം. ഒരു വിഷൻ ബോർഡ് സൃഷ്ടിക്കുന്നതിനുള്ള ഒരു പ്രധാന നിയമം, നിയമങ്ങളൊന്നുമില്ല എന്നതാണ്! നിങ്ങളുടെ ഏറ്റവും വലിയ സ്വപ്നങ്ങളില്‍ ശ്രദ്ധ കേന്ദ്രീകരിക്കുന്നതിനുള്ള രസകരവും ക്രിയാത്മകവുമായ സമയമായിരിക്കണം ഇത്. നിങ്ങളെ പ്രേരിപ്പിക്കുന്നതും പ്രചോദിപ്പിക്കുന്നതുമായ എന്തും നിങ്ങളുടെ ബോർഡിൽ ഉൾപ്പെടുത്താം. നിങ്ങളുടെ ജീവിതം എങ്ങനെയായിരിക്കണമെന്ന് നിങ്ങൾ ആഗ്രഹിക്കുന്നു എന്നതിന്‍റെ ഒരു വിഷ്വൽ പ്രാതിനിധ്യമായിരിക്കണം അത്. നിങ്ങളുടെ ബോർഡിന്‍റെ ഉദ്ദേശ്യം അതിലുള്ളതെല്ലാം പ്രാവര്‍ത്തികമാക്കുക എന്നതാണ്. ഒരു വിഷൻ ബോർഡ് കിറ്റ് ഇപ്പോള്‍ വിപണിയില്‍ വാങ്ങാന്‍ ലഭിക്കുന്നുണ്ടെങ്കിലും, നിങ്ങളുടെ സ്വന്തം വിഷൻ ബോർഡ് സൃഷ്ടിക്കുന്നത് ഒരു പ്രത്യേക അനുഭവമായിരിക്കും. നിങ്ങളുടേതായവ സൃഷ്ടിക്കുന്നത് യഥാർത്ഥത്തിൽ പിന്തുടരാനും കൂടുതൽ ലക്ഷ്യങ്ങൾ സ്വപ്നം കാണാനും നിങ്ങളെ കൂടുതല്‍ പ്രേരിപ്പിക്കും. ഏതില്‍ നിന്നും നിങ്ങള്‍ക്ക് ആശയങ്ങള്‍ സ്വരുക്കൂട്ടാം. ചിത്രങ്ങള്‍, ഇഷ്ടപ്പെട്ട ഉദ്ധരണികള്‍, ഓര്‍മ്മകള്‍, പോസ്റ്റ് കാര്‍ഡുകള്‍ ഒക്കെ ഇതിനായി ഉപയോഗിക്കാവുന്നതാണ്. - മാഗസിന്‍ ചിത്രങ്ങള്‍ : നിങ്ങൾക്ക് എങ്ങനെ തോന്നണമെന്ന് പ്രതിനിധീകരിക്കുന്ന മാഗസിൻ കട്ട്ഔട്ടുകൾ, നിങ്ങൾ എവിടെയ്ക്കാണ് യാത്ര ചെയ്യാൻ ആഗ്രഹിക്കുന്നത് അല്ലെങ്കിൽ നിങ്ങൾ ആഗ്രഹിക്കുന്ന ഏത് കാര്യവും നിങ്ങളുടെ ബോർഡിലേക്ക് ചേർക്കുന്നതിന് അനുയോജ്യമാണ്. ഫാഷൻ മാഗസിനുകൾ, ലൈഫ്‌സ്‌റ്റൈൽ മാഗസിനുകൾ, ട്രാവൽ മാഗസിനുകൾ എന്നിങ്ങനെ ഏത് മാസികയിൽ നിന്നും ഇവ ആകാം. - ഫോട്ടോകള്‍ : ഓണ്‍ലൈനില്‍ നിന്നും എടുത്തതോ അല്ലെങ്കില്‍ നിങ്ങളുടെ കയ്യില്‍ നേരത്തെ ഉള്ള ചിത്രങ്ങളോ ഉപയോഗിക്കാം. നിങ്ങളുടെ ജീവിതം എങ്ങനെയായിരിക്കണമെന്ന് നിങ്ങൾ ആഗ്രഹിക്കുന്നുവെന്ന് പ്രതിനിധീകരിക്കുന്ന ഏതെങ്കിലും ചിത്രങ്ങൾ ഉപയോഗിക്കുക. - പ്രചോദനാത്മകമായ ഉദ്ധരണികള്‍ : പുസ്തകങ്ങളില്‍ നിന്നോ സിനിമകളില്‍ നിന്നോ ഉള്ള നിങ്ങളുടെ ജീവിതത്തെ പ്രചോദിപ്പിക്കുന്ന ഉദ്ധരണികള്‍ നിങ്ങള്‍ക്ക് ഉപയോഗിക്കാം. `_BANNER_` ### 3. വേണ്ട സാധങ്ങള്‍ ശേഖരിക്കാം അടുത്തതായി ഒരു വിഷ്വല്‍ ബോര്‍ഡ് നിര്‍മ്മിക്കാനുള്ള സാധനങ്ങള്‍ ശേഖരിച്ചു വയ്ക്കാം. അതിനായി വേണ്ട സാധനങ്ങള്‍… **ബോര്‍ഡ്** ആദ്യമായി ഒരു വിഷന്‍ ബോര്‍ഡ് ഉണ്ടാക്കുകയാണെങ്കില്‍ തെര്‍മോകോള്‍ കൊണ്ടോ കാര്‍ഡ് ബോര്‍ഡ് കൊണ്ടോ ഒരു ബോര്‍ഡ് നിര്‍മ്മിക്കാവുന്നതാണ്. അതില്‍ നമ്മള്‍ ശേഖരിച്ചു വച്ചിരിക്കുന്ന ചിത്രങ്ങളും മറ്റും ഒട്ടിച്ചു വയ്ക്കാവുന്നതാണ്. അല്ലെങ്കില്‍ ഒരു പിന്‍ ബോര്‍ഡ് വാങ്ങിക്കാം. ഇപ്പോള്‍ വിപണിയില്‍ സുലഭമായി ലഭിക്കുന്നതാണ്. അതില്‍ ചിത്രങ്ങളും മറ്റും പിന്‍ ചെയ്തു വയ്ക്കാം. പിന്‍ ബോര്‍ഡ് ആവുമ്പോള്‍ വിഷന്‍ ബോര്‍ഡ് ഇടയ്ക്കിടയ്ക്ക് മാറ്റം വരുത്താനും എളുപ്പമായിരിക്കും. **അലങ്കാര വസ്തുക്കള്‍** ചിലര്‍ക്ക് തങ്ങളുടെ വിഷന്‍ ബോര്‍ഡ് അലങ്കരിക്കാനും ഒക്കെ ഇഷ്ടമാണ്. അങ്ങനെയുള്ളവരാണെങ്കില്‍ അലങ്കാരത്തിനുള്ള തോരണങ്ങളും സ്റ്റിക്കറുകളും ഉപയോഗിക്കാവുന്നതാണ്. **ആശയ സാധനങ്ങള്‍** വിഷന്‍ ബോര്‍ഡിലേക്ക് വയ്ക്കേണ്ടുന്ന നിങ്ങളുടെ ആശയങ്ങള്‍ പ്രകടമാക്കുന്ന ചിത്രങ്ങളും, ഉദ്ധരണികളും ഒക്കെ ശേഖരിച്ചു തയ്യാറാക്കി വയ്ക്കുക. വിഷന്‍ ബോര്‍ഡിലെ പ്രധാന ഘടകമാണ് ഇത്. **മറ്റ് ആവശ്യ വസ്തുക്കള്‍** ചിത്രങ്ങളും ഉദ്ധരണികളും തോരണങ്ങളും വിഷന്‍ ബോര്‍ഡില്‍ ഒട്ടിച്ചു വയ്ക്കാനും മറ്റുമായി ആവശ്യമായി വേണ്ടി വരുന്ന കാര്യങ്ങള്‍ എടുത്തുവയ്ക്കണം. കത്രിക, ടേപ്പ്, പിന്‍, പശ അങ്ങനെ ആവശ്യമുള്ള എല്ലാം എടുത്തുവയ്ക്കുക. ### 4. വിഷന്‍ ബോര്‍ഡ് തയ്യാറാക്കാം ഇപ്പോൾ, നിങ്ങളുടെ വിഷൻ ബോർഡ് യഥാർത്ഥത്തിൽ സൃഷ്ടിക്കാൻ നിങ്ങൾ തയ്യാറാണ്. ഒരു വിഷൻ ബോർഡ് എങ്ങനെ നിർമ്മിക്കാമെന്ന് നോക്കാം. **മനസ്സ് ശാന്തമാക്കുക** നിങ്ങള്‍ നിങ്ങളുടെ വിഷന്‍ ബോര്‍ഡ് തയ്യാറാക്കാന്‍ പോവുകയാണ്. അത് കുറ്റമറ്റതായി ചെയ്യണമെങ്കില്‍ നിങ്ങളുടെ മനസ്സ് ശാന്തവും തെളിമയാര്‍ന്നതുമാകണം. ലളിതമായ ഗാനം കേട്ടുകൊണ്ടോ ഒരു സുഗന്ധ മെഴുതുതിരി കത്തിച്ചുവച്ചുകൊണ്ടോ മനസ്സിനെ ശാന്തമാക്കി വിഷന്‍ ബോര്‍ഡ് തയ്യാറാക്കുന്നതിനെ കുറിച്ച് ചിന്തിക്കാം. **വ്യത്യസ്ഥ ലേയൌട്ടുകള്‍ പരീക്ഷിക്കുക** നിങ്ങളുടെ ചിത്രങ്ങൾ നിങ്ങളുടെ ബോർഡിൽ വച്ച് നോക്കുക. എന്നാൽ ഇപ്പോള്‍ തന്നെ പശ തേച്ച് ഒട്ടിക്കരുത്. പല പല രീതിയില്‍ വച്ച് നോക്കി ഇഷ്ട്ടപ്പെടുന്ന ഒരു മാതൃക കണ്ടെത്തുക. ചില ആളുകൾ ഓരോ വിഭാഗവും വ്യത്യസ്തമായ ലക്ഷ്യത്തോടെ അവരുടെ ബോർഡ് ക്രമീകരിക്കുന്നു, ചിലർ കൂടുതൽ അടുക്കും ചിട്ടയുമുള്ളതിനെ സൃഷ്ടിക്കുന്നു, ചിലർ കൂടുതൽ ക്രമരഹിതമായ സമീപനം ഉപയോഗിക്കുന്നു. വലിയ ചിത്രങ്ങൾ പശ്ചാത്തലമായി ഉപയോഗിച്ചു മുന്നില്‍ ചെറിയ ചിത്രങ്ങള്‍ വയ്ക്കുന്നത് ഒരു നല്ല സമീപനമായിരിക്കും. ബോര്‍ഡ് തയ്യാറാക്കാന്‍ "ശരിയായ വഴി" എന്നൊന്നില്ല, അതിനാൽ നിങ്ങൾക്ക് അനുയോജ്യമെന്ന് തോന്നുന്നതെന്തും ചെയ്യുക. നിങ്ങൾ ഇഷ്ടപ്പെടുന്ന പോലെ സർഗ്ഗാത്മകത പുലർത്തുക. **ബോര്‍ഡ് സൃഷ്ടിക്കുക** നിങ്ങളുടെ ബോർഡ് നിങ്ങളുടെ വികാരങ്ങളുമായി പ്രതിധ്വനിക്കുകയും നിങ്ങളുടെ വിഷൻ ബോർഡുമായി നിങ്ങള്‍ക്ക് ഒരു വൈകാരിക ബന്ധം നൽകുകയും വേണം. ക്രമീകരണത്തിൽ നിങ്ങൾ സംതൃപ്തിയായ ശേഷം നിങ്ങളുടെ എല്ലാ ചിത്രങ്ങളും ഒട്ടിക്കുക. നിങ്ങൾക്ക് അതിൽ പെയിന്‍റ് ചെയ്യാം, അല്ലെങ്കിൽ മാർക്കറുകൾ ഉപയോഗിച്ച് വാക്കുകൾ എഴുതാം, സ്റ്റിക്കറുകൾ ചേർക്കാം, അല്ലെങ്കിൽ നിങ്ങളുടെ കാഴ്ചയെക്കുറിച്ച് നിങ്ങളെ ഏറ്റവും ആവേശഭരിതരാക്കുന്ന മറ്റെന്തു വേണമെങ്കിലും ചെയ്യാം. ### 5. വിഷന്‍ ബോര്‍ഡിന് ജീവന്‍ നല്‍കാം നിങ്ങളുടെ മാനസികാവസ്ഥ മെച്ചപ്പെടുത്തുന്നതിനും നിങ്ങളുടെ സ്വയം അവബോധം മെച്ചപ്പെടുത്തുന്നതിനുമുള്ള നിങ്ങളുടെ ടൂൾബോക്സിലെ മറ്റൊരു ഉപകരണമാണ് വിഷൻ ബോർഡ്. വിഷൻ ബോർഡ് നിര്‍മ്മാണം കഴിഞ്ഞാല്‍ അത് എന്നും കാണുന്ന ഒരു സ്ഥലത്ത് സ്ഥാപിക്കുക എന്നതാണ് പ്രധാനം. അതിനായി ഒരു പ്രത്യേക സ്ഥലം കണ്ടെത്തുക തന്നെ വേണം. ഇത് നിങ്ങളുടെ ഓഫീസിലോ സ്റ്റുഡിയോയിലോ കിടക്കയുടെ അരികിലോ സ്ഥാപിക്കാം, അതുവഴി നിങ്ങൾക്ക് ഇത് ദിവസവും കാണാൻ കഴിയും. അല്ലെങ്കിൽ, ഇത് നിങ്ങളുടെ കംപ്യൂട്ടറിലെയോ ഫോണിലേയോ സ്ക്രീൻസേവർ ആക്കാം. എല്ലാ ദിവസവും നിങ്ങളുടെ ബോർഡിൽ നോക്കി കുറച്ച് സമയം ചിലവഴിക്കുക, അതുവഴി നിങ്ങളുടെ അബോധ മനസ്സിന് നിങ്ങളുടെ ലക്ഷ്യങ്ങൾ കൂടുതൽ മനസ്സിലാക്കി കൊടുക്കാന്‍ സാധിക്കും. നിങ്ങളുടെ വിഷന്‍ ബോര്‍ഡ് നിങ്ങളുടെ ലക്ഷ്യത്തിനെക്കുറിച്ചുള്ള ആഴത്തിലുള്ള ചിത്രം പ്രകടമാക്കുന്നതായിരിക്കണം. നിങ്ങളുടെ ജീവിതത്തിൽ സംഭവിക്കാവുന്ന എല്ലാ അത്ഭുതങ്ങളിലേക്കും നിങ്ങളുടെ മനസ്സ് തുറക്കുക!